အစိုးရတပ်များ KIA တပ်မဟာ ၅ နယ်မြေသို့ စစ်လက်နက်များနှင့် အင်အား တိုးချ

မြစ်ကြီးနားမြို့ ပေါ်တွင် လုံခြုံရေးယူနေတဲ့ မြန်မာအစိုးရတပ်များ။

မြန်မာအစိုးရတပ်သည် ကချင်ပြည်နယ် အရှေ့ဘက် မြစ်ကြီးနား-မန်မော် (ဗန်းမော်) လမ်း ကချင်လွတ်မြောက်ရေးတပ်ဖွဲ့ (KIA) တပ်မဟာ (၅) နယ်မြေသို့ စစ်အင်အားများ တိုးချဲ့နေကြောင်း သိရသည်။
ယမန်နေ့ နိုဝင်ဘာလ ၅ ရက် ည ၁၀ နာရီချိန်တွင် စစ်အင်အား ၈၀ ကျော်အား ခလရ ၁၀၅ တပ် အခြေစိုက်သည့် ဂန်ဒေါင်ယန် (Gangdau Yang) စခန်းသို့ အင်အားဖြည့်ခဲ့သည်ဟု ဒေသခံများဆိုသည်။
နိုဝင်ဘာ ၁ ရက်နေ့တွင် မြန်မာအစိုးရတပ် ခလရ (၃၇) နှင့် ခမရ (၃၈၉) တပ်ပေါင်းစု စစ်ကြောင်းသည် မြစ်ကြီးနားမှကားဖြင့် လေတပ်သို့ ရောက်ရှိလာပြီး စက်လှေဖြင့်တစ်ဘက်ကမ်း တာလောကြီးစခန်းသို့ ရောက်ရှိလာကြောင်းသိရသည်။
“အင်အား ၁၅၀ ကျော်တယ်။ တာလောကြီးစခန်းဖက်ကို ပြန်ဖြည့်တယ်ထင်တယ်။ မနေ့ညက ဂန်ဒေါင်ယန်ဘက်သို့ ပြန်ဖြည့်လာတယ်။” ဟု ရှေ့တန်းမှ KIA အရာရှိတဦး KNG ကချင်သတင်းဌာန သို့ုပြောသည်။
ထို့နောက် မြစ်ကြီးနားမှ တပ်ရင်းအမည်မသိသော မြန်မာအစိုးရစစ်ကြောင်းသည်လည်း နိုဝင်ဘာ ၁ ရက် ကြာသပတေးနေ့တွင် ကား ၈ စီး ဖြင့် တာလောကြီး စခန်းသို့ လက်နက်ကျည်ဆံများနှင့် စစ်အင်အားများ ဖြည့်ခဲ့သည်။
“ကား ၁ စီးမှာ ၁၀ ယောက်ပါတယ်။ အဲဒီည ချက်ချင်း ၂ စီး မြစ်ကြီးနားသို့ ပြန်ခေါက်သွားတယ်။” ဟု KIA အရာရှိက KNG ကချင်သတင်းဌာန ဆက်ဆိုသည်။
မန်မော် (ဗန်းမော်) ခရိုင် အင်မောက် (မိုးမောက်) မြို့နယ် တာခေါ်ခ (တာပိန်) ရေအားလျှပ်စစ် ခြုံလုံရေးယူထားသည့် မြန်အစိုးရတပ်အင်အား ၁၀၀ ကျော်နှင့် KIA တပ်မဟာ (၅) အောက် တပ်ရင်း (၂၅) တို့သည် နိုဝင်ဘာ ၂ ရက်နေ့ ၆ နရီခွဲချိန်တွင် ပစ်ခတ်မှုဖြစ်ပွားခဲ့ကြောင်း သိရသည်။
“မြစ်ရဲ့ ဟိုဘက်ဒီဘက်ကနေ ပစ်ကြတာ။ ၃ မိနစ်လောက်ပစ်ပြီး ကျွန်တော်တို့ဘက်က ၆၀ မမ နဲ့့ ပြန်ပစ်လိုက်တဲ့ချိန် သူတို့ဘက်က ငြိမ်သွားတယ်။” ဟု ရှေ့တန်းမှဆိုသည်။
၎င်းအစိုးရတပ်သည် ဂါးရာယန် (Ga Ra Yang) အစိုးရကျောင်းတွင် အင်အား ၅၀ နီးပါးလှုပ်ရှားနေပြီး ယခုချိန် ဂျာပူ (Ja Pu)၊ မလီ (Mali) ဘက်သို့ ခြေလျှင်ဖြင့်ရောက်ရှိနေကြောင်းသိရသည်။
မြန်မာအစိုးရသည် တဖက်တွင် ငြိမ်းချမ်းရေးဆွေးနွေးရန်ကမ်းလှမ်းကာ တစ်ဖက်တွင် KIA နယ်မြေများသို့ စစ်အင်အားနှင့် လက်နက်များ တိုးချဲ့နေခြင်းဖြစ်သည်။

http://kachinnews.com/burmese/news/991-%E1%80%A1%E1%80%85%E1%80%AD%E1%80%AF%E1%80%B8%E1%80%9B%E1%80%90%E1%80%95%E1%80%B9%E1%80%99%E1%80%BA%E1%80%AC%E1%80%B8-kia-%E1%80%90%E1%80%95%E1%80%B9%E1%80%99%E1%80%9F%E1%80%AC-%E1%81%85-%E1%80%94%E1%80%9A%E1%80%B9%E1%80%B1%E1%80%BB%E1%80%99%E1%80%9E%E1%80%AF%E1%80%AD%E1%82%94-%E1%80%85%E1%80%85%E1%80%B9%E1%80%9C%E1%80%80%E1%80%B9%E1%80%94%E1%80%80%E1%80%B9%E1%80%99%E1%80%BA%E1%80%AC%E1%80%B8%E1%82%8F%E1%80%BD%E1%80%84%E1%80%B9%E1%80%B7-%E1%80%A1%E1%80%84%E1%80%B9%E1%80%A1%E1%80%AC%E1%80%B8-%E1%80%90%E1%80%AD%E1%80%AF%E1%80%B8%E1%80%81%E1%80%BA.html

Posted in: ကချင်,ကချင်စစ်ဆင်ရေး,စစ်ဆင်ရေး,သတင်း