Saturday, September 15, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
ကချင်ပြည်နယ် ဖားကန့်မြို့နယ်၊ မော်ဝမ်းကြီး ရပ်ကွက်ထဲသို့ လက်နက်ကြီးများ ပစ်ခတ် မှုသည်၊ အစိုးရတပ်ဖွဲ့မှ တမင် ကြံစည်ပြီး ပစ်ခတ်ခြင်းသာ ဖြစ်သည်ဟု ကချင်ပြည် လွတ်လပ်ရေးအဖွဲ့ KIO ပြောခွင့်ရသူ ဦးလာနန်းက ပြောပါသည်။“ အဲဒီမှာ ကချင် တပ်တွေ မရှိဘူး လေဗျာ။ သူတို့ အချင်းချင်း မူးပြီး အပြန်အလှန် သေနတ် ဖေါက်ကြ၊ ပြီးတော့မှ နှစ်ဖက်စလုံး ကနေ ရွာထဲကို လက်နက် ကြီးတွေနဲ့ (၂) နာရီလောက် ပစ်ထည့် လိုက်တယ်လေ။ ဒီတော့ ကျောင်းဆင်းစ ကျောင်းသား တွေနဲ့ အရပ်သားတွေပါ ထိခိုက် ဒါဏ်ရာရ သွားတာပေါ့။ စုစုပေါင်း ၈ ဦးလောက် ဖားကန့် ဆေးရုံကို ရောက်သွားတယ်။ အဲဒီထဲမှာ အသက် ၁၃ နှစ်အရွယ် ကျောင်းသူ မဆိုင်းဂျာအိမ်က အဲဒီညနေ ၁၀ နာရီလောက်မှာ ခွဲစိတ် ကုသစဉ် သေဆုံး သွားခဲ့တယ်”ဟု ဦးလနန်းမှ ပြောပါသည်။
ယင်းပစ်ခတ်မှုကို ဆွပ်ငိုင်ယန် ကျေးရွာ၌ အခြေ စိုက်သည့် ခလရ ၅၂ တပ်ဖွဲ့ များနှင့် အနောက် မြောက်တိုင်း စစ်ဌာနချုပ် လက်အောက်ခံ တပ်ရင်းများ ပါရှိသော ပူးပေါင်း တပ်များ အချင်းချင်း ပစ်ခတ်တိုက်ခိုက် ခဲ့ကြရာက ရွာထဲသို့ပစ်ခတ်လိုက် ခြင်းဖြစ်သည်ဟု ဒေသခံ ရွာသား များက ပြောပါသည်။
ပစ်ခတ်မှုသည် စက်တင်ဘာလ (၁၃) ရက် ညနေ ၃း၃၀ နာရီ ခန့်၌ ဖြစ်ပွား ခဲ့ပါသည်။ အစိုးရ တပ်ဖွဲ့ များသည်၊ အချင်းချင်း ပစ်ခတ် ကြရာမှ ရွာထဲကို ပစ်ခတ်ခြင်း၊ အရက်မူးပြီး ရွာထဲသို့ ပစ်ခတ်ခြင်း၊ ပစ်ရှင်း စနစ်ဖြင့် ရွာမဝင်ခင် ရွာထဲသို့ လက်နက် ကြီးများဖြင့် အရင် ပစ်ခတ်ပြီးမှ ကျေးရွာကို ၀င်ရှင်းခြင်း၊ ကျေးရွာနား၌ တိုက်ပွဲ ဖြစ်ပွားခဲ့ပါက ရွာထဲသို့ ပစ်ခတ်ခြင်း၊ ရွာဝင်မီး ရှို့ခြင်း၊ ပေါ်တာဖမ်းခြင်း၊ ကြောင်းကျုုိးမဲ့ အရပ်သား များကို ပစ်ခတ်ခြင်းသည် အစိုးရ တပ်ဖွဲ့များ၏ လုပ်နေကျ စနစ် တခုလို ဖြစ်နေခဲ့ကြောင်း ဦးလာနန်း ကဆိုပါသည်။
အစိုးရ တပ်ဖွဲ့များ၏ ဤစနစ်ကြောင့် ရွာသားများကို ၄င်းတို့၏ကျေးရွာများမှ စွန့်ခွာစေခဲ့ကြပါသည်။ ထို့အပြင် KIA နှင့် အစိုးရ တို့သည် တနှစ် ကျော်အတွင်းတိုက်ပွဲပေါင်း (၁၇၇၀)ကျော် ရှိခဲ့ပြီး ဖြစ်သည်ဟု KIA ဖက်က ဆိုပါသည်။ ဤကဲ့သို့သော တိုက်ပွဲများနှင့် အစိုးရ၏ စစ်ဆင်ရေး စနစ်ကြောင့် ကချင် စစ်ပြေး ဒုက္ခသည် များကို ဖြစ်စေခဲ့ပါသည်။
KIA နှင့် တိုက်ပွဲပေါင်း (၉၀၀) ဖြစ်ခဲ့သည့် အထဲတွင် အစိုးရ တပ်ဖွဲ့ အချင်းချင်း ပစ်ခတ်မှုများသည် (၁၀)ပွဲထက် မနည်း ရှိခဲ့သည်ဟု ဆိုပါသည်။ ဤကဲ့သို့ အချင်းချင်း ပစ်ခတ်မှု ဖြစ်ပွားခဲ့ ပြီးတိုင်း ကချင် ကျေးရွာ တွေအပေါ် ရန်ရှာပြီး အကြောင်းမဲ့ ရွာထဲသို့ ပစ်ခတ်လေ့ ရှိပါသည်။ ထို့အပြင် ကျေးရွာထဲ ပစ်ရှင်း စနစ်သည်လည်း ကချင်လူထုကို ကျေးရွာမှ ထွက်ခွာစေခဲ့သော စနစ် ဖြစ်ပါသည်။
ဤသို့ကြောင့် ကချင်စစ်ပြေး ဒုက္ခသည်ပေါင်း တသိန်းခန့် ဖြစ်လာ ခဲ့ရခြင်း ဖြစ်ပါသည်။ အစိုးရ ကာကွယ်ရေး ၀န်ကြီး ဌာနကမူ ကချင် ပြည်နယ်တွင်း၌ စစ်ဆင်ရေး မရှိကြောင်း၊ နယ်မြေ ရှင်းလင်းသာ ရှိပြီး သမ္မတ ညွှန်ကြား ထားသည့် အတိုင်း ဆောင်ရွက် နေပါကြောင်း လွှတ်တော်ကို တင်ပြ အစီရင်ခံ ခဲ့ပါသည်။
ဆေးရုံသို့ ရောက်ရှိ နေသော ရဲဘော် များအား ကာချုပ် အားပေး နေစဉ် (ဓါတ်ပုံ - မြဝတီ)
ဤစနစ်ကို အစိုးရ စစ်တပ်က ကရင်အမျိုးသား အစည်းအရုံး(KNU) ကို စစ်ဆင်စဉ်ကလည်း ကျင့်သုံး ခဲ့ပါသည်။ ဤစနစ်ကို ဖြတ်လေးဖြတ် စနစ်ဟု ခေါ် သော စစ်ဆင်ရေး စနစ်ဖြစ်ပါသည်။ ဖြတ်လေးဖြတ်သည် (၁) ပြည်သူများနှင့် အဆက်ဖြတ် ခြင်း (သို့) ပြည်သူများ အခြေ အနေမဲ့နေအောင်(သို့) စစ်ပြေးဒုက္ခသည်ဖြစ်အောင် ပြုလုပ်ခြင်း၊ (၂) ရိက္ခာဖြတ်တောက်ခြင်း၊ (၃)သတင်း အရင်းအမြစ် ဖြတ်တောက်ခြင်းနှင့် (၄) ဘဏ္ဍာငွေဖြတ်တောက်ခြင်း (စီးပွားရေးအဆောက်အအုံဖျက်ဆီးခြင်း၊ တို့ဖြစ်ပါသည်။အစိုးရတပ်ဖွဲ့များ ဖါးကန့် မြို့နယ်ရှိ ကျောက်စိမ်း မှော်များကို စစ်ဆင်နေခြင်းသည် KIA ၏ စီးပွားရေး အဆောက်အအုံ များကို ဖျက်ဆီးခြင်း ဖြစ်သလို နယ်မြေလူထုများကို တိုက်ခိုက်ပြီး စစ်ပြေး ဘဝ ရောက်ရှိ စေခြင်း သည်လည်း KIA ကို လူထုနှင့် ကင်းကွာစေခြင်း၊ သတင်းနှင့် ရိက္ခာများ ပြတ်တောက် စေခြင်းပင် ဖြစ်ပါသည်။
သို့သော်လည်း စက်တင်ဘာ (၁၃)ရက်နေ့၌ ဖြစ်ပွားသော ဖါးကန့်ရှိ မော်ဝမ်းကြီးပစ်ခတ်မှုကိစ္စကို KIA ၏ လက်ချက်ဖြစ် ကြောင်း အစိုးရ တပ်မတော်ပြန်ကြားရေးဆိုင်ရာ မြဝတီ မီဒီယာက စွပ်စွဲ ထားပါသည်။ ဖေါ်ပြပါလင့်၌ ဖတ်ရှု့ နိုင်ပါသည်။http://www.facebook.com/mwdmedia?ref=stream
ဤကဲ့သို့ အစိုးရ ဖက်မှလည်း တုန့်ပြန်နေခဲ့ ပါသည်။ ဖါးကန့်ဒေ သခံများ၏ အပြောအရ အခင်းဖြစ်ပွားချိန်၌ KIA တပ်များ မရှိကြောင်း ပြောပါသည်။
ဤသည် အစိုးရမှ KIA အပေါ် စစ်ရေး၊ ကချင်လူထုတိုက်ခိုက်ရေးနှင့် မီဒီယာရေးပါ တုန့်ပြန်တိုက်ခိုက် လိုက်ခြင်းပင်ဖြစ်ပါ သည်။ ထို့အပြင် ဤကဲ့သို့သော အခြေအနေအထိ စစ်ဆင်နေသော အစိုးရသည် ငြိမ်းချမ်းရေးဆွေးနွေးပွဲအတွက်ဆိုကာ KIA အား နေပြည်တော်၌ တွေ့ဆုံဆွေးနွေးကြရန်ကမ်းလှမ်းထားပါသည်။
ဤသည် အစိုးရက KIA အားပျက်ရယ်ပြုသည့် ကမ်းလှမ်းခြင်းသာ ဖြစ်သည်ဟု KIA က ယူဆပါသည်။ အစိုးရသည် သံတ မန်စကားအရသာ ငြိမ်းချမ်းရေးတည်ဆောက်နေပါသည်ဟု ကြွေးကြော်နေသော်လည်း အနှစ်သာရ အားဖြင့် လက်နက်ကိုင် တိုင်းရင်းသား အဖွဲ့များကို တဖွဲ့ပြီး တဖွဲ့ ချေမှုန်းရေးသာ ဖြစ်သည်ဟု KIA ဖက်ယူဆပါသည်။
http://www.phophtaw.org/burmese/index.php/news/local-news/2117-kia-.html
Posted in: ကချင်,ကချင်စစ်ဆင်ရေး,ကချင်ဒေသ,စစ်ဆင်ရေး
