ဒီကေဘီအေကို မြန်မာ အစိုးရ စစ်တပ်က ထွက်သွားခိုင်း

မြန်မာ အစိုးရ စစ်တပ်က ကရင်ပြည်နယ် လှိုင်းဘွဲမြို့နယ် ထဲက ဒီကေဘီအေတွေ အားလုံးကို မေလ ၄ ရက်နေ့ နောက်ဆုံးထားပြီး ထွက်သွား ခိုင်းထားပါတယ်။

ကရင်ပြည်နယ် လှိုင်းဘွဲမြို့နယ် မြိုင်ကြီးငူဒေသမှာ အခြေစိုက်တဲ့ ဒုဗိုလ်မှူးကြီး စောဘိ ဦးဆောင်တဲ့ ဒီကေဘီအေ အဖွဲ့နဲ့ အဲဒီက ခွဲထွက်ပြီး နယ်ခြားစောင့် အသွင်ပြောင်းသွားတဲ့ ဘီဂျီအက်ဖ် ကရင်နယ်ခြား စောင့်တပ် တွေဟာ နယ်မြေ လုရင်း မကြာခဏ တိုက်ပွဲ ဖြစ်နေတာရယ် ၊ ပြီးခဲ့တဲ့ ဧပြီ လကုန်ပိုင်းတုံးက နှစ်ဖက်ကြား တိုက်ပွဲ အပြင်းအထန် ဖြစ်ပြီးတဲ့နောက်မှာတော့ အခုလို အစိုးရ စစ်တပ်က ဒီကေဘီအေတွေကို ဒီဒေသက လုံးဝ ထွက်သွားခိုင်းတာ ဖြစ်ပါတယ်။

ဒီကေဘီအေတွေကို အခုလို ဒီဒေသထဲကနေ ဖယ်ရှားတဲ့အတွက် ဖြစ်လာနိုင်တဲ့ အခြေအနေကို ဒီကေဘီအေ ဒုဗိုလ်မှူးကြီး စောဆန်းအောင် ကို ဘီဘီစီက မေးကြည့်တဲ့ အခါမှာ သူက မြိုင်ကြီးငူမှာရှိတဲ့ ကျွန်တော်တို့ တပ်ဖွဲ့တွေဟာ ၂၉ ရက်နေ့ ကထဲက ဖယ်ပေးခဲ့တယ်။
အခု ဒီ ကျုံဖေါ်၊ မိဇိုင်းမှာ ထပ်ဖယ်ခိုင်းတယ် ၊ ဟတ်ကြီး ရေကာတာ တည်ဆောက်ရေး နယ်မြေရှင်းလင်းတဲ့ ပုံစံမျိုးနဲ့ တရားမ၀င် တပ်ဖွဲ့တွေ ၂ ရက်နေ့ ၅ လပိုင်း ၂၀၁၃ ခုနေ့ကနေ ၄ ရက်နေ့ ၅ လပိုင်း၂၀၁၃ ခု နေ့လယ် ၁၂ နာရီ နောက်ဆုံး ထားပြီးတော့ အဲဒီက တပ်တွေ ဖယ်ပါ ဆိုပြီးတော့ ခလရ ၃၃၈ ဗိုလ်မှူး ထွန်းထွန်း၀င်းက ကျွန်တော်တို့ကို တရားမ၀င် အဖွဲ့အစည်းဆိုတဲ့ ပုံစံမျိုးနဲ့ စာရေး ပေးပို့လာတယ်လို့ သူက ဆိုပါတယ် ။
ဒါနဲ့ ဘီဘီစီက အဲလို ဖယ်ခိုင်းတော့ ဗိုလ်မှူးတို့အနေနဲ့ ဘယ်လို ဆုံးဖြတ်မလဲလို့ မေးမြန်းကြည့်တဲ့အခါ သူက ကျွန်တော်တို့ ဘယ်လို ထပ်ဖယ်မလဲ ခင်ဗျ ၊ ကရင်စစ်သားတွေ ကရင်ပြည်နယ် မှာတောင် နေလို့မရရင်၊ ဘယ်မှာသွား နေမလဲ ၊ ကျွန်တော်တို့ကို အဲလို ဖယ်ခိုင်းမယ် ဆိုလို့ရှိရင် ကရင်ပြည်နယ် ထဲမှာ ရှိတဲ့ ဗမာ့ တပ်မတော်တွေ၊ ဒီဗမာတိုင်းကိုပြန် မန္တလေးတိုင်း ၊ ရန်ကုန်တိုင်း တို့ကို ပြန်ပါ ဆိုလို့ရှိရင် သူတို့ ပြန်မလား ဆိုပြီး သူက မေးခွန်းပြန်ထုတ် ခဲ့တယ်လို့ ပြောပါတယ်။
အစိုးရစစ်တပ်က ဒီကေဘီအေတွေကို လှိုင်းဘွဲမြို့နယ်ထဲက ထွက်ခွာသွားဖို့ ပြောပေမဲ့ ဘယ်နေရာကို သွားပါလို့ ပြောကြားတာ မရှိပါဘူးလို့လည်း သူက ဆိုပါတယ်။
ဒါကြောင့် အစိုးရဟာ မြိုင်ကြီးငူ ကော့ကရိတ်နဲ့ ဘုရားသုံးဆူ ဒေသတွေက ဒီကေဘီအေတွေ အားလုံးကို ဗိုလ်ချုပ် နှုတ်ခမ်းမွှေးရဲ့ ကလို့ထူးဘော ဒေသတနေရာထဲမှာ စုစည်း ထားချင်တာကြောင့် ပထမ အဆင့် ဆောင်ရွက်တာ ဖြစ်နိုင်တယ်လို့ နယ်စပ်က အကဲခတ်တွေက ပြောဆိုမှုတွေ ရှိနေပါတယ်။
လောလောဆယ် ဒီကိစ္စနဲ့ ပတ်သက်ပြီးတော့ ကရင်ပြည်နယ် လုံခြုံရေးတာ၀န်ခံ ဗိုလ်မှူးကြီးအောင်လွင်နဲ့ ဆက်သွယ်ပြီး ညှိနှိုင်းနေတယ်လို့ ဒီကေဘီအေဖက်က ပြောပါတယ်။
အကယ်၍ မပြေလည်လို့ အစိုးရဖက်က တိုက်လာမယ်ဆိုရင်တော့ ခုခံသွားရမယ်လို့ ဒီကေဘီအေ ဒုဗိုလ်မှူးကြီးစောဆန်းအောင်က ပြောပါတယ်။

ဆက်စပ်သတင်းနဲ့ အစီအစဉ်များ

• ဒီကေဘီအေ နဲ့နယ်ခြားစောင့်တပ် တိုက်ပွဲဖြစ်
  28.04.13
• ဒီကေဘီအေနဲ့ နယ်ခြားစောင့်တပ် ပစ်ခတ်မှု ဆွေးနွေး
  22.01.13
  ,
  တိုင်းရင်းသားရေးရာ
• လက်ပံတောင်း ဖြိုခွဲမှု DKBA ကန့်ကွက်
  15.12.12
  ,
  တိုင်းရင်းသားရေးရာ

http://www.bbc.co.uk/burmese/burma/2013/05/130503_dkba_altimatum_burmese_gov.shtml#FBM234105

အပြည့်အစုံသို့... »

ပစ်ခတ်မှု ပဋိပက္ခကို DKBA နှင့် BGF တို့ဖြေရှင်း

DKBA ခေါင်းဆောင်တချို့ (ဓါတ်ပုံ DKBA)

• Published in ပြည်တွင်းသတင်း
• Read 905 times
• Print
• Email

Rate this item

• 
  
• 1
• 2
• 3
• 4
• 5

(2 votes)

ဒီမိုကရေစီ ကရင်အကျိုးပြု တပ်မတော် DKBA နှင့်နယ်ခြားစောင့်တပ် BGF တို့သည်ဖြစ်ပေါ်ခဲ့သောပစ်ခတ်မှု ပဋိပက္ခကို ဖြေရှင်းရန်ယနေ့ ညနေပိုင်းတွင်ကရင်ပြည်နယ်လှိုင်ပွဲြမို့နယ်ရှိြမိုင်ြကီးငူကျေးရွာ၌တွေ့ဆုံ ဆွေးနွေးကြမည်ဟု DKBA ပြောရေးဆိုခွင့် ရှိသူဗိုလ်မှူးကြီး စန်းအောင ်က ဆိုပါသည်။

“ရည်ရွယ်ချက်ကတော့ ကျနော်တို့ ကရင်အချင်းချင်းကြားမှာ စစ်ကို ရပ်တန့်စေချင်ြပီး အတိတ်က ဖြစ်ခဲ့တဲ့ ဖြစ်ရပ် တွေ ကို သွေးထွက်သံယို အဖြစ်ဆိုးနဲ့ အချင်းချင်း ပြန်သတ်ကြတာမျိုး မဖြစ်စေ ချင်တော့ဘူး။ ဒါကြောင့်တရားနည်း လမ်းကျကျနဲ့ တိုက်ခိုက်မှုတွေကို ရပ်တန့်ဖို့အတွက် ဒီညနေမှာ တဖွဲ့နဲ့ တဖွဲ့ နုတ်ကတိဖြစ်ဖြစ်၊ စာချွန်လွာ ဖြစ်ဖြစ် လက်မှတ်ေရးထိုးကြမှာပါ” ဟု ဆိုပါသည်။

 ယင်းဆွေးနွေးပွဲသို့ DKBA မှ တပ်မဟာမှူး ဗိုလ်မှူးကြီး ကျော်သက် ဦးဆောင်သော အဖွဲ့နှင့်နယ်ခြားစောင့်တပ်BGF မှဗိုလ်မှူးချစ်သူဦးဆောင်သော အဖွဲ့တို့က သွားရောက် ဆွေးနွေးကြပါမည်။ မည်သို့ သဘောတူညီကြမည်ကို မသိရ သေးသော်လည်း သဘောတူညီမှုများမှာ သေချာရရှိမည် ဖြစ်သည်ဟု ဆိုပါသည်။ သဘောတူ လက်မှတ် ရေးထိုးပွဲ၌ အစိုးရ ဖက်မှ ပါ၀င်ပတ်သက်ပါက DKBA အနေဖြင့် လက်ခံမည် မဟုတ်ဘဲ BGF အနေဖြင့်သာ လက်မှတ်ရေးထိုးရန် DKBA က လိုလား နေပါသည်။

DKBA နှင့် BGF တို့သည် ြပီးခဲ့သည့် ဧြပီလ 27 ရက်နေ့ညပိုင်းတွင်  DKBA ကလို့ထူးလား ဗျူဟာမှ ဗိုလ်မှူးြကီး စောဘိ လက်အောက်ခံ တပ်ဖွဲ့နှင့် နယ်မြေချင်း ထိစပ်နေသည့် နယ်ခြားစောင့်တပ် (၁၀၁၇) တပ်ရင်းတို့သည် ကရင်ပြည်နယ်၊ လှိုင်းဘွဲ့မြို့နယ် မြိုင်ကြီးငူရွာ အနီးတွင် မနက်ပိုင်း အချိန်အထိ တိုက်ခိုက်ခဲ့ကြပါသည်။

ဤဖြစ်ရပ်ကြောင့် ြမိုင်ြကီးငူဒေသသည် စစ်မဲ့ဇုံအဖြစ် ထားရှိရန် DKBA က လိုလားနေသည်ဟု ဆိုပါသည်။ သို့သော် BGF ဖက်ကမူ အစိုးရ၏ ဆန္ဒပါ၀င် နေမှုကြောင့် မည်သို့သဘောထားမည်ကို ရှင်းရှင်းလင်းလင်း မသိရှိရသေးကြောင်း DKBA ဖက်က၀န်ခံထားပါသည်။အကောင်းဆုံးမှာ BGF ၏ ဆန္ဒအတိုင်းဖြစ်ရန်လိုအပ်သည်ဟု DKBA ဖက်ကဆိုပါသည်။

သို့သော်လက်တွေ့အခြေအနေတွင်DKBA နှင့် BGF တပ်များအကြား ပဋိပက္ခကို အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် တင်မောင်ဝင်း အပါ၀င် ကရင်အမျိုးသား အစည်းအရုံး (KNU) စစ်ဦးစီးချုပ် ဗိုလ်ချုပ် ဂျော်နီတို့လည်း ညှိနှိုင်းပေး ခဲ့ပါသည်။

BGF တပ်ဖွဲ့သည် အစိုးရမှ ဖွဲ့စည်းပေးထားသော အဖွဲ ့ဖြစ်သဖြင့် အစိုးရအား လွန်ဆန်နိုင်မည် မဟုတ်ပေ။ အစိုးရသည် ကရင်တပ်ဖွဲ့အချင်းချင်း သင့်မြတ်မှုကို လိုလားလိမ့်မည် မဟုတ်ဘဲ ကရင်လက်နက်ကိုင် အဖွဲ့အစည်းများကြား လိုအပ်သလို အသုံးချ သွား လိမ့်မည်ဟု ယုံကြည်ကြောင်း စစ်ရေးအကဲခတ်များက ဆိုပါသည်။
 “ကျနော်တို့နားလည်းထားတာက BGF ကအစိုးရလစာယူထားတယ်။  တပ်မှာလည်းအစိုးရ တပ်ရင်းမှူးတွေ 28 ယောက်တောင်ပါတယ်သူတို့လှုပ်ရှားမှုကတော့နေရာအသီးသီးမှာ ရှိတယ်။ အစိုးရ ဖွဲ့စည်းပုံအရလို့ ပြော တာပဲ။  အစိုးရက BGF ကို လစား ပေးထားတာဆိုတော့ စစ်ဖြစ်တာက အစိုးရမှာ တာဝန်ရှိတယ်။ ကျနော်တို့ကို  ြငိမ်းချမ်းရေး အရ နည်းတနည်းနဲ့ ထိန်းချုပ်တာမျိုးတော့ မလိုးလားဘူး” ဟု ဗိုလ်မှူးြကီးစန်းအောင် ကဆိုပါသည်။

အလားတူ ကရင်လက်နက်ကိုင်အဖွဲ့ အချင်းချင်း သွေးစည်းရေးအတွက် ပြီးခဲ့သည့် မတ်လ (၂၈) ရက်နေ့တုန်းကလည်း ဖါးအံြမို့တွင် ပထမအြကိမ် ကရင်ရေးရာ အစည်းအဝေးပွဲ တရပ်ကျင်းပြပီး ကော်မီတီတရပ် ဖွဲ့စည်း နိုင်ခဲ့ပါသည်။ ကရင် လူမျိုးထဲတွင် လက်နက်ကိုင်အဖွဲ့စည်း (၅) ဖွဲ့ ရှိနေပါသည်။ ၄င်းတို့မှာ ကရင်အမျိုးသားအစည်းအရုံး (KNU)၊ ဒီမိုကရေစီ ကရင်အကျိုးပြု တပ်မတော် (DKBA) ၊အစိုးရနယ်ခြားစောင့်တပ်(BGF)၊ ကရင်ငြိမ်းချမ်းရေး ကောင်စီနှင့် ကရင်ငြိမ်း ချမ်းရေး တပ်ဖွဲ့ (KPF) အဖွဲ့တို့ဖြစ်ပါသည်။

မြန်မာနိုင်ငံ၏ ပြည်တွင်းစစ်သည် ၁၉၄၈ ခုနှစ်မှ စပြီး ဆင်နွဲသည်မှာ နှစ်ပေါင်း 60 ကျော်ခဲ့ပြီးဖြစ်သည်။ DKBA သည် လည်း 1994 ခုနှစ်မှ ယနေ့ ငြိမ်းချမ်းရေး ကာလအထိ ပြည်တွင်းစစ်ကို ဆင်နွှဲခဲ့ပါသည်။ ပြည်တွင်း စစ်သည် ဒီမိုကရေစီ ရရှိရေးနှင့် တိုင်းရင်းသား အခွင့်အရေးများကြောင့် ကြာရှည်နေရကြောင်း ဆိုပါသည်။ ဤပြသနာကို အစိုးရမှ မှန်ကန် သောနည်းလမ်းဖြင့် မဖြေရှင်းဘဲ မလိမ့်တပတ်နည်းဖြင့် ဖြေရှင်းလာခဲ့သောကြောင့် လူပေါင်းများစွာ အသက်စတေး ခဲ့ရသလို လူပေါင်းများစွာ အိုးမဲ့ အိမ်မဲ့ ဖြစ်ကာ မိမိ နေရပ် ကို စွန့်ခွါခဲ့ကြရပြီး ဒုက္ခသည်ဘဝ သို့ ရောက်ခဲ့ကြ သည်မှာလည်း မရေတွက်နိုင်အောင် ဖြစ်ပါသည်။

ထိုအခြေနေများသို့ ပြန်လည်မရောက်ရှိစေရန် ယနေ့ ြငိမ်းချမ်းေရးကာလတွင်တိုက်ခိုက်မှုများ ဆက်လက်မဖြစ်ပွား စေရန် ကရင်ပြည်သူများက အစည်းအဝေးအြကိမ် ကြိမ်ကျင်းပြပီး တောင်းဆိုလျှက် ရှိကြောင်း ဆိုပါသည်။

http://www.phophtawnews.org/burmese/index.php/news/internal-news/item/263-dkba-bgf.html

အပြည့်အစုံသို့... »

တိုက်ပွဲကြောင့် မြိုင်ကြီးငူ ဒေသခံ ထွက်ပြေးတိမ်းရှောင်နေရ

ဧပြီလ ၂၉ရက်၊ ၂၀၁၃ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူရွာတွင် ဒီမိုကရေစီ ကရင်အကျိုးပြုတပ်မတော်(DKBA)နှင့် နယ်ခြား စောင့်တပ်(BGF)တို့အကြား ဖြစ်ပွားသည့် တိုက်ပွဲကြောင့် ဒေသခံလူထုများ နေအိမ်စွန့်ခွါကာ ထွက်ပြေးတိမ်း ရှောင်နေရသည်ဟု မြိုင်ကြီးငူ ဒေသခံများ၏ ပြောပြချက်အရ သိရသည်။
မြိုင်ကြီးငူတွင် ဧပြီ ၂၇ ရက်နေ့မှစ၍ ယခုထိ ဖြစ်ပွားသည့်တိုက်ပွဲကြောင့် တိုက်ပွဲနေရာနှင့် အနည်းငယ် အလှမ်း ဝေးသည့် လေးလုံးမြိုင်ရပ်ကွက်မှလွှဲ၍ ရွှေနံ့သာမြိုင်၊ ပိတောက်မြိုင်၊ နှင်းဆီမြိုင်နှင့် ဇီဇဝါမြိုင် စသည့် ရပ်ကွက် များရှိ လူထုများသည် ယင်းအနီးတဝိုက်ရှိ ကမမောင်းမြို့အပါအဝင် အုန်းတော၊ ကော့လူးကျွန်း၊ ကုန်းနဝင်းနှင့် ရွာသာအေး စသည့်ကျေးရွာများသို့ ထွက်ပြေးတိမ်းရှောင်ကြရသည်ဟု မြိုင်ကြီးငူ ဒေသခံတစ်ဦးက ပြောသည်။
“တိုက်ပွဲဖြစ်တဲ့နေ့က စပြီး မြိုင်ကြီးငူက လူတွေ အားလုံးနီးပါး ထွက်ပြေးကြတယ်။ လူဦးရေဘယ်လောက် ထွက်ပြေးဆိုတာတော့ မမှန်းတတ်ဘူး။ အခု မြိုင်ကြီးငူမှာ တိုက်ပွဲ ဖြစ်တဲ့ နေရာနဲ့ အလှမ်းဝေးတဲ့ ရပ်ကွက် လောက်ပဲ လူတွေနေကြတယ်။ တိမ်းရှောင်နေရတဲ့ လူတွေကလည်း အိမ်မပြန်ရဲကြသေးဘူး”ဟု ၎င်းက ကေအိုင်စီသို့ ပြောသည်။
လက်ရှိ မြိုင်ကြီးငူတွင် DKBA ကလို့ထူးလားဗျူဟာ လက်အောက်ခံ (၉၀၅)စစ်ကြောင်းမှူး ဗိုလ်မှူး ဖူးလေးဘော ဦးဆောင်သည့်အဖွဲ့ကို BGF အမှတ် (၁၀၁၁)တပ်ရင်းမှူး ဗိုလ်မှူးစောစိုးနိုင် ဦးဆောင်သည့် လက်အောက်ခံတပ် ဖွဲ့ဝင်များနှင့်အတူ စစ်ကူအဖြစ် ရောက်လာသည့် (၁၀၁၇)၊ (၁၀၁၈)နှင့် (၁၀၁၉)တပ်ရင်းတို့က ယမန်နေ့ည ၁၂နာရီမှ မနက် ၁နာရီအထိ တိုက်ပွဲဖြစ်ပွားခဲ့သေးကြောင်း DKBA တပ်မှူးတဦးက ကေအိုင်စီသို့ ပြောသည်။
သူက “မြိုင်ကြီးငူမှာ ညက တိုက်ပွဲဖြစ်သေးတယ်။ ထိခိုက်သေဆုံးမှုတော့ မသိရဘူး။ BGF ဘက်က လက်နက် ကြီး အဓိက အားကိုးပြီး ပစ်ခတ်ခဲ့ပေမယ့် သူတို့ ထိုးဖောက်လို့မရဘဲ နောက်ဆုံး ပြန်နောက်ဆုတ်လိုက်ရ တယ်”ဟု ပြောဆိုသည်။
ဆက်လက်၍ ယနေ့ မြိုင်ကြီးငူတွင် တိုက်ပွဲဖြစ်ပွားမှု မရှိသော်လည်း မြိုင်ကြီးငူနှင့် မယ်သဝေါအကြား ရေတံခွန် ရှိ နားထီးကွီးတွင် ယနေ့ နေ့လည် ၁၁ နာရီခွဲအချိန်၌ DKBA ကလို့ထူးလားဗျူဟာလက်အောက်ခံ တပ်ခွဲ(၂) တပ်ခွဲမှူး စောစကုတ် ဦးဆောင်သည့်အဖွဲ့နှင့် BGF တပ်ရင်း (၁၀၁၂)နှင့် (၁၀၁၅) လက်အောက်ခံတပ်ဖွဲ့ဝင်တို့ တိုက်ပွဲဖြစ်ပွားကာ BGF ဘက်က နှစ်ဦးသေဆုံးပြီး သုံးဦးဒဏ်ရာရရှိသည်ဟု သူက ဆက်ပြောသည်။
သို့သော် ကေအိုင်စီအနေဖြင့် DKBA နှင့် BGF တို့အကြား ဖြစ်ပွားခဲ့သည့် တိုက်ပွဲများတွင် ထိခိုက်သေဆုံးမှု စာရင်း အတိအကျနှင့် ပတ်သက်၍ သီးခြားအတည်ပြုနိုင်ခြင်း မရှိသေးပေ။
မြိုင်ကြီးငူရှိ လူထုများသည် အေးအေးချမ်းချမ်း နေထိုင်ခဲ့ရာမှ ယခုလို တိုက်ပွဲ ဖြစ်ပွားမှုကြောင့် နှစ်ပေါင်း ၂၀နီးပါးအတွင်း ပထမဆုံးအကြိမ် နေအိမ်စွန့် ထွက်ပြေးတိမ်းရှောင်နေရခြင်းဖြစ်ကြောင်း သိရသည်။

http://www.kicnews.org/?p=16542

အပြည့်အစုံသို့... »

နယ်ခြားစောင့်တပ်နှင့် ဖြစ်ပွားသောတိုက်ပွဲ ရပ်လိုက်ပြီဟု DKBA ပြော

လှိုင်းဘွဲ့မြို့နယ် အတွင်း အခြေစိုက်သည့် ကရင်ပြည်နယ် နယ်ခြားစောင့် တပ်ဖွဲ့ဝင်များ (ဓာတ်ပုံ – ပြည်တော်မြင့် / ဧရာဝတီ)

ဒီမိုကရေစီ ကရင်အကျိုးပြုတပ်မတော်(DKBA)နှင့် နယ်ခြားစောင့်တပ်(BGF) တို့အကြားဖြစ်ပွားနေသည့် တိုက်ခိုက်မှုများကို ယနေ့ မွန်းတည့်ချိန်မှစ၍ ရပ်ဆိုင်းလိုက်ပြီဖြစ်ကြောင်း DKBA ဘက်က ပြောဆိုလိုက်သည်။
ကရင်ပြည်နယ်၊ လှိုင်းဘွဲ့မြို့နယ် မြိုင်ကြီးငူရွာ အနီးတွင် ၂၇ ရက်နေ့ညပိုင်းက စတင်ကာ DKBA ကလို့ထူးလားဗျူဟာမှ ဗိုလ်မှူးကြီး စောဘိ လက်အောက်ခံ တပ်ရင်းနှင့် နယ်မြေချင်းထိစပ်နေသည့် နယ်ခြားစောင့်တပ် (၁၀၁၇) တပ်ရင်းတို့ ယနေ့ မနက်ပိုင်း အထိ တိုက်ပွဲများ အပြင်းအထန်ဖြစ်ပွားခဲ့ပြီး နှစ်ဖက် တာဝန်ရှိသူများ နားလည်မှုရရှိပြီးနောက် တိုက်ပွဲများကို ရပ်တန့်လိုက်ကြခြင်း ဖြစ်ကြောင်း DKBA ကလို့ထူးဝါး ကွပ်ကဲရေးရုံးမှ ဗိုလ်မှူး စောဝေထူး က ပြောပြသည်။
“အဲဒီဘက်ကလည်း တိုက်ပွဲတွေရပ် သူတို့ဘက်ကလည်း မပစ်တော့ဘူးဆိုပြီး ဒီနေ့ပဲဗိုလ်ချစ်သူက မြိုင်ကြီးငူက ဆရာတော် တပါး ကနေတဆင့် တယ်လီဖုန်းနဲ့ ဗိုလ်ဘိ (ဗိုလ်မှူးကြီး စောဘိ) ဆီကို ဆက်သွယ်လာတယ်၊ အဲဒီနောက် နေ့လယ် ၁၂ နာရီ ကနေ စပြီး တိုက်ပွဲတွေရပ်လိုက်ပြီ”ဟု ဗိုလ်မှူး စောဝေထူး က ဧရာဝတီသို့ ပြောသည်။
DKBA နှင့် BGF တပ်များအကြား နှစ်ဖက်တိုက်ပွဲများ ရပ်တန့်ရေးအတွက် အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် တင်မောင်ဝင်း က နှစ်ဖက်အကြား ညှိနှိုင်းမှုပြုလုပ်ပေးသကဲ့သို့ ကရင်အမျိုးသား အစည်းအရုံး (KNU) စစ်ဦးစီးချုပ် ဗိုလ်ချုပ် ဂျော်နီ ကလည်း တယ်လီဖုန်းမှတဆင့် နှစ်ဖက်ညှိနှိုင်းမှု ပြုလုပ်ပေးခဲ့ကြောင်း KNU ဗဟိုကော်မတီဝင် မန်းငြိမ်းမောင်ကလည်း ပြောသည်။
“ကျနော်တို့ဘက်ကရော ရတခ တိုင်းမှူးကရော ဝင်ပြီး စေ့စပ်ညှိနှိုင်းပေးလိုက်တဲ့နောက်မှာ စစ်ရှိန်တော့လျော့သွားတဲ့ သဘောမှာရှိတယ်”ဟု မန်းငြိမ်းမောင်က ဆိုသည်။
ယခုလ ၂၆ ရက်နေ့က ကလို့ထူးလားဗျူဟာ လက်အောက်ခံ တပ်ဖွဲ့များနှင့် နယ်ခြားစောင့်တပ်များအကြား သံလွင်မြစ်အတွင်း ပစ်ခတ်မှုများဖြစ်ပွားခဲ့ပြီး နယ်ခြားစောင့်တပ်ဘက်မှ တဦးကျဆုံးခဲ့ရာမှ တိုက်ပွဲများ စတင်ဖြစ်ပွားခဲ့ခြင်းဖြစ်ကြောင်း DKBA က ပြော ဆိုသည်။
ယင်းသို့ ပစ်ခတ်မှုများဖြစ်ပွားပြီ DKBA ကလို့ထူးလား လက်အောက်ခံတပ်ရင်း (၉၀၅) ရှိရာကို နယ်ခြားစောင့်တပ်ရင်း၊ တပ်ဖွဲ့များ က အင်အား အလုံးအရင်းဖြင့် လက်နက်ကြီး လက်နက်ငယ်များ အသုံးပြုတိုက်ခိုက်ခဲ့ကြောင်း နှစ်ဖက်တိုက်ပွဲများကြောင့် အကျအဆုံးစာရင်းကိုလည်း မသိရှိသေးကြောင်း ဗိုလ်မှူး စောဝေထူး က ပြောသည်။
တိုက်ပွဲဖြစ်ပွားမှု အခြေအနေများနှင့် ပတ်သက်၍ နယ်ခြားစောင့်တပ် တာဝန်ရှိသူများထံ ဧရာဝတီက ဆက်သွယ်ခဲ့သော်လည်း ဖြေ ဆိုခြင်း မရှိပေ။
DKBA နှင့် နယ်ခြားစောင့် တပ်များအကြား ယင်းဒေသတွင် နယ်မြေအငြင်းပွားမှု၊ အကျိုးစီးပွား ကိစ္စရပ်များနှင့်ပတ်သက်၍ မကြာ ခဏ ပစ်ခတ်မှုများ ဖြစ်ပွားလေ့ရှိကြောင်း ယင်းဒေသတွင်း လှုပ်ရှားနေသည့် ကရင်လက်နက်ကိုင် တပ်မှူး တချို့က ပြောသည်။
DKBA အဖွဲ့သည် ၁၉၉၄ ခုနှစ်က KNU မှခွဲထွက်ခဲ့သည်။ ထို့နောက် သီးသန့်အဖွဲ့အဖြစ်ရပ်တည်ခဲ့ရာမှ ၂၀၁၀ ပြည့်နှစ်၌် ဗိုလ်မှူးကြီး စောချစ် သူဦးဆောင်သည့် DKBA တပ်ဖွဲ့ဝင်များက အစိုးရတပ် လက်အောက်သို့ ၀င်ရောက်ခဲ့ကြပြီး တပ်ရင်း သုံးခုနှင့် နယ်ခြား စောင့် တပ် အဖြစ် ရပ်တည်ခဲ့ခြင်း ဖြစ်သည်။
ဗိုလ်မှူးချူပ် စောလားပွယ် ၏ DKBA တပ်များကမူ သီးခြား ဆက်လက် ရပ်တည်နေသည်။ ယခု အစိုးရ လက်အောက်ခံ နယ်ခြား စောင့်တပ်နှင့် တိုက်ပွဲဖြစ်ပွားခဲ့သော မြိုင်ကြီးငူ အခြေစိုက်ဗိုလ်မှူးကြီး စောဘိ အဖွဲ့သည် ၂၀၀၈ ခုနှစ်က နယ်ခြားစောင့်တပ်ဖွဲ့ အသွင် ပြောင်း ရာတွင် ပါဝင်သွားခဲ့ပြီးနောက်ပိုင်းတွင် ၎င်း၏ တပ်ဖွဲ့များနှင့်အတူ DKBA အဖြစ်နှင့် ပြန်လည်ရပ်တည်ခဲ့သည်။

http://burma.irrawaddy.org/archives/38503

အပြည့်အစုံသို့... »

ကရင်လက်နက်ကိုင်အဖွဲ့ကြား တိုက်ပွဲကြောင့် ဒေသခံပြည်သူ ရာနဲ့ချီထွက်ပြေး

တိုးတက်သော ကရင်ဗုဒ္ဓဘာသာ တပ်ဖွဲ့ (DKBA) ကို နယ်ခြားစောင့်တပ်အဖြစ် အသွင်ပြောင်းရန် စစ်အစိုးရ၏ ဖိအားပေးမှုကို လက်မခံပဲ ပြန်လည် တိုက်ခိုက်နေသော ဗိုလ်နှုတ်ခမ်းမွေး ခေါ် ဗိုလ်မှူးချုပ် စောလားပွယ် ဦးဆောင်သည့် ခွဲထွက်အဖွဲ့မှ တပ်ဖွဲ့ဝင်များ ဖြစ်ပါသည်။ (RFA)

RFA

ကရင်ပြည်နယ် မြိုင်ကြီးငူမြို့ပေါ်မှာ မနေ့ညက တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA)တပ်ဖွဲ့တွေနဲ့ ကရင်နယ်ခြားစောင့်တပ်(BGF)တို့အကြား တိုက်ပွဲတွေ ဖြစ်ပွားတာကြောင့် ဒေသခံ ၄၀၀ လောက်ဟာ အိုးအိမ်တွေစွန့်ခွာပြီး တိုက်ပွဲလွတ်ရာကို ပြောင်းရွှေ့နေထိုင်နေကြရတယ်လို့ သိရပါတယ်။
မနေ့ည ၁၁ နာရီကျော်ကနေ မနက် ၂ နာရီကျော်ထိ တိုက်ပွဲတွေဖြစ်ပွားခဲ့ပြီး ဒီကနေ့မနက်ပိုင်းမှာတော့ BGF ကရင်နယ်ခြားစောင့်တပ်က မြို့ပေါ်မှာ လုံခြုံရေးတင်းကြပ်ထားတယ်လို့ ဒေသခံတစ်ဦးက RFA ကို ပြောပါတယ်။
“ပစ်တာက ညကတစ်ညလုံးကတော့ ၁၁ နာရီခွဲကနေ ၂ နာရီခွဲအထိ ပစ်တာ၊ တိုက်ပွဲဖြစ်တဲ့ အနီးစပ်ဆုံးရပ်ကွက်တွေကတော့ အကုန်ပြေးရတာပေါ့၊ ဒေသခံ သုံး၊ လေးရာဝန်းကျင်လောက်ပေါ့၊ ကျနော်တို့ မြိုင်ကြီးငူနဲ့ဝေးတဲ့ တချို့လေးငါးခြောက်မိုင် ခုနှစ်မိုင်ဝေးတဲ့ နေရာတွေပေါ့နော်၊ အဲဘက်တွေ တိမ်းရှောင်နေရတာပေါ့၊ ကျနော်တို့လည်းဖြစ်တဲ့နေရာကို ဘယ်သူမှမသွားရဲဘူး၊ ဒီနေ့မနက်ဘာမှ လောလောဆယ် ထူးခြားမှုမရှိသေးဘူး၊ သူတို့ BGF တပ်ကတော့ လုံခြံုရေး တအားတင်းထားတာပေါ့နော်၊ BGF ကတော့ သွားလိုက်လာလိုက်ပဲ”
အဲဒီလိုတိုက်ပွဲတွေ ဖြစ်ပွားနေတာ ၃ ရက်ဆက်တိုက်ရှိပြီဖြစ်ပြီး အခုဆိုရင်တိုက်ပွဲကြောင့် ဒေသခံတွေအကြား နေ့ရောညပါ စိုးရိမ်ကြောင့်ကြနေကြရတယ်လို့လည်း သိရပါတယ်။
အဲဒီတိုက်ပွဲ နောက်ဆုံးအခြေအနေတွေနဲ့ ပတ်သက်ပြီး (BGF) ကရင်နယ်ခြားစောင့်တပ်ရင်း အမှတ် (၇) တပ်မဟာဗျူဟာမှူး ဗိုလ်မှူးကြီး စောဖောဒိုကို RFA သတင်းထောက် မသူဇာ ဆက်သွယ်မေးမြန်းထားတာ နားဆင်နိုင်ပါတယ်။

ဆက်နွယ်သောသတင်းများ

• ဒုက္ခသည် ပြန်လည်လက်ခံရေး ကရင်ပြည်နယ်မှာ စတင်ပြင်ဆင်
• မြေမြှုပ်မိုင်း ရှင်းလင်းရေး အချိန်ယူရဦးမည်လို့ပြော
• ကရင်အဖွဲ့အစည်းတွေ နိုင်ငံရေး လုပ်ငန်းစဉ် စတင်ဆွေးနွေး
• ကရင်ပြည်နယ် ငြိမ်းချမ်းရေး လုပ်ငန်းစဉ်အတွက် ဒေါ်လာ ၁၁ သန်း လှူဒါန်း
• မိတ္ထီလာ အဓိကရုဏ်း သံဃာတစ်ပါး ပျံလွန်၊ လူတစ်ဦး သေဆုံး
• ငြိမ်းချမ်းရေး လုပ်ငန်းစဉ်မှာ လူမှုအဖွဲ့အစည်းတွေ အမျိုးသမီးတွေ ပါ၀င်လာရေး
• မေခမြစ်ဒေသမှာ KIOနဲ့ အစိုးရတပ်တွေ တိုက်ပွဲ ဆက်လက်ဖြစ်ပွါး
• ကရင်လူထု ငြိမ်းချမ်းရေး ထောက်ခံပွဲကို ပန်းတနော်မြို့မှာ ကျင်းပ
• နေပြည်တော်က ကရင်နှစ်သစ်ကူးကို လွှတ်တော်ဥက္ကဌတွေနဲ့ ဒေါ်အောင်ဆန်း စုကြည် တက်ရောက်

http://www.rfa.org/burmese/news/karen-fight-each-other-04292013133946.html

အပြည့်အစုံသို့... »

မြိုင်ကြီးငူတွင် DKBA နှင့် BGF တိုက်ပွဲဖြစ်

ဧပြီလ ၂၈ရက်၊ ၂၀၁၃ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူရွာ ဘုန်းကြီးကျောင်းရှိ ဒီမိုကရေစီ ကရင်အကျိုးပြုတပ်မတော် (DKBA)ကို နယ်ခြားစောင့်တပ်(BGF) မှ ယနေ့မနက် ၉နာရီတွင် တကြိမ်၊ ညနေ ၄နာရီကျော်တွင် တကြိမ် သွားရောက်ပစ်ခတ်၍ တိုက်ခိုက်ဖြစ်ပွားခဲ့သည်ဟု မြိုင်ကြီးငူ သတင်းရပ်ကွက်အရ သိရသည်။
BGF အမှတ် (၁၀၁၁)တပ်ရင်းမှူး ဗိုလ်မှူးစောစိုးနိုင် ဦးဆောင်သည့် လက်အောက်ခံတပ်ဖွဲ့ဝင်များက DKBA ကလို့ထူးလားဗျူဟာမှ ဗိုလ်မှူးကြီး စောဘိလက်အောက်ခံ တပ်ရင်းတို့ တိုက်ပွဲဖြစ်ပွားခဲ့ခြင်းဖြစ်ပြီး BGF ဘက်မှ ၁ဦး သေဆုံးပြီး ၁ဒဏ်ရာရရှိခဲ့သည်ဟု ဒီကေဘီအေနှင့် နီးစပ်သူတစ်ဦးက ကေအိုင်စီသို့ ပြောသည်။
“တိုက်ပွဲဖြစ်က မြိုင်ကြီးငူ ဘုန်းကြီးကျောင်းရဲ့ သိမ်ဘေးမှာ နေရာယူထားတဲ့ DKBA (၉၀၆)တပ်ဖွဲ့ကို BGF က မနက် က တကြိမ်သွားတိုက်တယ်။ တိုက်ပွဲက တစ်နာရီလောက် ကြာပြီး BGF ဘက်က ထိခိုက်မှု ရှိတော့ ပြန်နောက် ဆုတ်သွားတယ်။ နောက် ဒီညနေမှာက နာရီဝက်လောက် တိုက်ပွဲထပ်ဖြစ်တယ်။ နှစ်ကြိမ်ပေါ့”ဟု ၎င်းက ပြောဆိုသည်။
ယနေ့ဖြစ်ပွားသည့် တိုက်ပွဲကြောင့် မြိုင်ကြီးငူရှိ ပြည်သူအများစုသည် သံလွင်မြစ်၏ အနောက်ဘက်ကမ်းသို့ ကူး၍ ကမမောင်းမြို့တွင် ခေတ္တတိမ်းရှောင်နေထိုင်ကြသည်ဟု သိရသည်။
ပြီးခဲ့သည့် ဧပြီလ ၂၆ရက်နေ့က ယောပုထာ့ရွာမှ ကမမောင်းသို့ သံလွင့်မြစ်အတွင်း စက်လှေဖြင့် ပြန်ဆင်းလာ သည့် BGF (၁၀၁၄)တပ်ရင်း၏ စစ်သည် ၄ဦးကို DKBA ကလို့ထူးလားဗျူဟာ လက်အောက်ခံတပ်ရင်းက ပစ် ခတ်သဖြင့် ၁ဦးသေဆုံးသည့် ဖြစ်ရပ်ဖြစ်ပွားပြီးနောက် နှစ်ဖက်တပ်ဖွဲ့အကြား တင်းမာမှု စတင်ဖြစ်ပွားလာခဲ့ သည်။
ထို့နောက် ယမန်နေ့ ဧပြီလ ၂၇ရက်နေ့၌ မယ်သဝေါဒေသတွင် BGF (၁၀၁၂)တပ်ရင်းလက်အောက်ခံ တပ်ခွဲမှူး တစ်ဦးဖြစ်သူ စောဒေါဘိုးက DKBA လေးဦးကို ဖမ်းဆီးထိန်းသိမ်းမှု ပြုလုပ်ခဲ့သဖြင့် အခြေအနေများ ပိုမိုဆိုးရွား ကာ နှစ်ဖက်အကြား ယနေ့ တိုက်ပွဲဖြစ်ပွားသည်အထိ တင်းမာမှုဖြစ်ပွားလာခဲ့ခြင်းဖြစ်သည်။

http://www.kicnews.org/?p=16535

အပြည့်အစုံသို့... »

BGF နှင့် ရဲအဖွဲ့များ ပူးပေါင်း ၍ မြဝတီမြို့တွင် မူးယစ်ဆေးရောင်းဝယ်သူ ၄ဦးကို ဖမ်းဆီး

မတ်လ ၂၇ရက်၊ ၂၀၁၃ခုနှစ်။ စောခါးစူးညား (ကေအိုင်စီ)

နယ်ခြားစောင့် တပ်-BGF နှင့် သက်ဆိုင်ရာ ရဲအဖွဲ့များပူးပေါင်း၍ ရာဘ (ခေါ်) မြင်းဆေးရောင်းဝယ်သူ ၄ ဦးကို ကရင်ပြည်နယ်၊ မြဝတီမြို့နယ်၊ မြဝတီမြို့ အမှတ်(၅)ရပ်ကွက်ရှိ စိုက်ပျိုးရေးဇုံတွင် ယမန် နေ့ မတ်လ ၂၆ရက်နေ့က ဖမ်းဆီးရမိခဲ့သည်ဟု သိရသည်။
BGF (၁၀၁၁)တပ်ရင်းမှ ဗိုလ်ကြီး ဆန်းကျော် ဦးစီးသည့် အင်အား ၂၀ နှင့် မြဝတီမြို့နယ် မူးယစ်နှိမ်နင်းရေး အဖွဲ့၊ နယ်ထိန်းမြို့နယ်ဦးစီး ရဲများပူးပေါင်းပြီး အဆိုပါ မူးယစ်ဆေးရောင်းဝယ်သူတို့ကို ရာဘဆေးပြား လေးထောင်ကျော်အပါအဝင် ကျပ်ငွေ ၁၃သိန်းနှင့်အတူ ဖမ်းဆီးရမိခဲ့ခြင်းဖြစ်သည်ဟု မြဝတီမြို့ရှိ သက်ဆိုင်ရာ အာဏာပိုင်များက ပြောသည်။
ဖမ်းဆီးနှိမ်နင်းမှုတွင် ပါ၀င်သည့် မြဝတီရဲအရာရှိတစ်ဦးက “ဖမ်းဆီးခံရတဲ့သူတွေဟာ နှစ်နေရာပါ။ ပထမ နေရာကတော့ မူးယစ်ဆေး ၂၂၃ ပြားနဲ့ ယောက်ျား ၂ယောက်ကို ဖမ်းမိပါတယ်။ သူတို့ထပ်မေးတဲ့အခါ သူတို့ ဆေးသွားဝယ်တဲ့နေရာ ပြောပြတော့ ကျနော်တို့ အဲဒီနေရာကို သွားတော့ မူးယစ်ဆေး ၃၉၂၇ ပြား၊ ကျပ်ငွေ ၁၃သိန်းနဲ့အတူ ယောက်ျားနှစ်ယောက်ကို ထပ်မံ ဖမ်းဆီးရမိခဲ့ပါတယ်”ဟု ကေအိုင်စီသို့ ပြောသည်။
ဆက်လက်၍ ရဲအရာရှိက အဖမ်းခံရသူတို့သည် သန်းနိုင် (ခေါ်) မောင်ကြီး (၂၆)နှစ်၊ အောင်ဒိန်း(၅၁နှစ်)၊ ဦးတင်အေး (၅၀)နှစ်နှင့် ဦးခင်ဆန်း (၄၄)နှစ်တို့ဖြစ်ပြီး လက်ရှိ ၎င်းတို့ကို မြဝတီ ရဲစခန်းတွင် ထိန်းသိမ်းထားကာ မူးယစ်ဆေးဝါး ပုဒ်မတို့ဖြင့် အရေးယူထားသည်ဟု ပြောဆိုသည်။
BGF နှင့် နီးစပ်သူတစ်ဦးကလည်း “အခုလို BGF နဲ့ ရဲတွေ ပူးတွဲပြီး ဒီလို မူးယစ်ဆေးရောင်းဝယ်သူတွေကို ဖမ်းတာ သိပ်ကောင်းတယ်။ ရှေ့ဆက်ပြီးတော့ သူတို့တွေ အတူအလုပ်လုပ်သွားဖို့ ရှိပါတယ်”ဟု ဆိုသည်။
ကရင်ပြည်နယ်၊ မြဝတီမြို့တွင် ရဲအဖွဲ့များနှင့် BGF တို့ ပူးပေါင်း၍ မူးယစ်ဆေးရောင်းဝယ်သူများကို ဖမ်းဆီး သည်မှာ ယခုအကြိမ်သည် ပထမဆုံးအကြိမ်ဖြစ်သည်ဟု သိရသည်။
ယခုလ မတ်လ ၂၂ရက်နေ့ကလည်း ထိုင်း-မြန်မာနယ်စပ် မြဝတီမြို့နှင့် မဲဆောက်မြို့အကြား သောင်းရင်းမြစ် အတွင်းရှိ မူးယစ်ဆေး ရောင်းဝယ်မှုမျာရှိနေသည့် ရေလယ်ကျွန်းကို ကော့မှုးရာ ရင်လူငယ်များအဖွဲ့မှ လက်နက် အပြည့်အစုံဖြင့် ၀င်ရောက်စီးနင်းမှု ပြုလုပ်ခဲ့သေးသည်။

http://www.kicnews.org/?p=16264

အပြည့်အစုံသို့... »

သိမ်းထားသည့် BGF လက်နက်များပြန် လည်ပေးအပ်ရန် DKBA နှင့် အစိုးရ တွေ့ဆုံဆွေးနွေး

ကရင်ပြည်နယ် လှိုင်ဘွဲ့မြို့နယ်၊ မြိုင်ကြီးငူအထူးဒေသ တလျှောက် လှုပ်ရှားနေသည့် ဒီမိုကရေစီကရင် အကျိုးပြု တပ်မတော်-DKBA တပ်ဖွဲ့ဝင်များမှ ယခုလ ၅ ရက်နေ့က သိမ်းဆည်းထားသည့် နယ်ခြားစောင့် တပ်ဖွဲ့-BGF ၏ လက်နက် ၄၀ ကျော်ကို ပြန်လည်ပေးအပ် ရန် မြန်မာ အစိုးရနှင့် DKBA တို့ ယနေ့ တွေ့ဆုံဆွေး နွေးခဲ့ကြသည်။
ပြည်ထောင်စု ငြိမ်းချမ်းရေး ဖော်ဆောင်ရေးကော်မတီ ဒုဥက္ကဋ္ဌ သမ္မတရုံးဝန်ကြီး ဦးအောင်မင်း၊ ပြည်သူ့စစ်နှင့် နယ်ခြားစောင့်တပ် ညွှန်ကြားရေးမှူးချုပ် ဗိုလ်ချုပ်မောင်မောင်အုန်း စသည့် အဖွဲ့ဝင် ၉ ဦးနှင့် DKBA ဘက်မှ ဗိုလ်ချုပ်ကြီး စောလားပွယ် ဦးဆောင်သည့် အဖွဲ့ဝင် ၈ ဦးတို့သည် မွန်းတည့် ၁၂ နာရီခန့်မှ ညနေ ၃ နာရီ ကျော်အထိ မြဝတီမြို့ အစိုးရရှေ့တန်းရုံးတွင် တွေ့ဆုံခဲ့ကြခြင်းဖြစ်သည်။

DKBA ပြောရေးဆိုခွင့်ဖြစ်သူ ဗိုလ်မှူးစောဆန်းအောင်က “ယနေ့တွေ့ဆုံပွဲမှာ DKBA တပ်ဖွဲ့ဝင်များ သိမ်းဆည်း ထားသည့် လက်နက်များကို ပြန်လည်ပေးအပ်ရန်တို့ကိုသာ အဓိကဆွေးနွေးခဲ့တယ်။ နောက် မြိုင်ကြီးငူဒေသ တဝိုက် မှာ DKBA တပ်ဖွဲ့ဝင်တွေအတွက် သွားရေးလာရေးအခက်အခဲ၊ နယ်ခြားစောင့်တပ်များနဲ့ ဖြစ်တဲ့ ပဋိပက္ခတွေ ဆွေးနွေးဖြစ်ပါတယ်” ဟု ကေအိုင်စီသို့ ပြောသည်။
လက်နက်ပြန်လည် ပေးအပ်ရန် ကိစ္စနှင့်ပတ်သက်၍ DKBA ဘက်မှ BGF တပ်ဖွဲ့ဝင်များထံသို့ လက်နက် တချို့ ပြန်လည်ပေးအပ်ပြီး ဖြစ်ကြောင်းနှင့် ကျန်နေသေးသည့် လက်နက်များကိုလည်း ပြန်လည်ပေးအပ်ရန် ပြင်ဆင် နေကြောင်း ဗိုလ်မှူးစောဆန်းအောင်က ဆက်ပြောသည်။
ဆက်လက်၍ ဦးအောင်မင်းကလည်း “ကျနော်တို့တွေ တွေ့ကြတာ တပ်နေရာချထားရေး ကိစ္စရပ်တွေ၊ ဆက်ဆံ ရေးရုံးဖွင့်မယ့် ကိစ္စရပ်တွေ၊ နောက် သူတို့(ဒီကေဘီအေ)ရဲ့ စားရေးသောက်ရေးကိစ္စရပ်တွေ ဒါမျိုးတွေ ဆေးနွေးကြပါတယ်” ဟု ပြောသည်။
ဆက်ဆံရေးကို ကြာအင်းဆိပ်ကြီး၊ ဘုရားသုံးဆူ၊ ကျိုက်ဒုံနှင့် မြိုင်ကြီးငူ စသည့်နေရာ ၄ ခုတွင် ထပ်မံဖွင့်လှစ် ရန် ရှိသည်ဟု ဒီကေဘီအေဘက်က ပြောသည်။ သို့သော် ဖွင့်လှစ်မည့်အချိန်နှင့်ပတ်သက်၍ ရက်အတိအကျ သတ်မှတ်ထားခြင်း မရှိသေးကြောင်း သိရသည်။
ထို့အပြင် ယနေ့တွေ့ဆုံမှုတွင် နိုင်ငံရေး၊ စစ်ရေးအရ တွေ့ဆုံဆွေးနွေးမှုမျိုးမဟုတ်ပဲ DKBA နှင့် နယ်ခြားစောင့် တပ်အကြား ဖြစ်ပွားခဲ့သည့် လက်နက်နှင့် တိုက်ပွဲပဋိပက္ခများ ထပ်မံမဖြစ်ပေါ်အောင်သာ ကတိကဝတ်ပေး သည့် ဆွေးနွေးမှုမျိုးသာ ဖြစ်ကြောင်း ဗိုလ်မှူး စောဆန်းအောင်က ပြောသည်။
တချိန်တည်းမှာပင် ကရင်လက်နက်ကိုင်အဖွဲ့အစည်းများနှင့် ငြိမ်းချမ်းရေးဆွေးနွေးနေချိန်တွင် ကချင်လက်နက် ကိုင်အဖွဲ့အများကို အစိုးရမှ ထိုးစစ်ဆင်တိုက်ပွဲဆင်နေမှုသည် ငြိမ်းချမ်းရေးအတွက် ယုံကြည်မှုတည်ဆောက်ရန် အဟန့်အတားဖြစ်ကြောင်းလည်း DKBA ဘက်မှ တင်ပြခဲ့သည်ကို ၀န်ကြီးဦးအောင်မင်းက လာမည့် သုံးလေးရက်တွင် ကချင်ဒေသစစ်ပွဲကိစ္စ အဆင်ပြေသွားမည်ဟု ပြောသွားခဲ့ကြောင်း ဗိုလ်မှူး စောဆန်းအောင်က ဆိုသည်။
ထို့အပြင် အစိုးရဘက်မှ တိုင်းရင်းသား လက်နက်ကိုင် တပ်ဖွဲ့များဖြင့် ဖွဲ့စည်းထားသည့် ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC နှင့် နိုင်ငံရေးအရ တွေ့ဆုံဆွေးနွေးမှု ပြုလုပ်မှသာလျှင် DKBA အနေဖြင့် ငြိမ်းချမ်းရေး ဆွေးနွေးမှုတွင် ပါ၀င်သွားမည်ဟုလည်း DKBA ဘက်က ပြောသည်။
DKBA သည် ၁၉၉၄ ခုနှစ်တွင် ကရင်အမျိုးသားအစည်းအရုံး-KNU မှ ခွဲထွက်ကာ မြန်မာစစ်အစိုးရနဲ့ ပြန်ပေါင်းပြီး နောက် ၂၀၁၀ ခုနှစ်၌ မြန်မာအစိုးရ၏ နယ်ခြားစောင့်တပ် အသွင်ကူးပြောင်းရေးကို လက်မခံသည့် ဗိုလ်ချုပ်ကြီး စောလားပွယ်ဦးဆောင်သည့် အဖွဲ့က အသစ်တက်လာသည့် မြန်မာအစိုးရစစ် တပ်နှင့် တိုက်ပွဲ များပြန်လည် ဖြစ်ပွားခဲ့သည်။
တဖန် DKBA သည် ၂၀၁၁ ခုနှစ်၊ နိုဝင်ဘာ လဆန်းပိုင်းက မြန်မာအစိုးရနှင့် ကရင်ပြည်နယ်၊ ဖားအံမြို့တွင် တွေ့ဆုံဆွေးနွေးရေးပြုလုပ်ကာ အပစ်အခတ်ရပ်စဲရေး သဘောတူညီမှု ထပ်မံရရှိခဲ့သလို ၎င်းနောက်ပိုင်း တိုးတက်သောဗုဒ္ဓဘာသာ ကရင်အမျိုးသားတပ်မတော်-DKBA မှ ဒီမိုကရေစီ ကရင်အကျိုးပြုတပ်မတော်-DKBA အဖြစ် ယနေ့အထိ ရပ်တည်ခဲ့သည်။

http://burmese.bnionline.net/index.php/news/kic/12796--bgf---dkba---.html

အပြည့်အစုံသို့... »

KNLA နှင့် ထိပ်တိုက် ပစ်ခတ်မှုတွင် BGF ၄ဦး ကျဆုံး

သြဂုတ်လ ရရက်၊ ၂၀၁၂ခုနှစ်။ နန်းဖော့ဂေ (ကေအိုင်စီ)

ကရင်အမျိုးသားလွတ်မြောက်ရေးတပ်ဖွဲ့-KNLA နှင့် နယ်ခြားစောင့်တပ်ဖွဲ့-BGF တပ်ရင်း(၁၀၁၄)တို့ သြဂုတ်လ ၅ရက်နေ့က ဖာပွန်မြို့နယ်၊ မဲဆိပ်ကျေးရွာတွင် တိုက်ပွဲဖြစ်ပွားခဲ့ရာ BGF မှ ၄ဦးကျဆုံးပြီး KNLA ဘက်မှ ၂ဦး ထိခိုက်ဒဏ်ရာ ရရှိကြောင်း ကေအိုင်စီမှ စုံစမ်းသိရှိရသည်။
KNLA တပ်မဟာ(၅) ရုံးထိုင်မှူး ဗိုလ်မှူးကလယ်ဒို့က “မနက် ၅နာရီမှာ BGF (၁၀၁၄) တပ်ရင်းနဲ့ ကျနော်တို့ KNLA တပ်မဟာ(၅)ဌာနချုပ်က တပ်စုတစုတို့ ထိပ်တိုက်ဖြစ်ကြတာပါ။ ကျနော်တို့ ရဲဘော်တွေ ရဲ့ သတင်းပေးပို့ချက်အရ BGF ဘက်က ၄ဦးကျတယ်။ ထိခိုက်တာတော့ မသိရဘူး။ ကျနော်တို့ဘက်ကတော့ ဒဏ်ရာ ၂ယောက်ရတယ်။ နောက် လက်နက်အနည်းငယ်လည်း သိမ်းဆည်းလိုက်မိတယ်” ဟု ဆိုသည်။
အချိန်နာရီဝက် ကြာမြင့်သည့် ၎င်းတိုက်ပွဲတွင် KNLA က BGF တပ်ဖွဲ့ထံမှ အမ်-၁၆ ၄လက်၊ ကာဘိုင် တစ်လက်၊ ပစ္စတို တစ်လက်၊ ပွိုင့်-၂၂ တစ်လက်၊ ကင်မရာတစ်လုံးနှင့် ဖုန်းတစ်လုံးကို သိမ်းဆည်းခဲ့ သည်ဟု သိရသည်။ KNLA တပ်မဟာ(၅)နယ်မြေတွင် နယ်ခြားစောင့်တပ် (၁၀၁၃)နှင့် (၁၀၁၄) တပ်ရင်းတို့ အခြေစိုက် လှုပ်ရှားလျက်ရှိရာ ယခုတိုက်ပွဲတွင် (၁၀၁၄)တပ်ရင်းမှူး ဗိုလ်မှူးမောင်ချစ်ကိုယ် တိုင် ဦးဆောင်၍ နယ်မြေတိုးချဲ့မှု ပြုလုပ်လာသည့်အတွက်ကြောင့် KNLA ဘက်မှ တိုက်ခိုက်ရခြင်းဖြစ်သည်ဟု ၎င်းက ဆိုသည်။
ဗိုလ်မှူးကလယ်ဒို့က “BGF က နေရာတိုးချဲ့လာနေတာလေ။ နှစ်ဖက်ခေါင်းဆောင်တွေ စကားပြောနေချိန်မှာ မလုပ်ဖို့ပြောတာ လက်မခံဘူး။ အဲဒါကို ကျနော်တို့က နယ်စပ်လုံခြုံရေးဝန်ကြီးဆီ ဆက်သွယ် ပြောပေးဖို့ ဗဟိုကို တင်ပြထားပါတယ်။ ဒီလိုတင်ပြထားပြီးနောက်ပိုင်းတောင် တိုးလာတော့ ကျနော်တို့ကလည်း အောက်ခြေကို လုပ်သင့်တာလုပ်လို့ ညွှန်ကြားထားခဲ့တာပါ”ဟု ကေအိုင်စီသို့ ပြောသည်။
ယခု တိုက်ပွဲဖြစ်ပွားသည့် မဲဆိပ်ဒေသမှာ ကေအဲန်ယူ တပ်မဟာ(၅)နှင့် တပ်မဟာ(၇)ကြားနေရာဖြစ်ပြီး BGF တပ်များက နေရာတိုးချဲ့မှု လုပ်ဆောင်နေသော်လည်း ထိုဒေသရှိ မြန်မာအစိုးရ စစ်တပ်များ က လှုပ်ရှားမှု တစုံတရာ မရှိကြောင်း သိရသည်။
အလားတူ ပြီးခဲ့သည့် ဇူလိုင်လ ၃၀ရက်နေ့ကလည်း ဗိုလ်မှူးမောင်ချစ် ဦးစီးသည့် အင်အား ၃၀ဦးရှိ အဆိုပါ (၁၀၁၄) BGF တပ်ဖွဲ့ဝင်များသည် KNU တပ်မဟာ(၅)နယ်မြေ မယ့်လားဒေသ၌လည်းကောင်း၊ ဗိုလ်မှူးစိုးနိုင် ဦးစီးသည့် BGF (၁၀၁၃)တပ်ရင်း၊ ဗိုလ်မှူးအောင်လင်းသိန်း ဦးစီးသည့် BGF (၁၀၁၂)တပ်ရင်းတို့ပူးပေါင်းပြီး KNLA တပ်မဟာ(၅) မဲဆိပ်အရှေ့ခြမ်းဒေသတွင်လည်းကောင်း၊ ဖားယူဟေး (ရာထူးမသိ) ဦးစီးသည့် BGF (၁၀၁၃)မှ တပ်ဖွဲ့ဝင် ၃၀ဦးက ကန်ညီနောင်ကျေးရွာတွင်လည်းကောင်း ၀င်ရောက်အခြေချပြီး နယ်မြေတိုးချဲ့မှုများ လုပ်ဆောင်လျှက်ရှိသည်ဟု သိရသည်။
၎င်းတိုက်ပွဲများနှင့် ပတ်သက်၍ ကရင်ပြည်နယ်၊ နယ်စပ်ရေးရာလုံခြံုရေးဝန်ကြီး ဗိုလ်မှူးကြီးအောင်လွင်ကို ကေအိုင်စီက ဆက်သွယ်မေးမြန်းသော်လည်း ဖုန်းလိုင်းဆက်သွယ်ရေး အခက်အခဲရှိသည်။
လက်ရှိအချိန်တွင် ကရင်အမျိုးသားအစည်းအရုံး-KNU နှင့် မြန်မာအစိုးရတို့ အပစ်အခတ်ရပ်စဲရေးကို တစုံတရာ သဘောတူညီပြီး ဆက်လက် ဆွေးနွေးနေချိန်တွင် ယခုလို တိုက်ပွဲဖြစ်ပွားမှုမှာ ဆွေးနွေး ရေးကို ထိခိုက်မှုရှိမရှိ ကေအိုင်စီ၏ မေးမြန်းချက်ကို KNU အတွင်းရေးမှူးချုပ် နော်စီဖိုးရာစိန်က ယခုလို ပြန်လည်ဖြေကြားသည်။
“နှစ်ဖက် ဆွေးနွေးစကားပြောနေဆဲ ကာလမှ ဒီလိုတိုက်ပွဲဖြစ်ပွားမှုတွေက ညွှန်ကြားမှုတွေ နေရာတိုင်း မရောက်တာလည်း ဖြစ်နိုင်ပါတယ်။ ဒီအတွက်ကို ကျမတို့က တပ်ဖက်ပိုင်းမှာ ပိုသေချာအောင် ထပ်ပြီး လုပ်ဆောင်ရမဲ့သဘောဖြစ်နေတာမို့ ဆက်လက် ဆွေးနွေးသွားမှာပါ”ဟု ပြောဆိုသည်။
မြန်မာအစိုးရနှင့် KNU နှစ်ဖက် ငြိမ်းချမ်းရေးဖော်ဆောင်ရေးအဖွဲ့များသည် ၂၀၁၂ခုနှစ်၊ ဇန်နဝါရီလ ၁၂ရက်နှင့် ဧပြီလ ၆ရက်နေ့များတွင် ပြည်နယ်အဆင့်နှင့် ပြည်ထောင်စုအဆင့် အပစ်အခတ်ရပ်စဲရေး အတွက် တွေ့ဆုံဆွေးနွေးကာ သဘောတူညီထားခဲ့သည်။

http://www.kicnews.org/?p=12765

အပြည့်အစုံသို့... »