ကချင်ဒုက္ခသည်များကို ဝါးရှောင်ဆရာတော် ငွေနဲ့ဆန်အိတ်် လှူဒါန်း

ကချင်ပြည်နယ် မြစ်ကြီးနားမြို့နယ်နဲ့ ဝိုင်းမော်မြို့နယ်ထဲက ကယ်ဆယ်ရေးစခန်း ၃ ခုနဲ့ ပူတာအိုက ဘုန်းတော်ကြီးကျောင်း ၂ ကျောင်းကို ဝါးရှောင်ဆရာတော် အရှင်ဝိဇယနဲ့ အလှူရှင်တွေ စုပေါင်းပြီး ဆန်အိတ် ရ၀ နဲ့ အလှူငွေ ကျပ် ၂၁ သိန်း အပါအဝင် စုစုပေါင်း ကျပ်သိန်း ၄၀ နီးပါးဖိုး ဒီကနေ့ ညနေပိုင်းမှာ လှူဒါန်းခဲ့ပါတယ်။

Photo: RFA/Kyaw Myo Min

ဝန်းသိုဘုန်းကြီးကျောင်းတွင် အလှူရှင်တွေလှူဒါန်းထားတဲ့ ဆန်အိတ်အချို့ကိုတွေ့ရစဉ်

ဆန်ရှားပါးပြတ်လတ်နေတဲ့ ပူတာအိုဒေသကို ဆန်နဲ့ အခြားအခြေခံစားသောက်ကုန်တွေကို တတ်နိုင်သလောက် လေယာဉ်နဲ့ တင်ပို့လှူဒါန်းနိုင်ဖို့အတွက် ကချင်ပြည်နယ်အစိုးရအဖွဲ့ကို  ပြီးခဲ့တဲ့ အောက်တိုဘာလ ၅ ရက်နေ့ကတည်းက စာတင်ထားခဲ့ရာမှာ ခွင့်ပြုချက်မရတဲ့အတွက် စစ်ဘေးရှောင် ကယ်ဆယ်ရေးစခန်းတွေကို အခုလိုလှူဒါန်းလိုက်ရတာပါလို့ ဝါးရှောင်ဆရာတော်က RFA ကို အခုလို မိန့်ပါတယ်။
မြစ်ကြီးနားမြို့ ဝန်းသိုဘုန်းတော်ကြီးကျောင်း ကယ်ဆယ်ရေးစခန်းကိုဆန်အိတ် ၁၀ အိတ်၊ ဝိုင်းမော်မြို့ သာဂရသရက်တောကျောင်းတိုက်နဲ့  ခတ်ချိုကျေးရွာအလယ်ပိုင်းမှာရှိတဲ့ ကယ်ဆယ်ရေးစခန်း ၂ ခုကို ဆန်အိတ် ၃၀ စီနဲ့၊ ပူတာအိုမြို့နယ်ထဲက ဖန်ခိုင်နဲ့ ဟိုခို ဘုန်းတော်ကြီးကျောင်း ၂ ကျောင်းကို
ငွေကျပ် ၂၁သိန်း လှူဒါန်းးမှာဖြစ်တယ်လို့သိရပါတယ်။

http://www.rfa.org/burmese/news/monk-donate-kachin-11102012085316.html

	ဆရာတော် အသံဖိုင်နားထောင်ရန်
	အသံဖိုင်ယူရန်။

Posted in: ကချင်,ကချင်စစ်ပြေးဒုက္ခသည်,စစ်ပြေးဒုက္ခသည်,သတင်း