KNU ထိပ်တန်း ခေါင်းဆောင် သုံးဦး တာဝန်မှ ရပ်စဲခံရ

စံခလပူရီ (မဇ္စျိမ) ။             ။ ဘားအံ့မြို့ ဗဟို ဆက်သွယ်ရေးရုံး ဖွင့်ပွဲကိစ္စ၊ အဖွဲ့အစည်းအတွင်း တင်းမာမှုကြောင့် ကရင်အမျိုးသား အစည်းအရုံး KNU ၏ ထိပ်တန်း ခေါင်းဆောင် သုံးဦးအား တာဝန်မှ ရပ်စဲလိုက်သည်ဟု KNU ၏ ဘားအံခရိုင် ဥက္ကဋ္ဌ၊ ဗဟို ကော်မီတီဝင် ဖဒိုအောင်မော်အေး က ပြောသည်။

KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး

“ကျနော်တို့ ကြားတယ်၊ ရပ်ဆိုင်းလိုက်တယ်လို့။ အများသဘောနဲ့ လုပ်တာမဟုတ်ဘူး။ ညီညွတ်ရေးကို ရှေးရှူတဲ့အနေနဲ့ ဒါကို ပြန်လည် နားလည်မှု ယူရဦးမယ်လို့ပဲ မြင်တယ်။ မလုပ်သင့်သေးတဲ့ အရာတခုကို လုပ်လိုက်တယ်လို့ ပြောချင်တယ်” ဟု မဇ္စျိမကို ပြောသည်။

ကရင်အမျိုးသား လွတ်မြောက်ရေးတပ်မတော် KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး၊ လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင်၊ တွဲဖက် အတွင်းရေးမှူး (၂) လည်းဖြစ် ဗဟို တရားရေးဌာန တာဝန်ခံ ဗဒိုဒေးဗစ်ထော တို့အား တွဲဘက်အတွင််းရေးမှူး (၁) ဖဒိုလှငွေ၏ လက်မှတ်ဖြင့် ထုတ်ပယ်ခဲ့ခြင်း ဖြစ်သူဟု ဆိုသည်။

ထိုသို့ ထိပ်တန်းခေါင်းဆောင် သုံးဦးအား တာဝန်မှ ရပ်စဲရန်အတွက် စက်တင်ဘာလ ၂၇ ရက်နေ့ ကတည်းကပင် ဗဟို အလုပ်အမှုဆောင် အစည်းအဝေးမှ ဆုံးဖြတ်ချက် ချခဲ့ပြီး ဖြစ်သည်ဟုလည်း သိရှိရသည်။

တာဝန်မှ ရပ်စဲလိုက်သည့် စစ်ဦးစီးချုပ် နေရာအား ကွယ်လွန်သူ ဗိုလ်ချုပ်ကြီးမြ ၏ တူတော်သူ တပ်မဟာမှူး (၅) မှူး ဗိုလ်မှူးချုပ် ဘောကျော်ဟဲနှင့် စောရော်ဂျာခင် နေရာအား ဖဒိုအယ်ကလူရွှေဦး အား ခန့်အပ်ရန် လျာထားပြီး
စောဒေးဗစ်ထော နေရာတွင် မည်သူအား ခန့်အပ်မည်ကို မသိရှိရသေးဟု ဖဒိုအောင်မောင်အေး က မဇ္စျိမကို ပြော
သည်။

“အဲဒီလို ရပ်စဲလိုက်တယ်ဆိုတာကိုတော့ ကျနော်တို့ လက်မခံဘူး။ အကြောင်းရင်း အတိအကျကို မဖော်ပြဘဲနဲ့ အခုလိုမျိုး ဒီလိုပဲ လုပ်လိုက်တယ်ဆိုတော့ လက်မခံနိုင်ဘူး။ အဲဒါနဲ့ ပတ်သက်ပြီး ဗဟိုကတော့ အခုထိ ကျနော်တို့ဆီကို
ပြောပြ ဖြေရှင်းတာမျိုး မရှိသေးဘူး” ဟု ပြောသည်။

စစ်ဦးစီးချုပ် ဗိုလ်ချုပ်ကြီး မူတူးစေးဖိုး ဘားအံ့မြို့၌ KNU ၏ ဗဟိုအဆင့် ဆက်ဆံရေးရုံး သွားရောက် ဖွင့်လှစ်ခဲ့ခြင်းမှာ
လည်း အပစ်အခတ် ရပ်စဲရေးကို ခိုင်ခိုင်မာမာ ဖြစ်အောင် ကြံဆောင်ယူဆ၍ လုပ်ဆောင်ခဲ့ခြင်း ဖြစ်ပြီး လုပ်ဟန်အမှားသာ ဖြစ်သည်ဟု ဗဒိုအော်မော်အေး က ဆိုသည်။

စက်တင်ဘာလ ၂၉ ရက်နေ့က KNU နှင့် KNLA ဗဟို စစ်ဌာနချုပ်အား အသိမပေးဘဲ KNU ၏ ဗဟိုအဆင့် ဆက်ဆံရေးရုံးအား စစ်ဦးစီးချုပ်က သွားရောက် ဖွင့်လှစ်ခဲ့ခြင်းသည် အဖွဲ့တွင်း သဘောထား ကွဲလွဲမှု မဟုတ်ကြောင်း KNU အထွေထွေ အတွင်းရေးမှူး က မဇ္စျိမ၏ မေးမြန်းချက်ကို ပြန်လည်ဖြေကြားခဲ့ပြီးဖြစ်သည်။

ယခုကိစ္စနှင့် စပ်လျဉ်း၍ နော်စီဖိုးရာစိန် နှင့် အတွင်းရေးမှူး (၁) ဖဒိုလှငွေ တို့အား စုံစမ်းမေးမြန်းရန်အတွက် မဇ္စျိမမှ ဆက်သွယ်ရန် ကြိုးစားခဲ့သော်လည်း ဆက်သွယ်၍ မရရှိခဲ့ပေ။

ဆက်စပ် သတင်းများ

1. စစ်ဦးစီးချုပ်နှင့် သဘောထား ကွဲလွဲမှု မဟုတ်ကြောင်း KNU ပြော
2. နှစ်ဘက် တပ်ကျင့်ဝတ် KNU နှင့် အစိုးရသဘောတူ
3. PNLO နှင့် KNU တို့ ဦးအောင်မင်းနှင့် ဆက်လက် တွေ့ဆုံမည်
4. နိုင်ငံရေးဆွေးနွေးရန်ဆန္ဒ အစိုးရတွင် မရှိဟု KNU ပြော
5. ပြည်ထောင်စုအဆင့် တက်နိုင်ရန် အပစ်ရပ် ခိုင်မာဖို့လိုဟု KNU ပြော
6. အင်းစိန်ထောင် နိုင်ငံရေးအကျဉ်းသား ၁၁ ဦးလွှတ်
7. ဝန်ကြီး ဦးအောင်မင်း တရက်တည်းနှင့် တွေ့ဆုံဆွေးနွေးမှု ငါးခုလုပ်

http://www.mizzimaburmese.com/news/inside-burma/10205-knu-----.html

- ကေအန်ယူ စစ်ဦးစီးချုပ် တာဝန်က ဖယ်ရှားခံရ click
- KNU ထိပ်တန်း ခေါင်းဆောင်သုံးဦး တာဝန်မှ ရပ်စဲခံရ click
- KNLA စစ်ဦးစီးချုပ်နှင့် အလုပ်အမှုဆောင် ၂ ဦး ထုတ်ပယ်ခံရ click
- အပစ်အခတ်ရပ်စဲရေး၏ အနှစ်သာရကို KNU ရင်ဆိုင်ရ click
- ကရင်ပြည်နယ်တွင်း မြေမြှုပ်မိုင်းများ စရှင်းပြီဟု ဆို click
- လောပိတရေအားလျှပ်စစ်စီမံကိန်းတလျှောက်ရှိ မြေမြှုပ်မိုင်းများ ဖယ်ရှားပေးရန် တောင်းဆို click
- ကွန်တိန်နာတွင်း လက်နက်တွေ့မှု စုံခုံရုံးဖွဲ့ စစ်ဆေးနေ click
- အိန္ဒိယသူပုန်လက်မှ အမေရိကန်လက်နက် မြန်မာပြည်မှလာ ဟုဆို click
- သေနတ်လုပ်တဲ့ မြေပုံက ပန်းဘဲဆရာကြီး စစ်တပ်က ဖမ်း click
http://drlunswe.blogspot.com/

Posted in: ကရင်,ပဋိပက္ခ,သတင်း