သမ္မတ၏ ငြိမ်းချမ်းရေး ပေါ်လစီသည် စစ်ဆင်ရေးသာဖြစ်

ရှမ်းပြည် တိုးတက်ရေး ပါတီ (SSPP) တပ်ဖွဲ့များ ရှမ်းပြည် အလယ်ပိုင်း မိုင်းရှူး မြို့နယ်ရှိ တာ့ဆမ်းပူး (ကူးတို့ဆိပ်) ဒေသမှ ယနေ့ နောက်ဆုံး ထားပြီး အမြန်ဆုံး ဆုတ်ပေးရန် ရှမ်းပြည်နယ် နယ်စပ်ရေးရာ ၀န်ကြီး ဗိုလ်မှူးကြီး အောင်သူက ရာဇာသံ ပေးထား သည်ဟု SSPP ပြောခွင့်ရသူ ဗိုလ်မှူးကြီး ဖိန်ဖက ဆိုပါသည်။
“အဲဒီ နေရာဟာ ကျနော်တို့ ဗဟို စခန်းနဲ့ (၈) မိုင်လောက်ဘဲ ဝေးပါတယ်။ အဲဒီ ရာဇာသံ စာကို ကျနော်တို့ ဗဟို ဆက်ဆံ ရေး အရာရှိ နော်လစ်က တဆင့် ပေးတာပါ။ ဆုတ်မယ် မဆုတ်ဘူး ဆိုတာက ဗဟိုက ကျနော်တို့ကို ဘာမှ မပြော သေးပါဘူး။ အရင် တုန်းကတော့ ရာဇသံ (၃) ကြိမ်ပေးပြီး ဆုတ်ခိုင်း ဘူးပါတယ်။ ရာဇသံ အတိုင်း ကျနော်တို့ ဆုတ်ပေး ခဲ့တယ်။ အဲဒီ ဇူလိုင်လ ဆန်းက စပြီး အရေးပေါ် ဗဟို ကော်မီတီ အစည်းအဝေး ထိုင်တယ်။ နောက်ထပ် မဆုတ်ဖို့ အမိန့် ပေးထား ခဲ့တယ်” ဟု ဆိုပါသည်။
ရာဇသံ၏ နောက်ဆုံး သတ်မှတ်ရက်သည်၊ တပ်ချုပ်ကြီး မင်းအောင်လှိုင်က ရွှေကြိဂံ တိုင်းရှိ အဆင့်မြင့် စစ်သင်တန်း ကျောင်းကို သွားရောက် စစ်ဆေး နေချိန်လည်း ဖြစ်သည်။ ဤသည် အစိုးရ စစ်တပ် အရာရှိကြီး တိုင်း၏ ခရီးစဉ်တွင် ပါ၀င် ရမည့် ပြကွက် တခု ဖြစ်ပြီး တကယ့် ခရီးစဉ်၏ ရည်ရွယ်ချက်မှာ စစ်ဆင်ရေး ကိစ္စသာ ဖြစ်ဖွယ် ရှိသည်ဟု စစ်ရေး လေ့လာ သူများက ဆိုပါသည်။
http://www.mwdmedia.net/2012/10/blog-post_5.html
အစိုးရသည် ကချင်ပြည် လွတ်လပ်ရေး အဖွဲ့ (KIO) ကို တပ်ရင်းပေါင်း (၁၀၀) ကျော်ဖြင့် အင်အားပေါင်း တသောင်း ခွဲခန့် ထိုးစစ်ဆင် နေသည်ဟု (KIO) ဖက်က တွက်ဆ ထားသလို KIO ဖက်၌လည်း အင်အား (၇၀၀၀) ခန့် ရှိလိမ့်မည်ဟု လေ့လာသူ များက ခန့်မှန်း ထာပါးသည်။ ဤမျှ များပြားသော အင်အားဖြင့် စစ်ခင်းနေမှုကို ကာကွယ်ရေး ၀န်ကြီး ဌာန စစ်ဆင်ရေး အထူး အဖွဲ့ (ကစထ) မှူး ဒုတိယ ဗိုလ်ချုပ်ကြီး မြင့်စိုးအား အနီးကပ် ကြီးကြပ် စေခဲ့ပါသည်။
http://phophtaw.org/burmese/index.php/news/local-news/1938-kia-.html
KIO ကို စစ်ရေး အရ ဤကဲ့သို့ ကြီးကြပ် စေသလို နိုင်ငံရေး အရလည်း ကချင်ပြည် လွတ်လပ်ရေး အဖွဲ့နှင့် တွေ့ဆုံ ဆွေးရေး လုပ်ငန်းစဉ်ကို ကြည်းတပ် ဦးစီးချုပ် ဗိုလ်ချုပ်ကြီး စိုးဝင်းအား တာဝန် ပေးအပ် ထားပါသည်။ ဤသည် ကချင်ပြည် လွတ်လပ်ရေး အဖွဲ့၏ အင်အားအပေါ် မူတည်ပြီး မြန်မာ စစ်တပ်၏ ကိုင်တွယ်မှုပင် ဖြစ်သည်။
ဤသည်ကို ထောက်ရှုခြင်း အားဖြင့် တပ်ချုပ်ကြီး ဒုတိယ ဗိုလ်ချုပ် မှူးကြီး မင်းအောင်လှိုင်၏ ရွှေတြိဂံတိုင်း ခရီးစဉ်သည်၊ စစ်ဆင်ရေး အရ  အကဲဖြတ်ပါက အမေရိကန်၏ Cobra Gold နှင့် ပူးတွဲ စစ်လေ့ကျင့်ရေး အတွက် ကြိုတင် ပြင်ဆင်မှုလည်း ဖြစ်နိုင်သလို၊ ရှမ်းပြည်နယ်တွင်းရှိ ၀၊ SSPP ၊မိုင်းလားနှင့် RCSS အဖွဲ့များကို စစ်ဆင်ရန် ကြိုတင် ပြင်ဆင်သည့် ခရီးစဉ်လည်း ဖြစ်နိုင်ကြောင်း၊ စစ်ရေး လေ့လာ သူများက ဆိုပါသည်။
http://www.phophtaw.org/burmese/index.php/news/local-news/2021--cobra-gold-.html
http://burma.irrawaddy.org/archives/20984

၀ တပ်တစိပ်တဒေသ

ဤနေရာ၌ အစိုးရသည် KIA ကို ကိုင်တွယ်သလို ၀ပြည် သွေးစည်း ညီညွတ်ရေး ပါတီ အပေါ် ကိုင်တွယ်၍ မဖြစ်နိုင်ပေ။ ၀ပါတီ၌ ပင်လျှင် လက်နက်ကိုင် အင်အား (၅) သောင်းခန့် ရှိပြီး ခေတ်မှီ လက်နက်ဆန်း များလည်း ရှိနေသည်ဟု သတင်းများက ဆိုထားပါသည်။ ဤသို့ကြောင့် စစ်ဆင်ရေး အရ KIO ထက် ကြီးကျယ် သဖြင့် စစ်ဆင်ပါက တပ်ချုပ် ကိုယ်တိုင် တိုက်ရိုက်ကြီး ကြပ်သော စစ်ဆင်ရေးသာ ဖြစ်ဖွယ် ရှိပါသည်။ ၄င်း၏ ခရီးစဉ် ထဲတွင် ကြည်း၊ ရေ၊ လေ တပ်ပေါင်း စစ်ဆင်ရေး မှူးလည်း ပါ၀င်ခဲ့ သဖြင့် တြိဂံတိုင်းနှင့် ညှိနှိုင်းဖွယ် ရှိပါသည်။
SSPP ၏ ဌာနချုပ်သည် သီးခြား တည်ရှိသလို ၀ ပြည် သွေးစည်း ညီညွတ်ရေး ပါတီ၏ ဌာနချုပ်၌လည်း ရှိပါသည်။ အစိုးရ သည် မိုင်းရှူးနှင့် မိုင်းယမ်းမြို့နယ်ရှိ သံလွင် အနောက်ဖက် ကမ်းဒေသ၌ ရှိသော မည်သည့် တိုင်းရင်းသား အဖွဲ့မဆို ဆုတ် ပေးရန် ရာဇသံ ပေးနေခြင်း ဖြစ်ပါသည်။ ဤရာဇသံ များသည် ငြိမ်းချမ်းရေး တည်ဆောက် နေပါသည်ဟု ကြွေးကြော် နေသော အစိုးရ၏ ဦးတည်ချက်နှင့် လွဲမှား နေပါသည်။
တပ်မတော်သည် ၄င်း၏ အမိန့်ကို နာခံသော တပ်မတော် ဖြစ်သည်ဟု သမ္မတ ကိုယ်တိုင်က ပြောနေပါသည်။ ဤသို့ကြောင့် သမ္မတ၏ ပြည်တွင်း ငြိမ်းချမ်းရေး အစီစဉ်သည် အပစ်အခတ် ရပ်စဲရေး အပေါ် အမြတ်ထုတ်ပြီး တိုင်းရင်းသား ဒေသ များအား ထိုးစစ်ဆင်ခြင်းပင် ဖြစ်ပေတော့သည်။

http://www.phophtaw.org/burmese/index.php/news/local-news/2196-2012-10-05-11-03-10.html

Posted in: ကချင်,ကချင်စစ်ဆင်ရေး,စစ်ဆင်ရေး,သုံးသပ်ချက်