SSPP တပ်ဖွဲ့များအား အစိုးရ ဆက်လက် စစ်ဆင်

ရှမ်းပြည် တိုးတက်ရေး ပါတီ တပ်မတော် (ဓါတ်ပုံ SSPP)

• Published in ပြည်တွင်းသတင်း
• Read 202 times
• Print
• Email

Rate this item

• 
  
• 1
• 2
• 3
• 4
• 5

(0 votes)

အစိုးရ တပ်ဖွဲ့များသည် ရှမ်းပြည် အရှေ့မြောက်ပိုင်းရှိ တန့်ယန်း မြို့နယ်တွင် ရှိသော ရှမ်းပြည် တိုးတက်ရေး ပါတီ (SSPP) တပ်မဟာ (၃၈) ၏ လွယ်စေး စခန်းအား ယမာန်နေ့ ညနေပိုင်းတွင် ညနက်သည် အထိ ၀င်ရောက် တိုက်ခိုက် ခဲ့သည်ဟု SSPP နိုင်ငံ ခြား ဆက်ဆံရေး တာဝန်ခံ ဗိုလ်မှူးကြီး ဖိန်ဖက ဆိုပါသည်။

“၀င်ရောက် တိုက်တဲ့ပုံက ဒီလိုဗျ၊ အစိုးရ တပ်တွေက သူတို့ ပြည်သူ့စစ် အဖွဲ့တွေကို အရင် လွှတ်ပြီး လာတိုက်ခိုင်းတယ်။ သူတို့ ကတော့ အဲဒီ ပြည်သူ့စစ် တွေရဲ့ နောက်ကနေ ထပ်ချပ် မကွာ လိုက်လာတဲ့ နည်းကို သုံးတယ်ဗျ။ အဲဒီတော့ ပထမ ရင်ဆိုင်ခဲ့ ရတာက ဗိုလ်မိုး ပြည်သူ့စစ် အဖွဲ့၊ လောင်းလ ပြည်သူ့စစ် အဖွဲ့နဲ့ လားဟူ ပြည်သူ့စစ် အဖွဲ့တွေနဲ့ အရင် တိုက်ပွဲဖြစ်တာပေါ့။ တိုက်ပွဲ ကတော့ ည (၇) နာရီကနေ တညလုံး နီးပါး ဖြစ်ခဲ့တာပေါ့”ဟု ဆိုပါသည်။

ယင်းတိုက်ပွဲသည် တန့်ယန်း မြို့နယ် လွယ်စေး တောင်ကြော အောက်ခြေရှိ စိုင်ခေါင် ကျေးရွာနှင့် မတ်ပေါင်း ကျေးရွာကြား တွင် ညနက်သည် အထိ ဖြစ်ပွား ခဲ့ခြင်း ဖြစ်ပါသည်။ ဤတိုက်ပွဲ၌အစိုးရတပ် အင်အား (၂၀၀) ခန့်နှင့် ပြည်သူ့စစ် အင်အား (၈၀) ခန့်တို့ ၀င်ရောက် တိုက်ခိုက် ခဲ့ပြီး ထိခိုက် ဒါဏ်ရာ ရရှိမှု အခြေအနေကိုမူ လောလောဆယ် မသိရှိရသေးပေ။

၄င်းနေရာမှ တိုက်ပွဲသည် ယနေ့ မေလ (၃) ရက်နေ့ မနက် (၅) နာရီ မိနစ် (၄၀) မှ နေ့လည် (၁၀) နာရီ အထိ ပြင်းထန်စွာ ထပ်မံ ဖြစ်ပွား ပြန်ပါသည်။အစိုးရ တပ်နှင့် ပြည်သူ့စစ် ပူးပေါင်း တပ်ဖွဲ့ တို့သည်၊ ညလုံးပေါက် တိုက်ပွဲ ဖြစ်ခဲ့ရာမှ ယနေ့ မနက်ပိုင်း လွယ်စေး တောင်ကျောရှိ SSPP ၏ အမှတ် (၃၈) တပ်မဟာ စခန်းကို ချဉ်းနင်း ၀င်ရောက် လာသဖြင့် ပြင်းထန်စွာ ထပ်မံ ဖြစ်ပွား ခဲ့ခြင်း ဖြစ်ပါသည်။

ယခုကဲ့သို့ လွယ်စေး တောင်ကြော၌တိုက်ပွဲများ ပြင်းထန် လာနေခြင်းသည် ဤနေရာမှ ဆုတ်ခွာ ပေးရန် ပြီးခဲ့သည့် မတ်လ (၂၀) ရက်နေ့က အစိုးရ တပ်ဖက်မှ တောင်းဆို ထားခဲ့ပြီး  SSPP မှ နောက်ဆုတ် ပေးမည် မဟုတ်ကြောင်း အကြောင်း ပြန်ကြား ခဲ့သဖြင့် တိုက်ပွဲများ ပြင်းထန် လာနေခြင်း ဖြစ်ပါသည်။

SSPP သည် အစိုးရနှင့် ထိပ်တိုက် မတိုးချင်သော်လည်း နောက်ဆုတ် ပေးရန် နေရာ မရှိတော့သည့် အတွက် ဆုတ်ပေးမှု ကို ငြင်းဆန် နေခြင်း ဖြစ်ကြောင်း ဆိုပါသည်။ အရှေ့မြောက်ပိုင်းတိုင်း တိုင်းမှူးသည် ဤနေရာမှ ဆုတ်ခွာ ပေးခြင်း မရှိပါက နယ်မြေ စိုးမိုးရေး အတွက် အထက်အမိန့်အရ တိုက်ခိုက် ရမည်ဟု ထိုစဉ်က အတိအလင်း ပြောကြား ထားခဲ့ပါသည်။

အစိုးရသည် SSPP ကို တိုက်ခိုက်ရာတွင် ဒေသခံ ပြည်သူ့စစ် များကိုပါ အသုံးချ လာပါသည်။ ဤသည် SSPP နှင့် ဒေသခံများ အကြား ရန်တိုက်မှုကို ဖြစ်စေရန် အညိုးအတေး ဖြစ်လာရန် နှင့် သွေးခွဲရန် ဖန်တီးလာခဲ့သည်ဟု ဆိုပါသည်။

ဤသို့ကြောင့် ယခု တိုက်ပွဲတွင် အစိုးရ တပ်များသည် ဒေသခံ ပြည်သူ့စစ် အဖွဲ့များကို မိုင်းရှင်း ကိရိယာ အဖြစ် အသေခံခိုင်းခဲ့ သလို တိုက်ပွဲတွင် ဒေသခံ ပြည်သူ့စစ် များကသာ ထိခိုက် ကျဆုံးမှုများ နိုင်ဖွယ် ရှိနေပါသည်။ ဤသို့ကြောင့်  လူမျိုးကြား အမုန်းပွားမှုများ ဖြစ်လာနိုင်ဖွယ် ရှိသည်ဟု SSPP ပြောရေး ဆိုခွင့်ရှိသူ ကဆိုပါ သည်။

ရှမ်းပြည် တိုးတက်ရေး ပါတီနှင့် အစိုးရ တို့သည်  ပြီးခဲ့သည့် ၂၀၁၂ ခုနှစ် ဇန္နာဝါရီလ (၂၈) ရက်နေ့တွင် အပစ်အခတ် ရပ်ခဲ့ပါသည်။ သို့သော် အစိုးရ တပ်များမှ အကြောင်း အမျိုးမျိုးပြပြီး ၀င်ရောက် တိုက်ခိုက် ခဲ့သဖြင့် တိုက်ပွဲပေါင်း တရာကျော် ဖြစ်ပွား ခဲ့ပါသည်။ အစိုးရသည် မည်သည့် အဖွဲ့ကိုမှ အပစ်အခတ် ရပ်စဲရေးဇုံ နယ်မြေ သတ်မှပေးခြင်း မရှိသဖြင့် တခြားအဖွဲ့များ နှင့်လည်း တိုက်ပွဲဖြစ်ပွားလျက် ရှိပေသည်။ 

http://www.phophtawnews.org/burmese/index.php/news/internal-news/item/274-sspp.html

အပြည့်အစုံသို့... »

ရှမ်းမြောက် တပ်နှင့် အစိုးရတပ် ညလုံးပေါက် တိုက်ပွဲဖြစ်

စံခလပူရီ (မဇ္စျိမ)။   ။ ရှမ်းပြည်နယ် မြောက်ပိုင်း၊ လားရှိုးခရိုင်၊ တန့်ယန်းမြို့နယ် အတွင်းရှိ ရှမ်းပြည်တပ်မတော်
မြောက်ပိုင်း (SSPP/SSA) ၏ လွယ်စေး တပ်စခန်းသို့ အစိုးရတပ်မှ ချဉ်းနင်း ဝင်ရောက်လာ၍ မေလ ၂ ရက်နေ့ ညနေမှ ၃ ရက်နေ့ နံနက်အထိ ညလုံးပေါက် တိုက်ပွဲ ဖြစ်ပွားခဲ့ကြောင်း SSA က မဇ္စျိမကို ပြောသည်။

“မနေ့က ညနေ ၅ နာရီကနေ ဒီနေ့ မနက် ၉ နာရီထိ တိုက်ပွဲဖြစ်တယ်။ လွယ်စေး တောင်ကြော တလျှောက် ကျနော်တို့ တပ်တွေ ရှိတယ်။ သူတို့က အဲဒါကို သိမ်းချင်တယ်လေ။ အဲလို သဘောပါ” ဟု SSA မှ ဗိုလ်မှူးကြီး ဖိန်ဖ က ပြောသည်။

ဒေသတွင်း လှုပ်ရှားနေသည့် အစိုးရတပ်အင်အား ၂၀၀ ခန့်က တဖွဲ့လျှင် အင်အား ၃၀ ကျော်ရှိ ဌာနေ ပြည်သူ့စစ် ၃ ဖွဲ့ကို လမ်းပြအဖြစ် ခေါ်ဆောင်ခဲ့ရာမှ တိုက်ပွဲဖြစ်ပွား၍ ပြည်သူ့စစ် အများအပြား ထိခိုက်ဒဏ်ရာရမှု ရှိသည်ဟု ဆိုသည်။ သို့သော်လည်း စာရင်း အတိအကျကို မသိရသေးကြောင်း သူက ပြောသည်။ လွယ်စေး တပ်စခန်းကိုမူ SSPP/SSA က ဆက်လက် ထိန်းသိမ်းထားနိုင်ခဲ့သည်။

အပစ်အခတ် မရပ်စဲမီကပင် လွယ်စေး တောင်ကြော တလျှောက်သည် SSA အခြေချရာဒေသ ဖြစ်ခဲ့ပြီး အပစ်အခတ် ရပ်စဲရေး သဘောတူတွင် ပါဝင်သည့် နှစ်ဖက်တပ်များ လက်နက်ဖြင့် နယ်မြေကူးလူး သွားလာမှု ပြုပါက ကြိုတင် အကြောင်းကြားရန် ဆိုသည့်အချက်ကို အစိုးရတပ်မှ မလိုက်နာသည့်အပြင် ၎င်းတို့ တပ်စခန်းအား လာရောက် တိုက်ခိုက်ခြင်းသည် ရန်စမှုသာ ဖြစ်သည်ဟုလည်း ဗိုလ်မှူးကြီး ဖိန်ဖ က ပြောသည်။

မတ်လ ၂၅ ရက်နေ့က လားရှိုး-တန့်ယန်း-မိုင်းရှူး ကားလမ်း လုံခြုံရေးအတွက် နယ်မြေ ရှင်းလင်းရန် တန့်ယန်းနှင့် လားရှိုးမြို့နယ်အတွင်းရှိ SSA တပ်စခန်းများ ဆုတ်ခွာပေးဖို့ ရှမ်းပြည်မြောက်ပိုင်း စစ်ဌာနချုပ် (ရမခ) တိုင်းမှူးက
တောင်းဆိုခဲ့ပြီး ထိုနေရာသည် SSA နှင့် ဝပြည် သွေးစည်းညီညွတ်ရေး တပ်မတော် (UWSA) တို့၏ မဟာမိတ် ဆက်ဆံရေး လမ်းကြောင်း ဖြစ်၍ လက်မခံခဲ့ရာမှ ထိုသို့ ထိုးစစ်ဆင် တိုက်ခိုက်လာခြင်း ဖြစ်သည်ဟု SSA က ဆိုသည်။

တန့်ယန်းမြို့နယ်ရှိ လွယ်လန်းနှင့် လွယ်စေး ဒေသတဝိုက်တွင် ဖြစ်ပွဲသည့် တိုက်ပွဲများကြောင့် ရွာပေါင်း ၁၆ ရွာမှ လူဦးရေ ၁,၀၀၀ ကျော် တန့်ယန်းမြို့ပေါ်သို့ ထွက်ပြေး ခိုလှုံခဲ့ကြရာမှ သင်္ကြန်ကာလအတွင်း ဖြစ်ပွားသည့် ပစ်ခတ်မှုများကြောင့် တိမ်းရှောင်သူပေါင်း ခန့်မှန်းခြေ ၁,၅၀၀ ခန့် ရှိလာခဲ့သည်ဟု ဒုက္ခသည်များကို အကူအညီပေးနေသူများထံမှ သိရသည်။

တိုက်ပွဲများ ဆက်လက်ဖြစ်ပွားနေ၍ ဒုက္ခသည်များ ထပ်မံရောက်ရှိဖွယ် ရှိပြီး မိုးရာသီ နီးကပ်လာသည့်အလျောက် စခန်းတွင် ခိုလှုံနေကြသည့် ဒုက္ခသည်များအတွက် တည်းခိုရန် တန်းလျားများကို တန့်ယန်းမြို့၊ ရပ်ကွက် ၅ တွင် ဆောက်လုပ်ပေးမည်ဟု အသစ်ပြန်လည် ဖွဲ့စည်းလိုက်သည့် ဒုက္ခသည် ကူညီရေး ကော်မတီဝင်များက ဆိုသည်။

ကော်မတီသစ်တွင် လားရှိုးနှင့် တန့်ယန်းမြို့နယ်အတွင်းရှိ သံဃာတော်များ၊ လူငယ်များ၊ မြို့မိမြို့ဖများ၊ လွှတ်တော်အမတ်များနှင့် မြို့နယ် အုပ်ချုပ်ရေးမှူး စသည်တို့ ပါဝင်သည်။

“အခု ဝါးတွေ သစ်တွေ စုနေတယ်။ မြေညှိတာတွေ၊ ခြုံခုတ်တာတွေတော့ လုပ်နေပြီ။ မိုးမရွာမီ အပြီးဆောက်ပေး မယ်။ တန်းလျားလိုပေါ့။ ချက်ပြုတ် စားသောက်ဖို့ နေရာကတော့ စုပေါင်းပေါ့” ဟု ဒုက္ခသည်များကို အကူအညီပေးနေသည့် ကိုစိုင်းလူ က ပြောသည်။

SSA မှ လာသော သတင်းအရ သံလွင်မြစ်ကြောင်း တလျှောက် လွယ်လန်းနှင့် လွယ်စေးဒေသ တဝိုက်တွင် အစိုးရတပ်မှ လက်နက်နှင့် လူအင်အား ထပ်မံ ဖြည့်တင်းထားသလို SSA ဘက်မှလည်း အလားတူ
ဖြည့်တင်းထားကြောင်း သိရသည်။

ရှမ်းပြည် တပ်မတော် မြောက်ပိုင်း (SSA/SSPP) သည် ၂၀၁၂ ခုနှစ်၊ ဇန်နဝါရီလတွင် အစိုးရနှင့် အပစ်အခတ် ရပ်စဲရေး သဘောတူညီချက် ရရှိခဲ့ပြီးနောက် အစိုးရတပ်နှင့် အကြိမ် ၁၀၀ ထက်မနည်း တိုက်ပွဲများ ဖြစ်ပွားခဲ့သည်ဟု ဗိုလ်မှူးကြီး ဖိန်ဖ က ပြောသည်။

http://www.mizzimaburmese.com/news/inside-burma/11492-2013-05-03-12-58-10.html

အပြည့်အစုံသို့... »

RCSS တပ်ဖွဲ့ နယ်မြေ ထဲသို့ အစိုးရ တပ်ဖွဲ့များ တိတ်တဆိတ် ကျူးကျော်

RCSS အထူးတပ္မ်ား (ဓါတ္ပုံ RCSS)

အစိုးရ တပ္ဖြဲ႔ မ်ားသည္ ရွမ္းျပည္ ျပန္လည္ ထူေထာင္ေရး ေကာင္စီ (RCSS) နယ္ေျမ ထဲသို႔ ႀကိဳတင္ အေၾကာင္း ၾကားျခင္း မရွိဘဲ တိတ္တဆိတ္ ၀င္လာသည့္ အတြက္ ေမလ (၁) ရက္ေန႔ တြင္ တနာရီ ခန္႔ၾကာ တိုက္ပြဲ ျဖစ္ပြား ခဲ့သည္ဟု RCSS မွ ေျပာေရး ဆိုခြင့္ရွိသူ ဗိုလ္မွဴး စိုင္းေလာက္ဆိုင္ က ဆိုပါသည္။

“ အစိုးရ နယ္ေျမခံ တပ္ေတြ ေပါ့ဗ်ာ၊ သူတို႔က ေတာထဲ ၀င္လာတယ္။ က်ေနာ္တို႔ နယ္ေျမခံတပ္နဲ႔ တစ္နာရီေလာက္ကို တိုက္ပြဲ ျဖစ္ခဲ့တာေပါ့။ သူတို႔က နယ္ေျမ ရွင္းလင္းေရး ဆိုျပီး အေၾကာင္း မၾကားဘဲနဲ႔ အခုလိုမ်ဳိးသာ ဆက္သြား ေနမယ္ ဆိုရင္ေတာ့ တိုက္ပြဲေတြက ဆက္ျဖစ္ ေနဦးမွာဘဲ”ဟု ဆိုပါသည္။

တိုက္ပြဲသည္ ရွမ္းျပည္ ေတာင္ပိုင္း မိုးနဲၿမိဳ႔နယ္ က်ဳိင္းေတာင္းၿမိဳ႔နယ္ခြဲမွ သံလြင္ျမစ္ ထဲရွိ တာပိန္ ကူးတို႔ဆိပ္ အနီး၌ ေမလ ၁ ရက္ေန႔ မြန္းလႊဲ တစ္နာရီခန္႔တြင္ ရင္ဆိုင္ တိုက္ပြဲ ျဖစ္ပြား ခဲ့ျခင္း ျဖစ္ပါသည္။ ထိခိုက္ က်ဆံုးမွဳ အေျခအေန မသိရေသးေပ။

ယင္းကဲ့သို႔ ႀကိဳတင္ အေၾကာင္းမၾကားဘဲ RCSS နယ္ေျမထဲသို႔ တိတ္တဆိတ္ ၀င္ေရာက္ မွဳေၾကာင့္ တိုက္ပြဲျဖစ္ပြား ခဲ့ရျခင္းအေပၚ အစိုးရ တပ္ဖြဲ႔၌ တာ၀န္ ရွိေၾကာင္း RCSS က သေဘာထား ပါသည္။  နယ္ေျမခံ အစိုးရတပ္ ကလည္း မိမိတို႔ ခြင့္ျပဳ ထားေသာ သစ္လုပ္ငန္းႏွင့္ ေရႊက်င္ လုပ္ငန္းမ်ားကို သြားေရာက္ စစ္ေဆးရန္ ရွိသျဖင့္္ စစ္ေၾကာင္း ဖြဲ႔ျပီး ထိုေနရာသို႔ သြားေရာက္ ရျခင္း ျဖစ္ေၾကာင္း အေၾကာင္းျပန္ ခဲ့ရပါသည္။

ထိုကဲ့သို႔ သြားေရာက္ စစ္ေဆး ခဲ့ရာမွ နယ္ေျမ ရွင္းလင္းေရး အတြက္ တာပိန္ ကူးတို႔ဆိပ္ ပတ္၀န္းက်င္သို႔ ဆက္လက္ လွဳပ္ရွားခဲ့ရာက တိုက္ပြဲျဖစ္ပြား သြားရျခင္း ျဖစ္ေၾကာင္း RCSS အား အေၾကာင္း ျပန္ၾကား ခဲ့သည္ဟု ဆိုပါသည္။

“ အစိုးရ ကေတာ့ သူတို႔ကိုယ္ သူတို႔ ႏိုင္ငံရဲ႕ မိဘ ေတြပါလို႔ သေဘာ ထားျပီး၊ က်ေနာ္တို႔ကို ဟိုဟာ မလုပ္ရ၊ ဒီမွာ မေနရဆိုၿပီး လုိက္ၿပီးခ်ဳပ္ခ်ယ္ ဖိအား ေပးေနတာေလ။ က်ေနာ္တို႔က သူတို႔ သားသမီးေတြ မဟုတ္ဘူး။ ဒီႏိုင္ငံကို ထူေထာင္ခဲ့စဥ္က တိုင္းရင္းသား ညီအစ္ကုိေတြ အေနနဲ႔ ပါလာခဲ့တဲ့ လူေတြပါ။ အဲဒါေၾကာင့္ တန္းတူေရး ဆိုတဲ့ စကားကို ေျပာေနရတာေလ။”ဟု ဗိုလ္မွဴး စိုင္းေလာက္ဆိုင္ က ဆိုပါသည္။

RCSS သည္ ရွမ္းျပည္နယ္ အတြင္းရွိ သစ္ေတာ၊ တြင္းထြက္ႏွင့္ အျခား သယံဇာတမ်ားအား ရွမ္းျပည္သူ လူထု အက်ဳိးကို ရည္ရြယ္ျပီး ထိန္းသိမ္း ထားခ်င္သည္။ ဤသို႔ေၾကာင့္ ရွမ္းျပည္နယ္ အတြင္း သယံဇာတ ကာကြယ္ ထိန္းသိမ္းေရးအတြက္ အခ်က္ (၃) ခ်က္ ပါေသာ ေၾကညာခ်က္ တစ္ရပ္ကို ျပီးခဲ့သည့္ မတ္လ (၂၁) ရက္ေန႔တြင္ ထုတ္ျပန္ ေၾကညာ ခဲ့ပါသည္။

အစိုးရသည္ အပစ္အခတ္ ရပ္စဲ ထားေသာ တိုင္းရင္းသား အဖြဲ႔တိုင္းကို အေျခခံ နယ္ေျမ သတ္မွတ္ ေပးထားျခင္း မရွိေပ။ အစိုးရသည္ မတူညီေသာ တစ္ဖြဲ႔ခ်င္းစီ၏ အေျခအေနမ်ားကို အသံုးခ်ၿပီး အမ်ဳိးမ်ဳိး ဂတိေပးခဲ့ျပီး အပစ္အခတ္ ရပ္စဲခဲ့ပါသည္။ တိုင္းရင္းသား အဖြဲ႔မ်ားဆီမွ အပစ္အခတ္ ရပ္စဲေရးဂတိ ရၿပီးသည္ႏွင့္ ၄င္းတို႔ ေပးထားတဲ့ ဂတိအတိုင္း လိုက္နာမွဳ မရွိေတာ့ေပ။

ဤနည္းအတိုင္း RCSS ႏွင့္ အပစ္အခတ္ ရပ္စဲေရး သေဘာ တူခဲ့စဥ္က အစိုးရ ၿငိမ္းခ်မ္းေရး အဖြဲ႔သည္ လက္ရွိ RCSS ေရာက္ရွိေနေသာ ေနရာမ်ား၌ တပ္တည္ခြင့္ျပဳသည္ဟု ဂတိ ေပးခဲ့ပါသည္။ သို႔ေသာ္ ေနာက္ပိုင္းတြင္ အစိုးရ တပ္ဖြဲ႔ဖက္မွ လိုက္နာျခင္း မရွိသျဖင့္ တိုက္ပြဲေပါင္း (၅၀) ေက်ာ္ ျဖစ္ပြား ခဲ့ရသည့္ အျပင္ နယ္ေျမ စိုးမိုးေရးႏွင့္ မူးရစ္ေဆး၀ါး တိုက္ဖ်က္ေရး ျပသနာ မ်ား၌ ယေန႔အထိ ျပသနာ ရွိေနဆဲဟု ဆိုပါသည္။

RCSS ႏွင့္ အစိုးရ တို႔သည္ ၂၀၁၁ ခုႏွစ္ ႏို၀င္ဘာလ (၁၉) ရက္ေန႔ ကတည္းက အပစ္အခတ္ ရပ္စဲ လာခဲ့ပါသည္။ ဤကာလ အတြင္း၊ မူးရစ္ေဆး၀ါး ပူးေပါင္း တိုက္ဖ်က္ျခင္းကို အတူ ေဆာင္ရြက္ ႏိုင္ခဲ့ပါသည္။ 

http://www.phophtawnews.org/burmese/index.php/news/internal-news/item/275-rcss.html

အပြည့်အစုံသို့... »

စစ်ပွဲတွေကြောင့် ရှမ်းမြောက် ဒေသခံတွေ နေရပ် စွန့်ခွာနေ

ရှမ်းပြည်တပ်မတော် မြောက်ပိုင်း(SSA-N) နဲ့ အစိုးရစစ်တပ်တို့အကြား တန့်ယန်းမြို့နယ်ထဲမှာ အခုရက်ပိုင်း တိုက်ပွဲတွေ ဆက် တိုက်ဖြစ်နေပြီး ဒေသခံတွေ အိုးအိမ်စွန့်ခွာ တိမ်းရှောင်နေရကြောင်း သတင်းရသည်။
တန့်ယန်း မြို့ပေါ်မှာ ဒုက္ခသည်တွေ ခိုလှုံနိုင်ဖို့ အတွက် ကူညီပေးနေတဲ့ ပြည်နယ်လွှတ်တော် ကိုယ်စားလှယ် ဦးစိုင်းစံစိန် က “မိသားစုလိုက်တွေ ပါတယ်၊ နေ့တိုင်းကို မြို့ပေါ်တက်လာနေကြတယ်၊ သက်ကြီး ရွယ်အိုတွေ၊ အမျိုးသမီးတွေနဲ့ ကလေးတွေများတယ်၊ လူတွေက အရမ်းများလာတဲ့အတွက် အခုနေရာထိုင်ခင်းအတွက် ကျနော်တို့ ပြင်ဆင်ပေးနေပါတယ်”လို့ ဧရာဝတီကို ပြောပါတယ်။
ရှမ်းပြည်မြောက်ပိုင်း တန့်ယန်းမြို့နယ်ထဲမှာ မတ်လ၂၈ ရက်နေ့ကတည်းက နှစ်ဘက်တပ်တွေအကြား တိုက်ပွဲတွေဖြစ်ပွားခဲ့တာပါ။ နှစ် ကူးသင်္ကြန် ရက်တွေဖြစ်တဲ့ ဧပြီ ၁၅၊ ၁၆ ရက်တွေမှာ အမြောက်တွေကိုပါ အသုံးပြုလာပြီး ဒေသခံရွာတွေထဲကိုပါ ကျမှန်ပေါက် ကွဲတဲ့ အခြေအနေတွေအထိ ဖြစ်လာတာကြောင့် ဒေသခံတွေဟာ စိုးရိမ်ပြီး စစ်ဘေးရှောင်ဖို့ နေ့စဉ်လို တန့်ယန်း မြို့ပေါ် ကို တက် လာကြတာဖြစ်တယ်လို့ သိရပါတယ်။
တိုက်ပွဲတွေ ဖြစ်ပွားရာ အနီးဝန်းကျင်ရှိ လွယ်လန်း၊ လွယ်စေး၊ ကုန်းကော်၊ ကောင်းဆိုင်း၊ ပါဖန်၊ လွိုင်ပု၊ နမ့်လွတ် စတဲ့ ကျေးရွာဒေသခံတွေက စစ်ဘေး ရှောင်ဖို့အတွက် တန့်ယန်းမြို့ပေါ်ကို ထွက်ပြေးကြတာ ဖြစ်ပါတယ်။
စစ်ဘေးခိုလှုံသူ လွယ်စေး ကျေးရွာအုပ်စုက ရွာခံတဦးက“အဝေးကြီးတွေကနေ လှမ်းပစ်နေကြတာ၊ ရွာထဲကို လက်နက်ကြီးကျလို့ အိမ်နှစ်လုံးပျက်စီးသွားတယ်၊ ပစ်တာတွေက မရပ်ဘူး၊ တောထဲဆင်း အလုပ်လုပ်လို့လည်း မရတော့ဘူး၊ အိမ်မှာနေလဲ ထမင်းကို ကောင်းကောင်းစားလို့မရဘူး၊ ဘယ်အချိန် လက်နက်ကြီး ကျလာမလဲ ဆိုပြီး၊ သူတို့တွေရှိလို့ ပိုက်ဆံတကျပ်ပိုမရပေမယ့် သူတို့တွေ စစ်ဖြစ်ရင် ကျမတို့က အရင်ဆုံး ဘဝပျက်ရတာပဲ”လို့ ပြောပါတယ်။
လက်ရှိအချိန်မှာ တန့်ယန်းမြို့ အမှတ် ၄ ရပ်ကွက်ထဲမှာရှိတဲ့ အောင်မင်္ဂလာ ဘုန်းကြီးကျောင်းမှာခိုလှုံနေတဲ့ ဒုက္ခသည် ၄၅၀ ကျော် ရှိနေပြီး မြို့ပေါ်ရှိ တခြားရပ်ကွက်တွေမှာ သွားရောက်ခိုလှုံနေတဲ့ လူတွေနဲ့ ပေါင်းရင် ၁၀၀၀ အထက်မှာရှိတယ်လို့ ဦးစိုင်းစံစိန် က ပြောပါတယ်။
နောက်ထပ်ရောက်လာမယ့် ဒုက္ခသည်တွေနေထိုင်ဖို့ နေရာအသစ်ပြုလုပ်ပေးနိုင်ဖို့အတွက် လူမှုကူညီရေးအဖွဲ့တွေနဲ့ နိုင်ငံရေး ပါတီ တွေ စုပေါင်းပြီး သောကြာနေ့ညနေက အရေးပေါ် အစည်းအဝေးတရပ် လုပ်ခဲ့ကြတယ်လို့လည်း သိရပါတယ်။
ရောက်ရှိနေတဲ့ ဒုက္ခသည်တွေရဲ့ စားဝတ်နေရေး အတွက်ကိုတော့ မြို့ခံအာဏာပိုင်အဖွဲ့၊ ဒေသခံ အစိုးရစစ်တပ်၊ NGO အဖွဲ့၊ လူမှုကူညီရေး အသင်းတွေ၊ ပုဂ္ဂလိက အလှူရှင်တွေနဲ့ နိုင်ငံရေးပါတီတွေက လှူဒါန်း ထောက်ပံ့ပေးနေတယ်လို့ ဒုက္ခသည်တွေကို ကူညီ ပေးနေတဲ့ ပုဂ္ဂလိက အလှူရှင်တွေက ပြောပါတယ်။
တန့်ယန်းမြို့နယ်ထဲက SSA-N တပ်ဖွဲ့တွေ လှုပ်ရှားနေတဲ့ လွယ်လန်းနဲ့ လွယ်စေး တပ်စခန်း ၂ ခုကို ခေတ္တ ဆုတ်ခွာပေးဖို့ အရှေ့မြောက်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ် အောင်စိုးက မတ်လ ၂၅ ရက်နေ့ လားရှိုးမြို့ ရွှေလီရိပ်သာမှာ SSA-N တာဝန်ရှိသူတွေ နဲ့ တွေ့ဆုံတုန်းက ပြောဆိုခဲ့တယ်လို့ ဆိုပါတယ်။ SSA-N က တပ်စခန်းတွေ ဆုတ်ခွာပေးခြင်း မရှိတဲ့အတွက် မတ်လ ၂၈ ရက် နေ့က စတင်ပြီး တိုက်ပွဲတွေ ဆက်တိုက် ဖြစ်ပွားခဲ့တာလို့ သိရပါတယ်။
သင်္ကြန်အကျနေ့က တန့်ယန်းမြို့နယ် မိုင်းကောင်း ကျေးရွာအုပ်စု နမ့်လောင်း ကျေးရွာအနီးက ချီတက်သွားတဲ့ အစိုးရ စစ်ကြောင်း ခြေလျင် တပ်ရင်း(ခလရ) ၂၉၁ မှာ မိုင်းထိသွားပြီး SSA-N ပြောက်ကျား တပ်ဖွဲ့တွေရဲ့ချောင်းမြောင်း ပစ်ခတ်တာကို ခံလိုက်ရလို့ ဒေသခံ ရွာသားတွေ ကူးသန်းသွားလာတဲ့ လမ်းတွေကို ပိတ်ဆို့ပြီး ရွာသူရွာသားတွေကို မေးမြန်းရိုက်နှက်တာမျိုးတွေ ရှိတယ်လို့ နမ့်လောင်း ရွာခံ တဦးက ပြောသည်။
“စစ်တပ်က လမ်းပေါ်မှာလာတဲ့ ဆိုင်ကယ်တွေ အကုန်သော့တွေ သိမ်းထားပြီး ယောကျာ်းလေးတွေရော မိန်းကလေးတွေရော ဝမ်း လျား မှောက်ခိုင်းပြီး ရှမ်းစစ်တပ်တွေ ဒီနားသွားလာနေတာ မင်းတို့ရွာသားတွေ မသိဘူးလား ဆိုပြီးမေးတယ်၊ ကန်တယ်၊ ရိုက် တယ်၊ စိတ် ကျေနပ်လောက်မှ ပြန်လွှတ်တယ်၊ အခုသူတို့ နှစ်ဘက်တပ်တွေ အပြင်မှာလှုပ်ရှားနေကြတော့ ရွာခံတွေက တောထဲ ထွက် အလုပ်လုပ်လို့ကို မရတော့ဘူး”လို့ နမ့်လောင်း ရွာခံက ဧရာဝတီကို ပြောပြပါတယ်။
တန့်ယန်းမြို့ပေါ်ကို လာရောက်ခိုလှုံကြတဲ့ ဒုက္ခသည်တွေက နှစ်ဘက်တိုက်ပွဲတွေကြောင့် နောက်ထပ် ရောက်လာမယ့် လူတွေ လည်း ရှိသေးကြောင်း ပြောဆိုကြပါတယ်။
တိုက်ပွဲဖြစ်ပွားမှု အခြေအနေနဲ့ ပတ်သက်ပြီး နှစ်ဘက်တပ်တွေကို ဧရာဝတီက ဆက်သွယ်မေးမြန်းဖို့ ကြိုးစားပေမယ့် မရရှိခဲ့ပါဘူး။
အစိုးရနဲ့ SSA-N အပစ်အခတ်ရပ်စဲရေး လက်မှတ်ရေးထိုးထားပေမယ့် အစိုးရဘက်ကလိုက်နာမှု မရှိကြောင်း၊ ၎င်းတို့ရဲ့ စီးပွားရေး လမ်းကြောင်းနဲ့ ‘ဝ’ ပြည် သွေးစည်း ညီညွှတ်ရေး တပ်မတော်(UWSA) တို့အကြား စီးပွားရေး၊ စစ်ရေး မဟာမိတ်အဖြစ် အသုံးပြုနေ တဲ့ သံလွင်မြစ် အနောက်ခြမ်းက လှုပ်ရှားနယ်မြေတွေကို အစိုးရက ဝင်ရောက်စိုးမိုးနိုင်ဖို့ ကြိုးစားနေတာ ဖြစ်ကြောင်း SSA-N ပြော ရေးဆိုခွင့်ရှိသူ ဗိုလ်မှူးစိုင်းလှ အခုလဆန်းပိုင်းက ဧရာဝတီ ရဲ့ မေးမြန်းမှုကို ဖြေဆိုထားပါတယ်။
“သူတို့က ခဏဖယ်ပေးပါဆိုပြီး ပြောတယ်၊ အရင်ကလည်း ဖယ်ပေးခဲ့ဖူးတဲ့ နေရာတွေရှိတယ်၊ ကိုယ်က ဖယ်ပေးပြီးရင် သူတို့က တပ်စွဲထားလိုက်တယ်၊ ပြန်ဖယ်မပေးတော့ဘူး၊ ဒါကြောင့် အခုမဖယ်ပေးတော့တာ”လို့ ဗိုလ်မှူး စိုင်းလှ က ပြောပါတယ်။
အခု ဖြစ်ပွားတဲ့ တိုက်ပွဲတွေဟာ ပြီးခဲ့တဲ့ နှစ် ဇွန်လ ၂၂ ရက်က မန္တလေးမြို့မှာ အစိုးရနဲ့ ပြည်ထောင်စု အဆင့် အပစ်အခတ် ရပ်စဲ ရေးအတွက် သဘောတူညီချက် ရထားပြီးနောက်ပိုင်း ဖြစ်ပွားခဲ့တာ ဖြစ်ပါတယ်။ အောက်တိုဘာလ အတွင်းကလည်း လားရှိုးမြို့မှာ ဆွေးနွေးခဲ့ပြီး စစ်ရေး တင်းမာမှု အခြေအနေကို မဖြေရှင်းဘဲ ချန်ခဲ့တယ်လို့ သိရပါတယ်။
SSA-N ဟာ အခုနှစ်ဆန်းပိုင်းက အစိုးရနဲ့ အပစ်အခတ် ရပ်စဲရေး သဘောတူညီထားပြီး မိုင်းရှူး၊ မိုင်းယန်း၊ တန့်ယန်း၊ ကျေးသီး၊ လားရှိုး၊ သီပေါ၊ နမ့်ဆန်၊ မိုးမိတ် စတဲ့ ဒေသတွေမှာ လှုပ်ရှားနေတဲ့ အဖွဲ့လည်း ဖြစ်ပါတယ်။

http://burma.irrawaddy.org/archives/37903

အပြည့်အစုံသို့... »

အစိုးရနဲ့ SSA တိုက်ပွဲ ဒေသခံတွေဒုက္ခရောက်

ရှမ်းပြည်နယ်မြောက်ပိုင်း တန့်ယန်းမြို့အနီးမှာ တရားဝင်အပစ်အခတ်ရပ်စဲထားတဲ့ ရှမ်းပြည်မြောက်ပိုင်းတပ်နဲ့ မြန်မာအစိုးရတပ်ဖွဲ့တွေကြား တိုက်ပွဲတွေပြင်းထန်နေတဲ့အတွက် အိုးအိမ်စွန့်ခွာ ထွက်ပြေးနေရတဲ့ စစ်ပြေးဒုက္ခသည်ဦးရေဟာ အခုဆိုရင် နှစ်ထောင်နီးပါးရှိသွားပြီလို့ ဒုက္ခသည်အရေး အကူအညီပေးနေသူတွေက ပြောပါတယ်။ ရာချီတဲ့ စစ်ပြေးဒုက္ခသည်တွေအတွက် သောက်သုံးရေပြတ်လပ်ပြီး စားနပ်ရိက္ခာတွေလည်း အရေးပေါ်လိုအပ်နေတယ်လို့ ရှမ်းလူထုအခြေပြု လူမှုအဖွဲ့အစည်းတွေက ဆိုပါတယ်။ အသေးစိတ်ကို မဆုမွန်က တင်ပြထားပါတယ်။

အပစ်ရပ်ဖို့ နှစ်ဘက်သဘောတူထားတဲ့ကြားကပဲ SSA ရှမ်းပြည်မြောက်ပိုင်းတပ်မတော်နဲ့ မြန်မာစစ်တပ်ကြား အခုဆိုရင် ရင်ဆိုင်တိုက်ပွဲတွေ ဆက်တိုက်ဖြစ်ပွားနေပြီး တိုက်ပွဲတွေက ပြင်းထန်လာနေတဲ့အတွက် ရာနဲ့ချီတဲ့ ဒုက္ခသည်တွေဟာ ထိုင်းနယ်စပ်၊ တရုတ်နယ်စပ်နဲ့ မြို့ပေါ်တွေကို ထွက်ပြေးတိမ်းရှောင်နေကြရတယ်လို့ ရှမ်းလူထုအခြေပြုအဖွဲ့ ပြောခွင့်ရ စိုင်းခေးစိုင်က ပြောပါတယ်။

“လောလောဆယ်မှာ လူဦးရေ ၂,၀၀၀ နီးပါး ရှိပြီခင်ဗျ။ အခုလတ်တလောကတော့ ပစ်ခတ်နေတဲ့နေရာတွေက ရွာသားတွေကတော့ တချို့မြို့ထဲမှာတော့ ခဏရှောင်နေတယ်။ တချို့ကတော့ ဘုန်းကြီးကျောင်းတွေဆီမှာ ရှောင်နေတယ်။ တချို့ကတော့ တရုတ်နယ်စပ်၊ တချို့ကတော့ ထိုင်းဘက်ခြမ်း အဲဒီလိုတော့ သူ့ဟာနဲ့သူ သူ့လမ်းနဲ့သူ ပုန်းရှောင်နေတာရှိပါတယ်။”

အခုဆိုရင် ရှမ်းပြည်မြောက်ပိုင်းမှာ ထွက်ပြေးတိမ်းရှောင်နေရတဲ့ စစ်ပြေးဒုက္ခသည်ဦးရေဟာ ၂,၀၀၀ လောက်ရှိသွားပြီဖြစ်ပြီး၊ ဒုက္ခသည်တွေအတွက် အရေးပေါ် စားနပ်ရိက္ခာနဲ့ သောက်သုံးရေတွေ အရေးတကြီး လိုအပ်နေတယ်လို့ စိုင်းခေးစိုင်က ပြောပါတယ်။

“အရေးကြီးဆုးကတော့ လတ်တလော ကျနော်တို့ အစားအစာရယ်၊ နောက်ပြီးတော့ သောက်သုံးရေ ရယ်ပေါ့။ နောက် တခြား အိပ်ယာ၊ ခြင်ထောင် အဲဒါတွေကတော့ ဒုတိယပေါ့နော်။ ပထမဆုံးကျတော့ သူတို့ နေ့စဉ်စားသောက်ဖို့ အစားအစာတွေကလည်း အရေးကြီးနေပါတယ်ခင်ဗျ။ အဲဒါကို ကျနော်တို့ ကူညီဖို့လည်း တခြားနေရာတွေကိုလည်း တိုက်တွန်းနေတယ်။”

တကယ်တော့ ရှမ်းပြည်တိုးတက်ရေးပါတီ SSPP ရဲ့ လက်အောက်ခံ ရှမ်းပြည်တပ်မတော် SSA မြောက်ပိုင်းတပ်ဖွဲ့နဲ့ မြန်မာအစိုးရငြိမ်းချမ်းရေး ကိုယ်စားလှယ်အဖွဲ့ကြား ၂၀၁၂ ခုနှစ်၊ ဇန်နဝါရီလတုန်းက အပစ်အခတ်ရပ်စဲရေး သဘောတူထားပြီးဖြစ်ပါတယ်။ နှစ်ဘက်တပ်ကြား ဒီလိုမျိုးတိုက်ပွဲတွေ ပြန်ဖြစ်နေတဲ့အပေါ်မှာလည်း နှစ်ဘက်တာဝန်ရှိသူတွေ ရှမ်းပြည်နယ် လားရှိုးမြို့မှာ တွေ့ဆုံဆွေးနွေးထားပြီးလည်းဖြစ်ပါတယ်။ ဒါပေမဲ့ ရှမ်းပြည်နယ်မြောက်ပိုင်း ဘက်မှာတော့ တိုက်ပွဲတွေ ဆက်ဖြစ်နေတုန်းပဲလို့ စိုင်းခေးစိုင်က ပြောပါတယ်။
“အပစ်အခတ်ရပ်စဲတာက နှစ်ကြိမ်တောင်ရှိပါပြီ။ အခု လတ်တလော အသစ်ပြန်ပြီးတော့ လက်မှတ်ရေးထိုးတာလည်း ရှိတယ်ခင်ဗျ။ နောက်ပြီးတော့ ဆွေးနွေးနေတာလည်း ရှိတယ်ခင်ဗျ။ အဲဒီလိုမျိုးလုပ်ရင်းတန်းလန်းနဲ့လည်း ပစ်နေတာတွေ ပိုဖြစ်လာတာကတော့ အဲဒါတော့ဘာကြောင့်လဲ ပြောလို့မတတ်ဘူး။”

မြန်မာစစ်တပ်နဲ့ SSPP/ SSA မြောက်ပိုင်းတပ်တွေကြား ပြီးခဲ့တဲ့ မတ်လကတည်း တိုက်ပွဲတွေဖြစ်ပွားခဲ့တာမှာ သင်္ကြန်တွင်းတုန်းကလည်း တိုက်ပွဲတွေဖြစ်ခဲ့ပါသေးတယ်။ ရှမ်းပြည်နယ် တန့်ယန်းမြို့နဲ့ မိုင်းရှူးမြို့ကြားမှာ အခုထက်ထိ တိုက်ပွဲတွေ ဖြစ်ပွားနေတဲ့အကြောင်းလည်း ဆက်ပြောပြပါတယ်။

“တန့်ယန်းနဲ့ မိုင်းရှူးပေါ့။ တန့််ယန်းရယ်၊ မိုင်းရှူးရယ်ကြားထဲမှာ ဖြစ်နေတယ်ခင်ဗျ။ အဲဒီလိုမျိုး လက်နက်ကြီးနဲ့ပစ်တာတွေ၊ ထိခိုက်မှုတွေ ရှိတယ်။ နောက်ပြီးတော့ ၀င်ပြီးတော့ လမ်းဖြတ်ရင်းနဲ့တိုက်တာတွေ။ တချို့ကတော့ အစီအစဉ်ရှိရှိနဲ့ တက်ပြီးတော့ တွေ့ဆုံတိုက်တာတွေ အဲဒါတော့ ခဏခဏဖြစ်နေတယ်။”

အခုအချိန်အထိ ရှမ်းပြည်မြောက်ပိုင်းတပ်နဲ့ အစိုးရတပ်ကြား စစ်ရေးတင်းမာမှုတွေ ရှိနေဆဲဖြစ်ပြီး နယ်မြေမတည်ငြိမ် မအေးချမ်းတဲ့အတွက် ဒေသခံပြည်သူတွေ အခုလို ဒုက္ခတွေတွေ့နေရတဲ့အပေါ် နှစ်ဘက်အပစ်အခတ်ရပ်စဲထားတဲ့ အဖွဲ့တွေအနေနဲ့ အပစ်ရပ်သဘောတူမှုကို လေးစားသင့်ပြီး ဒေသခံပြည်သူတွေကလည်း စစ်အမြန်ငြိမ်းဖို့ လိုလားနေကြတယ်လို့ ပြောပါတယ်။

“ကျနော်တို့ အပစ်အခတ်လည်း ရပ်စဲထားပြီးပြီ။ သိပ်မကြာသေးဘူး။ လက်မှတ်ထိုးတာလည်း သိပ်မကြာသေးဘူး။ အကောင်အထည်ဖော်ဖို့လည်း စကားပြောပြီးသားဖြစ်နေတဲ့ အတွက်ကြောင့် ဒီစစ်ကတော့ တတ်နိုင်လို့ရှိရင် ရပ်ပြီးတော့ နှစ်ဦးနှစ်ဘက် ကောင်းကောင်းဆွေးနွေး သဘောတူဖို့ပေါ့။ နောက်ပြီးတော့ ကျနော်တို့ အစိုးရဘက်ကလည်း ကျနော်တို့ သဘောတူထားတဲ့အတိုင်း အဲဒီနယ်မြေတွေကိုလည်း ပေးထားပြီဖြစ်တဲ့အတွက်ကြောင့် အဲဒီနယ်မြေကို ဘယ်လိုလုပ်ရင်ကောင်းမလဲ ဆိုတဲ့ဟာမျိုး နှစ်ဦးနှစ်ဘက်ပေါ့။ အဲဒီမှာ နိုင်ငံရေးအရရော၊ စစ်ရေးအရရော နှစ်ဘက်စလုံး သဘောတူညီချက်အတိုင်း လိုက်နာကြဖို့ရယ်၊ နောက်ပြီးတော့ ပြည်သူလူထု၊ အဲဒီဒေသခံတွေပဲဖြစ်ဖြစ် အဲဒီနေရာမှာရှိနေတဲ့ ထောင်သောင်းမက ပြည်သူလူထုရဲ့ အသက်အိုးအိမ်စည်းစိမ်တွေကိုလည်း ထည့်သွင်းစဉ်းစားပေးဖို့ မေတ္တာရပ်ခံချင်ပါတယ်ခင်ဗျ။”

မြန်မာအစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့ဟာ ရှမ်းပြည်တိုးတက်ရေးပါတီ SSPP/SSA မြောက်ပိုင်းနဲ့ ၂၀၁၂ ခုနှစ် ဇန်နဝါရီလမှာ အပစ်ရပ်ဖို့ သဘောတူခဲ့ပေမဲ့ တနှစ်ကျော်ကာလ အတွင်းမှာ အနည်းဆုံး တိုက်ပွဲပေါင်း အကြိမ် ၁၀၀ ကျော် ဖြစ်ခဲ့သလို တနှစ်ကျော်ကြာ အပစ်ရပ်ထားတဲ့ ရှမ်းပြည်ပြန်လည် ထူထောင်ရေးကောင်စီ ခေါ် RCSS/SSA တောင်ပိုင်းနဲ့လည်း အပစ်ရပ်ဖို့ သဘောတူပြီးတဲ့နောက် တိုက်ပွဲပေါင်းအကြိမ် ၆၀ ကျော်လောက် ဖြစ်ပွားခဲ့ပါသေးတယ်။

http://burmese.voanews.com/content/shan-fighting-04-20-13/1645548.html

အပြည့်အစုံသို့... »

ရှမ်းပြည်နယ် တန့်ယန်း ဒုက္ခသည်စခန်း ရိက္ခာ အခက်ကြုံ

ထိုင်း-မြန်မာနယ်စပ်အနီး SSA နှင့် UWSA တပ်များ စခန်းချလှုပ်ရှားရာ နေရာတဝိုက်တွင် စောင့်ကြပ်နေသော SSA တပ်သားတစ်ဦးကို တွေ့ရပုံ။

RFA 

 

ရှမ်းပြည်နယ် အရှေ့မြောက်ပိုင်းဒေသမှာ အစိုးရတပ်နဲ့ SSA မြောက်ပိုင်းတပ်ဖွဲ့တွေအကြား စစ်ရေးတင်းမာနေ တဲ့အတွက် တန့်ယန်းမြို့၊ အောင်မင်္ဂလာကျောင်းတိုက် မှာဖွင့်ထားတဲ့ ယာယီဒုက္ခသည်စခန်းကို ဒုက္ခသည်တွေ နေ့စဉ်ရက်ဆက် ခိုလှုံလာတာကြောင့် စားနပ်ရိက္ခာအခက်အခဲနဲ့ စတင်တွေ့ကြံုနေရပြီလို့ သိရပါတယ်။
ပြီးခဲ့တဲ့ မတ်လကုန်လောက်ကတည်းက စတင်ဖြစ်ပွားခဲ့တဲ့ တိုက်ပွဲငယ်တွေကြောင့် အဲဒီဒုက္ခသည်စခန်းမှာ ဒေသခံဒုက္ခသည်တွေ နေ့စဉ် လိုလို လာရောက်ခိုလှုံနေကြရာမှာ အခုဆိုရင် ဒုက္ခသည် ၅၀၀ နီးပါးအထိ တိုးမြင့်လာပြီဖြစ်ပါတယ်။
ဒုက္ခသည်တွေအတွက် စားနပ်ရိက္ခာ သီတင်းတစ်ပတ်စာသာ ကျန်ရှိတော့တယ်လို့  ဒုက္ခသည်စခန်းက တာဝန်ရှိသူ ဦးစိုင်းလှရွှေက RFA ကို ပြောပါတယ်။
"စားနပ်ရိက္ခာက အခြေမနေမကောင်းတော့ နည်းနည်းလိုနေပြီ၊ ထပ်ရောက်တဲ့သူတွေကို ပေးဖို့မရှိတော့ဘူး၊ အိုးခွက်၊ ပန်းကန်တွေလည်းလိုတယ်"
အဲ့ဒီဒုက္ခသည်စခန်းကို World Food Program ကမ္ဘာ့စားနပ်ရိက္ခာအစီအစဉ်အဖွဲ့နဲ့ လူမှုရေးအဖွဲ့အစည်းတွေက စားနပ်ရိက္ခာတွေ အကူအညီပေးခဲ့ပေမယ့် အခုရက်ပိုင်းအတွင်း နောက်ထပ်ရောက်ရှိလာတဲ့ ဒုက္ခသည် ၁၀၀ နီးပါးအတွက် အစားအသောက်နဲ့ ခြံုစောင်တွေ လိုအပ်နေသေးတယ်လို့ဆိုပါတယ်။

ဆက်နွယ်သောသတင်းများ

• သိမ်းဆည်းခံ လယ်ယာမြေတွေ ပြန်ရရေး ဆုတောင်းပွဲ
• တန့်ယန်းစစ်ရေး မတည်ငြိမ်မှုကြောင့် ဒုက္ခသည်ဦးရေ တိုးလာ
• မြန်မာစစ်တပ် အကြီးအကဲနဲ့ ထိုင်းဝန်ကြီးချုပ်ဟောင်း အတူရေကစား
• ငပလီမြေသိမ်းမှု ဆိုင်ရာကို တင်ပြမည်
• တန့်ယန်းမြို့နယ်က စစ်ပြေးဒုက္ခသည်တွေ နေရပ် မပြန်ရဲသေး
• သဘာဝဓါတ်ငွေ့ပိုက်လိုင်း ရှမ်းလူမှုအဖွဲ့အစည်းတွေ စိုးရိမ်
• ပိုက်လိုင်းဖြတ်သွားမယ့် ရှမ်းပြည်နယ်ဒေသခံတွေ စာတင်
• တန့်ယန်းဒေသခံတွေ စစ်ဘေး လွတ်ရာထွက်ပြေး
• စစ်ရေးတင်းမာမှု လျော့ချရေး SSPP/SSA မြောက်ပိုင်းနဲ့ အစိုးရငြိမ်းချမ်းရေးအဖွဲ့ ဆွေးနွေး

http://www.rfa.org/burmese/news/north-shan-ssa-army-04212013114308.html

အပြည့်အစုံသို့... »

SSA နှင့် အစိုးရတပ်မတော် တိုက်ပွဲကြောင့် ပြေးရှောင်ရသည့် ဒုက္ခသည်များ နေရပ်ပြန်မည်

မတ်လ ၂၈ ရက်နေ့က တန့်ယန်းမြို့နယ်အတွင်း ဖြစ်ပွားခဲ့သည့် ရှမ်းပြည်တပ်မတော် (SSA) နှင့် မြန်မာ့ တပ်မတော်တို့၏ တိုက်ပွဲများကြောင့် စစ်ဘေးရှောင်လာသော ဒုက္ခသည်များသည် မနက်ဖြန် ဧပြီလ ၁၁ ရက်နေ့တွင် သက်ဆိုင်ရာ ကျေးရွာ များသို့ ပြန်မည်ဖြစ်ကြောင်း သတင်းရရှိသည်။
“ကျနော်တို့ကတော့ တအား ပြန်ချင်တာပေါ့ဗျာ။ ဒီလမှာ တောင်ယာ လုပ်ငန်းတွေ မစနိုင်ရင် တနှစ်လုံးအတွက် နောက်ကျ သွားမှာ။ ၁ နှစ်စာ နစ်နာတာပေါ့။ တိုက်ပွဲ မရှိတော့ဘူး ကြားတာနဲ့ ပြန်ဖို့ ပြင်နေကြတာ” ဟု တန့်ယန်းမြို့ပေါ်သို့ စစ်ဘေးရှောင်ရန် ရောက်ရှိနေသည့် ကောင်းကော် ကျေးရွာသား တဦးက ဧရာဝတီကို ပြောသည်။
ရှမ်းပြည်နယ် မြောက်ပိုင်း တန့်ယန်းမြို့နယ်အတွင်း လှုပ်ရှားနေသော ရှမ်းပြည် တပ်မတော် မြောက်ပိုင်း၏ လွယ်လန်းနှင့် လွယ်စေး တပ်စခန်း ၂ ခုကို ဆုတ်ခွာပေးရန် အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်စိုးက ယခုလ ၂၅ ရက်နေ့က လားရှိုးမြို့ ရွှေလီရိပ်သာတွင် SSA မြောက်ပိုင်းတပ်ဖွဲ့နှင့် တွေ့ဆုံခဲ့စဉ် ပြောကြားခဲ့သည်။
ရှမ်းပြည် တပ်မတော် မြောက်ပိုင်းက တပ်စခန်းများ ဆုတ်ခွာပေးခြင်း မရှိသဖြင့် မတ်လ ၂၈ ရက်နေ့မှ စတင်ကာ အပြန်အလှန် တိုက်ပွဲများ ဖြစ်ပွားခဲ့ပြီး လွယ်လန်း၊ လွယ်စေး၊ ကုန်းကော်၊ ကောင်းဆိုင်း၊ ပါဖန်၊ လွိုင်ပု၊ နမ့်လွတ် စသည့် ကျေးရွာများမှ ဒေသခံ တထောင်နီးပါးခန့်တို့ တန့်ယန်းမြို့ပေါ်သို့ စစ်ဘေးရှောင် ဒုက္ခသည်များအဖြစ် ရောက်ရှိလာခဲ့ကြောင်း သိရသည်။
“၂၈ ရက်နေ့ ညကနေစပြီး သုံးလေးရက် ဆက်တိုက် ရောက်လာကြတယ်။ အများစုက ဆွေမျိုးအိမ်တွေ၊ သူတို့နဲ့ ရင်းနှီးတဲ့ သီးနှံ ပွဲစားတွေအိမ်မှာ နေတယ်။ ဘုန်းကြီးကျောင်း ရောက်လာတာက လေးရာကျော်ရှိတယ်။ မနက်ဖြန်ကို ပြန်ပို့ဖို့ စီစဉ်ထားတယ်။ အခုဟာက မြို့ပေါ်နားကတော့ သတင်းကတော့ အားလုံး အေးဆေး ငြိမ်းချမ်းနေတယ်။ ဒါပေမယ့် ဒီ မြေမြှုပ်မိုင်းနဲ့ ပတ်သက်တာ ကျတော့ ကျနော်တို့လညး် အာမ မခံရဲဘူး။ မိုင်းတခုပဲ ကြောက်ရတယ်။ တဘက်နဲ့ တဘက် ပစ်ခတ်မှု မရှိတော့ဘူး။ အစိုးရတပ်တော့ ရှိနေတယ်” ဟု တန့်ယန်းမြို့နယ် တအာင်း (ပလောင်) စာပေနှင့် ယဉ်ကျေးမှု အသင်းမှ ပြောရေးဆိုခွင့်ရှိသူ တဦးက ပြောသည်။
စစ်ဘေးရှောင် ဒုက္ခသည်များကို ပြန်ပို့ရန် မြို့နယ် အုပ်ချုပ်ရေးအဖွဲ့က ကားများ စီစဉ်ထားပြီး ရ ရက်စာ ဆန်နှင့် ရိက္ခာကိုလည်း ပို့ပေးမည်ဖြစ်ကာ ရ ရက်အတွင်း အခြေအနေ ပြန်လည် ဆိုးဝါးလာပါက တန့်ယန်းမြို့ပေါ်သို့ ချက်ချင်း ပြန်လာနိုင်ရန် စီစဉ်မည်ဖြစ်ကြောင်း သိရသည်။
“မနေ့က မြန်မာ့ တပ်မတော်ကနေပြီးတော့ အခြေအနေတွေ အေးဆေးသွားပါပြီ၊ ဒုက္ခသည်တွေ အိမ်ပြန်လို့ ရပါပြီ ဆိုတဲ့ သဘောမျိုး လာပြောသွားတာ ရှိတယ်။ ဒုက္ခသည်တွေကလည်း ပြန်ချင်နေကြတော့ ကျနော်တို့က အလှူခံ ရထားတဲ့ ဆန်ရိက္ခာ ရ ရက်စာကို စီစဉ်ပြီး ထည့်ပေးမယ်။ အခြေအနေ မကောင်းရင်လည်း တန့်ယန်းကို ပြန်လာဖို့ ရွာလူကြီးတွေနဲ့ တိုင်ပင်ထားတာရှိတယ်” ဟု တန့်ယန်းမြို့နယ် လွှတ်တော်ကိုယ်စားလှယ် ဦးစိုင်းထွန်းထွန်းဝင်းက ဧရာဝတီကို ပြောသည်။
တိုင်းရင်းသား လက်နက်ကိုင်များနှင့် ငြိမ်းချမ်းရေးအတွက် ဆွေးနွေးနေဆဲ အချိန်တွင် ယခုကဲ့သို့ တိုက်ပွဲများ ဖြစ်ပွား နေခြင်းကို လွှတ်တော်တွင် တင်ပြဆွေးနွေးရန် စီစဉ်ထားကြောင်း ၎င်းက ဆိုသည်။
ရှမ်းပြည် တပ်မတော်နှင့် မြန်မာ့တပ်မတော်တို့ တိုက်ပွဲများ ဖြစ်ပွားနေစဉ် ဧပြီလ ၃ ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီနှင့် လားရှိုးမြို့တွင် တွေ့ဆုံခဲ့ပြီး မတ်လ ၂၈ ရက် တွေ့ဆုံပွဲတွင် လွယ်လန်း၊ လွယ်စေးဒေသမှ တပ်များ ဆုတ်ခွာခိုင်းသည့် ကိစ္စကို ရှမ်းပြည်တပ်မတော်မှ ထပ်မံ ငြင်းဆိုခဲ့ကြောင်း သတင်းများက ဆိုသည်။
ရှမ်းပြည် တပ်မတော်သည် အစိုးရနှင့် ပြည်ထောင်စုအဆင့် အပစ်အခတ်ရပ်ဆဲရေး သဘောတူညီချက် ရရှိထားသော်လည်း နယ်မြေသတ်မှတ်မှု မပြုလုပ်နိုင်သေးသဖြင့် တိုက်ပွဲများ ဆက်လက် ဖြစ်ပွားနေခြင်းဖြစ်ကြောင်း သိရသည်။

 http://burma.irrawaddy.org/archives/37444

အပြည့်အစုံသို့... »

တန့်ယန်းဒေသခံတွေ စစ်ဘေး လွတ်ရာထွက်ပြေး

ရှမ်းပြည်တပ်မတော် မြောက်ပိုင်းတပ်တွေရှိတဲ့ တန့်ယန်းမြို့နယ်အတွင်းက သံလွင်မြစ်တလျှောက်နေရာတွေကို အစိုးရတပ်တွေ ထိုးစစ်ဆင်လာတာကြောင့် တန့်ယန်းမြို့နယ်ဒေသခံ ကျေးရွာပေါင်း ၁၆ ရွာက ရွာသူရွာသားတစ်ထောင်နီးပါး ရွှေ့ပြောင်းနေရတယ်လို့ ထိုင်း-မြန်မာနယ်စပ်အခြေစိုက် ရှမ်းလူ့အခွင့်အရေးအဖွဲ့က ဒီနေ့ကြေညာချက် ထုတ်ပြန်လိုက်ပါတယ်။
ပြီးခဲ့တဲ့ ဖေဖေါ်ဝါရီလကတည်းက မြန်မာစစ်တပ်ဟာ အဲဒီတန့်ယန်းမြို့နယ်အတွင်းမှာ အင်အားတိုးချဲ့ချထားလိုက်ပြီး ရှမ်းပြည်တပ်မတော် မြောက်ပိုင်းအဖွဲ့ ခြေကုတ်ယူထားတဲ့နေရာတွေကနေ ဆုတ်ခွာပေးအောင် တောင်းဆိုထားတာရှိသလို အခုနောက်ပိုင်း စစ်ရေးအရ ဖိအားပေးနေတာလို့ ကြေညာချက်မှာဖေါ်ပြပါတယ်။
ဒေသခံကျေးရွာသားတွေဟာ နေအိမ်တွေစွန့်ပြေးရပြီး တန့်ယန်းမြို့က ဘုန်းကြီးကျောင်းတချို့နဲ့ စာသင်ကျောင်းတွေမှာ ခိုလှုံနေကြရတယ်လို့ ပြောပါတယ်။
တစ်ချိန်တည်းမှာလည်း ဒေသခံရွာသားတစ်ချို့ဟာ အစိုးရတပ်တွေရဲ့ တပ်စခန်းတွေမှာ နေ့ညလုပ်အားပေးနေရတာတွေရှိတယ်လို့ သိရပါတယ်။
ရှမ်းပြည်တပ်မတော် မြောက်ပိုင်းဟာ အစိုးရနဲ့ ၁၉၈၉ ခုနှစ်ကတည်းက တရားဝင်အပစ်ခတ်ရပ်စဲထားတဲ့ အဖွဲ့တစ်ခုဖြစ်ပြီး ပြီးခဲ့တဲ့ ၂၀၁၁ ခုနှစ် မတ်လလောက်ကစပြီး စစ်ရေးအခြေအနေ ပြန်လည်တင်းမာခဲ့တာလို့ သိရပါတယ်။

ဆက်နွယ်သောသတင်းများ

• သိမ်းဆည်းခံ လယ်ယာမြေတွေ ပြန်ရရေး ဆုတောင်းပွဲ
• တန့်ယန်းစစ်ရေး မတည်ငြိမ်မှုကြောင့် ဒုက္ခသည်ဦးရေ တိုးလာ
• မြန်မာစစ်တပ် အကြီးအကဲနဲ့ ထိုင်းဝန်ကြီးချုပ်ဟောင်း အတူရေကစား
• ငပလီမြေသိမ်းမှု ဆိုင်ရာကို တင်ပြမည်
• ပလောင်ဒေသက တိုက်ပွဲတွေ အမြန်ဆုံးရပ်ဆိုင်းဖို့ တအောင်း အမျိုးသမီးအဖွဲ့တောင်းဆို
• စစ်ရေးတင်းမာမှု လျော့ချရေး SSPP/SSA မြောက်ပိုင်းနဲ့ အစိုးရငြိမ်းချမ်းရေးအဖွဲ့ ဆွေးနွေး
• အသွင်ကူးပြောင်းရေး တပ်မတော် ဦးဆောင်မှုကဏ္ဍကနေ ဆက်လက်ပါဝင်မယ်
• မိတ္တီလာအပါအဝင် မြို့နယ် ၄ ခုမှာ အရေးပေါ် အမိန့်ကြေညာ
• စစ်တန်းလျားဆောက်ဖို့ သိမ်းခဲ့တဲ့မြေတွေပြန်ရဖို့ ဒေသခံတွေ တောင်းဆို

http://www.rfa.org/burmese/news/battle-ssa-army-04052013113202.html

အပြည့်အစုံသို့... »

ရှမ်းပြည်မြောက်ပိုင်း တပ်ဖွဲ့စခန်းကို အစိုးရတပ်ဖွဲ့တွေ ဆက်လက်တိုက်ခိုက်

ရှမ်းပြည်မြောက်ပိုင်း၊ တန့်ယန်းမြို့နယ်အတွင်းက ရှမ်းပြည်တပ်မတော် SSPP/SSA မြောက်ပိုင်းတပ် ထိုင်ထားတဲ့စခန်းကို အစိုးရတပ်တွေက ဒီနေ့မနက် ဆက်လက်တိုက်ခိုက်နေတယ်လို့ သိရပါတယ်။
ဖေဖော်ဝါရီလ ၁၉ ရက်နဲ့ ၂၀ ရက်နေ့က  နှစ်ရက်ဆက်တိုက် တိုက်ပွဲတွေဖြစ်ပွားခဲ့တဲ့ ရှမ်းပြည်နယ်မြောက်ပိုင်း၊ တန့်ယန်းမြို့နယ်မှာ မနေ့က တိုက်ပွဲရပ်သွားခဲ့ပေမယ့် ဒီနေ့မနက်စောစောမှာ အစိုးရတပ်က SSA မြောက်ပိုင်းတပ်တွေ ထိုင်ထားတဲ့ တန့်ယန်းမြို့နယ်၊ မိုင်းကောင် အရှေ့ဖက်ခြမ်းက တောင်ကုန်းစခန်းကို တပ်ရင်းနှစ်ရင်းနဲ့ ထိုးစစ်ဆင်တိုက်ခိုက်ခဲ့တဲ့အကြောင်း ရှမ်းပြည်တိုးတက်ရေးပါတီ SSPP/SSA မြောက်ပိုင်းအဖွဲ့က ပြောရေးဆိုခွင့်ရှိသူ ဗိုလ်မှုးစိုင်းလ က RFA ကို ပြောပါတယ်။
"ဒီနေ့ သူတို့ ၆နာရီခွဲအချိန် ကျနော်တို့တပ်ရှိတဲ့နေရာကို သူတို့ကတုတ်ကျင်းတူးပြီးတော့ တဆင့်ပြီးတဆင့် တက်တိုက်တယ် ခမရ ၃၂၂နဲ့ ခလရ ၃၃ပါ ကျနော်တို့ ၉ နာရီအထိတော့ ဖြစ်နေတာပဲ၊ ကျနော်တို့တပ်တွေ အခြေချထားတဲ့ လွယ်လန်းတောင်မှာပဲ တန့်ယန်းမြို့နယ်၊ မိုင်းကောင် အရှေ့ဖက်ခြမ်း ၆ မိုင် ရ မိုင်လောက်ပေါ့"
ရှမ်းပြည်တပ်မတော် SSA ဘက်ကလည်း ပြန်လည်ခုခံတိုက်ခိုက်ခဲ့ပြီး  နှစ်ဖက်ကျဆုံးထိခိုက်မှုကိုတော့  မသိရသေးဘူးလို့ ပြောပါတယ်။
ယခုလ ၁၉ ရက်နဲ့ ၂၀ ရက်နေ့ကဖြစ်ခဲ့တဲ့ တိုက်ပွဲတွေနဲ့ ပတ်သက်လို့ ရှမ်းပြည်မြောက်ပိုင်း  လားရှိုးမြို့ရှိ အရှေ့မြောက်ပိုင်းတိုင်း၊ စစ်ဌာနချုပ်ရုံးကို SSA မြောက်ပိုင်းတပ်က ဗိုလ်ကြီး နော်လင်းက သွားရောက်အကြောင်းကြားခဲ့တဲ့အတွက်  ဖေဖော်ဝါရီ ၂၁ ရက်နေ့မှာ  တိုက်ပွဲတွေရပ်သွားခဲ့တယ်လို့ သိရပါတယ်။
ဒါပေမယ့် နောက်တစ်ရက်မှာတော့ အရှေ့မြောက်ပိုင်းတိုင်း စစ်ဌာနချုပ် ဒုတိယတိုင်းမှူး ဗိုလ်မှူးကြီး ၀င်းသိန်းက လာရှိုးမြို့မှာရှိတဲ့ SSA မြောက်ပိုင်းတပ်ဖွဲ့က ဆက်ဆံရေးတာဝန်ခံကိုခေါ်ပြီး တောင်ကုန်းစခန်းရှိ SSA တပ်တွေကို ဆုတ်ပေးဖို့ တကယ်လို့ဆုတ်မပေးပါက တိုက်ခိုက်မယ်လို့ ပြောဆိုခဲ့ကြောင်း ဗိုလ်မှုးစိုင်းလ ကပြောပါတယ်။
"ငြိမ်းချမ်းရေး ဖေါ်ဆောင်ရေးအဖွဲ့က ကျနာ်တို့ ဗိုလ်ကြီး နော်လင်း တိုင်းရုံးက ကာနယ်ကြီးနဲ့ တွေ့ဆုံကြတယ်လေ၊ အဲဒီတုံးကတော့ သူတို့ တိုက်ပွဲဆက်မဖြစ်ဖို့ သူတို့ထိန်းချုပ်ပေးပါ့မယ်လို့ အဲလိုပြောတယ်၊ ပြောပြီးတော့ တမြန်နေ့က ကျနော်တို့ ဆက်ဆံရေးတာဝန်ခံ ဗိုလ်ကြီးအောင်လကို အဲဒီကာနယ်ကြီးက ပြန်ခေါ်တယ်လေ၊ ည ၈ နာရီခွဲလောက်က ခေါ်ပြီးတော့ မင်းတို့အဲဒီနေရာကနေ ဖယ်ပေး၊ မဖယ်ပေးရင် ကျနော်တို့တိုက်မယ်၊ အဲလိုပြန်ပြောတော့ ဒီနေ့ ၆ နာရီခွဲအချိန်မှာ တိုက်ပွဲဖြစ်တာပဲ"
ယခုတိုက်ခိုက်နေတဲ့ တောင်ကုန်းစခန်းဟာ SSA မြောက်ပိုင်းတပ်ဖွဲ့ မိသားစုဝင် ၃၀၀ ကျော် အခြေချနေထိုင်ဖို့ စီစဉ်နေတဲ့နေရာဖြစ်ပြီး အခုစခန်းပါ ဆုတ်ပေးလိုက်ရရင် သူတို့အတွက် နေစရာမရှိတော့ဘူးလို့လည်း သိရပါတယ်။
ရှမ်းပြည်နယ်တိုးတက်ရေးပါတီ  SSPP/SSA အဖွဲ့နဲ့ အစိုးရတို့ အပစ်ရပ်စဲရေး သဘောတူထားခဲ့တဲ့  တနှစ်ကျော် ကာလအတွင်းမှာ အစိုးရတပ်က ပြောလို့ ဆုတ်ပေးလိုက်ရတဲ့ စခန်း ၄ ခုရှိတယ်လို့ ဗိုလ်မှုးစိုင်းလက ပြောပါတယ်။

• ကေအိုင်အိုနဲ့ အစိုးရ ကိုယ်စားလှယ်တွေ ဆွေးနွေးဖို့ ရက်ရွှေ့ဆိုင်း
• ငြိမ်းချမ်းရေး ခရီးစဉ် သွားရောက် သူများ အမျိုးမျိုးနှောက်ယှက်ခံရ
• တပ်မတော်နဲ့ ပါတီ်တွေ တိုင်ပင် လုပ်ကြရင် တိုးတက်မယ်လို့ ဒေါ်အောင်ဆန်း စုကြည် ပြော
• တန့်ယန်းမြို့နယ်မှာ အစိုးရနဲ့ SSA မြောက်ပိုင်းတပ်တွေ တိုက်ပွဲဖြစ်
• ရှမ်းပြည်မြောက်ပိုင်း SSA တပ်နဲ့ အစိုးရတပ်တွေ တိုက်ပွဲဖြစ်ပွား
• စစ်တပ် အဓမ္မသိမ်းယူထားတဲ့ မြောက်ဦးက လယ်မြေတွေအတွက် သီးစားခတောင်းခံ
• ဦးပိုင်ကုမ္ပဏီရဲ့ အက်ဆစ် စက်ရုံမှူးကို ကံကုန်းကျေးရွာသားတွေ တရားစွဲ
• မြေတွေ ပြန်ပေးဖို့ သင်္ဃန်းကျွန်းဒေသခံတွေ တောင်းဆို
• သပိတ်ကျဉ်း မြို့နယ်အတွင်းက စစ်တပ်ပိုင်သိမ်းထားတဲ့ လယ်တွေပြန်ပေး

http://www.rfa.org/burmese/news/sspp-ssa-army-battle-02222013111120.html

အပြည့်အစုံသို့... »

ရှမ်းပြည်မြောက်ပိုင်းဒေသသို့ အစိုးရတပ် အင်အားတိုးချလာ

မြန်မာစစ်အစိုးရတပ်သည် ရှမ်းပြည်မြောက်ပိုင်းဒေသ ကချင်ပြည်လွတ်မြောက်ရေးအဖွဲ့ (KIO) နယ်မြေ နေရာ (၃) ခုတွင် စစ်ကား အစင်း ၉၀ ကျော်ဖြင့် ဖေဖဝါရီလ ၁၉ ရက် ဗုဒ္ဓဟူးနေ့ နံနက်ပိုင်းမှ အင်အားတိုးချလာကြောင်းသိရသည်။
ယခုတိုးချဲ့လာသော အစိုးရစစ်အင်အားများသည် မူဆယ် (Muse)ဘက်သို့ ၁၇ စင်း၊ မုန်ဂျီ (Mung Ji)  ဘက်သို့ ၁၇ စင်းနှင့် လားရှိုးအရှေ့ဘက် နမ်ဂျာရတ် (Nam Ja Rap) တွင် ၆၃ စင်း ဖြင့် အသီးသီး ပို့ဆောင်ထားကြောင်း KIA တပ်မဟာ (၄)နယ်မြေ မှ အမည်မဖော်လိုသူ ဒေသခံတဦး KNG ကချင်သတင်းဌာနသို့ပြောသည်။
ထိုအစိုးရတပ်များသည် မန္တလေးမှတိုးချဲ့လာသော တပ်မ (၉၉၊ ၅၅၊ ၃၃) တို့ဖြစ်ပြီး ၎င်းကားများတွင် အများအားဖြင့် စစ်သားများဖြစ်ကာ ရိက္ခာတင်သည့်ကားများနှင့် မြင်းများတင်သည့် ကားများတို့လည်းဖြစ်ကြောင်း မျက်မြင်ဒေသခံများပြောသည်။
ညနေ ၅ နာရီခွဲချိန်တွင်လည်း မြင်းတင်သည့် ကား ၁ စင်းနှင့် စစ်သားများတင်သည့် ကား ၆ စင်းသည် ကချင်ပြည်နယ်သို့ ပြန်ဆုတ်သွားကြောင်းသိရသည်။
“ထိပ်တိုက်ပစ်တာတော့မရှိဘူး။ ကျနော်တို့နားမှ ဖြည့်နေတယ်။ မုန်ဘော်ပါ (Mungbaw Pa) မှာ ဆက်တိုက်လို ဖြည့်နေတယ်။ မျက်စိနဲ့ တိုက်ရိုက်မြင်တာက မနေ့က နေ့လည်ဘက်ကနေ တွေ့မြင်နေရတာ။” ဟု KIA အရပ်သားတပ်ဖွဲ့ (MHH) တပ်ခွဲ (၅) မှ အရာရှိတဦး KNG ကချင်သတင်းဌာန သို့ပြောသည်။
၎င်းအစိုးရတပ်များသည် အောက်ပြည် လားရှိုး၊ ကွတ်ခိုင်ဘက်မှ ယမန်နေ့ ညနေ ၃ နာရီခန့် တွင် ကား ၁၀ စင်းဖြင့် မူဆယ် (၁၀၅)တွင် ရောက်ရှိလာပြီး ၎င်းမှနေရာ အနှံ့သို့ ဖြည့်နေခြင်းကြောင်း ဆက်ဆိုသည်။
တပ်မဟာ (၄) နယ်မြေတွင် အစိုးရတပ်ပေါင်းစုများသည် စစ်အင်အား ၁၀၀၀ ကျော် တိုးချ၍ ထိုးစစ်ဆင်လှုပ်ရှားနေချိန် ယမန်နေ့များမှ အစိုးရစစ်အင်အားများ ပြန်လည်တိုးချဲ့လာကြောင်း  အရာရှိများပြောသည်။
ဆက်လက်ပြီး ဖေဖဝါရီ ၂၀ ယနေ့ နံနက် ၁၀ နာရီချိန်တွင် ဗန်းမော်ဘက်မှ အစိုးရစစ်ကား ၃၀ စင်းသည် ဗဟိုဌာနချုပ်အနီးရှိ လဂျားယန် (Lajayang) နှင့် ဒေါ့ဖုန်းယန် (Dawhpumyang) ကြား လှုပ်ရှားနေသော  စစ်ကြောင်းများသို့ ရိက္ခာများပို့နေကြောင်းရှေ့တန်းမှဆိုသည်။
ထိုသို့အစိုးရတပ်သည် ၁၇ ရက် တနင်္ဂနွေနေ့ တွင်လည်း အစိုးရစစ်ကား ၁၁ စင်းဖြင့် ရိက္ခာများပို့နေခဲ့ကြောင်း ရှေ့တန်းမှ KIA အရာရှိတဦးပြောသည်။
အစိုးရတပ်များ အင်အားတိုးချ ခြင်းနှင့်ပတ်သက်၍ KIO ဖက်မှ ယခုချိန်တွင်း ထိုးစစ်များခေတ္တငြိမ်သက်နေသေသာ်လည်း လှုပ်ရှားမှုများသည် တင်းမာမှုတစုံတရာဖြစ်လာနိုင်ကြောင်း ယူဆနေကြသည်။
သို့သော်အစိုးရဖက်မှ မည်သို့ကြောင့် ပို့ဆောင်နေခြင်းနှင့်ပတ်သက်၍ သက်ဆိုင်သူများထံ ဆက်သွယ်၍မရခဲ့ပေ။
ယခုချိန်သည် အစိုးရနှင့် KIO ကြားငြိမ်းချမ်းရေးတွေ့ဆုံဆွေးနွေးစဉ်ကာဖြစ်သောကြောင့် နှစ်ဖက်တပ်များ ပစ်ခတ်မှုမပြုလုပ်ရန် ညွှန်ကြားထားချိန်လည်းဖြစ်သည်။

http://www.kachinnews.com/burmese/news/1029-%E1%80%9B%E1%80%BD%E1%80%99%E1%80%B9%E1%80%B8%E1%80%BB%E1%80%95%E1%80%8A%E1%80%B9%E1%80%B1%E1%80%BB%E1%80%99%E1%80%AC%E1%80%80%E1%80%B9%E1%80%95%E1%80%AD%E1%80%AF%E1%80%84%E1%80%B9%E1%80%B8%E1%80%B1%E1%80%92%E1%80%9E%E1%80%9E%E1%80%AF%E1%80%AD%E1%82%94-%E1%80%A1%E1%80%85%E1%80%AD%E1%80%AF%E1%80%B8%E1%80%9B%E1%80%90%E1%80%95%E1%80%B9-%E1%80%A1%E1%80%84%E1%80%B9%E1%80%A1%E1%80%AC%E1%80%B8%E1%80%90%E1%80%AD%E1%80%AF%E1%80%B8%E1%80%81%E1%80%BA%E1%80%9C%E1%80%AC.html

အပြည့်အစုံသို့... »

ရှမ်းပြည်နယ်မြောက်ပိုင်းဒေသ အစိုးရတပ် အများအပြား အင်အားဖြည့်

ကချင်ပြည်နယ် အတွင်းမှာ တပ်တွေ တိုးချထားပြီး ကေအိုင်အိုတပ်တွေနဲ့ တိုက်ပွဲတွေ ဖြစ်နေချိန်မှာ ရှမ်းပြည်နယ်မြောက်ပိုင်းဒေသမှာလဲ မြန်မာအစိုးရစစ်တပ်တွေကို တပ်အင်အားထောင်နဲ့ချီပြီး ဖြည့်တင်း တိုးချဲ့နေတယ်လို့ သိရပါတယ်။

Photo:RFA/Moe Thu Ang

၂၀၁၂ ခုနှစ်၊နှစ်ဆန်းပိုင်းက ကရင်ပြည်နယ်၊မြဝတီခရိုင်တွင် ကင်းလှည့်နေသည့် မြန်မာစစ်သားများ။

လွန်ခဲ့တဲ့ လေးငါးရက်လောက်က စတင်ပြီးတော့ ရှမ်းပြည်မြောက်ပိုင်း ကေအိုင်အို တပ်မဟာ ၄ ဒေသနဲ့ ပလောင်ဒေသတွေမှာ အစိုးရတပ်တွေ အများအပြား တိုးချလာတယ်လို့ ပလောင်တပ်မှုး တာ့ဖုန်းကျော်က ပြောပါတယ်။
"များတော့များတယ်ဗျ စကခ ၁ နဲ့ စကခ ၁၆ သိန္နီ၊ ဒီဘက် ကွတ်ခိုင်ဘက်မှာရော ၊ မန်တုံဘက်ရော၊ နမ့်ခမ်းဘက်ရော၊ နမ့်ဆန်ဘက်ရော နမ့်ဆန်ဘက်မှာတက်လာတာက ခန့်မှန်းခြေ ၄၀၀ နဲ့ ၅၀၀ ကြားလောက်ရှိမယ်၊ မန်တုံနဲ့နမ့်ခမ်းဝန်းကျင်လဲ ၃၀၀ ၀န်းကျင်လောက်ရှိမယ်၊ ကွတ်ခိုင်ဘက်ကလဲ လောလောဆယ် ၃၀၀ ၀န်းကျင်လောက်ရှိမယ်၊ လောလောဆယ်တော့ ဘာတိုက်ပွဲမှ မရှိဘူး လေးရက်ငါးရက်ရှိပြီ သူတို့တပ်တွေ ဟိုဘက်ရွှေ့လိုက် ဒီဘက်ရွှေ့လိုက်"
နှစ်ဖက် ကြီးကြီးမားမား တိုက်ပွဲတွေမရှိပေမဲ့ နယ်မြေစိုးမိုးရေး လုပ်တာဖြစ်တဲ့အတွက် မကြာခင်တိုက်ပွဲတွေ ဖြစ်လာနိုင်စရာရှိတယ်လို့လဲ သူက ဆက်လက်ပြောပြပါတယ်။
"ကျနော်တို့သိရသလောက်ကတော့ သူတို့နယ်မြေစိုးမိုးရေး အကုန်လုံးလုပ်မယ်လို့ပြောတယ်၊ ကျနော်တို့ လက်နက်ကိုင်တပ်ဖွဲ့တွေ အကုန်လုံးရှင်းမယ် အဲလိုကြားရတာပေါ့၊ ကချင်ဘက်မှာဆိုရင် အခု လိုင်ဇာဘက်ပေါ့ ကေအိုင်အို တပ်မဟာ ၄ ၊ အခုပလောင်ဘက်ထွက်နေတဲ့ဟာ ဒါတွေအကုန်လုံး ရှင်းမယ် ဒါတွေ အကုန်လုံးရှင်းပြီးပီဆိုရင်တော့ ရှမ်းဘက်က ၀မ့်ဟိုင်းဘက်ကိုရှင်းမယ် အဲလို ကျနော်တို့သတင်းရတယ်"
ရှမ်းပြည်မြောက်ပိုင်းမှာ ၂၀၁၁ ခုနှစ် ဇွန်လက စတင်ပြီး ကေအိုင်အိုနဲ့ အစိုးရတပ်တွေကြား တိုက်ပွဲတွေ ပြန်ဖြစ်ပွားလာခဲ့ပါတယ်။
မြန်မာနိုင်ငံမှာ အစိုးရက တိုင်းရင်းသား လက်နက်ကိုင် ၁၁ ဖွဲ့နဲ့ အပစ်အခတ်ရပ်စဲရေး သဘောတူ လက်မှတ်ထိုးထားပေမဲ့ ကချင်လွတ်လပ်ရေးအဖွဲ့ ကေအိုင်အို၊ တအာင်းအမျိုးသားလွတ်မြောက်ရေး တပ်မတော် TNLA နဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF လက်နက်ကိုင်အဖွဲ့တွေနဲ့ အခုအချိန်အထိ အပစ်အခတ်ရပ်စဲရေး မလုပ်နိုင်သေးပါဘူး။

http://www.rfa.org/burmese/news/shan-north-army-12262012064307.html

အပြည့်အစုံသို့... »

SSPP/SSA လှုပ်ရှားရာ သျှမ်းမြောက် လေးမြို့နယ်အား အစိုးရတပ်ထိုးစစ်တိုက်ခိုက်နေ

သျှမ်းပြည်မြောက်ပိုင်းလေးမြို့နယ်အတွင်းရှိ သျှမ်းပြည်တိုးတက်ရေးပါတီ သျှမ်းပြည်တပ်မတော်စစ်ကြောင်း များ၊ ယာယီတပ်စခန်းများအား အစိုးရတပ်ထိုးစစ်ဆင်တိုက်ခိုက်နေကြောင်း သျှမ်းပြည်တပ်မတော်အသိုင်း အဝိုင်းကပြောပါသည်။

“ကျနော်တို့ ဌာနချုပ်အနီးအနားကလွဲလို့ ကျန်တဲ့နေရာတွေမှာ ကျနော်တို့ကို လိုက်တိုက်နေတယ်။ အခုလဲ သိန္နီ၊ ကျောက်မဲ၊ မိုးမိတ်၊ နမ္မတူ မြို့နယ် တွေထဲမှာ တိုက်ပွဲတွေဆက်ဖြစ်နေတယ်။ ကျနော်တို့စစ်ကြောင်းရဲ့ သတင်းကိုရတာနဲ့ အစိုးရတပ်က နောက်ယောက်ခံလိုက်တိုက်နေတာ” - ဟု ဗိုလ်မှူးကြီးစိုင်းထူး ကပြော ပါသည်။

သျှမ်းပြည်မြောက်ပိုင်း သိန္နီ၊ ကျောက်မဲ၊ နမ္မတူ၊ မိုးမိတ် မြို့နယ် အတွင်းလှုပ်ရှားသည့် သျှမ်းပြည်တပ်မတော် SSPP/SSA တပ်မဟာ ၁ ၊ ၁၅၃၊ ၆၁၂ တို့အား အစိုးရ တပ်၏ ကျောက်မဲ အခြေစိုက် စကခ ၁ လက်အောက်ခံ တပ်ရင်းများ၊ သိန္နီအခြေစိုက် စကခ ၁၆ လက်အောက် ခံတပ်ရင်းများ၊ အောင်လံ နှင့် မန္တလေးမှ တပ်ရင်း အချို့တို့က လိုက်လံတိုက်ခိုက်နေကြောင်း ဝမ့်ဟိုင်းဌာနချုပ် အရာရှိ အသိုင်း အဝိုင်းက ပြောပါသည်။

“ကျနော်တို့ကိုဘဲ တိုက်နေတာမဟုတ်ဘူး။ လူထုတွေကိုပါနှိပ်စက်နေတာ။ အစိုးရတပ်က အင်အားတိုးချချင် လို့ ရပ်ရွာဗုံးကွဲမှုကိုဖန်တီးတယ်၊ လူထု သေကျေဒဏ်ရာရတယ်။ ကျနော်တို့ရဲ့အမာခံလူဆိုပြီး ရပ်ရွာအုပ်ချုပ် ရေးမှူး တွေကို ဖမ်းဆီးရိုက်နှက်တယ်။ အပစ်ရပ်တယ်ဆိုတာ ဌာနချုပ်အနီးအနားဝန်းကျင်လောက်ပဲလို့ ပြောရမှာ။ တခြားနေရာမရပ်ဘူး။ သူတို့က ကျနော်တို့ဆီ ဦးတည်လာနေတာတွေ့ရင်လဲ ကျနော်တို့က တော့ ပစ်ခတ်ရတာဘဲ” - ဟု အမည်မဖေါ်လိုသူ တပ်မှူးတဦးက ပြောပါသည်။

ထို့အတူသျှမ်းပြည်မြောက်ပိုင်း မန်တုံ မြို့နယ်အတွင်းတွင်လည်း မြန်မာအစိုးရတပ်နှင့် တအာင်းအမျိုးသား လွတ်မြောက်ရေးတပ်မတော် TNLA တို့ အနည်းဆုံးတပတ်နှစ်ကြိမ် တိုက်ပွဲဖြစ်ပွားနေသည်ဟု TNLA က ပြောပါသည်။

တအာင်း(ပလောင်)အမျိုးသားလွတ်မြောက်ရေးတပ်မတော်သည် အစိုးရနှင့်အပစ်ရပ်ရန် သမ္မတရုံးဝန်ကြီး ဦးအောင်မင်းနှင့် အလွတ်သဘော တွေ့ဆုံခဲ့ဖူးသည်။ သျှမ်းပြည်တိုးတက်ရေးပါတီမှာမူ ဂျန္နဝါရီ ၂၈ ရက် ၂၀၁၂ နေ့၌ ပြည်ထောင်စုအဆင့်အပစ်ရပ်ထားသော်လည်း ထိုနေ့မှ ယနေ့အထိ တိုက်ပွဲပေါင်းအကြိမ် ၅၀ ထက်မနည်းရှိပြီဟု သျှမ်းပြည်တိုးတက်ရေးပါတီအတွင်းရေးမှူး ဗိုလ်မှူးကြီးစိုင်းထူးကပြောပါသည်။

http://www.burmese.panglong.org/news/86-2008-08-01-03-20-45/3676-ssppssa----.html

အပြည့်အစုံသို့... »

ကျောက်မဲနားမှာ လက်နက်ကြီးနဲ့ပစ်

ရှမ်းပြည် မြောက်ပိုင်း ကျောက်မဲခရိုင် မိုင်းငေါ့မှာ လက်နက်ကြီးတွေ ကျရောက်လို့ အိမ် ၆ အိမ် ထိခိုက် ပျက်စီးပြီး ဒေသခံ ၁ ဦး အပြင်းအထန် ဒဏ်ရာရ သွားတယ်လို့ သိရပါတယ်။

ပြီးခဲ့တဲ့ ကြာသပတေးနေ့ မနက် ၃ နာရီလောက်မှာ မြို့အရှေ့ပိုင်းကို လက်နက်တွေ ကျခဲ့ပြီး ပြည်သူ့စစ် ခေါင်းဆောင်ဟောင်း တယောက် ဒဏ်ရာ ရသွားပါတယ်။

လက်နက်ကြီးတွေ ကျည်ဆံတွေက မြို့အရှေ့ဘက် အထွေထွေအုပ်ရုံး ကုန်းက လာတာဖြစ်တယ်။ အဲဒီနားမှာ ရဲစခန်းလည်းရှိတယ်။
မိုင်းငေါ့မှာ အခုလို လက်နက်ကြီးတွေ ကျတာ ဒုတိယ အကြိမ် ဖြစ်ပြီး ဘယ်သူပစ်တယ် မသိရဘူးလို့ ဒေသခံတွေက ဆိုပါတယ်။
လက်နက်ကြီးတွေ မကြာခဏ ကျလာလို့ ဒေသခံတွေ ကျီးလန့်စာစားဖြစ်နေပြီး လယ်တောတွေ၊ ခြံတွေ သွားဖို့လဲ ကြောက်ရွံ့ နေကြပါတယ်။
အစိုးရတပ်ကလည်း အင်အား ၄ဝဝ နဲ့ မြို့ထဲ နေရာယူသွားလာနေကြလို့ ဒေသခံတွေ စိတ်ပူ နေရပါတယ် ။

မိုင်းငေါ့ဟာ တပ်တွေ အခြေစိုက်ရာ မဟုတ်ပေမယ့် အဲဒိတဝိုက်မှာ အစိုးရတပ်နဲ့ ရှမ်းတပ်ဖွဲ့တို့ အပြန်အလှန်ပစ်ခတ်မှုတွေ နေ့တိုင်းရှိနေကြတယ်။

ဆက်စပ်သတင်းနဲ့ အစီအစဉ်များ

• ငြိမ်းချမ်းရေးအတွက် ရှမ်းညီလာခံ ကျင်းပမယ်
• SSA ရှမ်းမြောက်ပိုင်းက တပ်စခန်း ၂ ခု ဆုတ်ခွာပေးဖို့ ဆုံးဖြတ်
• SSAနဲ့ အစိုးရ စစ်တပ် ကြားမှာ တိုက်ပွဲ အရှိန် လျော့ရေး ကြိုးပမ်း

http://www.bbc.co.uk/burmese/world/2012/11/121115_shan.shtml

အပြည့်အစုံသို့... »

SSA နှင့် အစိုးရတပ် တိုက်ပွဲကြောင့် ကထိန်သင်္ဃန်းအလှူပွဲ ရေစက်မချရ

သျှမ်းပြည်မြောက်ပိုင်း ကျောက်မဲမြို့နယ် အတွင်း ဘုန်းတော်ကြီးတကျောင်း၌ ဒေသခံများ ကထိန်သင်္ဃန်း ဆက်ကပ်နေစဉ် သျှမ်းပြည်တပ်မတော် နှစ်ဖွဲ့နှင့် အစိုးရတပ်တို့အကြား တိုက်ပွဲကြောင့် ရေစက်မချလိုက် ရဘဲ အလှူပွဲပျက်သွားကြောင်း ဒေသခံများက ပြောပါသည်။

“သျှမ်းတပ်ဘက်က အလှူပွဲလာတာကို အစိုးရတပ်က  ကြိုတိုက်တာ။ သေနတ်သံထွက်တာက ဘုန်းကြီး ကျောင်းနဲ့နီးနီးလေးရယ်။ ပွဲလန့်ပြီး အလှူပျက်သွားတာပေါ့။ တရားတော်နာတုန်းဘဲ။ ရေစက်တောင်မချ လိုက် ရဘူး” - ဟု ဒေသခံ စိုင်းခမ်းအောင် က ပြောပါသည်။

နိုဝင်ဘာ ၁၄ ရက် မွန်းလွဲပိုင်း၌ ကျောက်မဲခရိုင် မိုင်းငေါ့မြို့နယ်ခွဲ  အနောက်ဘက် ၇ ခန့်အကွာ ဝမ့်ခင်းမ်း (ဗမာအခေါ် ချုံး ) ကျေးရွာအုပ်စု အတွင်း ဝမ်းခင်းမ်းရွာ နှင့် ဝမ့်ဟွေ့ရွာအကြားအစိုးရတပ် နှင့် သျှမ်းပြည် တပ်မတော် (တောင်ပိုင်းတပ်ဖွဲ့)   အကြားတိုက်ပွဲဖြစ်ပွားခဲ့ကြောင်း၊   ဝမ့်ဟွေ့ရွာဘုန်းကြီးကျောင်း နှင့်နီး သောကြောင့် ကထိန်သင်္ဃန်းကပ်လှူပွဲပျက်ရာ စိတ်မချမ်းမြေ့ဖွယ်ရာဖြစ်ခဲ့ရကြောင်း ရပ်ရွာအုပ်ချုပ်ရေးပိုင်း အသိုင်းအဝိုင်းတဦးက ပြောပါသည်။

“အပစ်ရပ်လို့ ကျနော်တို့တွေဝမ်းသာနေတာ။ ထင်ထားတဲ့အတိုင်းဖြစ်မလာဘဲ ပိုပိုဆိုးလာတယ်။ အစိုးရတပ်က ညမထွက်ရ အမိန့်ထုတ်ထားပြန်တယ်။ စပါးရိတ်ချိန် လယ် သွားအိပ်စောင့်ရမှာလေ။ အရမ်းအခက်အခဲ ဖြစ်တယ်။ စပါးသွားရိတ်ဖို့  အသက်နဲ့ရင်းရမလိုဖြစ်နေတယ်။ ကျနော်တို့ လူထုဆိုတာက ဘယ်တပ်ဖွဲ့လာလာ ကျွေးမွေးရတာဘဲ။ ရပ်ရွာအနီးအနားမှာ မပစ်ခတ်ဖို့တောင်းပန်ပါတယ်ဗျာ။ ဗမာတပ်ကော သျှမ်းတပ် ကောဘဲ” - ဟု အဆိုပါ ပုဂ္ဂိုလ်ကပြောပါသည်။

ရပ်ရွာအားပစ်မှတ်ထားပြီးပစ်ခတ်မှု၊ တိုက်ပွဲကြောင့်လူ့အခွင့်အရေးချိုးဖေါက်မှု၊ အပစ်ရပ်ပြီး တိုက်ပွဲဆက်ဖြစ် နေမှုအား အချက်အလက် စုဆောင်းပြီးလျှင် လူထုအကျိုးအတွက် တစုံတရာစီစဉ်ဆောက်ရွက်နိုင်ဖို့ မကြာ မှီ ကျားဖြူပါတီအတွင်း အစည်းအဝေးထိုင်ကာ ဆုံးဖြတ်ချက်ချသွားမည်ဖြစ်ကြောင်း ကျောက်မဲ အမှတ် ၂ မဲဆန္ဒနယ် ပြည်နယ်လွှတ်တော်အမတ် စိုင်းသန်းမောင်က ပြောပါသည်။

မိုင်းငေါ့မြို့နယ်ခွဲ နမ့်ဆင် ချောင်းအနောက်ဘက်ပိုင်း၌ သျှမ်းပြည်တပ်မတော် RCSS/SSA ကလှုပ်ရှားပြီး SSPP/SSA မှာမူ ချောင်းအရှေ့ဘက်ခြမ်း၌ သွားလာလှုပ်ရှားပါသည်။ အဆိုပါဒေသဘက်တွင် ကျောက်မဲ ခရိုင်အခြေစိုက် မြန်မာအစိုးရတပ်က ခမရ ၅၀၁၊ ၅၀၂၊ ၅၀၃၊ ခလရ ၂၃ အပြင် အောင်လံမှ ခလရ ၇၁၊ မန္တလေးမှ ခလရ ၉၅ တို့ကလှုပ်ရှားကြောင်း၊ နမ့်ဆင်ချောင်းအနောက်ဘက်ခြမ်း၌ တိုက်ပွဲများပိုမိုဖြစ်ပွား နေကြောင်း ဒေသခံများက ပြောပါသည်။

http://www.burmese.panglong.org/news/86-2008-08-01-03-20-45/3654-ssa-----.html

အပြည့်အစုံသို့... »

အမည်မသိလက်နက်ကိုင်အဖွဲ့ လက်နက်မျိုးစုံဖြင့် မြို့တွင်းထပ်မံပစ်ခတ် ဒေသခံတဦးဆေးရုံတင်ရ

အမည်မသိလက်နက်ကိုင်အဖွဲ့တဖွဲ့က ကျောက်မဲခရိုင် မိုင်းငေါ့မြို့နယ်ခွဲ မြို့တွင်းလူနေ ရပ်ကွက်ပေါ် လက် နက်မျိုး စုံဖြင့်ပစ်ခတ်သောကြောင့် လူထုတဦးကျည်ထိမှန်ပြီး ဆေးရုံတင်ထားရကြောင်း ဒေသတွင်း သတင်းရပ်ကွက်က ဆိုသည်။

“လူ ၅ ယောက် လောက်ရှိတယ်။ ပြီးခဲ့တဲ့အပတ်က လာပစ်တုန်းက လက်နက်ကြီးတွေဘဲ။ အခုလဲ လက်နက်ကြီး လက်နက် ငယ်တွေနဲ့ ပစ်တယ်။  ၄-၅ အိမ်လောက်ထိမှန်တယ်။ အပျက်အစီးများတာတော့ တအိမ်တည်း။ ဒဏ်ရာ ရတာ တယောက် ဒီမနက်ဘဲ ကျောက်မဲ ဆေးရုံကို ပို့လိုက်ပြီ” - ဟု မိုင်းငေါ့ဒေသခံ အိုက်ကမ် က ပြောပါသည်။

နိုဝင်ဘာ ၁၄ ရက် (ယနေ့ နံနက် ၂: ၀၀ - ၂: ၅၀ နာရီအထိ ) အမည်မသိလက်နက်ကိုင်တပ်ဖွဲ့တဖွဲ့က မိုင်းငေါ့မြို့ နယ်ခွဲ မြို့တွင်း ဝမ့်လုံရပ်ကွက်ပေါ် လက်နက်မျိုးစုံပစ်ခတ်ခဲ့ကြောင်း၊ ပစ်ခတ်မှုကြောင့် အချို့အိမ် လက်နက်ငယ် ကျဉ်ဆံ ထိမှန်ကြောင်း၊ ဦးတေဇ နှင့် ဒေါ်ရွှေဌေး ၏အိမ် လက်နက်ကြီးထိမှန်သောကြောင့် အပျက်အစီးများကြောင်း၊ ထို့အတူ စိုင်းပေတင်ဆိုသူလည်း ခြေထောက်၌ ကျဉ်ဆံထိမှန်သောကြောင့် ကျောက်မဲဆေးရုံသို့ပို့ဆောင်ကုသ နေရကြောင်း နီးစပ်သည့် မိုင်းငေါ့သားတဦးက ပြောပါသည်။

“ကျနော်လဲ အခုလေးတင်ဘဲကြားရတယ်။ အခုကျနော်တို့ ပါတီရဲ့ အမတ်တဦးဖြစ်တဲ့ စိုင်းသန်းမောင်အဖွဲ့ သွားကြည့် နေ တယ် အဲဒီမှာ” - ဟု ကျောက်မဲမြို့ ကျားဖြူပါတီ ဥက္ကဌ စိုင်းခမ်းကျော် က ပြောပါသည်။

ဒေသခံများပြောပြချက်အရ သေနတ်သမားအဖွဲ့မှာ ၅ ယောက်ခန့်ရှိကြောင်း၊ ရွာဦးပိုင်း နေ၍ပစ်ခတ်စဉ် လက်နက်ကြီး လက်နက်ငယ်ပစ်ခတ်ပြီးတိုင်း ရယ်မောကြကြောင်း၊ ပထမဦးဆုံးသေနတ်သံကြားရစဉ် ဒေသခံများပြေးပုန်းကြသော ကြောင့် ဦးတေဇ နှင့် ဒေါ်ရွှေဌေး ကျည်ဘေးမှ လွတ်မြောက်ခြင်းဖြစ်ကြောင်း ကျောက်မဲ ရောက်ဒေသခံတဦးက ပြောပါ သည်။

သျှမ်းပြည်တပ်မတော် ဒုအတွင်းရေးမှူး ဗိုလ်မှူးကြီးစိုင်းထူးက - “ ကျနော်တို့တပ်နဲ့ အစိုးရတပ် အဲဒီဒေသဘက်မှာ တိုက်ပွဲ မကြာခဏဖြစ်တာကမှန်တယ်။ ဒါပေမယ့် ကျနော်တို့အနေနဲ့ လူနေရပ်ကွက် ရပ်ရွာအတွင်း တကူးတက ပစ်ခတ်တာ တခါမှ မရှိဖူးဘူး။ အဲလို ဖြစ်လာတဲ့ အခါတိုင်း တိုင်းရင်းသားတပ်ဖွဲ့တွေကိုဘဲ ပုံချတယ်။ ကျနော်တို့က လူထုကို  ဘာဖြစ်လို့ လုပ်မှာလဲ” - ဟု ပြောပါသည်။

ယခုလ ၉ ရက်နေ့ ဖြစ်ပွါးပြီးနောက်ပိုင်း ယခုဖြစ်ပွားမှုသည် ဒုတိယအကြိမ်ဖြစ်ပြီး ပစ်ခတ်သူတရားခံအား မသိရသေး ပေ။

မြန်မာအစိုးရ တပ်မတော်က ဒေသအတွင်းမငြိမ်မသက်မှုအကြောင်းပြ၍ စစ်အင်အားတိုးချလိုခြင်းသာဖြစ်နိုင်ကြောင်း၊ ယခုလအတွင်း မိုင်းငေါ့မြို့နယ်ခွဲ အတွင်း၌ အစိုးရနှင့်အပစ်ရပ်ထားသည့် သျှမ်းပြည်တပ်မတော် SSPP/SSA နှင့် မြန်မာ့တပ်မတော်တို့ကြား တိုက်ပွဲမကြာခဏဖြစ်ပွားသောကြောင့် အစိုးရကအင်အားတိုးချဲ့လိုခြင်းဖြစ်နိုင်ကြောင်း၊ မိုင်းငေါ့မြို့နယ်ခွဲတွင် အစိုးရတပ် လှုပ်ရှားတပ်ရင်းများရှိနေသော်လည်း အခြေချနေထိုင်သည့် တပ်စခန်းမရှိ၊ ရဲစခန်း တခုသာရှိကြောင်း  ဒေသခံ တဦးက ပြောပါသည်။

http://www.burmese.panglong.org/news/86-2008-08-01-03-20-45/3651-2012-11-14-09-54-47.html

အပြည့်အစုံသို့... »

သျှမ်းပြည်တိုးတက်ရေးပါတီအား မြန်မာအစိုးရ တပ်ရင်း ၆ ရင်းဖြင့် တိုက်ခိုက်နေဆဲ

သျှမ်းပြည်တိုးတက်ရေးပါတီအား ယခုလဆန်းပိုင်းအတွင်း မြန်မာအစိုးရစစ်တပ်က တပ်ရင်း ၆ ရင်းသုံး၍ ၄ ကြိမ်ထက် မနည်း ထိုးစစ်ဆင်တိုက်ခိုက်ခဲ့ရာ အပစ်ရပ်ရေးဆွေးနွေးပြီးနောက် တိုက်ပွဲအကြိမ်ရေ ၅၀ ထက်မနည်းရှိပြီဖြစ်ကြောင်း SSPP/SSA သတင်းရပ်ကွက် ကပြောသည်။

သျှမ်းပြည်တိုးတက်ရေးပါတီ ဒုအတွင်းရေးမှူး ဗိုလ်မှူးကြီးစိုင်းထူး

“ အောက်တိုဘာ ၃၁ ရက်နေ့ကနေ နိုဝင်ဘာ ၉ ရက်နေ့အထိ တိုက်ပွဲ ၄ ကြိမ်ဖြစ်ပွါးပြီးပြီ။ ဒါကျနော်တို့ရဲ့ တပ်စခန်းတခုကို မြန်မာအစိုးရစစ်တပ်က တပ်ရင်း ၆ ရင်းနဲ့ ထိုးစစ်ဆင်တိုက်ခိုက်နေတာဘဲ။ အဲဒီဒေသထဲက ရှိရင်းစွဲတပ်ရင်း ၄ ရင်းအပြင် ပြည်မက တပ်ရင်း ၂ ရင်းကိုပါ ထပ်ခေါ်ပြီးတိုက်ခိုက်နေတာလေ။ ကျနော်တို့ SSPP/SSA ကတော့ နိုင်ငံရေးပြဿနာကို နိုင်ငံရေးနည်းနဲ့ စားပွဲပေါ်မှာ အေးအေးဆေးဆေး ဆွေးနွေးတဲ့မူဝါဒကိုကျင့်သုံးပါတယ်။ စတင်တိုက်ခိုက်တာလုံး၀ မရှိပါဘူး။ ကျနော် လုံး၀ အာမခံ ပြောနိုင်ပါတယ်” ဟု သျှမ်းပြည်တိုးတက်ရေးပါတီ ဒုအတွင်းရေးမှူး ဗိုလ်မှူးကြီးစိုင်းထူးက ပြောပါ သည်။

သျှမ်းပြည်တိုးတက်ရေးပါတီ သျှမ်းပြည်တပ်မတော်၏ တပ်မဟာ ၆၁၂ စခန်းရှိရာ သျှမ်းပြည်မြောက်ပိုင်း ကျောက်မဲမြို့နယ် မိုင်းငေါ့မြို့နယ်ခွဲ၌ မြန်မာစစ်တပ်က ဝင်ရောက်တိုက်ခိုက်ခြင်းဖြစ်ပြီး နှစ်ဦးနှစ်ဘက် သေကြေဒဏ်ရာရမှုရှိကြောင်း ပြောပါ သည်။

“ ၃၁ ရက်မှာတကြိမ်၊ ၂ ရက်မှာတကြိမ်၊ ၄ ရက်မှာတကြိမ်၊ ၉ ရက်နေ့မှာတကြိမ်။ သေကြေကျဆုံးတာကတော့ ဗမာ့ တပ် မတော် ဘက်ကပေါ့ဗျာ။ ဗိုလ်မှူးတယောက်အပါအဝင် စုစုပေါင်း ၇ ယောက်ကျတယ်။ သျှမ်းပြည် တပ်မတော်ဘက်ကတော့ ထိခိုက်ဒဏ်ရာရမှုအနည်းအကျဉ်းရှိတယ်။ ကျဆုံးတာတော့မရှိဘူး။ ကျနော်တို့က ခံစစ်လေ။ ကျနော်တို့ရဲ့နယ်မြေဘဲလေ ” ဟု ဗိုလ်မှူးကြီးစိုင်းထူးက ပြောပါသည်။

SSPP/SSA ၏မိုင်းငေါ့မြို့နယ်ခွဲရှိ တပ်မဟာ ၆၁၂ တပ်စခန်းအား ယခု တိုက်ခိုက်နေသည့် အစိုးရတပ်မတော် တပ်ရင်း ၅ ရင်းရှိရာ ကျောက်မဲအခြေစိုက် ခမရ ၅၀၁၊ ၅၀၂၊ ၅၀၃၊ ခလရ ၂၃ အပြင် အောင်လံမှ ခလရ ၇၁၊ မန္တလေးမှ ခလရ ၉၅ တို့ ဖြစ်ကြောင်း ၎င်းကဆက်လက်ပြောပြသည်။

ဗိုလ်မှူးကြီးစိုင်းထူးက - “ကျနော်တို့ဟာ သူတို့ပြောသလို သောင်းကျန်းသူ - မဟုတ်ပါဘူး။ ကျနော်တို့က အစိုးရတပ်ကို အရင်  စ ပစ် တာမရှိဘူး။ ကျနော်တို့ တိုက်ခိုက်မှုဆိုတာကိုအထူးရှောင်ကြဉ်ပါတယ်။ ဗမာတပ်မတော်က စပစ်လာရင်တော့ ခုခံရပါတယ်” ဟု ဖြေရှင်းပြောဆိုသွားပါသည်။

အောက်တိုဘာလလယ်ကလည်း သျှမ်းပြည်တိုးတက်ရေးပါတီ၏ တပ်သား ၄၀ ကျော်အား သောင်းကျန်းသူများဟုဆိုကာ  မြန်မာအစိုးရစစ်တပ်က ဖမ်းဆီးခဲ့သေးသည်။ SSPP/SSA နှင့်မြန်မာအစိုးရ အပစ်ရပ်ငြိမ်းချမ်းရေး ဆွေးနွေးခဲ့ကြပြီး နောက်ပိုင်း တနှစ်တာကာလ အတွင်း တိုက်ပွဲပေါင်း အကြိမ် ၅၀ ထက်မနည်းရှိပြီဖြစ်ကြောင်း  ၎င်းတို့နှင့်နီးစပ်သည့် အသိုင်းအဝိုင်းကပြောပါသည်။

http://www.burmese.panglong.org/news/86-2008-08-01-03-20-45/3644-2012-11-13-09-09-55.html

အပြည့်အစုံသို့... »

အပစ် ရပ်စဲထားသော SSPP နှင့် အစိုးရ တိုက်ပွဲပြင်းထန်

အစိုးရနှင့် အပစ် ရပ်ထားသော ရှမ်းပြည် တိုးတက်ရေး ပါတီ (SSPP) နှင့် အစိုးရ တပ်ဖွဲ့ တို့သည် ရှမ်းပြည် မြောက်ပိုင်း ကျောက်မဲခရိုင်၊ မိုးမိတ်မြို့နယ်နှင့် မိုင်းငေါ့ကြား၌ (၅) နာရီကြာ တိုက်ပွဲ ပြင်းထန် ခဲ့သည်ဟု အမည် မေဖေါ် လိုသော SSPP ပြောခွင့်ရသူ ဗိုလ်မှူးကြီး တဦးက ဆိုပါသည်။
“အစိုးရ ဖက်ကတော့ တပ်ရင်း (၆) ရင်း သုံးပြီးတော့ ကျနော်တို့ တပ်မဟာ (၆၁၂) ကို စစ်ဆင်တာ ဖြစ်တယ်။ တိုက်ပွဲ တွေက ကြာလည်း ကြာသလို ပြင်းလည်း ပြင်းထန်တယ်။ လွိုင်လင့် တွတ်ဇံ ကျောက်မဲခရိုင် တောင်ကုန်းကို ဝင်တိုက် တာ (၅) နာရီလောက် ကြာသွားသလို၊ မိုင်းငေါ့နယ်မြေမှာ ရှိတဲ့ ကွန်ဖလမ်းပန်လော့ မှာဆိုရင် တိုက်ပွဲက (၂) နာရီ ခွဲကြာခဲ့ တယ်လေ။ အသေ အပျောက်တော့ နှစ်ဖက်စလုံး ရှိတယ်။ အတိအကျတော့ မပြောနိုင်သေးဘူး” ဟု ဆိုပါသည်။
တိုက်ပွဲ များသည်၊ အောက်တိုဘာ (၃၁) ရက်နေ့မှ စတင်လာပြီး၊ နိုဝင်ဘာလ (၂) ရက်နေ့၊ (၄) ရက်နေ့နှင့် (၉) ရက်နေ့၌ အပြင်းထန်ဆုံး ဖြစ်ခဲ့သည်ဟု ဆိုပါသည်။ (၉) ရက်နေ့၌ ဖြစ်ပွားသော တိုက်ပွဲမှာ နံက်(၈)နာရီမှ မွန်းလွဲ တနာရီထိ ကြာခဲ့ ပါသည်။
စစ်ဆင်ရေး၌ ပါ၀င်သော အစိုးရ တပ်ဖွဲ့များမှာ ခမရ (၅၀၁), (၅၀၂), (၅၀၃)၊ ခလရ (၂၃)၊ ခလရ (၇၁) အောင်လံနှင့် ခလရ (၉၅) မန္တလေး အခြေစိုက် တပ်ဖွဲ့တို့ ဖြစ်ပါသည်။ ဤစစ်ဆင်ရေးသည်  အင်အား (၃၀၀) ကျော်ရှိသော SSPP တပ်မဟာ (၆၁၂) ကို အင်အား (၅၀၀) ကျော်နှင့် အစိုးရ တပ်ဖွဲ့က စစ်ဆင်နေခြင်းဖြစ်သည်ဟု SSPP ဖက်မှ ခန့်မှန်း ထားပါသည်။ တို်က်ပွဲ များသည်၊ တရုတ်ပြည်သို့ သွယ်တန်းထားသော နမ့်ခမ်းမြို့နယ် ချထားသော ရွှေဂက်ပိုက်လိုင်းတ လျှောက် ဖြစ်ပွားခြင်း ဖြစ်ပါသည်။
ဤတိုက်ပွဲ ကိစ္စကို နိုဝင်ဘာ (၉) ရက်နေ့၌ ထိုင်းနိုင်ငံ ဇင်းမယ်မြို့ကို ရောက်လာခဲ့သော ပြည်ထောင်စု အဆင့် ငြိမ်းချမ်းမှု ဖေါ်ဆောင်ရေး အဖွဲ့ ခေါင်းဆောင် ၀န်ကြီး ဦးအောင်မင်းအား အလွတ် သဘော တင်ပြ နိုင်ခဲ့သော်လည်း တစုံတရာ ပြန်လည် ပြောကြားခြင်း မရှိဟု ဆိုပါသည်။

ပြည်ထောင်စု အဆင့် ငြိမ်းချမ်းမှု ဖေါ်ဆောင်ရေး ခေါင်းဆောင် ၀န်ကြီး ဦးအောင်မင်း ရွှေလီ အစည်းအဝေးအပြီး တွေ့ရစဉ်

အစိုးရသည် SSPP နှင့် အပစ်အခတ် ရပ်စဲထားသည့် အတွက် တွေ့ဆုံ ဆွေးနွေးမှုများ ရှိသည် ဆိုသော်လည်း တိုက်ပွဲ ဖြစ်ပွားနေသည့် ကိစ္စ၊ ရာဇသံ အပေး ခံရခြင်းကိစ္စများနှင့် SSPP တပ်သားများ ဖမ်းဆီးခြင်း ကိစ္စများကို ဖြေရှင်း ပေးခဲ့ခြင်း မရှိခဲ့ပေ။ http://www.phophtaw.org/burmese/index.php/news/local-news/2220-sspp-----.html
SSPP သည် အရှေ့ အလယ်ပိုင်းတိုင်း တိုင်းဌာနချုပ်တွင် ပြီးခဲ့သည့် အောက်တိုဘာ (၃၁) ရက်နေ့၌ နောက်ထပ်ဆက်ဆံ ရေးရုံးသစ်ကို ဖွင့်လှစ် ခဲ့ပါသည်။ ဤကဲ့သို့ တွေ့ဆုံ ဆွေးနွေးပွဲ ကျင်းပနေခြင်းနှင့် ဆက်ဆံရေး ရုံးများကို တိုးချဲ့နေသော် လည်း နှစ်ဖက်အကြား ဖြစ်ပေါ်နေသော တိုက်ပွဲပြသနာများကို  ဖြေရှင်းခြင်း မရှိပေ။ http://www.phophtaw.org/burmese/index.php/news/local-news/2302-sspp-.html
SSPP နှင့် အစိုးရတို့သည် ၂၀၁၂ခုနှစ် နှစ်ဆန်း ကတည်းက အပစ်အခတ် ရပ်စဲ ခဲ့သော်လည်း ယနေ့အထိ တိုက်ပွဲပေါင်း (၅၀) ထက်မနဲ ဖြစ်ပွားခဲ့ပြီး ဖြစ်ကြောင်း SSPP တို့ကဆိုပါသည်။ ဤသည် အစိုးရ၏ ပြည်တွင်း ငြိမ်းချမ်းရေး သဘောထား များလားဟု မေးစရာဖြစ်နေကြောင်း စစ်ရေး အကဲခတ်များက ဆိုပါသည်။

http://www.phophtaw.org/burmese/index.php/news/local-news/2356--sspp-.html

အပြည့်အစုံသို့... »

ညသန်းခေါင်ကျော် မြို့တွင်း လက်နက်ကြီး ၅ လုံးကျ

သျှမ်းပြည်မြောက်ပိုင်း ကျောက်မဲခရိုင် မိုင်းငေါ့မြို့နယ်ခွဲအတွင်း၌ ညသန်းခေါကျော် ယနေ့နံနက် ၃ နာရီ၌ လက်နက်ကြီး ၅ လုံးကျကြောင်း၊ ဒေသခံနေအိမ်အချို့ပျက်စီးသွားကြောင်း မျက်မြင်များက ပြောပါသည်။


“ဒီမနက် ၃ နာရီလောက် မိုင်းငေါ့မြို့ ဝမ့်တုံ့လုံရွာအပိုင်းမှာ လက်နက်ကြီး ၅ လုံးကျတယ်။ မြို့ပြင် ကနေ ပစ်ထည့်တာ။ ဗုံးထိမှန်တဲ့ အိမ်ရှင်ကိုလဲ ရဲစခန်းက မနက်ကတည်းက ခေါ်သွားတယ်” - ဟု မိုင်းငေါ့မြို့ခံ အိုက်နောင့်က ပြောပါသည်။

ယနေ့နံနက် ၃ နာရီအချိန် အမည်မသိလက်နက်ကိုင်တစုက မြို့ပြင်မှနေ၍ မိုင်းငေါ့မြို့နယ်ခွဲ၊ ဝမ့်တုံ့လုံ ရွာ အား ၄၀ mm ရော့ကက်ဖြင့် ၅ ကြိမ်ပစ်ခတ်ရာမှာ သုံးလုံးမှာကွဲသွားပြီး ကျန်နှစ်လုံးက မကွဲ ကြောင်း၊ စိုင်းထွန်းမြတ် နန်းမြသိန်း နေအိမ် ထိမှန်ပြီး တံစက်မြိတ်ပြိုပျက်သွားကြောင်း - ကျားဖြူပါတီ အသိုင်းအဝိုင်းကလည်းပြောပါသည်။

“ဝမ့်တုံ့လုံဆိုတာ မိုင်းငေါ့မြို့တွင်းဘဲဗျ။  ဘယ်အဖွဲ့လဲဆိုတာကျနော်တို့လဲမသိဘူး။ ၄၀ mm ကျည် အမျိုးအစား၊ ခြံထဲမှာတလုံး၊ အိမ်ရှေ့ခြံစည်းရိုးနားမှာတလုံး၊ တံစက်မြိတ်မှာတလုံး ကျကွဲတယ်။ ကျန် တဲ့ မကွဲတဲ့နှစ်လုံးက ဘယ်မှာကျလဲဆိုတာရှာမတွေ့ဘူး။ ဘာ့ကြောင့် အဲဒီလိုဖြစ် လဲဆိုတာ အကြောင်း ရင်းကို ကျနော်တို့လဲ ဆက်လက်စုံစမ်းသွားမယ်” - ဟု ကျောက်မဲမြို့ ကျားဖြူပါတီ ဥက္ကဌ ပြည်နယ် လွှတ်တော်အမတ် စိုင်းခမ်းကျော်က ပြောပါသည်။

အဆိုပါဒေသဘက်တွင် မြန်မာအစိုးရ စစ်တပ်အပြင် သျှမ်းပြည်တပ်မတော် SSPP/SSA ၊ RCSS/SSA အပြင် ရံဖန်ရံခါ တအာင်းအမျိုးသားလွတ်မြောက်ရေးတပ်မတော်လည်း ဖြတ်သန်းသွားလာသည်ဟု ဒေသခံများက ဆိုသည်။

http://www.burmese.panglong.org/news/90-2008-08-03-06-47-55/3638-2012-11-09-09-48-45.html

အပြည့်အစုံသို့... »

လက်နက်ကြီးငယ်ပစ်ခတ်၍ ရိုက်နှက်ချုပ်နှောင်မှုကြောင့် သမ္မတထံ သျှမ်းဒေသခံများတိုင်တန်း

မြန်မာအစိုးရတပ်မှ လက်နက်ကြီးငယ်များ ပစ်ခတ်၍ ဒေသခံပြောင်းခြံလုပ်သားနှစ်ဦးအား သုံးရက်ကြာ ဖမ်းဆီးရိုက်နှက် ထားသည့်ကိစ္စအား မကျေနပ်သဖြင့် နောက်နောင်ထိုသို့ထပ်မဖြစ်ပွားအောင် ဒေသခံများက  နိုင်ငံတော်သမ္မတ ဦးသိန်းစိန်ထံ ပြည်သူ့လွှတ်တော်အမတ်မှတဆင့်တိုင်တန်းလိုက် ကြောင်း ကြားသိရပါသည်။

“ကလေးနှစ်ယောက်က တယောက်က ၁၈ နှစ် တယောက်က ၁၆ နှစ်ဘဲ။ အကြီးကောင်က ကျောပြင်မှာကော၊ ပါးမှာ ကော လက်နက်ကြီးကျည်စတွေ ထိမှန်တယ်၊ အငယ်ကောင်က အရိုက်ခံထားရတာမနည်းဘူး၊ အတွင်းကျေနေတယ်။ အဲဒါ ကို မကျေနပ်လို့ ပြည်သူ့လွှတ်တော်အမတ် စိုင်းအောင်လှ ကနေတဆင့် သမ္မတကြီးဆီကို တနင်္ဂနွေနေ့က တိုင်တန်းရ တာ ဖြစ်တယ်” - ဟု ကူညီလုပ်ဆောင်ပေးသည့် ကျားဖြူပါတီဝင်တဦးကပြောပါသည်။

စက်တင်္ဘာ ၂၄ ရက်နေ့၌ နမ္မတူမြို့ အခြေစိုက် ခမရ ၃၂၄ က ဆိုင်းခေါင်(ဝ်)ကျေးရွာအုပ်စုဘက် စစ်ကြောင်းလှည့် ကြောင်း၊ ပန်ဝိုးရွာနှင့် ပန်မော့ရွာအကြားရောက်၍ နားနေစဉ် လက်ပစ်ဗုံးတလုံးကျကွဲသောကြောင့် အစိုးရတပ်သား ၂ နှင့်အတူ လမ်းပြပေါ်တာ ပန်ဝိုးရွာသား လုံးစိုင်း(စိုင်းပီး) အသက် ၅၃ နှစ် တို့သေဆုံးခဲ့ရသည်။ ဗုံးသံကြောင့် အနီးရှိ ပြောင်း ခြံလုပ် သား ညီအစ်ကိုနှစ်ဦးက လှန့်၍ ထွက်ပြေးသွားရာတွင်လည်း အစိုးရတပ်က လက်နက်ကြီး ငယ်များ ပစ် ခတ်ကာ အဆိုပါ ညီအစ်ကိုနှစ်ဦးအားဖမ်းဆီး ရိုက်နှက်စစ်ဆေးပြီး တပ်ကုန်း၌ သုံးရက်ကြာချုပ်နှောင်ထား သည့် ကိစ္စရပ်များ အား မကျေနပ်သောကြောင့် တိုင်တန်းရခြင်းဖြစ်ကြောင်း ပြောပါသည်။

ဖမ်းဆီးခံလူငယ်နှစ်ဦးအား သက်သေအထောက်အထားမရှိသောကြောင့် ပြီးခဲ့သည့် ကြာသပတေးနေ့က ပြန်လွှတ်ပေး လိုက်ကြောင်း ရရှိခဲ့သော ဒဏ်ရာများကြောင့် အစ်ကိုဖြစ်သူ စိုင်းနောင့်လုံအား နမ္မတူမြို့ ပန်ဟိုင်းဆေးရုံသို့ ပို့ဆောင် ကုသရပြီး ညီဖြစ်သူ စိုင်းနောင့်အွန်မှာမူ အတွင်းကျေဝေဒနာဖြင့် အိမ်၌ ဆေးဝါးကုသမှုခံယူနေရသည်ဟု အသိုင်း အဝိုင်းကပြောပါသည်။

“ထိခိုက်နစ်နာမှုအတွက်လျော်ကြေးလဲ လာမပေးဘူး။ အဆိုးဆုံးက သေဆုံးသွားတဲ့ (ဦး)လုံးစိုင်းအတွက် ထောက်ပံ့ ကြေး ပေးမယ်လို့ပြောထားတယ်။ တနင်္ဂနွေနေ့ က ရက်လည် ဆွမ်းသွတ်တရားနာတဲ့အထိလည်း ထောက်ပံ့မှုတစုံ တရာ လာမပေးဘူး၊ မိသားစုနဲ့ ရပ်ရွာအသိုင်းအဝိုင်းရဲ့ ထောက်ပံ့ စုပေါင်းအလှူနဲ့ဘဲလုပ်လိုက်ရတယ်” - ဟု ရွာသား တဦးကပြောပါသည်။

ခမရ ၃၂၄ အသိုင်းအဝိုင်းမှာမူ အဆိုပါညီအစ်ကိုနှစ်ဦးဖမ်းဆီးရိုက်နှက်ခံရမှုမှန်သော်လည်း အစိုးရတပ်ရ လက်ဗစ် ဗုံးကျဲကွဲမှု မဟုတ်မှန်ကြောင်း သျှမ်းပြည်တပ်မတော် SSPP/SSA တပ်ဖွဲ့မှ ထောင်ထားသော မိုင်းဖြစ်ကြောင်း ပြောပါသည်။

အဆိုပါကိစ္စနှင့်ပတ်သက်၍ သျှမ်းပြည်တပ်မတော် SSPP/SSA က တစုံတရာတုန့်ပြန်ချေပခြင်းမရှိပေ။

အဆိုပါဒေသတွင် သျှမ်းပြည်တပ်မတော် SSPP/SSA အပြင် တအာင်း (ပလောင်) အမျိုးသား လွတ်မြောက်ရေး တပ်မတော် နှင့် ကချင်လွတ်လပ်ရေးတပ်မတော်တို့လည်း သွားရောက်လှုပ်ရှားလေ့ရှိပါသည်။

http://www.burmese.panglong.org/news/90-2008-08-03-06-47-55/3545-2012-10-03-11-21-35.html

အပြည့်အစုံသို့... »

RCSS/SSA စစ်ကြောင်းနောက် အစိုးရတပ်နောက်ယောင်ခံလိုက်နေ

သျှမ်းပြည်တောင်ပိုင်းအတွင်းလှုပ်ရှားနေသည့် သျှမ်းပြည်တပ်မတော် RCSS/SSA သွားလာလှုပ်ရှားရာလမ်း တလျှောက် အစိုးရတပ်က နောက်ယောက်ခံလိုက်နေကြောင်း ဒေသအတွင်းတပ်မှူးတဦးများက ပြောပါသည်။


“စက်တင်္ဘာ ၇ ရက်နေ့ ဆားတောမှာ ဖြစ်တဲ့ တိုက်ပွဲက အစိုးရတပ် ၁၀ ယောက် လောက်ကျတယ်။ သေနတ်နှစ်လက်ရှုံးတယ်။ အဲဒါ ပြန် ၏ပေးလိုက်ပြီ။ ဒါပေမယ့် ကျနော်တို့နောက်ကို နောက်ယောင်ခံ လိုက်နေတုန်း၊ လူထုတွေကိုလဲပြောတယ်၊ သူပုန်တွေကို အထောက်အပံ့မပေးဖို့လဲ လူထုကိုတားမြစ်ထား တယ်။ ဘာသဘောလဲမသိဘူး” - ဒေသအတွင်းလှုပ်ရှားသည့် တပ်မှူးတဦးကပြောပါသည်။

ယခုလဆန်းပိုင်းမှစဉ် မိုင်းကိုင်၊ ရပ်စောက်၊ ကျေးသီး နှင့် သီပေါမြို့နယ်အကြား နယ်မြေအတွင်း လှုပ်ရှားနေ သော သျှမ်းပြည်တပ်မတော် RCSS/SSA တပ်ဖွဲ့နောက် အစိုးရတပ် ခလရ ၁၃၁ နှင့် ခလရ ၂၉၂ က နောက် ယောက်ခံ လိုက်နေကြောင်း၊ တိုက်ပွဲမဖြစ်စေရန် အထူးရှောင်ရှားမှုပြုနေရကြောင်း၊ အပစ်မရပ်စဉ်ကာလနှင့် အခြေအနေ ဘ၀ တူနေကြောင်း၊ ဒေသခံလူထုလည်း ထို့နည်းတူ စစ်ဘေးစစ်ဒဏ်ခံနေရဆဲဖြစ်ကြောင်း - ဆိုသည်။

“ကျနော်တို့နောက်ကို ဒီတိုင်းလိုက်နေရင်တော့ ကျနော်တို့ သည်းညီးခံတော့မှာမဟုတ်ဘူး၊ ၇ ရက်နေ့က ဖြစ်ပွားတဲ့ တိုက်ပွဲကလည်း ကျနော်တို့ကို ဘာညာမပြောဘဲနဲ့ ဘလိုင်းကြီး လာတိုက်တာ” - ဟု တပ်မှူးနောက် တဦးက ပြောပါသည်။

သျှမ်းပြည်တပ်မတော် နှင့် အစိုးရတပ်တို့ အပစ်ရပ်  ငြိမ်းချမ်းရေးတည်ဆောက်ပြီးကြောင်း ကြားသိရစဉ် ဝမ်းမြောက်ဝမ်းသာဖြစ်ခဲ့ရကြောင်း၊ မိမိဝမ်းရေးအတွက် သွားလာလှုပ်ရှား လုပ်ကိုင်စားသောက်ရေးလွယ်ကူ လိမ့်မည် ဟု မျှော်လင့်ထားကြောင်း၊ သို့သော် ယခု တစ်ပြည့်တော့မည်ဖြစ်သော်လည်း အဘက်ဘက်ကိုကြောက်ရွံ့နေရဆဲ ဖြစ်ကြောင်း ဒေသခံအကြီးအကဲ တဦးကလည်းပြောပြပါသည်။

သျှမ်းပြည်တပ်မတော် နှစ်ဖွဲ့လုံးနှင့် မြန်မာအစိုးရတို့သည် အပစ်ရပ်ကာ ငြိမ်းချမ်းရေးတည်ဆောက် နေပြီ၊ ထာ၀ရ ငြိမ်းချမ်းရေးအတွက် ဦးတည်နေပြီ ဟုဆိုသော်ငြားလည်း မြန်မာအစိုးရတပ်က သဘောတူညီမှု ချိုး ဖေါက်၍ တောတောင်အတွင်းလှုပ်ရှားနေသောကြောင့် တိုက်ပွဲ ပေါင်း ၃၄ ထက်မနည်း ဖြစ်ပွားခဲ့ရကြောင်း သျှမ်းပြည်တပ်မတော်ခေါင်း ဒုတိယဗိုလ်ချုပ်ကြီးယွက်စစ်က သျှမ်းသံတော်ဆင့်သို့ ပြောပြပါသည်။

http://www.burmese.panglong.org/news/86-2008-08-01-03-20-45/3535--rcssssa-.html

အပြည့်အစုံသို့... »