UNFC နှင့် အစိုးရ ပြန်တွေ့ရန် ရွှေ့ဆိုင်းထား

ချင်းမိုင်(မဇ္စျိမ)။   ။ ပြည်ထောင်စု ငြိမ်းချမ်ေးရး ဖော်ဆောင်ရေး လုပ်ငန်းကော်မတီနှင့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC တို့ ပြန်လည် တွေ့ဆုံရန် ရွှေ့ဆိုင်းထားသည်ဟု သိရသည်။

ပြီးခဲ့သည့် ဖေဖော်ဝါရီ တွေ့ဆုံမှုအပြီး ဒုတိယအကြိမ် ထပ်မံဆွေးနွေးမှုကို ၂ လအတွင်း ပြုလုပ်ရန် သဘောတူ ခဲ့သော်လည်း ဝန်ကြီး ဦးအောင်မင်းက နိုင်ငံခြား ခရီးလွန်နေ၍ တွေ့ဆုံမှု ရွှေ့ဆိုင်းထားသည်ဟု သိရကြောင်း UNFC တွဲဖက်အတွင်းရေးမှူး (၁) ပဒိုမန်းမန်း က ပြောသည်။

“ပြန်တွေ့ဖို့ ချိန်းထားတာက သင်္ကြန် မတိုင်ခင်မှာ။ သို့သော်လည်း ဦးအောင်မင်းက နိုင်ငံခြား ခရီးစဉ်တခု ထွက်နေရတယ်။ မဖြစ်တော့ဘူး။ ကျနော်တို့ကို အလွတ်သဘောတော့ အကြောင်းကြားပါတယ်။ ကျနော်တို့ ဘက်ကလည်း မအားသေးဘူး ဆိုတော့ ရွှေ့ဆိုင်းထားတယ်လို့ ပြောလို့ ရမယ်” ဟု မဇ္စျိမကို ပြောသည်။

ဖေဖော်ဝါရီလ ၂၀ ရက်နေ့က ဦးအောင်မင်းတို့နှင့် UNFC တို့ ထိုင်းနိုင်ငံ၊ ချင်းမိုင်မြို့တွင် နိုင်ငံရေး ဆွေးနွေးပွဲ အတွက် လိုအပ်သော မူဘောင်၊ အချိန်ဇယား၊ နေရာ၊ သက်သေများ ထားရှိရေး၊ တိုင်းရင်းသား လူမျိုးများ၏ ငြိမ်းချမ်းရေးဆိုင်ရာ နိုင်ငံရေးလုပ်ငန်းစဉ် ၆ ချက်တို့ကို ဆွေးနွေးခဲ့သည်။

သင်္ကြန်အပြီး နောက်ပိုင်း ထပ်မံ တွေ့ဆုံမှုတွင်လည်း အဆိုပါ နိုင်ငံရေး ဆွေးနွေးမှု ပေါ်ပေါက်လာရေးအတွက် အဓိက ဆွေးနွေးသွားမည် ဖြစ်ကြောင်း ပဒိုမန်းမန်းက ပြောသည်။

“အလွတ်သဘောတွေ့မယ် ဆိုပေမယ့်လည်း နိုင်ငံရေးဆွေးနွေးမှု ပေါ်ပေါက်လာဖို့အတွက် ဘယ်လို မူဘောင်တွေ ချမှတ်မလဲဆိုတဲ့ကိစ္စက အဓိကဖြစ်တယ်။ မူဘောင်တွေ ချမှတ်တယ်ဆိုတဲ့ နေရာမှာ ကျနော်တို့ ဒီဖက်မှာ WGEC (တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့) ရဲ့ ကြိုးစားဆောင်ရွက်မှုတွေ အခြေခံအားဖြင့် ဘယ်လိုဆွေးနွေးမလဲဆိုတာ ဆွေးနွေးမယ်”ဟု ပြောသည်။

ရွှေ့ဆိုင်းထားသော်လည်း နှစ်ဘက် ပြင်ဆင်နေမှုမှာ အစိုးရနှင့် မိမိတို့၏ လိုအပ်ချက်များနှင့် ထပ်တူ နားလည်မှုဖြင့် ပြင်ဆင်ဆောင်ရွက်ရန် လိုအပ်သည်ဟု ၎င်းက ဆိုသည်။

ကချင်လွတ်လပ်ရေးအဖွဲ့ KIO နှင့် ပြည်ထောင်စု ငြိမ်းချမ်ရေး ကော်မတီတို့ မြစ်ကြီးနားမြို့တွင် သင်္ကြန် မတိုင်မီ ပြန်လည် တွေ့ဆုံရေးကိုလည်း လာမည့် ၂၂ ရက်နေ့သို့ ရွှေ့ဆိုင်းထားရသည်။

http://www.mizzimaburmese.com/news/breaking-newsbrief/11345-unfc----.html

အပြည့်အစုံသို့... »

တိုင်းရင်းသားများ အကူအညီ ရရှိရေး UNFC ကြိုးပမ်း

ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) က တိုင်းရင်းသားဒေသများ အတွက် ဖွံ့ဖြိုးရေး အကူအညီများ ရရှိရေး နှင့်ပတ်သက်ပြီး ဂျပန်နိုင်ငံတွင် ယခုလဆန်းပိုင်းက သွားရောက်ဆွေးနွေးခဲ့ကြောင်း UNFC တာဝန်ရှိသူများက ပြောသည်။
UNFC ကိုယ်စားလှယ်များသည် ယခုလဆန်းပိုင်းက ဂျပန် NGO တခုဖြစ်သည့် နီပွန်ဖောင်ဒေးရှင်း၏ ကမကထ ပြုမှုဖြင့် တိုကျိုမြို့တွင် ဂျပန် အစိုးရ အကြီးအကဲများ၊ နီပွန်ဖောင်ဒေးရှင်း တာဝန်ရှိသူများနှင့်တွေ့ဆုံ၍ တိုင်းရင်းသားဒေသများ၌ ကျန်းမာရေး၊ ပညာ ရေး၊ စိုက်ပျိုးရေးနှင့် ဆန်များ ကူညီပံ့ပိုးမှု ရရှိရေး ဆွေးနွေးခဲ့ကြောင်း သိရသည်။
“သူတို့ကတော့ Project တွေတင်ခိုင်းတယ်ဗျာ၊ ကြီးရင်ကြီးတဲ့အလိုက်၊ ငယ်ရင်ငယ်တဲ့အလိုက် သူတို့ စိစစ်ဦးမှာပေါ့၊ ကူညီမယ် လို့တော့ အတိအကျ မပြောဘူး၊ ဖြစ်နိုင်မယ်လို့တော့ ပြောတယ်၊ ကူညီနိုင်မယ်ဆိုရင်တော့ သူတို့ အကြောင်းကြားမှာပေါ့၊အခုထက်ထိ တော့ ဘာမှ အကြောင်းကြားလာတာ မရှိသေးဘူး”ဟု UNFC ဒုတိယ ဥက္ကဌ ၂ ပဒိုဒေးဗစ်သာကဘော က ဧရာဝတီသို့ ပြောသည်။
တွေ့ဆုံဆွေးနွေးပွဲတွင် UNFC ဥက္ကဌ ဦးအန်ဘန်လ အပါအဝင် တာဝန်ရှိသူ ၂၁ ဦး တက်ရောက်ပြီး ဂျပန်ဝန်ကြီးချုပ် Shinzo Abe၊ ဂျပန်နိုင်ငံခြားရေး ၀န်ကြီး Fumio Kishida နှင့် နီပွန် ဖောင်ဒေးရှင်း ဥက္ကဋ္ဌ မစ္စတာ ယိုဟိုင်းဆာဆာကာဝါ တို့ ပါဝင်ကြောင်း သိရ သည်။
နီပွန်ဖောင်ဒေးရှင်းအနေဖြင့် ယခင်နှစ်က တိုင်းရင်းသား ဒေသများအတွက် အမေရိကန်ဒေါ်လာ ၃ သန်း အကုန်ကျခံကာဆန် နှင့်
ဆေးဝါးများ အကူအညီပေးခဲ့ပြီး တိုင်းရင်းသား အဖွဲ့များနှင့် အစိုးရ အဖွဲ့တို့ ငြိမ်းချမ်းရေး တွေ့ဆုံပွဲများ အတွက်လည်း ပ့ံပိုးကူညီခဲ့ သည်။
မြန်မာအစိုးရနှင့် ငြိမ်းချမ်းရေးအတွက် ဆွေးနွေးမှုဖြစ်ပေါ်လာနိုင်စေရန် နှင့် အမျိုးသား ပြန်လည်သင့်မြတ်ရေး လုပ်ငန်းစဉ်များ ကို လည်း ဂျပန်အစိုးရနှင့် နီပွန်ဖောင်ဒေးရှင်းတို့မှ ကူညီသွားနိုင်ရေး ဆွေးနွေးဖြစ်ခဲ့ကြောင်း UNFC တာဝန်ရှိသူများက ပြောသည်။
“သူတို့ရဲ့ ပြောဆိုချက်အရ မြန်မာပြည်ရဲ့ ငြိမ်းချမ်းရေးကိစ္စ၊ နိုင်ငံရေး ပြဿနာတွေဟာ တိုင်းရင်းသားရေးရာ ကိစ္စက အဓိက ကျတယ် ဆိုတာကို သူတို့ နားလည်သိမြင်တဲ့ အပေါ်မှာကတော့ ကျနော်တို့ရဲ့တိုင်းရင်းသား ကိစ္စအတွက် နိုင်ငံရေးကို ဖြေရှင်းဖို့ သူတို့ ပိုပြီးတော့ ပါဝင်ပေးနိုင်မယ်လို့ မျှော်လင့်နိုင်တာပေါ့ဗျာ”ဟု UNFC တွဲဖက်အတွင်းရေးမှူး ၁ ပဒိုမန်းမန်း ကလည်း ပြောဆိုသည်။
UNFC အနေဖြင့် ဒီမိုကရေစီအရေး၊ အမျိုးသား တန်းတူရေးနှင့် ကိုယ်ပိုင်ပြဌာန်းခွင့်ကို အခြေခံသည့် ဖက်ဒရယ်ပြည်ထောင်စု တည် ဆောက်ရေး ဖြစ်ပေါ်လာနိုင်စေရန်အတွက် ဂျပန်နိုင်ငံ အပါအဝင် အခြားနိုင်ငံများနှင့် အဖွဲ့အစည်းများ၏ ဝန်းရံပံ့ပိုးမှု ကို လည်း ရယူသွားမည်ဖြစ်ကြောင်း ယခုလ ၈ ရက်နေ့ ရက်စွဲဖြင့် သဘောထား ကြေညာချက် ထုတ်ပြန်ထားသည်။
တိုင်းရင်းသား ဒေသများတွင် ဂျပန်နိုင်ငံမှ နီပွန်ဖောင်ဒေးရှင်း အပါအဝင် ဂျပန် ပလက်ဖောင်း(Japan Platform) နှင့် Japan International Cooperation Agency(JICA) တို့ကလည်း မြန်မာအစိုးရနှင့် ချိတ်ဆက်၍ ဖွံ့ဖြိုးရေး အကူအညီများ ပေးလျက် ရှိသည်။
Japan Platform အဖွဲ့သည် ကရင်ပြည်နယ် ပြန်လည်ထူထောင်ရေး စီမံကိန်းများအတွက် အမေရိကန် ဒေါ်လာ ၁၁ သန်းကို ၃ နှစ် တာ ကာလအတွက် ဂျပန် NGO ၁၁ ဖွဲ့ဖြင့် ပူးပေါင်း၍ ကူညီထောက်ပံ့ပေးရန် မြန်မာနိုင်ငံ ငြိမ်းချမ်းရေး ပြန်လည် ထူထောင်ရေး လုပ်ငန်း ဗဟိုဌာန(MPC)နှင့် သဘောတူစာချုပ်ကို ယခုနှစ် မတ်လ ၂၅ ရက်နေ့က ရန်ကုန်မြို့တွင် လက်မှတ် ရေးထိုးခဲ့ကြသည်။
တိုင်းရင်းသား ဒေသများ အတွက် လိုအပ်သော လူသားချင်းစာနာသည့် ပံ့ပိုးမှုများကို UNFC အနေဖြင့် နီပွန်ဖောင်ဒေးရှင်းထံမှ အကူအညီ ရယူထားသော်လည်း မည်သည့် အကျိုးစီးပွားမှ တောင်းဆိုခြင်း မရှိကြောင်း UNFC တာဝန်ရှိသူများ က ပြောဆိုသည်။
၂၀၁၀ ပြည့်နှစ် နိုဝင်ဘာလတွင် အမျိုးသား တန်းတူရေးနှင့် ကိုယ်ပိုင် ပြဌာန်းခွင့် ရရှိရေးအတွက် KNU, KIO အစရှိသည့် တိုင်းရင်း သား လက်နက်ကိုင် ၆ ဖွဲ့ဖြင့် ဖယ်ဒရယ် ပြည်ထောင်စု ပေါ်ထွန်းရေး ကော်မတီ (CEFU) ကို ဖွဲ့စည်းခဲ့ပြီး ၂၀၁၁ ခုနှစ်တွင် အဖွဲ့ဝင် ၁၁ ဖွဲ့ဖြစ်လာကာ UNFC အဖြစ် ပြောင်းလဲ ဖွဲ့စည်းခဲ့သည်။

 http://burma.irrawaddy.org/archives/37366

အပြည့်အစုံသို့... »

UNFC အရေးပေါ်ဗဟိုသဘာပတိအဖွဲ ့ အစည်းအဝေး ထိုင်း-မြန်မာနယ်စပ်တွင် ကျင်းပခဲ့

ညီညွှတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ၏ အရေးပေါ် ဗဟိုသဘာ ပတိ အဖွဲ ့ နှင့် ဗဟိုအလုပ် အမှုဆောင်ကော်မီတီ အစည်းအဝေးကို ထိုင်း- မြန်မာနယ်စပ် တနေ ရာတွင် ကျင်းပ ပြုလုပ်ခဲ့သည်။
၂၀၁၃ခုနှစ်၊ မတ်လ (၂၇)မှ (၂၉) ရက်နေ ့ အထိကျင်းပပြုလုပ်ခဲ့သော အရေးပေါ် အစည်း အဝေး တွင် ပြည်ထောင်စု ငြမ်း ချမ်းရေး ဖေါ်ဆောင်ရေး လုပ်ငန်းကော်မီတီ တို ့၏ တွေ ့ဆုံဆွေးနွေးရေး အခြေအနေ၊ လက်ရှိ မြန်မာ့နိုင်ငံရေး အခြေအနေများနှင့် UNFC ၏ အနာဂါတ် တွေ ့ ဆုံဆွေးနွေး ရေး အစီအစဉ် များကို ဆွေးနွေးခဲ့ကြကြောင်း ချင်းအမျိုးသားတပ်ဦး CNF ၏ သတင်းထုတ်ပြန် ချက် တွင် ဖေါ်ပြထားသည်။
ယင်းအစည်းအဝေးက ပြည်ထောင်စုအစိုးရ၏ ငြမ်းချမ်းရေး ဖေါ်ဆောင်မှုလုပ်ငန်းကော် မီတီနှင့် တွေ ့ဆုံဆွေးနွေးရာတွင် အခြေခံရ မည် ့ နိုင်ငံရေးဆွေးနွေးမှုဆိုင်ရာ မူဝါဒ များ၊ ၂၀၀၈ခုနှစ် ဖွဲ ့စည်း ပုံအခြေခံ ဥပဒေ ပြင်ဆင်ရေး အတွက် အခြေခံမူများကို ချမှတ်ခဲ့ကြောင်း သိရသည်။
ထို ့အပြင် ပြည်ထောင်စုအစိုးရနှင့် ငြိမ်းချမ်းရေးဆွေးနွေးရာတွင် လက်နက်ကိုင် အင်အားစုများ အပါ အဝင် တိုင်းရင်းသား အင်အား စုများ အားလုံး ပါ၀င်နိုင်ရေးအတွက် ကြိုးပမ်းဆောင်ရွက်ရန် ကိုလည်း ဆွေးနွေးခဲ့ကြကြောင်း ယင်းသတင်းထုတ်ပြန်ချက်တွင် ဖေါ်ပြထားသည်။
ပြည်ထောင်စုအစိုးရ၏ ငြိမ်းချမ်းရေးဖေါ်ဆောင်ရေးကော်မီတီနှင့် လက်နက်ကိုင် တိုင်းရင်းသား အင်အားစုများဆွေးနွေး ရာတွင် နိုင်ငံ တကာ၏ ပါ၀င်မှုအခြေအနေများကို လည်းဆွေးနွေး ခဲ့ကြကြောင်း သိရသည်။
အစည်းအဝေးတွင် ပြည်တွင်းစစ်အဆုံးသတ်ပြီး ရေရှည်တည်တံ့ခိုင်မြဲသော ငြိမ်းချမ်းရေး တည်ဆောက် နိုင်ရေးအတွက်နှင့် ယင်းလုပ်ငန်း ကို နည်းမှန်လမ်းမှန်ဖြင့် မြန်မြန် ဆန်ဆန် ဖြစ်ပေါ်လာရေးအတွက် ဆွေးနွေးဆုံးဖြတ်ခဲ့ကြကြောင်း CNF ၏ သတင်းထုတ် ပြန် ချက်တွင် ဖေါ်ပြထားသည်။
UNFC ကို ၂၀၁၁ခုနှစ် ဖေဖေါ်ဝါရီလတွင် အမျိုးသားပြည်နယ်များကို အခြေခံသော ကချင် လွတ် မြောက်ရေးအဖွဲ ့ (KIO)၊ ကရင်အမျိုးသား အစည်းအရုံး (KNU)၊ ကရင်နီတိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ရှမ်းပြည်တိုးတက်ရေးပါတီ (SSPP)၊ မွန်ပြည်သစ်ပါတီ (NMSP)၊ ရခိုင်အမျိုးသားကောင်စီ (ANC)၊ ပအို ့စ် အမျိုးသား လွတ်မြောက်ရေးအဖွဲ ့ (PPLO)၊ ပလောင်ပြည် လွတ်မြောက်ရေးတပ်ဦး (PSLF)၊ ၀ အမျိုးသားအဖွဲ ့ချုပ် (WNO)နှင့် လားဟူ ဒီမို ကရက်တစ် အစည်းအရုံး (LDU) တို ့က မြန်မာနိုင်ငံ ဖက်ဒရယ်ပြည်ထောင်စု တည်ဆောက်ရေး၊ ကိုယ့်ကြမ္မာကိုယ်ဖန်တီးခွင့်ရရှိရေးနှင့် ဒီမိုကရေစီ ထွန်းကားရေးအတွက် ဖွဲ ့စည်းခဲ့သည့် တိုင်းရင်း သားလက်နက်ကိုင် အဖွဲ ့အစည်းများ၏ တပ်ပေါင်းစုဖြစ်သည်။

http://khonumthungburmese.org/?p=1863#more-1863

အပြည့်အစုံသို့... »

ငြိမ်းချမ်းရေး ဆွေးနွေးပွဲအတွက် ငွေကြေးအကူအညီ ပြည်ပမှ ယူနေရ

ငြိမ်းချမ်းရေး ဆွေးနွေးပွဲများတွက် နေပြည်တော်အစိုးရမှ ဘက်ဂျက် ထုတ်ပေးခြင်း မရှိသည့်အတွက် လိုအပ်သည့် အကူညီများကို ဆွေးနွေးပွဲကျင်းပရာ အိမ်ရှင်နိုင်ငံများမှ ယူနေရကြောင်း သိရသည်။
ယင်းသို့ ပြည်ပ အကူညီများ ယူဆောင်နေရသည့် အတွက် ငြိမ်းချမ်းရေး ဆွေးနွေးပွဲများတွင် တခါတရံ အိမ်ရှင်နိုင်ငံများ၏ စွက်ဖက်ခြင်းများ ခံနေရကြောင်း ငြိမ်းချမ်းရေး ဆွေးနွေးသူတချို့က သုံးသပ်ပြောဆိုလျှက် ရှိသည်။
မတ်လ ၁၁ ရက်နေ့က ကျင်းပသည့် တတိယအကြိမ် ပြည်ထောင်စုအဆင့် ကချင်ပြည်နယ် ငြိမ်းချမ်းရေးဆွေးနွေးပွဲကို တရုတ်နိုင်ငံ၏ အစီစဉ်နှင့် တရုတ်ပြည် ရွှေလီမြို့တွင် ကျင်းပပြုလုပ်ခဲ့ရာ ယင်းဆွေးနွေးပွဲတွင် တရုတ်နိုင်ငံ၏ ၀င်ရောက် စွက်ဖက်မှုကြောင့် ငြိမ်းချမ်းရေးဆွေးနွေးပွဲအချိန် ကြန့်ကြာခဲ့ရကြောင်း ယင်းဆွေးနွေးပွဲသို့ တက်ရောက်သူများက ပြောဆို ခဲ့သည်။
ငြိမ်းချမ်းရေး ဆွေးနွေးပွဲအတွက် နေပြည်တော် အစိုးရဘက်မှ ဘက်ဂျက် လျာထားချက် မရှိကြောင်း၊ သမ္မတကြီး အနေဖြင့် ငြိမ်းချမ်းရေး ရချင်သည့် ပုဂ္ဂိုလ်မှန်လျှင် ငြိမ်းချမ်းရေးအတွက် နိုင်ငံတော် ဘက်ဂျက်ကို ချထားပေးရမည်ဖြစ်ကြောင်း၊ ငြိမ်းချမ်းရေးသည် ပြည်တွင်းပြဿနာ၊ ညီအစ်ကို အချင်းချင်း ရန်ဖြစ်ချင်းဟုသာ ပြောပြီး စရိတ်ကို ပြည်တွင်းက မထုတ်ဘဲ ပြည်ပ အကူအညီယူနေခြင်းမှာ မဖြစ်သင့်ကြောင်း၊ ပြည်ပမှ ထည့်ဝင်သူများအနေဖြင့် ၎င်းတို့ ငွေကြေး ပါဝင်သောကြောင့် ဝင်ရောက် စွက်ဖက်လိုကြကြောင်း တိုင်းရင်းသားလူမျိုးများ ဖက်ဒရယ်ကောင်စီ (UNFC) မှ တွဲဘက် အထွေထွေ အတွင်းရေးမှူး ၂ ဗိုလ်မှူးကြီး ခွန်ဥက္ကာ ပြောသည်။
“နေပြည်တော် အစိုးရအနေနဲ့ ပြည်တွင်းမှာလည်း လုပ်ချင်တယ်၊ ဘက်ဂျက်လည်း လုံလုံလောက်လောက် ရှိမယ်ဆိုရင် ဘယ်သူ ၀င်စွက်ဖက်တာမှ ခံနေစရာ မလိုတော့ဘူး။ အခုတော့ သမ္မတက ငြိမ်းချမ်းရေး ဖော်ဆောင်ချင်တယ်လည်း ပြောတယ်၊ ဘက်ဂျက်လည်း မထုတ်ပြန်ဘူးဆိုတော့ စဉ်းစားစရာ ဖြစ်နေပါတယ်” ဟု သူက ဆိုသည်။
သို့ရာတွင်  Myanmar Peace Centerမှ ငြိမ်းချမ်းရေး အကျိုးတော်ဆောင် ဦးလှမောင်ရွှေကမူ နိုင်ငံတော် ဘက်ဂျက်အနေဖြင့် လျာထားခြင်း ရှိမရှိကို သေသေချာချာ မသိရှိကြောင်း၊ ၎င်းတို့ ကိုယ်တိုင် ယင်းကိစ္စကို မရှင်းလင်းကြောင်း၊ သမ္မတရုံးကသာ အဓိက ကိုင်တွယ်နေခြင်းဖြစ်ကြောင်း ဧရာဝတီကို ပြောသည်။
မတ်လ ၁၁ ရက်နေ့က ကျင်းပသည့် ရွှေလီဆွေးနွေးပွဲတွင် ဆွေးနွေးချိန် ကြာမြင့်လာသည့်အတွက် အစိုးရနှင့် ကချင် လွတ်လပ်ရေး တပ်မတော် (KIA) ဘက်မှ ရက်ကူးကာ ဆွေးနွေးချင်သော်လည်း တရုတ်ဘက်မှ ဖိအား ပေးခဲ့သည့်အတွက် ညသန်းခေါင်ယံကျော်သည့် အချိန်အထိ ဆွေးနွေးခဲ့ရကြောင်း သိရသည်။ ဆွေးနွေးပွဲကို မြန်မာစံတော်ချိန် နံနက် ၉ နာရီတွင် စတင်ခဲ့ပြီး ည ၁၂ နာရီကျော်မှသာ ဆွေးနွေးချိန် ပြီးဆုံးခဲ့သည်။
ထို့အပြင် ငြိမ်းချမ်းရေးနှင့် ပတ်သက်သည့် ထုတ်ပြန်ချက်တွင်လည်း တရုတ်နိုင်ငံကို ကျေးဇူးတင်ကြောင်း ထည့်သွင်းခိုင်းရာ ယင်းအချက်ကို ပါ၀င်သင့်၊ မသင့် ဆွေးနွေးတိုင်ပင်နေရသည့်အတွက် အချိန်ပိုမို ကြာမြင့်ခဲ့ကြောင်း သိရသည်။
ဆွေးနွေးချိန်နှင့် စဉ်းစားဆုံးဖြတ်ချိန်ကို တရုတ်ဘက်မှ ဖိအားပေးသည့် အတွက် ဆွေးနွေးပွဲ စားပွဲဝိုင်းမှ KIA ဒုတိယ စစ်ဦးစီးချုပ် ဗိုလ်ချုပ် ဂွမ်မော် ရုတ်တရက် ထထွက်သွားခဲ့ပြီး ၁ နာရီကျော်အကြာ မြန်မာစံတော်ချိန် ည ၁၁ နာရီမှ ဆွေးနွေးပွဲ စားပွဲဝိုင်းသို့ ပြန်လည် ရောက်ရှိလာခဲ့သည်။
တရုတ်အစိုးရ၏ ငြိမ်းချမ်းရေးဆွေးနွေးပွဲ ပါ၀င် ပတ်သက်မှု ရှိမရှိနှင့် ပတ်သက်၍ ဗိုလ်ချုပ်ဂွမ်မော်အား ဧရာဝတီက  မေးမြန်းခဲ့ရာ “တရုတ်အနေနဲ့ ပါ၀င် ပတ်သက်တာတော့ မရှိပါဘူး။ ဒါပေမယ့် သူတို့နဲ့ ပြန်ညှိတဲ့ အပိုင်းလေးတွေတော့ ရှိပါတယ်။ စာချုပ်မှာ ပါ၀င်ပြီး လက်မှတ်ထိုးမလား၊ မထိုးဘူးလား ဆိုတာမျိုးတွေပေါ့။ တရုတ်နိုင်ငံ အစိုးရက ကျနော်တို့ကို နေရေး ထိုင်ရေး စားရေး သောက်ရေးနဲ့ သွားရေးလာရေး အကုန်လုံး တာဝန်ယူပေးထားပါတယ်” ဟု ပြန်လည် ဖြေကြား ခဲ့သည်။
ယင်းနေ့ ည ၁၁ နာရီခွဲ အချိန်တွင် ငြိမ်းချမ်းရေးဆွေးနွေးပွဲ၏ ရလဒ်အဖြစ် အပစ်အခတ် ရပ်စဲရေးအပါ၀င် တခြားသော အချက် ၅ ချက်ကို သဘောတူညီမှု ရရှိခဲ့ကာ ထုတ်ပြန်ခဲ့သည်။
ငြိမ်းချမ်းရေး ဆွေးနွေးပွဲ၏ ရလဒ် အနေဖြင့် ပဏာမ အပစ်အခတ် ရပ်ဆဲရေး အဆင့်ရထားပြီ ဖြစ်သော်လည်း ခိုင်မာသည့် အပစ်အခတ် ရပ်ဆဲမှု အဆင့်အထိ မရောက်ရှိသေးကြောင်း သိရသည်။
“ပဏာမ အပစ်အခတ် ရပ်စဲရေးဆိုတာက ရန်လိုမှုတွေနဲ့ ပြစ်ဒဏ်တွေ မရှိတော့ဘူး။ ဒါပေမယ့် ပဏာမအဆင့်မှာ ရှိနေတဲ့ ရှေ့တန်းတပ်တွေ၊ ပြည်သူလူထု အနှောင့်အယှက်ဖြစ်မယ့် နေရာတွေ၊ တပ်မတော် နေရာ ယူထားတာတွေ၊ ရွာသူရွာသားတွေ မနေရဲတဲ့ စခန်းတွေ ပြန်ရွှေ့ပေးဖို့တွက် ၂ ဘက် စလုံးက လုပ်ဆောင်ရမယ်။ အပစ်ရပ် အဖွဲ့အစည်းတွေ အနေနဲ့ ပဏာမ အပစ်ရပ်တာနဲ့ ငြိမ်းချမ်းရေးရတာမျိုး မဟုတ်ပါဘူး။ ပဏာမ အပစ်ရပ်တာနဲ့ တပ်ပိုင်းဆိုင်ရာ အကောင်အထည် ဖော်မှသာ ခိုင်မာတဲ့ အပစ်အခတ် ရပ်စဲဲရေး ရောက်လာမှာပါ” ဟု  ဗိုလ်မှူးကြီး ခွန်ဥက္ကာက ဆိုသည်။
ကချင်ပြည်နယ် ငြိမ်းချမ်းရေး ဆွေးနွေးပွဲသို့ တက်ရောက်လာသည့် အဘက်ဘက်မှ ခေါင်းဆောင်များ၏ လုံခြုံရေးဆိုင်ရာ ကိစ္စ အရေးကြီးသည့် အတွက် ဆွေးနွေးသည့် နေရာ အခက်အခဲ ရှိခဲ့ကြောင်း ကြားသိရသည်။
“UNFC အနေနဲ့ တွေ့ရမယ်ဆိုရင် ထိုင်းနိုင်ငံ ချင်းမိုင်မြို့ကိုပဲ ရွေးသွားမှာပါ။ အဓိက ပြဿနာက ဘယ်သူ ကြားဝင် စီစဉ် ပေးသလဲ ဆိုတာပါပဲ။ အခုပွဲမှာ တရုတ်တွေက ကမကထ လုပ်တာဆိုတော့ ကျနော်တို့ လိုချင်တဲ့ အဓိက လူတွေ ခေါ်လို့ မရဘူး။ UK၊ US၊ UN က ကိုယ်စားလှယ်တွေကို ခေါ်လို့မရဘူး ဖြစ်နေတယ်။ အဲဒီလို ပုဂ္ဂိုလ်တွေ ခေါ်ချင်တယ်ဆိုရင် အပြင် ထွက်မှ ဖြစ်မှာပါ” ဟု ဗိုလ်မှူးကြီး ခွန်ဥက္ကာက ပြောသည်။
ဧပြီလတွင် ကျင်းပမည့် ဆွေးနွေးပွဲကို ပြည်တွင်းတွင်သာ ကျင်းပနိုင်ရန် ကြိုးစားသွားမည် ဖြစ်ကြောင်း ဦးလှမောင်ရွှေက ဆိုသည်။
“ခိုင်မာတဲ့ အပစ်အခတ် ရပ်စဲရေး သဘောတူညီချက် ရတယ်ဆိုရင် ကျနော်တို့က ပြည်တွင်းမှာ ဆွေးနွေးလည်း လက်ခံ နိုင်ပါတယ်” ဟု ဗိုလ်ချုပ်ဂွမ်မော်က ပြောသည်။
ပြည်တွင်းတွင် ငြိမ်းချမ်းရေး ဆွေးနွေးပွဲ လုပ်ဆောင်ရန် ခက်ခဲနေကြောင်း၊ ပြည်တွင်းတွင် ခေါင်းဆောင်များ သွားလာနိုင်ရန် ခရီးစဉ် တခုစာ အတွက် သမ္မတရုံး၏ ကင်းလွတ်ခွင့် အမိန့်စာဖြင့် သွားလာနေကြရကြောင်း၊ သို့ရာတွင် နယ်စပ်ပြန်ရောက်၍ အဆိုပါ စာ မရှိတော့ပါက မတရားအသင်း ဥပဒေဖြင့် အကျုံးဝင်သွားကြောင်း၊ ငြိမ်းချမ်းရေး ဆွေးနွေးပွဲ တခုစာသာ ကင်းလွတ်ခွင့် ရခြင်း ဖြစ်ကြောင်း ဗိုလ်မှူးကြီး ခွန်ဥက္ကာက ရှင်းပြသည်။
“တည့်တဲ့အချိန်ဆိုရင် ပြဿနာ မရှိဘူး။ မတည့်တဲ့ အချိန်ဆိုရင် မတရားအသင်းနဲ့ ဆက်သွယ်တယ် ဆိုပြီး ဖမ်းတော့တာပဲ။ တခေါက်စာ ကင်းလွတ်ခွင့်ရတာ ဂုဏ်သိက္ခာအတွက် အားနည်းတယ်လို့ ခံစားရတယ်။ လုံခြုံမှုလည်း တကယ်မရှိဘူး။ အဲဒါကြောင့် အထွေထွေ လွတ်ငြိမ်းချမ်းသာခွင့် မဟုတ်ရင်တောင်မှ ငြိမ်းချမ်းရေးအတွက် သွားလာနေတဲ့ လူတွေရဲ့ စာရင်းကို သေချာပြုစုပြီး ၁ နှစ်တန်သည်၊ ၆ လ တန်သည် လွတ်ငြိမ်းချမ်းသာခွင့် ပေးသင့်တယ်လို့ မြင်တယ်” ဟု သူက ဆိုသည်။
ကချင်ပြည်နယ် ငြိမ်းချမ်းရေးအတွက် ဆွေးနွေးသည့် နေရာ အလွန် အရေးကြီးကြောင်း၊ ဆွေးနွေးသည့် အဖွဲ့နှစ်ဘက်စလုံးကို မည်သည့်ဘက်ကမှ ဖိအားပေးခြင်းမျိုး မရှိဘဲ လွတ်လွတ်လပ်လပ် ဆွေးနွေးခွင့် ပြုသင့်ကြောင်း၊ တစုံတရာက ဖိအားပေးလျှင် လွတ်လပ်သည့် ဆွေးနွေးပွဲ ထွက်ပေါ်လာမည် မဟုတ်သည့်အတွက် ဆွေးနွေးသည့် နေရာကို အဓိက စဉ်းစားရန် လိုအပ်ကြောင်း ၎င်းက ဆက်ပြောသည်။
တရုတ်ပြည် ရွှေလီမြို့တွင် ကျင်းပပြုလုပ်သည့် ကချင် ငြိမ်းချမ်းရေး ဆွေးနွေးပွဲသို့ “၀” တိုင်းရင်းသား ကိုယ်စားလှယ်များကို တရုတ်နိုင်ငံ အစိုးရ လက်မခံခဲ့သည့် အတွက် တက်ရောက်ခဲ့ခြင်း မရှိကြောင်း သိရသည်။
ထို့အပြင် ကချင်ပြည်နယ် ငြိမ်းချမ်းရေး ဆွေးနွေးပွဲသို့ သတင်း လာယူသော မြန်မာမီဒီယာ သတင်းထောက် များကို ၀င်ရောက်မှတ်တမ်းတင်ခွင့် မပေးခဲ့သော်လည်း တရုတ်မီဒီယာ သတင်းထောက်များကိုမူ ဓာတ်ပုံရိုက်ခွင့်နှင့် မှတ်တမ်းတင်ခွင့်များ ပေးခဲ့သည်။
တရုတ်နိုင်ငံသည် ယခုငြိမ်းချမ်းရေး ဆွေးနွေးပွဲ ဖြစ်မြောက်ရန်အတွက် အိမ်ရှင်နိုင်ငံအဖြစ် ကူညီ ဆောင်ရွက်ခဲ့သော်လည်း ငြိမ်းချမ်းရေး ဆွေးနွေးပွဲ စားပွဲဝိုင်းတွင် လေ့လာသူအဖြစ်သာ တက်ရောက်ခဲ့ခြင်း ဖြစ်ကြောင်း ပြောဆိုသည်ဟု သိရသည်။
ရွှေလီမြို့တွင် ကျင်းပသော တတိယအကြိမ် ကချင်ပြည်နယ် ငြိမ်းချမ်းရေး ဆွေးနွေးပွဲသို့ မြန်မာအစိုးရဘက်မှ ဦးအောင်မင်း (ပြည်ထောင်စု ၀န်ကြီး၊ နိုင်ငံတော်သမ္မတရုံး)၊ ဦးအုန်းမြင့် (ပြည်ထောင်စုဝန်ကြီး၊ မွေးမြူရေးနှင့် ရေလုပ်ငန်းဝန်ကြီးဌာန)၊ ဦးလဂျွန်ငန်ဆိုင်း (၀န်ကြီးချုပ်၊ ကချင်ပြည်နယ်အစိုးရအဖွဲ့)၊ ဒုတိယဗိုလ်ချုပ်ကြီး မြင့်စိုး (ကာကွယ်ရေးဝန်ကြီးဌာန) အပါအဝင် တခြားသော ဗိုလ်မှူးကြီးများနှင့် အကြံပေး အဖွဲ့ဝင် စုစုပေါင်း ၁၂ ဦး၊ KIO/ KIA ဗဟို ကိုယ်စားလှယ်အဖွဲ့မှ ဦးဆွမ်လွတ်ဂမ် ခေါင်းဆောင် သော အဖွဲ့ဝင် ၁၁ ဦးနှင့် SSPP/SSA အဖွဲ့မှ တက်ရောက် လေ့လာသူ ၂ ဦး၊ RCSS/ SSA မှ လေ့လာသူ ၂ ဦး UWSP အဖွဲ့မှ တက်ရောက်လေ့လာသူ ၃ ဦး၊ NDAA အဖွဲ့မှ တက်ရောက်လေ့လာသူ ၂ ဦးတို့ တက်ရောက်ခဲ့ပြီး  SSA အဖွဲ့ဝင်များအနေဖြင့် လေးကြိမ်မြောက် တွေ့ဆုံဆွေးနွေးပွဲတွင်လည်း လေ့လာသူအဖြစ် တက်ရောက်သွားမည် ဖြစ်ကြောင်း သိရသည်

http://burma.irrawaddy.org/archives/35821

အပြည့်အစုံသို့... »

သတင်း UNFC နဲ့ ကြံ့ဖွံ့အစိုးရငြိမ်းအဖွဲ့ ပထမဆုံးအကြိမ် ဆွေးနွေး (ဧရာဝတီ ရုပ်သံ)

အပြည့်အစုံသို့... »

UNFC နဲ့ဆွေးနွေးခိုက် တိုက်ပွဲဖြစ်

အစိုးရ ရဲ့ ငြိမ်းချမ်းရေး ဖေါ်ဆောင်ရေး အဖွဲ့ နဲ့ UNFC ညီညွတ်သော တိုင်းရင်းသား လူမျိုးများ ဖယ်ဒရယ် ကောင်စီတို့ ငြိမ်းချမ်းရေး ဆွေးနွေး နေချိန်မှာ UNFC အဖွဲ့ထဲ ပါဝင်တဲ့ ရှမ်းပြည် တပ်မတော် မြောက်ပိုင်း SSA (North)နဲ့ အစိုးရ တပ် တိုက်ပွဲ ဖြစ်ကြ ပါတယ်။
အခုလို ငြိမ်းချမ်းရေး ဖေါ်ဆောင်မှု ပြုနေချိန် မှာ တိုင်းရင်းသား လက်နက်ကိုင် အဖွဲ့တွေ နဲ့ တိုက်ပွဲ ဖြစ်တာနဲ့ ပတ်သက်ပြီး အစိုးရ ရဲ့ ငြိမ်းချမ်းရေး ဖေါ်ဆောင်ရေး အဖွဲ့ဝင် တဦး ဖြစ်တဲ့ ဦးလှမောင်ရွှေ ကတော့ အပစ်အခတ် လက်မှတ် ရေးထိုးပြီး တိုင်အောင် တခါတလေ တိုက်ပွဲ တွေ ဖြစ်တတ်လို့ တဖြည်းဖြည်း လျှော့ချ ဖို့ ကြိုးစားလေ့ ရှိကြောင်း ဘီဘီစီ ကို ပြောပြပါတယ်။
ငြိမ်းချမ်းရေး ဖြစ်စဉ် ဆိုတာ အချိန်ယူပြီး လုပ်ရတဲ့ အကြောင်း ဝန်ကြီး ဦးအောင်မင်း ရဲ့ စကားကို ဦးလှမောင်ရွှေ က ကိုးကား ပြောပါတယ်။ ဒါပေမယ့် အခုလို တိုက်ပွဲတွေ အရှိန်မသေခြင်း ဟာ အစိုးရ အနေနဲ့ တိုင်းရင်းသား လက်နက်ကိုင် အဖွဲ့တွေ ကို တဖွဲ့ချင်း ချေမှုန်းတဲ့ ရည်ရွယ်ချက် လို့ ပြောဆို ဝေဖန်မှုတွေ လည်း ထွက်ပေါ် နေပါတယ်။
ရှမ်းပြည် တပ်မတော် မြောက်ပိုင်း SSA (North)မှ ဗိုလ်မှူး စိုင်းလ ကိုယ်တိုင်က ကချင် ပြီးရင် ရှမ်းဘက် လှည့်လာ နိုင်တယ်လို့ ပြောတာ နဲ့ ပတ်သက် လို့ ဒါဟာ သံသယ ကြောင့် ဖြစ်ပြီး ဒီသံသယ တွေ ကွယ်ပျောက်အောင် အရင်လုပ် ပြီးရင် ဒီလို ထင်မှတ်စရာ မရှိနိုင်တဲ့ အကြောင်း ဦးလှမောင်ရွှေ က ပြောပါတယ်။

ဆက်စပ်သတင်းနဲ့ အစီအစဉ်များ

• UNFC နဲ့ ငြိမ်းအဖွဲ့ ကြေညာချက်ထုတ်
  20.02.13
  ,
  တိုင်းရင်းသားရေးရာ
• ရှမ်းပြည်တပ်မတော် မြောက်ပိုင်းနဲ့ အစိုးရတပ်တွေ တိုက်ပွဲဖြစ်
  20.02.13
• အစိုးရနဲ့ ဒုဗိုလ်ချုပ်ကြီး ရွက်စစ် တို့ အဖွဲ့ ဆွေးနွေး

http://www.bbc.co.uk/burmese/burma/2013/02/130220_unfc_ssa_north.shtml

အပြည့်အစုံသို့... »

အစိုးရ ငြိမ်းအဖွဲ့နှင့် UNFC တို့ နိုင်ငံရေး ဆက်လက် ဆွေးနွေးရန် သဘောတူ

ချင်းမိုင်(မဇ္စျိမ)။   ။ အစိုးရ၏ ငြိမ်းချမ်းရေး လုပ်ငန်းကော်မတီ ကိုယ်စားလှယ်များနှင့် ညီညွတ်သော တိုင်းရင်းသား လူမျိုးများကောင်စီ UNFC ကိုယ်စားလှယ်များ နိုင်ငံရေးဆွေးနွေးနိုင်ရေး ဆက်လက်
ဆွေးနွေးရန် သဘောတူခဲ့သည်။

ထိုင်းနိုင်ငံ ချင်းမိုင်မြို့ရှိ Holiday Inn ဟိုတယ်တွင် ယနေ့နံနက် ၉ နာရီမှ ၅ နာရီထိ နှစ်ဖက် ဆွေးနွေးခဲ့ပြီး
နောက် ယခု ဆွေးနွေးမှုသည် ငြိမ်းချမ်းရေး၏ လမ်းစ ဖြစ်သည်ဟု ဆွေးနွေးမှုအပြီးတွင် ဝန်ကြီး ဦးအောင်မင်း က သတင်းထောက်များအား ပြောကြားခဲ့သည်။

“အရင်တုန်းက အစိုးရအဆက်ဆက်မှာ နိုင်ငံရေးဆွေးနွေးပွဲ စာပွဲဝိုင်းကို မရောက်ခဲ့ဘူး။ အခု ကျနော်တို့
နိုင်ငံရေးဆွေးနွေးပွဲကို လုပ်နေတယ်။ ဒီနေ့မှာ နိုင်ငံရေးဆွေးနွေးဖို့အတွက် စတင်တာ ဖြစ်ပါတယ်။
နောက်ထပ် ဆက်တိုက် လုပ်သွားဖို့လည်း ကျနော်တို့ ဆုံးဖြတ်ပြီးသား ဖြစ်ပါတယ်။ အဲဒါကြောင့်မို့ ဘာပဲဖြစ်ဖြစ် ငြိမ်းချမ်းရေးရဲ့ အစ လမ်းကြောင်းမှန်ပေါ်ရောက်ပြီလို့ ပြောလို့ ရတယ်” ဟု ပြောဆိုသွားသည်။

ငြိမ်းချမ်းရေးအကျိုးဆောင်တဦးဖြစ်သူ ဦးညှိအုန်းမြင့်က နှစ်ဖက်လုံး အပြုသဘောဆောင်သည့်
ဆွေးနွေးပွဲ ဖြစ်သည်ဟု မှတ်ချက်ပြုသည်။

“နောက်ပိုင်းမှာ နိုင်ငံရေးဆွေးနွေးပွဲတွေ ဆက်ကျင်းပသွားဖို့ သဘောတူတယ်။ အရင်တုန်းက UNFC က သတ်မှတ်ထားတဲ့ အချက်တွေ အားလုံးလိုလိုပဲ နိုင်ငံတော်ဘက်ကနေ ဒါကို ဆက်ပြီးတော့ နှစ်ဖက် လမ်းပြမြေပုံလို ညှိနှိုင်းသွားမယ်ဆိုတဲ့ သဘောတူညီချက် ရသွားပါတယ်။ အများကြီး ထူးခြားပါတယ်။ နှစ်ဖက် စလုံးက လမ်းသစ်ဖွင့်ထားပြီလို့ ပြောလို့ ရပါတယ်” ဟု ဆိုသည်။


နှစ်လအတွင်း နိုင်ငံရေးဆွေးနွေးမှုအား ပြန်လည် တွေ့ဆုံကြရန် သဘောတူခဲ့ကြသည်။

နှစ်ဖက်ဆွေးနွေးမှုများအား နိုင်ငံရေးဦးတည်ချက်၊ မူဘောင်၊ နိုင်ငံရေးဆွေးနွေးပွဲ ချမှတ်ရမည့် အစီအစဉ်များ ကြိုတင်ညှိနှိုင်းရေးဆွဲခြင်း၊ နိုင်ငံရေး ဆွေးနွေးမည့် နေရာ၊ သက်သေများ ထားရှိရေး၊ တိုင်းရင်းသား လူမျိုးများ၏ ငြိမ်းချမ်းရေးဆိုင်ရာ နိုင်ငံရေး လုပ်ငန်းစဉ် ၆ ချက်တို့အား သဘောတူခဲ့သည်ဟု ယနေ့ ထုတ်ပြန်သည့် ပူးတွဲထုတ်ပြန်ချက်တွင် ဖော်ပြထားသည်။

ထို့ပြင် နိုင်ငံရေး တွေ့ဆုံဆွေးနွေးရေးကာလနှင့် နိုင်ငံရေးဆွေးနွေးပွဲ တလျှောက်တွင် UNFC အဖွဲ့ဝင် အဖွဲ့အစည်းများ၏ နယ်မြေများအတွင်း လူသားချင်းစာနာမှုဆိုင်ရာကိစ္စများ၊ ပညာရေး၊ ကျန်းမာရေးနှင့် အခြေခံ စိုက်ပျိုးရေး၊ မွေးမြူရေးကဏ္ဍများတွင် ပြည်တွင်းနှင့် နိုင်ငံတကာ ပံ့ပိုးကူညီမှုများ ဆက်လက်
ဆောင်ရွက်ရန် ဆွေးနွေးခဲ့သည်ဟု ပါရှိသည်။


အစိုးရဘက်မှ ဝန်ကြီး ဦးအောင်မင်း၊ ဝန်ကြီး ဦးခင်ရီ၊ ဦးအုန်းမြင့်၊ ဒုရှေ့နေချုပ် ဦးထွန်းထွန်းဦး၊ မြန်မာ
ငြိမ်းချမ်းရေးစင်တာမှ ကိုယ်စားလှယ် ၁၁ ဦးနှင့် UNFC ဘက်မှ ကိုယ်စားလှယ်များအဖြစ် နိုင်ဟံသာနှင့် ကချင်လွတ်လပ်ရေးအဖွဲ့ KIO မှ အထွေထွေ အတွင်းရေးမှူး ဒေါက်တာလဂျာတို့ အပါအဝင် ကိုယ်စားလှယ်
ပေါင်း ၁၂ ဦး တက်ရောက်ဆွေးနွေးခဲ့ခြင်း ဖြစ်သည်။

နိုင်ငံရေး ဆွေးနွေးမှုများကို အဆင့် သုံးဆင့်ခွဲ၍ လုပ်ဆောင်သွားမည်ဟု ဦးညိုအုန်းမြင့် က မဇ္စျိမကို
ပြောဆိုထားသည်။ အပစ်အခတ် ရပ်စဲထားသည့် တိုင်းရင်းသားအဖွဲ့အစည်းများနှင့် တဖွဲ့ချင်း ဆွေးနွေးရန်၊
ဒေသအလိုက် လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးရန်နှင့် UNFC ကဲ့သို့ တိုင်းရင်းသား စုပေါင်းအဖွဲ့များနှင့် တွေ့ဆုံဆွေးနွေးသွားရန် ဟူ၍ အဆင့်သုံးဆင့်ဖြင့် လုပ်ဆောင်သွားမည်ဟု ဖေဖော်ဝါရီလ ၁၈ ရက်နေ့က ပြောဆိုခဲ့ခြင်း ဖြစ်သည်။

http://www.mizzimaburmese.com/news/inside-burma/10997---unfc-----.html

အပြည့်အစုံသို့... »

အစိုးရနှင့် UNFC နိုင်ငံရေး ဆွေးနွေးရန် အကြိုတွေ့ဆုံ

တိုင်းရင်းသား လူမျိုးများ ဖက်ဒရယ် ကောင်စီ (UNFC)နှင့် အစိုးရ ပြည်ထောင်စု အဆင့် ငြိမ်းချမ်းရေး ဖော်ဆောင်ရေးအဖွဲ့ ကိုယ် စားလှယ်များသည် နိုင်ငံရေး ဆွေးနွေးပွဲများအတွက် ပထမဆုံးအကြိမ် ကြိုတင် ညှိနှိုင်း ဆွေးနွေးပွဲတရပ်ကို ထိုင်းနိုင်ငံ ချင်းမိုင်မြို့တွင် ယနေ့ ပြုလုပ်သည်။
အကြိုပြင်ဆင်ရေး ကာလနှင့် နိုင်ငံရေးဆွေးနွေးပွဲ ဖြစ်စဉ်တလျှောက် UNFC အဖွဲ့ အစည်းများ၏ နယ်မြေများအတွင်း လူသားချင်း စာနာမှု ဆိုင်ရာ ကိစ္စများ၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး ကဏ္ဍများကို ပြည်တွင်းနှင့် နိုင်ငံတကာမှ ပံ့ပိုး ကူညီမှုများကို ဆက်လက် ဆောင်ရွက်နိုင်ရန် ဆွေးနွေးခဲ့ကြသည်။
နှစ်ဖက် ကိုယ်စားလှယ်များသည် နိုင်ငံရေး ဦးတည်ချက်၊ နိုင်ငံရေး ဆွေးနွေးပွဲ အတွက် လိုအပ်သော မူဘောင်၊ နိုင်ငံရေးဆွေးနွေး ပွဲတွင် ချမှတ်ရမည့် အစီအစဉ်များ ကြိုတင်ညှိနှိုင်း ရေးဆွဲခြင်း၊ နိုင်ငံရေး ဆွေးနွေးပွဲအတွက် နေရာ၊ ကြားဝင်ဆောင်ရွက်ပေးမည့် သက်သေများ ထားရှိရေး၊ တိုင်းရင်းသား လူမျိုးများ၏ ငြိမ်းချမ်းရေး ဆိုင်ရာ နိုင်ငံရေး လုပ်ငန်းစဉ်များကို ပွင့်ပွင့်လင်းလင်း ဆွေးနွေးခဲ့ကြသည်ဟုလည်း ယနေ့ ထုတ်ပြန်သည့် ပူးတွဲကြေညာချက်တွင် ပါရှိသည်။
“အစပိုင်းမှာ သဘောထားမှန်မှန်နဲ့ ဆွေးနွေးကြတာ တော်တော်လေးကောင်းတယ်၊ ကျနော်တို့ အများကြီး အားရတယ်၊ ဒီနေ့ အမြင်တွေ ညှိနှိုင်းမှု အပေါ်မှာ အမြင်တွေ နီးစပ်တယ်၊ အဖြေကောင်းတွေ အများကြီး ရလာဖို့ရှိတယ်လို့ မြင်တယ်”ဟု UNFC အဖွဲ့မှ ပြောရေးဆိုခွင့်ရှိသူ နိုင်ဟံသာက သတင်းထောက်များကို ပြောသည်။
ဆွေးနွေးပွဲကို UNFC မှ နိုင်ဟံသာနှင့် ဒေါက်တာလဂျာ၊ ဦးခွန်ဥက္ကာ၊ ဦးအောင်ဆန်းမြင့်၊ ခူးဦးရယ် အပါအဝင် ၁၂ ဦး တက်ရောက် ပြီး အစိုးရဘက်မှ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဌ ဦးအောင်မင်း ဦးဆောင်၍ ဦးခင်ရီ၊ ဦးအုန်းမြင့် အပါအဝင် ဒုတိယ ရှေ့နေချုပ် ဦးထွန်းထွန်းဦးတို့ တက်ရောက်ကြသည်။
“နှစ်ဖက် ကိုယ်စားလှယ်တွေ အခုလို တွေ့ဆုံနိုင်တာ ကျနော်တို့ နိုင်ငံအတွက် အများကြီး အလာအလာကောင်းတယ်၊ ပြောကြ ဆိုကြတဲ့ အခါမှာလည်း အတော်ကောင်းတယ်၊ တဖက်က ကျနော်တို့နိုင်ငံမှာ ပြည်တွင်းစစ် ၆၅ နှစ် တိတိပြည့်လာပြီး ဒုက္ခတွေ ကြုံနေ ရတဲ့အပေါ်မှာ ဒီလိုနိုင်ငံရေးအရ အဖြေမရှာလို့ မရတော့ဘူး ဆိုတဲ့အပေါ်မှာလည်း လေးနက်မှုတွေ တွေ့ရတယ်”ဟု နိုင်ဟံသာ က ဆက်ပြောသည်။
ဦးအောင်မင်းကလည်း ကချင် လွတ်လပ်ရေး တပ်မတော်(KIA) အနေနှင့် တခြားသော တိုင်းရင်းသားလက်နက်ကိုင် အဖွဲ့အစည်း များကဲ့သို့ နိုင်ငံရေး တွေ့ဆုံဆွေးနွေးပွဲသို့ ရောက်လာလိမ့်မည် ဖြစ်ကြောင်း သတင်းထောက်များကို ပြောကြားသည်။
“ကချင်ထဲက လောလောဆယ် ဖေဖော်ဝါရီလ ၄ ရက်နေ့က ပူးတွဲ ကြေညာချက် တစောင် ထုတ်ပါတယ်၊ အဲဒီစာထုတ်ပြီးတဲ့ နောက်ပိုင်းမှာ တိုက်ပွဲတွေ တော်တော် အေးချမ်း သွားပါပြီ၊ နောက်ထပ် တွေ့ဆုံဖို့လည်း ရှိပါတယ်၊ တခြား တိုင်းရင်းသားတွေကို ဆက်လက် တွေ့ဆုံသလိုပဲ ဆက်ပြီးလုပ်ပါမယ်”ဟု ဦးအောင်မင်းက ပြောသည်။
ဒုတိယအကြိမ် ညှိနှိုင်းအစည်းအဝေးကို နှစ်လအတွင်း ထပ်မံကျင်းပရန် နှစ်ဖက် သဘောတူညီခဲ့ကြကြောင်းလည်း ပူးတွဲထုတ်ပြန် သည့် ကြေညာချက်တွင် ပါရှိသည်။ ၂၀၁၂ ခုနှစ် နိုဝင်ဘာလက ဦးအောင်မင်းနှင့် UNFC ခေါင်းဆောင်များ နောက်ဆုံး အလွတ် သဘော တွေ့ဆုံခဲ့စဉ် နိုင်ငံရေး ပြဿနာများကို နိုင်ငံရေး အရ တွေ့ဆုံဆွေးနွေး အဖြေရှာရန် စီစဉ်ခဲ့ခြင်း ဖြစ်သည်။
UNFC အစည်းအဝေးသို့ ကချင်လွတ်လပ်ရေး အဖွဲ့ (KIO)၊ ကရင်အမျိုးသား အစည်းအရုံး (KNU)၊ ကရင်နီ ပြည်သူ့ တိုးတက်ရေး ပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည် တိုးတက်ရေးပါတီ (SSPP)၊ ပအို့ဝ်အမျိုးသား လွတ်မြောက်ရေး အဖွဲ့ (PNLO)၊ ပလောင်ပြည် လွတ်မြောက်ရေးတပ်ဦး (PSLF)၊ ရခိုင် အမျိုးသားကောင်စီ (ANC) အဖွဲ့များမှ တိုင်းရင်းသား ခေါင်းဆောင်များ တက်ရောက်ကြခြင်း ဖြစ်သည်။
၂၀၁၀ ပြည့်နှစ် နိုဝင်ဘာလတွင် အမျိုးသား တန်းတူရေးနှင့် ကိုယ်ပိုင် ပြဌာန်းခွင့် ရရှိရေးအတွက် KNU, KIO အစရှိသည့် လက် နက်ကိုင် ၆ ဖွဲ့ဖြင့် ဖယ်ဒရယ် ပြည်ထောင်စု ပေါ်ထွန်းရေး ကော်မတီ (CEFU) ကို ဖွဲ့စည်းခဲ့ပြီး ၂၀၁၁ ခုနှစ်တွင် အဖွဲ့ဝင် ၁၁ ဖွဲ့ဖြစ် လာကာ UNFC အဖြစ် ပြောင်းလဲ ဖွဲ့စည်းခဲ့သည်။

 http://burma.irrawaddy.org/archives/34292

အပြည့်အစုံသို့... »

UNFC နဲ့ ငြိမ်းအဖွဲ့ ကြေညာချက်ထုတ်

အစိုးရ ငြိမ်းချမ်းရေးဖေါ်ဆောင်ရေးအဖွဲ့နဲ့ ချင်းမိုင်မြို့မှာ ကျင်းပခဲ့တဲ့ ဆွေးနွေးပွဲ အတွက် အားရ ကြေနပ်မိတယ်လို့ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC က ပြောပြီး နိုင်ငံရေးအရ ဆွေးနွေးပွဲတွေကို နောက်နှစ်လ အတွင်း ထပ်မံ တွေ့ဆုံ ကျင်းပကြမယ်လို့ ပူးတွဲ ကြေညာချက် ထုတ်ပြန်ခဲ့ပါတယ်။

ယူအန်အက်ဖ်စီ ဖက်ကတော့ နိုင်ငံရေး အရ ဆွေးနွေးမှုတွေ ဆက်လက် လုပ်ဆောင် နိုင်မှာ ဖြစ်တဲ့ အတွက် ဒီကိစ္စအပေါ် ကျေနပ်မိတယ်လို့ ပြောပါတယ်။
အစိုးရဖက်က အခုလို အသိအမှတ်ပြုပြီး လာရောက် လက်ခံ တွေ့တာဟာ ရလဒ် တခုဖြစ်တယ် ၊ အရင်က တအုပ်စုချင်း လာတွေ့ဖို့ ဆိုနေရာက အခုတော့ စုပေါင်း အဖွဲ့ကို လက်ခံတာဟာလည်း နောက် ရလဒ် တခု ဖြစ်တယ်လို့ ဗိုလ်မှူးကြီး ခွန်ဥက္ကာက ဆိုပါတယ်။
အစိုးရ အဆက်ဆက် လက်ထက် အပစ်ရပ်ခိုင်းပြီး ဝင်ငွေ ရအောင် လုပ်ပါ ၊ စီးပွားရေး ဖွံ့ဖြိုးအောင်လုပ်ပါ ၊ နိုင်ငံရေး ပါတီထောင်ပါလို့ ပြောနေခဲ့ရာက အခုလို နိုင်ငံရေး ကိစ္စတွေ ဆွေးနွေး အကောင်အထည် ဖော်နိုင်ခဲ့တဲ့ အပေါ် ကျေနပ်မိတယ်လို့လည်း သူက ရှင်းပြခဲ့ပါတယ်။
ဒါ့အပြင် ကိစ္စကြီးတွေ တင်လိုက်ရင် ဆုံးဖြတ်ဖို့ မလွယ်တာကြောင့် ခပ်ပျော့ပျော့ ပြောင်းပြောင်း ဖြစ်စေမယ့် ကိစ္စလေးတွေလောက်ဘဲ ဆွေးနွေးခဲ့ပြီး နောက်နှစ်လ ကျမှ Issue မြင့်မြင့်တွေ ဆွေးနွေးမယ်လို့ သူက ပြောပါတယ်။
တခါ အစိုးရ ဖက်ကလည်း ဒီဆွေးနွေးပွဲ နဲ့ ပတ်သက်လို့ အကြီးအကျယ် အားရမိတယ်လို့ အစိုးရ အဖွဲ့ ငြိမ်းချမ်းရေး ဖော်ဆောင်ရေး အဖွဲ့ အကြီးအကဲ ဦးခင်ရီက ပြောပါတယ်။
ဒီအစည်းအဝေးပွဲမှာ မပါခဲ့တဲ့ ဒုတိယ ဗိုလ်ချုပ်ကြီး အင်ပန်လ ကိုယ်တိုင်တောင် ညစာစားပွဲကို တက်ရောက်လာတဲ့ အပေါ် အပေါင်းလက္ခဏာ ဆောင်တယ်လို့ ယူဆပြီး ကျေနပ်မိတယ်လို့ သူက ဆိုပါတယ်။
ဒါ့အပြင် ကချင်မှာ စစ်ပွဲတွေ ဖြစ်နေပေမယ့်လည်း ငြိမ်းချမ်းရေး လမ်းစ မြင်နေရပြီလို့ သူက ပြောပါတယ်။
တဖက်က လွှတ်တော် ပြင်ပ အဖွဲ့စုံ ဆွေးနွေးချင်ပြီး တိုင်းပြည် တည်ငြိမ်ရေးနဲ့ ငြိမ်းချမ်းရေးကို ဦးတည်သွားတဲ့ တွေကို ဖြစ်နိုင်သမျှ အကောင်အထည်ဖော် လုပ်ဆောင်သွားမှာပါလို့ ဦးခင်ရီက ရှင်းပြသွားခဲ့ပါတယ်။

http://www.bbc.co.uk/burmese/burma/2013/02/130220_unfc_burmese_govt_talk_result.shtml

အပြည့်အစုံသို့... »

အပစ်ရပ် ဆွေးနွေးပွဲမှသည် နိုင်ငံရေး ဆွေးနွေးပွဲသို့ အကြိုညှိနှိုင်း

မြန်မာအစိုးရဘက်က ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့နဲ့ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) တို့ဟာ နိုင်ငံရေး ဆွေးနွေးပွဲတွေ ဖြစ်လာဖို့အတွက် ပထမဆုံးအကြိမ် ကြိုတင် ညှိနှိုင်း ဆွေးနွေးပွဲကို ဖေဖော်ဝါရီလ ၂၀ ရက်နေ့က ထိုင်းနိုင်ငံ ချင်းမိုင်မြို့ရှိ Holiday Inn မှာ ပြုလုပ်ခဲ့ပါတယ်။
ဒီဆွေးနွေးပွဲအတွင်း နိုင်ငံရေး ဆွေးနွေးပွဲကြီး ဖြစ်လာဖို့ မူဘောင်တွေနဲ့ နေရာ သတ်မှတ်ချက်တွေ ကြားခံတွေ စောင့်ကြည့် အကဲခတ်နိုင်ရေး အခြေအနေတွေကို ဆွေးနွေးခဲ့ကြပါတယ်။
ဒါပေမဲ့လည်း သဘောတူညီချက်တွေတော့ ချမှတ်နိုင်ခဲ့ခြင်း မရှိသေးဘူးလို့ ဆိုပါတယ်။ အပြည့်အစုံကို ဗွီအိုအေ သတင်းထောက် မအေးအေးမာ က တင်ပြထားပါတယ်။

မြန်မာ အစိုးရဘက်က သမ္မတရုံး ၀န်ကြီး ဦးအောင်မင်း ဦးဆောင်တဲ့ ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့နဲ့ တိုင်းရင်းသား လက်နက်ကိုင် တပ်ပေါင်းစု တခုဖြစ်တဲ့  ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) တို့ဟာ နိုင်ငံရေး ဆွေးနွေးပွဲကြီး ဖြစ်လာစေဖို့ အတွက် ပထမဦးဆုံး အကြိမ်အဖြစ် ဖေဖော်ဝါရီလ ၂၀ ရက်နေ့မှာ ထိုင်းနို်င်ငံ ချင်းမိုင်မြို့မှာ တွေ့ဆုံ ဆွေးနွေးခဲ့တာပါ။

UNFC ရဲ့ ပြောရေးဆိုခွင့်ရှိသူ ဗိုလ်မှူးကြီး ခွန်ဥက္ကာ က ဆွေးနွေးပွဲ အခြေအနေကို အခုလို ပြောပါတယ်။

“အဓိကကတော့ ကျနော်တို့ ဆွေးနွေးပွဲ ခေါင်းစဉ်ကိုက အကြို ညှိနှိုင်း ဆွေးနွေးပွဲလို့ ခေါ်တာကိုး။ အဲ့ဒါကြောင့် နိုင်ငံရေး ဆွေးနွေးပွဲက လာမယ်။ မကြာခင်။ အဲ့ဒီနိုင်ငံရေး ဆွေးနွေးပွဲအတွက် ပြင်ဆင်တဲ့အနေနဲ့ အကြို ညှိနှိုင်းကြတာပါ။ အဓိကကတော့ နိုင်ငံရေး ဆွေးနွေးပွဲ ဖြစ်ပေါ်ဖို့ အကြို ညှိနှိုင်းကြတာပေါ့။ အဲ့ဒါပေါ့ ဒါ အဓိကကပါပဲ။ ကျနော်တို့အနေနဲ့ တခါမှ နိုင်ငံရေး ဆွေးနွေးပွဲအတွက် အခွင့်အလန်း မပေါ်ဖူးဘူးလေ။ ဘယ်အစိုးရကမှ မဖိတ်ခေါ်ဖူးဘူး။ အပစ်အခတ် ရပ်စဲရေးနဲ့ မလုံလောက်ဘူး။ ကျနော်တို့က နိုင်ငံရေး ဆွေးနွေးပွဲ လိုအပ်တယ်လို့ ပြောတော့ အဲ့ဒါ နိုင်ငံရေး ဆွေးနွေးပွဲအတွက် ဒါ ဆက်လုပ်ဖို့ နှစ်ဘက် သဘောတူတဲ့အခါကျတော့ ဒါက ကျနော်တို့ရဲ့ ကောင်းမွန်တဲ့ ရလဒ်ပေါ့ဗျာ။ တခါတည်း ဟိုဟာကြီးတော့ မဟုတ်ပါဘူး။ ထင်သာ မြင်သာတော့ မဟုတ်ပါဘူး။ တရွေ့ရွေ့ သွားရမှာပေါ့။”

ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့ဘက်ကတော့ နိုင်ငံတော် သမ္မတရုံး ၀န်ကြီး ဦးအောင်မင်း က ဦးဆောင်ခဲ့ပြီး ဦးခင်ရီ၊ ဦးအုန်းမြင့်၊ ဦးထွန်းထွန်းဦးတို့ အပါအဝင် အဖွဲ့ဝင် ၁၇ ဦး ပါ၀င်ခဲ့သလို၊ UNFC ဘက်ကတော့ အဖွဲ့ခေါင်းဆောင်အဖြစ် UNFC ရဲ့ အထွေထွေ အတွင်းရေးမှူးလည်းဖြစ်၊ မွန်ပြည်သစ်ပါတီရဲ့ အထွေထွေ အတွင်းရေးမှူးလည်း ဖြစ်တဲ့ နိုင်ဟံသာ က ဦးဆောင်ခဲ့တာ ဖြစ်ပါတယ်။

အကြို ညှိနှိုင်း ဆွေးနွေးမှုတွေထဲမှာတော့ နိုင်ငံရေး ဦးတည်ချက်၊ နိုင်ငံရေး ဆွေးနွေးပွဲအတွက် လိုအပ်တဲ့  မူဘောင်တွေ၊ နိုင်ငံရေး ဆွေးနွေးပွဲအတွက် လိုအပ်တဲ့ အချိန်ဇယားတွေ၊ နိုင်ငံရေး ဆွေးနွေးပွဲအတွက် ချမှတ်ရမယ့် အစီအစဉ်များ၊ ကြိုတင် ညှိနှိုင်းရေးဆွဲခြင်းတွေ၊ နိုင်ငံရေး ဆွေးနွေးပွဲအတွက် နေရာ၊ နိုင်ငံရေး ဆွေးနွေးပွဲ လုပ်စဉ်မှာ ကြားခံ ဆောင်ရွက် ပေးမယ့်သူတွေ စောင်ကြည့် အကဲခတ်မယ့်သူတွေနဲ့ သက်သေတွေ ထားရှိရေးတွေ၊ တိုင်းရင်းသား လူမျိုးများ၏ ငြိမ်းချမ်းရေးဆိုင်ရာ လုပ်ငန်းစဉ် (၆) ချက်တို့ ပါ၀င်ကြောင်း နှစ်ဘက် ပူးတွဲ ကြေငြာချက် ထုတ်ပြန်ခဲ့ပါတယ်။

UNFC ဘက်တော့ ဘယ်အချိန်မှာ ဖြစ်လာမယ်ဆိုတာကို အတိအကျ မပြောနိုင်သေးတဲ့ အကြောင်းတွေကိုလည်း အခုလို ပြောပြပါတယ်။

“ကျနော်တို့ အချိန်ဇယား ဆွဲနေတုန်းပဲခင်ဗျ။ ၂၀၁၄ လား၊ ၂၀၁၅ လား၊ ဟိုဘက်အလွန်လား။ သို့သော် အဲ့ဒီ နိုင်ငံရေး ဆွေးနွေးပွဲအတွက် လုပ်ငန်းစဉ်တွေ ဆွဲဖို့က ဒီကြားထဲမှာ လုပ်သွားမယ်လေ။ နှစ်လ တခါလောက် တွေ့ပြီးတော့ နိုင်ငံရေး ဆွေးနွေးပွဲအတွက် ပြင်ဆင်တဲ့ဟာတွေပေါ့ လုပ်သွားမယ်။ ပြင်ဆင်ချိန် လုံလောက်ပြီ ဆိုတာနဲ့ ကျနော်တို့က စလို့ရတာကိုး။ ကျနော်တို့ရဲ့ ပေါ်လစီကတော့ လွတ်လပ် အမှီခိုကင်းတဲ့ ပြည်ပ နိုင်ငံပေါ့ ကျနော်တို့ဘက်က၊ နောက်တခါ လွှတ်တော် ပြင်ပပေါ့။ ဒါ ကျနော်တို့ဘက်က။ ကိုယ့်ဘက်ကကြီးပဲလည်း သူများ လိုက်ချင်မှ လိုက်ပေါ့။ သူ့ဘက် ကိုယ့်ဘက် ရှိတော့ ဒီအစိုးရဘက်ကလည်း ဘာတောင်းဆိုမလဲ ကျနော်တို့ မသိဘူး။ သဘောတူတာရှိ-မရှိ ဆွေးနွေးချိန် မရလိုက်ဘူး။ နောက်အခေါက်တွေကျမှ သဘောတူမယ့် အချက်ကို ရောက်မယ်။”

အကြို ပြင်ဆင်ရေး ကာလနဲ့ နိုင်ငံရေး ဆွေးနွေးပွဲ  ဖြစ်စဉ် တလျှောက်မှာ UNFC အဖွဲ့အစည်းတွေရဲ့ နယ်မြေတွေအတွင်း လူသားချင်း စာနာမှုဆိုင်ရာ ကိစ္စရပ်တွေ၊ ပညာရေး၊ ကျန်းမာရေးနဲ့ စတဲ့ ကိစ္စရပ်တွေ၊ နိုင်ငံတကာ ပံ့ပိုးမှုတွေ ဆက်လက် လုပ်ဆောင်နိုင်ဖို့တွေ ပါ၀င်ပါတယ်။ ဒါ့အပြင် နှစ်ဘက် အလုပ်အဖွဲ့တွေ တွေ့ဆုံနို်င်ရေးအပြင် နို််င်ငံရေး ဆွေေးနွးပွဲကြီး အမြန်ဆုံး ဖြစ်လာစေဖို့အတွက် ၂ လ တကြိမ်လောက် တွေ့ဆုံနိုင်ဖို့တွေကို ဆွေးနွေးခဲ့ကြတယ်လို့ ဆိုပါတယ်။
UNFC ဟာ တိုင်းရင်းသား လက်နက်ကိုင်တွေနဲ့ ဖွဲစည်းထားတဲ့ အဖွဲ့ဖြစ်ပြီး ဒီအဖွဲ့ထဲမှာ ကချင်လွတ်မြောက်ရေးအဖွဲ့ KIO လည်း ပါ၀င်ပါတယ်။
မြန်မာအစိုးရနဲ့ ကေအို်င်အိုတို့ဟာ ၁၇ နှစ်ကြာ အပစ်ခတ် ရပ်စဲပြီးကာမှ ၂၀၁၁ ဇွန်လကစပြီး တိုက်ပွဲတွေ ပြင်းပြင်းထန်ထန် ဖြစ်ခဲ့တာပါ။ ကချင်ပြည်နယ်တွင်း မှာ တိုက်ပွဲတွေ ဖြစ်နေတဲ့အတွက် တိုင်းရင်းသားတွေနဲ့ မြန်မာအစိုးရတို့ကြားမှာ ဆွေးနွေးမှုတွေ လုပ်ခဲ့ပါတယ်။ နောက်ပိုင်းမှာတော့ KIO အပါအဝင် တိုင်းရင်းသားတွေဘက်က အပစ်အခတ် ရပ်စဲရေး ခိုင်မာစေဖို့အတွက် နိုင်ငံရေး ဆွေးနွေးပွဲတွေ လုပ်နိုင်ဖို့ကိုပဲ တစိုက်မတ်မတ် တောင်းဆိုလာခဲ့ကြပါတယ်။

ပြီးခဲ့တဲ့ နှစ်ကုန်ပိုင်းက တိုက်ပွဲ အပြင်းအထန် ဖြစ်ခဲ့တဲ့ KIO နဲ့ မြန်မာအစိုးရ ဘက်က ကိုယ်စားလှယ်တွေကတော့ ဒီလကုန်မှာ ငြိမ်းချမ်းရေးအတွက် သီးခြား တွေ့ဆုံဖို့ ရှိပေမဲ့ နေ့ရက် အတိအကျတော့ မသိရသေးပါဘူး။

http://burmese.voanews.com/content/unfc-meeting-held-in-chiang-mai/1607389.html

အပြည့်အစုံသို့... »

အစိုးရ ငြိမ်းချမ်းရေး အဖွဲ့နှင့် UNFC တွေ့ဆုံမည်

တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် အစိုးရ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့ ကိုယ်စားလှယ်များ ယခုလ ၂၀ ရက်နေ့တွင် ပထမဆုံး အကြိမ် တရားဝင် နိုင်ငံရေး တွေ့ဆုံဆွေးနွေးရန် စီစဉ်ထားသည်။
နှစ်ဖက်ကိုယ်စားလှယ်များ တွေ့ဆုံဆွေးနွေးမည့်နေရာအား ထိုင်းနိုင်ငံ ချင်းမိုင်မြို့ကို အဆိုပြုထားပြီး အစိုးရဘက်မှ ကိုယ်စားလှယ် တချို့ယနေ့ ရောက်ရှိနေပြီ ဖြစ်ကြောင်း UNFC မှ တွဲဖက် အတွင်းရေးမှူး ဦးခွန်ဥက္ကာ က ဧရာဝတီသို့ ပြောသည်။
ဆွေးနွေးပွဲကို UNFC မှ အထွေထွေ အတွင်းရေးမှူး နိုင်ဟံသာနှင့် ဒေါက်တာ လဂျာ တို့က ကိုယ်စားလှယ် ၁၂ ဦး ခန့်ကို ဦးဆောင် ၍ အစိုးရဘက်မှ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဌ ဦးအောင်မင်း ဦးဆောင်ပြီး ဦးခင်ရီ၊ ဦးအုန်းမြင့် အပါအဝင် ဒုတိယ ရှေ့နေချုပ် ဦးထွန်းထွန်းဦးတို့ တက်ရောက်မည် ဖြစ်ကြောင်း သိရသည်။
ဦးခွန်ဥက္ကာကမူ အစိုးရနှင့် တွေ့ဆုံဆွေးနွေးမည့် အကြောင်းအရာများကို ထုတ်ဖော်ပြောကြားခြင်း မရှိပေ။ သို့သော်၂၀၁၂ ခုနှစ် နိုဝင်ဘာလက ဦးအောင်မင်းနှင့် UNFC ခေါင်းဆောင်များ နောက်ဆုံး အလွတ်သဘော တွေ့ဆုံခဲ့စဉ် နိုင်ငံရေး ပြဿနာများကို နိုင်ငံ ရေး အရ တွေ့ဆုံဆွေးနွေး အဖြေရှာရန် စီစဉ်ခဲ့ခြင်း ဖြစ်သည်။
အစိုးရ နှင့် UNFC ကိုယ်စားလှယ်များကြား တွေ့ဆုံဆွေးနွေးမည့် အကြောင်း အရာများနှင့် ပတ်သက်၍ တစုံတရာ သဘောတူညီမှု ရရှိပါက ထိုနေ့ညနေပိုင်းတွင် သတင်းစာရှင်းလင်းပွဲ တရပ် ပူးတွဲ ပြုလုပ်ရန်လည်း စီစဉ်ထားသည်ဟု ဦးခွန်ဥက္ကာက ဆက်ပြော သည်။
နိုင်ဟံသာက ကချင်ပြည်နယ် အတွင်း အစိုးရတပ်က ထိုးစစ်ဆင်နေမှုများအား ရပ်ဆိုင်းရန် အဓိကထား၍ ဆွေးနွေးရန် စီစဉ် ထားကြောင်း ယခု လဆန်းပိုင်းက ပြောဆိုထားသည်။
ထိုင်းနိုင်ငံ ချင်းမိုင်မြို့တနေရာတွင် ဇန်နဝါရီလ ရ ရက်နေ့မှ စတင်၍ ၄ ရက်ကြာ ကျင်းပသည့် UNFC ၂ နှစ်ပြည့် နှစ်ပတ်လည် အစည်းအဝေးအပြီး သတင်းစာ ရှင်းလင်းပွဲတွင် နိုင်ဟံသာက သတင်းထောက်များကို ထိုသို့ ပြောကြားခြင်း ဖြစ်သည်။
“ကျနော်တို့ရဲ့ အဖွဲ့အဝင်ဖြစ်တဲ့ KIA (ကချင်လွတ်လပ်ရေး တပ်မတော်)ကို အကူအညီပေးဖို့ တာဝန်အပြည့်အဝ ရှိတယ်။ ဒီ ကိစ္စအတွက် ကျနော်တို့နဲ့ ဦးအောင်မင်းတို့ မကြာခင် တွေ့ဖို့ရှိတယ်။ ဒီကိစ္စကို ခိုင်ခိုင်မာမာနဲ့ ပြည့်ပြည့်ဝဝ တဖက်က ဖိပြီးဆွေးနွေး ပါမယ်”ဟု ၎င်းက ပြောကြားသည်။
KIA ကို ထိုးစစ်ဆင်နေမှုအား ရပ်ဆိုင်းရေးနှင့် နိုင်ငံရေးဆွေးနွေးပွဲများ ဖြစ်ပေါ်လာရေး အတွက် ၄ ရက်ကြာ UNFC အစည်း အဝေး တွင် တိုင်းရင်းသား ကိုယ်စားလှယ် ၃၀ နီးပါး တက်ရောက် ဆွေးနွေးခဲ့ကြောင်း သိရသည်။
KIA ကလည်း UNFC အနေနှင့်သာ အစိုးရနှင့် ငြိမ်းချမ်းရေး အတွက် ဆွွေးနွေးလိုကြောင်း ပြီးခဲ့သည့် လက ထုတ်ပြန် ကြေညာ ထား သည်။
UNFC အစည်း အဝေးသို့ ကချင်လွတ်လပ်ရေး အဖွဲ့ (KIO)၊ ကရင် အမျိုးသား အစည်းအရုံး (KNU)၊ ကရင်နီ ပြည်သူ့ တိုးတက်ရေး ပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည် တိုးတက်ရေးပါတီ (SSPP)၊ ပအို့ဝ်အမျိုးသား လွတ်မြောက်ရေး အဖွဲ့ (PNLO)၊ ပလောင်ပြည် လွတ်မြောက်ရေးတပ်ဦး (PSLF)၊ ရခိုင် အမျိုးသားကောင်စီ (ANC)၊ လားဟူ ဒီမိုကရက်တစ် သမဂ္ဂ (LDU)၊ ‘၀’ အမျိုး သားအဖွဲ့ချုပ် (WNO) တို့မှ တိုင်းရင်းသား ခေါင်းဆောင်များ တက်ရောက်ကြသည်။
၂၀၁၀ ပြည့်နှစ် နိုဝင်ဘာလတွင် အမျိုးသား တန်းတူရေးနှင့် ကိုယ်ပိုင် ပြဌာန်းခွင့် ရရှိရေးအတွက် KNU, KIO အစရှိသည့် လက် နက်ကိုင် ၆ ဖွဲ့ဖြင့် ဖယ်ဒရယ် ပြည်ထောင်စု ပေါ်ထွန်းရေး ကော်မတီ (CEFU) ကို ဖွဲ့စည်းခဲ့ပြီး ၂၀၁၁ ခုနှစ်တွင် အဖွဲ့ဝင် ၁၁ ဖွဲ့ဖြစ် လာကာ UNFC အဖြစ် ပြောင်းလဲ ဖွဲ့စည်းခဲ့ခြင်း ဖြစ်သည်။

http://burma.irrawaddy.org/archives/34112

အပြည့်အစုံသို့... »

စစ်ဦးစီးချူပ်ငြိမ်းချမ်းရေးကမ်းလှမ်း UNFC ကြိုဆို

မြန်မာ့တပ်မတော်ရဲ့ ကာကွယ်ရေးဦးစီးချုပ် ဒုဗိုလ်ချုပ်မှုးကြီးမင်းအောင်လှိုင်က ကချင်လွတ်လပ်ရေး တပ်မတော်KIA အနေနဲ့ အမှန်တကယ် ငြိမ်းချမ်းရေးရယူလိုရင် အချိန်မရွေး လာရောက်တွေ့ဆုံ ဆွေးနွေးနိုင်ကြောင်း  ဖိတ်ခေါ်လိုက်တဲ့အပေါ်မှာ KIA ဖက်က လက်ရှိဆွေးနွေးပွဲတွေအတိုင်း ဆက်လက်ဆွေးနွေးသွားမယ်လို့ ပြောဆိုလိုက်ပါတယ်။ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီကတော့ ဒါကို ကြိုဆိုကြောင်းပြောဆိုထားပါတယ်။ ရန်ကုန်အခြေစိုက် ဗွီအိုအေသတင်းထောက် ကိုမိုးဇော်က သတင်းအပြည့်အစုံ တင်ပြပေးထားပါတယ်။

KIA ကို အခုလို ဖိတ်ခေါ်လိုက်တာကိုတော့ ဒုဗိုလ်ချုပ်မှုးကြီးမင်းအောင်လှိုင်က နိုင်ငံတော် ကာကွယ်ရေး တက္ကသိုလ်မှ သင်တန်းသား အရာရှိကြီးများနဲ့ နေပြည်တော် တိုင်းစစ်ဌာနချုပ် နယ်မြေရှိ တပ်နယ် ၆ ခုမှ အရာရှိ၊ အရာခံ၊ အကြပ်၊ စစ်သည် မိသားစုတွေနဲ့ တွေ့ဆုံ ရှင်းလင်းပြောကြားရာမှာ ထည့်သွင်းပြောဆို သွားခဲ့တာဖြစ် ပါတယ်။ နိုင်ငံရေးလေ့လာ သူတွေက နိုင်ငံတော်သမ္မတက KIAအပေါ် ထိုးစစ်ဆင်တာတွေ ရပ်တန့်ဖို့ လွန်ခဲ့တဲ့ နှစ်တွေက အမိန့်ပေးခဲ့ပေမဲ့ တိုက်ပွဲတွေ ဆက်လက်ဖြစ်နေခဲ့တာကြောင့် ကချင်ပြည်နယ်အတွင်းက တိုက်ပွဲတွေ ရပ်ဆိုင်းဖို့ဟာ ကာကွယ်ရေးဦးစီးချုပ်အပေါ်မှာ မူတည်နေသလားဆို သုံးသပ်တာတွေ ရှိခဲ့ဖူးပါတယ်။ ဒါကြောင့်  ကာကွယ်ရေး ဦးစီးချုပ်ရဲ့ ဖိတ်ခေါ်ချက်ကို အားလုံးက ထူးခြားမှုတခု အဖြစ်လည်း ရှုမြင်နေတာဖြစ်ပါတယ်။ ဒီဖိတ်ခေါ်ချက်အပေါ် KIAတပ်ဖွဲ့ဖက်က သဘောထားကိုတော့ KIO ရဲ့ ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဦးဆွမ်လွတ်ဂမ်က အခုလို တုန့်ပြန်ပြောဆိုပါတယ်။

“ကျနော်တို့က ဒါကို ဘယ်သူပဲပြောပြော၊ သမ္မတကြီးပဲပြောပြော၊ လွှတ်တော်ကပဲ ပြောပြော၊ အစိုးရအနေနဲ့ ပြောတယ်လို့ ယူဆပါတယ်။ ဒါကြောင့်မို့ ဆွေးနွေးဖို့ဆိုတာက ကျနော်တို့က အရင်ကတည်းက လုပ်နေတာဖြစ်ပါတယ်။ အဲ့ဒီ့ မင်းအောင်လှိုင် ဦးစီးချုပ်ရဲ့ ကမ်းလှမ်းချက်ကတော့ ကျနော်တို့ မသိရသေးဘူး။ သိသည်ဖြစ်စေ၊ မသိသည်ဖြစ်စေ၊ ကျနော်တို့က အစိုးရအနေနဲ့ ကျနော်တို့ကို ပြောထားတာ၊ ဆွေးနွေးနေတာတွေကို ဆက်ပြီး လုပ်သွားဖို့ ပြင်ဆင်နေတာ ကျနော်တို့ ရှိနေတာပဲ။ ဒါကို ကျနော်တို့ ဆက်လုပ်သွားဖို့ ရှိပါတယ်။”

ဒီလ ၄ရက်နေ့က KIOနဲ့ အစိုးရငြိမ်းချမ်းရေးကို်ယ်စားလှယ်အဖွဲ့ တရုတ်နိုင်ငံရွှေလီမြို့မှာ တွေ့ဆုံဆွေးနွေးချိန်က ဒီလ ကုန်ပိုင်းမှာ ထပ်မံဆွေးနွေးဖို့ နှစ်ဖက် သဘောတူထားတာဖြစ်ပါတယ်။ ဖေဖော်ဝါရီလကုန်ပိုင်းမှာ ထိုင်းနိုင်ငံမှာ ထပ်မံ ဆွေးနွေးကြမယ်လို့ သတင်းတွေ ထွက်ပေါ်နေပေမဲ့ ဦးဆွမ်လွတ်ဂမ်က အတည်ပြုချက် မပေးပါဘူး။ တိုင်းရင်းသားလက်နက်ကိုင်အဖွဲ့တွေ စုပေါင်းဖွဲ့စည်းထားတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က ကာကွွယ်ရေးဦးစီးချုပ်ရဲ့ ကမ်းလှမ်းချက်ကို ကြိုဆိုကြောင်း တပ်ပေါင်းစုရဲ့ အထွေထွေ အတွင်းရေးမှူးနိုင်ဟံသာက ပြောပါတယ်။

“ ကောင်းပါတယ်။ အခုလို  တဖက်က ဦးအောင်မင်းတို့ကလည်း ဆက်ဆွေးနွေးနေပြီးဖြစ်တယ်။ လွန်ခဲ့တဲ့ ၄ရက်နေ့တုန်းကလည်း ဆွေးနွေးတယ်။ ဒီလမကုန်ခင်မှာလည်း ဆက်ပြီးဆွေးနွေး မယ်လို့ပဲ ကြားနေရတယ်လေ။ ဒါက ကောင်းပါတယ်။ ကေအိုင်အို ကလည်း ငြင်းပယ် တာမဟုတ်ဘူး။ နောက်တဖက်ကလည်း အဲ့သလို ဆွေးနွေးပွဲ လမ်းပေါက်လာတဲ့အပေါ်မှာ ဒီကာကွယ်ရေးဦးစီးချုပ် ကိုယ်တိုင် အဲ့သလိုပြောလာတာကိုလည်း ကျနော်တို့ ကြိုဆိုပါတယ်။"

KIO အဖွဲ့ ဟာ UNFCမှာ ပါ၀င် ဖွဲ့စည်းထားတာလည်း ဖြစ်ပါတယ်။ ဒုဗိုလ်ချုပ်မှုးကြီး မင်းအောင်လှိုင်ရဲ့ ပြောဆိုချက်မှာ လက်နက်ကိုင်အဖွဲ့အစည်း ၁၁ ဖွဲ့အနက် ၁၀ ဖွဲ့ဟာ ဒုတိယအဆင့်ဖြစ်တဲ့ ပြည်ထောင်စုအဆင့် ငြိမ်းချမ်းရေး သဘောတူညီမှုရပြီးဖြစ်ကြောင်း၊ တပ်မတော်က လက်နက်ကိုင် အဖွဲ့အစည်းတွေနဲ့ ငြိမ်းချမ်းရေးရယူထားတာဟာ အပစ်အခတ် ရပ်စဲပြီး ယာယီငြိမ်းချမ်းရေး ရယူထားခြင်းသာဖြစ်လို့ ဥပဒေဘောင်အတွင်း အပြည့်အဝ ၀င်ရောက် လာအောင်၊ ထာဝရငြိမ်းချမ်းရေးရအောင် ဆောင်ရွက်ဖို့ ကျန်နေကြောင်းလည်း ထည့်သွင်းပြောကြား ခဲ့ပါတယ်။ ဒီအချက်အပေါ်မှာတော့ UNFCရဲ့ အထွေထွေအတွင်းရေးမှူးးနိုင်ဟံသာက အခုလို တုံပြန်ထားပါတယ်။

“ဥပဒေဘောင်ဆိုတာ တဖက်တည်းက သတ်မှတ်တဲ့ ဥပဒေဘောင် ထပ်ပေါ့ဗျာ။ ညှိနှိုင်းစုပေါင်းပြီးမှ အများလက်ခံနိုင်တဲ့ ဥပဒေဘောင်မျိုး ဖြစ်ဖို့ လိုပါတယ်။ အဲ့တာကလည်း နိုင်ငံရေးအရ ဆွေးနွေးဖြေရှင်းမှုမရှိဘဲနဲ့ တဖက်သတ်ကနေ ချမှတ်ထားတဲ့ ဥပဒေ ဘောင်ထဲကို တဖက်က ဝင်ရမယ်ဆိုတဲ့ဟာကလည်း မတရားဘူးလေ။ ဒါကလည်း မဖြစ်သင့်ပါဘူး။ အဲ့တာ နည်းလမ်းရှာဖို့လိုပါတယ်။ နှစ်ဖက်အမြင်ရှိကြဖို့လိုပါတယ်။ တဖက်က  ၂၀၀၈ ဖွဲ့စည်းပုံရဲ့  အတည်ဖြစ်လာတဲ့ပုံစံကရော၊ ရေးသားတဲ့ပုံစံကရော၊ တဖက်က ဒီလက်ရှိ ကျနော်တို့ နိုင်ငံရေးပြဿနာကို မဖြေရှင်းနိုင်လို့ ပြဿနာတက်နေတာဖြစ်တယ်။ ဒီလက်ရှိ အခြေခံဥပဒေနဲ့ မပြေလည်လို့ ကျနော်တို့ ညှိနှိုင်းနေရတဲ့ အနေအထားမျိုးမှာ တဖက်သတ်ပြောနေမယ်ဆိုရင်တော့ ဒါပြေလည်နိုင်စရာမရှိသေးဘူးလို့ ကျနော်က မြင်တယ်ဗျာ။”

UNFCနဲ့ သမ္မတရုံးဝန်ကြီးဦးအောင်မင်းခေါင်းဆောင်တဲ့ ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီကတော့ နောက်တပတ်အတွင်းမှာ တွေ့ဆုံဖို့ ပြင်ဆင်နေကြောင်းလည်း ပြောပါတယ်။ ပြီးခဲ့တဲ့ ဖေဖော်ဝါရီလ ၁၂ရက်နေ့ကတော့ အပစ်အခတ်ရပ်စဲထားတဲ့ UNFC တပ်ပေါင်းစုရဲ့ အဖွဲ့ဝင်တွေဖြစ်တဲ့ ကရင်၊ ရှမ်း၊ မွန်၊ ချင်း၊ ပအို၀်နဲ့ နာဂ အပါအဝင် တိုင်းရင်းသား လက်နက်ကိုင်အဖွဲ့အစည်း၉ဖွဲ့လောက်ဟာ နေပြည်တော်မှာကျင်းပတဲ့  ပြည်ထောင်စုနေ့ အခမ်းအနားကို တက်ရောက်ခဲ့ကြပါတယ်။ အပစ်အခတ်ရပ်စဲထားတဲ့ ၀၊ မိုင်းလားအဖွဲ့တွေနဲ့ အပစ်မရပ်သေးတဲ့ ကချင်နဲ့ ပလောင်အဖွဲ့တွေကတော့ အခမ်းအနားကို မတက်ရောက်ခဲ့ပါဘူး။

http://burmese.voanews.com/content/burmese-army-gen-min-aung-hlaing-calls-for-peace-kio-kia/1603593.html

အပြည့်အစုံသို့... »

တမူး တံတားဖောက်ခွဲမှု ကသည်းအဖွဲ့ UNLF တုံ့ပြန်

နယူးဒေလီ (မဇ္စျိမ)။   ။ မြန်မာ-အိန္ဒိယနယ်စပ် တမူးခရိုင် နန့်သလက်ချောင်း တံတားအား ဖေဖော်ဝါရီလ ရ ရက်
နေ့ နံနက် ၁ နာရီခန့်က မိုင်းခွဲ ဖျက်ဆီးမှုသည် မြန်မာအစိုးရသတင်းစာမှ စွပ်စွဲထားသလို ကသည်း(မဏိပူရ) သူပုန်အဖွဲ့မှ မဟုတ်ကြောင်းနှင့် အိန္ဒိယအစိုးရ အာသံတပ်များက ပုံမှားရိုက် တန့်ပြန် စစ်ဆင်ရေးသာ ဖြစ်ကြောင်း အဆိုပါ မဏိပူရသူပုန်အဖွဲ့ UNLF က သတင်းထုတ်ပြန် တုန့်ပြန် လိုက်သည်။

“နိုင်ငံတကာ နယ်စပ်ဖြတ်ကျော် အကြမ်းဖက်မှုတရပ်ဖြစ်သလို ဖြစ်ပွားရခြင်း အကြောင်းအရင်းက ရှင်းလင်းပါတယ်။ UNLF ကို အပြစ်တင်ဖို့ အိန္ဒိယ ဗဟိုအစိုးရ လုံခြုံရေးတပ်များက ပိုစတာများပေါ်တွင်  ‘UNLF အဓွန့် ရှည်ပါစေ၊ ကဘော်ချိုမ့်ဝှမ်းဒေသသည် မဏိပူရီများနှင့်သာ ဆိုင်သည်’ စသည့် ရိုင်းစိုင်းသော အဓိပ္ပါယ်ပါ စာသားများရေးသား
ကာ ကြိုးစားခဲ့တယ်” ဟု ထိုအဖွဲ့၏ ထုတ်ပြန်ချက်အား ကိုးကား၍ ပြည်နယ်တွင်းထုတ် Imphal Free Press သတင်းစာတွင် ရေးသားထားသည်။

“အိန္ဒိယစစ်တပ်ရဲ့ ပုံမှားရိုက် အဖျက်လုပ်ငန်း တန်ပြန်စစ်ဆင်ရေးဟာ မြန်မာပြည်သူများနှင့် မဏိပူရ ပြည်သူများ
အကြား သပ်လျှိုဖြိုခွဲဖို့ လုပ်တာပါ” ဟု ထုတ်ပြန်ချက်က ဖြည့်စွက် ဖော်ပြထားကြောင်း သတင်းစာက ရေးသားထား
သည်။

၎င်းတို့၏ စွပ်စွဲချက်တွင် ဖေဖော်ဝါရီ ၆ ရက်နှင့် ရ ရက် ညက၊ မိုးရေးမြို့တွင် တပ်ချထားသည့် အိန္ဒိယ အာသံတပ် အမှတ် ၄၄ နှင့် အမှတ် ၂၄ တပ်များ ပူးပေါင်းကာ နယ်စပ်ဖြတ်ကျော်၍ မြန်မာပိုင်နက် နယ်မြေအတွင်းသို့ ၀င်ရောက်ခဲ့ပြီး တမူးမြို့၏ မြောက်ဘက် မိုင် ၂၀ အကွာရှိ တမူး-မင်းသာ လမ်းမကြီးပေါ်ရှိ တံတားအား ဖောက်ခွဲ
ရေး အစီအမံရေးဆွဲကာ ဖျက်ဆီးခဲ့ကြောင်း ဆိုထားသည်။

မြန်မာ့ နိုင်ငံပိုင် သတင်းစာများအဆိုအရ ဖောက်ခွဲ ဖျက်ဆီးခံရသည့် တံတားမှာ ၂၄ဝ ပေအရှည် အကျယ် ၁၂ ပေ ရှိ သံဘောင်ဘေလီ၊ နှစ်လွှာ တထပ် အမျိုးအစား တံတား တစင်းဖြစ်ပြီး ဖေဖော်ဝါရီ ရ ရက် နံနက်ပိုင်းတွင်
သောင်းကျန်းသူအဖွဲ့ တချို့က မိုင်းထောင် ဖောက်ခွဲဖျက်ဆီးခဲ့ခြင်းဖြစ်ပြီး ကျပ် သိန်း ၃၀၀ ဖိုးခန့် ဆုံးရှုံးခဲ့ရကြောင်း သိရသည်။

ထိုကဲ့သို့ ဖောက်ခွဲဖျက်ဆီးသွားသည့် သောင်းကျန်းသူအဖွဲ့မှာ မဏိပူရပြည်နယ် မှ ကသည်းလက်နက်ကိုင် အဖွဲ့
ဖြစ်ကြောင်း ‘တမူးမြို့ စန္ဒာကူး ၃ ရပ်ကွက်တွင် ဖမ်းဆီးမိသည့် လက်နက်မျိုးစုံ ၉၆ လက်နှင့် ခဲယမ်းများမှာ ကသည်းသောင်းကျန်းသူ United National Lebration Front UNLF “ပြည်ထောင်စု အမျိုးသား လွတ်မြောက်ရေး
တပ်ဦးအဖွဲ့” ပိုင် ဖြစ်၍ ယင်းအဖွဲ့က မကျေနပ်သဖြင့် တံတားကို ဖောက်ခွဲဖျက်ဆီးခြင်း ဖြစ်ကြောင်း သိရှိရသည်’ ဟု တနင်္ဂနွေနေ့ထုတ် မြန်မာ့အလင်းသတင်းစာက ဖော်ပြခဲ့သည်။

UNLF မှ ဗိုလ်မှူးကြီး အဆင့်ရှိသူ ဦးတွန်ဘ နှင့် ဗိုလ်အဆင့်ရှိသူ ကိုမြင့်အောင် တို့မှ အဆိုပါ လက်နက်သေတ္တာ များအား အပ်နှံထားခဲ့ခြင်းဖြစ်သည်ကြောင်း ဖေဖော်ဝါရီလ ၃ ရက်နေ့က မြန်မာနိုင်ငံ ရဲတပ်ဖွဲ့ စာမျက်နှာတွင်ဖော်ပြ
ခဲ့သည်။

PLA, ULFA, UPLF, PREPAK, KCP, KYKL, RPF, UNLF, MNRF, KLO of Assam စသည်တို့ အပါအဝင် မြန်မာ
ပိုင်နက်ထဲတွင် အိန္ဒိယလက်နက်ကိုင်သူပုန် ၁၀ ဖွဲ့ထက်မနည်း ခိုလှုံလျက်ရှိကြောင်း အိန္ဒိယသတင်းစာများ တွင်
ရေးသားလေ့ရှိကြပြီး အိန္ဒိယဘက်မှ ၎င်းသူပုန်များအား ပြန်လည်လွှဲပြောင်းပေးရန် အကြိမ်ကြိမ် တောင်းဆိုလေ့ရှိ
သည်။

အိန္ဒိယ အစိုးရ သတင်းထုတ်ပြန်ရေး အဖွဲ့ အဆိုအရ “UPPK နှင့် ၂၀၁၂ ခုနှစ်၊ နိုဝင်ဘာမှ ဆွေးနွေးခဲ့မှုများလုပ်ခဲ့
ပြီး ဖေဖော်ဝါရီ ၄ ရက်နေ့တွင် ကေဒါ ၄၅ ဦး လက်နက်အမျိုးမျိုးနှင့်အတူ တိုင်းပြည်တွင်းပြန်လည်ဝင်ရောက်လာ
ခြင်းဖြင့် အဆုံးသတ်လိုက်ပြီဖြစ်သည်” ဟု ဆိုသည်။

http://www.mizzimaburmese.com/news/regional/10948--unlf-.html

အပြည့်အစုံသို့... »

မူကွဲလွဲမှု မဖြစ်စေဖို့ UNFC ကိုယ်စားလှယ်အဖွဲ့ KNU နှင့် သွားရောက်ဆွေးနွေး

ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီမှ (UNFC) မှ ချမှတ် ထားသည့် မူနှင့် ကရင်အမျိုးသား အစည်း အရုံး (ကေအဲန်ယူ) ၏ (၁၅) ကြိမ်မြောက် ကွန်ဂရက်မှ ချမှတ်ထားသည့် မူအကြား ကွဲလွဲမှုမရှိစေရန် ပြီးခဲ့သည့် ဇန်နဝါရီ (၂၁) ရက်နေ့တွင် UNFC ကိုယ်စားလှယ် အဖွဲ့ တစ်ဖွဲ့ မဲဆောက် မြို့သို့သွားရောက်တွေ့ဆုံ
ဆွေးနွေး ခဲ့ကြောင်း အဖွဲ့တွင်ပါ၀င်သည့် ဗိုလ်မှူးကြီး ခွန်ဥက္ကာမှ ပြောသည်။

ယခုလို သွားရောက်ဆွေးနွေးခြင်းမှာ တပ်ပေါင်းစုမူဝါဒ ရေးရာပိုင်း၌ တစ်ပေါင်း တစ်စည်းတည်း ဖြစ်စေရန် အတွက် ရည်ရွယ်ခြင်း ဖြစ်သည် ဟုလည်း ဆိုပါသည်။

“ပဏာမ အနေနဲ့ UNFC မှာ ဆက်လက် လက်တွဲ ဆောင်ရွက်ဖို့၊ UNFC နဲ့လည်း မကင်းကွာဖို့ပေါ့ အဲဒါ ပြော
တယ်၊ ပေါ်လစီပိုင်းကတော့ နိုင်ငံရေး ဆွေးနွေးပွဲ တွေမှာ UNFC နဲ့ တစ်ပေါင်း တစ်စည်းတည်း အတူတကွ ပါဝင်ဖို့ ဖိတ်ခေါ် ရင်းပေါ့ အဲဒါတွေ ဆွေးနွေး ကြတယ်” ဟု ဗိုလ်မှူးကြီး ခွန်ဥက္ကာမှ မဇ္စျိမအား ပြောသည်။

ကေအဲန်ယူမှ အပစ် အခတ် ရပ်စဲရေး ခိုင်မာအောင် ဆက်လက် လုပ်ဆောင် နိုင်ရန် တစ်ဖွဲ့ချင်း အနေနှင့် အစိုးရ
အား ဆက်လက် တွေ့ဆုံရန် သဘောထား ရှိပြီး ၎င်းအတိုင်းပင် ဆက်လက် ရပ်တည် သွားမည် ဖြစ်ကာ နိုင်ငံရေး
တွေ့ဆုံ ဆွေးနွေးပွဲကိုသာ UNFC ဖြင့်သာ ဆက်လက်ဆွေးနွေးသွားမည့် မူကိုကား လက်ခံကြောင်း ဗဒို ကွယ်ထူးဝင်းမှ ပြောသည်။

“UNFC နှစ်ပတ်လည် ညီလာခံက ထုတ်ပြန်တဲ့ အင်္ဂလိပ် ဘာသာမှာ အခု အချိန်က စပြီး လာမယ့် အစိုးရနဲ့ ငြိမ်းချမ်းရေး တွေ့ဆုံဆွေးနွေး ရေးနဲ့ နိုင်ငံရေးတွေ့ဆုံ ဆွေးနွေးရေး ကိစ္စ UNFC တစ်ဖွဲ့ ထဲကနေ ဦးဆောင် သွားမယ် ဆိုတဲ့ အချက်က ကျွှန်တော်တို့ ပေါ်လစီ နဲ့ကိုက်ညီမှုမရှိဘူး” ဟု ကေအဲန်ယူ အထွေထွေ အတွင်း ရေးမှူး ဗဒို ကွယ်ထူးဝင်းမှ မဇ္စျိမအား ပြောသည်။

ကေအဲန်ယူ ခေါင်းဆောင် သစ်များ အနေနှင့် နဂို တပ်ပေါင်းစု ဝင်ရောက် ခဲ့သည့် မူအတိုင်းပင် UNFC နှင့် ဆက်လက် လက်တွဲ ဆောင်ရွက် သွားမည် ဖြစ်ကာ ဗဟို ကော်မီတီ အများစုမှာ သဘောထား ပြောင်းလဲမှု မရှိကြပဲ၊ အချို့မှာ မေးခွန်း ထုတ်စရာ၊ စီစစ် စရာများ ရှိသည်ဟု သဘောထားများ ကေအဲန်ယူ အတွင်း ရှိသည်ဟု ခွန်ဥက္ကာ
မှ ပြောသည်။

“UNFC နဲ့ ကင်းကွာ မှာက ကျွန်တော်တို့ဘက်က စိုးရိမ် တာပါ၊ ခေါင်းဆောင်သစ်တွေက တွေ့ထိ ဆက်ဆံံမှု အားနည်းရင် ကိုယ့်နည်း ကိုယ့်ဟန်နဲ့ အစစ အရာရာ နေပြည် တော်နဲ့ အားလုံးကို ချိတ်ဆက် လုပ်ဆောင် သွားမယ် ဆိုရင် နိုင်ငံရေး ဆွေးနွေး ပွဲတွေ အထိကို ထိခိုက် လာနိုင်ဖွယ် ရှိပါတယ်၊ ကြိုတင် ပူပန်တဲ့ သဘောပါ၊ လက်တွေ့တော့ ဖြစ်လာတာ မရှိသေးဘူး” ဟု ဗိုလ်မှူးကြီး ခွန်ဥက္ကာမှ မဇ္စျိမအား ပြောသည်။

အပစ်ခတ် ရပ်စဲရေး အသေးစိတ် အချက် အလက်များ ဖြစ်သည့် Code of Conducts များစသည့် အချက်အလက် များကိုမူ တစ်ဖွဲ့ချင်း လက္ခဏာ ဖြင့်သာ လုပ်ဆောင် နိုင်ကြောင်းလည်း ဗိုလ်မှူးကြီး ခွန်ဥက္ကာမှ ပြောသည်။

UNFC မှ ကေအဲန်ယူ ထံသို့ ကိုယ်စားလှယ် အဖွဲ့ ဖွဲ့ကာ သွားရောက် တွေ့ဆုံ ရန်ကိုလည်း ပြီးခဲ့သည့် UNFC
နှစ်ပတ်လည် ညီလာခံ၌ ဆုံးဖြတ်ချက် တစ်ရပ် အနေဖြင့် ချမှတ် ခဲ့သည်ဟု ဆိုပါသည်။ UNFC ဥက္ကဋ္ဌ အင်ဘန်လ ကိုယ်တိုင် လာရောက် တွေ့ဆုံလိုသော်လည်း ကျန်းမာရေး အခြေ အနေကြောင့် သွားရောက် နိုင်ခဲ့ခြင်း မရှိကာ ဒုဥက္ကဋ္ဌ (၁) အေဘရယ်ဒွိစ်မှ ဦးဆောင်ကာ သွားရောက် တွေ့ဆုံ ခဲ့ခြင်း ဖြစ်သည်။

ယခု ခရီးစဉ်သည် (၁၅) ကြိမ်မြောက် ကွန်ဂရက် အပြီးတွင် သမ္မတ ဖိတ်ခေါ် ချက်အရ နေပြည်တော်သို့ ကေအဲန်
ယူမှ သွားရောက် တွေ့ဆုံခဲ့ရကာ ၎င်းမှ ရရှိလာသည့် ဆွေးနွေး ချက်များ၊ မူများနှင့် တပ်ပေါင်းစု မူများအကြား
ကေအဲန်ယူ ခေါင်းဆောင် သစ်များ အကြား သဘောထား ကွဲလွဲမှု မရှိစေရန် အတွက် သွားရောက် ဆွေးနွေးခြင်း
လည်းဖြစ်၊ ကေအဲန်ယူ ခေါင်းဆောင်သစ် များအား သွားရောက် ဂါရဝ ပြုခြင်းလည်း ဖြစ်သည်ဟု ၎င်းက ပြောသည်။

ကေအဲန်ယူ ခေါင်းဆောင် သစ်များ အနေ ဖြင့်လည်း (၁၅) ကြိမ်မြောက် ကွန်ဂရက်အပြီး ပြီးခဲ့သည့် ဇန်နဝါရီလ (၂) ရက်နေ့၌ UNFC ဥက္ကဋ္ဌ အင်ဘန်လအား လာရောက် တွေ့ဆုံကာ ဂါဝရ ပြုခဲ့ ပါသည်။

http://www.mizzimaburmese.com/news/inside-burma/10841---unfc--knu--.html

အပြည့်အစုံသို့... »

အစိုးရနှင့် UNFC နောက်လတွင် တွေ့ဆုံမည်ဟုဆို

မြန်မာအစိုးရနှင့် ညီညွတ်သောတိုင်းရင်းသားများဖက်ဒရယ်ကောင်စီ UNFC နှစ်ဖက်ကိုယ်စားလှယ်များ လာမည့်ဖေဖေါ်ဝါရီလတွင် တွေ့ဆုံဖွယ်ရှိကြောင်း UNFC အထွေထွေအတွင်းရေးမှူး နိုင်ဟံသာက ပြောသည်။

ကချင်ဒေသရှိ တိုက်ပွဲဖြစ်ပွားသည့်မြင်ကွင်း

နှစ်ဖက်ကြားခံပုဂ္ဂိုလ်များ အပြန်အလှန်ဆက်သွယ်ချက်များအရ ဖေဖေါ်ဝါရီလကို သတ်မှတ်ထားပြီး ဆွေးနွေးကြမည့်နေရာကို မသတ်မှတ်ရသေးဟု သိရသည်။
နိုင်ဟံသာက “အခြေအနေပေါ်မူတည်ပြီး ဘယ်အဆင့်ကနေ ဆွေးနွေးသွားမယ်ဆိုတာ အဆုံးအဖြတ်မပေးနိုင် သေးဘူး၊ အချိန်နီးကပ်တဲ့လာတဲ့အခါ ထုတ်ဖေါ်ပြောကြားပါမယ်” ဟု ပြောသည်။
သို့ရာတွင် အစိုးရ၏ ကချင်ဒေသ ထိုးစစ်ရပ်ဆိုင်းရေး အတွက် အဖက်ဖက်က တောင်းဆိုနေကြောင်း၊ အကယ်၍ အစိုးရ ထိုးစစ်မရပ်ဆိုင်းခဲ့လျှင် မည်ကဲ့သို့ ဆက်လက်လုပ်ဆောင် သွားမည်ကို မကြာမီရက်ပိုင်းတွင် UNFC အစည်းအဝေး ကျင်းပသည့်အခါ ဆုံးဖြတ်ချက်များ ချမှတ်ရမည်ဖြစ်ကြောင်း သိရသည်။
“ကချင်ဒေသတိုက်ပွဲမှာ ဘယ်သူကကျူးကျော်စစ်၊ ဘယ်သူကထိုးစစ်ဖြစ်သလဲ၊ တိုက်ပွဲတွေက မြစ်ကြီးနား၊ ဗန်မော်၊ နေပြည်တော်အနီးမှာ ဖြစ်နေတာမဟုတ်ဘူး၊ KIO,KIA ကချင်ဌာနချုပ်အနီးမှာ ဖြစ်နေတယ်၊ ဆိုလိုချင်တာက အစိုးရတပ်တွေ အဲဒီရှေ့တန်းကနေ ဆုတ်လိုက်ရင် တိုက်ပွဲတွေနည်းသွားမယ်၊ ဒီလိုနဲ့တဖြည်း ဖြည်း တိုက်ပွဲတွေ အလိုလိုရပ်ဆိုင်းသွားမယ်”ဟုလည်း နိုင်ဟံသာက ပြောသည်။
၂၀၁၃ ခုနှစ်၊ ဇန်နဝါရီလ ၁၉ ရက်၊ နံနက် ၆ နာရီအချိန်မှစ၍ ကချင်ပြည်နယ်၊ လဂျားယန်ဒေသရှိ မြန်မာ့တပ်မတော် ထိုးစစ်များရပ်ဆိုင်းကြောင်း၊ KIO,KIAနှင့်ဆွေးနွေးလိုကြောင်း မြန်မာအစိုးရ သမ္မတဦးသိန်းစိန် က အတိအလင်း ကြေညာခဲ့သော်လည်း ထိုနေ့များတွင် မြန်မာအစိုးရ စစ်လေယာဉ်များပါ ဗုံးဆက်ကြဲနေသည်ကို BBC,CNN, အယ်ဂျာဇီယားရုပ်သံများတွင် သတင်းပြသခဲ့သည်။
ကချင်လွတ်လပ်ရေးအဖွဲ့ KIO ဗဟိုကော်မတီဝင်များအနေဖြင့် အစိုးရနှင့်ဆွေးနွေးပွဲများကို UNFC အနေဖြင့်သာ ဆွေးနွေးမည်ဟု မြန်မာအစိုးရထံ ဇန်နဝါဝါရီလ ၂၁ ရက်နေ့က အကြောင်းပြန်ခဲ့ပြီးဖြစ်သည်။
နိုင်ဟံသာက “UNFC မှာက KIO ကဥက္ကဌတာဝန်ယူထားတယ်၊ ဒါ့ကြောင့် UNFC ရဲ့မူကို အပြည့်အဝလိုက်နာ တယ်၊ အပစ်ရပ်စဲရေးသက်သက်မဟုတ်ဘဲ UNFC နဲ့အစိုးရ နိုင်ငံရေးဆွေးနွေးပြီး အရေးကြီးတဲ့ဆုံးဖြတ်ချက် တွေသဘောတူညီမှုရယူဖို့ပါ၊ အခြားအသေးအဖွဲကိစ္စတွေက တစ်ဖွဲ့ချင်းနဲ့ဆက်ပြီးဆွေးနွေးလို့ရပါတယ်” ဟု ပြောသည်။
တိုင်းရင်းသားလက်နက်ကိုင် UNFC ၁၁ ဖွဲ့တွင် ကချင် KIO ကဥက္ကဌ၊ ကရင် KNU က ဒုဥက္ကဌ၊ မွန် NMSP ကအတွင်းရေးမှူးတာဝန် အသီးသီးရယူထားလျှက်ရှိသည်။
ပြီးခဲ့သည့် နိုဝင်ဘာလတွင် မြန်မာအစိုးရ၏ပြည်တောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီ ဥက္ကဌဦးအောင်မင်းနှင့် UNFC ငြိမ်းချမ်းရေးဆွေးနွေးရေးအဖွဲ့ခေါင်းဆောင် နိုင်ဟံသာတို့ ထိုင်းနိုင်ငံ၊ ချင်းမိုင်မြို့၌ အလွတ်သဘောတစ်ကြိမ်တွေ့ဆုံဆွေးနွေးခဲ့ပြီး ဖြစ်သည်။

http://burmese.bnionline.net/index.php/news/imna/12804--unfc--.html

အပြည့်အစုံသို့... »

အစိုးရထုတ်ပြန်ချက်မှာ တဖက်သတ် ဝါဒဖြန့်ခြင်းသာဖြစ်ဟု UNFC ဝေဖန်

 
စံခလပူရီ (မဇ္စျိမ) ။ ။ ကချင်လွတ်မြောက်ရေးအဖွဲ့/တပ်မတော် (KIO/KIA) နှင့် ပတ်သက်သည့် အစိုးရ သတင်းထုတ်ပြန်ရေးအဖွဲ့၏ ထုတ်ပြန်ချက်သည် တဖက်သတ် ဝါဒဖြန့်ချိရေးလုပ်ရပ်ဖြစ်ကြောင်း ညီညွတ်သော တိုင်းရင်းသားများ ဖက်ဒရယ်ကောင်စီ UNFC သတင်းထုတ်ပြန်ရေးအဖွဲ့က ပြောသည်။

“အစိုးရတပ်တွေက လူ့အခွင့်အရေး အကြီးအကျယ် ချိုးဖောက်တယ်။ အဲဒါတွေက တလုံးမှမပြောဘူး။ KIO/KIA တပ်တွေက တံတားချိုးတာ၊ လမ်းဖျက်တာ၊ လုယက်တာ၊ အတင်းအဓမ္မ စစ်သားစုဆောင်းတာ အဲဒီကို လျှောက်ပြောတာကိုး။ ဒါတွေက လူထုတွေ မုန်းတီးအောင် မျက်စိလည်အောင် လုပ်တာပဲ။ အဲဒါက တဖက်ကို အပြစ်တင်ပြီးတော့ သူတို့တိုက်တာက မှန်တယ်ဆိုတာ ထောက်ပြချင်တာ။ ဒါတွေဟာ နာဇီဝါဒပဲ” ဟု UNFC ဒု-ဥက္ကဋ္ဌ၊ လူထုဆက်ဆံရေးနှင့် သတင်းထုတ်ပြန်ရေးအဖွဲ့ ခေါင်းဆောင် စောဒေးဗစ်သာကပေါက မဇ္စျိမကို ပြောသည်။

အစိုးရ၏ ဇန်နဝါရီလ ၁၈ ရက်နေ့က ထုတ်ပြန်ချက်တွင် ပါရှိသည့် “မိမိကိုယ်ကို ခုခံကာကွယ်ရုံမှအပ ချီတက်ထိုးစစ်ဆင်ခြင်း တိုက်ခိုက်ခြင်းမပြုရန် နိုင်ငံတော်သမ္မတရုံး၏ ညွှန်ကြားချက် ရရှိခဲ့သည့် ၂၀၁၁ ခုနှစ်၊ ဒီဇင်ဘာလ ၁၀ ရက်မှ ၂၀၁၃ ခုနှစ်၊ ဇန်နဝါရီလ ၁၅ ရက်အထိ KIO/KIA အဖွဲ့အနေဖြင့် လမ်းတံတားဖောက်ခွဲဖျက်ဆီးမှု ၁၂၂ ကြိမ်၊ မိမိတပ်စခန်းများအား လာရောက်နှောင့်ယှက်ပစ်ခတ်ခြင်း ၆၄ ကြိမ်၊ အရပ်သားများ မိုင်းနင်းမိခြင်း ၃၀ ကြိမ်၊ လုယက်ဖျက်ဆီးခြင်း ၆၀ ကြိမ်၊ လူသစ်စုဆောင်းခြင်းနှင့် အဓမ္မဖမ်းဆီးခြင်း ၂၈ ကြိမ် ရှိခဲ့ပြီး မိမိတပ်များနှင့် ထိတွေ့မှုပေါင်း ၁၀၉၅ ကြိမ် ဖြစ်ပွားခဲ့ကာ အရာရှိစစ်သည်အများအပြား ကျဆုံးခြင်း၊ ဒဏ်ရာရခြင်းများ ရှိခဲ့သည်” ဟူသည်ကို UNFC က တုံ့ပြန်လိုက်ခြင်းဖြစ်သည်။

စစ်ပွဲများ ဖြစ်ပွားလာပါက ဆက်သွယ်ရေးလမ်းကြောင်းများ ဖြတ်တောက်ရခြင်းသည် စစ်ပွဲ၏ သဘောတရားသာဖြစ်သည်ဟု စောဒေးဗစ်သာကပေါက ဆိုသည်။

ထို့အတူ ပြည်ထောင်စုမြန်မာနိုင်ငံအမျိုးသားကောင်စီ (NCUB) ကလည်း အဆိုပါ အစိုးရ သတင်းထုတ်ပြန်ရေးအဖွဲ့၏ ထုတ်ပြန်ချက်သည် ငြိမ်းချမ်းရေးကို ရှေးရှုသည့်လုပ်ရပ် မဟုတ်ကြောင်း ပြောဆိုလိုက်သည်။

“ဒီထုတ်ပြန်ချက်ဟာ တိုင်းရင်းသားတွေနဲ့ပတ်သက်တဲ့ အမျိုးသား ရင်ကြားစေ့ရေးကို ရှေးရှုတဲ့၊ တနိုင်ငံလုံးအတိုင်းအတာနဲ့ ဆက်စပ်ပြီးတော့ လွှမ်းခြုံနိုင်တဲ့၊ စစ်မှန်တဲ့ ပြည်တွင်းငြိမ်းချမ်းရေးကို ဦးတည်တဲ့ သဘောထားမျိုးလို့ ကျနော်တို့ လက်ခံလို့ မရဘူး။ စစ်ပွဲတွေနဲ့ ပတ်သက်တဲ့ report တွေ၊ ဖြစ်စဉ်လောက်ကိုပဲ ထုတ်ပြန်တဲ့ သဘောထားလို့ ကျနော်တို့ သုံးသပ်တယ်” ဟု NCUB တွဲဖက်အတွင်းရေးမှူး ဦးမြင့်သိန်းက ဆိုသည်။

သတင်းထုတ်ပြန်ချက်သည် ကချင်ဒေသတခုလုံးကို အပစ်အခတ်ရပ်စဲခြင်း မဟုတ်ဘဲ လဂျားယန်ဒေသတခုကိုသာ အပစ်ရပ်သဘောသက်ရောက်ကြောင်းလည်း UNFC နှင့် NCUB တို့က ပြောသည်။

ကချင်လွတ်လပ်ရေးအဖွဲ့ KIO ကမူ လဂျားယန်ဒေသတွင်မကဘဲ ကချင်ဒေသတခုလုံး စစ်ဆင်ရေးများ လျှော့ချရန် လိုလားကာ အစိုးရကြေညာချက်မှ အလားအလာကောင်းများ ဖော်ဆောင်သွားနိုင်မည်ဟု မျှော်လင့်ထားပြီး အစိုးရ ငြိမ်းချမ်းရေးဖော်ဆောင်ရေးကောမတီနှင့် ဆွေးနွေးပွဲများကိုမူ KIO နှင့် ဆွေးနွေးမည့်အစား UNFC နှင့်သာ ဆွေးနွေးသင့်ကြောင်း ကြေညာထားသည်။

လက်ရှိအစိုးရ၏ လုပ်ရပ်မှာ လွန်ခဲ့သည့် ၁၈ နှစ်ခန့်က ကရင်အမျိုးသားအစည်းအရုံး (KNU) အား အထီးကျန်အောင် လုပ်ဆောင်သကဲ့သို့ KIO/KIA အား လုပ်ဆောင်နေခြင်းဖြစ်သည်ဟု UNFC က ထောက်ပြပြောဆိုသည်။

“အဲဒီတုန်း (၁၉၉၄ ခုနှစ်ဝန်းကျင်) က မြောက်ပိုင်း တောက်လျှောက်ပေါ့ဗျာ။ KIO တို့၊ ကရင်နီတို့ကလည်း လွယ်လွယ်နဲ့ လက်မှတ်ထိုးသွားတယ်။ နောက်ဆုံး (၁၉၉၅ ခုနှစ်)မှာ မွန် (NMSP) လည်း လက်မှတ်ထိုးလိုက်တယ်။ KNU တဖွဲ့ပဲ ကျန်ခဲ့တယ်လေ။ KNU ကို အထီးကျန်အောင် အစိုးရက လုပ်ခဲ့တယ်။ အခုလည်း ဒီဘက်မှာ လွယ်လွယ်နဲ့ လက်မှတ်ထိုးလိုက်ကြတာပဲ။ စီးပွားရေးတွေ ဘာညာ မက်လုံးပေးပြီး လက်မှတ်ထိုးကြတာပေါ့ဗျာ။ ကချင်ကျတော့ အထီးကျန်တဲ့သဘောဖြစ်နေတယ်။ ဒါ သူတို့ (အစိုးရ) ရဲ့ သေနင်္ဂဗျူဟာလို့ ကျနော်တို့ ယူဆတယ်” ဟု ဗဒိုစောဒေးဗစ်သာကပေါက သုံးသပ်သည်။

KIO/KIA အပေါ် အစိုးရတပ်၏ ထိုးစစ်ဆင်မှု မရပ်မချင်း ငြိမ်းချမ်းရေးဆွေးနွေးမှုများ လုပ်ဆောင်သွားမည်မဟုတ်ကြောင်းကို ဇန်နဝါရီလ ၁၀ ရက်နေ့တွင် UNFC က သဘောထားထုတ်ပြန်ထားသည်။

http://drlunswe.blogspot.com/2013/01/unfc.html

အပြည့်အစုံသို့... »

ကချင်ဒေသတွင်း ပြင်းထန်သောထိုးစစ်ကြောင့် တွေ့ဆုံဆွေးနွေးရေးနှောင့်နှေးနိုင်ဟု နိုင်ဟံသာပြော

မင်းသုတ – မြန်မာအစိုးရ ငြိမ်းချမ်းရေးဖော်ဆောင်ရေးလုပ်ငန်းကော်မတီ ဦးအောင်မင်းအဖွဲ့နှင့် ညီညွတ် သော တိုင်းရင်းသားလူမျိုးများဖက်ဒရယ်ကောင်စီ UNFC ကိုယ်စားလှယ်တို့ နိုင်ငံရေးဆွေး နွေးပွဲကျင်းပ သွားရန် သဘောတူညီမှုရရှိထားသော်လည်း ယခုအခါအစိုးရတပ်ဖွဲ့က ကချင်ဒေသတွင်း ပြင်းထန်သောထိုးစစ်ဆင်နေခြင်းကြောင့် နိုင်ငံရေးတွေ့ဆုံဆွေးနွေးရေးနှောင့်နှေးနိုင်သည်ဟု UNFC အထွေထွေအတွင်းရေးမှူး နိုင်ဟံသာက လွတ်လပ်သောမွန်သတင်းအေဂျင်စီသို့ ပြောသည်။

UNFC အထွေထွေအတွင်းရေးမှူး နိုင်ဟံသာ(IMNA)

နိုင်ဟံသာက “ကချင်တွေနဲ့တိုက်ပွဲပြင်းထန်နေတယ်ဆိုတော့ ဆွေးနွေးရေးနှောင့်နှေးသွားနိုင်တယ်။ တွေ့ဆုံဆွေးနွေးဖို့ ပြည်တွင်းလား ပြည်ပလား ဆိုတာကိုလည်းအဖြေပေးဖို့ခက်နေတယ်။ နှစ်ဖက်တွေ့ဆုံဆွေးနွေးရေးလုပ်ဖို့ သဘောတူညီမှုရှိနေပါလျှက်နဲ့ စစ်ရေးအရ ပြင်းပြင်း ထန်ထန်ထိုးစစ်ဆင်လာတာဟာ အစိုးရအနေနဲ့ အပြောတမျိုး အလုပ်တမျိုး မရိုးသားတဲ့ သဘောထားရှိတယ်ဆို တာကိုပြသလိုက်တာဖြစ်တယ်” ဟု ပြောသည်။ ဦးအောင်မင်း ခေါင်းဆောင်သောမြန်မာအစိုးရကိုယ်စားလှယ်အဖွဲ့နှင့် နိုင်ဟံသာ ခေါင်းဆောင် သော UNFC ကိုယ်စားလှယ်တို့ လွန်ခဲ့သည့် နိုဝင်္ဘာလ (၉)ရက်နေ့တွင် ထိုင်းနိုင်ငံ၊ ချင်းမိုင်မြို့၌ အလွတ်သဘောတွေ့ဆုံ ဆွေးနွေးခဲ့ကြစဉ် နိုင်ငံရေးပြဿနာတွေကို နိုင်ငံရေးနည်း အရ တွေ့ဆုံဖြေရှင်းသွားရန်၊ တစ်ပြည်လုံး အပစ်အခတ် ရပ်စဲနိုင်ရေးနှင့် ကချင်နှင့် လက်နက်ကိုင် ပဋိပက္ခဖြစ်ပေါ်လျှက်ရှိသောအဖွဲ့အစည်းများအတွက် UNFC ပါဝင်ညှိနှိုင်းဖြေရှင်းသွားရန် သဘောတူညီမှုရခဲ့သည်ဟု သူက ပြောသည်။
ဒီဇင်ဘာလ နောက်ဆုံးပတ် ခရစ်စမတ်ကာလမှစတင်၍ မြန်မာအစိုးရ တပ်မတော်စစ်ရေး အရှိန်မြှင့်တင်ခဲ့ရာတွင် ဂျက်တိုက်လေယာဉ်၊ စစ်သုံးရဟတ်ယာဉ်များဖြင့် ရော့ကက်လောင်ချာ၊ စစ်သေနတ်များပစ်ခတ်သည့်အပြင် ဗုံးကြဲခြင်း၊ ၁၀၅-၁၂၀ မီလီမီတာအမြှောက်များဖြင့် အကြိမ်ပေါင်းများစွာပစ်ခတ်တိုက်ခိုက်နေသည့်လုပ်ရပ်အား UNFC မှပြင်းထန်စွာ ကန့်ကွက်ရှုံ့ချကြောင်း ဇန်နဝါရီ(၁) ရက်နေ့စွဲဖြင့် ကျေညာချက်ထုတ်ပြန်ခဲ့သည်။
ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ကို တိုင်းရင်း သားလက်နက်ကိုင် အဖွဲ့(၁၁) ဖွဲ့ဖြင့်၂၀၁၁ ခုနှစ် ဖေဖော်ဝါရီလ(၁၆) ရက်နေ့တွင် ဖွဲ့စည်းခဲ့သည်။
၄င်းလေကြောင်းတိုက်ခိုက်မှုများကို အစပိုင်းတွင်အစိုးရတာဝန်ရှိသူများ ငြင်းဆိုခဲ့ကြသော်လည်း အမောင်းသင်ဂျက်လေယာဉ်များအသုံးပြုတိုက်ခိုက်ခဲ့ကြောင်း ယခုရက်ပိုင်းတွင် အစိုးရပြောရေး ဆိုခွင့်ရှိသူက ဝန်ခံပြောကြားခဲ့သည်ကို သတင်းဌာနများတွင် ဆက်လက်ဖော်ပြထားသည်။
မြန်မာအစိုးရ၏လေကြောင်းအင်အားအသုံးပြု ထိုးစစ်ဆင်မှုကိုဝန်ခံပြောကြားလာမှုအပြီး ၄င်းလေကြောင်း တိုက်ခိုက် ထိုးစစ်ဆင်မှုအပေါ် အလွန်အမင်း စိတ်ပျက်မိကြောင်း အမေရိကန် ပြည်ထောင်စုက ထုတ်ဖော်ပြောကြားခဲ့သည်။
ကချင်ပြည်နယ်တွင် ကချင်တိုင်းရင်းသားလက်နက်ကိုင်များကို အစိုးရစစ်တပ်က လေကြောင်းထိုးစစ်ဆင် တိုက်ခိုက်မှုများအပေါ်စိုးရိမ်မိကြောင်း၊ ၄င်းစစ်ပွဲအမြန်ဆုံးရပ်တန့်ရန်နှင့် အကောင်းဆုံး နည်းလမ်းရှာ၍ တွေ့ဆုံ ဆွေးနွေးမှုမှတဆင့် မတူညီမှုများကို ညှိနှိုင်း အဖြေရှာကြရန် ဇန်နဝါရီ ၂ ရက်နေ့တွင် ကုလသမဂ္ဂက တိုက်တွန်းခဲ့သည်။
“ပြည်တွင်းစစ် အနှစ်(၆၀) ကျော်ကာလအတွင်းမှာ ငွေအားလူအားအများအပြားကိုသုံးပြီး ဖြတ်လေးဖြတ်၊ ဝိုင်းပတ်ပိတ်ဆို့ စတဲ့အစီအစဉ်ကြီးများနဲ့ တိုင်းရင်းသားတော်လှန် ရေး အဖွဲ့အစည်းများကို တိုက်ခိုက်ခဲ့ပေမဲ့ ပျက်ပြုန်းသွားရတဲ့အဖွဲ့တွေဆိုလို့ မရှိခဲ့ပါဘူး။ ဒီလုပ်ရပ်ရဲ့အကျိုးဆက်က ကျယ်ပြန့်တဲ့ပြည်သူတွေငတ်မွတ်ပြီး တိုင်းပြည်ခေတ်နောက် ကျနေရတာကို သင်္ခဏ်းစာမယူနိုင်သေးပဲ လက်နက်နဲ့ပဲဆက်ပြီးဖြေရှင်းနေချင်သေးတဲ့ အာဏာရခေါင်းဆောင်တွေဟာ တနေ့ပြည်သူ့တရားခံတွေဖြစ်လိမ့်မယ်”ဟု နိုင်ဟံသာက ဆက်ပြောသည်။
မြန်မာနိုင်ငံသည် ၁၉၄၈ ခုနှစ် ဇန်နဝါရီလ (၄) ရက်နေ့ လွတ်လပ်ရေးစတင်ရရှိခဲ့ပြီး လပိုင်းတွင် မွန်၊ ကရင် စသည့်တိုင်းရင်းသားများ လက်နက်စွဲကိုင်တိုက်ခိုက်ရာမှ ပြည်တွင်းစစ် ယနေ့တိုင်ဆက်လက်ဖြစ်ရှိနေသည်ကို တွေ့ရှိနေရသည်။

http://burmese.monnews.org/?p=6089

ဆက်စပ်သော် သတင်းများ။

1. နိုင်ငံရေးတွေ့ဆုံဆွေးနွေးရန်လိုဟု UNA ကြေညာချက်ထုတ်ပြန် လွတ်လပ်သော မွန်သတင်းအေဂျင်စီ – တိုင်းရင်းသားပါတီ ၇ ပါတီ ပါဝင်ဖွဲ့စည်းထားသည့် ညီညွတ်သော တိုင်းရင်းသားလူမျိုးများ မဟာမိတ်အဖွဲ့...
2. ငြိမ်းချမ်းရေးအတွက် တွေ့ဆုံဆွေးနွေးရန်ရှိဟု မွန်ပြည်သစ်ပါတီပြော မင်းသုတ – မွန်ပြည်သစ်ပါတီအနေဖြင့် ငြိမ်းချမ်းရေးဆွေးနွေးရန်အတွက် မြန်မာအစိုးရကိုယ်စားလှယ်များနှင့် တွေ့ဆုံရန် အစီအစဉ်ရှိကြောင်း မွန်ပြည်သစ်ပါတီ အထွေထွေအတွင်းရေးမှူး နိုင်ဟံသာက...
3. UNFC နှင့် အစိုးရဆွေးနွေးဖြစ်လျှင် KIO ကိစ္စပါဝင်ဆွေးနွေးမည် ဂျူရီချိုင်း – ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC နှင့် အစိုးရ၏ ငြိမ်းချမ်းရေး ဖော်ဆောင်ရေးအဖွဲ့...
4. မိုးသည်းထန်မှုကြောင့် ကျိုက္ခမီဘုရားဝင်းကမ်းပါးနှင့်အနီး စိုးရိမ်ဖွယ်ရာ မြေပြိုမှုများဖြစ်နေ မင်းတော်လဝီ – မိုးသည်းထန်ပြီး ရေလှိုင်းရိုက်ခတ်သည့်ဒဏ်ကြောင့် မွန်ပြည်နယ် သံဖြူဇရပ်မြို့နယ်ရှိ ထင်ရှားကျော်ကြားသည့် ကျိုက္ခမီရေလယ်ဘုရားဝင်း၏ သဘာဝသဲသောင်ပြင်နှင့် အနီးအနားရှိ...
5. ပအိုဝ်းအမျိုးသား လွတ်မြောက်ရေးအဖွဲ့ချုပ်(PNLO)နှင့် ဝန်ကြီးဦးအောင်မင်း တွေ့ဆုံဆွေးနွေးရန်ရှိ ဂျူရီချိုင်း – ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)က မကြာမှီရက်ပိုင်းအတွင်း မြန်မာအစိုးရ ငြိမ်းချမ်းရေးကိုယ်စားလှယ်အဖွဲ့နှင့် ပြည်နယ်အဆင့် တွေ့ဆုံဆွေးနွေးရန်ရှိကြောင်း...
6. ထိုးစစ်ဆင်နေမှုအပေါ် ပြည်သူတွေသာ ပိုထိခိုက်နိုင်သည်ဟု မွန်နိုင်ငံရေးခေါင်းဆောင်မှ သုံးသပ် ရိုင်မရော့ - မြန်မာနိုင်ငံအထက်ပိုင်း ကချင်ပြည်နယ်နှင့် ရှမ်းပြည်နယ်ဒေသများတွင် အစိုးရတပ်တို့၏ ထိုးစစ်ဆင်နေမှုအပေါ် ဒေသခံ တိုင်းရင်းသားပြည်သူတွေကသာ အတိဒုက္ခ ပိုမိုရင်ဆိုင်ကြုံတွေ့နေရသည်ဟု...
7. နယ်စပ်အရေးပေါ် ကူညီထောက်ပံ့မှုအစီအစဉ် မွန်နှင့်ကရင်ဒေသတွင် ပဏာမ စတင်မည် လွတ်လပ်သောမွန်သတင်းအေဂျင်စီ – ဂျပန်နိုင်ငံ နီပွန်ဖေါင်ဒေးရှင်း(Nippon Foundation)၏ မြန်မာနိုင်ငံ၊ တိုင်းရင်းသားနယ်မြေများအတွက် နယ်စပ်ဒုက္ခသည် အရေးပေါ်ကူညီထောက်ပံ့မှုအစီအစဉ်များတွင် မွန်နှင့်ကရင်ဒေသများသို့...
8. နိုင်ငံရေး၊ စစ်ရေးပြဿနာကို တပ်ပေါင်းစုဖြစ်သာ ဆွေးနွေးမည်ဟု မွန်ပြည်သစ် ပြော မင်းတော်လဝီ-နိုင်ငံရေး၊ စစ်ရေးပြဿနာများကို တဖွဲ့ချင်းအနေနှင့် ဖြေရှင်းမည် မဟုတ်ပဲ ကျယ်ပြန့်သော တပ်ပေါင်းစုဖြင့်သာ စစ်အစိုးရနှင့် ဖြေရှင်းမည် ဖြစ်ကြောင်း...
9. စျေးနှုန်းကျဆင်းနေပြီးမိုးများလည်းရွာသွန်းနေသောကြောင့် မွန်ပြည်နယ်ဆားလုပ်ငန်းထိခိုက် မင်းသုတ – မွန်ပြည်နယ်တွင် နေလှမ်းဆားကြမ်းစျေးနှုန်းများနိမ့်ကျနေပြီး မိုးများလည်းဆက်တိုက်ရွာသွန်းနေသောကြောင့် ဆားကွင်းများကိုမပြုပြင်နိုင်သေးသဖြင့် ယခုနှစ်ဆားထုတ်လုပ်မှုကျဆင်းထိခိုက်နိုင်ကြောင်း ဆားလုပ်ငန်းရှင်က ပြောသည်။ “ခါတိုင်းနှစ်တွေဆိုရင်...
10. တိုင်းရင်းသားညီလာခံကျင်းပရန် မွန်အလုပ်ရုံပွဲဆွေးနွေးပြီးပြီ လွတ်လပ်သောမွန်သတင်းအေဂျင်စီ – တိုင်းရင်းသားလက်နက်ကိုင်အဖွဲ့အစည်းများဦးစီးသော ထိုင်းမြန်မာနယ်စပ်တိုင်းရင်းသားညီလာခံတရပ်တွင် ပါဝင်ဆွေးနွေးနိုင်ရေး မွန်တိုင်းရင်းသားများ အလုပ်ရုံဆွေးနွေးပွဲတရပ် ယနေ့တွင်ကျင်းပပြီးစီးခဲ့သည်။ ယင်းအလုပ်ရုံဆွေးနွေးပွဲကို ထိုင်းမြန်မာနယ်စပ်ရှိ...

အပြည့်အစုံသို့... »

ကချင်အား ထိုးစစ်ဆင်ခြင်းသည် တိုင်းရင်းသားအားလုံးကို ချေမှုန်းရန် ဦးတည်နေခြင်းဟု UNFC ပြော

န်နဝါရီလ ၃ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ကချင်ဒေသအား ထိုးစစ်ဆင်ခြင်းသည် တိုင်းရင်းသားအားလုံးကို ချေမှုန်းရန် ဦးတည်နေခြင်းဖြစ်သည်ဟု ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC မှ ယနေ့ ပြောကြားလိုက်သည်။
UNFC အထွေထွေအတွင်းရေးမှူး နိုင်ဟံသာက “ကချင်ကို တိုက်နေတာဟာ UNFC အဖွဲ့ဝင် တိုင်းရင်းသားတွေအားလုံးက ခံစား ချက် မကောင်းဘူး။ ဒါဟာ အခြားတိုင်းရင်းသားအဖွဲ့တွေကို ချေမှုန်းတာနဲ့ တူတယ်။ ဒါကြောင့် ထိုးစစ်ဆင်တာကို ရပ်တန့်ပေးဖို့ အစိုးရကို အားလုံးက တောင်းဆိုနေကြ တယ်”ဟု ကေအိုင်စီ သို့ ပြောသည်။
မြန်မာအစိုးရတပ်များအနေဖြင့် ကချင်ဒေသထိုးစစ်အား မရပ်တန့်ဘဲ ဆက်လက်ထိုးစစ်ဆင်နေပါက UNFC အဖွဲ့ဝင်များအနေ ဖြင့် အစိုးရအပေါ် နိုင်ငံရေး အရသော် လည်းကောင်း၊ စစ်ရေးအရသော်လည်း ရှေ့ဆက် မည်သို့ သဘောထားရှိရမည်များကို ပြန် လည်သုံးသပ်ရန် သဘောတူညီထားမှုများရှိသည်ဟု နိုင်ဟံသာက ဆက်ပြောသည်။
ကချင်ဒေသအား အစိုးရစစ်တပ်၏ ထိုးစစ်ဆင်တိုက်ခိုက်နေမှုတွင် KIO ဌာနချုပ် လိုင်ဇာမြို့ကို သိမ်းပိုင်နိုင်ရန် လိုင်ဇာမြို့တစ် ၀ိုက်ရှိ လဂျားယန်နှင့် နာမ်ဆန်ယန်ရွာအနီး ကချင်လွတ်မြောက်ရေးတပ်မတော်-KIA တပ်စခန်းများကို (၁၀၅)၊ (၁၂၀)မမ လက် နက်ကြီးများဖြင့် ပစ်ခတ်သည့်အပြင် ဂျက်တိုက်လေယာဉ်၊ စစ်သုံးရဟတ်ယာဉ်များကို အသုံးပြုနေခြင်းအပေါ် အပြင်းအထန် ရှုတ်ချကြောင်းလည်း ဇန်နဝါရီလ ၁ရက်နေ့က UNFC မှ ကြေညာချက် ထုတ်ပြန်ထားသည်။
၂၀၁၂ခုနှစ်၊ နိုဝင်ဘာလ ၉ရက်နေ့က မြန်မာအစိုးရ ငြိမ်းချမ်းရေးအကျိုးတော်ဆောင်ပုဂ္ဂိုလ်များနှင့် UNFC ကိုယ်စားလှယ်များအ ကြား တွေ့ဆုံဆွေးနွေးခဲ့ရာတွင် နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရန် သဘောတူညီခဲ့ကြသော်လည်း လက်ရှိ ကချင်ထိုးစစ်ကို ကြည့်ပါက အစိုးရအနေဖြင့် အပြောတမျိုး အလုပ်တမျိုးဖြစ်နေသည်ဟု ၎င်းကြေညာချက်က ဆိုသည်။
မြန်မာအစိုးရအနေဖြင့် တိုင်းရင်းသားများအပေါ် ထားရှိသော သဘောထားများကို ပြောင်းလဲရန် အချိန်တန်ပြီဖြစ်ကြောင်းနှင့် လက်ရှိ အခြေအနေအတိုင်း ဆက်သွားပါက ကချင်ထိုးစစ်အပြီးတွင် အခြားတိုင်းရင်းသားဒေသများသို့ ဦးလှည့်သွားနိုင်ဖွယ်ရှိ ကြောင်းလည်း နိုင်ဟံသာက ဆက်လက်၍ မှတ်ချက်ချပြောဆိုခဲ့သည်။
သူက “အစိုးရက ဒီအတိုင်း ဆက်သွားနေမယ်ဆိုရင် ကချင်ကို တိုက်ပြီးရင် ကချင်ပြည်နယ်နဲ့ ထိစပ်နေတဲ့ သျှမ်းဒေသဘက်ကို လည်း အဦးဆုံး ၀င်ရောက်တိုက်ခိုက်နိုင်ဖွယ်ရှိတယ်။ ဒါကြောင့် ကချင်ကိစ္စကြည့်ပြီး ကျနော်တို့ ဘယ်လိုလုပ်သွားမလဲဆိုတာ အဖွဲ့ဝင်အားလုံးခေါင်းချင်းဆိုင်ပြီး ဆွေးနွေးသွားမယ်”ဟု ဆိုသည်။
ထို့အပြင် တိုင်းရင်းသားများဖြင့် စုပေါင်းနေထိုင်သော နိုင်ငံတွင် အာဏာရလူတစ်စုမှ တိုင်းရင်းသားများအပေါ် နှစ်ပေါင်း ၆၀ ကျော်ကြာ စစ်ရေးဖြင့် ဖိနှိပ်ဝါးမြို၍ ကျွန်ပြုလိုခြင်းသည် မိုက်မဲသောလုပ်ရပ်ဖြစ်ပြီး လတ်တလော ဖြစ်ပေါ်နေသော ထိုးစစ်ဆင် နေမှုကို မရပ်တန့်ပါက နောင်ဖြစ်လာမည့် အကျိုးဆက်အားလုံးသည် အစိုးရနှင့် ဗမာ့တပ်မတော်၏ တာဝန်ပင်ဖြစ်ကြောင်း UNFC ၏ ကြေညာချက်တွင် ထောက်ပြထားသည်။
UNFC ကို ၂၀၁၁ခုနှစ်၊ ဖေဖော်ဝါရီလက စတင် ဖွဲ့စည်းခဲ့ပြီး တိုင်းရင်းသားလက်နက်ကိုင်အဖွဲ့ ၁၂ဖွဲ့ဖြင့် ဖွဲ့စည်းထားပြီး အမာခံ အဖွဲ့ဝင်များအဖြစ် ကရင်နီအမျိုးသားတိုးတက်ရေးပါတီ-KNPP၊ ချင်းအမျိုးသားတပ်ဦး-CNF၊ ကချင်လွတ်မြောက်ရေးအဖွဲ့-KIO၊ ကရင်အမျိုးသားအစည်းအရုံး-KNU၊ မွန်ပြည်သစ်ပါတီ-NMSP နှင့် သျှမ်းပြည်တိုးတက်ရေးပါတီ/သျှမ်းပြည်တပ်မတော်-SSPP/SSA တို့ ဖြစ်ကြသည်။
ဆက်စပ်အဖွဲ့များအဖြစ် ပလောင်ပြည်နယ် လွတ်မြောက်ရေးတပ်ဦး-PSLF၊ လားဟူဒီမိုကရက်တစ်သမဂ္ဂ LDU၊ ညီညွတ်သော ရခိုင်အမျိုးသားပါတီ-NUPA၊ (၀) အမျိုးသား အဖွဲ့ချုပ်-WNO၊ ပအို၀်းအမျိုးသားလွတ်မြောက်ရေးအဖွဲ့ PNLO နှင့် ကချင်အမျိုး သားအဖွဲ့-KNO တို့ ပါ၀င်ကြသည်။

http://www.kicnews.org/?p=15060

အပြည့်အစုံသို့... »

UNFC နှင့် ကချင် အဖွဲ့ ၁၁ ဖွဲ့တို့ ထိုးစစ်ရပ်ရန် ကြေညာချက်ထုတ်ပြန်

ကချင်ပြည်နယ် အတွင်းရှိ အစိုးရ တပ်များ၏ ထိုးစစ်များ လုံးဝ ရပ်တန့်ပေးရန် ဒီဇင်ဘာလ ၃၁ ရက်နေ့ ရက်စွဲဖြင့် ကချင်အဖွဲ့ ၁၁ ဖွဲ့မှ ပူးတွဲ၍လည်းကောင်း၊ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC ဇန်နဝါရီလ ၁ ရက်နေ့ ရက်စွဲဖြင့် အသီးသီး ကြေငြာချက်များ ထုတ်ပြန်ကာ တောင်းဆို လိုက်သည်။

ကချင် အဖွဲ့ ၁၁ ဖွဲ့မှ ပူးတွဲ၍ ထုတ်ပြန်ထားသည့် ကြေငြာချက်တွင် ကချင် လွတ်လပ်ရေး တပ်မတော် KIA ကို
လေကြောင်းမှ လေယာဉ်များဖြင့် အသုံးပြု တိုက်ခိုက်နေမှုများနှင့် လက်နက်ကြီးများဖြင့် ကချင်-တရုတ် နယ်စပ် တလျှောက်ရှိ ကချင် ဒုက္ခသည် စခန်းများဘက်သို့ ပစ်ခတ်နေမှုများကို ချက်ခြင်း ရပ်တန့်ပေးရန်နှင့် စစ်ရေးအရ ဖိအားပေးမှုများ ဖယ်ရှားကာ နိုင်ငံရေးတွေ့ဆုံ ဆွေးနွေးရန် အပါအဝင် အချက် လေးချက်ကို တောင်းဆို ထုတ်ပြန်
ထားသည်။

စစ်ပြေး ဒုက္ခသည်များ၏ ဘဝ လုံခြုံရေးအတွက် ဆိုးရွားသည့် အခြေအနေများနှင့် တွေ့ဆုံ ဆွေးနွေး ခြင်းဖြင့် ငြိမ်းချမ်းစွာ ဖြေရှင်း နိုင်လိမ့်မည်ဟု သုံးကပ်ကာ ယခုကဲ့သို့ ကချင် အဖွဲ့များ စုပေါင်း၍ ထုတ်ပြန်ရခြင်းဖြစ်ကြောင်း ပူးတွဲ ကြေငြာချက် ထုတ်ပြန်ရာတွင်ပါဝင်သည့် ကချင်အမျိုးသမီး အစည်းအရုံး (ထိုင်းနိုင်ငံ) အဖွဲ့မှ ပြောရေးဆိုခွင့်ရှိ
သူ မမွန်းနေလီက ပြောသည်။

“အဓိက ကတော့ ဒုက္ခသည်တွေရဲ့ ဘဝလုံခြံုရေး အခြေအနေတွေဟာ ပိုပြီး စိုးရိမ်စရာ ဖြစ်လာနေတယ်၊ တစ်ဖက်
မှာလည်း ငြိမ်းချမ်းရေး ဆွေးနွေးပွဲလုပ်နေတဲ့ အချိန်မှာ အခုလို ထိုးစစ် ပြင်းပြင်း ထန်ထန် လုပ်နေတာဟာလည်း
မြန်မာနိုင်ငံရဲ့ ငြိမ်းချမ်းရေး တည်ဆောက်မှု လုပ်ငန်းစဉ်မှာ အတားအဆီးတွေ ဖြစ်စေတယ်” ဟု မမွန်းနေလီမှ မဇ္စျိမအား ပြောသည်။

ကချင်-တရုတ် နယ်စပ် တလျှောက် KIO ထိန်းချုပ် နယ်မြေအတွင်း၌ လဂျားယန် ဒေသ၌ စစ်ပြေး ဒုက္ခသည်ပေါင်း ၂၅,၀၀၀ ဝန်းကျင်ခန့်၊ လိုင်ဇာမြို့၌ ၂၀,၀၀၀ ဝန်းကျင်နှင့် ရှမ်းမြောက်ပိုင်းရှိ ကွတ်ခိုင် မြို့ပေါ်၌ ဒုက္ခသည် အသစ် အနည်းဆုံး (၅၀၀) ဦးခန့် ဒုက္ခသည် စခန်း များ၌ အသီးသီး ခိုလှုံ နေကြရ သည်ဟု မမွန်းနေလီမှ ပြောသည်။

ဒုက္ခသည် များမှာ စောင်၊ အနွေးထည်၊ စားနပ် ရိက္ခာ၊ ဆေးဝါးများ မလုံလောက်သည့် ပြဿနာများနှင့် ရင်ဆိုင်နေ
ပြီး ယာယီ ရွက်ဖျင်တဲများဖြင့်သာ နေထိုင်နေကြရသဖြင့် ကိုယ်ခံအားနည်းသည့် သက်ကြီး ရွယ်အိုများနှင့် ကလေး သူငယ်များမှာ အအေးဒဏ်မှတဆင့် ရရှိသည့် ရောဂါမျာ ခံရစား နေရသည်ဟု ဆိုသည်။

ပြင်းထန်စွာ ထိုးစစ်ဆင် တိုက်ခိုက် နေမှုများ ရှိသော်လည်း နှစ်ဖက် အကြား ဆွေးနွေးပွဲများ ပေါ်ပေါက် လာနိုင်ရန် မျှော်လင့်ကြောင်း မမွန်းနေလီက ပြောသည်။

“ဆွေးနွေးပွဲ လုပ်တယ် ဆိုတာက ယုံကြည်မှု တစ်စုံတစ်ရာ ရှိမှသာ ဆွေးနွေးပွဲ အောင်မြင်ဖို့ ဖြစ်တယ်၊ ဆွေးနွေးပွဲ လုပ်တိုင်းလဲ အောင်မြင် တယ်လို့ ပြောလို့မရဘူး၊ ထိုးစစ်တွေ အပြင်းအထန် လုပ်နေ ခြင်းဟာလည်း အကြိမ်ကြိမ် အဖန်ဖန် ဆွေးနွေး ခဲ့ကြတဲ့ ယုံကြည်မှု တွေကို ပျက်ပြားအောင် လုပ်ဆောင် နေသလို ဖြစ်နေတယ်၊ ကျွန်မတို့ အနေနဲ့ကတော့ ဘယ်လိုပဲ ဖြစ်ဖြစ် ငြိမ်းချမ်းရေး ဆွေးနွေးမှုကိုတော့ မျှော်လင့် ပါတယ်” ဟု မမွန်းနေလီမှ မဇ္စျိမကို
ပြောသည်။

ထို့အတူ ညီညွတ်သော တိုင်းရင်သား လူမျိုးများ ဖက်ဒရယ် ကောင်စီ UNFC မှ ထုတ်ပြန်သည့် ကြေငြာချက် တွင်လည်း မှားယွင်းပြီး တိုင်းပြည် အတွက် အကျိုးယုတ် စေသည့် ထိုးစစ်ဆင် တိုက်ခိုက် နေမှု များအား အလျင် အမြန် ရပ်တန့်ပေးရန် တောင်းဆို ထုတ်ပြန် ထားသည်။

“တိုင်းရင်းသား ပြသနာများကို လက်နက် အားကိုးပြီး နှစ်ပေါင်းများစွာ ဖြေရှင်းခဲ့သော်လည်း မပြေလည်နိုင်ရုံမျှမက တိုင်းပြည် ခေတ်နောက်ကျ ပြည်သူများ ဒုက္ခ ရောက်နေရသည်ကို သင်ခန်းစာ မယူပဲ စစ်ရေး နည်းဖြင့် ဆက်လက် ဖြေရှင်းခြင်းသည် အလွန် မိုက်မဲသော လုပ်ရပ် ဖြစ်သည်” ဟု ကြေငြာချက်၌ ဖော်ပြ ပါရှိသည်။

အကယ်၍ ထိုးစစ်ဆင် တိုက်ခိုက် နေမှုများ မရပ်တံ့ဘဲ ဆက်လက် တိုက်ခိုက် နေပါက နောင်ဖြစ် လာမည့် ဆိုးကျိုး အားလုံးသည် အာဏာရ အစိုးရနှင့် မြန်မာ့ တပ်မတော် တာဝန်ပင် ဖြစ်မည် ဖြစ်ကြောင်း ကိုလည်း ကြေငြာချက်၌
ထောက်ပြ ပြောဆိုထားသည်။

အောက်တိုဘာလ (၂၀) ရက်နေ့၌ ဦးအောင်မင်းနှင့် ကချင် ကိုယ်စားလှယ် အဖွဲ့တို့တွေ့ဆုံစဉ်၌ လည်းကောင်း၊
နိုဝင်ဘာလ ၉ ရက်နေ့က UNFC ကိုယ်စားလှယ် များနှင့် တွေ့ဆုံစဉ်၌ လည်းကောင်း နိုင်ငံရေး နည်းလမ်းအရ ဖြေရှင်းရန် သဘောတူညီမှု ရရှိထားခဲ့ပြီး ဖြစ်သည်။

“တပ်ပေါင်းစု အဖွဲ့ဝင် အဖွဲ့စည်း တရပ်ရပ် လူမျိုး တမျိုးမျိုးအား ထိုးစစ်ဆင် တိုက်ခိုက် နေခြင်းသည် မိမိတို့ အားလုံးကို ချေမှုန်းရန် ဦးတည် နေကြင်း ဖြစ်ကြောင်း ကောင်းစွာ နားလည် ကြပါသည်” ဟုလည်း ကြေငြာချက်၌
ဖော်ပြ ပါရှိ ထားပါသည်။

UNFC ဘက်မှလည်း ရရှိ ထားပြီး ဖြစ်သော နိုင်ငံရေး ပြသနာကို နိုင်ငံရေး နည်းလမ်း အရ တွေ့ဆုံ ဖြေရှင်းရေး သဘော တူညီမှုကို ပျက်ပြား မသွားစေလို၍ စိတ်ရှည်စွာဖြင့် ထိန်းသိမ်း လုပ်ဆောင် နေကြခြင်း ဖြစ်ကြောင်း
ကြေငြာချက်၌ သဘောထား ပြု၍ ရေးသား ထားပါသည်။

http://www.mizzimaburmese.com/news/inside-burma/10679-unfc-------.html

အပြည့်အစုံသို့... »

ဒီဇင်ဘာလအတွင်း ဆွေးနွေးပွဲများ မဖြစ်နိုင်ဟု UNFC ပြော

စံခလပူရီ (မဇ္စျိမ)။   ။ သမ္မတရုံး ဝန်ကြီး ဦးအောင်မင်း၏ ကမ်းလှမ်းချက်အတိုင်း ဒီဇင်ဘာလအတွင်း ရန်ကုန်မြို့တွင် ငြိမ်းချမ်းရေး ဆွေးနွေးရန် ဖြစ်နိုင်ချေ မရှိသေးကြောင်း ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) က ပြောသည်။

“လက်ပံတောင်းတောင် အရေးကိစ္စမှာ အစိုးရဘက်ကလည်း တော်တော်လေး အကျပ်တွေ့နေတယ်လို့ ကျနော်တို့ သုံးသပ်တယ်။ ကျနော်တို့ဘက်ကလည်း ပြင်ဆင်ထားတာ မရှိသေးဘူး” ဟု UNFC အထွေထွေ အတွင်းရေးမှူး
နိုင်ဟံသာ က ပြောသည်။

UNFC ၏ တွဲဖက် အတွင်းရေးမှူး ဗိုလ်မှူးကြီး ခွန်ဥက္ကာ ကလည်း “ဒီဇင်ဘာမှာ တွေ့နိုင်ဖို့ နည်းနည်းကျပ်သွားပြီ။ ဒါပေမယ့် နိုင်ငံရေးက ကြွေတလက် ကြက်တခုန်ပေါ့ဗျာ မပြောနိုင်သေးဘူး” ဟု ဆိုသည်။

နိုဝင်ဘာလ ၉ ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ ဒု-ဥက္ကဋ္ဌ ဝန်ကြီး ဦးအောင်မင်း ဦးဆောင်သည့်အဖွဲ့နှင့် UNFC ကိုယ်စားလှယ်များ ထိုင်းနိုင်ငံ၊ ချင်းမိုင်မြို့၌ အလွတ်သဘော တွေ့ဆုံပြီးနောက် ရန်ကုန်မြို့ရှိ Myanam Peace Center (MPC)တွင် တွေ့ဆုံရန် ဦးအောင်မင်း က ကမ်းလှမ်းခဲ့သည်။

“ဖိတ်ခေါ်ထားတာကို လက်ခံမလား၊ လက်မခံဘူးလား။ အဲဒါကို ဆွေးနွေးနေတုန်းပဲ။ လက်ခံရင် အကြိုညှိနှိုင်းမှု ဘယ်လို လုပ်မလဲ။ ကိုယ်စားလှယ် ဘယ်လိုရွေးမလဲ။ တရားဝင် ဘယ်တော့ ဆွေးနွေးမလဲ စသည်ဖြင့်ပေါ့ အဲဒါတွေ ပြင်ဆင်ဖို့ လိုပါသေးတယ်။ ကျနော်တို့ ဆွေးနွေးနေတုန်းပဲ” ဟု ဗိုလ်မှူးကြီး ခွန်ဥက္ကာ က ပြောသည်။

ဂျပန်နိုင်ငံ နီပွန် ဖောင်ဒေးရှင်း၏ ကြားဝင်ဆောင်ရွက်မှုဖြင့် UNFC နှင့် ပြည်ထောင်စုအဆင့် အစိုးရ ငြိမ်းချမ်းရေး ကိုယ်စားလှယ်များ ပဏာမ တွေ့ဆုံဆွေးနွေးပွဲကို ကမ္ဘောဒီးယားနိုင်ငံတွင် ကျင်းပကာ ဆွေးနွေးပွဲ ရလဒ်မှတဆင့် ဂျပန်နိုင်ငံတွင် ထပ်မံဆွေးနွေးရန် ယခင်က စီစဉ်ထားခဲ့သည်။ သို့သော်လည်း ထိုအစီအစဉ်ကို ဦးအောင်မင်းက လက်မခံကြောင်း နိုင်ဟံသာ က ပြောသည်။

“သူတို့ အသိုင်းအဝိုင်းက အပြင်မှာ ဆွေးနွေးရတာ သိပ်သဘောမတွေ့ဘူး။ ပြည်တွင်းကို လာပြီး ဆွေးနွေးဖို့ ကမ်းလှမ်းတယ်။ အဖွင့် ပဏာမက Myanam Peace Center မှာ တွေ့ချင်တဲ့သဘော ရှိတယ်။ ကမ္ဘောဒီးယားမှာ
ဆွေးနွေးဖို့ ဂျပန်မှာ ဆွေးနွေးဖို့ အဲဒါတွေက ပျက်တော့ မပျက်ပါဘူး။ နောက်ထပ် ဆွေးနွေးဖို့ အများကြီး လိုပါသေးတယ်” ဟု သူက ပြောသည်။

ငြိမ်းချမ်းရေး လုပ်ငန်းစဉ်များကို ၎င်းတို့ အစိုးရသက်တမ်းအတွင်း ပြီးပြတ်အောင် ဆောင်ရွက်သွားလိုကြောင်း သမ္မတရုံးဝန်ကြီး ဦးအောင်မင်းက ထပ်လောင်းပြောဆိုထားသည်။

“၂၀၁၅ ခုနှစ် မတိုင်ခင်တော့ ပြီးအောင် လုပ်ချင်တာ။ ဘာလို့လဲဆိုတော့ ၂၀၁၅ ခုနှစ်ဆို နောက်ထပ်
ရွေးကောက်ပွဲ ပြန်စ ဖြစ်မယ်။ ဘယ်လိုလူတွေ တက်လာဦးမလဲ ကျနော်လည်း မသိဘူး။ သူတို့လည်း နိုင်ငံတော် ဖွံ့ဖြိုးတိုးတက်ရေး၊ ဒေသ ဖွံ့ဖြိုးတိုးတက်ရေး လုပ်မှာပဲ။ သို့သော်လည်းပဲ တစ်က ပြန်စ ရမှာပေါ့ဗျာ။ ဒါကြောင့် မို့လို့လည်း ဒီမှာ ရှိတဲ့ တိုင်းရင်းသား ခေါင်းဆောင်များအနေနဲ့ ကျနော်တို့နဲ့ ပူးပေါင်း ဆောင်ရွက်ပေးပါ” ဟု ချင်းအမျိုးသား တပ်ဦးနှင့် ဒုတိယအကြိမ် ငြိမ်းချမ်းရေး ဆွေးနွေးပွဲ အဖွင့်မိန့်ခွန်း၌ ဒီဇင်ဘာလ ရ ရက်နေ့က ထည့်သွင်း ပြောကြားခဲ့သည်။

လက်ပံတောင်းတောင် သပိတ်စခန်း အကြမ်းဖက် ဖြိုခွင်းခံရခြင်းနှင့် ပတ်သက်ပြီး ‘အကြမ်းဖက် လုပ်ရပ်သည် တိုင်းတပါး အကျိုးစီးပွားနှင့် တပ်မတော်ပိုင် အကျိုးစီးပွားကိုသာ အကာအကွယ် ပေးပြီး ပြည်သူလူထု အကျိုးစီးပွား
အား လုံးဝ မျက်ကွယ်ပြုခြင်း ဖြစ်သည်’ ဟု တိုင်းရင်းသား လက်နက်ကိုင်အဖွဲ့ ၆ ဖွဲ့ဖြင့် ဖွဲ့စည်းထားသည့် UNFC က ကြေညာချက် ထုတ်ပြန်ခဲ့သည်။

ထိုကြေညာချက်သည် လက်ရှိ အစိုးရနှင့် တပ်မတော်ကို ရည်ညွှန်းပြောဆိုခြင်း ဖြစ်သော်လည်း ငြိမ်းချမ်းရေး
ဆွေးနွေးမှုအတွက် အဟန့်အတား မရှိနိုင်ကြောင်းလည်း ဗိုလ်မှူးကြီး ခွန်ဥက္ကာ က ပြောသည်။

“ဒီလိုဆွေးနွေးတာကလည်း မိတ်ဆွေတွေ ဆွေးနွေးတာမှ မဟုတ်ဘဲ။ မတည့်တဲ့လူ တယောက်နဲ့တယောက်
သေနတ်နဲ့ ပစ်နေတဲ့ ရန်သူတွေပဲ။ ဆွေးနွေးဖို့ လိုရင် ထိုင်ဆွေးနွေးတာပဲ။ ပစ်ဖို့လိုရင် ပစ်တာပဲ။ Statement (ကြေညာချက်) လောက်နဲ့တော့ အဟန့်အတား မဖြစ်ပါဘူး” ဟု ဆိုသည်။

မေလ ၃ ရက်နေ့တွင် တင်ကြိုချမှတ်ထားသည့် အချက် ၈ ချက်ပါ ‘ပြည်ထောင်စုအဆင့် ငြိမ်းချမ်းရေး ဆွေးနွေးခြင်း’ အစိုးရဘက်က ထုတ်ပြန်ခဲ့သည်။ ၎င်းတို့အနက် ပထမအချက် ၄ ချက်ကိုသာ UNFC အနေနှင့် အငြင်းပွားဖွယ် မရှိဟု ဆိုပြီး ကျန်သည့် အချက် ၄ ချက်ကို သေချာစွာ လေ့လာဆန်းစစ်ပြီး နှစ်ဦးနှစ်ဖက် အကျေအလည်
ဆွေးနွေးရန် လိုသေးကြောင်း UNFC က ဆိုသည်။

၎င်းတို့မှာ ပါတီထောင်၍ ရွေးကောက်ပွဲ ဝင်ရေး၊ ဖွဲ့စည်းပုံ အခြေခံ ဥပဒေကို လက်ခံရေး၊ ဥပဒေဘောင်အတွင်း အပြီးအပိုင် ဝင်ရေးနှင့် တခုတည်းသော လက်နက်ကိုင် အဖွဲ့အစည်းအဖြစ် အသွင်ကူးပြောင်းရေးတို့ ဖြစ်သည်။

UNFC က ကြီးမှူးပြီး စက်တင်ဘာလ အတွင်းတွင် ၃ ရက်ကြာ တိုင်းရင်းသား ညီလာခံတခုကို ထိုင်းနိုင်ငံတွင် ကျင်းပခဲ့ပြီး တနိုင်ငံလုံး အတိုင်းအတာဖြင့် အပစ်အခတ် ရပ်စဲရေးကို အစိုးရက တရားဝင် ကြေညာပေးရေး၊
နိုင်ငံရေးအရ ဆွေးနွေးပွဲများ ဆက်လက် ဖြစ်ပေါ်လာရေး၊ ပင်လုံကဲ့သို့ ညီလာခံတခု ပေါ်ပေါက်ရေး၊ ငြိမ်းချမ်းရေး လုပ်ငန်းစဉ်တွင် နိုင်ငံတကာ လေ့လာရေး အဖွဲ့များ ပါဝင်ခွင့် ရှိရေး စသည့် အချက် ၆ ချက် ပါဝင်သည့် ပြည်တွင်း ငြိမ်းချမ်းရေး လုပ်ငန်းစဉ်များ အတွက် လမ်းပြမြေပုံတခုကို ချမှတ်ခဲ့သည်။

http://www.mizzimaburmese.com/news/inside-burma/10586----unfc--.html

အပြည့်အစုံသို့... »