ဒုတိယပင်လုံညီလာခံ ဖြစ်မြောက်ရေး ကော်မတီမှာ တိုင်းရင်းသားပါတီတွေ ပါ၀င်သင့်

ဒုတိယ ပင်လုံညီလာခံ ဖြစ်မြောက်ရေးအတွက် အစိုးရအပြင် တိုင်းရင်းသားတွေပါ၀င်တဲ့ ကော်မတီဖွဲ့စည်းပြီး ညီလာခံ ကျင်းပသွားသင့်တယ်လို့ တိုင်းရင်းသားပါတီတွေပါ၀င်တဲ့ ဆွေးနွေးပွဲက ဒီကနေ့မှာ တိုက်တွန်း ပြောကြားလိုက်ပါတယ်။

ရန်ကုန်မြို့၊ တော်ဝင်နှင်းဆီခန်းမမှာကျင်းပတဲ့ ထိုင်းနိုင်ငံအခြေစိုက် တိုင်းရင်းသားအရေး ပူးပေါင်းဆောင်ရွက်ရေးအဖွဲ့(WGEC)နဲ့ ပြည်တွင်း တိုင်းရင်းသားပါတီ ၁၂ ပါတီတို့ ပူးတွဲဆွေးနွေးပွဲမှာ တိုင်းရင်းသားပါတီ ခေါင်းဆောင်တွေက ပြောကြားခဲ့တာပါ။

ဒုတိယ ပင်လုံညီလာခံ ဖြစ်မြောက်ရေးအတွက် အစိုးရအပြင် ဒီမိုကရေစီအင်အားစုတွေ၊ တိုင်းရင်းသားတွေ ပါ၀င်တဲ့ ကော်မတီတစ်ရပ် ဖွဲ့စည်းသင့်ကြောင်း၊ ညီလာခံကနေ ဆွေးနွေးရရှိလာမယ့် အချက်တွေကို ပြည်ထောင်စု လွှတ်တော်က အသိအမှတ်ပြုတယ်ဆိုတဲ့ ထောက်ခံချက်ကို ညီလာခံမကျင်းပခင် ကြိုတင်ရယူထားသင့်ကြောင်း ဆွေးနွေးကြတယ်လို့ ချင်းအမျိုးသားပါတီ အတွင်းရေးမှူး ကိုငယ်ပီးက RFA ကို ပြောပါတယ်။

ဒီနေ့ဆွေးနွေးပွဲကို ကယန်းအမျိုးသားပါတီ၊ တအောင်း-ပလောင်အမျိုးသားပါတီ၊ ချင်းတိုးတက်ရေးပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ တိုင်းရင်းသားလူမျိုးစုများ ဖွံ့ဖြိုးတိုးတက်ရေးပါတီ၊ ဖလုံ-စဝေါ် ဒီမိုကရက်တစ်ပါတီ၊ ဓနုတိုင်းရင်းသားလူမျိုးများ ဒီမိုကရက်တစ်ပါတီ၊ ပအို၀်းအမျိုးသားအဖွဲ့ချုပ်၊ အရှိုချင်း အမျိုးသားပါတီ၊ မွန်ဒေသလုံးဆိုင်ရာ ဒီမိုကရက်တစ်ပါတီ၊ ရခိုင်တိုင်းရင်းသားများ တိုးတက်ရေးပါတီ၊ ချင်းအမျိုးသားပါတီနဲ့ ရခိုင်အားမာန် လူငယ်ကွန်ရက်တို့က ကိုယ်စားလှယ်အယောက် ၄၀ တက်ရောက်ခဲ့ကြပါတယ်။

ချင်းအမျိုးသားပါတီ အတွင်းရေးမှူး ကိုငယ်ပီးကို RFA သတင်းထောက် မဇင်မာဝင်း ဆက်သွယ်မေးမြန်းထားတာကို နားဆင်နိုင်ပါတယ်။

http://www.rfa.org/burmese/news/second-panglong-conference-ethnic-party-04222013122309.html

အပြည့်အစုံသို့... »

ပြည်တွင်း ပြည်ပ တိုင်းရင်းသား အဖွဲ့များ ရန်ကုန်မှာ တွေ့ဆုံဆွေးနွေး

စစ်တွေ(မဇ္စျိမ)။   ။ ငြိမ်းချမ်းရေးနှင့် အပစ်အခတ်ရပ်စဲရေးဆိုင်ရာ ကိစ္စရပ်များနှင့် စပ်လျဉ်း၍ ပြည်ပအခြေစိုက် တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့ (WGEC) မှ ကိုယ်စားလှယ်များနှင့် ပြည်တွင်း တိုင်းရင်းသား
နိုင်ငံရေးပါတီများမှ ခေါင်းဆောင်များ ဧပြီလ ၂၁ ရက်နှင့် ၂၂ ရက်နေ့များတွင် ရန်ကုန်မြို့၌ တွေ့ဆုံဆွေးနွေး လျက် ရှိကြသည်။

WGEC မှာ ပြည်ပ အခြေစိုက် တိုင်းရင်းသားလက်နက်ကိုင် အင်အားစုများနှင့် တိုင်းရင်းသား နိုင်ငံရေး အဖွဲ့အစည်းအများစု ပါဝင်ပြီး ယခုဆွေးနွေးပွဲများအတွက် ကိုယ်စားလှယ်များအဖြစ် ရခိုင်လွတ်မြောက် ရေးပါတီ (ALP)မှ ဒေါ်စောမြရာဇာလင်းနှင့် ချင်းအမျိုးသားတပ်ဦး(CNF)မှ ဒေါက်တာ ရွှေခါးတို့က လာရောက်ကြခြင်း
ဖြစ်သည်။

“အဓိကအားဖြင့် ငြိမ်းချမ်းရေး ဆွေးနွေးဖို့အတွက် သူတို့မှာ ချမှတ်ထားတဲ့ မူဘောင် အချက်အလက်တွေကို ချပြဆွေးနွေးသွားတာပါ။ အဲဒီမှာ တိုင်ရင်းသား လူမျိုးများ၏ ငြိမ်းချမ်းရေး ဆိုင်ရာ နိုင်ငံရေး လုပ်ငန်းစဉ် ၆ ချက် ဆိုတာ ပါတယ်။ ပြီးတော့ ကျယ်ပြန့်သော ပြည်ထောင်စု ငြိမ်းချမ်းရေးနဲ့ အပစ်အခတ် ရပ်စဲရေး သဘောတူညီ ချက် (ပြည်ထောင်စု မြန်မာနိုင်ငံ) သဘောထား မူကြမ်း ဆိုတာ ပါပါတယ်” ဟု  ဆွေးနွေးပွဲ တက်ရောက်နေသူ ရခိုင်တိုင်းရင်းသားများ တိုးတက်ရေးပါတီ (RNDP) အတွင်းရေးမှူး ဦးခိုင်ပြည်စိုး က ပြောသည်။

ဗဟန်းမြို့နယ်၊ ရွှေဂုံတိုင်လမ်းရှိ တော်ဝင်နှင်းဆီ ခန်းမတွင် ဧပြီ ၂၂ ရက်နေ့ နံနက် ၁၀ နာရီမှ စတင်ဆွေးနွေး သည့် တွေ့ဆုံပွဲသို့ တရားဝင် နိုင်ငံရေးပါတီ ၁၂ ဖွဲ့မှ ကိုယ်စားလှယ် ၅၀ တက်ရောက်ခဲ့ကြသည်။

WGEC ၏ လုပ်ငန်းစဉ် ၆ ချက်တွင် အားလုံး ပါဝင်သည့် ငြိမ်းချမ်းရေး ဖော်ဆောင်မှု ကော်မတီ တရပ် ဖွဲ့စည်းရေး အပါအဝင် နိုင်ငံရေး ဆွေးနွေးပွဲဆိုင်ရာ မူဘောင်၊ တွေ့ဆုံ ဆွေးနွေးရေးဆိုင်ရာ မူဘောင် ချမှတ်နိုင်ရေး၊
တွေ့ဆုံဆွေးနွေးရေးဆိုင်ရာ သဘောထားနှင့် သဘောတူညီချက်များ ရရှိရေး၊ နိုင်ငံရေးပါတီ အဖွဲ့အစည်းများနှင့် လူမှုအဖွဲ့ အစည်းများ အားလုံးနှင့် တိုင်ပင်ညှိနှိုင်း ဆောင်ရွက်ရေးတို့ ပါဝင်ကြောင်း ဦးခိုင်ပြည်စိုး က မဇ္စျိမကို ပြောသည်။

ဧပြီလ ၂၁ ရက်နေ့ကလည်း ညီညွတ်သော တိုင်းရင်းသားလူမျိုးများ မဟာမိအဖွဲ့ (UNA)မှ ခေါင်းဆောင်များနှင့် WGEC ကိုယ်စားလှယ်များ တော်ဝင်နှင်းဆီ ခန်းမတွင်ပင် တွေ့ဆုံခဲ့ရာ UNA အဖွဲ့ဝင် ၂၀ ကျော် တက်ရောက် ခဲ့ပြီး တိုင်းရင်းသားညီလာခံ ခေါ်ယူရေး၊ ဖွဲ့စည်းပုံ ပြင်ဆင်ရေးတို့ကို ဆွေးနွေးခဲ့ကြောင်း တက်ရောက်ခဲ့သူများက
ပြောသည်။

“ငြိမ်းချမ်းရေး၊ တွေ့ဆုံဆွေးနွေးပွဲတွေ ဖြစ်လာရင် ဘာတွေကို ဆွေးနွေးမယ်၊ တိုင်းရင်းသား ပေါင်းစုံပါတဲ့
ဆွေးနွေးပွဲကို ဘယ်မှာလုပ်မယ်၊ ဘယ်လို အဖွဲ့အစည်းတွေ ပါမယ်၊ အရင်က မတရားအသင်း ကြေညာခံထားရတဲ့ အဖွဲ့တွေ ပါလာရင် အစိုးရအနေနဲ့ ဘယ်လို သဘောထားမလဲ။ ၁၇(၁)နဲ့ အရေးယူမလား၊ ဒါတွေကို ဆွေးနွေး
ဖြစ်တယ်။ ဒါက တိုင်းရင်းသား ပါတီတွေ အဆင့်ပဲ ရှိသေးတယ်။ ဗမာပါတီတွေ မပါသေးဘူး။ ငြိမ်းချမ်းရေး အတွက် ကြိုးစားတာကို ဝမ်းသာပါတယ်။ ဖြစ်မြောက်အောင် လုပ်ကြပါလို့ ဒါပဲပြောချင်တယ်” ဟု UNA ခေါင်းဆောင်တဦး ဖြစ်သူ မွန်ဒီမိုကရေစီအဖွဲ့ချုပ် ဥက္ကဋ္ဌ ဦးနိုင်ငွေသိန်း က ရှင်းပြသည်။

နောက်တကြိမ် တိုင်းရင်းသားခေါင်းဆောင်များ တွေ့ဆုံဆွေးနွေးပွဲကို လာမည့် ဧပြီလ ၂၉-၃၀ ရက်နေ့များတွင်
ပြုလုပ်သွား မည်ဖြစ်ပြီး ကျင်းပမည့်နေရာ အတိအကျကိုမူ မသတ်မှတ်ရသေးကြောင်း ဦးနိုင်ငွေသိန်း က ပြောသည်။

UNA မှာ တိုင်းရင်းသားများအရေးကို ဆောင်ရွက်နိုင်ရန် ၁၉၉၀ ပြည့်နှစ် ရွေးကောက်ပွဲနိုင် တိုင်းရင်းသား ပါတီများ ဖြစ်ကြသည့် ရှမ်း အမျိုးသား ဒီမိုကရေစီ အဖွဲ့ချုပ်၊ ရခိုင် ဒီမိုကရေစီ အဖွဲ့ချုပ်၊ မွန် ဒီမိုကရေစီ အဖွဲ့ချုပ်၊ ဇိုမီး အမျိုးသား ကွန်ဂရက် စသည့် ပါတီများဖြင့် စစ်အစိုးရ လက်ထက်က စုစည်းထားခဲ့ခြင်း ဖြစ်သည်။

WGEC ၏ ချပြဆွေးနွေးချက်များတွင် ပင်လုံကဲ့သို့ ညီလာခံတရပ် ခေါ်ယူရေး၊ ဖွဲ့စည်းပုံ အခြေခံဥပဒေ
ပြင်ဆင်ရေးတို့ ပါဝင်ပြီး ၎င်းတို့ကို ပြန်လှန်ဆွေးနွေးရန်မှာ ပြည်တွင်း တိုင်းရင်းသား အင်အားစုများ အနေဖြင့် လေ့လာသုံးသပ်မည့် အချိန် လိုအပ်နေသေး၍ နောက်ပိုင်းတွင်သဘောထား ပြန်ကြားကြမည်ဟုလည်း တက်ရောက်ခဲ့ကြသည့် တိုင်းရင်းသား ခေါင်းဆောင်များက မှတ်ချက်ပြုကြသည်။

http://www.mizzimaburmese.com/news/inside-burma/11381-2013-04-22-10-57-01.html

အပြည့်အစုံသို့... »

တန်းတူညီရေး၊ ကိုယ်ပိုင်ပြဌာန်းခွင့်နဲ့ ဖွဲ့စည်းပုံကိစ္စ တိုင်းရင်းသားတွေ ဆွေးနွေး

လားရှိုးမြို့မှာကျင်းပတဲ့ ရှမ်းနဲ့ ကယားပြည်နယ် ယုံကြည်မှု တည်ဆောက်ရေး ပထမနေ့ဆွေးနွေးပွဲတွင်တွေ့ရ တဲ့ ပြည်ထောင်စုဝန်ကြီး ဦးအောင်မင်းပုံ

photo: RFA/ Nay Thwae

မြန်မာပြည်တွင်း ငြိမ်းချမ်းရေး မရရှိသေးတာဟာ ၂၀၀၈ ဖွဲ့စည်းပုံအခြေခံဥပဒေ အားနည်းချက်ကြောင့်ဖြစ်တယ်လို့ လားရှိုးမြို့မှာကျင်းပနေတဲ့ ရှမ်းနဲ့ ကယားပြည်နယ် ငြိမ်းချမ်းရေးအတွက် ယုံကြည်မှုတည်ဆောက်ရေး ပထမနေ့ဆွေးနွေးပွဲမှာ တိုင်းရင်းသား ခေါင်းဆောင်တွေက သဘောထားပေးကြကြောင်း သိရပါတယ်။
လားရှိုးမြို့မှာ ဒီကနေ့စတင်ဖွင့်လှစ်တဲ့ ဆွေးနွေးပွဲကို ရှမ်းပြည်နယ်နဲ့ ကယားပြည်နယ် ကို်ယ်စားပြု နိုင်ငံရေးပါတီတွေနဲ့ တိုင်းရင်းသားလက်နက်ကိုင်အဖွဲ့ စုစုပေါင်း ၂၁ဖွဲ့နဲ့ လေ့လာသူအဖွဲ့ ၁၉ဖွဲ့လောက် တက်ရောက်ဆွေးနွေးနေတာပါ။
တက်ရောက်နေကြတဲ့ တိုင်းရင်းသား လက်နက်ကိုင်အဖွဲ့အစည်းတွေကလည်း ပြည်ထောင်စု တပ်မတော်တစ်ခုတည်ထောင်ဖို့အထိ ဆွေးနွေးတာတွေရှိလာတယ်လို့ ဆွေးနွေးပွဲပြောရေးဆိုခွင့်ရှိသူ ဦစိုင်းလိတ်က RFA  ပြောပါတယ်။
“အဓိက သူတို့လိုအပ်ချက်ကတော့ တန်းတူညီရေးနဲ့ ကိုယ်ပိုင်ပြဌာန်းခွင့်ကိုသာ အပြည့်အဝပေးမယ်ဆိုလို့ရှိရင် ရေရှည်တည်တံ့တဲ့ ငြိမ်းချမ်းရေး ဖြစ်ကိုဖြစ်လာရမယ်၊ ပြည်ထောင်စုတပ်မတော် အနေအထားမျိုးကိုတောင် ဖြစ်လာနိုင်ဖို့ သူတို့မျှော်လင့်ထားပြီးသားဆိုတာကို တော်တော်များများတင်ပြသွားကြပါတယ်ခင်ဗျ ”
အခမ်းအနားဖွင့်လှစ်ပွဲမှာ ပြည်ထောင်စု ၀န်ကြီးဦးအောင်မင်းက နိုင်ငံရေးအခြေခံများပါ၀င်တဲ့ ငြိမ်းချမ်းရေးစာချုပ်ချုပ်ဆိုနိုင်ရေးကို ပြောဆိုသွားခဲ့ပါတယ်။
“ဒီလိုယုံကြည်မှုကတဆင့် မိမိတို့တိုင်းရင်းသားအားလုံး ကြိုးပမ်းဆောင်ရွက်နေတဲ့ ရေရှည်တည်တံ့မယ့် ငြိမ်းချမ်းရေး တည်ဆောက်ရေး ပြင်ဆင်မှုအဆင့်ဆင့်ကို တက်လှမ်းနိုင်မှာဖြစ်တယ်လို့လည်း ယုံကြည်ထားပါတယ်၊ မိမိတို့အနေနဲ့ လုပ်ဆောင်ရမယ့် လုပ်ငန်းများအနေနဲ့ ရရှိထားတဲ့ အပစ်အခတ်ရပ်စဲရေးကို အခြေခံပြီး စစ်ပွဲရပ်စဲနိုင်ရေး၊ နိုင်ငံရေးအခြေခံများပါဝင်တဲ့ ငြိမ်းချမ်းရေးစာချုပ်တရပ် ချုပ်ဆိုနိုင်ရေးပဲဖြစ်ပါတယ်၊ ဒီစာချုပ်ကတဆင့် မိမိတို့လူ့အဖွဲ့အစည်းအတွင်းမှာ အရေးတကြီးလိုအပ်နေတဲ့ တိုင်းရင်းသား စည်းလုံးညီညွှတ်ရေးကိုအခြေခံတဲ့ အမျိုးသားဖြစ်စဉ်တရပ် တည်ဆောက်ရေးကို တက်လှမ်းနိုင်မှာဖြစ်တယ်လို့ အလေးအနက်ယုံကြည်ကြောင်း ပြောကြားရင်း နိဂုံးချုပ်အပ်ပါတယ်”
တက်ရောက်နေတဲ့ လက်နက်ကိုင်အဖွဲ့အစည်းတွေထဲမှာ ၀ပြည်သွေးစည်းညီညွှတ်ရေးပါတီ၊ ရှမ်းပြည်တပ်မတော်တောင်ပိုင်း RCSS နဲ့ မြောက်ပိုင်း SSPP၊ ပအိုဝ်းအမျိုးသားအဖွဲ့ချုပ် PNO ၊ ကယန်းပြည်သစ်ပါတီ၊ ရှမ်းပြည်လူမျိုးပေါင်းစုံ လွတ်မြောက်ရေးအဖွဲ့ချုပ်  ရလလဖစတဲ့ တိုင်းရင်းသား လက်နက်ကိုင်အဖွဲ့အစည်းတွေ ပါ၀င်ပါတယ်။
ရှမ်း၊ ကယားပြည်နယ်ယုံကြည်မှု တည်ဆောက်ရေးဆွေးနွေးပွဲ ပြောရေးဆိုခွင့်ရှိသူ ဦးစိုင်းလိတ်ကို RFA ၀ိုင်းတော်သား ဦးဝင်းနိုင် ဆက်သွယ်မေးမြန်းထားပါတယ်။

http://www.rfa.org/burmese/news/shan-kayar-building-truth-first-day-03202013104139.html

အပြည့်အစုံသို့... »

တိုင်းရင်းသား ဒေသတွင် အင်အားကြီးပါတီများ ရွေးကောက်ပွဲ မဝင်ရန် NPS တိုက်တွန်း

ပြည်မရှိ အင်အားကြီး ပါတီများအနေဖြင့် လူနည်းစု တိုင်းရင်းသားဒေသများတွင် ရွေးကောက်ပွဲ ၀င်ရောက်မယှဉ်ပြိုင် ကြရန်ညီနောင် တိုင်းရင်းသားများ ပါတီ ဖက်ဒရေးရှင်း (NPS) က သဘောထား ထုတ်ပြန်တိုက်တွန်းလိုက်ကြောင်း ရခိုင် တိုင်းရင်းသားများ ဖွံ့ဖြိုး တိုးတက်ရေးပါတီမှ ပြည်သူ့လွှတ်တော် ကိုယ်စားလှယ် ဦးဖေသန်းက ဧရာဝတီသို့ ပြောသည်။
အမြဲတန်းအဖွဲ့ဝင် ၆ ပါတီရှိသော NPS က မတ်လ ၃ ရက်နေ့တွင် ၁၄ ကြိမ်မြောက် အစည်းအဝေး တရပ်ပြုလုပ်၍ တိုင်းရင်းသား အခွင့်အရေးများနှင့် ပတ်သက်သော အချက် ၅ ချက်ပါ၀င်သည့် သဘောထား ကြေညာချက်တရပ် ထုတ်ပြန်ခဲ့သည်။
ယင်းသဘောထား ကြေညာချက်တွင် တိုင်းရင်းသား စည်းလုံးညီညွှတ်ရေးကို အမှန်တကယ်လိုလားပါလျှင် နောင်ကျင်းပမည့် ရွေးကောက်ပွဲများ၌ အင်အားကြီးပါတီများက လူနည်းစု တိုင်းရင်းသားများ၏ မဲဆန္ဒနယ်များတွင် ၀င်ရောက်ယှဉ်ပြိုင် အရွေးခံခြင်းကို လုံးဝရှောင်ရှားရန် တိုက်တွန်းသည်ဟု ဆိုသောအချက် တချက်ပါ၀င်သည်။
ပြည်တွင်း အင်အားကြီး အတိုက်အခံ ပါတီတခုဖြစ်သော အမျိုသား ဒီမိုကရေစီအဖွဲ့ချုပ် (NLD) က နိုင်ငံလုံးဆိုင်ရာ ဗဟိုညီလာခံ တရပ် ပြုလုပ်၍ ရှေ့ဆက်လုပ်ဆောင်မည့် မူဝါဒများ ချမှတ်ဆောင်ရွက်ရန် ပြင်ဆင်နေချိန်တွင် တိုင်းရင်းသားများ၏ အထက်ပါ ကြေညာချက် ထွက်ပေါ်လာခြင်း ဖြစ်သည်။
တိုင်းရင်းသား ဒေသများတွင် ဒေသခံ ပါတီအချင်းချင်း မဲပြိုင်ရမည့် အခြေအနေရှိသကဲ့သို့ အင်းအားကြီး ပါတီတခုဖြစ်သော ပြည်ထောင်စု ကြံခိုင်ရေးနှင့် ဖွံ့ဖြိုးရေး (ပြည်ခိုင်ဖြိုး) ပါတီကိုလည်း အကြိတ်အနယ် ယှဉ်ပြိုင်ရမည့် သဘောရှိနေကြောင်း ရခိုင်တိုင်းရင်းသား အမတ် ဦးဖေသန်းက ဧရာဝတီသို့ ပြောသည်။
“NLD ကတော့ ဒီမိုကရေစီ ပါတီလို့ ယူဆတဲ့အတွက် ကိုယ့်အချင်းချင်း မယှဉ်ပြိုင်ချင်ဘူး။ ပြိုင်ရရင် မဲကွဲသွားလိမ့်မယ်။ ၂၀၁၅ ကို တိုင်းရင်းသားပါတီတွေနဲ့ NLDပါတီ လက်တွဲလုပ်ရမယ့် ပွဲလို့မြင်တယ်။ သူတို့က ငါတို့ဆီမှာ လာမပြိုင်ဘူးဆိုရင် လွှတ်တော်မှာ ကျနော်တို့က ၀ိုင်းရံ ပေးမှာပေါ့။ ပြည်မမှာရှိတဲ့ တိုင်းရင်းသားတွေကိုလည်း NLDကိုမဲပေးဖို့ ကျနော်တို့ လုပ်ပေးမယ်” ဟု သူက ဆိုသည်။
NLD ကမူ မတ်လ ၈ ရက်နေ့မှ ၁၀ ရက်နေ့အထိ ကျင်းပမည့် နိုင်ငံလုံးဆိုင်ရာ ဗဟို ညီလာခံပြီးမှသာ တိုင်းရင်းသား ဒေသများတွင် NLDပါတီ၏ ၀င်ရောက်ဆောင်ရွက်မှုကို ပြောဆိုနိုင်မည်ဖြစ်ကြောင်း ၎င်းပါတီ ပြန်ကြားရေးတာဝန်ခံ ဦးအုန်းကြိုင်က ပြောသည်။
“သဘောထားတွေ ဘာတွေ အခုအချိန်မှာဘာမှ ပြောစရာမရှိသေးဘူး။ ပါတီညီလာခံလုပ်ဖို့ ဆိုင်းပြင်း နေတုန်းပဲ ရှိသေးတယ်။၂၀၁၅ ရွေးကောက်ပွဲအတွက် ကျနော်တို့ပါတီမှာ ဘယ်လိုဝင်ပြိုင်မလဲ ဆိုတာကို ချမှတ်ထားတဲ့ ဗျူဟာ မရှိသေးဘူး” ဟု
၎င်းက ဆိုသည်။
တိုင်းရင်းသားများအနေဖြင့် ကိုယ့်ဒေသတွင် ၎င်းတို့ဘာသာ ဥပဒေနှင့်အညီ အုပ်ချုပ်စီမံခွင့်ကို သဘောတူ လက်ခံကြောင်း သမ္မတရုံးဝန်ကြီး ဦးအောင်မင်းက ယခုလ ၂ ရက်နေ့ကUMFCCIတွင် ပြုလုပ်သော အခမ်းအနား တခုတွင် ပြောဆိုခဲ့သည်။
NPS ၏ သဘောထားကြေညာချက်တွင် စစ်မှန်၍ တည်တံ့ ခိုင်မြဲသော ပြည်တွင်းငြိမ်းချမ်းရေးကို ဆက်လက် လျှင်မြန်စွာ ဖော်ဆောင်နိုင်ရန် သမာသမတ်ကျသော အဖွဲ့အစည်းအားလုံးက ညှိနှိုင်းဆွေးနွေး အကောင်အထည်ဖော်ရာ၌ အဘက်ဘက်မှ ယုံကြည်လက်ခံနိုင်သည့် သမာသမတ်ကျသော ပုဂ္ဂိုလ်များဖြင့် လွတ်လပ်သော ကြားခံအဖွဲ့အစည်း တခု၏ ကြီးကြပ်မှုဖြင့် ဆောင်ရွက်ရန်လိုကြောင်း၊ တိုင်းရင်းသားဒေသများ၌ ပို၍ပို၍ ပြင်းထန်လာသော မူးယစ်ဆေးဝါးပြသနာကို နိုင်ငံတကာ အဖွဲ့အစည်းများနှင့်အတူ ပူးပေါင်းတိုက်ဖျက် သွားမည် ဖြစ်ကြောင်း၊ နိုင်ငံတော်မှ သတ်မှတ် ဖော်ပြထားသော အမှန်တကယ်မရှိသည့် တိုင်းရင်းသားလူမျိုးစု စာရင်း ၁၃၅ မျိုးရှိသည်ဟု ပြောဆိုသုံးနှုန်းခြင်းသည် တိုင်းရင်းသားများအား ပို၍ သွေးကွဲစေသည့် အချက်ဖြစ်သဖြင့် လက်ခံနိုင်ဖွယ်မရှိ၍ ကန့်ကွက် ရှုတ်ချကြောင်း၊ အဆိုပါ စာရင်းကို ပြန်လည်စိစစ် ဆောင်ရွက်သင့်ကြောင်း၊ နိုင်ငံတော်သမ္မတ ဦးသိန်းစိန်၏ ချင်းပြည်နယ် ခရီးစဉ်နှင့် တိုက်ဆိုင်၍ ကရင်ရိုင်း၊ ချင်းရိုင်းဟူသော အသုံးအနှုန်းပါသည့် စာရေးဆရာကြီး ပီမိုနင်း၏ ကနိုင်ကျော့ ၀တ္ထုအား ၂၀၁၃ ခုနှစ် ဖေဖော်ဝါရီလ ၁၃ ရက်မှ ၁၉ ရက်နေ့အထိ နိုင်ငံပိုင်သတင်းစာများတွင် ရည်ရွယ်ချက်ရှိရှိဖြင့် ပြန်လည်ဖော်ပြခြင်းသည် တိုင်းရင်းသား စည်းလုံးညီညွတ်မှုကို ထိခိုက်ပျက်ပြားစေသော နှိမ့်ချခွဲခြားဆက်ဆံသည့် အသုံးအနှုန်းဖြစ်သဖြင့် ပြင်းထန်စွာရှုတ်ချကြောင်း စသည်တို့ ဖြစ်သည်။
NPS တွင်ပါဝင်သော ပါတီ ၆ ခုမှာ ရခိုင်တိုင်းရင်းသားများ တိုးတက်ရေးပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ချင်းအမျိုးသား ပါတီ၊ ချင်းတိုးတက်ရေးပါတီ၊ ကယန်းပါတီ၊ ဖလုံ-စဝေါ် ပါတီနှင့် အင်းအမျိုးသား ဖွံ့ဖြိုးတိုးတက်ရေးပါတီတို့ ဖြစ်ပြီး တခြားတိုင်းရင်းသားပါတီ ရ ခုမှာ လေ့လာသူအဖြစ် ပါ၀င်သည်။
မြန်မာနိုင်ငံတွင် ၂၀၁၀ ရွေးကောက်ပွဲအပြီး အစိုးရသစ် တက်လာပြီးနောက်ပိုင်း တိုင်းရင်းသားဒေသများတွင် ကိုယ်ပိုင် အုပ်ချုပ်ခွင့်ရ ဒေသများနှင့် ပြည်နယ်အစိုးရ၊ ပြည်နယ်လွှတ်တော်များ ပေါ်ပေါက်လာသည်။

http://burma.irrawaddy.org/archives/35059

အပြည့်အစုံသို့... »

၂၀၁၅ ရွေးကောက်ပွဲ တိုင်းရင်းသားဒေသမှာ လူမျိုးစုတွေသာ ယှဉ်ပြိုင်လို

ညီနောင်တိုင်းရင်းသားများဖက်ဒရေးရှင်းအဖွဲ့ (NBF)

အောင်ရဲ မောင်မောင်

04.03.2013

မြန်မာနိုင်ငံမှာ နောက်တကြိမ် ပါတီစုံ ရွေးကောက်ပွဲတွေ ကျင်းပတဲ့အခါ တိုင်းရင်းသားဒေသ တွေမှာ လူမျိုးစုနိုင်ငံရေး ပါတီတွေသာ အဓိကထား ယှဉ်ပြိုင်တာမျိုး လိုလားတဲ့အကြောင်း တိုင်းရင်းသား မဟာမိတ်ပါတီတွေက ပြောဆိုလိုက်ကြပါတယ်။ တိုင်းရင်းသားတွေရဲ့ အခွင့်အရေးအတွက် ထိထိရောက်ရောက် ဆောင်ရွက်နိုင်ဖို့ ရည်ရွယ်ပြီး နိုင်ငံရေးပါတီကြီးတွေအနေနဲ့ ၂၀၁၅ ရွေးကောက်ပွဲမှာ လူမျိုးစုဒေသတွေ အတွက် ၀င်ရောက် ယှဉ်ပြိုင်တာတွေ မလုပ်ကြဖို့ တိုက်တွန်းလိုက်တာပါ။ ဒါပေမဲ့လည်း ဒီတိုက်တွန်းချက်ဟာ ဒီမိုကရေစီ အခြေခံတွေကို ဆန့်ကျင်ရာ ကျနေတယ်လို့ အဓိကနိုင်ငံရေးပါတီ ကြီးတခုဖြစ်တဲ့ အမျိုးသားဒီမိုကရေစီအဖွဲ့ချုပ် (NLD) ပါတီက ပြောလိုက်ပါတယ်။ အပြည့်အစုံကိုတော့ ရန်ကုန်အခြေစိုက် ဗွီအိုအေ သတင်းထောက် ကိုအောင်ရဲမောင်မောင် က တင်ပြထားပါတယ်။

စစ်မှန်တဲ့ တိုင်းရင်းသား စည်းလုံးညီညွတ်ရေး တည်ဆောက် နိုင်ဖို့ အတွက်ဆိုရင် ၂၀၁၅ ခုနှစ် ရွေးကောက်ပွဲကျရင် တိုင်းရင်းသား ဒေသတွေက မဲဆန္ဒနယ်တွေမှာ အင်အားကြီး ပါတီတွေ ၀င်ရောက် ယှဉ်ပြိုင်တာကို ရှောင်ရှားကြဖို့ လူမျိုးစုပါတီတွေက ကြေညာချက်တစောင် ထုတ်ပြန် လိုက်တာ ဖြစ်ပါတယ်။

ဒါမှသာ တိုင်းရင်းသားတွေရဲ့ အခွင့်အရေးတွေကို အပြည့်အဝ အကောင်အထည် ဖော်ပေးနိုင် မယ်လို့ (National Brotherhood Federation) အဖြစ် အမည်ပေးထားတဲ့ ညီနောင် တိုင်းရင်းသားပါတီများ ဖက်ဒရေးရှင်းအဖွဲ့က ယုံကြည်ထားတဲ့အကြောင်း ရခိုင်တိုင်းရင်းသား များတိုးတက်ရေးပါတီ (RNDP) က ဦးဖေသန်း က ပြောပါတယ်။

“တိုင်းရင်းသား စည်းလုံးညီညွတ်ရေးကို အမှန်တကယ် လိုလားပါလျှင် နောင်ကျင်းပတဲ့ လွှတ်တော် ရွေးကောက်ပွဲများတွင် အင်အားကြီးပါတီများက လူနည်းစု တိုင်းရင်းသားများ၏ မဲဆန္ဒနယ်မြေများတွင် ၀င်ရောက်ယှဉ်ပြိုင် အရွေးခံခြင်းကို လုံးဝ ရှောင်ရှားရန်”

ဒါပေမဲ့လည်း ပါတီစုံ ဒီမိုကရေစီ စနစ်တရပ်မှာ လွတ်လပ်တဲ့ ယှဉ်ပြိုင်ခွင့်တွေ ရှိရမှာ ဖြစ်တာမို့ ဒီလို သဘောထားဟာ ဒီမိုကရေစီ အခြေခံတွေနဲ့ ကိုက်ညီမှုရှိပါ့မလား မေးခွန်းထုတ်တာတွေလည်း ရှိနေကြတာပါ။ မြန်မာနိုင်ငံက အဓိက အတိုက်အခံ နိုင်ငံရေးပါတီကြီး တခုဖြစ်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီရဲ့ အတွင်းရေးမှူး ဦးဉာဏ်ဝင်းကတော့ တန်းတူရည်တူ ယှဉ်ပြိုင်ခွင့် ရှိသင့်တယ်လို့ မြင်ပါတယ်။

“Competition (ယှဉ်ပြိုင်မှု) လုပ်တယ် မလုပ်ဘူးဆိုတာက သူတို့ပါတီရဲ့ သီးခြား အယူအဆ အဆုံးအဖြတ်ပဲ။ သူတို့ ဘယ်အပေါ်မှာ အခြေခံလည်းမသိဘူး။ အဲ့ဒါကတော့ ခုနပြောသလိုပဲ ဒီမိုကရေစီရေးနဲ့ သိပ်အကျုံးမဝင်ဘူးလို့ ထင်ပါတယ်။ ဒါဟာ ဒီမိုကရေစီနည်းကျကျ ဆုံးဖြတ်တာလို့ ကျနော်တော့ မယူဆဘူး။”

လက်ရှိ အချိန်မှာ လွှတ်တော်ထဲမှာ အင်အားကြီးပါတီ ၂ ခု အဖြစ် အာဏာရ အစိုးရပါတီဖြစ် တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီနဲ့ ၂၀၁၂ ကြားဖြတ် ရွေးကောက်ပွဲမှာ လစ်လပ်မဲဆန္ဒနယ်မြေတွေအားလုံးမှာ အနိုင်ရခဲ့တဲ့ NLD အမျိုးသားဒီမိုကရေစီအဖွဲ့ချုပ်တို့က လွှတ်တော်ကိုယ်စားလှယ် အင်အားများစွာနဲ့ ပြည်သူ့လွှတ်တော်၊ အမျိုးသား လွှတ်တော်တွေ မှာ နေရာရထားကြတာပါ။

တိုင်းရင်းသား လူနည်းစုဒေသတွေမှာ တိုင်းရင်းသားပါတီတွေပဲ ရွေးကောက်ပွဲဝင်ပြီး အင်အားကြီးပါတီတွေ ရွေးကောက်ပွဲ ၀င်မှာကို မလိုုလားဘူးဆိုတာဟာ နိုင်ငံရေး လမ်းစဉ် ဒီမိုကရေစီအရ ကြည့်ရင်တော့ မသင့်တော်ဘူးဆိုတာကို နားလည်ပြီးတော့ ဒါဟာ လူနည်းစု တိုင်းရင်းသားတွေရဲ့ ရင်တွင်းခံစားချက် အမှန်ဖြစ်တယ်လို့ ရှမ်းတိုင်းရင်းသားများ ဒီမိုကရက်တစ်ပါတီက အထွေထွေ အတွင်းရေးမှူး ဦးစိုင်းလှကျော် က ဗွီအိုအေကို အခုလို ပြောပါတယ်။

“ဒါကတော့ နိုင်ငံရေးလမ်းစဉ် ဒီမိုကရေစီအနေနဲ့ ကြည့်ရင်တော့လည်း ဒါ သင့်တော်တဲ့ကိစ္စတော့ မဟုတ်ဘူးလေ။ ကျနော်တို့လည်း သဘောပေါက် နားလည်ပါတယ်။ သို့သော်လည်းပဲ ကျနော်တို့က တိုင်းရင်းသားရဲ့ ရင်တွင်းခံစားချက် အမှန်ကတော့ ဒီလိုပဲရှိနေတာကိုး။ မလိုးလားဒါကတော့ အမှန်ပဲပေါ့ဗျာ။ ဒါ ဒီမိုကရေစီနည်းတော့ မကျဘူးပေါ့လေ။”

ညီနောင်တိုင်းရင်းသားပါတီများ ဖက်ဒရေးရှင်း (NBF) ဟာ ပြည်တွင်းအခြစိုက် တိုင်းရင်းသား ပါတီတွေနဲ့ စုဖွဲ့ထားတဲ့ အဖွဲ့အစည်းတခု ဖြစ်ပါတယ်။ NBF မှာ ပါ၀င်တဲ့ တိုင်းရင်းသား ပါတီတွေကတော့ ရခိုင်တိုင်းရင်းသားများ ဒီမိုကရက်တစ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ မွန်ဒေသလုံးဆိုင်ရာ ဒီမိုကရက်တစ်ပါတီ၊ ချင်းအမျိုးသားပါတီ၊ ဖလုံ စဝေါ်ပါတီ၊ အင်းအမျိုးသားပါတီ၊ ကရန်း အမျိုးသားပါတီ တို့နဲ့ ဖွဲ့စည်းထားတာ ဖြစ်ပါတယ်။

ညီနောင်တိုင်းရင်းသားပါတီများ ဖက်ဒရေးရှင်း (NBF) ရဲ့ ၁၄ ကြိမ်မြောက် သဘောထားကြေ ညာချက်မှာတော့ စစ်မှန်တဲ့ ပြည်တွင်းငြိမ်းချမ်းရေးကို ပါ၀င်ဆောင်ရွက်တဲ့့ အဖွဲ့အစည်း အားလုံးက  သမာသမတ်ကျကျ ဆောင်ရွက်ဖို့၊ တိုင်းရင်းသားဒေသတွေမှာ ကြီးမားလာတဲ့ မူးယစ်ဆေးဝါး ပြဿနာကို ပြည်တွင်း ပြည်ပ အင်အားစုတွေနဲ့ လက်တွဲပြီး ဖြေရှင်းဖို့၊ အစိုးရက သတ်မှတ်ပြောကြားတဲ့ တိုင်းရင်းသား ၁၃၅ မျိုးဆိုတာကို တိတိကျကျ ကောက်ယူဖို့နဲ့ မကြာသေးခင်က သမ္မတ ဦးသိန်းစိန်ရဲ့ ချင်းပြည်နယ် ခရီးစဉ်နဲ့ အချိန်ကိုက်ပြီး အစိုးရပိုင် သတင်းစာတွေမှာ ဖော်ပြခဲ့တဲ့ ပီမိုနင်းရဲ့ဆောင်းပါးမှာပါတဲ့ ကရင်ရိုင်း၊ ချင်းရိုင်းဆိုတဲ့ စကားအသုံးအနှုန်း တွေကို ပြန်လည်ဖော်ပြတဲ့အတွက် ရှုတ်ချကြောင်း ဆိုပြီး ကြေငြာချက် ထုတ်ပြန်ခဲ့တာ ဖြစ်ပါတယ်။

လက်ရှိအချိန်မှာ လွှတ်တော်တွင်း ကိုယ်စားလှယ် အများဆုံးနေရာကို ပြည်ခိုင်ဖြိုးပါတီ က ရယူထားပြီး၊ နံပါတ် ၂ နေရာမှာ အမျိုးသား ဒီမိုကရေစီအဖွဲ့ချုပ်၊ နံပါတ် ၃ နေရာမှာ ကျားဖြူ ပါတီလို့ လူသိများတဲ့ ရှမ်းတိုင်းရင်းသားများ ဒီမိုကရက်ပါတီ၊ နံပါတ် ၄ နေရာမှာ တိုင်းရင်းသား စည်းလုံးညီညွတ်ရေးပါတီနဲ့ နံပါတ် ၅ နေရာမှာ ရခိုင်တိုင်းရင်းသားများ ဒီမိုကရက်တစ်ပါတီတို့က အင်အားအများဆုံးပါတီတွေအဖြစ် အသီးသီး ရပ်တည်နေတာကို တွေ့ရပါတယ်။ 

 

http://burmese.voanews.com/content/only-ethnic-parties-competition-to-2015-election/1614753.html

 

 

အပြည့်အစုံသို့... »

ဗမာလူမျိုးထက် ငြိမ်းချမ်းရေးကို ပိုလိုချင်ကြောင်း ဦးနိုင်ငွေသိန်းပြော

ငြိမ်းချမ်းရေးကို ဗမာလူမျိုးတွေထက် ပိုလိုချင်တယ်လို့ မွန်ဒီမိုကရေစီ ပါတီ ဥက္ကဌ ဦးနိုင်ငွေသိန်းက
ဖေဖော်ဝါရီလ ၁၂ ရက်နေ့က ကျရောက်တဲ့ ၆၆ နှစ်မြောက် ပြည်ထောင်စုနေ့ အထိမ်းအမှတ်အဖြစ်
နိုင်ငံရေး ပါတီ ၁၃ ခုရဲ ညစာစားပွဲမှာ ပြောဆိုသွားပါတယ်၊ အလားတူ ဒီညစာစားပွဲကို
တက်ရောက်လာတဲ့ ၈၈ မျိုးဆက်ကျောင်းသား ခေါင်းဆောင် ကိုကိုကြီးကလည်း ကချင်ဒေသ
ငြိမ်းချမ်းရေးဟာ ပြည်ထောင်စုတစ်ခုလုံးနဲ့ သက်ဆိုင်တယ်ဆိုတဲ့ ခံယူချက်မျိုး ထားဖို သူက
တိုက်တွန်းခဲ့ပါတယ်။ ညီညွတ်သော တိုင်းရင်းသား လူမျိုးများ မဟာမိတ်အဖွဲ့ ( UNA )က ဦးဆောင်
ကျင်းပတဲ့ ဒီညစာစားပွဲကို ရန်ကုန်မြို့ အင်းယားလမ်းနှင့် ဟံသာဝတီလမ်းထောင့်က ရွှေရှမ်းကန်
စားသောက်ဆိုင်မှာ ညနေ ၅း၃၀ နာရီက ပြုလုပ်ခဲ့တာဖြစ်ပါတယ်။ ဒီပွဲကို အမျိုးသားဒီမိုကရေစီအဖွဲ့ချုပ် ၊
ရှမ်းတိုင်းရင်းသားများ ဒီမိုကရက်တစ်ပါတီ ၊ မွန်ဒီမိုကရေစီပါတီ နဲ့ ဇိုမီး ၊ ကချင် ၊ ကယား ၊ ကရင် ၊ ချင်း
စတဲ့တိုင်းရင်းသားပါတီတွေရဲ့ တာဝန်ရှိသူတွေ ၈၈ မျိုးဆက်ကျောင်းသား ခေါင်းဆောင်တွေ နိုင်ငံခြား
သံတမာန်တွေအပါအဝင် စုစုပေါင်း လူဦးရေ ၁၀၀ ကျော်တက်ရောက်လာခဲ့ကြပါတယ်။

http://www.burmavjmedia.net/?p=19220

အပြည့်အစုံသို့... »

ငြိမ်းချမ်းရေးအတွက် ပင်လုံစိတ်ဓါတ်ကိုအခြေဖို့လို

အမျိုးသားပြန်လည် သင့်မြတ်ရေးနှင့် ငြိမ်းချမ်းရေးကို ပင်လုံစိတ်ဓါတ်အခြေခံပြီး ခိုင်မြဲအောင် လုပ်ဆောင်ဖို့
အမျိုးသားဒီမိုကရေစီအဖွဲ့ချုပ် နာယက ဦးတင်ဦးက ဒီကနေ့ ရန်ကုန်တိုင်း ဗဟန်းမြို့နယ် တော်ဝင်နှင်းဆီမှာ
အမျိုးသားဒီမိုကရေစီအဖွဲ့ချုပ် က ဦးဆောင်ကျင်းပတဲ့ပြည်ထောင်စုနေ့ အခမ်းအနားမှာ တိုက်တွန်း ပြောဆိုလိုက်ပါတယ်။
အလားတူ ဒီပွဲကို တက်ရောက်လာတဲ့ မစိုးရိမ်တိုက်သစ် နာယက ဆရာတော် အရှင်ဦးဝီရသူကလည်း ငြိမ်းချမ်းရေးနဲ့ပတ်သက်လို့
ိ မိန့်ကြားခဲ့သလို အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကလည်း ဗွီဒီယို မိန့်ခွန်းပေးပို့ခဲ့ပါတယ်။
နံနက် ၁၀း၃၀ နာရီကနေ စတင်ပြုလုပ်ခဲ့တဲ့ ဒီအခမ်းအနားမှာ ပြီးခဲ့တဲ့ ဖေဖော်ဝါရီလ ၁၀ ရက်နေ့ကနေ စတင်ပြီး ၂ ရက်ကြာ ပြုလုပ်တဲ့
ပြည်ထောင်စုနေ့အထိမ်းအမှတ် ကရင် ဒုံးအကပြိုင်ပွဲမှာ ပထမ ၊ ဒုတိယ ၊ တတိယ ရရှိခဲ့သူတွေကိုလည်း ဆုချီးမြင်းခဲ့ပါတယ်။
ဒီပွဲကို အမျိုးသားဒီမိုကရေစီအဖွဲ့ချုပ် တာဝန်ရှိသူတွေ ၊ ၈၈ မျိုးဆက်ကျောင်းသားတွေ ၊ ပြည်ထောင်စုတိုင်းရင်းသားတွေ ၊ နိုင်ငံရေး အင်အားစုတွေ
နဲ့ စိတ်ပါဝင်စားသူတွေ အပါအဝင် လူဦးရေ ၁၅၀၀ ကျော် တက်ရောက် လာခဲ့ကြပါတယ် ။

http://www.burmavjmedia.net/?p=19214

အပြည့်အစုံသို့... »

လွတ်လပ်ရေးရပေမဲ့ တန်းတူမှု မရှိသေးဟု တိုင်းရင်းသားခေါင်းဆောင် တွေဝေဖန်

 

မြန်မာနိုင်ငံမှာလွတ်လပ်ရေး ရရှိခဲ့တာ နှစ်ပေါင်း ၆၅ နှစ် ဒီကနေ့ ပြည့်သွားပေမဲ့ တိုင်းရင်းသား အားလုံး အဆင့်အတန်း အခွင့်အရေး တူညီတဲ့ ပြည်ထောင်စုနိုင်ငံ မဖြစ်သေးဘူးလို့ တိုင်းရင်းသား ခေါင်းဆောင်တွေက ပြောလိုက် ပါတယ်၊ မြန်မာလူမျိုးတွေ
နဲ့ ကျန်တဲ့ တိုင်းရင်းသား လူမျိုးတွေကြားမှာ အမြင်မတူညီမှုတွေကြောင့် ဖြစ်တယ်လို့ တိုင်းရင်းသားခေါင်းဆောင်တွေ က ပြောကြပါတယ်။ ဒီလိုသဘောထားတွေနဲ့အတူ သမ္မတဦးသိန်းစိန်ရဲ့ လွတ်လပ်ရေး သဝဏ်လွှာနဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ရဲ့ လွတ်လပ်ရေး မိန့်ခွန်းထဲမှာ လွတ်လပ်ရေးနေ့နဲ့ ပြည်ထောင်စုအကြောင်း ပြောကြားခဲ့တာတွေကို ဘန်ကောက်ရုံးက မစုမြတ်မွန်က စုစည်းတင်ပြပါမယ်။

ဒီကနေ့ ကျရောက်တဲ့ ၆၅ နှစ်ပြည့် သမ္မတဦးသိန်းစိန်ရဲ့ လွတ်လပ်ရေး သဝဏ်လွှာထဲမှာ မြန်မာ့လွတ်လပ်ရေးအတွက် ဗိုလ်ချုပ်အောင်ဆန်းနဲ့ တခြားခေါင်းဆောင်ကြီးတွေရဲ့ တိုက်ပွဲဝင် ကြိုးပမ်းမှုတွေကို အသိအမှတ်ပြု ဖော်ပြထားတာ တွေ့ရပါတယ်။ လွတ်လပ်ရေးကို တိုင်းရင်းသား ပြည်သူအားလုံး အပြည့်အဝ ခံစားနိုင်ရေးအတွက် တောင်ပေါ် မြေပြန့် မခွဲခြားဘဲ တိုင်းရင်းသား အားလုံး စည်းလုံးညီညွတ်စွာနဲ့ တိုက်ပွဲဝင်ခဲ့ကြတယ်။

အချုပ်အခြာ အာဏာပိုင်နိုင်ငံဖြစ်အောင် တိုင်းရင်းသား ညီအကိုအပေါင်းက အသက်ပေါင်းများစွာနဲ့ လဲလှယ်ခဲ့ကြတယ်လို့ သမ္မတဦးသိန်းစိန်ရဲ့ လွတ်လပ်ရေး သဝဏ်လွှာထဲမှာ ဖေါ်ပြထားပါတယ်။ ၁၉၄၈ ခုနှစ် မြန်မာနိုင်ငံ လွတ်လပ်ရေးရစဉ် လွတ်လပ်ရေး ကြေညာစာတမ်းထဲမှာ တိုင်းရင်းသား အားလုံး စည်းလုံးလျက် အခွင့်အရေး အဆင့်အတန်း တူညီတဲ့ ပြည်ထောင်စု သမ္မတနိုင်ငံတော်ကြီးကို ထူထောင်ပြီလို့ ကြေညာခဲ့တာပါ။

လွတ်လပ်ရေးရပြီး ၆၅ နှစ်အကြာမှာ လွတ်လပ်ရေးကြေညာစာတမ်းထဲကအတိုင်း တန်းတူ ညီမျှတဲ့ ပြည်ထောင်စုတခုလို့ တိုင်းရင်းသားတွေက မြင်ကြပါသလား၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် ခေါင်းဆောင် ဦးခွန်ထွန်းဦးက လွတ်လပ်ရေးကြေညာစာတမ်းထဲကအတိုင်း တဝက်ပဲ မှန်သေးတယ်လို့ ပြောပါတယ်။

“တဝက်ပဲမှန်တယ်ဆိုတာ၊ တိုင်းရင်းသားညီအကိုတွေ အားလုံးတော့ စည်းလုံးညီညွတ်ရေး ရှိနေပြီလေ၊ ဒါပေမဲ့ တန်းတူညီတူ မရဘူး။ သူတို့ရပိုင်ခွင့်တွေ ဘာမှ မရဘူး။ အခုထက်ထိ လွတ်လပ်ရေးမရခင်က ဘဝတွေနဲ့ တူနေပါတယ်။”

ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ အတွင်းရေးမှုး နိုင်ဟံသာကလဲ တိုင်းရင်းသား လူမျိုးတွေအားလုံး တန်းတူ အခွင့်အရေးရနေတဲ့ ပြည်ထောင်စု နိုင်ငံမဖြစ်သေးဘူးလို့ မြင်ပါတယ်၊

“မဖြစ်ပါဘူး။ အဲ့သလို တိုင်းရင်းသားတွေ တူညီတဲ့အခွင့်အရေးတွေ မရလို့ဘဲ ပြည်တွင်း စစ်တွေဖြစ်နေတယ်။ အမှန်ကတော့ လူမျိုးတိုင်းအပေါ်မှာ ကိုယ့်အမျိုးသား ဆိုင်ရာ ကိုယ်ပိုင်ပြဌာန်းခွင့် တကယ်လို့ ရှိခဲ့မယ်ဆိုရင် ကျနော်တို့နိုင်ငံက ပြည်တွင်းစစ် လည်းမဖြစ်ဘူး။ တော်တော်အေးချမ်းပြီးတော့ တော်တော်တိုးတက်နေပြီလို့ ပြောရမှာပါ။”

လက်ရှိမြန်မာနိုင်ငံရဲ့ အခြေအနေဟာ လွတ်လပ်ရေးကြိုးပမ်းခဲ့တဲ့ ခေါင်းဆောင်ကြီးတွေ ဖြစ်စေ ချင်တဲ့ ဆန္ဒနဲ့ ဆန့်ကျင်နေတယ်လို့ ရှမ်းတိုင်းရင်းသားခေါင်းဆောင် ဦးခွန်ထွန်းဦးက ပြောပါတယ်၊

“လုံးဝကို ဆန့်ကျင်နေတယ်။ ဗိုလ်ချုပ်အောင်ဆန်းပြောသွားတာက တန်းတူရည်တူ၊ ဗမာက တိုင်းရင်းသားတွေအပေါ် ဗိုလ်မကျဖို့၊ ဗမာက တိုင်းရင်းသားတွေကို ဖိနှိပ်သွားဖို့ ဆိုတာ မရှိသင့်ဘူးဆိုတာ အဲ့တာလုံးဝ ကွာခြားနေပါတယ်။ တိုင်းရင်းသားအားလုံး လက်နက်ကိုင်ရတဲ့အကြောင်းအရင်းကတော့ တန်းတူညီမျှရေးပဲ၊ အဓိကကတော့ ဗိုလ်ချုပ်အောင်ဆန်းပြော ခဲ့သလို လွတ်လပ်ရေးယူတုန်းက ရည်ရွယ်ခဲ့သလို တိုင်းပြည်တွင်း ကိုယ်ပိုင်ပြဌာန်းခွင့်တို့၊ ညီတူညီမျှ၊ သာတူညီမျှ၊ အဲ့တာတွေက အဓိကရှိနေတာကိုး။ အဲ့တာကြောင့်လည်း လက်နက်ကိုင်အဖွဲ့အစည်းတွေက ဒီလိ်ုရအောင်ဆိုပြီး ပြောဆိုကြတယ်။ မရတဲ့အဆုံး လက်နက်ကိုင် တောင်းဆိုရတဲ့ ဘဝတွေရောက်နေတာပဲ အခုလက်နက်ကိုင်တာလဲ သူတို့ရပိုင်ခွင့်ဖြစ်တဲ့ စစ်မှန်တဲ့ ဖက်ဒရယ်ပြည်ထောင်စုကို ရချင်တာပဲလေ။"

အခုလို စစ်မှန်တဲ့ ပြည်ထောင်စုလို့ မမြင်ကြသေးတာဟာ မြန်မာလူမျိုး၊ ရှမ်းလူမျိုး၊ မွန်လူမျိုး၊ ကရင်လူမျိုး စသဖြင့် တယောက်နဲ့ တယောက်ကြား ခွဲခြားမြင်နေတာကြောင့်လိုရော မပြောနိုင်ပါဘူးလား။

“အင်း။ အဲ့သလိုပြောမယ်ဆိုရင် အဓိကအားဖြင့်က ဗမာနဲ့ အခြားတိုင်းရင်းသားတွေအပေါ်မှာ အမြင်မတူတာကတော့ ဒါအဓိကကျတယ်။ ဥပမာ တခြားနီးစပ်ရာပေါ့နော် မွန်နဲ့ကရင်နဲ့၊ ကရင်နဲ့ ကရင်နီနဲ့၊ ရှမ်းနဲ့ ပအို့ဝ်နဲ့၊ ပလောင်နဲ့ စသည်ဖြင့်ပေါ့လေ။ နီးစပ်ရာကတော့ အထိုက်အလျောက် အမြင်မတူညီတဲ့ဟာတွေ၊ ရှိပေမဲ့ ဒါကတော့ ပြဿနာ အထူးမရှိပါဘူး။ အဓိကအားဖြင့်ကတော့ ဗမာနဲ့ တခြားတိုင်းရင်းသားလူမျိုးစု အားလုံး အပေါ်မှာ အဓိကပြဿနာဖြစ်နေတယ်။”

အဲဒီလို အခြေအနေမှာ တိုင်းရင်းသား လူမျိုးတွေအားလုံး လိုချင်သလို  တန်းတူ အပြည့်အဝ အခွင့်အရေးရတဲ့ ပြည်ထောင်စု နိုင်ငံဖြစ်လာဖို့ရော မျှော်လင့်နိုင်ပါသေးရဲ့လား။

“အဲ့သလို အလားအလာရှိတယ်၊ မရှိဘူးဆိုတာကတော့၊ အဓိက အာဏာရထားတဲ့ အစိုးရတွေ အပေါ်မှာ မူတည်တယ်။ တနည်းဆိုရင်တော့ ဒါကတော့ တွေ့ဆုံဆွေးနွေးဖို့၊ စကားတွေ အခြေခံအားဖြင့် သဘောတူလာပြီဆိုတော့ တိုင်းရင်းသားတွေဖက်က တိုင်းရင်းသားတွေဖက်က အမျိုးသားတန်းတူရေးနဲ့ ကိုယ်ပိုင်ပြဌာန်းခွင့်၊ ဖက်ဒရယ်ပြည်ထောင်စု တည်ဆောက်ရေး၊ဒါတွေ နည်းနည်းပြောခွင့်တွေ ရှိလာတာပေါ့လေ။  ဒါပေမဲ့ အဲ့ဒီ့အပေါ်မှာ အစိုးရဖက်က ဘယ်လောက် စေတနာမှန်မှန်နဲ့ အဲ့တာကိုပဲ ဘယ်လောက်အကောင်အထည်ဖော်မလဲဆိုတဲ့အပေါ်မှာ အများကြီး မူတည်နေပါတယ်။”

ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ အတွင်းရေးမှုး နိုင်ဟံသာဖြစ်ပါတယ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်ဥက္ကဌ ဦးခွန်ထွန်းဦးကလဲ အမြင်တွေကို ပြောင်းလဲကြမယ်ဆိုရင် မကြာခင်ဖြစ်လာနိုင်တယ်လို့ ပြောပါတယ်။

“ဗမာအစိုးရကသာလျင် တိုင်းရင်းသားတွေအတွက် စဉ်းစားပေးမယ်။ Mindset တွေပြောင်းလာမယ်၊ အတွေးအခေါ်တွေ ပြောင်းလာမယ်ဆိုရင်တော့ ဘယ်သူနဲ့မှ တိုင်ပင်စရာမလိုပါဘူး။ ဒီပြဿနာတွေက နော်ဝေတို့ဘာတို့ သွားခေါ်နေစရာ ဘာအကြောင်းမှ မရှိဘူး။ ဖြစ်လာမှာပါ။ ဒါကတော့ လုပ်မယ်ဆိုရင်တော့၊ ပေးမယ်ဆိုရင်တော့ မခက်ခဲပါဘူး။ မပေးဘူး၊ မလုပ်ဘူးဆိုရင်တော့ ကြာမှာပေါ့ဗျာ။”

တိုင်းရင်းသားလူမျိုးပေါင်းစုံနဲ့ ဖွဲ့စည်းထားတဲ့ ပြည်ထောင်စု မြန်မာနိုင်ငံမှာ တယောက်နဲ့ တယောက် မတူတဲ့ အမြင်တွေကို နားလည်ကြဖို့လိုတယ်ဆိုတာကို ဒီကနေ့ အမျိုးသားဒီမိုကရေစီ အဖွဲ့ချုပ်မှာ ပြုလုပ်တဲ့ လွတ်လပ်ရေးပွဲမှာ ဒေါ်အောင်ဆန်းစုကြည်ကလဲ အခုလို ပြောသွားခဲ့ပါတယ်။

“ကျမတို့နိုင်ငံဟာ ပြည်ထောင်စုဖြစ်ပါတယ်။ ပြည်ထောင်စုလို့ပြောရတဲ့ အကြောင်းအရင်းက တိုင်းရင်းသားလူမျိုးပေါင်းစုံက ဖွဲ့စည်းထားတဲ့နိုင်ငံက ဖြစ်တယ်ဆိုတာ ကျမဆိုလိုတာပါ။ တိုင်းရင်းသားလူမျိုးပေါင်းစုံနဲ့ဖွဲ့စည်းထားတဲ့ နိုင်ငံဖြစ်တယ်ဆိုတာကို ကျမတို့ တစ်နေ့၊ တစ်ရက်၊ တစ်စက္ကန့်မှ မေ့လို့မဖြစ်ပါဘူး။ ဒီဟာကို မမေ့မှသာလျင် ကျမတို့လိုချင်တဲ့ ပြည်ထောင်စုမျိုး၊ ကျမတို့ လိုချင်တဲ့ နိုင်ငံမျိုးကို ထူထောင်နိုင်မှာဖြစ်ပါတယ်။ အခုဆိုရင် ဒီနိုင်ငံမှာ ပဋိပက္ခပေါင်းများစွာ ရှိတယ်ဆိုတာ အများသိပြီးသားပဲ၊ ကျမ ထူးထူးထွေထွေ ပြောနေစရာမလိုပါဘူး။ ပဋိပက္ခဖြေရှင်းရေးရဲ့ အခြေခံကတော့ တစ်ဦးကို တစ်ဦး အပြန်အလှန်လေးစားမှုပဲဖြစ်ပါတယ်။ ကိုယ်နဲ့မတူတဲ့ အတွေးအခေါ်တွေကို မလေးစားနိုင်ရင်၊ ကိုယ်နဲ့မတူတဲ့ အတွေးအခေါ်တွေကို နားလည်မှုမပေးနိုင်လို့ဆိုရင်တော့ ကျမတို့ဟာ စစ်မှန်တဲ့ ဒီမိုကရေစီပြည်ထောင်စုကို ထူထောင်နိုင်မှာမဟုတ်ပါဘူး။”

၁၉၄၈ခုနှစ်က လုံးဝ လွတ်လပ်တဲ့ အချုပ်အခြာ အာဏာပိုင် ပြည်ထောင်စုသမ္မတ မြန်မာနိုင်ငံတော် အဖြစ် မြန်မာနိင်ငံအလံကို လွှင့်တင်ခဲ့ချိန် အတိအကျ အတိုင်း ဒီနေ့ ဇန်နဝါရီလ ၄ ရက် မနက် ၄ နာရီ မိနစ် ၂၀ မှာလည်း နေပြည်တော်မှာ ဒုတိယသမ္မတ ဒေါက်တာ စိုင်းမောက်ခမ်း ဦးဆောင်ပြီးတော့ လွတ်လပ်ရေး အလံတင်အခမ်းအနားကို ကျင်းပခဲ့ပါတယ်။

http://burmese.voanews.com/content/independence-day-in-myanmar/1577626.html

အပြည့်အစုံသို့... »

တိုင်းရင်းသား ခေါင်းဆောင်တွေ နဲ့ ဒေါ်အောင်ဆန်းစုကြည် ဆွေးနွေးချက်

တိုင်းပြည်စီးပွားရေး ကောင်းလာရုံ တခုတည်းနဲ့ မြန်မာနိုင်ငံက တိုင်းရင်းသားရေးရာ အခွင့်အရေးတွေကို အလိုအလျောက် ဖြေရှင်း သွားနိုင်မှာ မဟုတ်ဘူးလို့ အမျိုးသား ဒီမိုကရေစီအဖွဲ့ချုပ် ဥက္ကဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်က မနေ့က ပြောလိုက်ပါတယ်။

Photo: RFA

ဒေါ်အောင်ဆန်းစုကြည်ကို နိုဝင်ဘာလ ၂၁ရက်နေ့ လွှတ်တော်ထဲတွင် တွေ့ရစဉ်

မနေ့က နေပြည်တော်မှာ ကျင်းပတဲ့ တိုင်းရင်းသားပါတီပေါင်းစုံက ကိုယ်စားလှယ်တွေနဲ့ နေပြည်တော်မှာ ကျင်းပတဲ့ မိတ်ဆုံစားပွဲမှာ ဒေါ်အောင်ဆန်းစုကြည်က ပြောခဲ့တာပါ။

ဒါ့အပြင် မြန်မာနိုင်ငံရဲ့ လူနေမှုအဆင့်အတန်းကို တိုင်းထွာကြည့်ရှုရာမှာ  ငွေကြေးဥစ္စာချမ်းသာသူတွေကို ကြည့်ပြီး တိုင်းထွာတာမျိုး မဖြစ်သင့်ပဲ၊ ဆင်းရဲသားအများစုရဲ့ လူနေမှုဘဝ ဘယ်လောက် မြင့်တက်လာသလဲဆိုတာကို အဓိကထား ကြည့်ရမယ်လို့လည်း ပြောခဲ့ပါတယ်။

ဒေါ်အောင်ဆန်းစုကြည်ဟာ တိုင်းရင်းသားပါတီတွေက ကိုယ်စားလှယ်တွေနဲ့ လွှတ်တော် အစည်းအဝေးပြီးတိုင်းမှာ အခုလို တိုင်းရင်းသား ခေါင်းဆောင်တွေနဲ့ ညစာစကားဝိုင်းပုံစံမျိုး နေပြည်တော်မှာ တွေ့ဆုံဆွေးနွေးနေကြဖြစ်ပါတယ်။

ဒီတကြိမ်မှာတော့ တိုင်းရင်းသားပါတီ ကိုယ်စားလှယ်တွေအပြင် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်တွေလည်း တက်ရောက်ခဲ့ပါတယ်။

မနေ့က ဒေါ်အောင်ဆန်းစုကြည် တိုင်းရင်းသားခေါင်းဆောင်တွေနဲ့ တွေ့ဆုံဆွေးနွေးခဲ့တာတွေကို RFA ၀ိုင်းတော်သူ ဒေါ်ခင်ခင်အိ က ကောက်နှုတ်တင်ပြထားပါတယ်။

http://www.rfa.org/burmese/news/dassk-meet-party-leader-11232012104144.html

	ဒေါ်ခင်ခင်အိ အသံဖိုင်နားထောင်ရန်
	အသံဖိုင်ယူရန်။

အပြည့်အစုံသို့... »

ဒေါ်စု တိုင်းရင်းသားပါတီ အမတ်တွေနဲ့ တွေ့ဆုံ

ဖခင်ဖြစ်သူ အမျိုးသားခေါင်းဆောင်ကြီး ဗိုလ်ချုပ်အောင်ဆန်း မျှော်မှန်း ခဲ့တဲ့  ပြည်ထောင်စုမြန်မာနိုင်ငံတော် ဒီနေ့ချိန် အထိ မတည်ဆောက်နိုင်သေးတဲ့ အပေါ်မှာ စိတ်မကောင်း ဖြစ်ရတယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ပြောပါတယ်။ မနေ့က လွှတ်တော် ပုံမှန် စည်းဝေးပွဲတွေ အပြီး တိုင်းရင်းသားနိုင်ငံရေးပါတီတွေက လွှတ်တော်အမတ်တွေကို ဖိတ်ကြား ဧည့်ခံခဲ့တဲ့ ညစာစားပွဲအတွင်း ဒေါ်အောင်ဆန်းစုကြည် က ပြောခဲ့တာပါ။ အပြည့်အစုံကို မခင်ဖြူထွေးက တင်ပြပေးထားပါတယ်။

အမျိုးသား ဒီမိုကရေစီအဖွဲ့ချုပ် ဥက္ကဋ္ဌ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မနေ့က လွှတ်တော် ပုံမှန် အစည်းအဝေးတွေ အပြီး နှုတ်ဆက် ညစား စားပွဲမှာ တိုင်းရင်းသား နိုင်ငံရေးပါတီတွေက ပုဂ္ဂိုလ်တွေကို ဖိတ်ကြား ဧည့်ခံခဲ့တာပါ။ ဖခင်ဖြစ်သူ ဗိုလ်ချုပ်အောင်ဆန်းက မြန်မာနိုင်ငံ လွတ်လပ်ရေး ရယူပြီးရင် တိုင်းရင်းသား စည်းလုံးညီညွတ်ရေးကို တည်ဆောက်နိုင်လိမ့်မယ်လို့ အခိုင်အမာ ယုံကြည်ခဲ့သလို ဒီကနေ့ သူ မျှော်လင့်တဲ့ နိုင်ငံတော်တရပ် ဖြစ်မလာသေးတဲ့အပေါ်မှာတော့ စိတ်မကောင်းဖြစ်ရတဲ့အကြောင်း ဒေါ်အောင်ဆန်းစုကြည်က ပြောသွားခဲ့တယ်လို့ ဒီ ညစာစားပွဲကို တက်ရောက်ခဲ့တဲ့ ရခိုင်တိုင်းရင်းသားများ တိုးတက်ရေးပါတီ RNDP ဥက္ကဋ္ဌ ဒေါက်တာ အေးမောင်က ပြောပါတယ်။

"ပင်လုံစာချုပ် ချုပ်တဲ့ကာလမှာ ၁၉၄၇ ဖွဲ့စည်းပုံအခြေခံဥပဒေ နဲ့ ပါတ်သက်လို့ ရေးတဲ့ အခါမှာ ဆယ်နှစ်ကျတဲ့အခါမှာ ခွဲထွက်ခွင့်ဆိုတာကို အခန်း ၁၀ မှာရေးဆွဲခဲ့တာဖြစ်တယ်။ သူယုံကြည်ချက်အပြည့်နဲ့ ရေးခဲ့တာဖြစ်တယ်။ တိုင်းရင်းသားတွေကလည်း ဗိုလ်ချုပ်ကိုချစ်တယ်။ မြတ်နိုးတယ်။ ဗိုလ်ချုပ်ရဲ့ ကတိ အပေါ်မှာလည်း လေးစားမြတ်နိုး တန်ဖိုးထားတယ်။ ဆယ်နှစ်အကြာ တိုင်းပြည်ကိုပြန်လည် တည်ဆောက်တဲ့ ကာလမှာ အောင်မြင်နိုင်မယ်လို့ သူယုံကြည်လို့ အဲဒီအပိုဒ်လေးကို ဖြည့်တာ။ သူကိုယ်တိုင် မတည်ဆောက်နိုင်ခဲ့တာ၊ သူ့အဖေမျှော်မှန်းခဲ့တဲ့အတိုင်းဖြစ်မလာခဲ့တာတွေကို စိတ်မကောင်းဘူး။ ဒါပေမယ့် ကျမတို့အခု ကျနော်တို့အခု တည်ဆောက်ကြရမယ်။  ဒီလောက်များပြားတဲ့ တိုင်းရင်းသားတွေနေတဲ့ နိုင်ငံတော်ကြီးမှာ တိုင်းရင်းသားတွေ အချင်းချင်းချစ်ကြည် တစ်ဦးအပေါ်တစ်ဦးလေးစား ယုံကြည်ပြီးကာမှ တိုင်းပြည်ကို ကိုယ့်လုပ်ပိုင်ခွင့်နဲ့ကိုယ်ထားနိုင်မှ ပြည်ထောင်စုကြီးဟာ သာယာမယ် ငြိမ်းချမ်းမယ် ဆိုတာကို သူ့ရဲ့အတွေ့အကြုံတွေနဲ့ ရှင်းပြသွားတာဖြစ်ပါတယ်"

ရခိုင်အရေးကိစ္စနဲ့ ပတ်သက်လို့ ဒေါ်အောင်ဆန်းစုကြည်က ဘာမှမပြောဘဲ နှုတ်ဆိတ်နေတယ် ဆိုတဲ့ ဝေဖန်မှုတွေ သူ့ရဲ့ နိုင်ငံတကာ ခရီးစဉ်တွေအတွင်း ကြုံခဲ့ရတာနဲ့ ပတ်သက်လို့လည်း သူ့အနေနဲ့ကတော့ ဘယ် ဘက်ကိုမှ ရပ်တည်ပြီး ပြောဆိုသွားမှာ မဟုတ်တဲ့အကြောင်း ထပ်ပြီး ပြောသွားခဲ့တယ်လို့  ဒေါက်တာ အေးမောင် ကပြောပါတယ်။ ဒေါ်အောင်ဆန််းစုကြည် လွှတ်တော်တွင်းမှာ စတင် ပါ၀င်လာချိန်ကတည်းက ခုလို တိုင်းရင်းသား နိုင်ငံရေးပါတီတွေက ပုဂ္ဂိုလ်တွေနဲ့ မကြာခဏ ဆိုသလို တွေ့ဆုံလေ့ရှိတာဖြစ်ပါတယ်။ ဒီလို တွေ့ဆုံမှုတွေက တိုင်းရင်းသားတွေအကြား နွေးထွေးမှုကို ရရှိစေပြီး ဒေါ်အောင်ဆန်းစုကြည် အပေါ်မှာလည်း ယုံကြည်မှု ပို တိုးလာစေတယ်လို့လည်း ဒေါက်တာ အေးမောင် က ပြောပါတယ်။

"ကျနော်အပါအဝင် တိုင်းရင်းသားအားလုံးရဲ့ မျက်နှာမှာ မျှော်မှန်းချက်တွေ ရှိပါတယ်။ ဒေါ်အောင်ဆန်းစုကြည် ကို မြင်တိုင်း ပြောတိုင်း တွေ့တိုင်းမှာ ကျနော်တို့ဗိုလ်ချုပ်ကို သတိရကြပါတယ်။  ဗိုလ်ချုပ်ကိုယ်ပွါး ဒေါ်အောင်ဆန်းစုကြည် ဟာ ၁၉၉၀ ကတည်းက ရပ်တည်လာတယ်။ နောက် သူ့ခဗျာ နှစ်ပေါင်းများစွာ အကျဉ်းချခံပြီးကာ ဒီမိုကရေစီ ရဖို့ကြိုးစားတယ်။ အခုတစ်ခါ လွှတ်တော်ထဲရောက်အောင် တိုင်းရင်းသားတွေကပဲ မေတ္တာရပ်ခံပန်ကြားပြီး ဖိတ်ခေါ်လာတယ်။

တိုင်းရင်းသားတွေနဲ့ တွေ့တယ်ဆွေးနွေးတယ် လွှတ်တော်ကိစ္စတွေတင်မကဘူး တိုင်းရင်းသားရေးရာ ပြည်ထောင်စုရေးရာ ပြည်တွင်းရေးရာ ပြည်ပရေးရာတွေ နှီးနှောဆွေးနွေးကြတယ် ဆိုတော့ ရင်းရင်းနှီးနှီးဖြစ်တာပေါ့။ ဗိုလ်ချုပ်အောင်ဆန်းရဲ့ မပြီးဆုံးသေးတဲ့ ပြည်ထောင်စု ကဏ္ဍတွေကို ဒေါ်အောင်ဆန်းစုကြည်ဦးဆောင်ပြီး ကာမှ ဆောင်ရွက်ပေးနိုင်မယ်လို့ ကျနော်တို့အားလုံးယုံကြည်ပါတယ်။  အဲလို ယုံကြည်ချက် ကလည်း ဒေါ်အောင်ဆန်းစုကြည်နဲ့ တွေ့တိုင်းမှာ ခိုင်ခိုင်မာမာ ဖြစ်ပွါးစေတာပါပဲ"

နေပြည်တော် စည်ပင်ရိပ်သာမှာ ပြုလုပ်ခဲ့တဲ့ ဒီ ညစာ စားပွဲကို ပြည်သူ့လွှတ်တော် ဥပဒေကြမ်းကော်မတီ ဥက္ကဋ္ဌ ဦးတီခွန်မြတ်နဲ့ ဥပဒေကြမ်း ကော်မတီ အတွင်းရေးမှူး ဦးစောလှထွန်းတို့လည်း ဒေါ်အောင်ဆန်းစုကြည်ရဲ့ ဖိတ်ကြားချက်နဲ့ တက်ရောက်လာခဲ့ကြပြီး တိုင်းရင်းသား ကိုယ်စားလှယ်တွေရဲ့ ကိုယ်စား ဦးတီခွန်မြတ်က အမှာစကား ပြောကြားခဲ့တယ်လို့လည်း ဒေါက်တာ အေးမောင်က ပြောပါတယ်။ ဒီညစား စားပွဲကို တိုင်းရင်းသား ပါတီတွေက လွှတ်တော်အမတ် ၁၀၀ လောက် တက်ရောက်ခဲ့တယ်လို့လည်း ဆိုပါတယ်။

ဒီဆွေးနွေးပွဲ မတိုင်ခင်ကတော့ ဒေါ်အောင်ဆန်းစုကြည်ဟာ နယူးဇီလန် ၀န်ကြီးချုပ် နဲ့လည်း နေပြည်တော်မှာ ရှိတဲ့ သင်္ဂဟာ ဟော်တယ်တခုမှာ မနေ့က ညနေပိုင်း က တွေ့ဆုံခဲ့ပါတယ်။ မြန်မာနိုင်ငံရဲ့ ဒီမိုကရေစီရေး ကြိုးပမ်းမှုတွေမှာ အကူအညီပေးခဲ့တဲ့ နယူးဇီလန် နိုင်ငံကို ကျေးဇူးတင်ကြောင်းနဲ့ သိပ်မကြာခင် ကာလတခုမှာ နယူးဇီလန်နိုင်ငံကို သူ သွားရောက် လည်ပတ်ချင်တဲ့အကြောင်း ဒေါ်အောင်ဆန်းစုကြည်က ပြောခဲ့ပါတယ်။ နယူးဇီလန်နိုင်ငံအနေနဲ့ မြန်မာနိုင်ငံကို ဒေါ်လာ ရ သန်း ကူညီထောက်ပံ့မယ့်အကြောင်း နယူးဇီလန် ၀န်ကြီးချုပ်က အခုခရီးစဉ် အတွင်း ပြောကြားခဲ့သလို ခုလို မြန်မာနိုင်ငံကို ပေးတဲ့အကူအညီတွေ လူထုကို တိုက်ရိုက် အကျိူးပြုနိုင်တဲ့ အကူအညီတွေ ဖြစ်ဖို့ လိုအပ်တဲ့ အကြောင်းလည်း ဒေါ်အောင်ဆန်းစုကြည်က ပြောခဲ့ပါတယ်။

မြန်မာနိုင်ငံရဲ့ လက်ရှိ ပြုပြင် ပြောင်းလဲမှုတွေကို ဖွဲ့စည်းအုပ်ချုပ်ပုံ အခြေခံ ဥပဒေကို ပြင်ဆင်ခြင်းမရှိဘဲနဲ့တော့ ဒီမိုကရေစီ နည်းကျ တယ်လို့ အပြည့်အဝ မဆိုနိုင်ကြောင်းနဲ့ မြန်မာနိုင်ငံမှာ စစ်မှန်တဲ့ ဒီမိုကရေစီ ပြုပြင် ပြောင်းလဲမှုတွေ ဖြစ်လာအောင် နယူးဇီလန် နိုင်ငံအနေနဲ့ တွန်အားပေး ဆောင်ရွက်ဖိို့ကိုလည်း နယူးဇီလန်ဝန်ကြီးချုပ်နဲ့ တွေ့ဆုံမှုအပြီး ပြုလုပ်တဲ့ ပူးတွဲ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က ပြောသွားခဲ့ပါသေးတယ်။

http://burmese.voanews.com/content/daw-suu-met-with-enthinc-parties-/1552054.html

အပြည့်အစုံသို့... »

ဖက်ဒရယ်စနစ်ကို လိုလားကြောင်း ညီနောင်တိုင်းရင်းသားပါတီများ သဘောထားထုတ်ပြန်

နိုဝင်ဘာလ ၁၃ရက်၊ ၂၀၁၂ခုနှစ်။ စဖန်းရှောင်း (ကေအိုင်စီ)

မြန်မာနိုင်ငံတွင် ဖက်ဒရယ်စနစ်ပေါ်ထွန်းရေးကို လိုလားကြောင်း တိုင်းရင်းသားပါတီများဖြင့် ဖွဲ့စည်းထားသော ညီနောင်တိုင်း ရင်းသားပါတီများ(Nationalities Brotherhood Forum)က နိုဝင်ဘာလ ၁၁ရက်နေ့တွင် သဘောထားကြေညာချက်တစ်စောင် ထုတ်ပြန်ခဲ့သည်။
နိုဝင်ဘာလ ၁၀ရက်နှင့် ၁၁ရက်နေ့တို့တွင် ရန်ကုန်မြို့တွင် ပြုလုပ်သည့် ညီနောင်တိုင်းရင်းသားပါတီများ၏ ၁၃ကြိမ်မြောက် အစည်း အဝေးပြီးနောက် ဖက်ဒရယ်ပြည်ထောင်စုစနစ်သည် ခွဲထွက်ရေးမဟုတ် အပါအဝင် အချက် ၆ချက်ကို ထုတ်ပြန်ကြေ ညာလိုက်ခြင်းဖြစ်သည်။
ညီနောင်တိုင်းရင်းသားပါတီများ၏ အဖွဲ့ဝင်တခုဖြစ်သည့် ဖလုံ-စဝေါ်ဒီမိုကရက်တစ်ပါတီ-PSDP မှ ဒုဥက္ကဌ မန်းအောင်ပြည်စိုးက “ဖက်ဒရယ်ဆိုတာ အဓိပ္ပါယ်အမျိုးမျိုး ပြောဆိုနေကြတယ်။ တချို့ကတော့ ခွဲထွက်ရေးလို့ မြင်နေ ကြတယ်။ ဒါပေမယ့် အခု ကျနော်တို့ တိုင်းရင်းသားတွေ လိုလားတောင့်တနေတဲ့ ဖက်ဒရယ်ဟာ စုစည်းဖို့ ဖြစ်တယ်ဆိုတာ အများသိစေချင်တယ်”ဟု ကေအိုင်စီသို့ ပြောသည်။
ယင်းကြေညာချက်၌ ဖက်ဒရယ်ကိစ္စအပြင် လက်ရှိပါတီများ၏ အမည်ပြောင်းလဲခေါ်ဝေါ်ခြင်း၊ အချိုးကျ ကိုယ်စားပြုစနစ်ကို ၂၀၁၅တွင် မဲဆန္ဒရှင်ပြည်သူများ၏ ပြည်နယ်များ၌ အခြေအနေအရ ကျင့်သုံးရန် မသင့်လျော်သေးခြင်း၊ လက်ရှိ ပြည်နယ်များ၏ အမည်များကို ပြောင်းလဲလိုသည့် အယူအဆများကို လက်မခံခြင်း၊ ရခိုင်အရေးကို အစိုးရမှ သတိကြီးစွာ ဖြေရှင်းပေးလိုခြင်းနှင့် အမေရိကန်သမ္မတ ဘရက်အိုဘားမား၏ မြန်မာပြည်ခရီးစဉ်ကို ကြိုဆိုခြင်း စသည့်အချက်များ ပါ၀င်သည်။
ညီနောင်ပါတီများ၏ အစည်းအဝေးသို့ လေ့လာသူများအဖြစ် တိုင်းလိုင်(သျှမ်းနီ)အမျိုးသား ဖွံ့ဖြိုးတိုးတက်ရေးပါတီ၊ ဓနုတိုင်းရင်း သားလူမျိုးများဒီမိုကရေစီပါတီ၊ အရှိုချင်းအမျိုးသားပါတီ၊ အင်းအမျိုးသားဖွံ့ဖြိုးတိုးတက်ရေးပါတီ၊ ပအိုဝ်းအမျိုးသားအဖွဲ့ချုပ်ပါတီ၊ တအာင်း(ပလောင်)အမျိုးသားပါတီ၊ “၀” ဒီမိုကရက်တစ်ပါတီတို့မှ ကိုယ်စားလှယ်များ တက်ရောက်ခဲ့ကြပြီး စုစုပေါင်းလူဦးရေ ၄၀ကျော် ပါ၀င်ဆွေးနွေးခဲ့သည်။
၎င်းအပြင် လေ့လာသူအဖြစ် တက်ရောက်ခဲ့သည့် တိုင်းရင်းသားပါတီများကလည်း ညီနောင်ပါတီများနည်းတူ ဖက်ဒရယ်စနစ် မှာ ခွဲထွက်ရေးမဟုတ်ကြောင်းကို လက်ခံခဲ့သည်ဟု သိရသည်။
ညီနောင်တိုင်းရင်းသားပါတီများကို ၂၀၁၁ခုနှစ်၊ ဇန်နဝါရီလ ၁၅ရက်နေ့တွင် စတင်ဖွဲ့စည်းခဲ့ပြီး လက်ရှိ အဖွဲ့ဝင်များအဖြစ် သျှမ်း တိုင်းရင်းသားများ ဒီမိုကရက်တစ်ပါတီ၊ ချင်းအမျိုးသားပါတီ၊ ရခိုင်တိုင်းရင်းသားများ တိုးတက်ရေးပါတီ၊ မွန်ဒေသလုံးဆိုင်ရာ ဒီမို ကရေစီပါတီ၊ ဖလုံ-စဝေါ်ဒီမိုကရက်တစ်ပါတီနှင့် ကယန်းအမျိုးသားပါတီတို့ ဖြစ်သည်။
တစ်ဆက်တည်းပင် ညီနောင်တိုင်းရင်းသားပါတီများ၏ ထုတ်ပြန်လိုက်သည့် အဖွဲ့အမည်ပြောင်းလဲမှုတွင် မူလ ခေါ်ဝေါ်သော ညီနောင်တိုင်းရင်းသားပါတီများ-Nationalities Brotherhood Forum ကို ညီနောင်တိုင်းရင်းသားပါတီများ ဖက်ဒရေးရှင်း (Nationalities Brotherhood Federation)အဖြစ် ပြောင်းလဲခေါ်ဝေါ်လိုက်ခြင်း ဖြစ်သည်။

http://www.kicnews.org/?p=14095

အပြည့်အစုံသို့... »

ဖက်ဒရယ်ပြည်ထောင်စုဖြစ်ဖို့ ဖွဲ့စည်းပုံပြင်ရေး လွှတ်တော်တွင်း အရေးကြီး

စစ်မှန်တဲ့ ပြည်ထောင်စု တရပ်ပေါ်ထွန်း လာပြီး အာဏာ ခွဲဝေကျင့်သုံးရေး စနစ်တွေ ပေါ်ထွန်းလာဖို့ ဆိုရင် လက်ရှိ ၂၀၀၈ ဖွဲ့စည်းပုံ အခြေခံ ဥပဒေ ကို အခြေခံထားပြီး လွှတ်တော်ကနေ ပြင်ဆင် သင့်တယ်လို့ ၀န်ကြီး ဦးအောင်မင်းက ပြောဆိုပါတယ်။ ဒီအကြောင်း အပြည့်အစုံ ကိုတော့ ပြည်ထောင်စုဝန်ကြီး ဦးအောင်မင်းနဲ့ ဒီမိုကရက်တစ်ပါတီ ၁၁ ပါတီ တို့ တွေ့ဆုံ ခဲ့တဲ့ ငြိမ်းချမ်းရေးစင်တာမှာ သွားရောက် သတင်း ယူခဲ့တဲ့ ဗွီအိုအေ သတင်းထောက် ကိုအောင်ရဲမောင်မောင် က ပြောပြပေးမှာ ဖြစ်ပါတယ်။

နိုင်ငံတော်သမ္မတ ရုံးဝန်ကြီး ဦးအောင်မင်းနဲ့ ဒီမိုကရက်တစ်မိတ်ဆွေ ၁၁ ပါတီတွေ့ဆုံပွဲမှာ ဒီမိုကရက်တစ် မိတ်ဆွေ ၁၁ ပါတီ ခေါင်းဆောင်ပိုင်းတွေက ၀န်ကြီး ဦးအောင်မင်းကို စစ်မှန်တဲ့ ပြည်ထောင်စု တရပ်မှာ  လိုအပ်တဲ့ အာဏာ ခွဲဝေကျင့်သုံး ရေးနဲ့ သယံဇာတ ခွဲဝေ ရယူရေး ကိစ္စတွေကို အဓိက ထားပြီး တင်ပြတောင်းဆို လာကြပါတယ်။

နိုင်ငံတော် သမ္မတရုံး ၀န်ကြီးက စစ်မှန်တဲ့ ဖက်ဒရယ်စနစ် တရပ် ပေါ်ထွန်းလာပြီး တိုင်းရင်သားလူမျိုးစု ခေါင်းဆောင်ပိုင်းတွေက သက်ဆိုင်ရာ ပြည်နယ်တွေကို အုပ်ချုပ်ဖို့ဆိုရင် ဖွဲ့စည်းပုံ အခြေခံဥပဒေ အတိုင်း ရွေးကောက်ပွဲ ၀င်ကြဖို့နဲ့ ဖွဲ့စည်းပုံ အခြေခံ ဥပဒေကို မကြိုက်ရင်လည်း ပြင်ဆင်ကြဖို့ ပြန်လည် တိုက်တွန်းလိုက်ပါတယ်။

“ပြည်နယ်တွေကို ဘာနဲ့အုပ်ချုပ်ရမလဲ။ ဖွဲ့စည်းပုံ အခြေခံဥပဒေနဲ့အညီ အုပ်ချုပ်ရမယ်။ အဲဒီတော့ ခင်ဗျားတို့က ကျနော့်ကို စောဒက တက်မယ်။ ဖွဲ့စည်းပုံ အခြေခံ ဥပဒေကို မကြိုက်ဘူး။ ဖွဲ့စည်းပုံ အခြေခံဥပဒေကို ဘယ်သူကရေးတာလဲ။ ဘယ်သူက ပြင်လို့ရလဲ။ ဖွဲ့စည်းပုံ အခြေခံဥပဒေကို ဦးအောင်မင်း ပြင်လို့မရဘူး။ ဦးအောင်မင်းမှာ ပြင်ပိုင်ခွင့် မရှိဘူး။ လွှတ်တော်ကသာ ပြင်နိုင်တယ်။”

လက်ရှိ အုပ်ချုပ်ရေး စနစ်အရ ပြည်ထောင်စု အစိုးရ အောက်မှာ သက်ဆိုင်ရာ တိုင်းနဲ့ ပြည်နယ် အစိုးရတွေကို အုပ်ချုပ်ခွင့် ပေးထားပေမဲ့ သက်ဆိုင်ရာ ပြည်နယ်တိုင်း ဒေသကြီး အစိုးရ အဖွဲ့တွေမှာ အုပ်ချုပ်ရေး အာဏာ ခွဲဝေကျင့်သုံးခွင့် ဆိုင်ရာ အခွင့်အရေးတွေ အင်မတန် နည်းနေတယ်လို့ ရှမ်းပြည်နယ် ဒေသကြီး အစိုးရ အဖွဲ့ဝင် ဦးစိုင်းအိုက်ပေါင်း က နိုင်ငံတော် သမ္မတရုံး ၀န်ကြီးကို တင်ပြခဲ့ပါတယ်။

ပြည်သူတွေဆီက အာဏာရဖို့အတွက် သက်ဆိုင်ရာ ပြည်နယ်အသီးသီးက တိုင်းရင်းသား ခေါင်းဆောင်ပိုင်းတွေက ပါတီ နိုင်ငံရေး လမ်းစဉ်ကို ကျင့်သုံးပြီး ရွေးကောက်ပွဲ ကနေတဆင့် ဖက်ဒရယ်စနစ် ပေါ်ထွန်းဖို့ ကြိုးစားသင့်တယ်လို့လည်း ဦးအောင်မင်းက တိုက်တွန်းလိုက်ပါတယ်။

အာဏာခွဲဝေ ကျင့်သုံးရေး ကိစ္စလိုပဲ သယံဇာတ ခွဲဝေရေးကိစ္စတွေကိုပါ ပြည်ထောင်စု အစိုးရက ရာခိုင်နှုန်း အလိုက် အချိုးကျ ပေးနိုင်အောင်လည်း စဉ်းစားပေးနေတယ်လို့  သမ္မတရုံး ၀န်ကြီးက ပြောပါသေးတယ်။

“national resources တွေမှာဆိုရင် ရခိုင်ပြည်နယ်မှာ ရေနံထွက်တယ်။ ကချင်ပြည်နယ်မှာ ကျောက်စိမ်းထွက်တယ်။ ဒါတွေ အားလုံးကိုလည်း ထိုက်သင့်တဲ့ ရာခိုင်နှုန်း သူတို့ပြည်နယ်ထဲမှာ ထားရတယ်။ ဒီပိုက်ဆံတွေ အားလုံးဟာ သူ့တိုင်းနဲ့ ပြည်နယ် တိုင်းဒေသတွေမှာ ဖွ့ံဖြိုး တိုးတက်ရေး လုပ်ငန်းတွေ လုပ်ဖို့အတွက် ဖြစ်တဲ့အတွက် သူတို့ကို ချပြီးတော့ ထားခဲ့တယ်။ ရာခိုင်နှုန်း တခုနဲ့တခု တူချင်မှတူမယ်။ ကျောက်စိမ်းမှာ ၂၀ ရာခိုင်နှုန်း ဖြစ်ရင်ဖြစ်မယ်၊ ရေနံမှာ ၁၀ ရာခိုင်နှုန်း ဖြစ်ရင်ဖြစ်မယ်။ ဒီအတိုင်းပဲ စဉ်းစားနေကြပါတယ်။ နောက်ပိုင်းကျရင် ဖြစ်လာမှာပါ။”

တိုင်းရင်းသား ပါတီတွေရဲ့ ကိစ္စကို ပြည်မက ပါတီတွေက ဂရုမစိုက်ဘူးလို့ ထင်တာကြောင့် ဒီမိုကရက်တစ် မိတ်ဆွေပါတီ ၁၁ ပါတီက တိုင်းရင်းသား ပါတီတွေနဲ့ ဆွေးနွေး လာတဲ့အခါ သူတို့ဟာ ပြည်ထောင်စုကနေ ဘယ်တော့မှ ခွဲမထွက်ဘူးလို့ ပြောလာသလို ၈ ပြည်ထောင် တည်ထောင်မယ့် ကိစ္စကိုလည်း လက်မခံဘူးလို့ ပြောလာတဲ့ အကြောင်း အမျိုးသားဒီမိုကရေစီ အင်အားစုပါတီ က ဒေါက်တာ သန်းငြိမ်းက ၀န်ကြီးဦးအောင်မင်းကို တင်ပြခဲ့ပါတယ်။

“စစ်မှန်တဲ့ပြည်ထောင်စု ဆိုရင်တော့ ဒါ ဘယ်သူမဆို ပြောကြတယ် ဆိုကြတယ်။ သို့သော်လည်း ဖက်ဒရယ်စနစ် ဆိုရင်တော့ နည်းနည်းလေး ခါသွားမယ်။ မပြောရဲကြဘူး။ နိုင်ငံရေးသမားတွေလည်း မပြောရဲဘူး။ အပြင်လူတွေလည်း မပြောရဲကြဘူး။ အဲဒီတော့ ဖက်ဒရယ်စနစ်နဲ့ ပတ်သက်ပြီးတော့ သူတို့ ခံယူထားတဲ့ အချက်တွေထဲက အရေးကြီးတဲ့ အချက်တွေကို ကျနော်တို့နဲ့ တင်ပြပြီးတော့ ဆွေးနွေးတဲ့ အခါမှာ ကျနော် အင်မတန် အံ့သြသွားတယ်။ ဘာလဲဆိုရင် တိုင်းရင်းသား ပါတီများက တင်ပြတာက၊ နံပတ် (၁) သူတို့သည် ပြည်ထောင်စုကြီးကနေ ဘယ်တော့မှ ခွဲမထွက်ဘူး ဆိုတာကို အာမခံတယ်။”

လက်ရှိအချိန်မှာ ပြည်နယ်နဲ့ တိုင်းဒေသကြီး အစိုးရတွေက အုပ်ချုပ်ရေးအာဏာ ရရှိမှုဟာ နည်းနေသေးပေမဲ့ ပြည်မက ပေးအပ်တဲ့ အာဏာ ခွဲဝေ ကျင့်သုံးတဲ့ စနစ် ရရှိလာတဲ့အထိ တဖြည်းဖြည်းချင်း စောင့်ဆိုင်းရဦးမယ်လို့ ရှမ်းပြည်နယ် အစိုးရ အဖွဲ့ဝင် တဦး ဖြစ်တဲ့ ကျားဖြူပါတီက ဦးစိုင်းအိုက်ပေါင်း က ဗွီအိုအေကို ပြောပါတယ်။

နိုဝင်ဘာလ ၃ ရက်နေ့ ရန်ကုန်က ငြိမ်းချမ်းရေး စင်တာမှာ ပြုလုပ်တဲ့ နိုင်ငံတော်သမ္မတရုံး ၀န်ကြီး ဦးအောင်မင်းနဲ့ ဒီမိုကရက်တစ် ၁၁ ပါတီ တွေ့ဆုံပွဲမှာ ၀န်ကြီးက ကချင်ပြည်နယ်က ငြိမ်းချမ်းရေး ကိစ္စကို နိုင်ငံရေးနည်းနဲ့ ဖြေရှင်းနေတယ် လို့ နိုင်ငံရေးပါတီတွေကို ပြောဆိုခဲ့ပါတယ်။
နိုင်ငံရေးပါတီတွေ ဘက်ကလည်း ၀န်ကြီးကိုတင်ပြတဲ့အခါ မကြားသေးခင် ရက်ပိုင်းတုန်းက နိုင်ငံတော် သမ္မတရုံးက ထုတ်ပြန်တဲ့ ကြေညာချက်မှာ ရခိုင် ပဋိပက္ခ အရေးဖြစ်နေတဲ့ ကိစ္စရပ်တွေမှာ ဒေသတွင်း မငြိမ်သက်အောင် လုပ်နေတဲ့ ပါတီတွေ ရှိနေတယ်လို့ ဖော်ပြချက်ဟာ ရခိုင်တိုင်းရင်သားများ တိုးတက်ရေးပါတီ (RNDP) ကို ရည်ရွယ်ချက် ရှိရှိ ထည့်သွင်းပြောဆို ထားတယ်လို့ ယူဆရတဲ့အတွက် များစွာ ၀မ်းနည်းတဲ့ အကြောင်း RNDP က ဦးဦးလှစော က ၀န်ကြီး ဦးအောင်မင်းကို ပြောဆို ခဲ့ပါသေးတယ်။

ဒီမိုကရက်တစ် မိတ်ဆွေ ၁၁ ပါတီ ဟာ ပြီးခဲ့တဲ့ အောက်တိုဘာ ၂၀ ရတ်နေ့တုန်းက နိုင်ငံတော် သမ္မတ အကြံပေး ၂ ဦးနဲ့ တွေ့ဆုံခဲ့ပြီး အခုအခါမှာ နိုင်ငံတော် သမ္မတရုံး ၀န်ကြီး နဲ့ တွေ့ဆုံ ဆွေးနွေးတာလည်း ဖြစ်ပါတယ်။

လတ်တလောမှာတော့ ဒီမိုကရက်တစ် မိတ်ဆွေ ၁၁ ပါတီနဲ့ နိုင်ငံတော် သမ္မတ ဦးသိန်းစိန် တို့ဟာ သီးသန့် တွေ့ဆုံဖို့ မရှိသေးဘူးလို့ သမ္မတရုံး ညွှန်ကြားရေးမှူး ဦးဇော်ဌေး က ဗွီအိုအေ ကို ပြောပါတယ်။

http://burmese.voanews.com/content/democratic-parties-meeting-11-03-12/1538866.html

အပြည့်အစုံသို့... »

တိုင်းရင်းသားခေါင်းဆောင် ဒေါက်တာလျန်မှုန်ဆာခေါင်း မြန်မာပြည်သွားမည်

တိုင်းရင်းသားလက်နက်ကိုင် အဖွဲ့အစည်းများ၊ နိုင်ငံရေးပါတီများမှ ဖွဲ့စည်းထားသည့် လက်ရှိ Ethnic National Council  ဥက္ကဌ နှင့် CNF ရဲ့ အဓိပတိကောင်စီဝင် ၉၀ ရွေးကောက်ပွဲကာလ UNLD အထွေထွေအတွင်းရေးမှူး ဒေါက်တာ ဆလိုင်း လျန်မှုန်ဆာခေါင်း မြန်မာပြည်သွားမည်ဟု သ တင်း ရရှိသည်။
“ အဓိက သွားမှာက Myanmar Egress and Peace Research Institute Oslo ကနေ ကမကထပြုပြီး ၁၃ – ၁၄ အောက်တိုဘာမှာ ကျင်းပမည့် The Seminar on Will Democracy Bring Peace to Myanmar ကို တက်ရောက်ဖို့ သွားမယ် ” ဟု ပြောသည်။
အဆိုပါ Seminar တွင် The 2008 Constitution and Ethni Issues: To What Extend did It Satisfy the Aspiration of various Ethnic Groups? ဆိုတဲ့ ၄င်း၏ စာတမ်းကို ဆွေးနွေးသွားမှာ ဖြစ်ကြောင်း သိရသည်။
ထို့အပြင် ဒေါက်တာသည် Civil Society Forum က ပြုလုပ်မည့် သင််တန်းမှာ Resource Person အနေနဲ့ ပါ၀င်မှာ ဖြစ်ပြီး အောက်တိုဘာ လကုန်မှာ ဇာတိမြေ ဟားခါးကို သွားပြီး တဆက် တည်း CNF Public Consultation မှာ ပါ၀င်မည် ဟု ဆက်ဆိုသည်။
Martin Luther King Award ပိုင်ရှင် ဆလိုင်းလျန်မှုန်ဆာခေါင်းသည် အောက်တိုဘာလ ၁၀ ရက်နေ့တွင် ရန်ကုန် လေဆိပ်သို့ ဆင်းသက်မည်ဖြစ်ကြောင်း မြန်မာပြည်ခရီးစဉ်တွင် ၉၀ နိုင်ငံရေးပါတီများ ၂၀၁၀ နိုင်ငံရေးပါတီအသီးသီးနှင့် ဆုံတွေ့ဘွယ်ရှိ သည်ဟု နီးစပ်သူ တဦးက ပြောသည်။
ခေါင်းဆောင်ကြီး လျန်မှုန်းဆာခေါင်းအား ချင်းစာပေနှင့် ယဉ်ကျေးမှုကော်မီတီ ( ရန်ကုန်) မှ ဦးဆောင်ပြီး ရန်ကုန်ရှိ ချင်း ပြည်သူများမှ မင်္ဂလာဒုံလေဆိပ်တွင် သွားရောက်ကြိုဆိုကြမည်ဟု ရန်ကုန်က လာတဲ့ သတင်းများ အရ သိရသည်။

http://khonumthungburmese.org/?p=687

အပြည့်အစုံသို့... »

သုံးပွင့်ဆိုင် ထဲက တိုင်းရင်းသားတို့၏ စုစည်း ကြိုးပမ်းမှု

တိုင်းရင်းသား အစုအဖွဲ့ အနေဖြင့် ၄င်းတို့၏ အခြေခံမူ ရရှိရေး အတွက် စက်တင်ဘာ (၁၆) ရက်နေ့က ကျင်းပ ခဲ့သော တိုင်းရင်းသား လူမျိုးများ ညီလာခံ၏ ဆုံးဖြတ်ချက်၊ အကြံပြုချက် များကို ယမန်နေ့က ပြန်လည် သုံးသပ် ခဲ့သည်ဟု အဖွဲ့၏ ပြောရေး ဆိုခွင့် ရှိသူ နိုင်ဟံသာက ဆိုပါသည်။ ဤညီလာခံကို တိုင်းရင်းသား ပူးပေါင်း ဆောင်ရွက်ရေး အဖွဲ့ WGEC (Working Group for Ethnic Co-ordinating) က ဦးဆောင်ပြီး ကျင်းပ ခဲ့ပါသည်။
“မနေ့က ပြီးသွားတဲ့ အစည်းအဝေး မှာတော့ ကျနော်တို့ရဲ့ WGEC အဖွဲ့က အဖွဲ့ဝင်တွေ တိုးချဲ့ ဖွဲ့စည်း သွားဖို့ ဆုံးဖြတ် တယ်။ အဲဒါ ကတော့ တိုင်းရင်းသား အရေးကို ဆောင်ရွက်တဲ့ နေရာမှာ ဘက်ပေါင်းစုံက အဖွဲ့တွေ ပါဝင် သင့်တယ် ဆိုတဲ့ အမြင်နဲ့ တိုးချဲ့ ဖွဲ့စည်းခြင်း ဖြစ်ပါတယ်” ဟု ဆိုပါသည်။ တိုးချဲ့ လိုသော ကော်မီတီဝင် များမှာ လူမှု အခြေပြု အဖွဲ့အစည်းများ၊ လူငယ် အဖွဲ့အစည်း များနှင့် အမျိုးသမီး အဖွဲ့အစည်းများ ဖြစ်သော အဖွဲ့ (၃) ဖွဲ့မှ ကိုယ်စားလှယ် (၆) ဦးဖြင့် ထပ်မံ တို့ချဲ့ မည်ဖြစ်သည်။ ဤသို့ကြောင့် WGEC အဖွဲ့၏ တိုင်းရင်းသား ပူးပေါင်း ဆောင်ရွက်ရေး ကော်မီတီဝင်တွင် အဖွဲ့ဝင် (၂၀) ဦး ဖြစ်လာ ခဲ့ပါသည်။
WGEC ၏ ရှေ့လုပ်ငန်းစဉ် ကိုမူ နိုဝင်ဘာ လဆန်း၌ အစည်းအဝေး ကျင်းရန် ရှိသည့် အပြင် လိုအပ်သော အလုပ်ရုံ ဆွေးနွေးပွဲ များကိုပါ ကျင်းပရန် ရှိသည်။ ၄င်းတို့၏ ရည်ရွယ်ချက်၌ ပြည်ပ၌ တိုင်းရင်းသား ညီလာခံ ကျင်းပ ခဲ့သလို အစိုးရ လက်ခံပါက ပြည်တွင်းရှိ တိုင်းရင်းသား အဖွဲ့များ ပါသည့် ညီလာခံ တရပ် ကျင်းပရန် ရှိပါသည်။
WGEC သည် UNFC အပါ၀င် လက်နက်ကိုင် တိုင်းရင်းသား အဖွဲ့ (၁၉) ဖွဲ့ ကို အခြေခံပြီး ကော်မီတီ ၀င်(၁၄) ဦးဖြင့် ဖွဲ့စည်း ထားပါသည်။ ဤအဖွဲ့၏ ဦးဆောင်မှုဖြင့် တိုင်းရင်းသား လူမျိုးများ ညီလာခံကို ပြီးခဲ့သည့် စက်တင်ဘာ ၁၆ ရက်နေ့၌ ကျင်း ပခဲ့ခြင်း ဖြစ်ပါသည်။
ထိုညီလာခံမှ တိုင်းရင်းသားများနှင့် ပတ်သက်သော ပဏာမ လမ်းပြ မြေပုံ အချက် (၆) ချက်ကို ချမှတ်နိုင်ခဲ့ပါသည်။
              တိုင်းရင်းသားလူမျိုးများ၏ငြိမ်းချမ်းရေးဆိုင်ရာနိုင်ငံရေးလုပ်ငန်းစဉ်( ၆ )ချက်
(၁)   တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ၊ နိုင်ငံရေး ပါတီများ၊ အမျိုးသမီးနှင့် လူငယ်ထု အပါအဝင် Civil Societies တို့ တွေ့ဆုံ ဆွေးနွေးပွဲ ကျင်းပပြီး “နိုင်ငံရေး ဆွေးနွေးပွဲ ဆိုင်ရာမူဘောင်” (Framework for Political Dialogue) တွင် ပါဝင်မည့် အချက်အလက် များကို သဘောတူ ချမှတ်ရန်။
(၂) (က)   ပြည်ထောင်စု အစိုးရ ကိုယ်စားလှယ်များနှင့် လက်နက်ကိုင် တိုင်းရင်းသား တော်လှန်ရေး အဖွဲ့အစည်း များ၏ စု စည်းထားသော ကိုယ်စားလှယ်များ အကြား တွေ့ဆုံ ဆွေးနွေး၍ “တွေ့ဆုံ ဆွေးနွေးရေး ဆိုင်ရာ မူဘောင် သဘောထား” (The Framework of Political Dialogue) သဘော တူညီချက် ရရှိရန်။
(ခ)          ထိုသို့ ဆွေးနွေး ရာတွင် ဘက်နှစ်ဘက်မှ လက်ခံနိုင်သော နေရာတွင် ဆွေးနွေးရန်။
(ဂ)          ထို့ပြင် ထိုသို့ ဆွေးနွေးစဉ်နှင့် သဘော တူညီချက် များကို အကောင်အထည် ဖော်ရာတွင် ဘက်မလိုက်သော နိုင်ငံ တကာ လေ့လာ စောင့်ကြည့်ရေး အဖွဲ့ ထားရှိရန်နှင့် သဘော တူညီချက် များကို အများပြည်သူ သိရှိအောင် ပူးတွဲ ထုတ်ပြန်ရန်။
(၃)   အစိုးရနှင့် လက်နက်ကိုင် တိုင်းရင်းသား တော်လှန်ရေး အင်အားစုများ အကြား တွေ့ဆုံ ဆွေးနွေးပွဲမှ “တွေ့ဆုံ ဆွေးနွေး ရေးဆိုင်ရာ မူဘောင် သဘောထား” (The Framework of Political Dialogue) သဘော တူညီချက် ရရှိပြီးမှ သက်ဆိုင်ရာ ပြည်နယ်နှင့် တိုင်းအလိုက် သော်လည်းကောင်း၊ လူမျိုး အလိုက် သော်လည်းကောင်း တိုင်းရင်းသား တို့၏ ညီလာခံများ ကျင်းပပြီး  ရှင်းလင်း ညှိနှိုင်း သဘောထား ရယူသွားရန်။
(၄)   တနိုင်ငံလုံး အတိုင်းအတာဖြင့် တိုင်းရင်းသား များ၏ လက်နက်ကိုင် တော်လှန်ရေး အဖွဲ့အစည်းများမှ ကိုယ်စားလှယ် များ၊ နိုင်ငံရေး ပါတီများမှ ကိုယ်စားလှယ်များ၊ အမျိုးသမီးနှင့် လူငယ် အဖွဲ့အစည်းများ အပါအဝင် Civil Societies အဖွဲ့အစည်း များမှ ကိုယ်စားလှယ်များနှင့် အသိ ပညာရှင်၊ အတတ် ပညာရှင်များ ပါဝင်သော တိုင်းရင်းသား လူမျိုး စုံညီလာခံ တခုကို ခေါ်ယူ ကျင်းပ သွားရန်။
(၅)   တိုင်းရင်းသား အင်အားစု များ၏ ကိုယ်စားလှယ်များ၊ ဒီမိုကရေစီ နည်းအရ လှုပ်ရှားနေကြသော နိုင်ငံရေး အင်အား စုများ၏ ကိုယ်စားလှယ်များ၊ အစိုးရ ကိုယ်စားလှယ်များ အချိုးညီ ပါဝင်ပြီး အင်အားစု သုံးစုစလုံး လက်ခံနိုင်သော ပုံစံဖြင့် ပင်လုံ စိတ်ဓါတ်ကို အခြေခံသော ပြည်ထောင်စု ညီလာခံကြီး တရပ် ကျင်းပသွားရန်။ ထိုညီလာခံကြီးမှ ချမှတ်သော သဘော တူညီချက် များကို “တိုင်းရင်းသား လူမျိုးများ ဆိုင်ရာ ပြည်ထောင်စု သဘော တူညီချက်” (Union Accord) အဖြစ် သဘောတူ လက်မှတ် ရေးထိုးရန်။
(၆)   “တိုင်းရင်းသား လူမျိုးများ ဆိုင်ရာ ပြည်ထောင်စု သဘော တူညီချက်” (Union Accord) ကို အချိန် အတိအကျ သတ် မှတ်ပြီး အကောင်အထည်ဖော် ဆောင်ရွက်သွားရန်။
အကယ်၍ အစိုးရက ခွင့်ပြုက ယခု ရရှိထားသော အချက် (၆) ချက်ကို ပြည်တွင်း၌ ကျင်းပရန် ရှိသည့် တိုင်းရင်းသား ညီလာခံသို့ တင်ပြရန် ရှိပါသည်။
မြန်မာ့ ငြိမ်းချမ်းရေးသည် အစိုးရအဖွဲ့၊ အတိုက်အခံ ဒီမိုကရေစီ အင်အားစုနှင့် တိုင်းရင်းသား အဖွဲ့တို့ (၃) ပွင့်ဆိုင် အဖြေရှာမှ ရနိုင်မည်ဟု ကုလ သမဂ္ဂမှ ခံယူထားပါသည်။ ဤသို့ကြောင့် တိုင်းရင်းသား အဖွဲ့များ သည်လည်း ၄င်းတို့ အစုအဖွဲ့မှ ကိုယ်စားပြု အမြင်များ ကျယ်ပြန့်ပြန့် ရရှိရန် ဆောင်ရွက်နေခြင်း ဖြစ်ပါသည်။

http://www.phophtaw.org/burmese/index.php/news/local-news/2195-2012-10-05-08-15-49.html

အပြည့်အစုံသို့... »

လူမျိုးရေးပဋိပက္ခအသွင်ဆောင်နေမှုကို ကြိုတင်တားမြစ်ပေးရန်အဆို နတလဝန်ကြီးကဦးဆောင်ကန့်ကွက်

ယမန်နေ့က သုံးရက်မြောက်ပြည်နယ်လွှတ်တော်အစည်းအဝေး၌ လူမျိုးရေးပဋိပက္ခအသွင်ဆောင်နေသဖြင့် မဖြစ်ခင် တားမြစ်သင့်သည် ဟူသည့် ကျားဖြူလွှတ်တော်အမတ်၏ အဆိုကို နတလဝန်ကြီးကဦးဆောင်၍ ကန့်ကွက်လိုက်ကြောင်း လွှတ်တော်အမတ်များ  ကပြောသည်။

ကျားဖြူပါတီပြည်နယ်လွှတ်တော်အမတ်နန်းခမ်းအေး(ဓါတ်ပုံသျှမ်းသံတော်ဆင့်)

“ကျားဖြူပါတီက နန်းခမ်းအေးက နမ္မတူဘက်မှာ အစိုးရအာဏာပိုင်တွေကနေ အရင်းရှင် စီးပွားရေးလုပ်ငန်းရှင်တွေကို ရွာ သားတွေရဲ့စိုက်ပျိုးမြေ (အစိုးရအခေါ်မြေလွတ်မြေရိုင်းပေါ့ဗျာ) ရောင်းချပေးနေတဲ့ကိစ္စ  လူမျိုးရေးပဋိပက္ခအသွင် ဆောင် နေတာကို ဟန့်တားပေးသင့်တယ် လို့ တင်ပြတောင်းဆိုတယ်။ အဲတာကို နတလ ဝန်ကြီးက လက်မခံဘူး။ အဲတာနဲ့ မဲခွဲဆုံး ဖြတ်မယ်လို့ ပြောတယ်။ ဝန်ကြီးဗိုလ်မှူးကြီးအောင်သူ ကိုယ်တိုင်ဦးဆောင်ပြီး ကန့်ကွက်ကြောင်း မတ်တပ်ထရပ်တယ်။ စစ် ဘက်ကရော ပြည်ခိုင်ဖြိုးထဲကပါ လိုက်ပြီးရပ်တယ်။” ဟု ပြည်နယ်လွှတ်တော်အမတ်တဦးက သျှမ်းသံတော်ဆင့် အားပြောပြသည်။

ယမန်နေ့က အစည်းအဝေးတက်ရောက်သည့် လွှတ်တော်ကိုယ်စားလှယ် ၁၃၂ ဦးရှိရာ ၇၀ : ၆၀ မဲ ဝန်းကျင်ဖြင့် အဆိုဘက်မှ ရှုံးသွားကြောင်း ထောက်ခံသည့်လွှတ်တော်အမတ်တဦးကလည်းပြောပါသည်။

နမ္မတူမြို့နယ်အတွင်းရှိ ဒေသခံများ၏ လယ်ယာမြေများကို မြေတိုင်းဦးစီးဌာန၌ စာရင်းမရှိဟုဆိုကာ ကျေးလက်ပိုင် လယ် ယာမြေများအားသိမ်းယူ၍ တရုတ်လူမျိုးငွေရှင်များကိုလုပ်ကိုင်ခွင့်ပြုထားသောကြောင့် ရွာသားများ မကျေမနပ်ဖြစ်နေကြ ကြောင်း၊ ရှေ့ ဆက်မည်သို့ဖြစ်လာမည် မခန့်မှန်းနိုင်သဖြင့် (ရခိုင်တွင်ဖြစ်နေသော ပဋိပက္ခကဲ့သို့အလားတူ) လူမျိုးရေး ပဋိပက္ခအသွင်ဆောင်နေမှုကို ဟန့်တားထားသင့်သည်ဟု ကျားဖြူပါတီ၏ နမ္မတူမြို့နယ် ပြည်နယ်လွှတ်တော်အမတ် နန်းခမ်းအေး ကတင်ပြခြင်းဖြစ်ကြောင်း  တောင်ကြီးဒေသခံ လွှတ်တော်အမတ်တဦးကလည်း ဆိုပါသည်။

“နတလ ဝန်ကြီး ဗိုလ်မှူးကြီးအောင်သူက  လုံခြုံရေးဆိုင်ရာ အဖွဲ့အစည်းများ ဖွဲ့စည်းထားပြီးဖြစ်လို့ စိုးရိမ်စရာမလို ဘူးလို့ လို့ပြောတယ်၊ ကန့်ကွက်ကြတယ်။ ဒါပေမယ့်အံ့ဩတာက တပ်မတော်သား ကိုယ်စားလှယ် ၅ ယောက်က နန်းခမ်းအေးရဲ့ အဆိုကိုထောက်ခံတယ်။ ထမရပ်ဘူး။ နောက်ပြီး ပြည်ခိုင်ဖြိုးပါတီထဲက တိုင်းရင်းသားတချို့ပေါ့ မကန့်ကွက်ကြဘူး။ လွှတ် တော်ပြင်ပရောက်တော့ မတ်တပ်ရပ်ကန့်ကွက် ကြတဲ့အမတ်တွေထဲက သူတို့အချင်းချင်းပြန်ပြောကြတယ်။ ဝန်ကြီးတောင် မှ ကန့်ကွက်တော့ သူတို့လဲ အလိုက်သင့် မတ်တပ်ရပ်ရတာပါတဲ့” - ဟု သံလွင်အရှေ့ခြမ်းမှ ပြည်ခိုင်ဖြိုးလွှတ်တော် အမတ်တဦးကလည်းပြောပါသည်။

၎င်းနှင့်ပတ်သက်၍ နန်းခမ်းအေးကလည်း“ ကျမကတော့ ပြည်သူ့လွှတ်တော်ကိုယ်စားလှယ်တွေအနေနဲ့ ပြည်သူ့ဆန္ဒအပေါ် အလေးထားမှု၊ တန်ဖိုးထားမှုနဲ့ တိုင်းတာပြီးတော့ ဆုံးဖြတ်စေချင်တယ် လို့တင်ပြလို့ ဝန်ကြီးက မဲခွဲဆုံးဖြတ်လိုက်တာဖြစ် တယ်။ ပြည်သူတွေအတွက်ဘဲလုပ်မယ်လို့ဆုံးဖြတ်ပြီး လွှတ်တော်ထဲဝင်လာတဲ့ လူတွေမဟုတ်လား။ ဒီအဆိုပယ်ခံရလို့ ဝမ်းမနည်းပါဘူး၊ ပညာတခုထပ်ရသွားတာပေါ့။” ဟု ဆိုပါသည်။

မူဝါဒတခုကို တသမတ်တည်းကျင့်သုံးနေမှုမပြုသင့်ကြောင်း၊ ပြောင်းလဲလာသည့်အခြေအနေအပေါ် အထိုက် အလျောက် ပြောင်းလဲကျင့်သုံးသင့်ကြောင်း၊ ယခုတင်ပြမှုမှာလည်း ဥပဒေအဖြစ်ရေးဆွဲရန်မဟုတ်၊ မီးဘေးရှောင်မလောင်ခင်တား သဘောမျိုးသာ ကြိုတင်ပြောပြခြင်းဖြစ်ကြောင်း၊ အဆိုတိုင်းမှာ ဥပဒေ ဖြစ်မလာနိုင်သည်ကိုနားလည်ကြောင်း ၎င်းက ဆက်လက် တင်ပြ ခဲ့သည်ဟု ဆိုပါသည်။

အထက်မှ လုပ်ကိုင်ခွင့်ပါမစ်ရထားသည့် မြန်မာပြည်သားမဟုတ်သော စီးပွားရေးလုပ်ငန်းရှင်များအား မြေတိုင်းဦးစီးဌာနက မဆလ ခေတ်မတိုင်မှီ မြေပုံ အသုံးပြုဟန်တူပြီး အဆိုပါမြေပုံတွင် အစိုးရပိုင်မြေ၊ ဒေသခံရွာသားများ ပိုင်မြေ သတ်မှတ် ထားခြင်း မရှိ သဖြင့် ၎င်းတို့တိုင်းတာရောင်းချပေးခြင်းဖြစ်နိုင်ကြောင်း၊ ထို့ကြောင့် ဒေသခံလူထုတို့စိုက်ပျိုးခြံမြေများ ဆုံးရှုံးရခြင်းဖြစ်ကြောင်း နမ္မတူမှ ရပ်မိရပ်ဖ တဦးကလည်းပြောပါသည်။

အစိုးရသစ်တက်လာသည်ကာလ ယခုနှစ်များအတွင်းပင် နမ္မတူ၌ တရုတ်လောပန်းများအား ဖြတ်တောက်ရောင်းချပေးခြင်း ခံရသော ဒေသခံလူထု၏  လယ်မြေ ၁၇၂၇ ဧက ရှိပြီဖြစ်ကြောင်း နန်းခမ်းအေးက ပြောပါသည်။

ယခုလ ၂၅ ရက်က တောင်ကြီးမြို့၌ စတင်သော ပြည်နယ်လွှတ်တော် ပထမအကြိမ် စတုတ္ထပုံမှန်အစည်းအဝေး ယနေ့မွန်း တည့် ချိန် ၌ အဆုံးသတ်မည်ဖြစ်ကြောင်း သိရပါသည်။
http://www.burmese.panglong.org/news/85-2008-08-01-03-14-40/3534-2012-09-28-10-06-44.html

အပြည့်အစုံသို့... »

၂၀၁၅ မတိုင်မီ ငြိမ်းချမ်းရေး လုပ်ငန်းစဉ်အားလုံး ပြီးမြောက်ရန် မဖြစ်နိုင် ဟု တိုင်းရင်းသားခေါင်းဆောင်များပြော

ငြိမ်းချမ်းရေး လုပ်ငန်းစဉ်အားလုံး၂၀၁၅ မတိုင်မီ ပြီးစီးလုပ်ဆောင်ရမည်ဟူသော အစိုးရ၏ ငြိမ်းချမ်းရေး ဖော်ဆောင်ရေးလုပ်ငန်းကော်မတီက ပြောကြားချက်အပေါ်  “မဖြစ်နိုင်ဟု” ထိုင်းနိုင်ငံ ချင်းမိုင်မြို့၌ ကျင်းပခဲ့သည့် တိုင်းရင်းသားပေါင်းစုံ ညီလာခံတွင် တိုင်းရင်းသား ခေါင်းဆောင်များက ပြောကြားကြောင်း သိရှိရပါသည်။

တိုင်းရင်းသားပေါင်းစုံ ညီလာခံမြင်ကွင်း (Photo: Shan Representatives)

“တိုင်းရင်းသားခေါင်းဆောင်တွေက အစိုးရက ၂၀၁၅ ရွေးကောက်ပွဲတိုင်ခင် ငြိမ်းချမ်းရေး လုပ်ငန်းစဉ် တွေ အပြီးလုပ်ဆောင်ရမယ်ဆိုတာ မဖြစ်နိုင်ဘူး။ ဒီလိုလုပ်ရင် အစိုးရခင်းထားတဲ့ အကွက်ထဲဝင်ပြီပေါ့။  ဆွေးနွေးတာဟာ ၃ နှစ်တည်းနဲ့ ဘယ်လိုမှ မပြီးနိုင်ဘူး။  ပြီးရင်လည်း ပထမအဆင့်ပေါ့။ ဒါကြောင့် အချိန်အတွက် နှစ်ဦး နှစ်ဖက် ဆွေးနွေးပြီး သဘောတူညီချက် ရယူရမယ်လို့ ပြောတယ်” ဟု ညီလာခံ တက်ရောက်ခဲ့သူတစ်ဦးက ပြောပါသည်။

တိုင်းရင်းသားပေါင်းစုံ ညီလာခံကို စက်တင်ဘာ ၁၄ ရက် မှ ၁၆ ရက်ထိ ၃ ရက်တာ ကျင်းပခဲ့ရာ  ငြိမ်းချမ်းရေး လုပ်ငန်းစဉ် ၃ ချက်နှင့် ငြိမ်းချမ်းရေး လမ်းပြမြေပုံ ၆ ချက်ကို သဘောတူ ဆုံးဖြတ်ခဲ့ကြ ကြောင်း သိရှိရပါသည်။

“ငြိမ်းချမ်းရေး ဖြစ်စဉ် ၃ ဆင့်ကတော့ ၁) အပစ်ရပ်မယ်။ ၂) သဘောတူညီချက်တွေကို အကောင် အထည်ဖော်မယ်။ ၃) နိုင်ငံရေး ဆွေးနွေးမယ်။ ဖွံ့ဖြိုးရေးလုပ်ငန်းတော့ မပါဘူး။ ဒါပေမဲ့ ဟန့်တားတာ လည်း မဟုတ်ဘူး။ ဖွံ့ဖြိုးရေးလုပ်ငန်းကို လုပ်ချင်တဲ့အဖွဲ့တွေလည်း ရှိမယ်လေ” ဟု ၎င်းက ဆက်ပြော ပါသည်။

ငြိမ်းချမ်းရေး လမ်းပြမြေပုံ ၆ ချက်မှာ-
၁) တိုင်းရင်းသားလက်နက်ကိုင်အဖွဲ့အစည်းများ၊ နိုင်ငံရေးပါတီများ၊ အမျိုးသမီးအဖွဲ့အစည်းများနှင့် လူငယ်ထု အပါအဝင် အရပ်သား လူထုအဖွဲ့အစည်းများမှ ကိုယ်စားလှယ်များ တွေ့ဆုံဆွေးနွေးပြီး “နိုင်ငံရေး ဆွေးနွေးပွဲ ဆိုင်ရာမူဘောင်” (Framework for Political Dialogue) တွင် ပါဝင်မည့် အချက်အလက်များကို သဘောတူချမှတ်ရန်။

၂)    (က) ပြည်ထောင်စု အစိုးရကိုယ်စားလှယ်နှင့် လက်နက်ကိုင်တိုင်းရင်းသားအဖွဲ့များ၏ ကိုယ်စား လှယ်များအကြား တွေ့ဆုံဆွေးနွေး၍ “တွေ့ဆုံဆွေးနွေးရေးဆိုင်ရာ မူဘောင်သဘောထား” အတွက် သဘောတူညီချက် ရရှိရန်။
    (ခ) ထိုသို့ဆွေးနွေးရာတွေ နှစ်ဖက်သဘောတူလက်ခံနိုင်သော နေရာ၌ ဆွေးနွေးရန်။

(ဂ) ထိုသို့ဆွေးနွေးစဉ်နှင့် သဘောတူညီချက်များကို အကောင်အထည်ဖော်ရာတွင် ဘက်မလိုက် သော နိုင်ငံတကာ လေ့လောစောင့်ကြည့်နေရေးအဖွဲ့ ထားရှိရန်နှင့် သဘောတူညီချက်များကို ပူးတွဲထုတ်ပြန်ရန်။

၃) “တွေ့ဆုံဆွေးနွေးရေးဆိုင်ရာ မူဘောင်သဘောထား” သဘောတူညီချက်ရပြီးမှ သက်ဆိုင်ရာ ပြည်နယ်နှင့်တိုင်းများအလိုက် တိုင်းရင်းသားညီလာခံများ ကျင်းပပြီး ရှင်းလင်းညှိနှိုင်း သဘောထား ရယူသွားရန်။

၄) တနိုင်ငံလုံးအတိုင်းအတာဖြင့် တိုင်းရင်းသားလက်နက်ကိုင်အဖွဲ့များမှ ကိုယ်စားလှယ်များ၊ နိုင်ငံရေး ပါတီကိုယ်စားလှယ်များ၊ လူမှုအဖွဲ့အစည်းများမှ ကိုယ်စားလှယ်များနှင့် အသိပညာရှင်၊ အတတ်ပညာ ရှင်များ ပါဝင်သည့် တိုင်းရင်းသားလူမျိုးပေါင်းစုံ ညီလာခံတစ်ခု ခေါ်ယူကျင်းပသွားရန်။

၅) တိုင်းရင်းသားကိုယ်စားလှယ်များ၊ ဒီမိုကရေစီအရေး လှုပ်ရှားနေသော နိုင်ငံရေးအင်အားစု ကိုယ်စား လှယ်များ၊ အစိုးရကိုယ်စားလှယ်များ အချိုးညီ ပါဝင်သည့် ပင်လုံစိတ်ဓာတ် အရင်းခံသော ပြည်ထောင်စု ညီလာခံကြီးတရပ် ကျင်းပသွားရန်။ ထိုညီလာခံကြီးမှ သဘောတူညီချက်များကို “တိုင်းရင်းသားလူမျိုးများဆိုင်ရာ ပြည်ထောင်စုသဘောတူညီချက်” (Union Accord) အဖြစ် သဘော တူ လက်မှတ်ရေးထိုးရန်။

၆) ငြိမ်းချမ်းရေး လုပ်ငန်းစဉ်အတွက် အချိန်ကို အတိအကျ သတ်မှတ်နိုင်ရန် ကြိုတင်ဆွေးနွေး သဘောတူညီချက် ရယူရန် - တို့ဖြစ်သည်။

၃ ရက်ကြာ ကျင်းပခဲ့သည့် တိုင်းရင်းသားပေါင်းစုံ ညီလာခံကြီးကို ပြည်တွင်းပြည်ပမှ တိုင်းရင်းသား ကိုယ်စားလှယ် ၁၅၀ ဦးခန့် တက်ရောက်ခဲ့ကြသည်။
http://www.burmese.panglong.org/news/85-2008-08-01-03-14-40/3513-2012-09-20-10-56-00.html

အပြည့်အစုံသို့... »

ကယန္းျပည္သစ္ပါတီ ၄၈ ႏွစ္ေျမာက္ ေမြးေန႔ အခမ္းအနားက်င္းပ

ရွမ္းျပည္ေတာင္ပိုင္း ဖယ္ခုံၿမိဳ႕နယ္ ဆီးဘူးေက်းရြာအနီးတြင္ ကယန္းျပည္သစ္ပါတီ၏ ၄၈ ႏွစ္ျပည့္ပါတီေမြးေန႕အခမ္းအနားကို က်င္းပျပဳလုပ္ၾကတယ္လို႕ သိရပါတယ္။
ကယန္းျပည္သစ္ပါတီမွ တြဲဖက္အတြင္းေရးမွဴး ဦးေစာလြင္က “ဒီေန႔က ကယန္ျပည္သစ္ထူေထာင္တာ ၄၈ ႏွစ္ျပည့္တဲ့ေန႔ ျဖစ္ပါတယ္။ အဲဒီလို ျပည္သူလူထုဘက္ကေန အစဥ္အလာတစိုက္ ရပ္တည္လာခဲ့တဲ့ အေတြ႕အႀကံဳကို ပါတီဝင္ေတြ ပါတီဝင္အသစ္ေတြ သိရွိေအာင္ဆိုတဲ့ ရည္ရြယ္ခ်က္နဲ႕ အခမ္းအနားကို က်င္းပရျခင္းျဖစ္တယ္” လို႕ ေျပာပါတယ္။
၁၉၆၄ ခုႏွစ္ ၾသဂုတ္လ ၈ ရက္ေန႔ကစၿပီး ကြယ္လြန္သြားၿပီျဖစ္တဲ့ ဥကၠဌဗိုလ္ပ်န္၊ တြဲဖက္အတြင္းေရးမွဴး ဦးေရႊေအးတို႕ကေနၿပီး ကယန္းျပည္သစ္ပါတီကို ဖယ္ခုံၿမိဳ႕နယ္ ဖလိုင္ရြာမွာ စတင္ဖြဲ႕စည္းခဲ့တာျဖစ္ပါတယ္။ ဒါေၾကာင့္ ၾသဂုတ္လ ၈ ရက္ေန႔က်ေရာက္တဲ့ အခ်ိန္တိုင္းမွာ ကယန္းျပည္သစ္ပါတီအဖြဲ႕၀င္တို႕က ႏွစ္စဥ္ႏွစ္တိုင္း ယခုလိုေမြးေန႕အခမ္းအနားက်င္းပၾကတာျဖစ္ပါတယ္။

ကယန္းျပည္သစ္ပါတီအလံ

ကယန္းအမ်ိဳးသားေတြအားလုံးကို အေျခခံတဲ့ ကယန္းျပည္သစ္ပါတီက လူထုကေမြးဖြားလာတဲ့ ပါတီျဖစ္တဲ့အတြက္ လူထုေတြရဲ႕ အခက္အခဲေတြကို ဦးေဆာင္ၿပီး တာဝန္ယူေျဖရွင္းရမည့္ တာဝန္ရွိတယ္လို႕ ကယန္းမ်ိဳးဆက္သစ္လူငယ္ အတြင္းေရးမွဴးအဖြဲ႕ဝင္ အားသန္းက ေျပာပါတယ္။ ကယန္းမ်ိဳးဆက္သစ္လူငယ္ အားသန္းက “ႏိုင္ငံေရးအရ ဦးေဆာင္တဲ့ေနရာမွာ လူထုေတြရဲ႕ လိုအပ္ခ်က္ေတြ အခက္အခဲေတြအားလုံး သူတို႕ေျဖရွင္းရမည့္တာဝန္ရွိပါတယ္။ ဒါကသမိုင္းေပးတာဝန္လို႕ျမင္ပါတယ္။ ပါတီဝင္ေတြကလုပ္ရေတာ့မယ္။ တဆက္တည္းမွာဘဲ လူထုက တေသြးတည္းတသားတည္းျဖစ္ေအာင္ ေတာ့အမ်ားႀကီး ႀကိဳးစားၿပီးမွ ေလွ်ာက္လွမ္းရအုံးမယ္လို႕ျမင္ပါတယ္” လို႕ ေျပာပါတယ္။
ကယန္းျပည္သစ္ပါတီရဲ႕ လက္ရွိရပ္တည္ေနတဲ့ အေနအထားကေတာ့ အစိုးရနဲ႕ ပစ္ခတ္ရပ္စဲေရး ျပဳလုပ္ထားတဲ့ အဖြဲ႕အစည္းျဖစ္ပါတယ္။ ဖယ္ခုံၿမိဳ႕နယ္မွာက်င္းပတဲ့ ပါတီေမြးေန႔အခမ္းအနားမွာေတာ့ ကယန္းျပည္သစ္ပါတီက ေခါင္းေဆာင္ေတြ ပါတီဝင္ေတြ ကယန္းျပည္သစ္တပ္မေတာ္က တပ္ဗိုလ္ တပ္မွဴးေတြ တပ္သားေတြနဲ႕ ျပည္သူလူထု ခန္႔မွန္းေျခ လူအင္အား ၃၀၀ ေက်ာ္ တက္ေရာက္ခဲ့ၾကတယ္လို႕ သိရပါတယ္။

http://www.ktimes.org/index.php/rokstoriesnews/292-2012-08-09-15-19-06

အပြည့်အစုံသို့... »

အပစ္ရပ္တပ္ဖြဲ႕မ်ားအား မတရားအသင္းစာရင္းမွပယ္ဖ်က္သင့္

အပစ္ရပ္သြားသည့္ တိုင္းရင္းသားလက္နက္ကိုင္တပ္ဖြဲ႕မ်ားအား မတရားအသင္းမွ ဦးသိန္းစိန္အစိုးရပယ္ ဖ်က္ေပးသင့္ေၾကာင္း သၽွမ္းျပည္တပ္မေတာ္ RCSS/SSA ကိုယ္စားလွယ္အဖြဲ႕ဝင္တဦးကဆိုသည္။

“အပစ္ရပ္႐ုံနဲ႔မၿပီးဘူးေပါ့၊ အပစ္ရပ္သြားတဲ့ လက္နက္ကိုင္တိုင္းရင္းသား တပ္ဖြဲ႕အားလုံးကို မတရား အသင္း ကေန တရားဝင္ပယ္ဖ်က္သင့္တယ္။ အဲဒီလိုမလုပ္ရင္ လူထုက အပစ္ရပ္တဲ့အေပၚ ဘယ္အယုံအၾကည္ ရွိမတုန္း”- ဟု မၾကာမွီ က်ိဳင္းတုံ၌ အစိုးရကိုယ္စားလွယ္ႏွင့္ သြားေရာက္ေတြ႕ဆုံမည့္ RCSS/SSA ကိုယ္စားလွယ္အဖြဲ႕ဝင္တဦး ကေျပာပါသည္။

ဦးသိန္းစိန္ အစိုးရ ကိုယ္စားလွယ္မ်ားသည္ အင္အားႀကီး အပစ္ရပ္တိုင္းရင္းသား လက္နက္ကိုင္တပ္ဖြဲ႕ အခ်ိဳ႕အား ျပည္ေထာင္စုအဆင့္အျဖစ္ဆက္တိုက္ လက္ခံေတြ႕ဆုံခဲ့၏။ ၁၉၉၆ ကတည္းက တႀကိမ္တခါမွ အပစ္မရပ္ဖူးသည့္ သၽွမ္းျပည္တပ္မေတာ္ (ေတာင္ပိုင္းတပ္ဖြဲ႕) ႏွင့္လည္း မၾကာမွီ ျပည္ေထာင္စုအဆင့္ ဒုတိယ အႀကိမ္ေတြ႕ဆုံေဆြးေႏြးမည္ျဖစ္၏။ သို႔ေသာ္ ထိုတိုင္းရင္းသားလက္နက္ကိုင္တပ္ဖြဲ႕မ်ားအား တႀကိမ္ တခါမၽွ မတရားအသင္းမွ ပယ္ဖ်က္ေၾကာင္း ထုတ္ျပန္ျခင္းမရွိခဲ့ေသးေပ။

“ရွင္းရွင္းေျပာရင္ဗ်ာ၊ အခုအပစ္ရပ္တယ္လို႔တာေျပာတယ္။ မၾကာခဏ ေသနတ္သံထြက္တယ္။ တိုင္းရင္းသား လက္နက္ကိုင္တပ္ဖြဲ႕နဲ႔ ပတ္သက္တဲ့သူေတြကို လိုက္လံဖမ္းဆီးတယ္။ ဘယ္လို အယုံအၾကည္ရွိနိုင္မလဲ။ ၿမိဳ႕ထဲ ဝင္လာတဲ့ သၽွမ္းစစ္သားတေယာက္ကို လြတ္လြတ္လပ္လပ္စကားေျပာဖို႔ မရဲဘူး” - ဟု သိႏၷီၿမိဳ႕ခံ တဦး ကေျပာပါသည္။

လက္ရွိဦးသိန္းစိန္အစိုးရ ႏွင့္ အပစ္ခတ္ရပ္စဲေသာ တိုင္းရင္းသားလက္နက္ကိုင္တပ္ဖြဲ႕မ်ားမွာ - သၽွမ္းျပည္ တပ္မေတာ္ ႏွစ္ဖြဲ႕ RCSS/SSA ႏွင့္ SSPP/SSA ၊ မြန္ျပည္သစ္ပါတီ NMSP ၊ ၀ ျပည္ေသြးစည္းညီညႊတ္ေရး ပါတီ UWSP/UWSA၊ မိုင္းလားတပ္ဖြဲ႕ ေခၚ အမ်ိဳးသားဒီမိုကရက္တစ္မဟာမိတ္ တပ္မေတာ္ သၽွမ္းျပည္အေရွ႕ ပိုင္း NDAA-ESS ၊ ကရင္နီအမ်ိဳးသားတိုးတက္ေရးပါတီ KNPP ၊ ကရင္အမ်ိဳးသားအစည္းအ႐ုံး KNU ၊ ခ်င္း အမ်ိဳးသားတပ္ဦး CNF ၊ ရခိုင္လြတ္ေျမာက္ေရးပါတီ ALP ႏွင့္ အပစ္ရပ္သေဘာတူညီခ်က္ တခါမၽွမပ်က္ ဖူးသည့္ သၽွမ္းျပည္ ေတာင္ပိုင္းမွ KNLP ကယန္းအမ်ိဳးသားလြတ္ေျမာက္ေရးပါတီ တို႔ျဖစ္သည္။

ညႇိႏွိုင္းေနဆဲတပ္ဖြဲ႕မ်ားမွာ ပေလာင္ျပည္နယ္လြတ္ေျမာက္ေရးတပ္ဦး PSLF ၊ ဝ အမ်ိဳးသားအဖြဲ႕ခ်ဳပ္ WNO/WNA ၊ လားဟူ ဒီမိုကရက္တစ္အစည္းအ႐ုံး LDU ႏွင့္ တိုက္ခိုက္ဆဲ ေဆြးေႏြးညႇိႏွိုင္းေရးလုပ္ၿပီး မေအာင္မျမင္ျဖစ္ေနသည့္ ကခ်င္လြတ္လပ္ေရးအဖြဲ႕ခ်ဳပ္ KIO/KIA တို႔ျဖစ္သည္။

http://panglongburmese.blogspot.com/2012/05/blog-post_9414.html

အပြည့်အစုံသို့... »

တုိင္းရင္းသား ညီလာခံေခၚဖုိ႔ ပါတီေတြတုိက္တြန္း

ပင္လံုကဲ့သို႔ေသာ တိုင္း ရင္းသား ညီလာခံ ၾကီး တစ္ခု က်င္းပဖို႔ တိုင္းရင္းသား ႏိုင္ငံေရး အင္အား စုေတြ က အာဏာပိုင္ ေတြကို ေတာင္းဆိုလိုက္ပါတယ္။ ႏိုင္ငံေတာ္ သမၼတ ဦးသိန္းစိန္ ကလည္း ၂၀၁၅ မတိုင္ခင္မွာ ျငိမ္းခ်မ္းေရး ေဖာ္ေဆာင္ မယ္လို႔  ထားတဲ့ စကားေတြနဲ႔ အညီ ျပည္တြင္း ႏိုင္ငံေရး အင္အားစုေတြ ျဖစ္တဲ့ ႏိုင္ငံေရးပါတီေတြ နဲ႔ ေတြ႕ဆံု မႈေတြ ေျခလွမ္း က်ဲက်ဲ နဲ႔ ျပဳ လုပ္ေနတာ ကိုလည္း ေတြ႕ လာရပါတယ္။ ၁၉၉၀ ေရြးေကာက္ပြဲ အႏိုင္ရ တိုင္းရင္းသား ပါတီမ်ားႏွင့္ တိုင္းရင္းသား စည္းလုံးညီညြတ္ေရး ပါတီ (တစည) အပါအ၀င္ ႏိုင္ငံေရး ပါတီ ၁၄ ခု တို႔ အစိုးရ ၿငိမ္းခ်မ္းေရး အဖြဲ႔ နဲ႔ ေတြ႔ဆံုစဥ္မွာ ေဆြးေႏြးခဲ့တဲ့ အေရးနဲ႕ ပတ္သက္ျပီး VOA ရဲ႕  ရန္ကုန္ သတင္းေထာက္ ကိုရဲေက်ာ္ေအာင္ သတင္းေပးပို႔ ထား ပါတယ္။

တိုင္းရင္းသား ေပါင္းစံု ပါ၀င္တဲ့ ပင္လံုကဲ့သို႔ေသာ ညီလာခံၾကီး တစ္ခုကို က်င္းပ ေပးဖို႔ စစ္မွန္တဲ့ တိုင္းရင္းသား အားလံုး ပါ၀င္တဲ့ ညီလာခံတစ္ရပ္ က်င္းပေပး ဖို႕ ၁၉၉၀ ေရြးေကာက္ပြဲအႏိုင္ရ တိုင္းရင္းသား ပါတီမ်ားႏွင့္ တိုင္းရင္းသား စည္းလုံးညီညြတ္ေရးပါတီ(တစည) အပါအ၀င္ ႏိုင္ငံ ေရး ပါတီ ၁၄ ခု တို႔ အစိုးရ ၿငိမ္းခ်မ္းေရးအဖြဲ႔ နဲ႔ ေတြ႕ ဆံုစဥ္ မွာ ေတာင္း ဆိုလိုက္ပါတယ္။ ဒီ ၁၄ ပါတီ ကုိ ႏိုင္ငံေတာ္သမၼတ ဦး သိန္းစိန္ က ေတြ႔ဆံုမယ္လို႔  ေျပာၾကားလာေၾကာင္း အစိုးရ ၿငိမ္းခ်မ္းေရး အဖြဲ႔ ႏွင့္ ေတြ႕ ဆံုခဲ့တဲ့ ဇိုမီး ေနရွင္နယ္ ကြန္ဂရက္ မွ ေျပာ ေရး ဆိုခြင့္ရိွသူ ဦး ၀မ္ခမ္းလွ်မ္ က ေျပာ ပါတယ္။

“အဓိကကေတာ့ အဲဒီမွာ ႏိုင္ငံေရး ပါတီေတြ စုရံုးျပီးေတာ့မွ ေတြ႔ဆံုဖို႔ လုပ္ေနတယ္လို႔ ေျပာတာပဲ”

၂၀၁၅ မတိုင္မီ ပင္လံုကဲ့သို႔ေသာ  ညီလာခံၾကီး က်င္းပေပးဖို႔ တိုင္းရင္းသားေတြက ေတာင္းဆိုမႈ ကို ျပည္ေထာင္စု ၀န္ၾကီး  ဦးေအာင္မင္း က လက္ခံ ေဆြးေႏြးၾကမယ္ ဆိုျပီး ျပန္လည္ ေျပာၾကား ခဲ့တယ္လို႔  ရွမ္း တိုင္းရင္းသားမ်ား  ဒီမုိကေရစီ အဖြဲ႔ခ်ဳပ္ (SNLD ) ပါတီ ရဲ႕  ေျပာခြင့္ရသူ ဦးစိုင္းလိတ္ က VOA ကို ေျပာျပ ပါတယ္။

“၀န္ၾကီးကေတာ့ ထိုကဲ့သို႔ေသာ ညီလာခံလို႔ေတာ့ မေျပာဘူး၊ ပင္လံုလို က်ယ္ျပန္႔တဲ့ အစည္းအေ၀း ၾကီး တရပ္ က်ေနာ္တို႔ ၀ိုင္းျပီး လုပ္ၾကတာေပါ့ တဲ့။ ဒီကိစၥကို ၂၀၁၅ မတိုင္ခင္ ျဖစ္ႏိုင္ရင္ ၂၀၁၄ အတြင္းမွာပဲ အျပီး လုပ္ခ်င္တယ္လို႔ေတာ့ အမိန္႔ရွိပါတယ္”

ႏိုင္ငံေတာ္ သမၼတ ဦးသိန္းစိန္ရဲ႕  ဒီမိုကေရစီ ေဖာ္ေဆာင္ေရးခရီးမွာ ႏိုင္ငံေရး အင္အားစုအားလံုး ပါ၀င္လာေရး ကိစၥရပ္ေတြကိုလည္း ၀န္ၾကီး ဦးေအာင္မင္း က ေျပာၾကားခဲ့တယ္လို႔  ဦးစိုင္းလိတ္ က ဆိုပါတယ္။

“ဦးေအာင္မင္း အဓိက ေဆြးေႏြးတာကေတာ့ ျငိမ္းခ်မ္းေရးကိစၥ ေရရွည္တည္တံ့သြားဖို႔၊ ေနာက္ ဒီမိုကေရစီ ျပဳျပင္ ေျပာင္းလဲ ေရး မွာ အားလံုး ၀င္ပါႏိုင္ဖို႔ ၊ ဒါကို သူတို႔ အဓိကထားျပီး လုပ္ေနတယ္၊ ဒါေၾကာင့္မို႔လို႔ သက္ဆိုင္ရာ ႏိုင္ငံေရး ပါတီေတြေရာ၊ NGO အဖြဲ႔အစည္းေတြေရာ၊ တျခား တိုင္းရင္းသား အဖြဲ႔အစည္း၊ လက္နက္ကိုင္ အပစ္ရပ္စဲထားတဲ့ အဖြဲ႔ေတြ အပါ၊ ေနာက္ ျပည္သူ ေတြ ေလးစား ၾကည္ညိဳတဲ့ ပုဂၢိဳလ္ေတြေရာ၊ အဖြဲ႔အစည္းေတြေရာ အလႊာစံု ပါႏိုင္ဖို႔ ၀ိုင္း၀န္းၾကိဳးပမ္းေနတယ္ေပါ့”

ျမန္မာႏိုင္ငံေဒသ အသီးသီး ရွိၾကတဲ့ တိုင္းရင္းသားေတြ ရဲ႕ ဘာသာစကားေတြ ျပန္လည္ သင္ၾကားေပးဖို႕ကို တိုင္းရင္းသားေတြက ေတာင္းဆိုမႈကိုလည္း သမၼတၾကီးဆီအထိ တင္ျပေပး သြားမယ္လို႔ အာဏာပိုင္ေတြက ေျပာသြားတယ္လို႔ တိုင္းရင္းသား ကိုယ္စားလွယ္ေတြက ေျပာျပ ပါတယ္။

“တိုင္းရင္းသား ဘာသာ စာေပေတြကို သင္ၾကားခြင့္ျပဳဖို႔ေပါ့။  ျပည္နယ္ကို အေျခခံျပီး တိုင္းရင္းသား ဘာသာေတြကို သင္ၾကားခြင့္ျပဳပါ၊ တျခားေသာ တုိင္းရင္းသားငယ္ေတြကိုလည္းပဲ အပိုဘာသာရပ္ အေနနဲ႔ သူတို႔ စိတ္ၾကိဳက္ ဘာသာ အျဖစ္ ျပ႒ာန္းေပးပါ ဆိုတာမ်ိဳးကို ေတာင္းဆိုတယ္။ ၀န္ၾကီး ဦးေအာင္မင္း နဲ႔ ၀န္ၾကီး ဦးစိုးသိန္း တို႔က သေဘာတူ လက္ခံတယ္၊ ေက်နပ္ပါတယ္၊ ျဖစ္သင့္ပါ တယ္ တဲ့။ ၀ိုင္း၀န္းၾကိဳးပမ္းၾကတာေပါ့ .. ခင္ဗ်ားတို႔ ျဖစ္ခ်င္တဲ့ ပံုစံမ်ိဳးကို ေရးေပးလိုက္ၾကပါ.. သမၼတၾကီး ဆီကို တင္ျပေပးမယ္.. ခင္ဗ်ားတို႔ သမၼတၾကီးနဲ႔ ေတြ႔ခြင့္ရေအာင္လည္း ၾကိဳးစားေပး မယ္၊ ေတြ႔တဲ့အခ်ိန္မွာလည္း ေရးတဲ့အတိုင္း ေျပာၾကပါ.. သူတို႔လည္း ထပ္ျပီးေတာ့ ေျပာေပးမယ္ လို႔ ေျပာပါတယ္”

ဇူလိုင္လ ၁၈ ရက္ေန႔ကလည္း ႏိုင္ငံေတာ္သမၼတ ဦးသိန္းစိန္ ဟာ ဒီမိုကရက္တစ္မိတ္ေဆြ ၁၀ ပါတီ နဲ႔  ေနျပည္ေတာ္မွာ ေတြ႔ခဲ့ပါေသးတယ္။ အခုလို ၁၉၉၀ ေရြးကာက္ပြဲမွာ  အနိင္ရခဲ့တဲ့ တိုင္းရင္းသား ပါတီေတြအပါအ၀င္ အျခားေသာ ႏိုင္ငံေရး အင္အားစုေတြနဲ႔ ေတြ႔ဆံုျဖစ္မယ္ ဆိုရင္ ႏိုင္ငံေတာ္ သမၼတ နဲ႔ ႏိုင္ငံေရး ပါတီေတြ ဒုတိယအၾကိမ္ ေတြ႕ ဆံုမႈတစ္ရပ္ ျဖစ္လာမွာ ျဖစ္ပါတယ္။

http://burmese.voanews.com/content/ethnics-conference-07-24-12/1444314.html

အပြည့်အစုံသို့... »

တိုင္းရင္းသားအခြင့္အေရး ကာကြယ္မည့္ အဆိုကို ေဒၚစု ေထာက္ခံ

ေဒၚေအာင္ဆန္းစုၾကည္၏ ျပည္သူ႔လႊတ္ေတာ္တြင္ ပထမဆံုး ေဆြးေႏြးမႈအျဖစ္ ၾကံ့ခိုင္ေရးပါတီမွ ဦးတီခြန္ျမတ္၏ တိုင္းရင္းသား လူမ်ဳိးမ်ား၏ အခြင့္အေရး ကာကြယ္ေစာင့္ေရွာက္သည့္ ဥပေဒ ျပ႒ာန္းေရး အဆိုကို ပါဝင္ေဆြးေႏြး (ဓါတ္ပံု မဇၥ်ိမ)

အပြည့်အစုံသို့... »