Tuesday, December 04, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း
ကော်မတီ ဒုဥက္ကဌ ၊ သမ္မတရုံး ဝန်ကြီး ဦးအောင်မင်း ဦးဆောင်တဲ့ အဖွဲ့ဟာ
အင်္ဂါနေ့ မနက်ပိုင်းက ဝပြည် သွေးစည်းညီ ညွတ်ရေး တပ်မတော် UWSA ဌာနချုပ်
ပန်ဆန်းကို ရဟတ်ယာဉ် နှစ်စီးနဲ့ သွားရောက်ပြီး UWSA အကြီး အကဲတွေနဲ့
တွေ့ဆုံ ဆွေးနွေးမှုတွေ ပြုလုပ်ခဲ့ပါတယ်။
အခုလို တွေ့ဆုံစဉ်မှာ UWSA အနေနဲ့ နေပြည်တော်က လွှတ်တော်ကို လာရောက် လေ့လာဖို့ အတွက် ဝန်ကြီး ဦးအောင်မင်းက ဖိတ်ခေါ်ခဲ့ပါတယ်။UWSA တပ်ဖွဲ့နဲ့ အစိုးရတို့ဟာ ငြိမ်းချမ်းရေး ဆွေးနွေးပွဲနဲ့ ပတ်သက်ပြီး ၃ ကြိမ် တွေ့ဆုံ ပြီးသားဖြစ်ပါတယ်။ ဒါပေမယ့် အခု တွေ့ဆုံပွဲ ကတော့ အလွတ်သဘော အနေနဲ့သာ တွေ့ဆုံ ကြတာ ဖြစ်လို့ နိုင်ငံရေး ဆွေးနွေးချက်တွေ ထည့်သွင်း ပြောကြားတာမရှိပါ။
UWSA ရဲ့ လမ်းပန်း ဆက်သွယ်ရေး ကိစ္စတွေ၊ ဒေသ ဖွံ့ဖြိုးရေး စီမံကိန်းတွေ အတွက် ဆက်လက် အကူအညီ ပေးသွားမယ့် အကြောင်းနဲ့ အရင် ဝန်ကြီး ဦးအောင်သောင်းနဲ့ လုပ်ထား တဲ့ သဘောတူညီမှု တွေကို လာရောက် ခွင့်ပြုမိန့် ချပေးတဲ့ အကြောင်းတွေပဲ ပြောဆို ဆွေးနွေးသွားတာ ဖြစ်ပါတယ်။
ဝ တပ်ဖွဲ့ ဘက်ကတော့ သူတို့ ထိန်းချုပ် နယ်မြေ ဖြစ်တဲ့ မိုင်းကောင် ခရိုင်မှာ ရာသီဥတု ဖောက်ပြန်မှု ကြောင့် ပြည်သူတွေဟာ ရိက္ခာ အခက်အခဲ ပြဿနာ တွေနဲ့ ကြုံတွေ့နေရလို့ သူတို့ အနေနဲ့ တန့်ယန်း မြို့နယ်နဲ့ မိုင်းရယ် မြို့နယ် ၂ ခုမှာ ရိက္ခာ ဝယ်ယူ ရရှိနိုင်ဖို့ အတွက် အကူ အညီ တောင်းဆိုခဲ့ပြီး၊ ဝ ဒေသဖွံ့ဖြိုးရေး ကိစ္စကိုပဲ အသားပေး ဆွေးနွေးခဲ့ ကြတယ်လို့ UWSA ရဲ့ ပြောခွင့်ရ ဦးအောင်မြင့်က ဘီဘီစီကို ပြောပါတယ်။
ဝန်ကြီး ဦးအောင်မင်း အဖွဲ့ကနေ UWSA ဖောက်လုပ် နေတဲ့ ဆက်သွယ်ရေး လမ်း ၃ လမ်း အတွက် နောက်ထပ် ကျပ် သိန်းတထောင်ကျော် ထပ်မံ အကူအညီ ပေးသွားခဲ့ ပါတယ်။
http://www.bbc.co.uk/burmese/burma/2012/12/121204_uwsa_gov_meeting.shtml
Posted in: UWSA,သတင်း,သျှမ်း,အစိုးရ
