Saturday, August 18, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
မြန်မာနိုင်ငံ မြောက်ပိုင်း KIA ကချင် လွတ်လပ်ရေး တပ်မတော် ဌာနချုပ်နားက လဂျားယန် တောင်ကုန်းမှာ စခန်းချထားတဲ့ ABSDF မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး မြောက်ပိုင်း တပ်ဖွဲ့နဲ့ အစိုးရတပ်တွေ အကြား စနေနေ့ ညနေ ၅နာရီလောက်က တိုက်ပွဲတွေ ဖြစ်ပွားခဲ့ပါတယ်။
အစိုးရရဲ့ ခလရ ၄၀ တပ်တွေ ABSDF တပ်စခန်း ရှိရာနေရာဆီ ရှေ့တိုး တက်လာရာကနေ ရင်ဆိုင် တိုက်ခိုက်မှုတွေ ဖြစ်ခဲ့တာလို့ ABSDF မြောက်ပိုင်း ကျောင်းသားခေါင်းဆောင် တဦး ဖြစ်တဲ့ စိုင်းလ က ဘီဘီစီကို ပြောပါတယ်။ကျောင်းသား တပ်ဖွဲ့တွေ ဘယ်နေရာမှာ နေရာယူမှု အားပျော့သလဲ ဆိုတာကို သိရဖို့ အစိုးရတပ်ဘက်က သွေးတိုးစမ်းတဲ့ အနေနဲ့ ရှေ့တိုးတက်လာတာလို့ ယူဆရကြောင်း ပြောပါတယ်။
ABSDF ကျောင်းသား ခေါင်းဆောင်တချို့နဲ့ သမ္မတ ဦးသိန်းစိန် အစိုးရအကြား တွေ့ဆုံမှုတွေ ရှိခဲ့အပြီးမှာပဲ အခုလို နှစ်ဘက်အကြား တိုက်ခိုက်မှုတွေ ဖြစ်ပွားခဲ့တာပါ။
ဒီတိုက်ခိုက်မှုတွေကြောင့် ABSDF နဲ့ အစိုးရကြား တွေ့ဆုံပြောဆိုနေမှုတွေကို ထိခိုက်စေနိုင်ကြောင်း၊ စစ်မှန်တဲ့ ပြည်တွင်း ငြိမ်းချမ်းရေး လိုလားတယ်လို့ အစိုးရက ပြောနေပေမယ့် စစ်တပ်က ထိုးစစ်ဆင် တိုက်ခိုက်နေမှုတွေ ရှိနေပြီး အစိုးရက သပ်သပ်၊ စစ်တပ်က သပ်သပ် ဖြစ်နေကြောင်း စိုင်းလက ပြောပါတယ်။
တိုက်ခိုက်မှုတွေ အတွင်း ထိခိုက် သေဆုံးမှု မရှိဘူးလို့ သိရပါတယ်။
http://www.bbc.co.uk/burmese/burma/2012/08/120818_absdf_fightings.shtml
Posted in: ABSDF,စစ်ဆင်ရေး,သတင်း
