ကချင် စစ်ပြေးဒုက္ခသည် တစ်သိန်းနီးပါး တိုးလာနေ

ဖါးကန္႔ ကခ်င္ႏွစ္ျခင္းအသင္းေတာ္တြင္ ခိုလုံေနေသာ စစ္ေျပးဒုကၡသည္မ်ား။ ဓါတ္ပုံ - KNG ကခ်င္သတင္းဌာန

ကချင်ပြည်နယ်တွင် မြန်မာအစိုးရတပ်ဖွဲ့နှင့် ကချင်လွတ်မြောက်ရေးတပ်ဖွဲ့ KIA ကြား တိုက်ပွဲပိုမိုပြင်းထန်လာသောကြောင့် မိမိနေရပ်ဒေသများကို စွန့်ကာ ထွက်ပြေးတိမ်းရှောင်လာသော ဒုက္ခသည်များမှာ တစ်သိန်းနီးပါးရောက်ရှိလာပြီဖြစ်သည်။
ယခုချိန် ကချင်ပြည်နယ် ဖားကန့်ကျောက်စိမ်းမှော်ဒေသတွင်းတိုက်ပွဲကြောင့် ဖားကန့်မြို့တွင်းထွက် ပြေးလာသူများ၊ တရုတ်ပြည်ချမ်းဘက်မှ ပြောင်းရွှေ့လာသူများ၊ ယခင်က တောတောင်များတွင် နေထိုင်သူများမှာလည်း ယခုချိန် ထိုနေရာတို့တွင် အစိုးရတပ်များ ထိုးစစ်ဆင်နေရာယူလာမှုများကြောင့် ထွက်ပြေးတိမ်းရှောင်လာခြင်း ထိုသို့ထပ်မံတိုးလာခြင်းကြောင့် ယခုချိန် ဒုက္ခသည် အရေအတွက်မှာ ၉၀၀၀၀ ကျော်နေပြီဖြစ်သည်။
ထိုသို့ရောက်ရှိလာသော ဒုက္ခသည်များသည် ကချင်ပြည်နယ် တရုတ်နယ်စပ်တစ်လျှောက်နှင့် မြစ်ကြီးနား၊ ၀ိုင်းမော်၊ ဗန်းမော် စသည့် မြို့ပေါ် လုံခြုံရာနေရာတို့တွင်ရောက်ရှိခိုလုံနေခြင်းဖြစ်သည်။
၎င်းဒုက္ခသည်များလာသည်နှင့်အမျှ မိုးရာသီချိန်ဖြစ်၍ နေရာထိုင်ခင်း၊ ကျန်းမာရေး၊ ပညာရေးများတွင် ပိုမိုထိခိုက်လာကာ ဒုက္ခသည်စခန်းများတွေလည်း မြန်မာအစိုးရအာဏာပိုင်များမှ ပုဒ်မ ၁၇(၁)  မသင်္ကာမှုဖြင့် လိုက်လံဖမ်းဆီးမှုများလည်း များလာကြောင်း ကချင်အမျိုးသမီးအဖွဲ့ KWAT မှ ပြောရဲဆိုခွင့်ရှိသူ ဒေါ်မွန်းနေလီပြောသည်။
“ဒုက္ခသည်တွေပိုများလာတော့ အခုချိန်မိုးရာသီလည်းဖြစ်တယ်။ ဖျားနာတာတွေအရမ်းများတယ်။ ငှက်ဖျားတို့၊ ၀မ်းလျှော်ရောဂါ၊ ချောင်းဆိုးတာတွေ တစ်ယောက်နဲ့တစ်ယေက်ကူးတဲ့ဟာမျိုးတွေ အဲဒီမှာ ဆေးဝါးမလုံလောက် တဲ့ပြသနားတွေ ပြီးတော့ အခုကကျောင်းတက်ချိန်လည်းဖြစ်တယ်။ စာတွေမလုံလောက်ဘူး။ အဲလိုမျိုးပြသာနာ ကပိုဆိုးလာတယ်။ ပြီးတော့ စခန်းကလူတွေကိုလည်း ဒုက္ခသည်စခန်းမှာရောက်နေတာသိပေမဲ့ မသင်္ကာမှုနဲ့ ဖမ်းပြီး ရူးလောက်အောက်ကို နှိပ်စက်တာတွေလေနော်” ဟု ဒေါ်မွန်းနေလီကပြောသည်။
ထိုသို့ စစ်ပဋ္ဋိပက္ခကြောင့်ရွှေ့ပြောင်းနေရသူစစ်ပြေးဒုက္ခသည် (၉၀၀၀၀) ကျော်အတွက်လိုအပ်သော အရေးပေါ်အကူအညီထောက်ပံ့ရေးအစီအစဉ်များ လွတ်လွပ်စွာလုပ်ဆောင်နိုင်ရန် အတွက် ခွင့်ပြုပေးရန်  ပြည်ပရောက် ကချင်အမျိုးသားအဖွဲ့အစည်းများမှ သြဂုတ်လ ၂၉ ရက်နေ့တွင် သမ္မတဦးသိန်းစိန်အစိုးရသို့  ပေးပို့သော ကြေညာချက် ထုတ်ပြန်လိုက်သည်။
ထိုကြေညာချက်ကို ကချင် အမျိုးသားအစည်းအရုံး (KNO)၊ ကချင် အမျိုးသမီးအစည်းအရုံး (KWAT)၊  ကချင် လူမှုဖွံ့ဖြိုးရေးကွန်ယက် KDNG၊ ကချင် သဘာဝပတ်ဝန်းကျင် ထိန်းသိမ်းရေးအဖွဲ့ KEO စသည့် ကချင်အဖွဲ့အစည်း ၁၁ ဖွဲ့တို့မှ ပူးပေါင်း ထုတ်ပြန်လိုက်ခြင်းဖြစ်သည်။
ကြေညာချက်တွင် ကချင်ပြည်နယ်တွင် မြန်မာတပ်မတော်၏ ထိုးစစ်ဆင်မှုရပ်တန့်ညွန်ကြားချက်ကို မလိုက်နာသောရှေ့တန်းရှိ စစ်တပ်မာျးကို ထိရောက်စွာအရေးယူပေးရန်။ အစိုးရနှင့် KIO ကြား စစ်မှန်သော နိုင်ငံရေးတွေ့ဆုံဆွေးနွေးခြင်းဖြင့် အဖြေရှာရန်၊ လူ့အခွင့်အရေးချိုးဖောက်မှုများအား စုံစမ်းရေးကော်မရှင်ဖွဲ့၍ စစ်ဆေးဖော်ထုတ်ရန်လည်း ကုလသမဂ္ဂနှင့် နိုင်ငံတကာအသိုင်းအဝိုင်းသို့ တောင်းဆိုထားသော စာများပါရှိသည်။


http://kachinnews.com/burmese/news/927-%E1%80%80%E1%80%81%E1%80%BA%E1%80%84%E1%80%B9-%E1%80%85%E1%80%85%E1%80%B9%E1%80%B1%E1%80%BB%E1%80%95%E1%80%B8%E1%80%92%E1%80%AF%E1%80%80%E1%81%A1%E1%80%9E%E1%80%8A%E1%80%B9-%E1%80%90%E1%80%85%E1%80%B9%E1%80%9E%E1%80%AD%E1%80%94%E1%80%B9%E1%80%B8%E1%80%94%E1%80%AE%E1%80%B8%E1%80%95%E1%80%AB%E1%80%B8-%E1%80%90%E1%80%AD%E1%80%AF%E1%80%B8%E1%80%9C%E1%80%AC%E1%80%B1%E1%80%94.html

အပြည့်အစုံသို့... »

မြန်မာအစိုးတပ်၏ စောင့်ကြိုပစ်ခတ်မှုတွင် KIA ပြည်သူ့စစ် ၂ ဦးသေဆုံး

ကချင်ပြည်နယ် ၀ိုင်းမော်မြို့နယ် ဆမ်ပိုင် (Sambai) သွားလမ်းမှ မိုင် ၄၀ ကျော်ရှိသည့် ဒါဂါယန် (Daga Yang) နှင့် လိုင်ဖောန် (Lai Hpawng) ကြားတွင် ၂၉ ရက် ဗုဒ္ဓဟူးနေ့ ညနေ ၃ နာရီအချိန်က ကချင်လွတ် မြောက်ရေးတပ်ဖွဲ့ KIA ပြည်သူ့စစ် ၂ ဦး မြန်မာအစိုးရတပ်၏ စောင့်ကြိုပစ်ခတ်ခံရပြီး သေဆုံးခဲ့သည်။
၎င်းတို့ ၂ ဦးသည် ဆိုင်ကယ်ဖြင့် လိုင်ဖောန် (Lai Hpawng) KIA ပြည်သူ့စစ်တပ်ဖွဲ့ရှိရာသို့ အစားအသောက်နှင့် လိုအပ်သည့် ပစ္စည်းများကို လာပို့သည့်အချိန်တွင် မြန်မာစစ်တပ် ခမရ (၃၀၁) စစ်သားများ ခြုံခိုပစ်ခတ်ခြင်းဖြစ် သည်။
“အရင်ကတော့ ထိုလမ်း လွတ်လွတ်လပ်လပ် ကျနော်တို့ သွားနေတဲ့ လမ်းဖြစ်တယ်။ ဒါမဲ့ ထိုတပ်က ပြောက်ကျားနည်းလို့ ပြောရမယ်ထင်တယ်။ ကျနော်တို့ သွားနေတဲ့လမ်းမှာ ဒီလိုနဲ့အသင့်စောင့်နေပြီး ပစ်လိုက်တာ။”
ကချင်လွတ်မြောက်ရေးတပ်ဖွဲ့ (KIA) တပ်မဟာ (၅) အောက် တပ်ရင်း (၃)ဒေသတွင် ပြည်သူ့စစ်တပ်ဖွဲ့များအား ကူညီပေးနေသော တပ်ဖွဲ့ဝင် ၂ ဦးသည် ဂါးရာယန်ကျေးရွာ (Gara Yang mare)မှ ကို မဂျီဆိုင်းအောင် (Maji Seng Awng)ဖြစ်ပြီး၊ ဝါးရှောင် (Washawng)မှ ဦးခေါင်ဇယ် (Hkawng Je) ဖြစ်ကြောင်းသိရသည်။ ၎င်းတို့တွင် သေနတ်တလက်လည်းပါကြောင်းသိရသည်။
ထိုသူ ၂ ဦးသည် တိုက်ပွဲစတင်ချိန်မှ စပြီးထို နေရာများသို့ လိုအပ်သည့် ပစ္စည်း ရိက္ခာများပေးပို့နေသည့် သူများဖြစ်ကြောင်း KIA ရှေ့တန်းစခန်းမှ ဆိုသည်။
ယနေ့ နံနက်မှ ထိုနေရာတွင် တိုက်ပွဲများဖြစ်နေပြီး ညနေ ၃ နာရီမှ ပြန်လည်တိုက်ခိုက်မှုများ ဆက်လက် ဖြစ်ပွားနေကြောင်း ရှေ့တန်းမှ KIA အရာရှိတဦး KNG ကချင်သတင်းဌာနသို့ပြောသည်။
မြစ်ကြီးနား-လိုင်ဇာသွားလမ်းပေါ်ရှိ ဂါရားယန် (Gara Yang) ဘက်သို့ ထိုးစစ်ဝင်လာ မြန်မာအစိုးရတပ် စစ်ကား ၁ စီးကို ၂၉ ရက် ဗုဒ္ဓဟူးနေ့တွင် ကချင်လွတ်မြောက်ရေးတပ်ဖွဲ့ တပ်မဟာ (၅) အောက် တပ်ရင်း (၃) တပ်များမှ မိုင်းဖြင့် ပစ်ခတ်တိုက်ခိုက်ရာ မြန်မာအစိုးရဘက်မှ သေဆုံးဒဏ်ရာရရှိကြောင်း သိရသည်။
ထိုအစိုးရတပ် တပ်မ (၈၈) တပ်ကို နံနက် ရ နာရီခွဲအချိန်တွင် ပစ်ခိုက်တိုက်ခိုက်လိုက်ရာ မြန်မာအစိုးရတပ်မှ ၂ ဦး ကျဆုံးပြီး ရ ဦး ဒဏ်ရာရရှိကြောင်း KIA အရာရှိများဆိုသည်။
“သူတို့က ရွှေညောင်ပင်ဘက်မှ ကားနဲ့ဝင်လာတာ……ကျတော်တို့ဘက်က အသင့်ကြိုနေတာနဲ့ ပစ်လိုက်တာ” ဟု ရှေ့တန်းမှ KNG ကချင်သတင်းဌာနသို့ပြောသည်။

http://kachinnews.com/burmese/news/928-%E1%80%BB%E1%80%99%E1%80%94%E1%80%B9%E1%80%99%E1%80%AC%E1%80%A1%E1%80%85%E1%80%AD%E1%80%AF%E1%80%B8%E1%80%90%E1%80%95%E1%80%B9%E1%81%8F-%E1%80%B1%E1%80%85%E1%80%AC%E1%80%84%E1%80%B9%E1%80%B7%E1%81%BE%E1%80%80%E1%80%AD%E1%80%B3%E1%80%95%E1%80%85%E1%80%B9%E1%80%81%E1%80%90%E1%80%B9%E1%80%99%E1%82%88%E1%80%90%E1%80%BC%E1%80%84%E1%80%B9-kia-%E1%80%BB%E1%80%95%E1%80%8A%E1%80%B9%E1%80%9E%E1%80%B0%E1%82%95%E1%80%85%E1%80%85%E1%80%B9-%E1%81%82-%E1%80%A5%E1%80%AE%E1%80%B8%E1%80%B1%E1%80%9E%E1%80%86%E1%80%AF%E1%80%B6%E1%80%B8.html

အပြည့်အစုံသို့... »

ဖားကန့်တွင် ဆက်ကြေး ကောက်ခံခြင်း မရှိဟု KIO ငြင်းဆို

သြဂုတ်လ ၃၁ ရက် ၂၀၁၂ ခုနှစ်

ချင်းမိုင်(မဇ္စျိမ) ။       ။ ဖားကန့်မြို့နယ်တွင် အတင်းအဓမ္မ ဆက်ကြေး ဆက်ကောက်ခံခြင်း မရှိကြောင်း ကချင်လွတ်လပ်ရေးအဖွဲ့ KIA တပ်မဟာ ၂ လက်အောက်ခံ တပ်ရင်း ၆ မှ အရာရှိ တဦးက ငြင်းဆိုလိုက်သည်။

KIA က ဖားကန့်နယ်မြေအတွင်း ဇန်နဝါရီမှ မေလထိ အတင်းအဓမ္မ ဆက်ကြေး ကောက်ခံမှု သုံးကြိမ် ပြုလုပ်ခဲ့သည့် အပြင် အဓမ္မ လူသစ် ဖမ်းဆီးခြင်းများကို ပြုလုပ်လျက်ရှိပြီး သြဂုတ်လတွင်လည်း ဆက်ကြေး ဆက်လက် ကောက်ခံနေ သည်ဟု အစိုးရ ပြန်ကြားရေးဝန်ကြီးဌာန၏ အင်တာနက် စာမျက်နှာတွင် ဖော်ပြထားချက်ကို တုန့်ပြန်ပြောဆိုလိုက်
ခြင်း ဖြစ်သည်။

“မဟုတ်ဘူး။ ပြည်သူကို ဝါဒဖြန့်နေတာပဲ။ ဆက်ကြေး ကောက်တာလည်း မရှိဘူး။ ကျနော်တို့ ကောက်ဖို့ တာဝန်လည်း မရှိဘူး။ ဆက်ကြေးကောက်တဲ့ ခေတ် မဟုတ်တော့ဘူး” ဟု KIA မှ ဗိုလ်ကြီး လဒွဲ က ပြောသည်။

ထို့ပြင် ဆက်ကြေးမပေးပါက ယာဉ်၊ ယန္တရားများ မီးရှုံ့ဖျက်ဆီးရန်နှင့် ဖားကန့် ကျေးရွာများရှိ ကုမ္ပဏီစောင့် ဝန်ထမ်း များ၏ အသက်အန္တရာယ်ကို ခြိမ်းခြောက်မှုများ ပြုလုပ်လာသဖြင့် တပ်မတော်က နယ်မြေလင်းမှုကို သြဂုတ်လ ၂၇ ရက်နေ့မှ စတင်ခဲ့သည်ဟု နိုင်ငံပိုင် ကြေးမုံသတင်းစာတွင် ဖော်ပြထားသည်။

သို့သော် အစိုးရတပ်များသည် သြဂုတ်လ ၁၉ ရက်နေ့မှစတင်၍ ထိုးစစ်ဆင်လာခြင်း ဖြစ်၍ KIA ဘက်မှ ခုခံကာကွယ် တိုက်ခိုက်ခြင်းသာ ဖြစ်သည်ဟု KIA ဗိုလ်ကြီး လဒွဲ က ပြောသည်။

“ကျနော်တို့က ကျနော်တို့ နေရာမှာပဲ နေနေတာ သူတို့ အင်အား အလုံးအရင်းနဲ့ ထိုးစစ် ဆင်လာလို့ ကျနော်တို့ ခုခံတိုက်တာကနေ တိုက်ပွဲဖြစ်လာတာ။ ကျည်ဆံထိလို့ ပေါက်ကွဲတာတွေတော့ ရှိတယ်” ဟု မဇ္စျိမကို ပြောသည်။

အငြိမ်းစား ဗိုလ်ချုပ်မှူးကြီးဟောင်း၏ အကျိုးတူ စီးပွားရေးလုပ်ငန်းရှင်များက KIA အား မလိုလားသဖြင့် ယခုကဲ့သို့ ထိုးစစ်ဆင်မှု ဖြစ်ပွားလာခြင်းဖြစ်သည်ဟု သူက ဆက်ပြောသည်။

သြဂုတ်လ ၂၈ နှင့် ၂၉ ရက်နေ့များတွင် ဆိုင်းဂျာဘွမ်အနီးတဝိုက် နယ်မြေရှင်းလင်းသည့် အစိုးရတပ်နှင့် KIA တပ်များအကြား ထိတွေ့မှု ဖြစ်ပွားလျက်ရှိပြီး နှစ်ဖက် ထိခိုက် ဒဏ်ရာရမှုများအား စုံစမ်းဆဲ ဖြစ်သည်ဟု အစိုးရ
ပြန်ကြားရေးဌာနက ဆိုသည်။

ဖားကန့်မြို့နယ် ဆိုင်းဂျာဘွမ်းကျေးရွာအနီးတွင် ကြာသပတေးနေ့က တိုက်ပွဲအတွင်း ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောက်ရုံထဲ လက်နက်ကြီးကျကာ ပေါက်ကွဲမှု ဖြစ်ပွားခဲ့သည်။ အဆိုပါ တိုက်ပွဲအတွင်း အစိုးရတပ်ဖက်မှ ကျဆုံးသူ ဦးရေ အနည်းဆုံး ၁ဝဝ ရှိနိုင်သည်ဟု အထက်ပါ KIA က ခန့်မှန်းသည်။

KIA အဖွဲ့က ကျောက်စိမ်းတူးဖော်ရေး ကုမ္ပဏီ၏ ဘက်ဟိုးယာဉ်၊ မြေသယ်ယာဉ်နှင့် ကုမ္ပ အဆောက်အအုံအချို့ မီးရှုံ့ဖျက်ဆီးသွားခဲ့ကြောင်း အစိုးရ ပြန်ကြားရေးဌာနက ဖော်ပြထားချက်သည် မဟုတ်မှန်ကြောင်း ဗိုလ်ကြီး လဒွဲ က ငြင်းဆိုသည်။

ကချင်ပြည်နယ်အတွင်း အစိုးရတပ်များ၏ နယ်မြေရှင်းလင်းရေး တိုက်ပွဲများနှင့် ပတ်သက်၍ နိုင်ငံပိုင်သတင်းစာနှင့် ဝဘ်ဆိုက်များတွင် ဖော်ပြလေ့မရှိပေ။

 

http://www.mizzimaburmese.com/news/breaking-newsbrief/10004-----kio-.html

အပြည့်အစုံသို့... »

အစိုးရတပ်များ ဆုတ်ပေးပါက နေရာမရွေး ဆွေးနွေးမည်ဟု KIO ပြော

သြဂုတ်လ ၃၁ ရက် ၂၀၁၂ ခုနှစ် ၁၈ နာရီ ၅၂ မိနစ်

ချင်းမိုင်(မဇ္စျိမ)။   ။ အစိုးရဘက်မှ တပ်များ ဆုတ်ခွာပေးပါက မည်သည့်နေရာတွင်မဆို ငြိမ်းချမ်းရေးအတွက်
တွေ့ဆုံဆွေးနွေးမည် ဖြစ်ကြောင်း ကချင်လွတ်လပ်ရေးအဖွဲ့ KIO မှ ငြိမ်းချမ်းရေး ကိုယ်စားလှယ် ဗိုလ်မှူး ဂျီးနောင် က ပြောသည်။

ရှမ်းပြည်နယ်၊ မူဆယ်မြို့နှင့် နေပြည်တော်တွင် နှစ်ဘက် တွေ့ဆုံလိုကြောင်း ပြည်ထောင်စု ငြိမ်းချမ်းရေးဖော်ဆောင်
ရေး လုပ်ငန်းကော်မတီမှ သြဂုတ်လ ၂၅ ရက်နေ့က KIO ထံ ကမ်းလှမ်းခဲ့သည့်အပေါ် ၎င်းက တုန့်ပြန် ပြောဆို
လိုက်ခြင်း ဖြစ်သည်။

“မဆွေးနွေးရသေးဘူး။ နေပြည်တော်နဲ့ မူဆယ်မှာ တွေ့ရအောင်ပြောတာ ကြာပြီ အဖြေ မပေးသေးဘူး။ ကျနော်တို့
ပြောထားတာက လုံခြုံတဲ့နေရာ ဘယ်နေရာဖြစ်ဖြစ် တွေ့လို့ ရတယ်။ တကယ်လို့ သူတို့ဘက်က တပ်တွေ ဆုတ်လိုက်
မယ်ဆိုရင် ဗန်းမော်မှာ ဖြစ်ဖြစ် ရတယ်” ဟု ဗိုလ်မှူးကြီး ဂျီးနောင်က ပြောသည်။

ထိုကမ်းလှမ်းမှုနှင့်ပတ်သက်၍ “အစိုးရဘက်က ရှင်းရှင်းလင်းလင်း မပြောဘူး။ အလွတ်သဘော တွေ့ဖို့ပဲ ပြောတယ်။ ကျနော်တို့က အလွတ်သဘော မဟုတ်ဘဲ၊ တရားဝင် တွေ့ဆုံ ဆွေးနွေးချင်တာ”ဟု သူက မဇ္စျိမကို ပြောသည်။

KIO ဘက်မှ တု့ံပြန်မှုအား စောင့်နေသည်ဟု ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။ ပို့လိုက်သော စာတွင် ငြိမ်းချမ်းရေး လုပ်ငန်းစဉ်နှင့် ပတ်သက်၍ ပြောင်းလဲခြင်း မရှိဘဲ ဆက်လက် လုပ်ဆောင်သွားမည် ဖြစ်၍ မူဆယ် သို့မဟုတ် နေပြည်တော်တွင် တွေ့ဆုံရန် ကမ်းလှမ်းခဲ့ခြင်း ဖြစ်သည်ဟု ဆိုသည်။

KIO ဘက်ကမူ တရုတ်နယ်စပ် ပရဝမ်ဒေသတွင် တွေ့ဆုံရန်သာ ပြောဆိုနေခြင်း ဖြစ်သည်။

တိုက်ပွဲများ ဆက်လက် ဖြစ်ပွားနေသဖြင့် ယခု နေပြည်တော်နှင့် မူဆယ်မြို့များတွင် တွေ့ဆုံမည့် အစီအစဉ်သည် KIO ဘက်မှ အနည်းငယ် အခက်အခဲ ရှိနိုင်မည်ဟု ယူဆကြောင်း ကချင်ငြိမ်းချမ်းရေး အကျိုးဆောင် ဦးဂွမ်ဂျာက ပြော
သည်။

“KIO ဘက်ကလည်း ပြန်တွေ့ဖို့ ပြောထားတယ်။ ဒါပေမယ့် ရှေ့တန်းမှာ စစ်ဆင်ရေး များလာလို့ အရင်တခေါက်
ပြောတဲ့ မူဆယ်နဲ့ ဗန်းမော်မှာ မသွားနိုင်းဘူး ပြောထားတာ။ ခုလည်း ဖားကန့်ဘက်မှာလည်း တိုက်နေတုန်းပဲ။ ခုလည်း မတွေ့ဘူးလို့ ပြောတာမဟုတ်ဘူး” ဟု သူက မဇ္စျိမကို ပြောသည်။ 

သောကြာနေ့တွင်လည်း ဖားကန့်မြို့နယ် KIA တပ်မဟာ ၂ လက်အောက်ခံ တပ်ရင်း ၆ တပ်ဖွဲ့များနှင့် အစိုးရတပ်တို့ တင်းမာနေသော်လည်း တိုက်ပွဲဖြစ်ပွားမှု မရှိသေးကြောင်း KIO တပ်အရာရှိ တဦးက ပြောသည်။

ဇွန်လ ၁ ရက်နေ့က ပြုလုပ်ခဲ့သည့် နှစ်ဖက် နောက်ဆုံး ဆွေးနွေးမှုတွင် အစိုးရ တပ်စခန်းပေါင်း ၆၁ နေရာအား ရုတ်သိမ်းပေးရန် KIO ဘက်မှ တင်ပြချက်အချို့ကို အစိုးရဘက်မှ သဘောတူခဲ့ပြီး တချို့ကို မြေပုံနှင့်တကွ စစ်ဘက်ဆိုင်ရာ အရာရှိများ ထပ်မံဆွေးနွေးရန် သဘောတူခဲ့ရာမှ ယခုထိ ပြန်လည်မတွေ့ဆုံနိုင်သေးခြင်း ဖြစ်သည်။ 

 

 http://www.mizzimaburmese.com/news/inside-burma/10003-----kio--.html

အပြည့်အစုံသို့... »

KIA အား လေကြောင်းဖြင့် တိုက်ခိုက်ရန် အစိုးရ ရှေ့တန်း တပ်များက တောင်းဆိုလာ

ထိုးစစ်အတွက် ရှေ့မတိုးသာဖြစ်နေသော အစိုးရ တပ်ဖွဲ့များသည် စစ်ဆင်ရေး အခြေအနေကို ပြောင်းလဲပစ်ရန် လေကြောင်း စစ်ဆင်မှုကိုပါ အသုံးပြုလာဖွယ် ရှိသည်ဟု ကချင်ပြည် လွတ်မြောက်ရေး တပ်မတော် (KIA) စစ်ဌာနချုပ်မှ တပ်မှူး တဦးက ရွှေဟင်္သာသတင်း ဌာနကို ပြောကြား ခဲ့ပါသည်။
“ KIA ကလည်း တန်ပြန်နေတယ်လေ။ သူတို့ကတော့ ရှေ့မတိုးနိုင်ဘူးဖြစ်နေတယ်။ ဒါကိုကျော်လွှားဖို့ ထင်ပါတယ်။  အရေးကြီးတဲ့ ပွိုင့် တွေကိုလေကြောင်းနဲ့ ဗုံးကျဲ ဖို့လိုအပ်တယ်ဆိုပြီး၊ အချင်းချင်း ဆက်သွယ်ရေးစက်နဲ့ အကူအညီတောင်းနေ တယ်။ နေပြည်တော်ကတော့ ဘာအမိန့်ချမလဲတော့ မသိဘူး။ လောလောတော့ငြိမ်နေတယ်။ စောင့်ကြည့်နေတယ်။ ကျနော်တို့ကတော့ အဲဒီအတွက် အစကတည်းကပြင်ထားပြီးသားပါ ”ဟုဆိုပါသည်။
အထူးသဖြင့် လိုင်ဇာ စစ်မျာက်နှာရှိ KIA တပ်များနေရာယူထားသော တောင်ကုန်းပွိုင့်များကို ဗုံးကြဲဖွယ်ရှိသည်ဟု KIA ဖက် မှခန့်မှန်းထားပါသည်။ သို့သော် KIA ၏ အစိုးရရှေ့တန်း စစ်တပ်အတွက် ထောက်ပံ့ရေး ရိက္ခာလမ်းကြောင်းများကို ဖြတ် တောက်သည့် တိုက်ပွဲများကြောင့် ရှေ့တန်း တပ်ဖွဲ့များတွင် ရိက္ခာပြသနာဖြစ်ဖွယ်ရှိနေပါသည်။ ဤပြသနာကို အစိုးရဖက်က လေကြောင်းနည်းဖြင့် ရိက္ခာနှင့် ခဲယမ်းမီးကျောက်များ ချပေးနိုင်ဖွယ်ရှိနေပါသည်။

KIA ၏ခံကတုတ်များ (ဓါတ်ပုံ KIA)

KIA သည် ၄င်းတို့၏ တန်ပြန်ထိုးစစ်ကို၊ စခန်းသိမ်းချေမှုန်းရေး တိုက်ပွဲများ အပါ၀င် ပျောက်ကျားစနစ်နှင့်၊ မိုင်းစစ်ဆင်ရေး နည်းလမ်းများကို အသုံးပြုပြီး အစိုးရ တပ်ဖွဲ့များအား ပြန်လည် တိုက်ခိုက်နေသည်ဟု ဆိုပါသည်။ အထူးသဖြင့် လိုင်ဇာစစ် မျက်နှာ၊၀ိုင်းမော်နှင့် တပ်မဟာ (၅) ဧရိယာ၊ တပ်မဟာ (၃)နှင့် တပ်မဟာ (၄) ဧရိယာ နှင့် ဖါးကန့်နယ်ရှိ KIA တပ်ရင်း (၃) ဧရိယာ၌ နေ့စဉ် တိုက်ပွဲများဖြစ်ပွားနေပါသည်။
အစိုးရ တပ်ဖွဲများသည်လည်း KIA တပ်ဖွဲ့များ၏ တန်ပြန်မှုကို တန်ပြန်စစ်ဆင်ရေးဖြင့် တုန့်ပြန်နေသည်ဟုဆိုပါသည်။ ဤ ကဲ့သို့ ပြင်းထန်လာနေသော စစ်ရေးအခြေအနေကြောင့် ကချင် စစ်ပြေး ဒုက္ခသည်များ တိုးလာနေပြီး ယခုဆိုလျှင် ဒုက္ခသည်များ တသိန်းဝန်းကျင်ခန့် ရှိလာနေ ပြီးဟု ဒုက္ခသည်ကော် မီတီ များက ခန့်မှန်းနေပါသည်။ အထူးသဖြင့် ဖါးကန့်ဒေသ၌ ကျေးရွာ (၁၁) ရွာမှ လူထုများ ပြောင်းရွှေ့ပေးရန် အစိုးရ တပ်ဖွဲ့များက ထပ်မံ အမိန့်ပေးထားသည်ဟု ဒေသခံများကဆိုပါ သည်။
ဤကဲ့သို့ KIA နှင့်အစိုးရတို့၏ ရှေ့မတိုးသာ ဖြစ်နေသော ပြသနာကို ၀ိုင်းဝန်း ကူညီဖြေရှင်းပေးရန် အမေရိကန်နိုင်ငံက တ ရုတ်နိုင်ငံအား တောင်းဆိုထားကြောင်း အမေရိကန် အစိုးရ ထုတ်ပြန်ချက်တခု၌ တွေ့ရပါသည်။ ထို့အပြင် ကချင်စစ်ပြေး ဒုက္ခသည်များကို နိုင်ငံတကာ အကူအညီပေးရေး အဖွဲ့များက အကူအညီပေးနိုင်ရန် တရုတ်နယ်မြေကို အသုံးပြု ခွင့်ပေးရန် လည်းတောင်းဆိုထားပါသည်။
ဤစစ်ပွဲသည်၊ တိုင်းရင်းသားများအပေါ် အစိုးရသဘောထား၏ နောက်ဆက်တွဲပြသနာဟု KIA ကခံယူသလို မြန်မာနိုင်ငံ ငြိမ်းချမ်းရေးအတွက် အကူအညီပေးနေသော နော်ဝေးနိုင်ငံမှ Myanmar Peace Support Initiative (MPSI) ကလည်း မြန်မာ့ငြိမ်းချမ်းရေးသည် အစိုးရမှ KIA အပေါ် ထားရှိသောသဘောထား၌ မူတည်သည်ဟု မှတ်ချက်ပြုခဲ့ပါသည်။
http://www.phophtaw.org/burmese/index.php/news/internation-news/1942--kia-mpsi-.html

KIA ဗိုလ်ချုပ်ပန်းအောင်

http://phophtaw.org/burmese/index.php/news/local-news/2065-kia-.html

အပြည့်အစုံသို့... »

ဖားကန့် ပေါက်ကွဲမှု အစိုးရတပ်ဖွဲ့ဝင် ရ၀ ကျော် သေဆုံးဟုဆို

ရှေ့တန်းတနေရာမှ ကချင်လွတ်လပ်ရေး တပ်မတော် (KIA) စစ်သည်များ (ဓာတ်ပုံ – Lachid Kachin / Facebook)

ကချင်ပြည်နယ်၊ ဖားကန့်မြို့နယ်ထဲတွင် အစိုးရတပ်များနှင့် ကချင်လွတ်လပ်ရေး တပ်မတော် (KIA) တိုက်ပွဲကြောင့် ယမ်းဂိုဒေါင်တခု ပေါက်ကွဲခဲ့ကာ အစိုးရတပ်မှ တပ်ဖွဲ့ဝင် ရ၀ ကျော် ကျဆုံးသွားကြောင်း KIA မှ အရာရှိတဦးက ပြောသည်။

သြဂုတ်လ ၂၉ ရက်နေ့က ဖားကန့်မြို့နှင့် ၄ မိုင်ခန့်အကွာ စိုင်းဂျာဘုံကျေးရွာ၏ အရှေ့ဘက်ရှိ ဝေအောင်ကမ္ဘာ ကျောက်စိမ်းတူးဖော်ရေး ကုမ္ပဏီအနီးတွင် အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ရင်းနှင့် KIO တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ တိုက်ပွဲဖြစ်ပွားရာမှတဆင့် ယမ်းဂိုဒေါင်ပေါက်ကွဲကာ ကုမ္ပဏီအဆောက်အအုံကို အကာကွယ်ယူ တိုက်ခိုက်နေသော အစိုးရတပ်များ သေဆုံးသွားခဲ့ခြင်း ဖြစ်သည်ဟု သိရသည်။

“သူတို့တပ်တွေနဲ့ ကျနော်တို့ တပ်တွေက မျက်နှာချင်းဆိုင် သတိအနေအထားနဲ့ တိုက်နေတဲ့အချိန် ကုမ္ပဏီကို အကာကွယ်ယူပြီး သူတို့က တိုက်တယ်။ ကျနော်တို့ ပစ်လိုက်တဲ့ ပစ်မှတ်က ကုမ္ပဏီဘက်ကျပြီး ယမ်းစိမ်းတွေ လှောင်ထားတဲ့ ဂိုဒေါင်ပေါက်ကွဲသွားတော့ အုပ်စုလိုက် ကျကုန်တာ” ဟု KIA တပ်မဟာ ၂ လက်အောက်ခံ ရှေ့တန်း စစ်မြေပြင်မှ ဗိုလ်ကြီး လဒွဲက ဧရာဝတီသို့ ပြောသည်။

ပေါက်ကွဲမှုကြောင့် ကုမ္ပဏီအဆောက်အအုံများ အားလုံးနှင့် ကျောက်စိမ်းတူး စက်ကိရိယာများ ပျက်စီးကုန်ကြောင်း၊ ထို့အတူ KIA တပ်သားအချို့လည်း ဒဏ်ရာရရှိခဲ့ကြောင်း သိရသည်။ ပေါက်ကွဲမှုဖြစ်ပွားခဲ့သော ယမ်းများမှာ ၃ တန်အထက်တွင် ရှိကြောင်း KIA ရှေ့တန်းတပ်ဖွဲ့များက ခန့်မှန်းပြောဆိုသည်။

သိုလှောင်ထားသော အဆိုပါယမ်းများသည် ကျောက်စိမ်းတူးဖော်ရာတွင် စက်များဖြင့် ဖြိုခွဲ၍ မရသော ကျောက်တုံး ကျောက်ဆောင်များကို ဖောက်ခွဲရန် အတွက် အသုံးပြုသည့် ယမ်းများဖြစ်ကြောင်း သိရသည်။
ပေါက်ကွဲမှုဖြစ်ပွားရာ နေရာသို့ နောက်တနေ့တွင် KIA တပ်ရင်းတပ်ဖွဲ့များ သွားရောက် စစ်ဆေးရာတွင် အစိုးရတပ်ရင်းမှ ကျဆုံးသွားသော တပ်ဖွဲ့ဝင်များ၏ ရုပ်အလောင်း ၂၀ ကျော်နှင့် ရုရှားနိုင်ငံထုတ် ရ၃ မမ ဒုံးကျည်အခွံများ၊ ပျက်စီးနေသော လက်နက်များတွေ့ရှိခဲ့ရကြောင်း ရုပ်အလောင်းအများစုမှ ပေါက်ကွဲမှုကြောင့် မြေဖုံးလွှမ်းသွားကြောင်း ဗိုလ်ကြီး လဒွဲက ပြောသည်။

ပေါက်ကွဲမှုဖြစ်ပွားခဲ့သော ကုမ္ပဏီအနီးရှိ စိုင်းဂျာဘုံ၊ ဗလခ၊ မြောက်ဖြူ၊ ရှရှော်ခ စသည့် ကျေးရွာများရှိသော်လည်း ထိုကျေးရွာခံများကို ယခုလ ၂၄ ရက်နေ့ မတိုင်ခင်ကတည်းက နှစ်ဖက်တပ်များက သတိပေးထားသဖြင့် ဖားကန့်မြို့ပေါ်သို့ ရွှေ့ပြောင်း ခိုလှုံနေကြသဖြင့် ဒေသခံများ ထိခိုက်မှု မရှိခဲ့ကြောင်းသိရသည်။

ပေါက်ကွဲမှုအရှိန်ကြောင့် အနီးရှိကျေးရွာများမှ အိမ်တချို့ ပြိုကျပျက်စီးကုန်ကြောင်း လုံးခင်းကျေးရွာသူတဦးက ပြောသည်။ ထို့အတူ ပြင်ထန်သည့် ပေါက်ကွဲမှု၏ တုန်ခါမှုကြောင့် ဖားကန့်မြို့ပေါ်ရှိ အဆောက်အအုံတချို့မှ မှန်ပြတင်းတခါးများလည်း ပျက်စီးကုန်ကြောင်း မြို့ခံများက ပြောသည်။
ဗလခ ရွာသူတဦးကလည်း “ကျမတို့ စျေးဆိုင်ပေါ်ကိုလည်း ခဲလုံးတွေကျလို့ ပျက်စီးကုန်တယ်လို့ အစောင့်ကျန်ခဲ့တဲ့ လူတွေက တဆင့်သိရတယ်။ ပြန်တော့ မကြည့်ဖြစ်ဘူး။ ရွာကလူတွေက မြို့ပေါ်ကို အကုန်လုံးလိုလို ထွက်ပြေးလာတော့ လူတွေတော့ ထိခိုက်မှု မရှိပါဘူး” ဟု ပြောသည်။

ပေါက်ကွဲမှု၊ သေဆုံးမှုများနှင့် ပတ်သက်၍ နှစ်ဖက်အတည်ပြုနိုင်ရန် အနီးစပ်ဆုံးဖြစ်သော ဖားကန့်မြို့နယ် ရဲစခန်းကို ဧရာဝတီက ဆက်သွယ်မေးမြန်းခဲ့ရာ ပေါက်ကွဲမှုကို အတည်ပြုသော်လည်း မြို့တွင်းလုံခြုံရေးကို ဂရုစိုက်နေရသဖြင့် အစိုးရတပ်များ ကျဆုံးမှုကို သိရှိခြင်း မရှိကြောင်း ဖြေကြားသည်။
သို့သော် ပြည်တွင်း အခြေစိုက် The Voice Weekly ဂျာနယ်၏ Facebook စာမျက်နှာတွင် အဆိုပါ ပေါက်ကွဲမှုသည် KIA အဖွဲ့များ ထောင်ထားသည့် အတွဲလိုက်ပေါက်ကွဲသော မိုင်းပဒေသာ ပေါက်ကွဲမှုဖြစ်ကြောင်း၊ ထိုပေါက်ကွဲမှုတွင် အစိုးရတပ် ခလရ ၂၆၉ မှ အရာရှိ ၆ ဦးအပါအဝင် စုစုပေါင်း ၄၈ ဦး ကျဆုံးသွားကြောင်း ဗန်းမော်အခြေစိုက် စစ်ဆင်ရေးနှင့် ကွပ်ကဲမှု ဌာနချုပ် (စကခ) (၂၁) ကို ကိုးကား၍ ဖော်ပြထားသည်။

ပေါက်ကွဲမှုဖြစ်ပွားပြီးနောက် အနောက်မြောက်တိုင်း စစ်ဌာနချုပ် လက်အောက်ခံ တပ်ရင်းများ၊ ဖားကန့်မြို့နယ် အတွင်းရှိ စိုင်းတောင်၊ လုံးခင်းနှင့် စမား စသည်နေရာများတွင် အခြေချထားသည့် အစိုးရတပ်စခန်းများကို လက်နက်ခဲယမ်းနှင့် တပ်အင်အားများ တိုးချဲ့နေကြောင်း ယခုအခါ နှစ်ဖက် အသင့်အနေအထားတွင် ရှိနေကြောင်း KIA က ပြောသည်။

ယခင်က ဖားကန့်မြို့နယ်ထဲတွင် အစိုးရတပ်များအနေဖြင့် KIA အပေါ် ယခုကဲ့သို့ ထိုးစစ်ဆင် တိုက်ခိုက်မှုများ မရှိခဲ့သော်လည်း ယခုလ ၂၄ ရက်နေ့မှ စတင်ကာ တိုက်ပွဲများ ဖြစ်ပွားခဲ့သဖြင့် ဒေသတွင်းရှိ ဗလခ၊ စိုင်းတောင်၊ မှော်မောင်းကုန်း၊ မှော်ဝန်းကြီး၊ မှော်ဝန်းလေး၊ ရှရော်ခ၊ စိုင်းဂျာဘုံ၊ လမောင်းကုန်း၊ မြောက်ဖြူနှင့် သန်းကြွယ် အပါအဝင် ကျေးရွာပေါင်း ၂၀ ကျော်မှ ဒေသခံ ၈ ထောင်ကျော်သည် အိုးအိမ်များကို စွန့်ကာ ဖားကန့်မြို့ပေါ်ရှိ ကယ်ဆယ်ရေး စခန်းများတွင် ခိုလှုံနေကြသည်။

http://burma.irrawaddy.org/archives/19121

အပြည့်အစုံသို့... »

ကချင် ဒုက္ခသည်များကို ကူညီရန် အမေရိကန်က တရုတ်ကိုတောင်းဆို

ကချင်ပြည်နယ်တွင်းမှ တိုက်ပွဲများကြောင့် ထွက်ပြေးနေကြရသော စစ်ပြေး ဒုက္ခသည်များအား တရုပ်နိုင်ငံထဲ၌ ခိုလှုံခွင့် ပေးရန် အပါ၀င် ကချင် လွတ်မြောက်ရေး အဖွဲ့ (KIO)နှင့် အစိုးရတို့အကြား ဖြစ်ပွားနေသော စစ်ရေး ပဋိပက္ခများကို ဖြေရှင်း နိုင်ရန် တရုတ် အစိုးရ အနေဖြင့် အားပေး ကူညီရန် အမေရိကန် အစိုးရက တရုတ် အစိုးရထံ တိုက်တွန်း ထားသည်ဟု နိုင်ငံခြား ရေးဝန်ကြီး ဌာန ပြောရေး ဆိုခွင့်ရှိသူ Victoria Nuland က တမြန်နေ့က ပြောကြား ခဲ့ပါသည်။
ထို့အပြင် တရုတ် နိုင်ငံထဲ၌ရှိသော ကချင်စစ်ပြေး ဒုက္ခသည်များထံ နိုင်ငံတကာမှ အကူအညီပေးနိုင်ရန် တရုတ် အစိုးရက ခွင့်ပြု ပေးရန် လိုအပ်ပါသည်။ ထို့အတူ မြန်မာနိုင်ငံ အတွင်းပိုင်းသို့ တရုတ်နိုင်ငံက  ပြန်လည်ပြောင်းရွှေ့ခိုင်းခဲ့သော ဒုက္ခသည် များ ကိုလည်း နိုင်ငံတကာ အဖွဲ့အစည်းများက အကူအညီပေးနိုင်ရန် မြန်မာအစိုးရမှ ခွင့်ပြုပေးရန် သတင်းစာ ရှင်းလင်းပွဲ၌  Ms. Nuland က တောင်းဆိုခဲ့ပါသည်။

တရုတ်အစိုးရသည် ပြီးခဲ့တဲ့ ရက်ပိုင်းက တရုတ်နိုင်ငံ ယူနန်ပြည်နယ်ထဲ၌ ခိုလှုံနေကြသော ကချင်စစ်ပြေး ဒုက္ခသည်များကို အတင်း အဓမ္မပြန်ပို့ခဲ့သည်ဟု စွပ်စွဲချက်များ အပေါ် ငြင်းဆိုခဲ့ပါသည်။ ဤဒုက္ခသည်များသည် (၅၀၀၀) နီးပါးခန့် ရှိပြီး တရုတ် ပြည်ယူနန်ပြည်နယ် ကူမင်းခရိုင် ရွှေလီမြို့နယ်မှ မြန်မာနိုင်ငံအတွင်းသို့ ဤသြဂုတ်လ အကုန်တွင် အပြီးတိုင် ပြန်ပို့ရန် စီစဉ်နေပါသည်။
ထို့အတူ ကချင်ပြည်နယ် ဖါးကန့်ရှိ ကျောက်စိမ်းတူးဖေါ်ရေး ဒေသဖက်၌လည်း KIO နှင့်အစိုးရ တပ်များအကြား တိုက် ပွဲများ ပြင်းထန် လာနေသဖြင့် ထောင်နှင့် ချီသော ဒေသခံများဘေးလွတ်ရာ ဒုက္ခသည်စခန်းကို ရွှေ့ပြောင်းနေကြရပါသည်။
အမေရိကန် အစိုးရ၏ ဤတောင်းဆိုမှုကို တရုတ်ဖက်မှ လိုက်လျှောဖွယ် ရှိနေပါသည်။ တရုတ်သည် ကုလသမဂ္ဂအဖွဲ့၏ ဗီတိုရကြီးငါးကြီး အမြဲတမ်း အဖွဲ့ဝင် ဖြစ်သည့်အတွက် ကမ္ဘာ့ဒုက္ခသည်ရေးရာများ၌ ပါ၀င်ကူညီရ မည်ဖြစ်သည်ဟု အကဲ ခတ်များက ဆိုပါသည်။
ဤကဲ့သို့ ဒုက္ခသည်အရေးကို အကြောင်းပြပြီး အမေရိကန်ဖက်မှ ပါ၀င်စွက်ဖက်လာမည်ကို မလိုလားသော တရုတ်သည် မိမိတို့နယ်မြေထဲ၌ ကချင်စစ်ပြေးဒုက္ခသည် မရှိစေရေးအတွက် ပြီးခဲ့သည့် လကုန်ပိုင်းမှစပြီး ၄င်းတို့နယ်မြေထဲရောက် နေ သော ဒုက္ခသည်များကို အတင်းနှင်ထုတ်ခဲ့ပါသည်။

ကာကွယ်ရေးဦးစီးချုပ်နှင့် အမေရိကန်သံအမတ်ကြီး တွေ့ဆုံစဉ်

http://www.mwdmedia.net/2012/08/blog-post_4620.html

ဤကဲ့သို့ အမေရိကန်အစိုးရ တရုတ်အစိုးရကို မတောင်းဆိုမှီ မြန်မာနိုင်ငံဆိုင်ရာ အမေရိကန် သံအမတ် မစ်ချဲကလည်း တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင််းအောင်လှိုင်အား ပြီးခဲ့သည့် သြဂုတ်လက နေပြည်တော်တွင် သွားရောက်တွေ့ဆုံခဲ့ပါသည်။ ဆွေးနွေးပွဲ ထုတ်ပြန်ထဲ၌ တိုင်းရင်းသားများနှင့် ငြိမ်းချမ်းရေး တည်ဆောက်မှု ကိစ္စလည်း ဆွေးနွေးခဲ့ပါသည်။
အမေရိကန်ပြည်ထောင်စုသည် မြန်မာနိုင်ငံ၏ ဒီမိုကရေစီ ပြုပြင်လဲရေး အစီစဉ်၌ လက်တွေ့ကျသော အခန်းကဏ္ဍ၌ ပါ၀င်လာ ရန် မြန်မာနိုင်ငံဆိုင်ရာ USAID(U.S. Agency for international Development) အဖွဲ့ တာဝန်ခံကိုလည်း ခန့်အပ်ခဲ့ပါသည်။

31 August 2012

 

http://phophtaw.org/burmese/index.php/news/local-news/2063-2012-08-31-06-54-38.html 

အပြည့်အစုံသို့... »

စစ်ပြေး ဒုက္ခသည်များ အရေးမှ စစ်ပွဲ ရပ်ရေးကို ကန်တောင်းဆို

သြဂုတ်လကုန်အတွင်း၌ တရုတ်နိုင်ငံဖက်၌ ရှိနေသော ကချင် စစ်ပြေးဒုက္ခသည်များ အပြီးတိုင် ပြောင်းရွှေ့ရန် တရုတ် အာ ဏာပိုင်တို့က လိုလားသော်လည်း လက်တွေ့၌ တထောင်နီးပါးမျှ ကျန်ရှိနေသေးသည်ဟု ကချင် ဒုက္ခသည် ကော်မီတီမှ အဖွဲ့ဝင် တဦးက ပြောပါသည်။
“ မပြောင်းပေးနိုင်သေးတာ ခဒေါင်ပါ ဒုက္ခသည်စခန်း တစ်ခုကျန်နေသေးတယ်။ အဲဒီစခန်းက တောကျတဲ့နေရာလဲ ဖြစ် တယ်။ ကားလမ်းလဲမရှိ ဖြစ်နေတော့ နီးဆုံး စခန်းဖြစ်တဲ့ လနာဇွပ်ဂျာ ဒုက္ခသည်စခန်းကို မပြောင်းပေးနိုင်ခဲ့ဘူး” ဟု ဆိုပါ သည်။
ခဒေါင်ပါ စစ်ပြေး ဒုက္ခသည် စခန်းသည် ရှမ်းပြည်နယ် မြောက်ပိုင်း မူဆယ်ခရိုင် နမ်းခမ်းမြို့နယ် တရုတ်နယ်မြေတွင်းရှိ စခန်း (၆) ခု အနက် တခုဖြစ်သည်။ လူဦးရေ (၇၀၀) ခန့်ရှိပြီး လမ်းပမ်းဆက်သွယ်ရေး ခက်ခဲသည့်အတွက် ဆေးဝါးနှင့် အခြေခံ အစားအစာများကို ရရှိရန် အခက်အခဲများသည့် နေရာဖြစ်ပါသည်။
ပြောင်းရွှေ့သွားသော ဒုက္ခသည််စခန်း (၅) ခုကို ကချင်ပြည်နယ် ဗန်မော်ခရိုင် မံစီမြို့နယ်တွင်းရှိ လနာဇွပ်ဂျာ  ဒုက္ခသည် စခန်းနှင့် မန်ဝိန် ဒုက္ခသည်စခန်းများသို့ ပြောင်းရွေ့ ပေးခဲ့ပြီး ဒုက္ခသည် (၄၀၀၀)ကျော်ရှိသည်ဟု စခန်းတာဝန်ခံ ဦးတွဲပီဆာ က ပြောပါသည်။
ယခုကဲ့သို့ မြန်မာပြည်ဖက်သို့ ပြောင်းရွှေ့ခဲ့ရသော်လည်း မြန်မာ အာဏာပိုင်များက အရေးယူ ဆောင်ရွက်ပေးခြင်းမရှိဘဲ ဒုက္ခသည်ကော်မီတီများနှင့် ဘာသာရေး အဖွဲ့များကသာ တာဝန်ယူ ဆောင်ရွက်ပေးနေကြပါသည်။ စစ်ပွဲကြောင့် စစ်ပြေး ဒုက္ခသည် စုစုပေါင်းတသိန်းနီးပါး ရှိလာခဲ့သည်ဟု ဒုက္ခသည်ကော်မီတီများက ခန့်မှန်းခဲ့ကြပါသည်။
ဤစခန်းများကို ပြီးခဲ့သည့် သြဂုတ်လ (၂၂) ရက်နေ့၌  မြန်မာနယ်စပ်ဖက်သို့ ပြောင်းရွေ့ပေးရန် တရုတ် အာဏာပိုင်များ ကဖိ အားပေးခဲ့ခြင်းဖြစ်ပါသည်။ စစ်ပွဲကြောင့် ဒုက္ခသည်များ ဖြစ်ပွားနေသည့် အရေးအပေါ် မူတည်ပြီး၊ အမေရိကန် အစိုးရသည် ကချင်ပြည်နယ်၌ ဖြစ်ပွားနေသော စစ်ပွဲများ ရပ်စဲသွားရန် တရုတ်အစိုးရမှ အကူအညီပေးသင့်သည်ဟု အမေရိကန်နိုင်ငံ  ခြားရေးဌာန ပြောခွင့်ရသူ Ms.Vitoria Nuland က တိုက်တွန်းခဲ့ပါသည်

ကချင် စစ်ပြေးဒုက္ခသည်များ

“အဲဒီ နယ်စပ်မှာ ရှိတဲ့ KIA အဖွဲ့အစည်းတွေနဲ့ ပြန်လည် တွေ့ဆုံမှုပြုကြပါ။ သူတို့ကိုလည်း နိုင်ငံရေးလုပ်ငန်း စဉ်တွေထဲမှာ ထည့်သွင်း ပါဝင်စေဖို့ ကျမတို့ အမေရိကန်ပြည်ထောင်စု အစိုးရက မြန်မာအစိုးရကို ထိရောက်စွာ တိုက်တွန်းတယ်။ ဒီလို နှစ်တွေကြာရှည်စွာ ပဋိပက္ခ ဖြစ်နေတာကို အဆုံးသတ်သင့်ပြီး ဆိုတာကို တရုတ်အစိုးရ အနေနဲ့လဲ ဝိုင်းဝန်အကူအညီ ပေး ဖို့လိုတယ်” ဟု ဆိုပါသည်။
ကချင်ပြည်လွတ်မြောက်ရေး တပ်ဖွဲ့သည် ၂၀၁၁ ခုနှစ် ဇွန်လမှစပြီး အပစ်အခတ်ရပ်စဲရေး ပျက်ခဲ့ပြီးသည့်နောက် ဆွေးနွေး ပွဲများ (၅) ကြိမ် ပြုလုပ်ခဲ့သော်လည်း မည်သည့်သဘောတူညီချက်များ မရရှိဘဲ တိုက်ပွဲများ ဆက်လက် ဖြစ် ပွားလျှက်ရှိ ပါသည်။
KIA သည် နောက်ထပ် ဆွေးနွေးပွဲများ ကျင်းပရေးကို  ပြီးခဲ့သည့် ဇူလိုင်လ (၁၇) ရက်နေ့တွင် တရုတ်နိုင်ငံ ရွှေလီမြို့၌ ကျင်းပ ရန် ထပ်မံ အဆိုပြုထားသော်လည်း  အစိုးရဘက်မှ အကြောင်းပြန်ကြားခြင်း မရှိသေးဟု ဆိုပါသည်။

31 August 2012

http://phophtaw.org/burmese/index.php/news/local-news/2068-2012-08-31-12-56-24.html

အပြည့်အစုံသို့... »

KNU တပ်မဟာ(၆)တွင် အခြေခံ စစ်သင်တန်းဆင်းပွဲ ပြုလုပ်

သြဂုတ်လ ၃၁ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ ကော့ကရိတ်မြို့နယ်အတွင်းရှိ ကရင်အမျိုးသားအစည်းအရုံး-KNU ထိန်းချုပ်နယ်မြေ KNLA တပ်မဟာ(၆) တပ်ရင်း (၂၀၁) ဌာနချုပ် ဝေါ်လေခီးတွင် သတ္တမအကြိမ်မြောက် အခြေခံစစ်သင်တန်းဆင်းပွဲကို ယနေ့ ပြုလုပ်ကျင်းပခဲ့သည်။
(၂၀၁)တပ်ရင်းမှ ဦးစီး၍ သင်တန်းသူ ၃ဦး၊ သင်တန်းသား ၄၅ဦး တက်ရောက်ခဲ့သည့် ၎င်းစစ်သင်တန်းကို ပြီးခဲ့သည့် ဇူလိုင်လက စတင် ဖွင့်လှစ်ခြင်းဖြစ်ပြီး နှစ်လကြာသင်တန်းရက်ပြည့်ပြီးနောက် ယခုလို အခမ်းအနား ကျင်းပရခြင်းဖြစ်သည်ဟု ၎င်းတပ်ရင်း၏ တပ်ရင်းမှူး ဗိုလ်မှူးစောဘူးဖောက ပြောသည်။
“အမျိုးသားရေးအတွက် ရည်ရွယ်ပြုလုပ်တဲ့ သင်တန်းတော့ အောင်မြင်စွာ ပြီးဆုံးသွားပြီ။ သင်တန်းပြီးသွားတဲ့ စစ်သည်တွေလည်း သူတို့ ရဲ့တပ်ရင်းတွေဆီ ပြန်သွားကြပြီးတော့ တတ်သွားတဲ့ပညာတွေနဲ့ အမျိုးသားရေးအတွက် ဆက်လုပ်ကြမယ်လို့ မျှော်လင့်တယ်။”ဟု ကေအိုင်စီသို့ ပြောဆိုသည်။
တပ်ရင်း(၂၀၁)နှင့် တပ်ရင်း(၁၀၃)တို့မှ စစ်သည်များ တက်ရောက်ခဲ့သည့် အဆိုပါအခြေခံစစ်သင်တန်းတွင် သင်တန်းဆရာ ၅ဦးက စစ် ရေးအပြင် နိုင်ငံရေးအသိပညာများကိုလည်း သင်ကြားပေးခဲ့ပြီး ထူးချွန်သည့် သင်တန်းသူ၊ သင်တန်းသားများကို (၂၀၁)တပ်ရင်းမှအဆင့် တစ်၊ နှစ်၊ သုံး ရွေးချယ်ကာ ဆုချီးမြှင့်ပေးအပ်ခဲ့သည်။

သင်တန်းဆရာ ဗိုလ်ကြီးစောဖောခေးက “အခု သင်တန်းပေးတာ တော်တော်လေး အားရတယ်။ အထူးသဖြင့် အမျိုးသမီး ၃ယောက်ပဲ။ ဒါပေမယ့် တစ်ယောက်စီ တော်တာကို တွေ့ရတယ်”ဟု ပြောသည်။
ယနေ့ပြုလုပ်သည့် အခြေခံစစ်သင်တန်းပိတ်ပွဲတွင် သင်တန်းတက်ရောက်သူ စစ်သည်များ အပါအဝင် တပ်မဟာ(၆)ခေါင်းဆောင်များနှင့် မိသားစုဝင် စုစုပေါင်း လူ ရ၀ဦးကျော် တက်ရောက်ခဲ့သည်။
ပြီးခဲ့သည့် ၂၀၁၀ခုနှစ်တွင် ဆဌမအကြိမ်မြောက် အခြေခံစစ်သင်တန်းကို ပြုလုပ်ခဲ့သလို ယခု သြဂုတ်လအလယ်၌ KNU တပ်မဟာ(၆)၊ တပ်ရင်း(၁၈)၌လည်း အခြေခံစစ်သင်တန်းဆင်းပွဲတစ်ခု ကျင်းပခဲ့သည်။

http://www.kicnews.org/?p=13175

အပြည့်အစုံသို့... »

၂၃ ဦး ပါ၀င်သည့် CNF ငြိမ်းချမ်းရေးကော်မီတီဖွဲ့စည်း

August 31st, 2012

ချင်းအမျိုးသားတပ်ဦးက လက်ရှိ သမ္မတ ဦးသိန်းစိန်အစိုးရနှင့် ထာဝရတည်တ့ံခိုင်မြဲသည့် ငြိမ်း ချမ်းရေး တည်ဆောက်နိုင် ရေး အတွက် ငြိမ်းချမ်းရေးကော်မီတီဖွဲ့စည်းလိုက်သည်ဟု ကြား သိရ သည်။
ငြိမ်းချမ်းရေးကော်မီတီကို သြဂုတ်လ ၂၄ ရက်နေ့မှ ၃၁ ရက်နေ့အထိ ၈ ရက်ကြာကျင်းပ သည့်  ပဥ္စမအကြိမ်ပါတီညီလာခံ သက်တမ်း၊ ပဥ္စမ အကြိမ် ဗဟိုအလုပ်အမှုဆောင်ကော်မီတီ အစည်း အဝေးတွင် ဖွဲ့စည်းလိုက်ခြင်းဖြစ်သည်။
ကော်မီတီကို ပါတီ၏ အဓိပတိကောင်စီ ဥက္ကဌ ဒေါက်တာ ဇလှေထန်းနှင့် အထွေထွေ အတွင်းရေးမှူးချုပ် ပူး ဇင်ကျုံးတို့က ဦးဆောင်သွားမှာဖြစ်ပြီး ဗဟိုအလုပ်အမှုဆောင်ကော် မီတီဝင် များ၊ အဓိပတိကောင်စီဝင်များ၊ တပ်မတော်ထိပ်ပိုင်းခေါင်း ဆောင်များ ပါ၀င်သည့် ၂၃ ဦး ကော်မီတီဖြင့် ဖွဲ့စည်းထားကြောင်း သိရသည်။
အပစ်အခပ်ရပ်စဲရေးအဆင့်မှ နိုင်ငံရေးတွေ့ဆုံဆွေးနွေးရေးအဆင့်သို့ တက်လှမ်း မည် ဖြစ်သောကြောင့် ငြိမ်းချမ်းရေး ကော်မီတီကို ဖွဲ့စည်းခြင်းဖြစ်ကြောင်း အစည်းအဝေး ထုတ်ပြန်ကျေညာချက်ထဲတွင် ဖော်ပြထားသည်။
အစည်းအဝေးမှာ ဒုတိယအကြိမ်ပြည်ထောင်စုငြိမ်းချမ်းရေးဆွေးနွေးပွဲသို့ သွားရောက်မည့် ကိစ္စရပ်များချမှတ်ခြင်း၊ အချိန် နေရာ သတ်မှတ်ခြင်း၊ လေ့လာစောင့်ကြည့်မည့် ပုဂ္ဂိုလ်များ၊ သတင်းမီဒီယာ စသည့် ကိစ္စများ ဆွေးနွေးဆုံးဖြတ်ကြ ကြောင်း ၄င်းတို့၏ ထုတ်ပြန်ကျေညာ ချက်ထဲတွင် ဆက်လက်ဖော်ပြထားသည်။
“ ကျတော်တို့ စီအဲန်အက်ဖ်နဲ့ အစိုးရအကြား သဘောတူထားတဲ့ ငြိမ်းချမ်းရေးဖြစ်စဉ် အတွက် ဒီနှစ်ထဲမှာပဲ Public consultation ကို ပြည်သူလူထုထံ Awareness ပြုလုပ်မယ်၊ တခါတည်း Public Opinion ကိုလည်း ရယူဖို့ ပြင်ဆင် ထားပါတယ်” ဟု CNF  နိုင်ငံခြားရေးအတွင်းရေးမှူး ဆလိုင်း Thla Hei က ပြောသည်။
ထို့အပြင် လာမည့် စက်တင်ဘာလတွင် ကျင်းပမည့် တိုင်းရင်းသားလူမျိုးများညီလာခံ အတွက်ပြင် ဆင်မှုပြုလုပ်ခြင်း၊ ပါတီ နှင့် တပ်မတော်ရေးရာ ကိစ္စ၊ ဆက်ဆံရေးရုံးကိစ္စများ၊ ချင်းအပစ် အခပ်ရပ်စဲခြင်း လေ့လာစောင့်ကြည့်ရေးအဖွဲ့ဖွဲ့ စည်း ခြင်း ဆိုင်ရာ ကိစ္စတို့အပြင် တပ်ပိုင်းဆိုင်ရာ အရေးကြီးသည့်ကိစ္စရပ်များလည်း ဆွေးနွေးကြကြောင်း ဆက်လက် ဖော်ပြ ထား သည်။
လေ့လာချက်များအရ ချင်းအမျိုးသားတပ်ဦးသည် အစိုးရနှင့် ပြည်ထောင်စုအဆင့်  ငြိမ်း ချမ်းရေးတွေ့ဆုံဆွေးနွေးပွဲကို ယခု နှစ် အောက်တိုဘာလတွင် တွေ့ဆုံဆွေးနွေးရန် ပြင်ဆင် ထားကြောင်း သိရသည်။
CNF နှင့် မြန်မာအစိုးရတို့သည် ပြီးခဲ့သည့် ဇန်နဝါရီလ ၆ ရက်နေ့က ဟားခါးမြို့တွင် ပထမ ဆုံး အကြိမ် ပဏာမ အဆင့် ငြိမ်းချမ်းရေး ဆွေးနွေးခဲ့ကြပြီး ဒုတိယ အကြိမ်ကို ပြည်ထောင်စု အဆင့် တွေ့ဆုံဆွေးနွေးပွဲ အနေဖြင့်  မေလ ရ ရက်နေ့ က ဟားခါးမြို့ ပြည်ထောင်စု ရိပ်သာ တွင် တွေ့ဆုံဆွေးနွေးခဲ့ကြသည်။
ဦးသိန်းစိန်အစိုးရသည် ဒုတိယ သမ္မတ ဒေါက်တာစိုင်းမောက်ခမ်းဦးဆောင် သည့် ပြည်ထောင်စု ငြိမ်း ချမ်းရေးဖော်ဆောင် ရေးလုပ်ငန်းကော်မီတီကို ကော်မီတီဝင် ၅၂ ဦးဖြင့် ဖွဲ့စည်းထားသည်။

http://khonumthungburmese.org/?p=486

အပြည့်အစုံသို့... »

ကရင်ငြိမ်းချမ်းရေးတွေ့ဆုံဆွေးနွေးပွဲ ဗွီဒီယိုမှတ်တမ်းများ

22 January 2012
ကရင်ငြိမ်းချမ်းရေးတွေ့ဆုံဆွေးနွေးပွဲ ဗွီဒီယိုမှတ်တမ်းများ














http://karenwantpeace.blogspot.com/

အပြည့်အစုံသို့... »