TNLA တပ်ကြပ်တစ်ဦး အစိုးရတပ်၏ အသတ်ခံရ

နိုဝင်ဘာလ ၁၂ရက်၊ ၂၀၁၂ခုနှစ်။ ဖိုးခွါးလေး (ကေအိုင်စီ)

သျှမ်းပြည်မြောက်ပိုင်း၊ မန်းတုံမြို့နယ်ရှိ လှုပ်ရှားနေသည့် တအာင်း(ပလောင်)အမျိုးသားလွတ်မြောက်ရေးတပ် မတော်-TNLA မှ တပ်ကြပ်တစ်ဦးသည် မိသားစုဝင်တစ်ဦးနာမကျန်းသဖြင့် ခွင့်ယူအိမ်ပြန်ခဲ့ရာ ၎င်း၏ဇာတိ မန် မောက်တန်တေးရွာ မရောက်မီ ပန်ကူရွာ၌ အစိုးရတပ်၏ ဖမ်းဆီးခံရကာ အသတ်ခံခဲ့ရသည်။
TNLA တွင် တာဝန်ကြီးထမ်းဆောင်နေသည့် တပ်ကြပ်အဆင့်ရှိသူ အသက် ၂၅နှစ်အရွယ် အယိုင်အောင်သည် နိုဝင်ဘာလ ၁၀ရက်နေ့က မန်းတုံအခြေစိုက် မြန်မာအစိုးရစစ်တပ် ခြေလျင်တပ်ရင်း(ခလရ-၁၃၀)၏ ဖမ်းဆီးမှု ကို ခံရပြီးနောက် စစ်ကျောခံရကာ နိုဝင်ဘာလ ၁၁ရက်နေ့တွင် အသတ်ခံရခြင်းဖြစ်သည်။
တအာင်း(ပလောင်)ပြည် လွတ်မြောက်ရေးတပ်ဦး(PSLF) အထွေထွေအတွင်းရေးမှူး ဗိုလ်မှူးမိုင်းဘုန်းကျော်က “သူက မိသားစု အသည်းအသန်ဖြစ်တယ်ဆိုပြီး ပြန်ဖို့ခွင့်ပေးလိုက်တာ။ လမ်းမှာ အစိုးရစစ်တပ်က သူ့ကိုဖမ်း လိုက်တယ်။ နောက် စစ်ဆေးပြီး သူ့ကို တောမှာပဲ ပစ်သတ်လိုက်တယ်”ဟု ကေအိုင်စီသို့ ပြောသည်။
PSLF သည် TNLA ၏ နိုင်ငံရေး ဦးဆောင်အဖွဲ့ဖြစ်ပြီး အစိုးရတပ်အနေဖြင့် စစ်ဥပဒေအရ တဖက်မှ လက်နက် ကိုင်အဖွဲ့ကို ဖမ်းဆီးမိပါက စစ်သုံ့ပန်းသဘောသာဖြစ်ပြီး အသက်သေဆုံးသည်အထိ နှိပ်စက်မှု မပြုလုပ်သင့် ကြောင်း မိုင်းဘုန်းကျော်က ဆက်လက်ပြောဆိုသည်။
၎င်းတပ်ကြပ် အယိုင်အောင်၏ အလောင်းကို ခလရ(၁၃၀)မှ တောထဲတွင် ပစ်ထားခံခဲ့ပြီး ယမန်နေ့က ဆွေမျိုး အသိုင်းအဝိုင်းများက မြေမြှုပ်လိုက်ပြီဖြစ်ကြောင်း သိရသည်။
ပြီးခဲ့သည့် နိုဝင်ဘာလ ၉ရက်နေ့၌လည်း သျှမ်းပြည်မြောက်ပိုင်း နမ့်ခမ်းမြို့နယ်နှင့် မိုင်းဝီးမြို့နယ်စပ်ရှိ TNLA တပ်စခန်းဖြစ်သည့် ထပ်ချပ်တောင်ကုန်းကို ၎င်းဒေသအတွင်း လှုပ်ရှားနေသည့် အစိုးရတပ်က လက်နက်ကြီး များဖြင့် ပစ်ခတ်သိမ်းပိုက်ခဲ့သည်။

http://www.kicnews.org/?p=14087

အပြည့်အစုံသို့... »

ပြည်တွင်းစစ်ကြောင့် ပလောင် လူ့အခွင့်အရေး အခြေအနေ ဆိုးရွား

ထိုင်း နယ်စပ်အခြေစိုက် ပလောင်အမျိုးသမီးအစည်းအရုံး PWO ကနေ ပလောင်ဒေသက စစ်မက်တွေနဲ့  စစ်ကြောင့်ဖြစ်ရတဲ့ အစီအရင်ခံစာတစောင်ကို ထုတ်ပြန်လိုက်ပါတယ်။   “စစ်ပွဲ၏ ၀န်ထုပ်ဝန်ပိုး”ဆိုတဲ့ ခေါင်းစဉ်နဲ့ ပြည်တွင်းစစ်ဖြစ်ပွား နေတဲ့ ပလောင်ဒေသမှာ ဒေသခံလူထုတွေ လူ့အခွင့်အချိုးဖောက်ခံရမှုအခြေအနေတွေ၊ ရွာပေါင်း ၁၅ရွာက အိမ်ခြေပေါင်း ၂၀၀၀ကျော် ပျက်စီးဆုံးရှုံးခဲ့ရတာတွေနဲ့ စစ်ကြောင့်ထွက်ပြေးကြရတဲ့ ဒုက္ခသည်တွေ၊ အထူးသဖြင့် အမျိုးသမီးနဲ့ ကလေးငယ်တွေဟာ ဆိုရင်လည်း အစားအစာအပြင် ဆေးဝါးအခက်အခဲတွေနဲ့ပါ ရင်ဆိုင်နေရတဲ့အကြောင်းကို ထည့်သွင်းဖော်ပြထားတာပါ။ ဒါ့အပြင် PWO ကနေပြီးတော့ မြန်မာအစိုးရတပ်တွေနဲ့ တိုင်းရင်းသားလက်နက်ကိုင်တွေ အကြား ဖြစ်ပွားနေတဲ့ စစ်ပွဲတွေ ရပ်ဆိုင်းပြီး နို်င်ငံရေးအရ တွေ့ဆုံ ညှိနှိုင်းအဖြေရှာဖို့ကို တောင်းဆိုလိုက်ပါတယ်။ အပြည့်အစုံကို မအေးအေးမာ က သတင်းပေးပို့ထားပါတယ်။

မြန်မာနိုင်ငံမှာ ပြည်တွင်းစစ်ကို မရပ်စဲနိုင်တဲ့ အတွက် ပလောင်ဒေသတွင်းမှာ မြန်မာ
အစိုးရတပ်တွေနဲ့ ကချင်အမျိုးသား လွတ်မြောက်ရေး ကေအိုင်အေ၊ တအောင်းအမျိုးသား လွတ်မြောက်ရေးတပ် ရှမ်းပြည် တပ်မတော်တို့ ရဲ ့တိုက်ပွဲတွေ ပြင်းထန်လာတာနဲ့အမျှ ပလောင်ဒေသတွင်းမှာ လူအခွင့်ရေးချိုးဖောက်မူတွေ ခံနေရတယ်ဆိုပြီး ထိုင်းမြန်မာနယ်စပ်မှာ ပလောင်အမျိုးသမီးအစည်းအရုံးက “စစ်ပွဲ၏ ၀န်ထုပ်ဝန်ပိုး” ဆိုတဲ့ အစီရင်ခံစာ ထုတ်ပြန်ပြီး သတင်းစာရှင်းလင်းပွဲလုပ်ခဲ့ပါတယ်။

“ဒီအစီရင်ခံစာရဲ့ အဓိက ရည်ရွယ်ချက်လေးခုရှိပါတယ်။ ပထမတချက်ကတော့ တိုင်းရင်းသားဒေသမှာ ရှိနေတဲ့ မြန်မာစစ်တပ်တွေကို ပြန်လည်ရုပ်သိမ်းပြီး၊  လူ့အခွင့်အရေး ချိုးဖောက်မှုနဲ့ ပြည်တွင်းစစ်တွေ ကို ရပ်တန့်ဖို့၊ ဒုတိယရည်ရွယ်ချက် ကတော့ မြန်မာအစိုးရ ကနေ ပြုပြင်ပြောင်းလဲရေး ဖော်ဆောင်နေ ပါတယ် ဆိုပေမဲ့ တကယ်တမ်းကျတော့ မြန်မာနိုင်ငံ မှာ ပြည်တွင်းစစ်တွေ ဖြစ်နေသေး တယ်။ ပြည်တွင်းစစ်တွေကြောင့် ပြည်တွင်း စစ်ပြေး ဒုက္ခသည်တွေ နေရာ အနှံ့အပြားရှိနေသေး တယ်။  ပလောင်ဒေသ မှာ ရှိနေတဲ့ ပြည်တွင်း ဒုက္ခသည်တွေရဲ့ အခြေအနေတွေ ကို ပြည်တွင်း၊ ပြည်ပ နိုင်ငံတကာ အသိုင်းအဝိုင်းတွေ သိရှိပြီးတော့မှ ပြည်တွင်းဒုက္ခသည်တွေ လိုအပ်နေတဲ့ အရေးပေါ် အကူအညီတွေ ကို ထောက်ပံ့ပေးဖို့ အတွက်၊ နောက်ဆုံး ရည်ရွယ်ချက်တခုကတော့ ကျမတို့ ပြည်တွင်းစစ်ပွဲကြောင့် အမျိုးသမီးနဲ့ ကလေးတွေ ပိုပြီးတော့မှ တန်ဆာခံဖြစ်တယ်။ ဒီ့တော့ ဒီစစ်ပွဲတွေကြောင့် ကျမတို့ ပလောင်ဒေသမှာ ရွာပေါင်း ၁၅ရွာပေါ့နော်။ အရင်တုန်းက လူဦးရေအရကြည့်မယ်ဆို ၂၀၀၀ကျော်၊ စစ်ပြေးဒုက္ခသည်တွေ တွေ့နေရတယ်။”

ဒီအစီရင်ခံစာမှာတော့ ပလောင်ဒေသတွင်းမှာ မြန်မာစစ်တပ်ဘက်က တပ်ရင်း ၁၆ရင်းနဲ့ နေရာယူထားပြီး ဒေသတွင်းက သယံဇာတတွေ နဲ ကုန်သွွယ်ရေး ရင်းနှီးမြုပ်နှံရေးအတွက် တိုင်းရင်သားလက်နက်ကိုင်တွေနဲ့ တိုက်နေစဉ်အတွင်း ဒေသခံပြည်သူတွေအနေနဲ့ ပေါ်တာဆွဲခံရခြင်း သူပုန်အားပေး ဆိုပြီး ဖမ်းဆီးနှိပ်စက်ခံနေရခြင်း၊ ဒေသခံတွေရဲ့ ပစ္စည်းတွေကို ဖျက်ဆီးခြင်းတွေ လုပ်ခဲဲ့တယ်လို့ ဆိုပြီး အစီရင်ခံစာအတွက် အချက်အလက်ကောက်ခဲ့သူ လွေးပိုးညှင်းက အခုလိုပြောသွားပါတယ်။

“ ကျမတို့ စစ်ပြေးဒုက္ခသည်တွေဟာ စပါးရိတ်သိမ်းချိန်မှာ ထွက်ပြေးရတဲ့ အတွက်ကြောင့်မို့လို့၊ စပါးတွေလည်း မသိမ်းနိုင်ခဲ့ဘူးပေါ့နော်။ အဲ့ဒီ့အခါကျတော့ ကိုယ့်အိမ်မှာရှိနေတဲ့ စားဖို့သောက်ဖို့ သိုလှောင်ထားတဲ့ ဆန်တွေကို သယ်ပြီးတော့မှ ဘုန်းကြီးကျောင်းတွေမှာ သွားထားပြီးတော့မှ အဲ့ဒီ့ဟာကိုပဲ စားသောက်နေရတာပေါ့နော်။ ကျန်တဲ့ဟာတွေဆိုရင် မြန်မာစစ်တပ်တွေလာတာ သူတို့အိမ်တွေမှာ ပိတ်ထားတယ်။ တီဗီတွေဘာတွေရှိတယ်။ အကုန်လုံး ဝင်ရောက်ပြီးတော့မှ ဖျက်ဆီးသွားတယ်။ ဘာရည်ရွယ်ချက်နဲ့ ဖျက်ဆီးတယ်ဆိုတာ ကျမတို့ မသိဘူးပေါ့။”

ပလောင်အမျိုးသမိးတွေရဲ့ အစီရင်ခံစာမှာ ၂၀၁၁ခုနှစ်၊မတ်လကစပြီး မြန်မာစစ်တပ်တွေရဲ့ လူအခွင့်အရေး ချိုးဖောက်မူကြောင့် မြို့နယ်၃မြို့နယ်က ကျေးရွာပေါင်း ၁၅ရွာက ဒေသခံတွေရဲ့ အိုးအိ်မ် ၂ထောင်ကျော် ပျက်စီးခဲ့ကြောင်းပါရှိပြီး ပလောင်ဒေသက ဒုက္ခသည်တွေအတွက် လူသားချင်းစာနာတဲ့ အကူအညီတွေလည်း မရရှိကြောင်း ရှမ်းပြည် မန်တုန်မှာရှိတဲ့ ဒုက္ခသည်တွေ နေထိုင်နေတဲ့နေရာတွေမှာ အစားအသောက် ဆေးဝါးတွေလိုအပ်နေကြောင်း သတင်းစာရှင်းလင်းပွဲမှာ ပြောဆိုခဲ့ပါတယ်။ မြန်မာအစိုးရအနေနဲ့ တိုင်းရင်သားလက်နက်ကိုင်တွေနဲ့ အပစ်ရပ်ပြီး နိုင်ငံရေးအရ ဆွေးနွေးဖို့ကိုလည်း တောင်းဆိုသွားပါတယ်။

http://burmese.voanews.com/content/the-burden-of-war-in-palung-burma/1539645.html

အပြည့်အစုံသို့... »

ပလောင်ကိုယ်ပိုင်အုပ်ချုပ်ခွင့်ရဒေသ မြို့တော်၌ မီးလောင်မှုဖြစ်ပွါး

သျှမ်းပြည်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မြို့တော်နမ့်ဆန်မြို့တွင် ယနေ့ မနက်ပိုင်း က မီးလောင်ရာ နေအိမ် ၅၀ ခန့် ဆုံးရှုံးခဲ့ရကြောင်း ဒေသခံများကပြောပါသည်။

“နေ့ခင်းပိုင်းမှာ မီးညွန့်ကျိုးသွားပါပြီ။ ဘယ်ကစလောင်သလဲဆိုတာတော့ စုံစမ်းနေဆဲပါ။ မြို့လယ် ရပ်ကွက်နဲ့ နမ့်မွန်းရပ်ကွက်မှာ လောင်တာ။ အိမ်ခြေ ၅၀ လောက်ပါသွားတယ်” ဟု နမ့်ဆန်မြို့ဒေသခံ ဆရာဦးအောင်ထွန်းက သျှမ်းသံတော်ဆင့်အားပြောပါသည်။

သျှမ်းပြည်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မြို့တော်နမ့်ဆန်မြို့

နိုဝင်ဘာ ၂ ရက် ယနေ့မနက် ၁၀ နာရီကျော်အချိန် မြို့လယ်ရပ်ကွက်မှ မီးစလောင်သည်ဟု သာ သိရ၏။ မီးလောင်ခြင်းအကြောင်းရင်းကိုမူ မသိရသေးပါ။ မီးလောင်မှုအား နမ့်ဆန်မြို့ မီးသတ်ကား ၂ စီး၊ ရေသယ်ကားတစီး နှင့် ပုဂ္ဂလိကကုမ္မဏီမှ မီးသတ်ကားတစီး စုစုပေါင်း ၄ စီးဖြင့် ဝိုင်းဝန်းငြိမ်းသတ် ခဲ့ရကြောင်း မီးငြိမ်းသတ်ရေး၌ ပါဝင်သူလူငယ်တဦးက ပြောပါသည်။

“အခုလောလောဆယ် ဒုက္ခသည်က ၃၀၀ လောက်ရှိတယ်။ ဘုန်းကြီးကျောင်းတွေမှာခိုလှုံနေရ တယ်။ ဆုံးရှုံးမှုတန်ဖိုးစုစုပေါင်း ခန့်မှန်းခြေ ကျပ်သိန်းပေါင်း ၂ သောင်းလောက်ရှိမယ်” ဟု ကူညီရေးလုပ်ငန်း လှုပ် ရှားဆောင်ရွက်နေသည့်  ဆရာအောင်ထွန်းကပြောပါသည်။

တဖက်ကလည်း အောက်တိုဘာလဆန်းကစ၍ ယနေ့အထိလည်း နမ့်ဆန်မြို့တဝိုက်တအာင်း ပြည်သူ့ လွတ်မြောက်ရေးတပ်မတော် TNLA အား မြန်မာစစ်တပ်ကထိုးစစ်ဆင်တိုက်ခိုက်မှုများ ပြုလုပ်နေသ ဖြင့် ကျေးလက်အုပ်ချုပ်ရေးမှူးများနှင့်ဒေသခံများလည်းမြန်မာစစ်တပ်၏ဖမ်းဆီး စစ်ဆေးမှုခံနေကြ ရကြောင်း ပလောင်(တအာင်း)အမျိုးသမီးအစည်းအရုံး၏ သတင်းစာမျက်နှာ တွင်ဖော်ပြထားပါသည်။

http://www.burmese.panglong.org/news/96-2008-08-03-06-49-23/3615-2012-11-02-08-56-32.html

အပြည့်အစုံသို့... »