September 5, 2012

နှစ်ဘက် တပ်ကျင့်ဝတ် KNU နှင့် အစိုးရသဘောတူ

စက်တင်ဘာလ ၀၄ ရက် ၂၀၁၂ ခုနှစ်။

ချင်းမိုင် (မဇ္ဈိမ) ။        ။ နှစ်ဖက်တပ်များ လိုက်နာသင့်သော ကျင့်ဝတ်များအပေါ် အစိုးရနှင့် ကရင်အမျိုးသား အစည်းအရုံးတို့ အင်္ဂါနေ့က သဘောတူလက်မှတ် ရေးထိုးလိုက်နိုင်သည်ဟု KNU ပြောရေးဆိုခွင့်ရှိသူ နော်မေဦးက
ပြောသည်။

“ဒီအထဲမှာ နှစ်ဘက်တပ်တွေ လိုက်နာရမယ့် အချက်အလက်တွေ။ ပြည်သူလူထုကို ဘယ်လိုပုံစံ ဆက်ဆံရမှာလဲ။ ဘယ်လိုအချက်တွေ လိုက်နာရမှာလဲ။ စောင့်ကြပ်ကြည့်ရှု့တဲ့ ကော်မတီတွေ ဖွဲ့စည်းဖို့၊ ဒီကော်မတီ ကနေပြီးတော့ အပစ်အခတ် ရပ်စဲရေးကို ခိုင်မာမှု ရှိမရှိ၊ သေချာမှု ရှိမရှိ။ စောင့်ကြပ်ကြည့်ရှု့တာတွေလုပ်ဖို့ ရေးသားထားပါတယ်။” ဟု ဒေါ်နော်မေဦးက ပြောသည်။

တပ်များ၏ ကျင့်ဝတ်နှင့် ပတ်သက်သော ဒုတိယမူကြမ်းအပေါ် သဘောတူနိုင်ခဲ့ခြင်းဖြစ်ပြီး ဆက်လက်၍လည်း
နှစ်ဘက်တပ်များ ရွှေ့ပြောင်းရေးကို ဆွေးနွေးလျက်ရှိသည်။

KNU ဘက်မှ တပ်မဟာ ၁ မှ ရ ထိ နေရာချထားရေးနှင့် ပတ်သက်၍ တင်ပြခဲ့ရာ ၎င်းတို့ တင်ပြချက်အား ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ထံ တင်ပြသွားမည်ဟု သမ္မတဦးသိန်းစိန်၏ ငြိမ်းချမ်းရေး ကိုယ်စားလှယ်အဖွဲ့က အကြောင်းပြန်ခဲ့သည်ဟု သိရသည်။

သမ္မတရုံးဝန်ကြီးသစ်များဖြစ်ကြသော ဦးအောင်မင်းနှင့် ဦးစိုးသိန်း၊ လူဝင်မှုကြီးကြပ်ရေး ဝန်ကြီး ဦးခင်ရီ၊ သစ်တော ဝန်ကြီး တင်အောင်၊ အရှေ့တောင်တိုင်း စစ်တိုင်းမှူး ဗိုလ်ချုပ် ခင်မောင်ဝင်းနှင့် ပြည်နယ် အစိုးရအဖွဲ့များလည်း တက်ရောက်ခဲ့သလို၊ KNU ဘက်မှ  အထွေထွေအတွင်းရေးမှူး နော်စီဖိုးရာစိန် ဦးဆောင်သော ကိုယ်စားလှယ် အဖွဲ့တို့ ဘားအံမြို့ ဇွဲကပင်ဟိုတယ်တွင် တွေ့ဆုံဆွေးနွေးခဲ့ကြခြင်း ဖြစ်သည်။

ဇန်နဝါရီလက ပြည်နယ်အဆင့် အပစ်အခတ် ရပ်ဆိုင်းရေး သဘောတူညီထားချက်နှင့် ပတ်သက်၍ နှစ်ဘက်လုံးက
ပြင်ဆင်လိုလျှင် ပြင်ဆင်ခွင့်ရှိကြောင်း နှစ် ၂၀ ကျော်ကာလတွင် မြန်မာပြည်သို့ တရားဝင် ပြန်လာလည်ပတ်နေသော ငြိမ်းချမ်းရေး အကျိုးဆောင် ဦးညိုအုန်းမြင့်ကပြောသည်။

ငြိမ်းချမ်းရေးဆွေးနွေးပွဲ၏ အခရာကျသော အကြောင်းအရာတခုဖြစ်သည့် နှစ်ဘက်တပ်များ၏ တည်နေရာနှင့် ပတ်သက်၍ ဆွေးနွေးရန်များစွာ ကျန်ရှိနေသေးသည်။ ဇန်နဝါရီ ၁၂ ရက်နေ့က KNU နှင့် အစိုးရအဖွဲ့တို့ ပြည်နယ် အဆင့် အပစ်ခတ်ရပ်စဲရေး သဘောတူ လက်မှတ်ရေးထိုးခဲ့ကြပြီးနောက် ဆွေးနွေးမှုများ ဆက်လက်ဖြစ်ထွန်းခဲ့သည်။

သို့သော် အစိုးရ ငြိမ်းချမ်းရေးဖော်ဆောင်ရေးလုပ်ငန်း ကော်မတီ ကိုယ်စားလှယ်များနှင့် တွေ့ဆုံရာတွင် ပွင့်လင်းမှုရှိပြီး ရင်းရင်းနှီးနှီး ဆွေးနွေးသည့်အပေါ် ကျေနပ်သော်လည်း ထင်သလောက် ခရီးမရောက်သေးကြောင်း နော်မေဦးက သုံးသပ်သည်။

“တွေ့ဆုံဆွေးနွေးပွဲတခုတည်းအပေါ်မှာ ကြည့်မယ်ဆိုရင်တော့ ကျေနပ်အားရမှုရှိပါတယ်။ ကျမတို့ အမြဲတမ်း ပွင့်ပွင့်လင်းလင်း ဆွေးနွေးတဲ့အပေါ်မှာတော့ ကျေနပ်မှုရှိပါတယ်။ ဒါပေမဲ့ ကျမတို့က ဖြစ်စဉ်ကြီးတခုလုံး အတွက်ကို
ရေရှည်အတွက်ကို ဆွေးနွေးတဲ့အခါကျတော့ ထင်သလောက်တော့ ခရီးမပေါက်သေးဘူးပေါ့။ ဒါပေမယ့် သွားနေပါတယ်”ဟု သူက မဇ္စျိမကို ပြောသည်။

KNU သည် ယခုနှစ် ဇန်နဝါရီလက အပစ်အခတ် ရပ်စဲခဲ့ပြီး ပဲခူးတိုင်း ကျောက်ကြီးမြို့နယ်၊ ကရင်ပြည်နယ် မြဝတီမြို့၊ ကြာရင်းဆိပ်ကြီးမြို့နယ် ဘုရားသုံးဆူနှင့် တနင်္သာရီတိုင်း ထားဝယ်တို့တွင် ဆက်ဆံရေးရုံးများ ဖွင့်လှစ်ထားပြီး
ဖြစ်သည်။
 
http://mizzimaburmese.com/news/inside-burma/10032---knu--.html
Related Posts Plugin for WordPress, Blogger...

အင်တာဗျူး

ငြိမ်းချမ်းရေးအတွက်ယုံကြည်မှုတည်ဆောက်ဖို့ သျှမ်း-ကယား ဆွေးနွေးပွဲကို အခုလ ၂၀ ရက်နေ့မှာ လားရှိုးမြို့မှာကျင်းပ မယ်လို့ သိရပါတယ်။ ထာဝရ ငြိမ်းချမ်းရေးရဖို့ ဒီဆွေးနွေးပွဲ ဖြစ်မြောက်ရေး ဦးဆောင်တဲ့ပုဂ္ဂိုလ်တွေက ဘယ်လိုရည်မှန်း ထား ကြသလဲ၊ ဘာတွေဆက်လုပ်သင့်သလဲဆိုတာ သိရအောင် ကယားပြည်နယ်ကိုယ်စားပြု ဆွေးနွေးပွဲဖြစ်မြောက်ရေး ကော်မတီဝင် ကယန်းပြည်သစ်ပါတီ တွဲဖက်အတွင်းရေးမှူး ၁ ဗိုလ်မှူးစောလွင်ကို သျှမ်းသံတော်ဆင့်က ဆက်သွယ်မေးမြန်း ထားပါတယ်။

အပြည့်အစုံသို့ ...

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲအပေါ် KNPP ရဲ့အမြင်

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲမှာ လက်နက်ကိုင်အဖွဲ့အစည်းနဲ့ နိုင်ငံရေးပါတီ တွေ စုစုပေါင်း ၂၅ ဖွဲ့ ကိုဖိတ်ကြားထားတယ်လို့သိရပါတယ်။

အပြည့်အစုံသို့ ...

တိုင်းရင်းသားတွေ အပေါ် မတန်တဆလက်နက်တွေနဲ့ တိုက်ခိုက်နေတာကို သူရဲကောင်းတွေလို့ သတ်မှတ်ရမှာလား

ပြည်ထောင်စုနေ့ကျရောက်ခါနီး ၄ ရက်အလို ယခုလ ၈ ရက်နေ့က အစိုးရစစ်တပ်တွင်း သူရဘွဲ့ ၃ ဆု အပါအဝင် သူရဲ ကောင်းမှတ်တမ်းဝင် ရ၈ ဆုနှင့် တပ်မတော်သားကောင်းဆု ၁၅၀၀ ကျော်ခန့် ချီးမြှင့်ခဲ့သည့် အပေါ် သျှမ်းသံတော်ဆင့် သတင်းဋ္ဌာနမှ တရုတ်နယ်စပ် စစ်ရေး ၊ နိုင်ငံရေးလေ့လာသူ ဦးအောင်ကျော်ဇောအား တွေ့ဆုံမေးမြန်းတင်ပြချက်။

အပြည့်အစုံသို့ ...

ဖုန်းဆင်းမ်ကတ်တွေ အိမ်တိုင်ရာရောက် အလကားပေးမယ်

ဆက်သွယ်ရေးလုပ်ငန်းများ လုပ်ဆောင်နိုင်ရန် တင်ဒါစိစစ် ရွေးချယ်ရေး ကော်မတီက ဇန်နဝါရီလ ၁၅ ရက်တွင် တင်ဒါခေါ်ယူထားရာ Red Link ကုမ္ပဏီလည်း လျှောက်ထားလိုက်ပြီး လုပ်ငန်း လုပ်ဆောင်ခွင့် ရရှိမည် ဆိုပါက ဖုန်းဆင်းမ်ကတ်များကို အိမ်တိုင်ရာရောက် အခမဲ့လိုက်လံဝေငှပေးမည်ဟု ကုမ္ပဏီ ဒုဥက္ကဋ္ဌ ဦးမင်းဆွေလှိုင်ကပြောဆိုသည်။

အပြည့်အစုံသို့ ...

အစိုးရနဲ့စစ်တပ် အကြံအစည်ဟာ KIO ကို အမြစ်ပြတ်ချေမှုန်းရေးပဲ ဖြစ်တယ်

၁၇ နှစ်ကျော်ကြာ အပစ်ရပ်ထားသော ကချင်ပြည်လွတ်လပ်ရေးအဖွဲ့ KIO / KIA နှင့် အစိုးရတပ်တို့ အကြား တိုက်ပွဲများ ပြန်လည် ဖြစ်ပွားခဲ့သည်မှာ ယနေ့ဆိုလျှင် အချိန်အားဖြင့် ၁ နှစ် ၈ လကျော် ကြာမြင့်ခဲ့ပြီ ဖြစ်သည်။

အပြည့်အစုံသို့ ...

သျှမ်းနှင့်ကယား ငြိမ်းချမ်းရေးအတွက် ယုံကြည်မှုတည်ဆောက်ခြင်း ဆွေးနွေးပွဲ လားရှိုး၌ကျင်းပ

ငြိမ်းချမ်းရေးအတွက်ယုံကြည်မှုတည်ဆောက်ခြင်း ဆွေးနွေးပွဲ သျှမ်းပြည်နယ်နဲ့ကယားပြည်နယ်ကို ဒီကနေ့ သျှမ်းပြည်မြောက်ပိုင်း လားရှိုးမြို့မှာ ကျင်းပခဲ့တယ်လို့ ကြားသိရပါတယ်။ သျှမ်းတိုင်းရင်းသား များဒီမိုကရေစီအဖွဲ့ချုပ်က ကမကထပြုတဲ့ ဒီဆွေးနွေးပွဲကနေ ဘာတွေဆွေးနွေးနိုင်ခဲ့သလဲ။ ဘယ်သူ တွေ ပါဝင်ဆွေးနွေးသလဲ သိရအောင်လို့ SNLD ပြောခွင့်ရပုဂ္ဂိုလ်စိုင်းလိတ်ကို သျှမ်းသံတော်ဆင့်က ဆက်သွယ်မေးမြန်းထားပါတယ်။

Last Updated on ကြာသပတေးနေ့၊ ဇန်နဝါရီလ 31 ရက် 2013 ခုနှစ် အပြည့်အစုံသို့ ...

ဗိုလ်ချုပ်မှူးကြီး “ဘာမှ ဝင်ရောက်စွက်ဖက်တာ မရှိပါဘူး” ဟု ဦးဌေးဦး ပြော

ယခင် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေမှာ လက်ရှိအခင်းအကျင်း ရောက်အောင် ဖန်တီး၍ လွှဲအပ်သွားခဲ့ပြီးနောက် မည်သည့်စွက်ဖက်မှုမျှ မရှိတော့ကြောင်း ဗိုလ်ချုပ်မှူးကြီး သန်းရွှေနှင့် တွေ့ဆုံခွင့်ရသူ အနည်းစုထဲမှ တဦးဖြစ်သည့် အာဏာရ ကြံ့ခိုင်ရေးပါတီ၏ ဒုတိယ ဥက္ကဋ္ဌ ဦးဌေးဦး က ပြောဆိုလိုက်သည်။

အပြည့်အစုံသို့ ...

ကချင်စစ်ပွဲအရေး အစိုးရက လုံးဝ တာဝန်ရှိ

ကချင်ပြည်နယ်အတွင်း ဖြစ်ပွားနေတဲ့ စစ်ရေးပဋိပက္ခတွေ၊ စစ်ပြေးဒုက္ခသည်တွေရင် ဆိုင်နေရတဲ့ ဒုက္ခကနေ အမြန်ဆုံး လွှတ်ကင်းအောင် ၊ ပဋိပက္ခတွေ ပြေလည်ငြိမ်းအေးအောင် သမ္မတနဲ့ အစိုးရကို တိုက်တွန်း တဲ့ ကြေငြာချက်တစောင် သျှမ်းတိုင်းရင်း သားများ ဒီမိုကရေစီအဖွဲ့ ချုပ် SNLD က ဇန်နဝါရီလ ၁၆ ရက်နေ့စွဲနဲ့ ထုတ် ပြန်ခဲ့ပါတယ်။

အပြည့်အစုံသို့ ...

 
Design by Free WordPress Themes | Bloggerized by Lasantha - Premium Blogger Themes | Hot Sonakshi Sinha, Car Price in India