ABSDF ခေါင်းဆောင်တွေ ပြည်တွင်းခရီးစဉ် သတင်းစာရှင်းလင်းပွဲ ကျင်းပ

မြန်မာနိုင်ငံလုံးဆိုင်ရာကျောင်းသား များ ဒီမိုကရက်တစ်တပ်ဦး(ABSDF) ဥက္ကဌ ဦးသံခဲ ဦးဆောင်တဲ့အဖွဲ့ဝင် ၉ဦးပါ ကိုယ်စားလှယ်အဖွဲ့ဟာ ၂၄နှစ် တာကာလအတွင်း မြန်မာနိုင်ငံကို ပထမဦးဆုံး အကြိမ် လာရောက်တဲ့ သီတင်းနှစ်ပတ်ကျော် ခရီးစဉ်နဲ့ပတ်သက်ပြီး ဒီကနေ့ မနက်ပိုင်းက ရန်ကုန်မြို့၊ ကမာရွတ်မြို့နယ်၊ ရွှေလီလမ်းမှာ ရှိတဲ့ မြန်မာငြိမ်းချမ်းရေးစင်တာမှာ သတင်းစာ ရှင်းလင်းပွဲ ကျင်းပခဲ့ပါတယ်။

Photo: RFA/Thiha Tun

မြန်မာနိုင်ငံလုံးဆိုင်ရာ ဒီမိုကရက်တစ်တပ်ဦး ABSDF အဖွဲ့ရဲ့ သတင်းစာရှင်းလင်းပွဲတစ်ခုကို ရန်ကုန်မြို့ မြန်မာငြိမ်းချမ်းရေးစင်တာမှာ ဇန်နဝါရီ ၃ရက်နေ့က ကျင်းပစဉ်

မြန်မာနိုင်ငံခရီးစဉ်ကို လာရောက်ရတဲ့ ရည်ရွယ်ချက်တွေ အောင်မြင်ခဲ့တယ်လို့ ABSDF ဥက္ကဌ ဦးသံခဲက သတင်းစာရှင်းလင်းပွဲမှာ ပြောခဲ့ပါတယ်။

"ကျနော်တို့ ခရီးစဉ်က ရည်ရွယ်ချက်သုံးချက်နဲ့ လာခဲ့တာဖြစ်ပါတယ် (၁)ဒီခရီးစဉ်အတွင်းမှာ နိုင်ငံတော်သမ္မတ ဦးသိန်းစိန် ဦးဆောင်ဖော်ဆောင်နေတဲ့ ပြုပြင်ပြောင်းလဲရေးတွေကို လေ့လာဖို၊့ (၂)မကဒတရဲ့ အနာဂတ်နိုင်ငံရေး အခန်းကဏ္ဍအတွက် အမြင်သဘောထားတွေကို စုစည်းဖို့၊ (၃)၂၄နှစ် ၂၅နှစ်တိုင်တိုင် ဝေးကွားနေခဲ့ကြတဲ့ မိသားစုတွေ မကဒတရဲဘော်ဟောင်းတွေနဲ့ တွေ့ဆုံဖို့ဖြစ်ပါတယ်၊ ကျနော်တို့အနေနဲ့ ၂ပတ်ကျော်ကြာပြီးမှာ ခရီးစဉ်ရည်ရွယ်ချက် ၃ချက်စလုံးကို အများစုအကောင်အထည်ဖော်နို်င်ခဲ့တာမို့ ဒီခရီးစဉ်အပေါ် ကျနော်တို့ အားရကျေနပ်မိပါတယ်"
အစိုးရရဲ့ ပြုပြင်ပြောင်းလဲမှုတွေ၊ နိုင်ငံတော်တည်ဆောက်ရေးနဲ့ ငြိမ်းချမ်းရေး ဖော်ဆောင်တဲ့လုပ်ငန်းစဉ်တွေမှာ ABSDF အနေနဲ့ ထိထိရောက်ရောက် ပါဝင်ဆောင်ရွက်လိုတဲ့ သဘောထားအပြည့်အဝရှိတယ်လို့လည်း ဦးသံခဲ က ပြောပါတယ်။
ဒီကနေ့ အခမ်းအနားမှာ ABSDF ဥက္ကဌ ဦးသံခဲ၊ အထွေထွေအတွင်းရေးမှူး ဦးဆန်နီ၊ ဒေါ်မိဆူးပွင့်အပါအဝင် အဖွဲ့ဝင်ကိုယ်စားလှယ် ၅ဦးဟာ သတင်းမီဒီယာသမားတွေရဲ့ မေးမြန်းချက်တွေကို ပြန်လည်ဖြေကြားပေးခဲ့ပါတယ်။

http://www.rfa.org/burmese/news/absdf-press-release-01032013040215.html

အပြည့်အစုံသို့... »

ကချင်တိုက်ပွဲ ဝင်ပါခြင်းသည် ခုခံခြင်းဟု ABSDF ဆို

ရန်ကုန်မြို့ မြန်မာငြိမ်းချမ်းရေးစင်တာတွင် ပြုလုပ်သော ABSDF ၏ သတင်းစာရှင်းလင်းပွဲ

ကချင်ပြည်နယ် တိုက်ပွဲများတွင် ကချင်လွတ်လပ်ရေး တပ်မတော် (KIA) နှင့် ပူးပေါင်း တိုက်ပွဲဝင်နေသည်မှာ တပ်မတော်အနေဖြင့် မိမိတို့ စခန်းများ အခြေစိုက်ထားသော ယင်းဒေသကို ထိုးစစ်ဆင်နေသောကြောင့် ပြန်လည်ခုခံခြင်းသာဖြစ်ကြောင်းနှင့် နိုင်ငံရေးပြဿနာကို နိုင်ငံရေး စကားပြောခြင်းဖြင့် ဖြေရှင်းရန် လိုလားကြောင်း ယနေ့ ရန်ကုန်မြို့ မြန်မာ့ငြိမ်းချမ်းရေးစင်တာတွင် ပြုလုပ်သော သတင်းစာရှင်းလင်းပွဲတွင် ABSDF ကျောင်းသားတပ်မတော်ဟု လူသိများခဲ့သော မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (မကဒတ) က ပြောကြားခဲ့သည်။
“မြောက်ပိုင်း ကချင်ဒေသမှာ ကျောင်းသားတပ်မတော်က ရှိနေပါတယ်။ တချိန်တည်းမှာပဲ အဲဒီလို ထိုးစစ်တွေရှိနေတဲ့ နေရာတိုင်းမှာ မကဒတ ကျောင်းသားတပ်မတော်ဟာ ရှိနေတဲ့အတွက် တိုက်ပွဲတွေထဲမှာ ပါ၀င်နေရတာ။ ဘာကြောင့်လဲ ဆိုရင် မကဒတက အပစ်အခတ်ရပ်စဲရေးကို သဘောတူညီချက် ယူထားတဲ့ အဖွဲ့မဟုတ်လို့ဘဲ ဖြစ်ပါတယ်။ ခုလက်ရှိ ခုခံစစ်၊ ထိုးစစ်တွေလုပ်နေတဲ့ ဒေသမှာ ရှိနေတဲ့အတွက်  ပါ၀င်တိုက်ပွဲ ဆင်နေရမှာပဲဖြစ်တယ်။ တဘက်မှာ မကဒတ ဗဟို ကော်မတီအဖွဲ့အနေနဲ့ အစိုးရရဲ့ ငြိမ်းချမ်းရေး ဖော်ဆောင်ရေး လုပ်ငန်းစဉ်တွေမှာ ပူးပေါင်းပါ၀င်ဖို့ ကြိုးစား လုပ်ဆောင်နေခြင်းဟာလည်း လက်နက်ကိုင်ပြီး တိုက်ပွဲဝင်တဲ့ အဖွဲ့အစည်းဖြစ်ပေမယ့် နိုင်ငံရေးပြဿနာကို နိုင်ငံရေး စကားပြောခြင်းနဲ့ဟာ ဖြေရှင်းလိုတဲ့အတွက် ဖြစ်ပါတယ်” ဟု မကဒတ ဗဟိုကော်မတီဝင် ဒေါ်မိဆူးပွင့်က ပြောဆိုခဲ့သည်။
ထို့အပြင် ၈၈ မျိုးဆက်ကျောင်းသားများ၊ လူ့ဘောင်သစ် ဒီမိုကရက်တစ် ပါတီတို့နှင့် ပူးပေါင်းပြီး ပြုပြင်ပြောင်းလဲမှုကို ဦးဆောင်နိုင်မည့် အင်အားစုတရပ် အနေဖြင့် စုစည်း လုပ်ဆောင်သွားမည် ဖြစ်ကြောင်း အဖွဲ့ဥက္ကဋ္ဌ ရဲဘော်သံခဲကလည်း သတင်းထောက်များသို့ ပြောကြားသည်။
“ကျနော်တို့ရဲ့ ဖြတ်သန်းမှုတွေမှာ မတူညီတဲ့ အတွေ့အကြုံတွေ ရှိခဲ့တယ်။ အဲဒီ မတူညီတဲ့ အတွေ့အကြံုတွေကို ကျနော်တို့ ကြားထဲမှာ ဖလှယ်သွားမယ်။ ပြည်တွင်း ငြိမ်းချမ်းရေးနဲ့ အမျိုးသား ပြန်လည် သင့်မြတ်ရေး ဖြစ်စဉ်တွေမှာ ပူးပေါင်း ဆောင်ရွက်သွားမယ်” ဟု ၎င်းက ဆိုသည်။
၂၀၁၃ ခုနှစ် ဇွန်လခန့်တွင် ၈၈ မျိုးဆက်ကျောင်းသားများ၊ လူ့ဘောင်သစ် ဒီမိုကရက်တစ်ပါတီနှင့် မြန်မာနိုင်ငံလုံး ဆိုင်ရာ ကျောင်းသားများဒီမိုကရက်တစ် တပ်ဦးတို့ စုစည်းနိုင်မည်ဟု မျှော်လင့်ကြောင်း ၎င်းက ဆက်ပြောသည်။
ABSDF သည် ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်း ကော်မတီနှင့် ထိုင်းနိုင်ငံတွင် ၂၀၁၂ ခုနှစ် နိုဝင်ဘာလအတွင်းက တွေ့ဆုံခဲ့ပြီး ဒီဇင်ဘာလ ၁၈ ရက်နေ့တွင် မြန်မာနိုင်ငံအတွင်းသို့ ပထမဆုံးအကြိမ် လေ့လာရေးခရီး လာရောက်ခဲ့ခြင်းဖြစ်သည်။ ခရီးစဉ်အတွင်း အစိုးရ တာဝန်ရှိသူများ၊ အမျိုးသား ဒီမိုကရေစီအဖွဲ့ချုပ်နှင့် ၈၈ မျိုးဆက်ကျောင်းသားများ အပါအဝင် ဒီမိုကရေစီအင်အားစုများ ၊ တိုင်းရင်းသား အင်အားစုများ နှင့် တွေ့ဆုံခဲ့ကြောင်း သိရသည်။
အကျဉ်းကျ ခံနေရဆဲဖြစ်သော ABSDF ရဲဘော်များနှင့် ပတ်သတ်၍ ရဲဘော် ကိုသံခဲက “ထောင်ထဲမှာ ရှိနေသေးတဲ့ ကျနော်တို့ ရဲဘော်တွေကို ကျွန်တော်တို့ ကိုယ်စားလှယ် အဖွဲ့ တွေ့ချင်ပါတယ်။ ဒါပေမဲ့ အခြေအနေ အကြောင်းအမျိုးမျိုးကြောင့် အစိုးရဘက်ကနေ မတွေ့ပါနဲ့ ဦးလို့ ဆိုလာတဲ့အတွက် ဒီခရီးစဉ်မှာ မတွေ့နိုင်ခဲ့ပါဘူး။ ဒါပေမဲ့ တွေ့ဆုံဖို့၊ ကျွန်တော်တို့ ရဲဘော်တွေ လွတ်မြောက်ဖို့ ကျနော်တို့ တောင်းဆိုနေပါတယ်” ဟု သတင်းထောက်များကို ပြောကြားသည်။
ပြည်တွင်းငြိမ်းချမ်းရေးနှင့် အမျိုးသား ပြန်လည်သင့်မြတ်ရေးအတွက် အကျဉ်းထောင်များရှိ ယုံကြည်ချက်ကြောင့် အကျဉ်းကျခံနေရသူအားလုံး လွတ်မြောက်ရန် လိုအပ်ပြီး နိုင်ငံရေးအကျဉ်းသား အဖြစ် အသိအမှတ်ပြုခြင်းမခံရသည့် တိုင်းရင်းသား လက်နက်ကိုင် အဖွဲ့အစည်းအသီးသီးမှ အကျဉ်းကျခံနေသူအားလုံး လွတ်မြောက်မှသာ ပြည်တွင်း ငြိမ်းချမ်းရေးဖော်ဆောင်နိုင်မည်ဟု ABSDF က ယုံကြည်သည်ဟု ဆိုသည်။
ABSDF  သည် နယ်စပ် အခြေစိုက် ကျောင်းသားလူငယ် လက်နက်ကိုင် အဖွဲ့အစည်းဖြစ်ပြီး ၁၉၈၈ ခုနှစ် ဒီမိုကရေစီလှုပ်ရှားမှု သွေးထွက်သံယို အကြမ်းဖက်နှိမ်နင်းခံရအပြီး နိုဝင်ဘာလ ၁ ရက်နေ့တွင် စတင်ဖွဲ့စည်းခဲ့သည်။
၁၉၉၀ ပြည့်လွန် နှစ်များအတွင်းက ABSDF မြောက်ပိုင်း တပ်မတော်တွင် ဖြစ်ပွားခဲ့သည့် သတ်ဖြတ်မှုများနှင့် ပတ်သတ်ပြီး အဖြေရှာရန် ဖိအားများရှိလာသည့် အတွက် ထိုဖြစ်စဉ်နှင့် ပတ်သတ်ပြီး အမှုမှန်၊ အဖြစ်မှန် ပေါ်ပေါက်ရေး တရားမျှတရေးအတွက် ၂၀၁၁ ခုနှစ်တွင် စုံစမ်းရေး ကော်မရှင် ဖွဲ့စည်း၍ စစ်ဆေးစေခဲ့ကြောင်း၊ ထို စုံစမ်းရေး ကော်မရှင်က ၂၀၁၃ ခုနှစ် မေလတွင် ဖြစ်စဉ်နှင့် ပတ်သက်ပြီး အစီရင်ခံစာ ထုတ်ပြန်မည်ဖြစ်ကြောင်း သိရသည်။

http://burma.irrawaddy.org/archives/29757

အပြည့်အစုံသို့... »

လက်နက်ကိုင်တိုက်ခိုက်ရင်း အစိုးရနဲ့ ထိတွေ့ဆက်ဆံနေတဲ့ ကျောင်းသားတပ်မတော်

ကချင်ပြည်နယ်မှာ တိုက်ပွဲတွေဖြစ်နေတာဟာ လက်ရှိ ပဋိပက္ခတွေကို မီးမောင်းထိုးပြနေတာ ဖြစ်တယ်လို့ မြန်မာနိုင်ငံ ကျောင်းသားများ ဒီမိုကရက်တစ် တပ်ဦး(မကဒတ)ရဲ့ ဥက္ကဌ ကိုသံခဲက ပြောပါတယ်။
မကဒတဟာ တဘက်မှာ လက်တွေ့ကျကျ အစိုးရနဲ့ ထိတွေ့ဆက်ဆံမှုတွေ လုပ်နေတယ်လို့ ကိုသံခဲက ပြောပြီး အဲဒီလို ထိတွေ့ဆက်ဆံရင်းနဲ့ တိုင်းပြည်ရဲ့ လိုအပ်ချက်တွေကို တင်ပြတောင်းဆိုနေတယ်လို့လည်း ဆိုပါတယ်။
၈၈ ခေါင်းဆောင်တွေ နိုင်ငံရေး ပါတီတွေနဲ့ ပူးပေါင်းပြီး ပြည်တွင်း ငြိမ်းချမ်းရေး ရအောင် ဆောင်ရွက် သွားမယ်လို့လည်း ဆိုပါတယ်။
မကဒတ ခေါင်းဆောင် တယောက်ဖြစ်တဲ့ မိဆူးပွင့်က ငြိမ်းချမ်းရေး စင်တာ မှာ ရှင်းလင်းပြောကြားရာမှာတော့ မြောက်ပိုင်းမှာ ဖြစ်ပွားနေတဲ့ တိုက်ပွဲတွေမှာ မကဒတ မြောက်ပိုင်းက ပူးပေါင်းတိုက်ခိုက်နေတာဟာ မကဒတ က အပစ်အခတ်ရပ်စဲရေး သဘောတူညီချက် ယူထားတဲ့ အဖွဲ့အစည်း မဟုတ်သေးလို့ တိုက်ပွဲဝင်နေတာလို့ ဆိုပါတယ်။
ကချင်ပြည်နယ်မှာ အစိုးရက ထိုးစစ်တွေကို မြေပြင်ထိုးစစ် သာမက လေကြောင်းကပါ ပူးတွဲပစ်ခတ်ပြီး အကြီးအကျယ် တိုက်ခိုက်နေချိန်မှာ မကဒတ မြောက်ပိုင်းကလည်း ကချင်လွတ်လပ်ရေး တပ်မတော် ကေအိုင်အေနဲ့ ပူးပေါင်း တိုက်ခိုက်နေပါတယ်။
တဘက်မှာ မကဒတ မြောက်ပိုင်းက ခုခံတိုက်ခိုက်နေတဲ့ အချိန်မှာပဲ၊ မကဒတ ဗဟိုက ပြည်တွင်းမှာ အစိုးရနဲ့ ထိတွေ့ဆက်ဆံမှုတွေ လုပ်နေတဲ့ အတွက် မကဒတ ကျောင်းသား တပ်မတော်ရဲ့ မူဝါဒနဲ့ပတ်သက်ပြီး အမြင်ရှုပ်ထွေးမှုတွေရှိနေပါတယ်။
မကဒတ မြန်မာနိုင်လုံးဆိုင်ရာ ကျောင်းသားများ ဒီမိုကရက်တစ် တပ်ဦးကို ၁၉၈၈ အရေးအခင်းအပြီး ထိုင်းနိုင်ငံမှာ တောခို ကျောင်းသာတွေနဲ့ စတင်ဖွဲ့စည်းခဲ့တာဖြစ်ပါတယ်။
မြန်မာနိုင်ငံ သမိုင်းမှာ ပထမဦးဆုံး ပေါ်ပေါက်ခဲ့တဲ့ ကျောင်းသားတပ်မတော်လည်း ဖြစ်ပါတယ်။

http://www.bbc.co.uk/burmese/burma/2013/01/130103_absdf.shtml

အပြည့်အစုံသို့... »

ABSDF သတင်းစာရှင်းလင်းပွဲ (ရုပ်သံ)

http://www.youtube.com/watch?feature=player_embedded&v=CJRa7HGeOzQ

အပြည့်အစုံသို့... »

ABSDF နဲ့ နိုင်ကျဉ်းအဖွဲ့တွေ့ဆုံ

ဒီကနေ့ နေ.လည်(၂)နာရီက ပြည်ပမှရောက် ABSDF ကျောင်းသားတပ်မတော်နဲ့ နိုင်ငံရေးအကျဉ်းသားဟောင်း များအဖွဲ့ ရန်ကုန်မြို့ ဗဟန်းမြို့နယ် တော်ဝင်နှင်းဆီခန်းမမှာ တွေဆုံခဲ့ကြပါတယ်။

 

 

http://www.burmavjmedia.net/?p=18038

အပြည့်အစုံသို့... »

ABSDF နှင့် ကျောင်းသားသမဂ္ဂများအဖွဲ့ချုပ် ဖြစ်မြောက်ရေး ကော်မတီ တို့တွေ့ဆုံ

ကျောင်းသားသမဂ္ဂများအဖွဲ့ချုပ် ဖြစ်မြောက်ရေး ကော်မတီ နှင့် ABSDF တို့သည် ဒီကနေ့ ဒီဇင်ဘာလ၂၂ရက်နေ့ တွင် စမ်းချောင်းမြို့နယ် ညောင်တုန်းလမ်း အမှတ်(၂၅ )၊ ၅လွှာ၌ ညနေ ၄း၃၀ နာရီမှ ၆းဝဝ နာရီဝန်းကျင်ခန့်အထိ တွေ့ဆုံခဲ့သည်။

http://www.burmavjmedia.net/?p=18001

အပြည့်အစုံသို့... »

ABSDF

အပြည့်အစုံသို့... »

ABSDF ၏ ပြည်တွင်းသို့ လေ့လာရေးခရီးစဉ်နှင့်ပတ်သက်၍ ထုတ်ပြန်ကြေညာချက်

ABSDF ၏ ပြည်တွင်းသို့ လေ့လာရေးခရီးစဉ်နှင့်ပတ်သက်၍ ထုတ်ပြန်ကြေညာချက်ကို ဤနေရာတွင် ရယူပါ။ 

အပြည့်အစုံသို့... »

ABSDF ခေါင်းဆောင်များ ၈၈ မျိုးဆက် ကျောင်းသားများနှင့်တွေ့ဆုံ

၈၈ မျိုးဆက် ကျောင်းသားများနှင့် ABFDS ဗဟိုကော်မတီဝင်များကို ၈၈ မျိုးဆက် ကျောင်းသားများ ရုံးခန်းတွင် ဤသို့ တွေ့ရသည် (ဓာတ်ပုံ – ၈၈ မျိုးဆက်ကျောင်းသားများအဖွဲ့)

မြန်မာနိုင်ငံသို့ ရောက်ရှိနေသော မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဗဟိုကော်မတီဝင် ၁၀ ဦးသည်် ယနေ့နံနက်ပိုင်းတွေင် ၈၈ မျိုးဆက်ကျောင်းသားများနှင့် တွေ့ဆုံခဲ့ကြသည်။
ထိုင်းမြန်မာနယ်စပ် အခြေစိုက် ABSDF ဥက္ကဋ္ဌ ကိုသံခဲ အပါအဝင် ခေါင်းဆောင် (၁၀) ဦးသည် မြန်မာ့နိုင်ငံရေး အပြောင်းအလဲ လေ့လာရေး ခရီးစဉ်အဖြစ် လာရောက်စဉ်အတွင်း ၈၈ မျိုးဆက် ကျောင်းသားများအဖွဲ့နှင့် တွေ့ဆုံခြင်းဖြစ်ကြောင်း သိရသည်။
“ABSDF ဆိုတာဟာ သီးခြား အဖွဲ့အစည်း မဟုတ်ပါဘူး။ ABSDF ဟာ ပြည်တွင်းမှာ၊ နိုင်ငံတကာမှာ အားလုံး ဒီမျိုးဆက်ကို ကိုယ်စားပြုပြီးတော့ ရပ်တည်ခဲ့တဲ့ အဖွဲ့အစည်းဖြစ်တယ်။ မြန်မာနိုင်ငံရဲ့ နိုင်ငံရေး အပြောင်းအလဲနဲ့အတူ ABSDF က ဆွေးနွေးပွဲတွေ လာလုပ်မယ်။ ဒီမှာရှိနေတဲ့ အစိုးရ အဖွဲ့အစည်းတွေ၊ နိုင်ငံရေးအဖွဲ့အစည်းတွေ အားလုံးနဲ့ ထိတွေ့ ဆက်ဆံသွားမှာ ဖြစ်တယ်” ဟု ၈၈ မျိုးဆက် ကျောင်းသားများကိုယ်စား ကိုဌေးကြွယ်က တွေ့ဆုံပွဲအပြီးတွင် သတင်းထောက်များကို ပြောကြား သည်။
ABSDF ၏ လေ့လာရေး ခရီးစဉ်အတွင်း ဗမာနိုင်ငံလုံးဆိုင်ရာ ကျောင်းသားများ သမဂ္ဂ၊ တိုင်းရင်းသားခေါင်းဆောင်များ အပါအဝင် နိုင်ငံရေး အဖွဲ့အစည်းများ၊ အစိုးရအဖွဲ့အစည်းများနှင့် တွေ့ဆုံရန်ရှိကြောင်း သိရသည်။
“နိုင်ငံရေး ခရီးလမ်းမှာ ABSDF အနေနဲ့ ဘယ်လို အခန်းကဏ္ဍကနေ ပါ၀င်နိုင်မလဲ ဆိုတဲ့အပေါ်မှာ သဘောထားတွေ စုစည်းဖို့၊ ပြည်တွင်းက အင်အားစုတွေနဲ့ ကျနော်တို့ ဆုံတွေ့ပြီး အမြင်တွေ အကြံပြုချက်တွေ နားထောင်ဖို့ ကျနော်တို့ ရည်ရွယ်ချက် ရှိပါတယ်။ အဲဒီ ရည်ရွယ်ချက် အခြေခံ အောက်မှာပဲ ၈၈ မျိုးဆက်တွေရဲ့ အကြံပြုချက်တေ၊ွ ရင်းရင်းနှီးနှီး လက်ခံဆွေးနွေးမှုတွေ ကျနော်တို့ ရရှိထားပါတယ်” ဟု ABSDF ၏ ဗဟိုကော်မတီဝင် တဦးဖြစ်သူ ရဲဘော် ကျော်ကိုကိုက ပြောသည်။
ပြီးခဲ့သည့် နိုဝင်ဘာလ အတွင်းက ထိုင်းနိုင်ငံ ချင်းမိုင်မြို့တွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တွေ့ဆုံခဲ့ပြီးနောက် ABSDF ခေါင်းဆောင်များ မြန်မာနိုင်ငံသို့ လေ့လာရေး ခရီး လာရောက်ရန် စီစဉ်ခဲ့ခြင်းဖြစ်ကြောင်း သိရသည်။
လေ့လာရေး ခရီးစဉ်သည် ယခုနှစ် ဒီဇင်ဘာလ ၁၈ ရက်မှ ၂၀၁၃ ခုနှစ် ဇန်နဝါရီလ ၃ ရက်နေ့အထိ ၂ ပတ်ကြာမြင့်မည်ဖြစ်ကာ ဇန်နဝါရီလ ၃ ရက်နေ့တွင် ခရီးစဉ်နှင့် ပတ်သတ်ပြီး သတင်းစာ ရှင်းလင်းပွဲ ပြုလုပ်မည်ဖြစ်ကြောင်း သိရသည်။
“လိုချင်တဲ့ လွတ်မြောက်ရေးအတွက် ကျနော်တို့ ၀ိုင်းဝန်း လက်တွဲကြတာပေါ့ဗျာ။ မီဒီယာလည်း မီဒီယာ အလုပ်လုပ်မယ်။ ကျနော်တို့ကလည်း ကျနော်တို့ အလုပ်ကို ကျေပွန်အောင် လုပ်သွားမယ်” ဟု ABSDF ၏ ဥက္ကဋ္ဌ ရဲဘော် သံခဲက သတင်းထောက်များသို့ ပြောကြားသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦးကို ၁၉၈၈ နိုဝင်ဘာလတွင် စတင်ဖွဲ့စည်းခဲ့ပြီး ၂၄ နှစ်ကြာ လက်နက်ကိုင် တိုက်ပွဲဝင်ခဲ့ကာ ယခုအချိန်ထိ အစိုးရသစ်နှင့် အပစ်အခတ်ရပ်စဲထားခြင်း မရှိသေးကြောင်းသိရသည်။

http://burma.irrawaddy.org/archives/28530

အပြည့်အစုံသို့... »

ABSDF ပြည်တော်ဝင်ခရီး မြဝတီလမ်းကြောင်းမှ တဆင့်

 ABSDF ပြည်တော်ဝင်ခရီး မြဝတီလမ်းကြောင်းမှ တဆင့်

ဇော်သူရ၊ ဓာတ်ပုုံသတင်း၊ ဒီဇင်ဘာ ၁၈၊ ၂၀၁၂

 မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး  (ကျောင်းသားတပ်မတော်) (ABSDF) သည် မြန်မာနိုင်ငံငြိမ်းချမ်းရေးဖော်ဆောင်ရေးအဖွဲ့ နိုင်ငံတော်သမ္မတရုံး ဝန်ကြီးဦးအောင်မင်း၏ ဖိတ်ကြားချက်အရ ယနေ့နံနက်တွင်မဲဆောက်မြို့မှတဆင့် မြဝတီလမ်းကြောင်းအတိုင်း ထွက်ခွါသွားပါသည်။ ဥက္ကဌရဲဘော်သံခဲ ဦးဆောင်သည့်အဖွဲ့အား နယ်စပ်ရေးရာနှင့် လုံခြုံးရေဝန်ကြီးဗိုလ်မူးကြီးအောင်လွင်မှ မြဝတီမြို့တွင်လာရောက် ကြိုဆိုခဲ့ပါသည်။ ဥက္ကဌ ရဲဘော်သံခဲနှင့်အတူ အဖွဲ့ဝင်များအဖြစ် -ရဲေဘာ်ဆန်နီ(အထွေထွေအတွင်းရေးမူး) ရဲဘော်ဆလိုင်းယောအောင်တိုု့လည်း လိုုက်ပါသွားသည်ကိုု တွေ့ရသည်။

http://moemaka.com/?p=30278

အပြည့်အစုံသို့... »

ABSDF ငြိမ်းချမ်းရေးခရီး ယနေ့စတင်

အစိုးရ နိုင်ငံတော် အဆင့် ငြိမ်းချမ်းမှု ဖော်ဆောင်ရေး အဖွဲ့ ဖိတ်ကြားချက်အရ မြန် မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) အဖွဲ့သည် အစိုးရနှင့် ဆွေးနွေးရန် ယနေ့ မနက်ပိုင်း၌ ထိုင်းနိုင်ငံ မဲဆောက်မြို့မှ တဆင့် မြဝတီမြို့ဖက်သို့ ထွက်ခွား သွားခဲ့သည်ဟု ပြောခွင့်ရှိသူ ဦးအောင်မျိုးဝင်က ဆိုပါသည်။

“ ဆွေးနွေးပွဲအစီစဉ်ကိုတော့ ကျနော်တို့ အရင်ထုတ်လေ့ မရှိပါဘူး။ ဆွေးနွေးမှာကတော့ ဦးအောင်မင်းတို့ အဖွဲ့နဲ့ ပါဘဲ၊ ပြီးခဲ့တဲ့ နိုဝင်ဘာ လ သူတို့မဲဆောက်ကို လာတုန်းက ဆွေးနွေးခဲ့တဲ့ အတိုင်းကျနော်တို့ အဖွဲ့ ရန်ကုန်ကိုလိုက်သွား တာ ဖြစ်ပါတယ်။” ဟု ဆိုပါသည်။

ABSDF အဖွဲ့ကို နယ်စပ်ရေးရာနှင့် လုံခြုံးရေဝန်ကြီး ဗိုလ်မူးကြီးအောင်လွင်မှ မြဝတီမြို့တွင် လာရောက်ကြိုဆိုခဲ့ပါသည်။ 

ABSDF ကိုယ်စားလှယ်များမှာ လက်ရှိ ဥက္ကဌရဲဘော်သံခဲ ဦးဆောင်ပြီး အဖွဲ့ဝင်များအဖြစ် ရဲဘော်ဆန်နီ (အထွေထွေ အတွင်းရေးမူး)၊ ရဲဘော်ဆလိုင်းယောအောင်- ရဲဘော်မောင်းဦး- ရဲဘော်ကျော်ကို-ရဲဘော်ကျော်သူရ- ရဲဘော် ကျော်ကျော်လင်း- ရဲဘော်မဆူးပွင့်-ရဲဘော်ဝင်းတင်ဟန်း (ရုံးအုပ်ကြီး) တို့ လိုက်ပါသွားခဲ့သည်ဟု ဆိုပါသည်။

ဤခရီးစဉ်၏ ရည်ရွယ်ချက်မှာ (၃) ချက်ရှိကြောင်း၊ ဤခရီးစဉ်သည် ပထမဆုံး အကြိမ် ပြည်တွင်းသို့ လေ့လာရေး ခရီးစဉ်ဖြစ်ပြီး သမ္မတ၏ ပြုပြင်ပြောင်းလဲမှုများကို လေ့လာရန်ဖြစ်ပြီး ABSDF ၏ အနာဂါတ် နိုင်ငံရေး အခန်းကဏ္ဍ အတွက် အမြင်သဘောထား စုစည်းရန်နှင့် မိသားစုများ၊ မကဒတ ရဲဘော်ဟောင်းများအား တွေ့ဆုံရန်ဟူ၍ ရည်မှန်း ထားပါသည်။

ထို့အပြင် အမျိုးသားဒီမိုကရေစီအဖွဲ့ချုပ်၊ ညီညွတ်သောတိုင်းရင်းသား လူမျိုးများ မဟာမိတ်အဖွဲ့၊ ၈၈ မျိုးဆက် ကျောင်းသားများ၊ ဗကသ များ၊ Generation Wave၊ နိုင်ငံရေး အကျဉ်းသား ဟောင်းများ၊ မကဒတ ရဲဘော် ဟောင်း များ၊ (၆၂) မျိုးဆက်ကျောင်းသား ခေါင်းဆောင်ဟောင်းများ၊ ဝါရင့် နိုင်ငံရေး သမားများနှင့်ပါ တွေ့ဆုံမည်ဖြစ်သည်။

ABSDF အဖွဲ့သည် အထက်ပါရည်မှန်းချက်များဖြင့် ဤခရီးစဉ်ကို ရက်သတ္တ (၂) ပတ်ကြာ သွားရောက်ကြမည် ဖြစ်သည်။ ဤခရီးစဉ်သည် ABSDF အဖွဲ့၏ ပထမဆုံးအကြိမ် ပြည်တွင်းလေ့လာရေး ခရီး ဖြစ်သည်ဟု ဆိုပါသည်။

 

(ဓါတ်ပုံ ဇော်သူရ)

http://www.phophtaw.org/burmese/index.php/news/local-news/2532-absdf-.html 

အပြည့်အစုံသို့... »

ABSDF ကိုယ်စားလှယ် အဖွဲ့ ရန်ကုန်ကို ထွက်ခွာ

 

မြန်မာ နိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ဥက္ကဌ ဦးဆောင်တဲ့ ကိုယ်စားလှယ် အဖွဲ့ဟာ ငြိမ်းချမ်းရေး ဆွေးနွေးဖို့ ထိုင်းနိုင်ငံ နယ်စပ် မဲဆောက်မြို့ ကနေ ရန်ကုန်မြို့ ကို ထွက်ခွာ သွားပြီ ဖြစ်ပါတယ်။

အဖွဲ့ဝင် ၉ ဦး ပါတဲ့ ABSDF ကိုယ်စားလှယ် အဖွဲ့ကို၊ ဥက္ကဌ ကိုသံခဲက ဦးဆောင်မှာ ဖြစ်ပြီး၊ မြန်မာ နိုင်ငံ မှာ သီတင်းပတ် နှစ်ပတ် ကြာမြင့်မှာ ဖြစ်ပါတယ်။

ခရီးစဉ် အတွင်း နေပြည်တော်မှာ အစိုးရ တာဝန် ရှိသူ တွေနဲ့ တွေ့ဆုံမှာ ဖြစ်သလို၊ ရန်ကုန်မှာလည်း တခြား နိုင်ငံရေး အင်အား စုတွေ၊ အဖွဲ့ အစည်းတွေ၊ လူပုဂ္ဂိုလ် တွေနဲ့ တွေ့ဆုံဖို့ ရှိတယ်လို့ ABSDF ဒုဥက္ကဌ ကိုမျိုးဝင်းက ပြောပါတယ်။
ဒီကိုယ်စားလှယ် အဖွဲ့ဟာ လက်ရှိ ကချင် ပြည်နယ်မှာ ဖြစ်ပွား နေတဲ့ တိုက်ပွဲတွေ အတွက် ဆွေးနွေး ရအောင် ကတိုက် ကရိုက် သွားတာ မျိုး မဟုတ်ဘဲ၊ ဝန်ကြီး ဦးအောင်မင်းနဲ့ အရင်က သဘောတူ စီစဉ် ထားတဲ့ အတိုင်း သွားရောက်တာ ဖြစ်ပါတယ်။
ABSDF အဖွဲ့ဟာ ငြိမ်းချမ်းရေး ဆွေးနွေးပွဲ အတွက် အခုလို မြန်မာ နိုင်ငံကို သွားမယ့် အချိန်မှာပဲ၊ ကချင် ပြည်နယ် ထဲက ABSDF စခန်း တည်ရှိရာကို အစိုးရ တပ်တွေက ထိုးစစ်ဆင် တိုက်ခိုက် နေပါတယ်။
ဒါနဲ့ ပတ်သက်ပြီးလည်း ကိုမျိုးဝင်းက ရှင်းပြရာမှာ သူတို့ အခြေခံ ဒေသတွေကို ထိုးစစ် ဆင်လာ ရင်တော့ ကျောင်းသား တပ်မတော်ဟာ သက်ဆိုင်ရာ မဟာမိတ် အဖွဲ့ အစည်း တွေနဲ့ ပူးတွဲ ကာကွယ်ဖို့ တာဝန် ရှိကြောင်း ဘီဘီစီကို ပြောပါတယ်။
ဒါပေမဲ့လည်း ABSDF ဘက်ကတော့ ဒီခရီးစဉ် ကနေ အပြုသဘော ဆောင်တဲ့ တိုးတက်မှုတွေ ရလာ မယ်လို့ မျှော်လင့် နေပါတယ်။

http://www.bbc.co.uk/burmese/burma/2012/12/121218_absdf_rangoon.shtml

ဆက်စပ်သတင်းနဲ့ အစီအစဉ်များ

• ဝန်ကြီးဦးအောင်မင်း ကျောင်းသားတပ်မတော်နဲ့ ထပ်တွေ့
• ABSDF မြောက်ပိုင်းနဲ့ အစိုးရတပ်အကြား တိုက်ပွဲဖြစ်
• ပြည်ပရောက် နိုင်ငံရေး ခေါင်းဆောင် တချို့ ရန်ကုန် ပြန်ရောက်

အပြည့်အစုံသို့... »

ABSDF ပြည်တွင်း လေ့လာရေး ခရီးစဉ် သွားရန် ဦးအောင်မင်းနှင့် သဘောတူ

စံခလပူရီ (မဇ္စျိမ) ။      ။ ဝန်ကြီး ဦးအောင်မင်း ဦးဆောင်သည့် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့နှင့်
ကျောင်းသား တပ်မတော် ABSDF တို့ ထိုင်းနိုင်ငံ၊ ချင်းမိုင်မြို့၌ သောကြာနေ့က တွေ့ဆုံကြပြီးနောက် အချက် ၂ ချက်ကို သဘောတူနိုင်ခဲ့ကြသည်ဟု ABSDF အထွေထွေ အတွင်းရေးမှူး ရဲဘော် မျိုးဝင်း က ပြောသည်။

“ABSDF အနေနဲ့ ပြည်တွင်းကို လေ့လာရေး ခရီးစဉ်ကို သွားရောက်ဖို့ကို မကြာမီ ဆောင်ရွက်သွားဖို့ရယ်နဲ့
နောက်တချက်က တရားဝင် နှစ်ဖက် နိုင်ငံရေး ဆွေးနွေးပွဲ ဆက်လက် လုပ်ဆောင်သွားဖို့ သဘောတူ နိုင်ခဲ့ကြတယ်” ဟု မဇ္စျိမကို ပြောသည်။

တရားဝင် နိုင်ငံရေး ဆွေးနွေးပွဲ ဆက်လက် ပြုလုပ်မည့် အချိန်နှင့် ပြည်တွင်း လေ့လာရေး ခရီးစဉ် သွားရောက်ခြင်း အချိန်တို့အား နောက်ပိုင်း၌ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နှင့် ဆက်လက် ချိတ်ဆက်ကာ အတည်ပြုသွားမည် ဖြစ်သည်။

၎င်းတို့အနေနှင့် ပြည်တွင်းသို့ လေ့လာရေး ခရီးစဉ် သွားရောက်ရခြင်းမှာ တစုံလုံး အခြေအနေအား သိရှိနိုင်ရန်၊ ABSDF လက်ရှိ အခြေအနေနှင့် အလားအလာများကို အကဲဖြတ်နိုင်ရန်နှင့် ပြည်တွင်းရှိ နိုင်ငံရေး အင်အားစုများ အားလုံးနှင့်လည်း တွေ့ဆုံနိုင်ရန် အတွက် ရည်ရွယ်သည့် ခရီးစဉ် ဖြစ်သည်ဟု ရဲဘော် မျိုးဝင်း က ပြောသည်။

ယနေ့ ဆွေးနွေးပွဲတွင် ဦးအောင်မင်းနှင့် ပွင့်ပွင့်လင်းလင်း တွေ့ဆုံ ဆွေးနွေးခွင့် ရခြင်းအတွက် အလားအလာ
ကောင်းသည့် အခြေခံ ရှိပြီး နောက်ထပ်လည်း နိုင်ငံရေး ဆွေးနွေးပွဲ ဆက်လက် ဆွေးနွေးရန် သဘောတူ နိုင်ခဲ့၍ အလားအလာ ကောင်းသည့် ဆွေးနွေးပွဲ ဖြစ်သည်ဟု ABSDF ဘက်မှ သုံးသပ်သည်။

ABSDF ဘက်မှ ဥက္ကဋ္ဌ ရဲဘော်သံခဲ ဦးဆောင်၍ ကိုယ်စားလှယ် ၆ ဦးဖြင့် ဦးအောင်မင်းတို့ အဖွဲ့အား သွားရောက်
ဆွေးနွေးခဲ့ခြင်း ဖြစ်သည်။

ဦးအောင်မင်း ဦးဆောင်သည့် ကိုယ်စားလှယ် အဖွဲ့နှင့်အတူ ခရီးစဉ်တွင် လိုက်ပါလာသည့် Myanmar Peace Center မှ အဖွဲ့ဝင် အချို့တို့သည် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် တွေ့ဆုံခဲ့သေး သည်။ ဤဆွေးနွေးပွဲသည် ဤနှစ် မကုန်မီ နိုင်ငံရေး ဆွေးနွေးပွဲအတွက် ပြင်ဆင်နိုင်ရန် အကြို ညှိနှိုင်းခြင်း ဖြစ်သည် ဟုလည်း ဆိုသည်။

“ဝန်ကြီး ဦးအောင်မင်း အခြား အဖွဲ့တွေ အတူတူ ရောက်တုန်း UNFC ကို ညစာ စားပွဲ ဖိတ်လိုက်တာပါ။ အဲဒီ မတိုင်ခင် ကျနော်တို့ ဘက်က တက်ရောက်လာကြတဲ့ ကိုယ်စားလှယ်တွေနဲ့ အလွတ်သဘော ဆွေးနွေးကြတာပဲ ရှိပါတယ်။ အထွေ အထူးတော့ မရှိပါဘူး” ဟု ငြိမ်းချမ်းရေး အကျိုးဆောင်တဦးဖြစ်သည့် ဦးလှမောင်ရွှေ က မဇ္စျိမကို ပြောသည်။

ထိုသို့တွေ့ဆုံခဲ့မှုနှင့် ပတ်သက်၍ UNFC နှင့် မေးမြန်းနိုင်ရန် မဇ္စျိမက ဆက်သွယ် ခဲ့သော်လည်း အဆက်အသွယ် မရနိုင်ခဲ့ပေ။

ဝန်ကြီးနှင့်အဖွဲ့သည် စနေနေ့ နံနက်ပိုင်း၌ ကရင်နီအမျိုးသား တိုးတက်ရေးပါတီ KNPP နှင့် ဆက်လက် တွေ့ဆုံမည် ဟု ငြိမ်းချမ်းရေး အကျိုးဆောင် ကိုညိုအုန်းမြင့်က ပြောသည်။

http://www.mizzimaburmese.com/news/regional/10365-absdf------.html

အပြည့်အစုံသို့... »

ဝန်ကြီး ဦးအောင်မင်း ကျောင်းသား တပ်မတော်နဲ့ ထပ်တွေ့

နိုဝင်ဘာလ ၉ ရက်နေ့က ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုတိယ ဥက္ကဌ ပြည်တောင်စု ဝန်ကြီး ဦးအောင်မင်းနဲ့ အဖွဲ့ ထိုင်းနိုင်ငံ ချင်းမိုင်မြို့ကို ရောက်လာပြီး မြန်မာ နိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF နဲ့တွေ့ဆုံ ခဲ့ပါတယ်။

ဒီတစ်ကြိမ်ဟာ ကျောင်းသား တပ်မတော်နဲ့ အစိုးရ ငြိမ်းချမ်းရေး ကော်မီတီတို့ ဒုတိယ အကြိမ် တွေ့ဆုံတာ ဖြစ်ပါတယ်။

ဒီတွေ့ဆုံပွဲမှာ ABSDF ဘက်က ပြည်တွင်း ငြိမ်းချမ်းရေးနဲ့ အမျိုးသား ပြန်လည် သင့်မြတ်ရေး အတွက် အတတ်နိုင်ဆုံး ကြိုးပမ်း သွားဖို့၊ အင်အားစုတွေ အားလုံး ပါဝင်တဲ့ အမျိုးသား နိုင်ငံရေး ဆွေးနွေးပွဲတွေ ပေါ်ပေါက် လာဖို့နဲ့ ဒီမို ကရေစီရေး၊ လူ့ အခွင့် အရေး၊ တန်းတူ ညီမျှရေး နဲ့ အမျိုးသား ကိုယ်ပိုင် ပြဌာန်းခွင့် တို့ အတွက် အာမခံ နိုင်တဲ့ ဖွဲ့စည်းပုံ အခြေခံ ဥပဒေ တစ်ရပ် ပေါ်ပေါက် လာရေးမှာ အသွင် ကူးပြောင်းရေး လုပ်ငန်းစဉ် တစ်ရပ် ဖြစ်ပေါ် လာစေဖို့ ဆိုတဲ့ အချက် သုံးချက်ကို တင်ပြ ခဲ့တယ်လို့ ကိုယ်တိုင် ဆွေးနွေးပွဲ တက်ရောက် ခဲ့သူ ABSDF အဖွဲ့ ဥက္ကဌ ကိုသံခဲက ပြောပါတယ်။
အစိုးရ ဘက်ကတော့ တစ်နိုင်ငံလုံး အပစ် အခတ် ရပ်စဲရေးနဲ့ ငြိမ်းချမ်းရေး အတွက် အတတ်နိုင်ဆုံး ကြိုးပမ်း နေပြီး နိုင်ငံရေး ဆွေးနွေးပွဲ တွေပြုလုပ်ဖို့ လိုအပ်တယ် ဆိုတာကိုလည်း သူတို့ လက်ခံတဲ့ အကြောင်း ပြောခဲ့ တယ်လို့ သိရပါတယ်။
နောက်ထပ် ဆွေးနွေးမှုတွေ ထပ်လုပ်ဖို့ သဘောတူ ခဲ့တဲ့ အပြင် အကျဉ်းထောင် အသီးသီးမှာ အကျဉ်း ကျခံ နေကြရတဲ့ ABSDF ကျောင်းသား တပ်မတော် အဖွဲ့ဝင်တွေ လွတ်မြောက်ရေး၊ နှစ်ဘက် ယုံကြည်မှု ရရှိရေး အတွက် အဆင့်ဆင့် ဆက်လက် ဆွေးနွေးသွားဖို့ သဘောတူ ထားတယ်လို့ ကိုသံခဲက ပြောပါတယ်။
ဒါ့အပြင် နိုင်ငံရေး ဆွေးနွေးပွဲတွေမှာ ABSDF ပါဝင် လိုတယ်လို့လည်း ပြောခဲ့ကြောင်း သူက ပြောပါတယ်။
ABSDF ကျောင်းသား တပ်မတော် အနေနဲ့ လောလောဆယ် အသွင်ပြောင်းဖို့ မရှိသေး သလို လက်နက် ချဖို့လည်း မရှိ ပေမဲ့ လက်နက်ကိုင် တိုက်ပွဲဝင် ရုံနဲ့ ပြဿနာကို ဖြေရှင်းနိုင်မှာ မဟုတ်ဘူး ဆိုတာကိုတော့ လက်ခံ ထားတယ်လို့ ကိုသံခဲက ပြော ပါတယ်။
၈၈ လူထု အရေးတော်ပုံကြီး ကနေ ပေါက်ဖွား လာတဲ့ ABSDF အနေနဲ့ ပြည်သူလူထု လိုလားတဲ့ ဒီမိုကရေစီ အခွင့် အရေးတွေ ရပြီ ဆိုရင် လက်နက်ကိုင် တိုက်ပွဲဝင်စရာ လိုတော့မှာ မဟုတ်ဘူး၊ တခြား လက်နက်ကိုင် အဖွဲ့တွေလည်း အလားတူပဲ ဖြစ်လိမ့်မယ်လို့ သူက ဆိုပါတယ်။
နိုင်ငံရေး အရ အသေ အချာ အာမခံနိုင် တော့မှ ABSDF အနေနဲ့ မြန်မာ နိုင်ငံကို ပြန်နိုင်မယ်လို့ ကိုသံခဲက ပြောပါတယ်။

http://www.bbc.co.uk/burmese/burma/2012/11/121109_absdf_secondmeeting_uaungmin.shtml

အပြည့်အစုံသို့... »

ဝန်ကြီး ဦးအောင်မင်း ABSDF အပါအဝင် အခြားအဖွဲ့များနှင့် ထိုင်းနိုင်ငံမှာ တွေ့ရန်ရှိ

စံခလပူရီ (မဇ္စျိမ) ။      ။ ဝန်ကြီး ဦးအောင်မင်း ဦးဆောင်သည့် ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ သည် နိုဝင်ဘာလ ၉ ရက်နေ့၌ ထိုင်းနိုင်ငံသို့ ထပ်မံ လာရောက်ရန် ရှိပြီး ၎င်းခရီးစဉ် အတွင်း ကျောင်းသား တပ်မတော် ABSDF၊ လက်နက်ကိုင် တိုင်းရင်းသား အဖွဲ့များနှင့် အခြားအဖွဲ့အစည်းများအားလည်း တွေ့ဆုံနိုင်ရန် စီစဉ်လျက်ရှိကြောင်း ငြိမ်းချမ်းရေး အကျိုးဆောင် တဦးဖြစ်သူ ဦးလှမောင်ရွှေ က မဇ္စျိမကို ပြောသည်။

“မနက်ဖြန်တော့ ကျနော်တို့တော့၊ ဦးအောင်မင်း အဖွဲ့ကတော့ ဗန်ကောက်၊ ချင်းမိုင်ကို သွားဖို့ ရှိပါတယ်။ ထိုင်းနိုင်ငံ မှာ ကရင်နီ အမျိုးသား တိုးတက်ရေးပါတီ (KNPP) တို့နဲ့၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) နဲ့ တွေ့ဖို့ စီစဉ်ထားပါတယ်။ အခြားအဖွဲ့တွေနဲ့လည်း တွေ့ဖို့ စီစဉ်ထားပါတယ်။ ဘယ်အဖွဲ့တွေနဲ့
တွေ့ဖြစ်မလဲ ဆိုတာတော့ တွေ့ပြီးမှပဲ ပြောပြနိုင်မှာပါ” ဟု ဦးလှမောင်ရွှေ က မဇ္စျိမကို ပြောသည်။

ယခု လာရောက် တွေ့ဆုံမည့် အစီအစဉ်သည်လည်း အလွတ်သဘောဟု ဆိုနိုင်သည့် အကြိုညှိနှိုင်း ဆွေးနွေးပွဲ သာ ဖြစ်ကြောင်းလည်း ဦးလှမောင်ရွှေ က ဆိုသည်။

သမ္မတရုံးဝန်ကြီး ဦးအောင်မင်း နှင့် အဖွဲ့သည့် သောကြာနေ့ နေ့လည်တွင် ထိုင်းနိုင်ငံသို့ လေကြောင်းခရီးဖြင့် ဆိုက်ရောက်မည် ဖြစ်သည်။

KNPP နှင့် တွေ့ဆုံရန် စီစဉ်ထားပြီး တွေ့ဆုံကြသည့်အခါ ဆွေးနွေးရန်ရှိသည့် အကြောင်းအရာများနှင့် ပတ်သက်၍ လည်း အတွင်းရေးမှူး ဖြစ်သူ အောင်ဆန်းမြင့် က မဇ္စျိမကို ပြောပြသည်။

“အခု အချိန်အထိ ကျနော်တို့ ခေါင်းဆောင်ပိုင်းတွေက ဌာနချုပ်မှာပဲ ရှိပါသေးတယ်။ ဦးအောင်မင်းတို့နဲ့ တွေ့ဖို့ကို အစီအစဉ် ရှိပါတယ်။ ဘယ်နေ့ ဖြစ်မလဲ ဆိုတာ ကျနော်တို့ကို တိတိကျကျ အကြောင်းကြား လာသေးခြင်း မရှိပါဘူး။ ကျနော်တို့ ဘက်ကတော့ ဇွန်လ ၉ ရက်နေ့ ကတည်းက အပစ်အခတ် ရပ်စဲရေး သဘောတူ လက်မှတ် ရေးထိုး ထားကြတုန်းက သဘောတူ ထားသည့် အချက် (၁၄) ချက်အား ပြန်လည် သုံးသပ် သွားရန် ဆွေးနွေးကြရန် ရှိကြောင်း” ဦးအောင်ဆန်းမြင့်မှ မဇ္စျိမအား ပြောသည်။

ထို ဇွန်လ အပစ်အခတ် ရပ်စဲစဉ် သဘောတူထားသည့် အချက်များထဲမှ တပ်ပိုင်းဆိုင်ရာ ကိစ္စတွင် ကယားပြည်နယ် ထဲ၌ ရှိသည့် ဧည့်တပ်များ ဆုတ်ခွာပေးရန်၊ လူ့အခွင့်အရေး လေ့လာ စောင့်ကြည့်ရေးအဖွဲ့ ထားရှိရေး၊ အပစ်အခတ် ရပ်စဲရေးအပေါ် လေ့လာ စောင့်ကြည့်ရေး အဖွဲ့များ ထားရှိရေး၊ ရွာသစ် ရေကာတာ စီမံကိန်း ဆောက်လုပ်ရေး အပေါ်
လေ့လာခွင့် ကိစ္စရပ်များ၊ ဖလူးဆိုး မြို့၌ တန်းမြင့် စစ်ရေး လေ့ကျင့်ရေးကျောင်း ရပ်တန့်ပေးပြီး လူထုအတွက် အကျိုးပြုမည့် အခြား စီမံကိန်း တခုခုအား ပြန်ပြောင်း ပေးရန်အတွက် တောင်းဆိုထားသည့် ကိစ္စရပ်များကို တင်ပြ
ဆွေးနွေး သွားဖွယ် ရှိသည်ဟု ဆိုသည်။

ဖလူးဆိုး မြို့၌ အစိုးရက တည်ဆောက်လျက်ရှိသည့် တန်းမြင့် စစ်ရေး လေ့ကျင့်ရေးကျောင်းမှာမူ ဆောက်လုပ်ရေး လုပ်ငန်းခွင်များ ၅ဝ ရာခိုင်နှုန်းခန့် ပြီးစီးနေပြီ ဖြစ်သည်ဟု ဦးအောင်ဆန်းမြင် က ပြောသည်။

ABSDF နှင့် တွေ့ဆုံရန် အစီအစဉ် ရှိသည့်အပေါ် မဇ္စျိမမှ ဆက်သွယ် မေးမြန်းခဲ့ရာတွင် “ကျနော်တို့နဲ့ ဦးအောင်မင်း တို့နဲ့ တွေ့ဖို့တော့ ရှိပါတယ်။ တွေ့ပြီးမှပဲ သဘောထားတွေကို ကျနော်တို့ တရားဝင် ထုတ်ပြန်မယ်လေ။ အခု ကြိုပြီး ပြောဖို့အတွက် ကျနော်တို့ဘက်မှာ သဘောထား မရှိပါဘူး” ဟုသာ ABSDF ၏ အထွေထွေအတွင်းရေးမှူး ရဲဘော် မျိုးဝင်း က ပြန်လည် ဖြေကြားခဲ့ပါသည်။

ABSDF မှာ လက်ရှိအထိ အစိုးရအား လက်နက်ကိုင် တိုက်ပွဲဝင်နေသည့် အဖွဲ့အစည်းတရပ် ဖြစ်နေ၍ ထိုအပေါ်၌ ငြိမ်းချမ်းရေးအဖွဲ့၏ သဘောထားနှင့်ပတ်သက်၍ အကျိုးဆောင် ဦးလှမောင်ရွှေ က “ကျနော့်ဘက်က ပြောလို့ရတာ လက်ရှိ ဦးအောင်မင်း ရှင်းပြတာကိုက ဒီငြိမ်းချမ်းရေး တည်ဆောက်မှုနဲ့ နိုင်ငံ ပြည်လည် ထူထောင်ရေး အစီအစဉ် (Peace Process and Nation Building) မှာ Stake Holder အကုန်လုံးကို သူတို့ ထိတွေ့ ဆက်ဆံပြီး အားလုံးရဲ့ ယုံကြည်မှုနဲ့ တဆင့်ပြီးတဆင့် လုပ်သွားဖို့ ဆိုတာကို ကျနော်တို့ကို ရှင်းပြထားပါတယ်” ဟု မဇ္စျိမကို ပြောဆိုသွား သည်။

အစောပိုင်း၌ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် တွေ့ဆုံကြရန် ရှိသည်ဟု သတင်းများ ထွက်ပေါ် ခဲ့သော်လည်း “ကျနော်တို့ ဒီခရီးစဉ်အတွင်းမှာတော့ UNFC နဲ့ အစည်းအဝေး အစီအစဉ် မရှိပါဘူး” ဟုသာ ဦးလှမောင်ရွှေ က ဆိုသည်။

ဦးအောင်မင်းနှင့် ABSDF တို့မှာ အလွတ်သဘောအဖြစ် ဇွန်လလယ်ပိုင်းတွင် တကြိမ် တွေ့ဆုံခဲ့ကြပြီးလည်း
ဖြစ်သည်။

http://mizzimaburmese.com/news/inside-burma/10359---absdf----.html

အပြည့်အစုံသို့... »

အားလုံးပါဝင်သည့် ညီလာခံကြီး ဖော်ဆောင်ရန် ABSDF နှင့် ၈၈ လိုလား

နယူးဒေလီ (မဇ္စျိမ) ။        ။ ထိုင်းနိုင်ငံသို့ ရောက်ရှိလာသည့် ၈၈ မျိုးဆက် ကျောင်းသားများသည် အစိုးရနှင့် အပစ်အခတ်ရပ်စဲရေး သဘောတူညီမှု မရရှိသေးသည့် ကျောင်းသားတပ်မတော် ခေါ် ABSDF နှင့် တနင်္လာနေ့က ချင်းမိုင်မြို့တွင် အလွတ်သဘော တွေ့ဆုံခဲ့ကြောင်း သိရှိရသည်။

၎င်းတို့၏ ခရီးစဉ်သည် သမ္မတရုံးဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ဖော်ဆောင်ရေး လုပ်ငန်းစဉ်၏ အစိတ်အပိုင်း တရပ်ဖြစ်သလို အားလုံးပါဝင်သည့် ညီလာခံကြီး တရပ် ဖော်ဆောင်နိုင်ရေး ကြိုးပမ်းမည်ဖြစ်ကြောင်း ၈၈ ကျောင်းသားခေါင်းဆောင် တဦးဖြစ်သူ ကိုမြအေး က ပြောသည်။

“အပြန်အလှန် ညှိနှိုင်း ပြီးတော့ တိုင်းပြည်ကို ဖွံ့ဖြိုးတိုးတက်အောင် ဒီမိုကရေစီ နိုင်ငံဖြစ်အောင် ဘယ်လိုလုပ်သွား ကြမယ်။ အခွင့်အရေးတွေကို မျှမျှတတ ရရှိအောင် ဘယ်လိုပုံဖော်ကြမယ်ဆိုတာက ကျနော်တို့ ပြည်တွင်းရော၊
ပြည်ပရော နယ်စပ်မှာရှိတဲ့ အဖွဲ့အစည်းတွေရော၊ ဒီမိုကရေစီ ရေးအတွက် ကြိုးပမ်းလှုပ်ရှားသူ အားလုံး ပါဝင်နိုင်တဲ့ အခြေအနေမျိုးဖြစ်အောင် လုပ်သွားပါမယ်။ တဘက်ကလည်း တိုင်းရင်းသား ညီလာခံကြီး ဖြစ်အောင် အားလုံးပါဝင်
နိုင်ဖို့ တန်းတူညီမျှမှုအခွင့်အရေးတွေ၊ လွတ်လပ်မှုတွေ တရားမျှတမှုတွေ ဖော်ဆောင်ပေးနိုင်တဲ့ ညီလာခံကြီး
ဖြစ်အောင် ဆက်လုပ်သွားပါမယ်” ဟု မဇ္စျိမကို ပြောသည်။

ပြည်ပရောက် အဖွဲ့အစည်းများ၏ အကြံဥဏ်နှင့်သဘောထားများသည် မြန်မာပြည် ဒီမိုကရေစီ ထွန်းကားရေးအတွက် အများကြီး အထောက်အကူပြုမည်ဟု ၎င်းတို့ယုံကြည်ပြီး ခရီးစဉ်တွင် ABSDF နှင့် ထပ်မံတွေ့ဆုံဆွေးနွေးဦးမည်
ဖြစ်ကြောင်း ကိုမြအေး က ဆက်ပြောသည်။

“၈၈ က ပေါက်ဖွားလာတဲ့ ABSDF နဲ့ အဓိကထားပြီးတွေ့ပါမယ်။ ABSDF ဆိုတာ ကျနော်တို့ ၈၈ ကပေါက်ဖွားလာတဲ့
ကျောင်းသားတပ်မတော် တခုဖြစ်တဲ့ အတွက်ကြောင့် မို့လို့  ABSDF နဲ့ တွေ့ဖို့ကိစ္စဟာ လက်ရှိ ၈၈ မျိုးဆက်
ကျောင်းသားများရဲ့ အရေးကိစ နဲ့ တစုံတရာအားဖြင့် စဉ်းစားရမှာဖြစ်ပါတယ်။ လေးလေးနက်နက်ကို စဉ်းစားသွားရ မှာ ဖြစ်ပါတယ်။ ABSDF နဲ့တွေ့ကိုတွေ့မှာ ဖြစ်ပါတယ်” ဟုဆိုသည်။

ABSDF ဥက္ကဋ္ဌ ကိုသံခဲ ကလည်း ၈၈ နှင့် ABSDF တို့သည် ၈ လေးလုံး အရေးတော်ပုံကြီးမှ အတူတကွ ပေါ်ပေါက် လာခဲ့ပြီး တိုင်းပြည် အပေါ်ထားသည့် စေတနာနှင့် သဘောထားများတွင် ကွဲလွဲမှုမရှိကြောင်း ပြောသည်။

“၂ ရက် ၃ ရက်အတွင်း ABSDF အခြေစိုက် စခန်း တခုခုမှာ တွေ့ဆုံပါမယ်။ ABSDF နဲ့ ၈၈ ကျောင်းသား တွေ၊ လွတ်မြောက်နယ်မြေရောက် ကျောင်းသားတွေ၊ နိုင်ငံတကာရောက် ကျောင်းသားတွေ စုဆုံဆွေးနွေးပြီး ပြည်တွင်း
ငြိမ်းချမ်းရေးမှာ လက်တွဲလုပ်နိုင်မယ့် အင်အားစု အားလုံးပါဝင်တဲ့ နိုင်ငံရေးဆွေးနွေးပွဲကြီးတွေ ရောက်ဖို့အတွက်၊ အဲဒီလို တွေ့ဆုံပွဲကြီးတွေ ဖော်ဆောင်သွားနိုင်ဖို့ ကြိုးစားနေပါတယ်” ဟု မဇ္စျိမကို ပြောသည်။

ခရီးစဉ်အတွင် ကိုမြအေး နှင့်အတူ ကိုထွန်းမြင့်အောင်၊ ကိုစိုးထွန်း၊ မမေကြည်လွင်၊ မစန်းစန်းမော်၊ မမီးမီး၊ မသဇင်ဝိုင်း တို့လည်း လိုက်ပါလာကြပြီး တိုင်းရင်းသားလူမျိုးများ ဖက်ဒရယ်ကောင်စီ (UNFC) အပါအဝင် အမျိုးသမီး သမဂ္ဂများ၊ ရွှေ့ပြောင်း အလုပ်သမားများ၊ ရွှေ့ပြောင်းမြန်မာကျောင်းများ၊ ဒုက္ခသည်စခန်းများ၊ လက်နက်ကိုင် တိုင်းရင်းသား အဖွဲ့အစည်းများနှင့်ပါ တွေ့ဆုံသွားမည်ဖြစ်ကြောင်း သိရသည်။

လက်နက်ကိုင် တိုင်းရင်းအဖွဲ့အစည်းများအနေနှင့် တန်းတူရေးအတွက် အပစ်ရပ်ရုံဖြင့် မလုံလောက်ကြောင်း ကိုသံခဲ က ဆက်ပြောသည်။

“ဒီကနေ့ အရင်တုန်းကနဲ့ မတူတဲ့၊ တဘက်နဲ့တဘက် မရခဲ့ဖူးတဲ့ တွေ့ဆုံဆွေးနွေးရေး အခွင့်အရေးတွေ ရနေတယ် ဆိုပေမယ့် ဒီအခွင့်အရေးဟာ ဘယ်လောက်အထိ မြဲမလဲဆိုတာ အာမခံချက်မရှိဘူးဆိုတာ အားလုံးလည်း နားလည်ပြီးသားလို့ ယူဆပါတယ်။ အပစ်အခတ်ရပ်စဲရေး နဲ့ မလုံလောက်တော့ဘူး၊ နိုင်ငံရေးအရ ဆက်စပ်နိုင်တဲ့ တိုင်းရင်းသားတွေ အတွက် အာမခံချက်ရှိဖို့ လိုလာတယ်ဆိုတာက ပိုပြီးမြင်သာလာတယ်” ဟု မဇ္စျိမ ကိုပြောသည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ရှစ််လေးလုံးအရေးတော်ပုံကြီးမှ ပေါက်ဖွား ခဲ့ပြီး ဒီမိုကရေစီရေးအတက် လက်နက်ကိုင် လှုပ်ရှားသည့် အဖွဲ့အစည်း ဖြစ်သည်။

ထို့အတူ ၈၈ မျိုးဆက်ကျောင်းသားများမှာလည်း မြန်မာပြည်တွင်း၌ ဒီမိုကရေစီရေးအတွက် ဆက်လက်ရပ်ခံ တိုက်ပွဲဝင်နေသော ကျောင်းသားအဖွဲ့အစည်း တခု ဖြစ်သည်။

http://www.mizzimaburmese.com/news/regional/10342----absdf---.html

အပြည့်အစုံသို့... »

ငြိမ်းချမ်းရေးဖြစ်စဉ်တွင် နိုင်ငံရေး တန်းတူညီမျှမှု ရရှိရန် လိုအပ်ဟု ABSDF ပြော

နယူးဒေလိီ (မဇ္စျိမ) ။        ။ ငြိမ်းချမ်းရေးနှင့် အမျိုးသားပြန်လည် သင့်မြတ်ရေး ရရှိရန် ပြည်တွင်းပြည်ပ ဒီမိုကရေစီ အင်အားစုများ၊  တိုင်းရင်းသား လက်နက်ကိုင် အင်အားစုများနှင့် အခိုင်အမာ လက်တွဲဆောင်ရွက်သွားမည်ဟု
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) က ထပ်လောင်းပြောဆိုလိုက်သည်။

ပြောင်းလဲမှုများကို  တိုင်းတာရာတွင် ပြည်သူလူထု စားဝတ်နေရေး၊ ကျန်းမာရေး၊ ပညာရေး၊ မြေယာ ပိုင်ဆိုင်ခွင့်များ အတွက် ယခုအချိန်အထိ ပြည်သူများ တိုက်ပွဲဝင်နေရဆဲ ဖြစ်ကြောင်း  ယနေ့ ကြာသပတေးနေ့ (ABSDF) ထူထောင်သည့် ၂၄ နှစ်မြောက်နေ့ တွင်  ဥက္ကဋ္ဌ ကိုသံခဲ က ပြောသည်။

“ဒီနေ့ပြည်တွင်း ငြိမ်းချမ်းရေး လုပ်ငန်းစဉ်ကို ဆက်လက် အကောင်အထည်ဖော် မယ်ဆိုရင် နိုင်ငံရေးအရ  တန်းတူ ညီတူ ဂုဏ်သိက္ခာ ရှိရှိဆွေးနွေးဖို့ လိုပါတယ်။ တစ်ဖွဲ့ချင်းဆွေးနွေးတာက တစ်ပိုင်း၊ အမျိုးသားရေး လက္ခဏာ၊ တစ်တိုင်းပြည်လုံးဆိုင်ရာ လဏ္ခာဆောင်တဲ့ ကိစ္စရပ်တွေ ဆိုတာက အားလုံးစုဆုံ ဆွေးနွေးမှပဲရမယ်။ အင်အားစု အားလုံးပါဝင်တဲ့ ဆွေးနွေးမှုတွေ လိုအပ်တယ်လို့ ကျွန်တော်တို့ (မ က ဒ တ) ကထင်တယ်” ဟုဆိုသည်။

နိုင်ငံရေးပြဿနာများကို မှန်ကန်စွာ ဆွေးနွေးအဖြေရှာခွင့် မရှိသည့် အပစ်အခတ်ရပ်စဲရေး သဘောတူညီချက်၏ သမိုင်းသင်ခန်းစာများကို ကောင်းစွာထုတ်နှုတ်သင့်ကြောင်း သူ က ဆက်ပြောသည်။

“တွေ့ဆုံဆွေးနွေးတဲ့ နေရာမှာ Justic လို့ခေါ်တဲ့ တရားမျှတမှု၊ Equality တန်းတူညီမျှမှု ၊ Political Right လို့ခေါ် တဲ့ နိုင်ငံရေးဆိုင်ရာ ဆုံးဖြတ်ပိုင်ခွင့် တွေရှိမှသာလျှင် ရေရှည်တည်တန့်နိုင်မယ့် အမျိုးသားပြန်လည် သင့်မြတ်ရေးကို ရမယ်။ ဒါမှသာလျှင် တိုင်းပြည်အတွက်၊ လက်တွဲလုပ်ဆောင်နိုင်မယ့် ခိုင်မာတဲ့ အခင်းအကျင်းတစ်ခု ပေါ်ထွန်းမယ် လို့ ယူဆပါတယ်” ဟုဆိုသည်။

တစ်ဖက်တွင် အပစ်ရပ်ပြီး အခြားတစ်ဖက်တွင် တိုက်ပွဲများဆင်နွဲနေခြင်းသည် တစ်ဖက်နှင့် တဖက်ယုံကြည်မှုကို ထိခိုက်စေပြီး အကန့်အသတ်များကို ဖြစ်ပေါ်စေကြောင်း မဇ္စျိမ ကို ပြောသည်။

“တစ်တိုင်းပြည်လုံး အပစ်အခတ် ရပ်စဲရေးကို တာဝန်ခံမှု၊ တာဝန်ယူမှု ရှိရှိနဲ့ အစိုးရသစ်ကိုယ်တိုင်ကမှ စတင်ပြီး လုပ်ဆောင်စေချင်ပါတယ်။ တစ်တိုင်းပြည်လုံးနဲ့ ဆိုင်တဲ့ အခင်းအကျင်း မရောက်သေးသရွှေ့ကတော့ တစ်ဖက်နဲ့ တစ်ဖက် အကန့်အသတ်ကြားက လုပ်ဆောင်ရတာပဲ ဖြစ်တယ်။ ဒါကြောင့်မို့လို့ ယုံကြည်မှု ရှိဖို့ အတွက်ဆိုရင် တစ်မျိုးသားလုံး၊ တစ်တိုင်းပြည်လုံးနဲ့ ဆိုင်တဲ့ အခင်းအကျင်းတွေ ဖန်တီးဖို့ လိုတယ်။ ကျန်ရှိနေသေးတဲ့ နိုင်ငံရေး အကျဉ်းသားတွေ လွှတ်ပေးဖို့လည်းလိုပါတယ်” ဟု ဆိုသည်။

ယနေ့  (မ. က. ဒ. တ) ထူထောင်သည့် ၂၄ နှစ်ပြည်အခမ်းအနားကို KNU တပ်မဟာ ရ နယ်မြေတွင် ပြုလုပ်ခဲ့ပြီး ဒီမိုကရေစီ မဟာမိတ်အဖွဲ့အစည်းများ၊ တိုင်းရင်းသားမဟာမိတ် အဖွဲ့အစည်းများ တက်ရောက်ကြောင်း သိရသည်။

ရှစ််လေးလုံးအရေးတော်ပုံကြီးမှ ပေါက်ဖွားခဲ့သည့် ကျောင်းသားတပ်မတော်ကို ထိုင်း-မြန်မာ နယ်စပ်တွင် ဖွဲ့စည်း ထူထောင်ခဲ့ပြီး စစ်အာဏာရှင်စနစ်အောက်မှ လွှတ်မြောက်ရေး၊ ဒီမိုကရေစီရေး၊ လူ့အခွင့်အရေး၊ ပြည်တွင်း ငြိမ်းချမ်းရေး၊ ဖက်ဒရယ်ပြည်ထောင်စု စနစ်ပေါ်ထွန်းရေး လက်နက်ကိုင် တိုက်ပွဲဝင်ခဲ့ကြသည်။

ပြည်သူလူထု၏ ၁၉၈၈ ဒီမိုကရေစီ တောင်းဆိုအုံကြွမှုအား စစ်တပ်မှ အကြမ်းဖက် ဖြိုခွင်းလိုက်ပြီးနောက် လက်နက် ကိုင် တော်လှန်ရေးလုပ်ရန် နယ်စပ်ဒေသများသို့ ကျောင်းသားလူငယ်များ ထောင်နှင့်ချီ၍ ရောက်ရှိသွားခဲ့ကြခြင်း လည်းဖြစ်သည်။

တော်လှန်ရေး ကာလအတွင်း မကဒတ တပ်ဖွဲ့ဝင် ရဲဘော် ၆၂၇ ဦး၊ ထိခိုက်ဒဏ်ရာရ ရဲဘော် ၃၉၉ ဦး ပေးဆပ်ခဲ့မှု အား အလေးအနက် ဂုဏ်ပြုမှတ်တမ်းတင်ကြောင်း ဖော်ပြထားသည်။

ပြည်ထောင်စု ငြိမ်းချမ်းရေး ဖော်ဆောင်သည့် လုပ်ငန်းကော်မတီနှင့် ABSDF တို့အကြား ဆက်လက်ညှိုနှိုင်း
ဆွေးနွေးရန် ရှိသော်လည်း အချိန်နှင့်နေရာ သတ်မှတ်ထားခြင်း မရှိသေးကြောင်း သိရသည်။

http://www.mizzimaburmese.com/news/inside-burma/10331------absdf-.html

အပြည့်အစုံသို့... »

ABSDF ခေါင်းဆောင်ဟောင်းများ ပြည်တော်ပြန်ခရီးစဉ် သုံးသပ်

ပြည်ပရောက် နိုင်ငံရေး လှှုပ်ရှားသူ အများစု မြန်မာနိုင်ငံသို့ ပြန်မလာမီတွင် မြန်မာနိုင်ငံ အနေဖြင့် နောက်ထပ် ဒီမိုကရေစီအရေး တွန်းအားပေးမှှုများ လိုအပ်နေသေးကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ၏ ပထမဦးဆုံး ဥက္ကဋ္ဌ ဖြစ်ခဲ့သူ အသက် ၆၃ နှစ် အရွယ်ရှိ ဦးထွန်းအောင်ကျော် က ဘန်ကောက်မြို့ ရှိ နိုင်ငံခြားသတင်းထောက်များ ကလပ်တွင် ပြောကြားလိုက်သည်။

ဦးမိုးသီးဇွန်၊ ဦးထွန်းအောင်ကျော်၊ ဦးမူးသာ၊ ဦးကိုကိုလေးတို့ဖြင့် ဖွဲ့စည်းထားသည့် ငြိမ်းချမ်းရေးမစ်ရှင်နှင့် ဒီမိုကရေစီမိတ်ဆွေ ၁၀ ပါတီတို့ တွေ့ဆုံဆွေးနွေးပွဲပြုလုပ်ကို ရန်ကုန်မြို့ ဗဟန်းမြို့နယ် ယုဇနဟိုတယ်တွင် သြဂုတ်လ ၆ ရက်နေ့၊ ၂၀၁၂ ခုနှစ်က တွေ့ရစဉ်။ (ဓာတ်ပုံ-ဟိန်းထက်၊မဇ္စျိမ)

မြန်မာနိုင်ငံသို့ စက်တင်ဘာလ ၁ ရက်နေ့မှ
အောက်တိုဘာ ၁၄ ရက်နေ့အထိ ပြန်လည် လာရောက်ခဲ့သည့် ဦးထွန်းအောင်ကျော် က
မြန်မာနိုင်ငံ၏ လက်ရှိအခြေအနေနှင့် ပတ်သတ်၍ သူနှင့် သူ့အဖွဲ့၏ သဘောထား
အမြင်များအား တနင်္လာနေ့က ရှင်းလင်း
ပြောကြားခဲ့ခြင်း ဖြစ်သည်။

ယခုအခါတွင် အမေရိကန် နိုင်ငံသား
ဖြစ်နေသည့် ဦးထွန်းအောင်ကျော်က တိုင်းရင်းသား အင်အားစုများ အားလုံးနှင့်
မြန်မာစစ်ဘက်၊ အစိုးရတို့အကြား ပြန်လည် စည်းလုံး ညီညွတ်မှှု မရရှိသေးသရွေ့
မြန်မာနိုင်ငံအနေဖြင့် မည်သည့်အခါမျှ တည်ငြိမ်လိမ့်မည် မဟုတ်ဟု ဆိုသည်။

“တိုင်းရင်းသားမျိုးစုံရဲ့ ခေါင်းဆောင်တွေနဲ့ ကျနော်တို့ရဲ့ ဆွေးနွေးပွဲတွေမှာ သူတို့က သူတို့ လူမျိုးစုတွေအနေနဲ့ ငြိမ်းချမ်းရေးနဲ့ တည်ငြိမ်မှှုကို ရရှိလိုကြောင်း ဆန္ဒပြုကြပါတယ်။ ကျနော်တို့ အနေနဲ့ လေ့လာတွေ့ရှိခဲ့တာက …ဥပမာ အားဖြင့် ရှမ်းနဲ့ ကချင်တွေ ဆိုရင်
ပြည်ထောင်စုထဲမှာ ပါဝင်လိုကြပါတယ်။ လွတ်လွတ်လပ်လပ် သီးခြားခွဲထွက်ချင်တာမျိုး မဟုတ်ပါဘူး။ တိုင်းရင်းသား အဖွဲ့တွေ လိုချင်တာက မျှတတဲ့ အခွင့်အရေးတွေနဲ့ ကိုယ်ပိုင်အုပ်ချုပ်ခွင့်တွေပါ” ဟု နယူးယောက်မြို့ Cornell တက္ကသိုလ် ကျောင်းသားဟောင်း ဦးထွန်းအောင်ကျော် က ဆိုခဲ့ကြောင်း ဘန်ကောက်ပို့စ် သတင်းစာတွင် အင်္ဂါနေ့က ဖော်ပြထားသည်။

ယခုအခါတွင် အမေရိကန် စီးပွါးရေး လုပ်ငန်းရှင် တဦး ဖြစ်နေပြီ ဖြစ်သည့် အသက် ၄၈ နှစ်အရွယ် ကိုမူးသာက
မြန်မာနိုင်ငံတွင် ဒီမိုကရေစီဆန်သော တိုးတက်မှှုများ ဆက်လက် တိုးတက်ဖြစ်ပွါးနိုင်ရန်အတွက် လူ့အဖွဲ့အစည်း
အတွင်းတွင် ငြိမ်းချမ်းရေး ရရှိရန် လိုအပ်ကြောင်း ပြောသည်။

“အစိုးရအနေနဲ့ လုံခြုံရေးနဲ့ ပတ်သတ်ပြီး အလွန်အမင်း စိုးရိမ်ပူပန်နေဆဲသာ ရှိသေးပါတယ်။ တကယ်လို့ မြန်မာနိုင်ငံ
အနေနဲ့ နောက်ထပ် တိုးတက်မှှုတွေ ရရှိဖို့ဆိုရင် နိုင်ငံအတွင်းမှာ စိတ်နေသဘောထားတွေ ပြောင်းလဲဖို့ လိုပါတယ်။
နောက်ပြီးတော့ ရေဆိုးစွန့်ထုတ်စနစ်နဲ့ ကျန််းမာရေး ကဏ္ဍတွေမှာလည်း အလျင်အမြန် တိုးတက် ပြောင်းလဲဖို့ လိုအပ်နေပါတယ်” ဟု အမေရိကန် နိုင်ငံသား ဖြစ်သည့် ကိုမူးသာ က ဆိုသည်။

ကမ္ဘာအရပ်ရပ်ရှိ ပြည်ပရောက် မြန်မာ ၆ သန်းအား အမိနိုင်ငံသို့ ပြန်၍ ဖွံ့ဖြိုးရေးတွင် ပါဝင်ကူညီ လုပ်ဆောင်ရန်
လည်း ၎င်းတို့အစုက တိုက်တွန်းသည်။

“မြန်မာနိုင်ငံ အနေနဲ့ ကဏ္ဍပေါင်းစုံမှာ ကျွမ်းကျင်သူတွေ လိုအပ်နေပြီး အဲဒီ့ လိုအပ်ချက်ကို ပြင်ပရောက် မြန်မာတွေ
က အလွယ်တကူ ဖြည့်ပေးနိုင်စွမ်း ရှိပါတယ်။ ဗျူရိုကရေစီ စနစ်က အလွန်အားနည်းပြီးတော့ ကဏ္ဍတိုင်းမှာ မကျွမ်းကျင်သူတွေပဲ ရှိပါတယ်။ ပြည်ပရောက် မြန်မာတွေ ပြန်လာစေရေး အားပေးဖို့အတွက် အစိုးရ အနေနဲ့ လွတ်ငြိမ်းချမ်းသာခွင့် ကြေညာချက်ကို အရင်ဆုံး ထုတ်ရပါမယ်” ဟု ဦးထွန်းအောင်ကျော် က ပြောသည်။

ABSDF ၏ ပြန်ကြားရေး တာဝန်ခံဟောင်း ဖြစ်ခဲ့ဖူးသူ ဦးကိုလေး ကလည်း ငြိမ်းချမ်းရေးနှင့် အမျိုးသားပြန်လည် ရင်ကြားစေ့ရေးအတွက် အဓိက အတားအဆီးမှာ အခြေခံ ဥပဒေတွင် ရှိနေသည်ဟု ဆိုသည်။

“ဒါပေမယ့် အစိုးရ အနေနဲ့ အခြေခံဥပဒေ ပြုပြင်ရေး အပြင် တခြားလုပ်နိုင်တဲ့ ဟာလည်း ရှိပါတယ်။ လာမယ့် ၂၀၁၅ ခုနှစ် ရွေးကောက်ပွဲ မတိုင်မီ တခြားကဏ္ဍတွေမှာ ဒီမိုကရက်တစ် ပြုပြင်ပြောင်းလဲရေးတွေ နောက်ထပ် ဖြစ်ပေါ်လာဖို့ အတွက် တွန်းအားပေး လုပ်ဆောင်နိုင်ပါတယ်” ဟု အမေရိကန် နို်င်ငံသားဖြစ်သူ ဦးကိုလေး က ဆိုသည်။

၎င်းတို့အစုက သမ္မတရုံး ဝန်ကြီး ဦးအောင်မင်းနှင့်လည်း ငြိမ်းချမ်းရေး ကိစ္စရပ်များကို ဆွေးနွေးခဲ့စဉ် ဦးအောင်မင်း က ကချင်နှင့် ငြိမ်းချမ်းရေး ဆွေးနွေးပွဲများနှင့် ပတ်သတ်၍ အပြုသဘောဆောင်သော သတင်းကောင်းများ ထွက်ပေါ်
လာလိမ့်မည်ဟု ဆိုခဲ့ကြောင်းလည်း ပြောပြကြသည်။

ရခိုင်ပြည်နယ်တွင် ဖြစ်ပွါးခဲ့သော ရိုဟင်ဂျာ နှင့် ဗုဒ္ဓဘာသာများအကြား ပဋိပက္ခနှင့် ပတ်သတ်၍မူ ဘာသာရေးနှင့် လူမျိုးရေး လက္ခဏာများနှင့် ပတ်သတ်သော အငြင်းပွါးဖွယ်ရာများ ပါဝင်နေသောကြောင့်ဟု ဆိုကာ ၎င်းတို့အနေဖြင့် ထင်မြင်ချက် ပေးရန် ငြင်းဆန်ခဲ့သည်။

“ဒီကိစ္စကို ဘယ်လို ပုံဖော်ကြမလဲ ဆိုတာက နိုင်ငံထဲမှာ ရှိတဲ့ လူအများစုပေါ်မှာ မူတည်ပါတယ်။ ကျနော်တို့ အနေနဲ့ အဲဒီ့အကြောင်း မပြောနိုင်ပါဘူး။ အဲဒါဟာ ရှုတ်ထွေးပြီး သိမ်မွေ့ပါတယ်” ဟု ဦးထွန်းအောင်ကျော် က ဆိုသည်။

ဒုက္ခအပေးဆုံး ပြဿနာများ အနက် တခုသော ပြဿနာမှာ စီးပွါးရေးနှင့် ပတ်သတ်နေကြောင်းကို “စိတ်ပူစရာ အကောင်းဆုံးကတော့ စက်မှှုဇုန်တွေမှာ မြေယာသိမ်းတဲ့ ကိစ္စနဲ့ ပင်လယ်ကမ်းခြေက လုပ်ငန်းတွေမှာ အာဏာပိုင်
တွေနဲ့ နီးစပ်တဲ့ လုပ်ငန်းရှင် (crony) တွေက ထိန်းချုပ်ထားတဲ့ ကိစ္စတွေ ဖြစ်ပါတယ်” ဟု ငြိမ်းချမ်းရေး မစ်ရှင်အဖြစ် မိခင်တိုင်းပြည်သို့ ၂၄ နှစ်ကြာအတွင်း ပထမဆုံးသွားရောက်ခဲ့သည့် ဦးထွန်းအောင်ကျော် က သုံးသပ်ပြောဆိုသွား
သည်။

http://mizzimaburmese.com/news/regional/10268-absdf-.html

အပြည့်အစုံသို့... »

ကျောင်းသားတပ်မတော် (မြောက်ပိုင်း) ကိစ္စ ရဲကစစ်မေး

ကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေးကျောင်းသားတပ်မတော် (မြောက်ပိုင်း) ကိစ္စ ရဲကစစ်မေး

အပြည့်အစုံသို့... »

ABSDF ကျောင်းသားဟောင်း မိသားစု သတင်းစာရှင်းလင်းပွဲပြုလုပ်

ABSDF ဥက္ကဋ္ဌဟောင်း ဒေါက်တာနိုင်အောင်က ဂျာနယ်အင်တာဗျူး တစ်ခုမှာ ABSDF ကျောင်းသားဟောင်းတွေဖြစ်တဲ့ ကိုနေဝင်းအောင်နဲ့ကိုစိုးလင်းတို့ကို ထောက်လှမ်းရေးတွေလို့ ပြောဆို ဖြေကြားထားတာနဲ့ ပတ်သက်ပြီး ကိုနေဝင်းအောင်နဲ့ ကိုစိုးလင်းတို့ရဲ့ မိသားစုဝင် အပါအဝင် အဲဒီကာလက နိုင်ငံရေးလှုပ်ရှားမှုမှာ ပါဝင်ခဲ့သူတချို့က သူတို့နှစ်ဦးဟာ ထောက်လှမ်းရေးတွေ မဟုတ်ကြောင်း ပြန်လည်ရှင်းလင်းပွဲကို ဒီကနေ့ နေ့လည်ပိုင်းက ရန်ကုန်မြို့၊ မဟာဗန္ဓုလပန်းခြံလမ်းက မစ္စတာဘရောင်းကဖေးမှာ ပြုလုပ်ခဲ့ပါတယ်။

ဒေါက်တာနိုင်အောင်က ကိုနေဝင်းအောင်နဲ့ ကိုစိုးလင်းတို့ကို ထောက်လှမ်းရေးတွေအဖြစ် ပြောဆိုခဲ့တာနဲ့ ပတ်သက်ပြီး ကိုနေဝင်းအောင်ရဲ့ ညီမအရင်းဖြစ်သူ မဖြူဖြူအောင်က RFA ကို အခုလိုပြောပါတယ်။

"နိုင်ငံရေးကို သူပြောသလိုပဲ ဖြေရှင်းဖို့တောင်မှ အချိန်တော်တော်ပေးယူရတဲ့သူတွေကိုမှ သူကပြန်ပြီးတော့ ခုတုံးလုပ်ပြီး ဒီလူတွေကတော့ ထောက်လှမ်းရေး၊ ဟိုလူတွေ ထောက်လှမ်းရေး မဟုတ်ရင် ဒီလူတွေ ထောက်လှမ်းရေး၊ ဟိုလူတွေ သတ်တာမှားရင် ဒီလူတွေက ထောက်လှမ်းရေးမို့လို့ သူမှန်တယ်ဆိုပြီး လုပ်တဲ့အခါကျတော့ ဒေါက်တာနိုင်အောင်ကို သိစေချင်တာက သူရဲကောင်းလုပ်ချင်လို့ လုပ်ပါ။ ဒါပေမယ့် သူများရဲ့ဘဝတွေကို မနင်းချေပါနဲ့။ နိုင်ငံရေးသေနေတဲ့ သူတွေကိုတောင်မှ ထပ်ပြီးတော့ နိုင်ငံရေးမှာ မမြုပ်နှံချင်ပါနဲ့လို့ ပြောချင်တာရယ်။ အမှားကို ဝန်မခံဘဲနဲ့ သူ့ရဲ့အမှားကို တခြားသူရဲ့အမှားလိုလုပ်တာကို မခံနိုင်တာ။ ဒီရှင်းလင်းပွဲကို လုပ်တာပါ"

ဒီကနေ့ ရှင်းလင်းပွဲကို ကိုနေဝင်းအောင်ရဲ့ ညီမအရင်းဖြစ်သူ မဖြူဖြူအောင်၊ အခြေခံကျောင်းသားများ သမဂ္ဂက ကိုဘိုဘို၊ ရန်ကုန်တက္ကသိုလ် မြန်မာစာဌာနက ဆရာဟောင်း ဦးဌေးသိန်း (ခေါ်) စာရေးဆရာ နောင်ကျော်တို့က ပြုလုပ်ခဲ့တာ ဖြစ်ပါတယ်။

http://www.rfa.org/burmese/news/absdf-family-press-conference-09252012110043.html

အပြည့်အစုံသို့... »