Tuesday, December 18, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
မြန်မာ နိုင်ငံလုံး ဆိုင်ရာ ကျောင်းသားများ
ဒီမိုကရက်တစ် တပ်ဦး ABSDF ဥက္ကဌ ဦးဆောင်တဲ့ ကိုယ်စားလှယ် အဖွဲ့ဟာ
ငြိမ်းချမ်းရေး ဆွေးနွေးဖို့ ထိုင်းနိုင်ငံ နယ်စပ် မဲဆောက်မြို့ ကနေ
ရန်ကုန်မြို့ ကို ထွက်ခွာ သွားပြီ ဖြစ်ပါတယ်။
အဖွဲ့ဝင် ၉ ဦး ပါတဲ့ ABSDF ကိုယ်စားလှယ် အဖွဲ့ကို၊
ဥက္ကဌ ကိုသံခဲက ဦးဆောင်မှာ ဖြစ်ပြီး၊ မြန်မာ နိုင်ငံ မှာ သီတင်းပတ်
နှစ်ပတ် ကြာမြင့်မှာ ဖြစ်ပါတယ်။ဒီကိုယ်စားလှယ် အဖွဲ့ဟာ လက်ရှိ ကချင် ပြည်နယ်မှာ ဖြစ်ပွား နေတဲ့ တိုက်ပွဲတွေ အတွက် ဆွေးနွေး ရအောင် ကတိုက် ကရိုက် သွားတာ မျိုး မဟုတ်ဘဲ၊ ဝန်ကြီး ဦးအောင်မင်းနဲ့ အရင်က သဘောတူ စီစဉ် ထားတဲ့ အတိုင်း သွားရောက်တာ ဖြစ်ပါတယ်။
ABSDF အဖွဲ့ဟာ ငြိမ်းချမ်းရေး ဆွေးနွေးပွဲ အတွက် အခုလို မြန်မာ နိုင်ငံကို သွားမယ့် အချိန်မှာပဲ၊ ကချင် ပြည်နယ် ထဲက ABSDF စခန်း တည်ရှိရာကို အစိုးရ တပ်တွေက ထိုးစစ်ဆင် တိုက်ခိုက် နေပါတယ်။
ဒါနဲ့ ပတ်သက်ပြီးလည်း ကိုမျိုးဝင်းက ရှင်းပြရာမှာ သူတို့ အခြေခံ ဒေသတွေကို ထိုးစစ် ဆင်လာ ရင်တော့ ကျောင်းသား တပ်မတော်ဟာ သက်ဆိုင်ရာ မဟာမိတ် အဖွဲ့ အစည်း တွေနဲ့ ပူးတွဲ ကာကွယ်ဖို့ တာဝန် ရှိကြောင်း ဘီဘီစီကို ပြောပါတယ်။
ဒါပေမဲ့လည်း ABSDF ဘက်ကတော့ ဒီခရီးစဉ် ကနေ အပြုသဘော ဆောင်တဲ့ တိုးတက်မှုတွေ ရလာ မယ်လို့ မျှော်လင့် နေပါတယ်။
http://www.bbc.co.uk/burmese/burma/2012/12/121218_absdf_rangoon.shtml
Posted in: ABSDF,ABSDFတွေ့ဆုံဆွေးနွေးမှု,သတင်း
