Wednesday, August 29, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
ဒုက္ခသည်များသည် ဖားကန့်မြို့ လုံးခင်း၊ မေသီလကျောင်း၊ ရခိုင်ရိုးရာ ယဉ်ကျေးမှုကျောင်း၊ ရှမ်းရိုးရာ ယဉ်ကျေးမှုကျောင်း၊ ဗုဒ္ဓဘုန်းကြီးကျောင်း စသည့်နေရာများနှင့် ကက်သလိတ် RC ဘုရားကျောင်း၊ ခရစ်ယာန်နှစ်ခြင်းကျောင်းများတွင် ထွက်ပြေးတိမ်းရှောင်လာခဲ့ခြင်းဖြစ်ကြောင်း ဖားကန့်ဒေသခံများ KNG ကချင်သတင်းဌာနသို့ပြောသည်။
တိုက်ပွဲများကြောင့် ထွက်ပြေးတိမ်းရှောင်လာသူ ဒုက္ခသည်များ ပိုမိုတိုးလာပြီး ၄င်းတို့အတွက် အရေးပေါ်ကူညီဆောင်ရွက်မှုများ လိုအပ်နေကြောင်း အဆိုပါ ဒုက္ခသည်များခိုလှုံလာသည့် ခရစ်ယာန်အသင်းတော်များမှသိရသည်။
ယခုအချိန် စစ်ပြေးဒုက္ခသည်များခိုလှုံရာစခန်းများတွင် ဝမ်းပျက်၊ ဝမ်းလျော ဖြစ်ပွားနေပြီး ၄င်းတို့အတွက် အဓိက အစားအသောက်၊ ရေရှားပါးမှု၊ ဆေးဝါးများ အကူအညီလိုနေကြောင်း ဒုက္ခသည်များကိုကူညီသူတစ်ဦး ပြောသည်။
“နဂိုကတည်းက ဖျားနာ နေတာလဲပါနေတယ်ဆိုတော့ ခုဒုက္ခသည်စခန်းပြန်ရောက်လာတော့ ပိုဆိုးနေတယ်။ ရေ (သောက်ရေသန့်)က ခက်နေတော့ အရမ်းဒုက္ခရောက်နေကြတယ်” ဟုပြောသည်။
ယခုချိန် ဒုက္ခသည်များကို အသင်းတော်များနှင့် ကျောက်ကုန်သည်အချို့၏ ကူညီမှုဖြင့် ရပ်တည်နေကြောင်း သိရသည်။
ကျောက်စိမ်းလုပ်ကွက်များရှိရာ ဖားကန့်ဒေသသို့ အစိုးရတပ်များ စတင်ထိုးစစ်ဆင်တိုက်ခိုက်လာမှုကြောင့် သြဂုတ်လ ၁၈ ရက်မှစ၍ ဒေသခံများ ကုန်သည်များ နီးစပ်ရာသို့ ထွက်ပြေးတိမ်းရှောင်နေကြခြင်းဖြစ်သည်။
http://kachinnews.com/burmese/news/922-%E1%80%90%E1%80%AD%E1%80%AF%E1%80%80%E1%80%B9%E1%80%95%E1%80%BC%E1%80%B2%E1%80%99%E1%80%BA%E1%80%AC%E1%80%B8%E1%80%B1%E1%81%BE%E1%80%80%E1%80%AC%E1%80%84%E1%80%B9%E1%80%B7-%E1%80%96%E1%80%AC%E1%80%B8%E1%80%80%E1%80%94%E1%80%B9%E1%82%94%E1%80%90%E1%80%BC%E1%80%84%E1%80%B9-%E1%80%85%E1%80%85%E1%80%B9%E1%80%B1%E1%80%BB%E1%80%95%E1%80%B8%E1%80%92%E1%80%AF%E1%80%80%E1%81%A1%E1%80%9E%E1%80%8A%E1%80%B9-%E1%81%86%E1%81%80%E1%81%80%E1%81%80-%E1%80%B1%E1%80%80%E1%80%BA%E1%80%AC%E1%80%B9%E1%80%91%E1%80%AD%E1%80%90%E1%80%AD%E1%80%AF%E1%80%B8%E1%80%9C%E1%80%AC.html
Posted in: ကချင်,စစ်ပြေးဒုက္ခသည်,သတင်း
