လူထုကို အကြပ်အတည်း ဖြစ်စေသည့် နည်းဖြင့် KIA အား ထိန်းချုပ်

ဒေသခံများ၏ တပိုင်တနိုင်ကျောက်စိမ်းမှော် လုပ်ငန်း (ဓါတ်ပုံ အင်တာနက်)

အစိုးရတပ်ဖွဲ့တို့သည် ကချင်ပြည်နယ် ဖားကန့်မြို့နယ် လုံးခင်ဒေသ ကျောက်စိမ်းမှော်၌ တပိုင်တနိုင် ကျောက်စိမ်းတူး နေကြသူများကို လိုက်လံ ပစ်ခတ်သည့် နည်းဖြင့် မောင်းထုတ်လျှက် ရှိနေကြောင်း ဒေသခံတစ်ဦးက ပြောပါသည်။

“ပစ်ခတ်ပြီး လိုက်လံ မောင်းနှင်းနေခဲ့တာ ကနေ့ အထိပါ။ တကယ်တော့ ကျနော်တို့ အခြေခံထားတဲ့ မြေနေရာကိုက စိုက်ပျိုးရေးနဲ့ အသက်မွေးလို့ မရပါဘူး။ အဲဒါကြောင့် ကျနော်တို့ဟာ ဒီ ကျောက်စိမ်းမှော်တွေကို အားကိုးပြီး အသက်ရှင် နေကြတဲ့ သူတွေပါ။ ဒါကို အစိုးရတပ်ဖွဲ့တွေက လာလာပြီး ပစ်ခတ်နေတယ်ဆိုတော့ ဘာနဲ့စားရတော့မှာလဲ” ဟု ဆိုပါသည်။

အစိုးရတပ်ဖွဲ့များသည် ပြီးခဲ့သည့် ဇန္နာဝါရီလ ၁၅ ရက်နေ့မှ စတင်ပြီး ကျောက်စိမ်းမှော် တူးသူများကို တားဆီးပိတ်ပင်ခဲ့ သည်ဟု ဒေသခံက ဆိုပါသည်။ ဤသို့ကြောင့် ဒေသခံ ကချင်ပြည်သူ များသည် ကချင်လွတ်လပ်ရေး တပ်မတော် (KIA) အား အစိုးရတပ်ဖွဲ့မှ တိုက်ခိုက်ခဲ့စဉ်တုန်းက အခြေအနေမျိုး ထပ်မ ံချုပ်ချယ်ခြင်း ခံနေရကြောင်း ဆိုပါသည်။

အစိုးရ၏ အမှတ်(၇) စစ်ဆင်ရေးကွပ်ကဲမှု ဌာနချုပ်မှ အင်းအား (၄၀၀) ခန့်သည် စစ်ကြောင်း (၃) ကြောင်းဖြင့် ပြီးခဲ့သည့် ဇန္နာဝါရီလ ၁၅ ရက်နေ့တွင် ဤဖားကန့်ဒေသသို့ စစ်ဆင် လာခဲ့ပါသည်။ ဇန္နာဝါရီလ ၁၈ ရက်နေ့တွင် ဖားကန့်မြို့နယ်တွင် ခြေချ တပ်စွဲထားသည့် KIA တပ်မဟာ ၂ လက်အောက်ခ၊ံ အမှတ် ၆ တပ်ရင်းကို ဝင်ရောက် တိုက်ခိုက် သိမ်းပိုက်ခဲ့သည်။ ဤအချိန်မှစပြီး ဒေသခံကျေးရွာများကို တအိမ်တက်ဆင်း ပစ္စည်းများ လိုက်လံ သိမ်းယူနေပြီး လူများကို လည်း သွားလာခွင့် ပိတ်ပင်ခဲ့ပါသည်။

“အစိုးရတပ်တွေက  KIA တပ်ရင်း ၆ ကို သိမ်းပြီးတာနဲ့ ဖာ့ကန်းဒေသက ကျေးရွာတွေကို ဗိုလ်ကျ အုပ်ချုပ်လာတော့ တာ ပါဘဲ။ ဘာကြောင့် ဒီလို ပြောရသလဲ ဆိုတော့ KIA ကို တိုက်တုန်းကတော့ လူထုကို စစ်ရေးနဲ့နှိပ်ကွပ်တယ်။  အခုလို အချိန် မျိုးကျပြန်တော့လည်း လူထုကို အသက်မွေးဝမ်းကြောင်း လုပ်ငန်းတွေနဲ့ ချုပ်ချယ်ပြန်တယ်လေ။  ဒီ ဖားကန့်မြို့ လုံးခင်း ဒေသဆိုရင် လူတွေဟာ ကျောက်စိမ်းမှော်တွေနဲ့ဘဲ အသက်မွေးကြရတယ်လေ။ ဒါကိုပိတ်လိုက်ရင် ကျနော်တို့ကို သတ် ပစ်လိုက်တာနဲ့ အတူတူပါဘဲဗျာ။” ဟု ဒေသခံ ကျောက်စိမ်းတူးသမား တစ်ဦးက ဆိုပါသည်။

ဖားကန့်မြို့နယ် လုံးခင်းဒေသည် မိုးခေါင် ရေရှားပြီး ခြောက်သွေ့သော ဒေသ ဖြစ်သောကြောင့် တောင်ယာခုတ် ပြီး စပါး စိုက်ပျိုး၍ မရသည့် ဒေသဖြစ်ပါသည်။ ယင်းသို့ကြောင်း ဒေသခံပြည်သူများက ကျောက်စိမ်းများ ထွက်ရှိနေကြသည့် ကျောက်စိမ်းမှော် များကို မှီခို လုပ်ကိုင်စားသောက် နေရကြောင်း ဆိုပါသည်။

ဒေသခံများသည် ကျောက်စိမ်းမှော်များကို တရားဝင်အလုပ်လုပ်ခွင့် ရရှိစေရန် ကြိုးစား အားထုတ်သာ်လည်း အစိုးရ၏ စစ်ရေးစီမံချက်နှင့် အုပ်ချုပ်ရေးစီမံချက်ကြောင့် အဟန့်အတားဖြစ်နေကြောင်း ဆိုပါသည်။

“တရားဝင် လုပ်ခွင့်ရရှိဖို့ကလဲ ဘယ်သူ့ကို အားကိုးရမှာလဲ။ ပြည်နယ် ဝန်ကြီးလား၊ သူကဆိုရင် ရုပ်သေး ဝန်ကြီးပါခင်ဗျ။ မှော်တွေကို လိုက်ပိတ်နေတဲ့ ဒေသခံလှုပ်ရှားတပ်တွေမှာ ခွင့်တောင်းပြန်တော့လဲ ခဏခဏ တပ်ပြောင်းနေတော့ ပေးရတဲ့ အခွန်ဆောင်ခနဲ့ မတတ်နိုင်ပြန်ဘူး။ အသစ်ပြောင်းလာတိုင်း အခွန်သစ်တွေ ပြန်ဆောင်နေရရင်တော့ ဘယ်တတ်နိုင်မှာလဲ ဗျာ။” ဟု ဒေသခံ ကျောက်စိမ်းတူး သမားက ပြောကြား သွားပါသည်။

ထို့အပြင် အသက်မွေးဝမ်းကြောင်းအတွက် လုပ်ငန်းတွေ ခက်ခဲနေတဲ့ အချိန်တွင် မိုးကောင်းမြို့မှ ဖားကန့်မြို့သို့ သွားသည့် ကားလမ်းပိုင်းကိုလည်း  အစိုးရဖက်မှ အဖွဲ့ပေါင်းစုံ ဂိတ် ၄ နေရာခန့် ထပ်မံတိုးချဲ့ပြီး  ဖြတ်သန်းခများ သက်သေခံ ဖြတ်ပိုင်း မဲ့ ကောက်ခံနေသည်ဟု ကုန်သည် တစ်ဦးက ပြောပါသည်။

“ကားမိုင်းကျေးရွာ အဝင်မှာ တနေရာ၊ မအူပြင်မှာ တနေရာ၊ ကျားဟိုမှာ တနေရာနဲ့ ကျောက်ခြာမှာ တနေရာ  ဂိတ် သစ် တွေ ဖွင့်ထားပြီးတော့ နေ့တိုင်း ဝင်ထွက်နေတဲ့ ကားတွေ ဆိုင်ကယ်တွေ ကုန်ပစ္စည်းတွေ လူတွေကို မလွတ်တမ်း ကောက် တယ်ဆိုတော့ ကုန်စျေးနှုုံးကလဲ တအားတက်လာတယ်။” ဟု ဆိုပါသည်။

ဂိတ်တပ်ဖွဲ့ဝင်များသည် အသွားအပြန် တခေါက်စာအတွက် ကားတစ်စီးကို ကျပ်တစ်သောင်းပေးရပြီး၊ မော်တော်ဆိုင်ကယ် တစ်စီးကို ကျပ်၅၀၀၀၊  လူတစ်ယောက်ကို တစ်ထောင်ကျပ်နှုန်းဖြင့် နေ့စဉ် ကောက်ခံနေပါသည်။ အထူးသဖြင့် ဒေသခံမှ တူးဖော်ရရှိလာသည့် ကျောက်စိမ်းများကိုတွေ့ရှိပါက ဖမ်းဆီးသည့်အပြင် သိမ်းဆည်းသွားလေ့ ရှိကြောင်း မျက်မြင် ဒေသခံ တစ်ဦးက ပြောဆိုသွားပါသည်။

ဤသည် KIA လှုပ်ရှားမှုအား ထိမ်းသိမ်းရန်အတွက် ဖြတ်လေးဖြတ် စစ်ဆင်ရေးနည်းဗျူဟာကို  အသုံးပြုပြီး ဖါးကန့်လုံခင်း မှ ဒေသခံပြည်သူများ၏ အသက်မွေးဝမ်းကြောင်းကို အခက်အခဲဖြစ်စေရန် လုပ်ဆောင်ခြင်းသာဖြစ်ကြောင်း စစ်ရေးအကဲ ခတ်များက ဆိုပါသည်။ သဘောမှာ လူထုများ၌စားဝတ်နေရေးနှင့် သွားလာရေးတွင် အခက်အခဲဖြစ်နေပါက KIA အား ပြန်လည်ထောက်ပံ့မှု မပေးနိုင်တော့သည့် အခြေအနေဖြစ်လာရန် ဖန်တီးနေခြင်းသာ ဖြစ်သည်ဟု ဆိုပါသည်။  

http://www.phophtawnews.org/burmese/index.php/news/internal-news/item/261-kia.html

အပြည့်အစုံသို့... »

KIO နယ်မြေရှိ ၁၀ တန်းကျောင်းသူ/သားများ အစိုးရ တက္ကသိုလ်ဝင်တန်း စာမေးပွဲဖြေဆိုနိုင်ခြင်းမရှိ

KIO မိုင်ဂျာယန် အထန်တန်းကျောင်း။

မကြာမီ ဖြေဆိုရမည့် ၂၀၁၂-၂၀၁၃ ခုနှစ် အစိုးရစစ် တက္ကသိုလ်ဝင်တန်းစာမေးပွဲကို ကချင်လွတ်မြောက်ရေးအဖွဲ့ (KIO) ထိန်းချုပ် နယ်မြေရှိ (၁၀) တန်းကျောင်းသူ/သားများသည် လုံခြုံရေးကြောင့် သွားရောက်ဖြေဆိုနိုင်အုံးမည်မဟုတ်သေးကြောင်း ဒုက္ခသည်တာဝန်ရှိသူများကပြောသည်။
မြန်မာအစိုးရတပ်နှင့် ကချင်လွတ်မြောက်ရေးတပ်ဖွဲ့ (KIA) ကြား တိုက်ပွဲဖြစ်ပွားလာချိန်မှစ၍  KIO ထိန်းချုပ်နယ်မြေသို့ခိုလုံလာသော ဒုက္ခသည်အပါအဝင် ဒေသခံကျောင်းသူ/သားများသည် အစိုးရအုပ်ချုပ်နယ်မြေသို့သွားရောက်ဖြေဆိုရန် လုံခြုံရေးစိုးရိမ်မှုကြောင့် ယမန်နှစ်မှ မဖြေဆိုနိုင်တော့ခြင်းဖြစ်သည် ဒုက္ခသည် ကယ်ဆယ်ရေးကော်မတီဥက္ကဌ ဆလန်ကဘာ ဒွဲပီဆာပြောသည်။
“တိုက်ပွဲဖြစ်ပွားနေတဲ့အချိန်မှာ KIO တပ်ဖွဲ့ဝင်မဟုတ်တဲ့ သူကိုလည်း KIO လူဖြစ်တယ်ဆိုပြီး ဖမ်းနေတယ်ဆိုတော့ ဘယ်လိုမှ လုံခြံုရေးမရှိဘူးလေ” ဟုဆိုသည်။
အဆိုပါ KIO နယ်မြေ လိုင်ဇာ ၊မိုင်ဂျာယန် နှင့် အင်ဂွမ်းလ ကျောင်းများမှ တက္ကသိုလ်ဝင်တန်းဖြေဆိုမည့် ကျောင်းသားဦးရေသည် ၂၀၀ ကျော်ရှိပြီး ၄င်းတို့ကို KIO ပညာရေးအဖွဲ့မှ တက္ကသိုလ်အဆင့်ပညာရေးသင်ကြားမှုရရှိရေး စစ်ဆေးမေးမြန်းရန် စီစဉ်ပေးနေသည်ဟု ဆလန်ကဘာ ဒွဲပီဆာပြောသည်။
“KIO အခြေနေကောင်းရင်တော့ ကောလိပ်အဆင့်ထိ ပြင်ဆင်နေဆဲဖြစ်တယ်။ အစိုးရဖက်မှာပဲသွားတက်ရတာမဟုတ်ပဲ။ KIO ကောလိပ်ကနေပဲ ပြင်ပကို သွားတက်နိုင်တဲ့ အခွင့်အလမ်းထိ ရောက်လာအောင် ရည်ရွယ်ထားတယ်” ဟု ဆလန်ကဘာ ဒွဲပီဆာ ပြောသည်။
၂၀၁၂-၂၀၁၃ ခုနှစ် ပညာသင်နှစ် တက္ကသိုလ်ဝင်တန်းစာမေးပွဲအတွက် KIO ပညာရေးအဖွဲ့၏ ဗဟိုကော်မတီမှ ပညာရေးမှူးများ၊ အငြိမ်းစားကျောင်းဆရာများနှင့် ဘွဲ့လွန်ဆရာများမှ ဘုတ်အဖွဲ့ ဖွဲ့၍ မေးခွန်းထုတ်ကာ လာမည့် ဧပြီလ ၁ နေ့မှစ၍ စစ်ဆေးသွားမည်ဖြစ်ကြောင်း လိုင်ဇာ အထက်တန်းကျောင်းမှ ဆရာဦးခေါင်လွမ်း KNG ကချင်သတင်းဌာနသို့ပြောသည်။
“ကျနော်တို့နိုင်ငံကို ကျနော်တို့ ယုံကြည်တဲ့ စိတ်ဓာတ်ရှိဖို့လိုအပ်တဲ့ ခေတ်ဖြစ်နေတဲ့ အတွက်ကြောင့် ကျနော်တို့နိုင်ငံကို ကျနော်တို့ချစ်တယ်။ ကိုယ့်နယ်မြေကို တိုးတက်အောင်လည်း လုပ်သွားဖို့နဲ့ ကလေးတွေတိုးတက်ဖို့ရန် ဦးစားပေးဆောက်ရွက်နေတယ်။ ဘယ်မှာဖြေဖြေ အစိုးရမှာဖြေလဲ စာကဒီစာပဲ ကချင်မှာဖြေလဲ စာကဒီစာပဲ အဲလိုမြင်တယ်”  ဟုပြောသည်။
မိုင်ဂျာယန် ကျောင်းတွင် ၁၀ တန်းကျောင်းသူ/သား ၉၀ ကျော်ရှိပြီး လိုင်ဇာကျောင်းတွင် ၁၂၉ ယောက်နှင့် မြောက်ပိုင်းတိုင်း အင်ဂွမ်လကျောင်းတွင် ၂၀ ခန့်သည် ယခုနှစ် တက္ကသိုလ်ဝင်တန်းမေးပွဲ ကို မိမိတို့ကျောင်းတွင်သာ ဖြေဆိုရမည်ဖြစ်ကြောင်း သိရသည်။
ယမန်နှစ် ပညာသင်နှစ်တွင်လည်း KIO ထိန်းချုပ်နယ်မြေတွင်းခိုလှုံနေသော ကျောင်းသားများသည် အစိုးရစစ်တက္ကသိုလ်ဝင်တန်း စာမေးပွဲမဖြေဆိုနိုင်ခြင်းမရှိသော်လည်း KIO ပညာရေးအဖွဲ့မှစစ်ဆေးသော စာမေးပွဲတွင် မိုင်ဂျာယန်ကျောင်းမှ ကျောင်းသား ၄၀ ကျော် ခန့်ဖြေဆိုရာ ၂၀ ကျော်အောင်မြင်ခဲ့ကြောင်းသိရသည်။
၎င်းအောင်မြင်သော ကျောင်းသူကျောင်းသားများသည် KIO ဆရာအတတ်သင်ကျောင်း၊ KIO ဗိုလ်လောင်းကျောင်းနှင့် တရုတ်ပြည် မန်ရှီ (Mang Shi) ဆေးကျောင်း၊ မန်ရှီ တရုတ်တက္ကသိုလ်၊ ကျမ်းစာကျောင်း၊ အင်္ဂလိပ်စကားပြောကျောင်းများ စသည့် ကျောင်းအသီးသီးတွင် သင်ယူခွင့်ရကြောင်း မိုင်ဂျာယန်ကျောင်းမှသိရသည်။
အစိုးရနှင့် KIA ကြား တိုက်ပွဲများသည် ၂၀၁၁ ခုနှစ် မှစ၍ စတင်ဖြစ်ပွားခဲ့ရာ ၂ နှစ် နီးပါး ရောက်ရှိလာပြီဖြစ်သော်လည်း တင်းမာမှုများသည် အရှိန်လျှော့နည်းသွားခြင်းမရှိပဲ ဆက်လက်၍ ထိုးစစ်တိုက်ပွဲများဖြစ်ပွားလျက်ရှိသည်။

http://kachinnews.com/burmese/news/1045-kio-%E1%80%94%E1%80%9A%E1%80%B9%E1%80%B1%E1%80%BB%E1%80%99%E1%80%9B%E1%80%BD%E1%80%AD-%E1%81%81%E1%81%80-%E1%80%90%E1%80%94%E1%80%B9%E1%80%B8%E1%80%B1%E1%80%80%E1%80%BA%E1%80%AC%E1%80%84%E1%80%B9%E1%80%B8%E1%80%9E%E1%80%B0-%E1%80%9E%E1%80%AC%E1%80%B8%E1%80%99%E1%80%BA%E1%80%AC%E1%80%B8-%E1%80%A1%E1%80%85%E1%80%AD%E1%80%AF%E1%80%B8%E1%80%9B-%E1%80%90%E1%80%80%E1%81%A0%E1%80%9E%E1%80%AF%E1%80%AD%E1%80%9C%E1%80%B9%E1%81%80%E1%80%84%E1%80%B9%E1%80%90%E1%80%94%E1%80%B9%E1%80%B8-%E1%80%85%E1%80%AC%E1%80%B1%E1%80%99%E1%80%B8%E1%80%95%E1%80%BC%E1%80%B2%E1%80%B1%E1%80%BB%E1%80%96%E1%80%86%E1%80%AD%E1%80%AF%E1%82%8F%E1%80%AD%E1%80%AF%E1%80%84%E1%80%B9%E1%80%BB%E1%80%81%E1%80%84%E1%80%B9%E1%80%B8%E1%80%99%E1%80%9B%E1%80%BD%E1%80%AD.html

အပြည့်အစုံသို့... »

လွယ်ဂျယ် - ဗန်းမော်ကားလမ်း ယာဉ်များမသွားရန် KIA ညွန်ကြား

KIA နှင့် အစိုးရစစ်တပ်တို့ အကြား နှစ်ဘက်တိုက်ပွဲများကြောင့် တရုတ် - မြန်မာနယ်စပ် ကုန်သွယ်ရေးလမ်း ဖြစ်သည့် လွယ်ဂျယ် - ဗန်းမော် လမ်းကြောင်းအတွင်း ယာဉ်များသွားလာခြင်း မပြုလုပ်ကြရန် KIA အဖွဲ့မှ ညွန်ကြားလိုက်ကြောင်း သိရသည် ။
ယမန်နေ့ညပိုင်းက လွယ်ဂျယ် - ဗန်းမော် မော်တော်ယာဉ်လိုင်း ဦးစီးအဖွဲ့သို့ KIA အဖွဲ့မှ ယာဉ်သွားလာ ခွင့်ပိတ်ပင်သည့် စာတစ်စောင် ပေးပို့ထားကြောင်း ဗန်းမော်မြို့ မော်တော်ယာဉ်လိုင်းအဖွဲ့နှင့် နီးစပ်သူတစ်ဦး က သျှမ်းသံတော်ဆင့်သို့ ပြော သည်။
“စာက မနေ့ညပိုင်းကမှ မော်တော်ယာဉ်လိုင်း ဦးစီးအဖွဲ့ကို လိပ်မူပြီးပို့လာတာ။ လွယ်ဂျယ်နဲ့ဗန်းမော်လမ်းမှာ ယာဉ်တွေ အ သွား အလာ မလုပ်ဖို့ပေါ့နော်။ စစ်ဖြစ်နေတဲ့အတွက် အန္တရာယ်တွေဖြစ်လာရင် တာဝန်မယူတဲ့အကြောင်းပေါ့နော်”  ဟု သူက ဆိုသည်။
KIA အဖွဲ့၏ အဆိုပါစာပေးပို့အပြီး ယနေ့နံနက်ပိုင်းမှစ၍ ဗန်းမော် - လွယ်ဂျယ်လမ်း ယာဉ်များပြေးဆွဲခြင်း ရပ်နားထား  ကြောင်း သိရသည်။
ယခုရက်ပိုင်းအတွင်း အဆိုပါလမ်းကြောင်းမှ တဆင့် အစိုးရစစ်တပ်များ အဆက်မပြတ် ပို့ဆောင်နေရာ KIA နှင့် အစိုးရ တပ်များ အကြား နေ့စဉ်နီးပါး တိုက်ပွဲများ ဖြစ်ပွားနေကြောင်း နောက်ထပ် ဗန်းမော်မြို့ခံကုန်သည် တစ်ဦးက ပြောသည်။
“ဗမာဘက်က စစ်ကြောင်းတွေ အဆက်မပြတ် တက်နေတာ ၃ ၊ ၄ ရက်လောက်ရှိပြီ။ ဗန်းမော်ကနေ လွယ်ဂျယ်နဲ့ နမ့်ခမ်း ဘက်ကို ပို့နေတာ။  မနေ့ညပိုင်းကလည်း လွယ်ဂျယ်ဘက် ထပ်တက်သွားတယ်။ မနေ့ညနေ ၄ နာရီလောက်က မိုးမောက်မြို့ ကျောက်စခန်းနားမှာ တပ်မ ၉၉နဲ့ တိုက်ပွဲဖြစ်တယ် ” ဟု ဆိုသည်။
ယခုလ ၁၉ ရက်နေ့ကလည်း လွယ်ဂျယ် - ဗန်းမော်ကားလမ်း ၂၇ မိုင်အနီးတွင် ဗုံးတစ်လုံး ပေါက်ကွဲမှုကြောင့် ခရီးသည် ၂၂ ဦးထိခိုက်ဒဏ်ရာရရှိခဲ့ကြောင်း သိရသည်။

http://burmese.bnionline.net/index.php/news/imna/12805----kia-.html

အပြည့်အစုံသို့... »

ဖားကန့် ဒေသခံတွေအတွက် ကေအိုင်အေ တပ်မှူး အကူအညီတောင်း

ကချင်ပြည်နယ်၊ ဖားကန့်မြို့နယ်မှာ ရှိတဲ့ ဝှေခါကျေးရွာနဲ့ မှော်ဂဠုန်ကျေးရွာ တစ်ဝိုက်မှာ ဖြစ်ပွားနေတဲ့ တိုက်ပွဲတွေကြောင့် ထွက်ပြေး တိမ်းရှောင်နေရတဲ့ စစ်ဘေးရှောင်ပြည်သူတွေ စားရေးသောက်ရေး အခက်အခဲတွေ ရှိလာတဲ့အတွက် အကူအညီပေးဖို့ ကေအိုင်အေ တပ်ရင်း ၆ တပ်ရင်းမှူး ဒုတိယ ဗိုလ်မှူးကြီး ဦးဇော်ဒွဲ က အစိုးရအဖွဲ့ကို ဒီကနေ့ ဇန်နဝါရီလ ၂၃ ရက်နေ့ မှာ မေတ္တာရပ်ခံ တောင်းဆိုလိုက်ပါတယ်။

Photo courtesy of KIO

ကချင်ပြည်နယ်အတွင်း ဖြစ်ပွားနေသည့် တိုက်ပွဲများကြောင့် ၂ဝ၁၁ ခုနှစ် ဇွန်လကစပြီး တရုတ်-မြန်မာနယ်စပ် လိုင်ဇာမြို့ကို ဝင်ရောက် ခိုလှုံလာသော မြန်မာနိုင်ငံသား တချို့၏ မှတ်တမ်းပုံ ဖြစ်ပါသည်။

ဒေသခံပြည်သူတွေဟာ နှစ်ဖက်တိုက်ပွဲတွေကြား နီးစပ်ရာစစ်ဘေးလွတ်ရာကို ထွက်ပြေးတိမ်း ရှောင်ပြီး စားသောက်ရေးပါ အခက်အခဲဖြစ်နေတာကြောင့် လာမယ့်ရက်ပိုင်းတွေအတွင်း အခြေအနေပိုဆိုးဖို့ရှိတယ်လို့ ကေအိုင်အေ တပ်ရင်းမှူး ဗိုလ်မှူးကြီးဇော်ဒွဲ က ပြောပါတယ်။
အစိုးရစစ်တပ်နဲ့ ကေအိုင်အေတပ်တွေဟာ ဒီကနေ့မနက်အစောပိုင်းမှာလည်း အဲဒီ့နေရာမှာ  တိုက်ပွဲတွေ ပိုမိုပြင်းထန်လာတဲ့အတွက် ဒီကနေ့မှာပဲ ထွက်ပြေးတိမ်းရှောင်ခဲ့ရတဲ့ ဒေသခံပြည်သူဟာ လူဦးရေ ၂ ထောင်ကျော် ရှိလာပြီလို့ မှော်ဂဠုန်ကျေးရွာက NLD ပါတီဝင်တစ်ဦးက RFA ကို အခုလိုပြောပါတယ်။
“အပြန်အလှန် ပစ်ခတ်တာ အခု အစိုးရတပ်က တစ်ယောက်တော့ ထမ်းသွားတာတွေ့တယ်၊ အခု လက်ရှိကတော့ ကျနော်တို့ ရွာကလူတွေက ထိတ်ထိတ်ပြာပြာ ဖြစ်နေကြတာပဲ၊ ထမင်းတောင် အခုချိန်ထိ ဘယ်သူမှ မချက်စားရဲသေးဘူး”
အဲဒီ့ဒေသကနေ စစ်ဘေးတိမ်းရှောင်လာတဲ့ ဒုက္ခသည်တွေဟာ ဝှေခါနဲ့ မှော်ဂဠုန်ကျေးရွာတွေမှာရှိတဲ့ ဗုဒ္ဓဘာသာ ဘုန်းကြီးကျောင်းတွေနဲ့ ခရစ်ယာန်ဘုရားရှိခိုးကျောင်းတွေမှာ ခိုလှုံနေကြရပါတယ်။
ကချင်ပြည်နယ်မှာ စစ်ဆင်ရေးရပ်စဲဖို့ သမ္မတဦးသိန်းစိန် က တပ်မတော် ကာကွယ်ရေး ဦးစီးချုပ်ကို ညွှန်ကြားထားပြီး ကာကွယ်ရေးဦးစီးချုပ်ကလည်း သမ္မတရဲ့အမိန့်နဲ့ ညွှန်ကြားချက်တွေကို နာခံဆောင်ရွက်နေတယ်လို့ အစိုးရဘက်က သတင်းထုတ်ပြန်တာတွေ ရှိပါတယ်။
ဒါပေမယ့် ကချင်ပြည်နယ်ရဲ့ နေရာအတော်များများမှာ ကေအိုင်အေနဲ့ မြန်မာအစိုးရတပ်တွေ ဒီကနေ့အထိ တိုက်ပွဲဖြစ်ပွားနေဆဲ ဖြစ်ပါတယ်။
ကချင်ပြည်နယ်က စစ်ပွဲတွေရပ်ဆိုင်းရေးမှာ ဘယ်လိုအတားအဆီးတွေ ရှိနေသလဲဆိုတာကို RFA သတင်းထောက် မသူဇာက တင်ပြထားပါတယ်။

http://www.rfa.org/burmese/news/help-need-pharkant-people-01232013101346.html

	အသံဖိုင်နားထောင်ရန်
	အသံဖိုင်ယူရန်။

အပြည့်အစုံသို့... »

ကချင်စစ်ပြေးဒုက္ခသည််များကို တရုတ် ရဲတပ်ဖွဲ့ ဖမ်းဆီးစစ်ဆေးမှုရှိနေ

ချင်းမိုင်(မဇ္စျိမ)။   ။ ရှမ်းပြည်နယ်၊ မူဆယ်မြို့နယ်အတွင်းမှ တရုတ်နိုင်ငံသို့ ထွက်ပြေး ခိုလှုံနေထိုင်နေသော ကချင်
စစ်ပြေး ဒုက္ခသည်အချို့ကို တရုတ် ရဲတပ်ဖွဲ့က ဖမ်းဆီး၍ စစ်ဆေးမေးမြန်းမှုများ ရှိနေကြောင်း သိရသည်။

ထောင်ပေါင်းများစွာသော ကချင်များက မြန်မာအခြမ်းဖက်ရှိ လိုင်ဇာနယ်စပ်၌ ၂၀၁၃ ခုနှစ်၊ ဇန်နဝါရီလ ၁၀ ရက်နေ့က ဆန္ဒပြနေစဉ်။ (ဓာတ်ပုံ - မဇ္စျိမ)

မူဆယ်မြို့နယ်၊ ဝမ်ဒိန်ဂပ်နာ ကျေးရွာအုပ်စု ဖိုင်ကောင်ကျေးရွာမှ ရွာသား ၂၀၀ ကျော်သည် တရုတ်နိုင်ငံ၊ ယူနန်ပြည်နယ်၊ ရွှေလီမြို့နယ်၊ နောင်းလုန်ကျေးရွာမှ ကချင်ခရစ်ယာန် နှစ်ခြင်းအသင်းတော် ကျောင်းဝင်းအတွင်း ခိုလှုံနေရာ ၎င်းတို့အနက် ၁၂ ဦးကို ဇန်နဝါရီလ ၁၅ ရက်နေ့က ထိုကျေးရွာမှ တရုတ် ရဲတပ်ဖွဲ့ဝင်များက လက်ထိတ် ခတ်၍ ဖမ်းဆီးမေးမြန်းခဲ့ခြင်း ဖြစ်သည်။

“တနေ့က တချို့ အိပ်ယာတောင် မထသေးဘူး။ မထသေးတဲ့ လူတွေကို ကန်ပြီး ထခိုင်းပြီးတော့ နှစ်ယောက်တတွဲ လက်ထိပ်ခတ်ပြီး သူတို့ စခန်းထဲကို ခေါ်သွားတယ်။ ဟိုမှာ ၂ နာရီလောက် ထိုင်ထားခိုင်းပြီး မူးယစ်ဆေးဝါးနဲ့ ပတ်သက်ပြီး စစ်ဆေးမေးမြန်းတယ်။ ကျနော်တို့ ပြောင်းဖို့ တခြားနေရာ မရှိတော့ဘူး။ ရွာကို ပြန်မယ်ဆိုလည်း အစိုးရ စစ်ကြောင်းက ရှိနေတယ်” ဟု ၎င်းရွာသားက ပြောသည်။

ထိုသို့ စစ်ဆေးမေးမြန်းစဉ် ရွာသားများအား တိုက်ပွဲများ မရှိတော့သဖြင့် ကိုယ့်ရွာကို ပြန်ရန် ပြောဆိုမှုများ ရှိသဖြင့် မူးယစ်ဆေးဝါး စစ်ဆေးမှု အကြောင်းပြ၍ ၎င်းတို့အား နှင်ထုတ်ခြင်း ဖြစ်နိုင်သည်ဟု သူက မဇ္စျိမကို ပြောသည်။

ကချင်ရွာသူကြီးများက ပြန်လည် ခေါ်ယူခဲ့ရာမှ တရုတ်ရဲတပ်ဖွဲ့က ၎င်းတို့အား ပြန်လွှတ်ပေးလိုက်သည်ဟု သူက မဇ္စျိမကို ပြောသည်။

အဆိုပါ ဖိုင်ကောင်ကျေးရွာသားများမှာ တိုက်ပွဲ ဖြစ်ပွားလာပါက ထွက်ပြေးခိုလှုံရန် ရွာအနီး လယ်ကွင်းများအတွင်း ပိုင်ဆိုင်သော စပါးများကို သိမ်းဆည်းထားသည့် စခန်းငယ် ၂၀ ခန့်အား အစိုးရ တပ်ဖွဲ့က ၂၀၁၂ ခုနှစ်၊ နိုဝင်ဘာလ ၂၈ ရက်နေ့တွင် မီးရှို့လိုက်သဖြင့် ဒီဇင်ဘာ လဆန်းတွင် တရုတ်နိုင်ငံသို့ သွားရောက် ခိုလှုံနေခြင်း ဖြစ်သည်ဟု သိရသည်။

ထိုသို့ မီးရှို့ဖျက်ဆီးသည့်နေ့က ၎င်းကျေးရွာမှ ဆယ်အိမ်မှူး အပါအဝင် အမျိုးသား ၂၀ ကျော်အား အစိုးရစစ်တပ်က ဘုရားကျောင်းအတွင်း ချုပ်နှောင်ထားခြင်းများ ပြုခဲ့ဖူး၍ ရွာသားများ မိမိနေရပ်သို့ ပြန်ရန် စိုးရိမ်မှုများ ရှိနေသည်ဟု ထိုရွာသားက ပြောသည်။

ဖိုင်ကောင်ကျေးရွာတွင် အိမ်ခြေ ၆၀ ခန့်ရှိပြီး တချို့မှာ မိမိကျေးရွာတွင် ကျန်ရစ်ကာ ၂၀၀ ကျော်မှာ တရုတ်နိုင်ငံ၊
နောင်းလုန် ကျေးရွာသို့ သွားရောက် ခုုိလှုံနေရာမှ ယခုကဲ့သို့ ဖမ်းဆီးစစ်ဆေးခြင်း ခံနေရခြင်း ဖြစ်သည်။

http://www.mizzimaburmese.com/news/inside-burma/10771-2013-01-17-12-34-19.html

အပြည့်အစုံသို့... »

ကချင်အရပ်သားတွေကို အကာအကွယ်ပေးဖို့ AI တိုက်တွန်း

မြန်မာအစိုးရတပ်တွေနဲ့ ကချင်လက်နက်ကိုင်တပ်ဖွဲ့ KIA တို့ကြားဖြစ်နေတဲ့ တိုက်ပွဲအတွင်း ပိတ်မိနေတဲ့ အရပ်သားတွေ ထိခိုက် သေဆုံးတာတွေ မဖြစ်အောင် ရှောင်ရှားနိုင်ဖို့ မြန်မာအစိုးရ အနေနဲ့ လုပ်ဆောင်သင့်တာတွေ အားလုံးကို လုပ်သွားဖို့လိုတယ်လို့ Amnesty International လူ့အခွင့်အရေးအဖွဲ့ကြီးက ပြောလိုက်ပါတယ်။

ကချင်ပြည်နယ်၊ လိုင်ဇာမြို့မှာ ပြီးခဲ့တဲ့ဇန်နဝါရီလ ၁၄ ရက်နေ့က အစိုးရတပ်တွေ ရဲ့ လေကြောင်းကနေ ပစ်ခတ်တိုက်ခိုက်မှုကြောင့် အရပ်သား ၃ ယောက်သေဆုံး သွားခဲ့ပြီးတဲ့နောက် အခုလို Amnesty International ကပြောလိုက်တာဖြစ်ပါတယ်။ ဒါ့အပြင် KIA ကချင်လက်နက်ကိုင်အဖွဲ့အနေနဲ့လည်း အရပ်သားတွေနေထိုင်တဲ့ နေရာတွေနားမှာ အစိုးရတပ်တွေဘက်က ပစ်မှတ်ထားနိုင်တဲ့ စစ်စခန်းတွေ မထားမိအောင်နဲ့ နိုင်ငံတကာ လူ့အခွင့်အရေး ဥပဒေကို အပြည့်အဝ လေးစားလိုက်နာဖို့တိုက်တွန်းပါတယ်။

နှစ်ဘက်တိုက်ပွဲတွေကြားမှာ ပိတ်မိနေတဲ့အရပ်သားတွေ မထိခိုက်ရအောင် အစိုးရတပ်တွေရော၊ KIA ဘက်ကပါ သေချာပေါက် အကာအကွယ် ပေးသွားဖို့လိုကြောင်း၊ တကယ်လို့ အရပ်သားနဲ့ တိုက်ခိုက်ရေးတပ်တွေကို မခွဲဘဲ ပစ်နေမယ်ဆိုရင် အရပ်သားပြည်သူတွေရဲ့ ဘဝတွေဟာ ထိခိုက်သေဆုံးရမယ့် အန္တရာယ်ရှိတယ်ဆိုတာကို လိုင်ဇာမှာ လူ ၃ ယောက် သေ ဆုံးခဲ့တဲ့ ဖြစ်ရပ်က ပြသနေတယ်လို့ Amnesty International အဖွဲ့ရဲ့ အာရှပစိဖိတ်ဒေသဆိုင်ရာ ဒုတိယညွန်ကြားရေးမှူး Issabelle Arradon က ပြောပါတယ်။

ဒီတိုက်ခိုက်မှုကို အမြန်ဆုံး စုံစမ်းစစ်ဆေးပြီး စစ်ပွဲဆိုင်ရာ နိုင်ငံတကာဥပဒေကို ချိုးဖောက်ခြင်း ရှိမရှိဆိုတာကို ဆုံးဖြတ်ဖို့ မြန်မာအစိုးရကို တောင်းဆိုတယ်လို့လည်း ပြောပါတယ်။ အခုရက်ပိုင်းတွေအတွင်းမှာ အစိုးရတပ်တွေနဲ့ KIA တို့ကြား တိုက်ပွဲတွေဟာ ပိုပြီးတော့ အရှိန်မြှင့်လာခဲ့ပါတယ်။ အစိုးရဘက်က လေကြောင်းကနေ တိုက်ခိုက်ခဲ့သလို KIA ဘက်ကလည်း မန္တလေး-မြစ်ကြီးနားမီးရထားလမ်းမှာ ရထားဗုံးခွဲတိုက်ခိုက်တာတွေရှိခဲ့ပါတယ်။

အစိုးရတပ်တွေဘက်က လိုင်ဇာကို လက်နက်ကြီးနဲ့ တိုက်ခိုက်ခဲ့တာကြောင့် KIA တပ်မဟာ ၃ နယ်မြေ မိုင်ဂျာယန် ဒုက္ခသည်စခန်းမှာ ဗုံးခိုကျင်းတွေတူးပြီး လုံခြုံရေးအတွက် ပြင်ဆင်နေစဉ် အတွင်း ဗုံးခိုကျင်းပြိုကျတာကြောင့် ကလေးငယ် ၃ ဦး သေဆုံးသွားခဲ့ပါတယ်။

http://burmese.voanews.com/content/kachin-kia-civilians-killed-by-myanmar-army-bomb-ai-/1585425.html

အပြည့်အစုံသို့... »

ကချင် ကလေးငယ်များ စစ်ပွဲကြောင့် စိတ်ဒဏ်ရာရနေ

ကြယ်ရန်းဒုက္ခသည်စခန်းမှ ကချင်ကလေးငယ်များ စစ်တိုက်တမ်းကစားနေကြစဉ် (ဓာတ်ပုံ – မရှင်ဒေဝီ)

အစိုးရတပ်များနှင့် KIA တပ်များအကြား စစ်ပွဲများ အရှိန်မြင့် တက်လာချိန်တွင် ကချင်ပြည်နယ် စစ်ဘေးသင့် ဒုက္ခသည်များနှင့် ၎င်းတို့၏ ကလေးငယ်များသည် ကြောက်ရွံ့မှု၊ မလုံခြုံမှု၊ လူမျိုးရေး မုန်းတီးမှုနှင့် တိုက်ခိုက်လိုစိတ် ကဲ့သို့သော မူမမှန်သည့် စိတ်ဒဏ်ရာများ ပိုမို ခံစားလာရကြောင်း သတင်း ရရှိသည်။
အစိုးရ တပ်များက လေကြောင်း ထိုးစစ်ဆင် တိုက်ခိုက်မှုများ ဆက်တိုက် ပြုလုပ်လာချိန်တွင် စစ်ဘေးရှောင် ဒုက္ခသည် စခန်းများ၌ ပြောင်းရွှေ့ နေထိုင် ကြရသည့် ဒုက္ခသည်များမှာ မလုံခြုံမှုနှင့် စိုးရိမ်မှုများကို ခံစားလာရကြောင်း၊ အထူးသဖြင့် ဒုက္ခသည်များ ၏ သားသမီး ကလေးငယ်များမှာ စိတ်ဒဏ်ရာကို ပိုမို နက်နက်ရှိုင်းရှိုင်း ခံစားနေကြရကြောင်း ကချင် ဒုက္ခသည်များအား ကူညီစောင့်ရှောက် ပေးနေသူ ကချင်ဒေသခံ ဦးဒွဲပီဆာက ဧရာဝတီသို့ပြောသည်။
၁၈ လ ကျော်ကြာ ဖြစ်ပွားနေသည့် တိုက်ပွဲများကြောင့် ကချင်ဒေသတွင် ဒုက္ခသည်များမှာ စားဝတ်နေရေး အပါအဝင် ဒုက္ခအမျိုးမျိုး တွေ့ကြုံ ခံစားနေရကြောင်း၊ ကလေးငယ်များ၏ ပညာရေး၊ ကျန်းမာရေး အခြေအနေ မှာလည်း နိမ့်ကျဆိုးဝါး နေသည့် အပြင် အချိန်တိုင်း ကြောက်ရွံ့ ထိတ်လန့်စိတ်များ ခံစားနေရကြောင်း၊ အစိုးရ စစ်တပ်များက အမြောက်ကြီးများ၊ တိုက်လေယာဉ်၊ ရဟတ်ယာဉ်များနှင့် နေ့စဉ် ပစ်ခတ်နေသည့် အတွက် ဒုက္ခသည်များမှာ ကတုတ်ကျင်းများ ထဲတွင် နေထိုင်ရပြီး အပြင်မထွက်ကြရန် သတိပေး ထားကြောင်း ဆက်လက်ပြော ဆိုသည်။
“ကချင် တနယ်လုံးမှာ ဒုက္ခသည်က ခြောက်သောင်းခွဲ ကျော်လောက် ရှိမယ်။ အဲဒီထဲမှာ ကလေးငယ်အရေ အတွက်က တသောင်းကျော် လောက်ရှိတယ်။ ကလေးတွေက စစ်ဒဏ်ကို ပိုပြီး ဆိုးဆိုးဝါးဝါး ခံစားနေရ တာပေါ့။ အရင်တုန်း ကတော့ လူကြီး မိဘတွေ ဆီကနေ စစ်အကြောင်း သိရတာ။ အခုက သူတို့ကိုယ်တိုင် ကိုယ်တွေ့ ခံစားနေရတာ။ ကလေးတွေက ပိုကြောက်နေ ကြတယ်” ဟု ဦးဒွဲပီဆာက ရှင်းပြသည်။
ကချင် ငြိမ်းချမ်းရေး ကွန်ရက်မှ မမေစပယ်ဖြူ ကလည်း ဒုက္ခသည် စခန်းများရှိ ကချင် ကလေးငယ်များ စိတ်တွင် လူမျိုးရေး အခြေခံသော မုန်းတီးမှုများ ပေါက်ဖွားလာနေကြောင်း၊ ဗမာမုန်းတီးရေး စိတ်အခြေခံများ တွေ့လာရကြောင်း ပြောသည်။
“နေ့စဉ်နဲ့အမျှ ပစ်တာ၊ ခတ်တာ တိုက်တာ၊ ခိုက်တာတွေချည့်ပဲ ကလေးတွေ ကြားနေရတယ်လေ။ ဒီကလေး တွေရဲ့ စိတ်ထဲမှာ စိတ်ဒဏ်ရာ တွေရလာတယ်။ သူတို့ ဒီလို ဖြစ်နေရတာက စစ်ကြောင့်၊ စစ်ဆိုတာ ကလည်း ဗမာစစ်တပ် တွေနဲ့ ဖြစ်နေတာလို့ သူတို့က နားလည်တယ်။ ဗမာတွေက ကချင်တွေကို လာပြီးတော့ ပစ်ခတ်တိုက်ခိုက်နေလို့ ပြေးနေရတာ၊ စာမသင်ရတာဆိုပြီး နုနယ်တဲ့ ကလေးတွေရဲ့ နှလုံးသားထဲမှာ နှစ်ရှည်ကြာ လာတာနဲ့အမျှ အမြစ်စွဲလာတယ်။ လူမျိုးရေး ကို အခြေခံတဲ့ မုန်းတီးစိတ်၊ စိတ်ဒဏ်ရာ တွေစွဲလာတယ်။ စစ်တိုက်တမ်း ကစားရင်တောင် ဗမာတွေနဲ့ ပစ်ကြမယ်၊ ခတ်ကြ မယ်ဆိုတဲ့ ကစားနည်းမျိုးတွေ ကစားကြတယ်။ ရေရှည်မှာ ဒါက နိုင်ငံ့ အနာဂတ် အတွက် မကောင်းနိုင်ဘူး” ဟု မမေစပယ်ဖြူက ဆိုသည်။
KIA စစ်ဌာနချုပ် တည်ရှိရာ လိုင်ဇာမြို့ အနီးရှိ ကြယ်ရန်း ကချင် စစ်ဘေး ဒုက္ခသည် စခန်းသို့ မှတ်တမ်း ဗီဒီယိုသွားရောက် ရိုက်ကူးခဲ့သော မရှင်းဒေဝီကမူ ကချင်ကလေးငယ်များတွင် လူမျိုးရေး အခြေခံသော မုန်းတီးစိတ်များ မြင်တွေ့ ရသည့် အပြင် ကလေးငယ်များသည် သေနတ်ဖြင့် တိုက်ခိုက်ရသည့် စစ်တိုက်ကစားနည်းကို အလွန် နှစ်သက်ကြ သည်ကို တွေ့ရ ကြောင်း ပြောသည်။
“ကချင် ကလေးတွေက သေနတ်ကိုပဲ စိတ်ဝင်စားကြ တယ်။ သူတို့ အချင်းချင်း ကချင်လိုပြောပြီး ပစ်ကြတာ။ အချို့ကလေးတွေက ကစားစရာ သေနတ်မရှိတော့ ၀ါးတွေ၊ သစ်သားတွေကို သေနတ်လုပ်ပြီး ကစားကြတယ်။ ကျမ ကချင် ဒုက္ခသည် စခန်းမှာ မှတ်တမ်း ဗီဒီယိုသွား ရိုက်ဖြစ်တော့ စစ်တိုက်တမ်း ဆော့နေတဲ့ ကလေးလေးတွေက
ကျမက ဗမာဆိုပြီး သေနတ်နဲ့ ပစ်တဲ့ ပုံစံမျိုးလေးတွေ လုပ်ကြတယ်”ဟု မရှင်းဒေဝီက ပြောသည်။
အစိုးရတပ်များနှင့် KIA အကြား ဖြစ်ပွားနေသော တိုက်ပွဲများ ကြောင့် ဒီဇင်ဘာလ ၂၇ ရက်နေ့က ကချင်ဒေသခံ ပြည်သူတဦး လက်နက်ကြီး ထိမှန်သေဆုံးခဲ့ပြီး လေးဦး ပြင်းထန်စွာ ဒဏ်ရာ ရခဲ့သည်။ ကချင် ငြိမ်းချမ်းရေး ကွန်ရက်၊ ၈၈ မျိုးဆက် ကျောင်းသားများ အပါအဝင် လူမှု အခြေပြု အဖွဲ့အစည်းများက ကချင် ဒေသတွင် ငြိမ်းချမ်းရေး ရရှိရန်နှင့် စစ်ပွဲများ ရပ်ဆိုင်းရန် ၂၀၁၂ ခုနှစ် ဒီဇင်ဘာလ ၃၀ ရက်နေ့က မေတ္တာရပ်ခံလွှာ ထုတ်ပြန် တောင်းဆိုခဲ့ကြသည်။

http://burma.irrawaddy.org/archives/29522

အပြည့်အစုံသို့... »

ကေအိုင်အေ က ခရီးသွားနဲ့ ဒေသခံတွေဆီက ဆက်ကြေးတောင်း

ကချင်ပြည်နယ်၊ ဖားကန့် ကျောက်စိမ်းတွင်းဒေသက လုံးခင်းနဲ့ တောမှော်ကျေးရွာအကြား အလယ်စခန်းမှာ အခြေစိုက်တပ်စွဲထားတဲ့ ကေအိုင်အေ ပြည်သူ့စစ်တပ်ကနေ ဒေသခံတွေနဲ့ ခရီးသည်တင်ကားတွေဆီက အဓမ္မ ငွေကြေးကောက်ခံနေတာတွေ ရှိတယ်ဒေသခံတွေက RFA ကိုပြောပါတယ်

Photo:RFA/Kyaw Myo Min

ကချင်ဒုက္ခသည်စခန်းတစ်ခုအတွင်းက ဒုက္ခသည်စခန်းတစ်ခုကို တွေ့မြင်ရစဉ်။

ဖားကန့်မြို့နဲ့ (၁၀)မိုင်ခန့် အကွာအဝေးမှာရှိတဲ့ အဲ့ဒီရွာက ဒေသခံတွေဟာ မီးသွေးဖုတ်လုပ်ငန်းနဲ့ ထင်းခုတ်တဲ့လုပ်ငန်းတွေကို အဓိကထားလုပ်ကိုင်နေကြပါတယ်။
ကေအိုင်အေ ပြည်သူ့စစ်တွေက မီးသွေးကားနဲ့ ထင်းတင်တဲ့ကားတွေကို ကျပ်ငါးသောင်း ပေးဖို့ ကောက်ခံနေတာတွေရှိတယ်လို့ ဒေသခံတချို့က ပြောပါတယ်။ အခုလို ငွေကြေးကောက်ခံနေတာတွေဟာ ပြီးခဲ့တဲ့ (၃)လကစပြီး ပြုလုပ်နေကြတာလို့ သိရပါတယ်။

http://www.rfa.org/burmese/news/kia-local-01012013120254.html

အပြည့်အစုံသို့... »

ကချင်ပြည်နယ်အရေး စိုးရိမ်ပူပန်ကြောင်း အမေရိကန်သံအမတ်ကြီးပြောကြား

ကချင်ပြည်နယ်ကိုရောက်ရှိနေတဲ့ မြန်မာနိုင်ငံ ဆိုင်ရာ အမေရိကန်သံအမတ်ကြီး ဒဲရစ်မစ်ချယ်လ် ဦးဆောင်တဲ့ အဖွဲ့့ဟာ မနေ့က မနက်ပိုင်းမှာ ဝိုင်းမော်မြို့နယ်က စစ်ဘေးဒုက္ခသည် စခန်းတွေနဲ့ မြစ်ကြီးနားမြို့က HIV/AIDS ဝေဒနာရှင်တွေကို စောင့်ရှောက်ကုသပေးနေတဲ့ ဌာနတစ်ခုကို သွားရောက် ကြည့်ရှုခဲ့ပါတယ်။

Photo: RFA/ Kyaw Myo Min

မြန်မာနိုင်ငံဆိုင်ရာ အမေရိကန်သံအမတ်ကြီး ကချင်ဒုက္ခသည် စခန်းသို့ သွားရောက်လေ့လာစဉ်

အတူလိုက်ပါလာတဲ့ အမေရိကန် အစိုးရ အထူးကိုယ်စားလှယ် နဲ့ မူဝါဒရေးရာအတိုင်ပင်ခံ မစ္စတာ ပက်ထရစ် မာဖီကလည်း ဒုက္ခသည်စခန်းအားလုံးကို ကျနော်တို့ရောက်အောင် မသွားနိုင်ပါဖူး။ ဒါပေမယ့် သူတို့ရဲ့ ဒုက္ခတွေကို မြင်ရကြားခဲ့ရပါပြီ။  အခြေခံအားဖြင့် ပြောရရင်တော့ လူတိုင်းက အိမ်ပြန်ချင်နေကြပါတယ်။ ဒါကြောင့် ဒီဒေသမှာ ငြိမ်းချမ်းရေးရဖို့ လိုပါတယ်။ အမေရိကန်ပြည်ထောင်စုအနေနဲ့ကတော့ ကုလနဲ့ နိုင်ငံတကာ အဖွဲ့တွေက တဆင့် ဆက်လက်ကူညီပံ့ပိုးမှာပါ။  ကချင်ပြည်နယ်မှာဖြစ်ပေါ်နေတဲ့ ပြသနာတွေကို ကျနော်တို့မေ့သွားမှာ မဟုတ်ပါဖူး။ ဒီအတွက် ကျနော် ဝါရှင်တန်ဒီစီမြို့တော်ကနေ ဒီဒေသကို တကူးတက ရောက်အောင်လာခဲ့တာဖြစ်ပါတယ်လို့ ပြောဆိုခဲ့ပါတယ်။
နှစ်ရက်ကြာမြင့်တဲ့ အမေရိကန်သံတမန်အဖွဲ့ရဲ့ ခရီးစဉ်အတွင်း ဝိုင်းမော်မြို့နယ် မိုင်းနားကျေးရွာက စိန့်ဂျိုးဇက် ရိုမန်ကက်သလစ်နဲ့ ကချင်နှစ်ချင်းအသင်းတော် ဘုရားကျောင်းတွေမှာရှိတဲ့ ကယ်ဆယ်ရေးစခန်း၊ ဝိုင်းမော် သာဂရ သရက်တော ဘုန်းတော်ကြီးကျောင်း ကယ်ဆယ်ရေးစခန်းနဲ့ မြစ်ကြီးနားမြို့က Hope Center အိပ်ချ်အိုင်ဗွီ/အေအိုင်ဒီအက်စ် စောင့်ရှောက် ကုသရေးဋ္ဌာတို့ကို သွားရောက်ခဲ့ပြီး မြစ်ကြီးနားအခြေစိုက် လူမှုအဖွဲ့အစည်းတွေနဲ့လည်း တွေ့ဆုံခဲ့ပါတယ်။
အမေရိကန် သံအမတ်ကြီးက ကချင်ပြည်နယ်ထဲမှာ သွေးထွက်သံယိုပြဿနာတွေ ဆက်လက်ဖြစ်ပွားနေတဲ့ အတွက် ကျနော်တို့စိုးရိမ်ပါတယ်။
ဒါ့အပြင် အထူးသဖြင့် စစ်ဘေးကြောင့်နေရပ်ကို စွန့်ခွာထွက်ပြေးနေရတဲ့ ဒုက္ခသည်တွေအတွက် ပူပန်မိပါတယ်။ အစိုးရထိန်းချုပ်ထားတဲ့ ဒေသတွေမှာရော အစိုးရထိန်းချုပ်နိုင်စွမ်းမရှိတဲ့ ဒေသတွေမှာပါ ရောက်ရှိနေကြတဲ့ ဒုက္ခသည်တွေကို လူသားချင်းစာနာတဲ့ အကူအညီတွေပေးနိုင်ဖို့ ကျနော်တို့ စိတ်ဝင်စားပါတယ်။
တနည်းအားဖြင့် အမျိုးသားပြန်လည် သင့်မြတ်ရေးအတွက် အပြုသဘောအားဖြင့် ကျနော်တို့ပါဝင် ကူညီနိုင်မယ့်နည်းလမ်းကိုရှာမှာဖြစ်ပါတယ်။
ဒါဟာ မြန်မာပြည်ရဲ့ အကျိုးစီးပွါးဖြစ်ယုံမျှမက ဒေသတခုလုံးရဲ့ တည်ငြိမ်ရေးကိုပါ အကျိုးဖြစ်ထွန်းစေမယ်လို့ ကျနော်တို့ ယူဆပါတယ်။
ဒီလိုပါဝင်ကူညီခြင်းဟာ ကျနော်တို့ အတွက် ဒီတိုင်းပြည်နဲ့ ဆက်ဆံရေးမှာ ယုံကြည်မှု တည်ဆောက်တာလည်း ဖြစ်ပါတယ်လို့  အမေရိကန် သံအမတ်ကြီး ဒဲရက်မစ်ချယ်က RFA  ကို ပြောကြားခဲ့ပါတယ်။

http://www.rfa.org/burmese/news/us-kachin-camp-12182012134513.html

အပြည့်အစုံသို့... »

အမေရိကန်သံအမတ်ကြီး ကချင်ပြည်နယ် အခြေအနေသွားလေ့လာ

ကချင်စစ်ပြေးဒုက္ခသည်တွေကို ထိရောက်တဲ့ အကူအညီတွေ ပေးအပ်နိုင်ဖို့နဲ့ ငြိမ်းချမ်းရေးမရနိုင်တဲ့ ကချင်ပြည်နယ်တွင်း အခြေအနေတွေကို လေ့လာဖို့ မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရက်ခ်မစ်ချဲနဲ့အဖွဲ့ဟာ ပထမဆုံးအကြိမ် ကချင်ပြည်နယ်ကို သွားရောက်ခဲ့ပါတယ်။ နှစ်ရက်ကြာ သွားရောက်တဲ့ သူ့ရဲ့ ကချင်ပြည်နယ်ခရီးစဉ်အတွင်း ဒေသခံအစိုးရအဖွဲ့တာဝန်ရှိသူတွေ၊ စစ်ဘက် ဆိုင်ရာ တာရှိသူတွေအပြင် လူမှုသင်းဖွဲ့တွေနဲ့လည်း တွေ့ဆုံခဲ့သလို စစ်ပြေးဒုက္ခသည် စခန်းတချို့ ကိုလည်း သွားရောက်ခဲ့တာပါ။ ဒီလို သံအမတ်ကြီးနဲ့အဖွဲ့ ကချင်ပြည်နယ်ကို ရောက်နေချိန်မှာပဲ ကချင်ပြည်နယ်တွင်းမှာလည်း တိုက်ပွဲတွေဖြစ်ပွားနေပြီး ဖားကန့်မြို့နယ်တွင်းမှာရှိတဲ့ ရဲစခန်းတခု လည်း တိုက်ခိုက်ခံခဲ့ရတာကြောင့် သေဆုံးမှုတွေ ရှိခဲ့ပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်းက တင်ပြပေးထားပါတယ်။

ပထမဆုံးအကြိမ် ကချင်ပြည်နယ်ကို သွားရောက်တဲ့ မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရက်ခ် မစ်ချဲနဲ့အဖွဲ့ဟာ နှစ်ရက်ကြာ ခရီးစဉ်အဖြစ်နဲ့ ဒီဇင်ဘာလ ၁၇ ရက် တနင်္လာနေ့က မြစ်ကြီး နားမြို့ကို ရောက်ရှိခဲ့ပြီး၊ အဲ့ဒီမှာရှိတဲ့ ကချင်ပြည်နယ် အစိုးရအဖွဲ့၊ ကချင် ပြည်နယ်တိုင်းမှူးအပါအဝင် ကချင်ငြိမ်းချမ်းရေးအကျိုးဆောင်အဖွဲ့နဲ့ ဒုက္ခသည်အရေး ဆောင်ရွက်ပေးနေတဲ့ အဖွဲ့တွေကို သီးခြား စီ တွေ့ဆုံခဲ့ပြီးတော့ လက်ရှိ ကချင်ပြည်နယ်တွင်းက အခြေအနေတွေ၊ မအောင်မမြင်ဖြစ်နေတဲ့ ငြိမ်းချမ်းရေး ဆွေးနွေးပွဲကိစ္စတွေနဲ့ ဒုက္ခသည်အရေး ကိစ္စတွေကို မေးမြန်းဆွေးနွေးခဲ့တာဖြစ်ပါတယ်။ ကချင်ပြည်နယ်အစိုးရအဖွဲ့နဲ့တွေ့ဆုံချိန် မစ္စတာမစ်ချဲအနေနဲ့ ဘာတွေ ပြောဆိုခဲ့သလဲလို့ ကချင်ပြည် နယ်ဝန်ကြီးချုပ် ဦးလဂျွန်ငန်ဆိုင်းကို ဆက်သွယ်မေးမြန်းတဲ့အခါမှာ -

"မစ္စတာမစ်ချဲလ်ဟာ သူ့အနေနဲ့လာတဲ့ ပထမဦးဆုံး ခရီးစဉ်ဖြစ်တယ်၊ လာရောက် လေ့လာတာဖြစ်ပါ တယ်ဆိုပြီးတော့ ဝိုင်းမော်နဲ့ မြစ်ကြီနားစခန်း သုံးလေခုပဲ သူ ကြည့်ပြီးမှ ပြန်သွားပါတယ်။"

အင်္ဂါနေ့ကတော့ မြစ်ကြီးနားနဲ့ ၀ိုင်းမော်မှာရှိတဲ့ ကချင်ဒုက္ခသည်စခန်းတွေက ဒုက္ခသည်တွေ ရဲ့ အခြေ အနေတွေကို ကိုယ်တိုင် သွားရောက် ကြည့်ရှုခဲ့ပြီး သူ့အနေနဲ့ အခုလို လာရောက်တာ ဟာ နယ်စွန် နယ်ဖျားက ဒုက္ခသည်တွေကို ထိရောက်တဲ့ အကူအညီတွေ ပေးနိုင်ဖို့အတွက်ဖြစ်တယ်လို့ ပြော တဲ့အကြောင်း မစ္စတာမစ်ချဲနဲ့ တွေ့ဆုံခဲ့တဲ့ PCG ကချင်ငြိမ်းချမ်းရေး အကျိုးဆောင် အဖွဲ့ဝင် ဦးယပ်ဇောင်ခေါန်းက ပြောပါတယ်။

"အဓိက ကတော့ ဒီ ဒုက္ခသည်စခန်းက တောထဲတောင်ထဲ နယ်စွန်နယ်ဖျား အရပ်ဒေသ မှာ ဖြစ်တဲ့အခါကျတော့ ကားလမ်းလည်း မပေါက်ဘူးဆိုတဲ့အခါကျတော့ ဘယ်လို ဘယ်ပုံ နည်းနဲ့ ရောက်အောင် ပို့ပေးလို့ဖြစ်မလဲ၊ PCG အနေနဲ့ ဘယ်လို ပူးပေါင်းဆောင်ရွက်ပေးနိုင် မလဲ အဲဒါ စစ်ဘေးဒုက္ခသည်က ဘယ်လောက် ရှိသလဲ၊ ထပ်တိုးတာရှိသလားဆိုတော့ ကျနော်တို့လည်း လောလောဆယ် တိုက်ပွဲအခြေအနေအရ တိုးလာတာရှိပါတယ်လို့ ပြောလိုက်ပါတယ်။"

တနှစ်ကျော်ကြာဖြစ်ပွားနေတဲ့ ဒီတိုက်ပွဲတွေကြောင့် ထွက်ပြေးကြရတဲ့ စစ်ပြေးဒုက္ခသည် ဦးရေဟာ အခုဆိုရင် ၁ သိန်းကျော်သွားပြီလို့ ကချင် ဒုက္ခသည်အရေး ဆောင်ရွက်နေတဲ့ အဖွဲ့တွေနဲ့ လူ့အခွင့် အရေးအဖွဲ့တွေက ပြောဆိုကြပါတယ်။ ပြီးခဲ့တဲ့တပတ်ကလည်း KIO ဌာနချုပ်ရှိရာ လိုင်ဇာဘက်မှာ တိုက်ပွဲတွေ အပြင်းအထန် ဖြစ်ပွားခဲ့တာကြောင့် အဲ့ဒီနား ရွာတွေက ဒေသခံတွေ ထပ်မံထွက်ပြေးခဲ့ကြ ရပါတယ်။ ဒီလို ဒေသခံ ပြည်သူတွေ ဒုက္ခရောက်ကြ၊ လူ့အခွင့်အရေး ချိုးဖောက်မှုတွေ ဖြစ်ပေါ်ရတာကြောင့် နှစ်ဘက် အပစ်အခတ်ရပ်စဲရေး အကြိမ်ကြိမ် ဆွေးနွေးနေတဲ့ ငြိမ်းချမ်းရေး ဆွေးနွေး ပွဲတွေကလည်း အခုထိ မအောင်မြင်သေးပါဘူး။ ဒီလို ငြိမ်းချမ်းရေးဆွေးနွေး ပွဲတွေ မအောင်မြင်ရတာ ဘာကြောင့်လဲလို့ မစ္စတာ မစ်ချဲက PCG ကချင် ငြိမ်းချမ်းရေးအကျိုးဆောင်အဖွဲ့ ကို မေးခဲ့သေးတယ်လို့ ဦးယပ်ဇောင်ခေါန်း က ဆက်ပြောပြပါ တယ်။

"ဆွေးနွေးတဲ့နေရာမှာ ဒီလို အကြောင်းတွေကြောင့်မို့လို့ မအောင်မြင်တဲ့အပိုင်းက ဘာလို့ မအောင်မြင်သလဲ၊ ဘယ်လိုဖြစ်သလဲဆိုတဲ့ ကျနော်တို့ရဲ့ သုံးသပ်ချက်တွေကို မေးတာပါ။ ထိုးစစ်ဆင်မှုက နည်းနည်း ပြင်းပြင်းထန်ထန်ဖြစ်တဲ့အခါကျတော့ အခက်အခဲ ဖြစ်နေတယ်။ မကြာခင်တော့ အမြန်ဆုံးတွေ့ဆုံဖို့တော့ ကျနော်တို့လည်း ကြိုးစားပေးနေတာပေါ့လေ။ ထိုးစစ်ဆင်မှုကြောင့် ထိခိုက်တဲ့သဘောပဲလေ-"


၀န်ကြီးဦးအောင်မင်းကတော့ ရှမ်းပြည်နယ်၊ မူဆယ်မြို့မှာ ဒါမှမဟုတ် ကချင်ပြည်နယ် ဗန်းမော်မြို့မှာ ထပ်မံ တွေ့ဆုံဆွေးနွေးကြဖို့ ပြီးခဲ့တဲ့ ကြာသာပတေးနေ့က KIO ကို ကမ်းလှမ်းထားပေမဲ့ အခုထိတော့ တုံ့ပြန်မှု မရှိသေးပါဘူး။ အခုလို အမေရိကန်သံအမတ်ကြီး ဒဲရက်မစ်ချဲနဲ့အဖွဲ့ ကချင်ပြည် နယ်ကို ရောက်ရှိနေချိန်မှာပဲ ကချင်ပြည်နယ်တွင်းမှာ တိုက်ပွဲတွေကလည်း ဆက်လက်ဖြစ်ပွားနေ ဆဲ ဖြစ်ပြီး အင်္ဂါနေ့ မနက်ပိုင်းကဆိုရင် ဖားကန့်မြို့အနီးက ကာမိုင်းရဲစခန်းကို လက်နက်ကိုင် အဖွဲ့တဖွဲ့က ၀င်ရောက်ပစ်ခတ်ခဲ့ လို့ သေဆုံးမှုရှိခဲ့တယ်လို့ မျက်မြင်သက်သေတဦးဖြစ်တဲ့ NLD အမျိုသားဒီမိုကရေစီအဖွဲ့ချုပ် ဖားကန့်ခရိုင်အဖွဲ့ဝင် ဦးဟန်မြင့် က ဗွီအိုအေကို ပြောပြပါတယ်။

" နှစ်ယောက်သေပါတယ်။ သုံးယောက်ဒဏ်ရာရပါတယ်။ တပ်ကြပ် စိုးမင်းသူ အသက် (၃၀) ခန့်နဲ့ သူနာပြု ဒေါ်တင်မေအောင် အသက် (၂၈) နှစ်ပါ။ အဲဒါက သေစာရင်းပါ။ တပ်ကြပ်ထွန်းအေး၊ ဒေါ်မေမွှေးစိန်ရယ်၊ နောက် ဒေါ်လှစိန်နုရယ်၊ အဲဒါက သားအမိပါ။ အဲဒါတွေက ဒဏ်ရာရပါတယ်။ အဲဒီသုံးယောက်ရဲ့ အခြေအနေကလည်း မကောင်းပါဘူး။ ဆီးခုံမှာတွေတို့၊ တင်ပါးကနေ ဗိုက်ဖောက်ထွက်တာတို့၊ ဗိုက်ကနေ နောက်ဖောက် ထွက်တာတို့၊ လက်ကျိုးတာတို့ အဲဒီ အနေအထားတွေမှာ ရှိပါတယ်။ အဲဒီအချိန်က ကျနော်လည်း ကားမိုင်းမှာ ညီလာခံကိစ္စနဲ့ ရောက်နေတဲ့အတွက် ကျနော်တို့ကို အဲဒီစခန်းနဲ့ နီးနေလို့ကို အတော်ကို အထိတ်အလန့် ဖြစ်သွားပါတယ်။ မြို့ထဲကလည်း အားလုံး ထိတ်လန့်နေကြတာပေါ့ဗျာ။ မနက်က ကျနော်သွားပြီး ပံ့ပိုးကူညီမှု လုပ်တဲ့အချိန်မှာတော့ အာာဏာပိုင်ဘက်က ဘာမှ လုပ်ဆောင်မှုကို မရှိသေးပါဘူး။ သူတို့ကိုယ်နှိုက်ကိုက အားလုံး ကြောက်နေကြပါတယ်။ အပျက်အစီးတွေဆိုတာကတော့ ဆိုင်ကယ်တွေ- ဒါမျိုးတွေပါ။ တခြားပျက်စီးစရာ အကြီးအကျယ်ကတော့ မရှိပါဘူး။"

ဒါ့အပြင် ဖားကန့်ဘက်မှာလည်း လက်နက်ကြီးပစ်ခတ်သံတွေကြောင့် ဒေသခံတွေ အထိတ်ထိတ် အလန့်လန့်ဖြစ်နေကြပြီး မိုးကောင်းဘက်က ကုန်တင်ယာဉ်တွေ မလာတဲ့ အတွက်လည်း ဖားကန့်မြို့မှာ ကုန်စျေးနှုန်းတက်မယ့် အခြေအနေတွေ ဖြစ်ပေါ်နေတယ်လို့ ဖားကန့်မြို့ခံတွေက ပြောဆိုခဲ့ပါတယ် ရှင်။

http://burmese.voanews.com/content/derek-mitchell-visit-to-kachin-state/1567222.html

အပြည့်အစုံသို့... »

မတရားသင်းပုဒ်မဖြင့် ရင်ဆိုင်နေရသူ ကချင် နှစ်ဦးကို ဖောက်ခွဲမှုဖြင့် ထပ်စွဲ

ချင်းမိုင်(မဇ္စျိမ) ။        ။ မတရားအသင်း ဆက်သွယ်မှုဖြင့် တရားရင်ဆိုင်နေရသူ ကချင် စစ်ပြေးဒုက္ခသည် ဦးလဖိုင်ဂမ်နှင့် ဦးဘရန်ယုန်တို့ကို မြစ်ကြီးနားခရိုင် တရားရုံးက ဖောက်ခွဲ ၃ ဖြင့် ထပ်မံ စွဲဆိုလိုက်ကြောင်း မိသားစုဝင်နှင့် ရှေ့နေက ပြောသည်။

မြစ်ကြီးနားမြို့နယ်၊ ရွှေစက်ကျေးရွာ ကချင်နှစ်ခြင်းအသင်းတော် ဘုရားကျောင်းရှိ စစ်ပြေးဒုက္ခစခန်းတွင် ခိုလှုံနေ
သော ဦးဘရန်ယုန်နှင့် ဦးလဖိုင်ဂမ် တို့ကို ဇွန်လအတွင်းက ဖမ်းဆီးခဲ့ပြီး မတရားအသင်း ပုဒ်မ ၁၇(၁) ဖြင့် စွဲဆို ခဲ့ပြီးနောက် နိုဝင်ဘာလ ၂၆ ရက်နေ့တွင် ဖောက်ခွဲ ၃ ဖြင့် ထပ်မံ စွဲဆိုထားမှုကို ဗုဒ္ဓဟူးနေ့တွင် ခရိုင်တရားရုံး၌ ရုံးထုတ်ခဲ့ခြင်း ဖြစ်သည်။

“ကျမတို့လည်း အံ့သြနေတယ်။ ဘာကြောင့် ဒီပုဒ်မ ပြန်တပ်တာလဲ မသိတော့ဘူး။ ကျမနဲ့ ကလေးတွေလည်း ဒုက္ခ
ရောက်နေပါတယ် ဆိုမှ အမျိုးသားက နောက်ပုဒ်မ ပြန်တပ်လာတော့ စိတ်ညစ်နေရတယ်” ဟု ဦးဘရန်ယုန်၏ အမျိုးသမီး ဒေါ်ခေါန်နန် က မဇ္စျိမကို ပြောသည်။

ယနေ့ တရားရုံးသို့ ရောက်ရှိလာသော ဦးဘရန်ယုန်နှင့် ဦးလဖိုင်ဂမ်တို့မှာ ကျန်းမာရေး ကောင်းမွန်ပြီး တရားလိုဘက် မှ သက်သေများ ရောက်မလာ၍ စစ်ဆေးခြင်းမရှိဘဲ ဒီဇင်ဘာ ၁၉ ရက် နေ့မှာ ထပ်မံ ချိန်းဆိုလိုက်သည်။

ပုဒ်မ ၁၇(၁) အမှုနှင့် ပတ်သက်၍ တရားလိုဘက်မှ သက်သေများကို အင်္ဂါနေ့တွင် စစ်ဆေးခဲ့ပြီး ဒီဇင်ဘာလ ၂၁ ရက်နေ့တွင် စွဲချက် တင်သင့်၊ မတင်သင့် နှစ်ဖက်ရှေ့နေများ လျှောက်လဲမည် ဖြစ်သည်။

သူတို့ကို ပြီးခဲ့သည့် ဇွန်လ ၁၅ ရက်နေ့က ကွဲျကုန်သည်များနှင့် လိုက်ပါသွားရာမှ မြောက်ပိုင်းတိုင်းစစ်ဌာနချုပ် လက်အောက်ခံ ခလရ ၃၇ တပ်ဖွဲ့များ ဖမ်းဆီးခဲ့ပြီးနောက် စစ်ဘက်ရေးရာ လုံခြုံရေးတပ်ဖွဲ့မှ နှိပ်စက်မှု ခံခဲ့ရသည်ဟု သူ၏ မိသားစုက မဇ္စျိမကို ပြောဆိုခဲ့ဖူးသည်။

၎င်းတို့ နှစ်ဦးမှာ KIO စစ်သားများ မဟုတ်ကြောင်းနှင့် ဗုံးဖောက်ခွဲခြင်းလည်း မရှိသော်လည်း စရဖ မတရား ညှင်းပန်းနှိပ်စက်ခြင်းကြောင့် ဝန်ခံလိုက်ခြင်းသာ ဖြစ်ကြောင်း လိုက်ပါဆောင်ရွက်ပေးနေသည့် ရှေ့နေ ဦးမာခါး က ပြောသည်။

“စရဖက KIO စစ်သားလုပ်တယ်ဆိုတဲ့ ကာလမှာ သူတို့က ဒုက္ခသည် စခန်းမှာပဲ နေနေတာ။ မတရားစွပ်စွဲတယ်။ ဘာခိုင်လုံတဲ့ အထောက်အထားမှ မရှိဘူး။ တရားရုံးကလည်း တရားမျှတတဲ့ ဘက်ကနေ ရှိနေရမယ်။ ခုသက်သေ အထောက်အထား မရှိဘဲနဲ့ တရားရုံးက ဘာမှ အရေးမယူပေးဘူး” ဟု မဇ္စျိမကို ပြောသည်။

KIO နှင့် အစိုးရ တပ်ဖွဲ့တို့ တိုက်ပွဲ ဖြစ်ပွားခဲ့သော တနှစ်ကျော်ကာလအတွင်း ကချင်ပြည်နယ်နှင့် ရှမ်းပြည်နယ်များ မှ ဒေသခံများနှင့် စစ်ပြေးဒုက္ခသည်တချို့အား မတရားအသင်းနှင့် ဗုံးဖောက်ခွဲမှုတို့ဖြင့် အာဏာပိုင်များက လူ ရဝ
ကျော် ဖမ်းဆီးခဲ့ပြီးနောက် ၃ဝ ကျော်အား ပြစ်ဒဏ်ချမှတ်ခဲ့သဖြင့်  ၄ဝ ဦး ကျော်မှာ ဆက်လက် တရားရင်ဆိုင်နေရဆဲ
ဖြစ်ကြောင်း ဦးမာခါးက ပြောသည်။

http://www.mizzimaburmese.com/news/inside-burma/10567-2012-12-12-11-35-14.html

အပြည့်အစုံသို့... »

တန်ဖဲ ရွာသား စိတ်မမှန်သူ တဦးအား တပ်မ ၃၃ တပ်ဖွဲ့များ ရိုက်နှက်ခဲ့

ချင်းမိုင်(မဇ္စျိမ)။   ။ ကချင်ပြည်နယ်၊ မြစ်ကြီးနားမြို့အထက်ပိုင်း ဧရာဝတီ မြစ်ဆုံအနီး တန်ဖဲကျေးရွာသား ဦးလရှီလနူး အား အစိုးရ၏ တပ်မ ၃၃ လက်အောက်ခံ တပ်ဖွဲ့များက စစ်ဆေးမေးမြန်း၍ ရိုက်နက်ခံခဲ့ရကြောင်း တန်ဖရဲကျေးရွာသား တဦးက ပြောသည်။

သောကြာနေ့ ည ၈ နာရီချိန်တွင် အသက် ၃၀ ကျော်အရွယ် ဦးလရှီလနူးသည် ကွယ်လွန်သူ တန်ဖဲကျေးရွာသား ဦးရှိန်ရိုင် ဇော်တောင်၏ တနှစ်ပြည့် အောက်မေ့ဖွယ် ဝတ်ပြုဆုတောင်းပွဲမှ၍ အပြန် မြစ်ဆုံလမ်းခွဲတွင် အစိုးရတပ်ဖွဲ့
များက ထိုးကြိတ်၍ သေနတ်ဖြင့် ဦးခေါင်းနှင့် မျက်နှာများတွင် ရိုက်နက်ခဲ့ကြောင်း ဒေသခံ တဦးက ပြောသည်။

“မနေ့ည ဆုတောင်းပွဲတခု ရှိတယ်။ အဲဒီကနေ အပြန်မှာ မြစ်ဆုံနဲ့ ဆွမ်ပရာဘွမ်တက်တဲ့ လမ်းခွဲမှာ သူ့အိမ်ရှေ့
အရောက် စစ်သားတွေက သူ့ကို စစ်ဆေးမေးမြန်းတယ်။ သူက စိတ် သိပ်မူမမှန်ဘူး။ ဘယ်လို ပြောလိုက်တာလဲ မသိဘူး။ သူ့ကို ရိုက်နက် ထိုးကြိတ်တာ သတိတောင်မရဘူး” ဟု တန်ဖဲ ရွာသားတဦးက ပြောသည်။

လက်ရှိ ကိုလရှီလနှုးသည့် သွေးထွက်သံယိုမှု များပြားသဖြင့် သတိမဲ့ခဲ့ရာမှ ယနေ့ နံနက်ပိုင်းတွင် ဆေးကုသရန်
ပြောဆိုသော်လည်း ကံယံကံရှင်မှာ ကယောင်ခြောက်ခြား ဖြစ်နေသည်ဟု သိရသည်။          

“သူက ဗမာစကားရေရေလည်လည် မပြောတတ်ဘူး။ သေနတ်နဲ့ ထုထားတော့ ခေါင်းမှာ အရမ်းဆိုးတယ်။ ပါးနဲ့ မျက်ခုံး နှစ်နေရာမှာ ပေါက်ပြဲနေတယ်။ သွေးတွေချည်းပဲ။ အဲဒီစစ်သားတွေက ဓါတ်ပုံတွေ ရိုက်ထားတယ်” ဟု မဇ္စျိမကို ပြောသည်။

၎င်းတပ်ဖွဲ့များက ဦးလရှီလနှုး၏ အဖိုးတန် ကချင်ရိုးရာ လည်ဆွဲကိုလည်း ယူသွားသည်ဟု ဒေသခံက ဆိုသည်။

ဦးလရှီလနူးသည် အောင်မြင်သာကျေးရွာတွင် နေထိုင်နေပြီး တန်ဖဲကျေးရွာသို့ တောင်ယာ လုပ်ကိုင်ရန် သွားရောက်
နေထိုင်နေသူ ဖြစ်သည်။ စနေနေ့ ညနေပိုင်းတွင် သူ၏ မိသားစုနှင့် မိတ်ဆွေများက အောင်မြင်သာကျေးရွာရှိ
ကျေးရွာအုပ်ချုပ်ရေးရုံးသို့ စာတင်ရန် စီစဉ်နေသည်ဟု ထိုဒေသခံက ပြောသည်။

အောင်မြင်သာကျေးရွာ ကြံခိုင်ရေးနှင့် ဖွံ့ဖြိုးရေးပါတီမှ အတွင်းရေးမှူး ဦးလရမ်က “ကျနော်မြစ်ကြီးနားရောက်နေလို့ အသေးစိတ် မသိသေးဘူး။ နယ်မြေမှူးတွေက ဓါတ်ပုံတွေတော့ ရိုက်ထားတယ်လို့ ပြောတယ်။ ရိုက်ခံရတဲ့ လူက နည်းနည်း ကြောင်နေတယ်။ သူ စကားပြောမှားတာလား ဘာလား မသိဘူး” ဟု မဇ္စျိမကို ပြောသည်။

http://www.mizzimaburmese.com/news/inside-burma/10546-2012-12-08-12-47-39.html

အပြည့်အစုံသို့... »

ဒေသခံများကို ကေအိုင်အေ တပ်သားစုဆောင်းနေ

ကခ်င္ျပည္နယ္ ဟိုပင္ျမို့နယ္ နန့္စြန္ ေက်း႐ြာနားမွာ စပါးရိပ္သိမ္းေနတဲ့ လူငယ္ ၈ ဦး ကို ေကအိုင္ေအတပ္ဖြဲ့၀င္ေတြက နို၀င္ဘာ ၂၄ ရက္ေန့က အတင္းအဓမၼ ေခၚေဆာင္သြားတယ္လို့ ေဒသခံေတြအေျပာအရ သိရပါတယ္။

ေကအိုင္ေအက ဖမ္းဆီေခၚေဆာင္သြားရမွာ ဟိုပင္ျမို့မွာေနထိုင္တဲ့ ကိုသန္းထိုက္နဲ့ ကိုသည္းကိုကိုလည္း ပါ၀င္ပါတယ္။ မေကြးေဆးတကၠသိုလ္ေက်ာင္းသား ကိုသည္းကိုကိုကေတာ့ ဖမ္းဆီေခၚေဆာင္သြားေနစဥ္မွာ လမ္းကေန ျပန္ေျပးလာရတယ္လို့ မိခင္ျဖစ္သူက ဒီဗီြဘီကို ေျပာပါတယ္။

“သူေျပာျပတာေတာ့ ႐ြာေရာက္တဲ့အခါ မာမီးေခါက္ဆြဲ ၃ ထုပ္နဲ့ ေျပာင္းဖူး ၃ ထုပ္၀ယ္ျပီး ထည့္ထားျပီး ေျပးလာခဲ့တယ္ေျပာတယ္။ သူေျပးေတာ့ သူ့ေနာက္ ၃ ေယာက္လုိက္လာတယ္ေျပာတယ္၊ ေၾကာက္ျပီး စိတ္ထဲထင္တာေျပာလား၊ အဟုတ္လုိက္လားေတာ့ မသိဘူး။”

ကခ်င္ျပည္နယ္ တနိုင္းျမို့နယ္ ေ႐ြွႊေမွာ္မွာ အလုပ္လုပ္ေနတဲ့ ဟိုပင္ေဒသခံေတြကိုလည္း ေကအိုင္ေအက တပ္သားသစ္စုေဆာင္းဖို့ ေခၚေဆာင္တာခံရျပီး ေနာက္ပိုင္းမွာ မိသားစု၀င္ေတြကေန ပိုက္ဆံေပးျပီး ေကအိုင္ေအထဲကေန ျပန္ေ႐ြးထုတ္ခဲ့ရတာလို့ ဟိုပင္ေဒသခံတဦးက ဒီဗီြဘီကိုေျပာပါတယ္။

ေကအိုင္ေအ တပ္ဖြဲ့၀င္ေတြက တပ္သားသစ္ စုေဆာင္းတာေတြ လုပ္ေနၾကတဲ့အတြက္ စပါးရိတ္သိမ္းရာသီ ေရာက္ေနတာေတာင္ ႐ြာျပင္ထြက္ျပီး အလုပ္လုပ္ဖို့ကို စိုးရိမ္ေနၾကတယ္လို့ ေဒသခံေတြက ေျပာၾကပါတယ္။ 

http://burmese.dvb.no/archives/34002

အပြည့်အစုံသို့... »

တနိုင်းလွင်ပြင် စစ်ဆင်ရေး၌ အစိုးရ တပ်များ လူ့အခွင့်အရေး ချိုးဖောက်

ယမာန်နေ့က ကချင်ပြည်နယ် တနိုုင်းမြို့သို့ တက်လာသော အစိုးရ စစ်ယာဉ်တန်းမှ လီဒို လမ်းမပေါ်ရှိ တချွတ် ဆို့ ကျေးရွာမှ ပြည်သူ (၃) ဦးကို ကားလမ်းပေါ်၌ တွေ့တွေ့ချင်း ပစ်ခတ်ခဲ့သည်ဟု ဒေသခံ ရွာသား တဦးက ဆိုပါသည်။
“တခွ္ပျတ်ဆို့ ကျေးရွာကို သူတို့ ကားတန်း တက်လာတော့ ယုဇနဇုံမှ တက်လာတဲ့ အသက် (၅၀) အရွယ်ပေါ့ ဦးခွန် ဖက် နော်ဖွံ့ ၊ ပြီးတော့ အသက်က (၅၄) နှစ်ရှိတဲ့ ဒေါ်ဌေးကြည်နဲ့ အသက် (၁၀) နှစ်အရွယ် ရှိတဲ့ မောင်ရန်နိုင်တို့ကို တွေ့တော့ ကားပေါ်ကနေ လှမ်းပစ်လိုက်တယ်။ ဦးခွန်ဖက်နော်ဖွံ့က အဲဒီနေရာမှာဘဲ ပွဲချင်းပြီး သေသွားတယ်။” ဟု ဆိုပါသည်။
ဒဏ်ရာ ရရှိထားသော ဒေါ်ဌေးကြည်နှင့် မောင်ရန်နိုင်တို့ကို မြစ်ကြီးနားမြို့ ဆေးရုံသို့ ပိုးပေး လိုက်ကြပါသည်။ (၄၂) စီးခန့် ရှိသော အစိုးရ စစ်တပ်ကားတန်းသည် တချွတ်ရွာတွင်းသို့ ရောက်ရှိချိန်၌လည်း ဓါတ်ပုံဆိုင် တစ်ဆိုင်ကို ပစ်ခတ်ပြီးဖျက် ဆီး ခဲ့သလို လက်ဝါးကပ်တိုင် ကပ်ထားသည့် အိမ်တစ်အိမ် ကိုလည် ပစ်ခတ်သွားခဲ့သည်ဟု ဆိုပါသည်။
KIA တပ်မဟာ(၂) လက်အောက်ခံ တပ်ဖွဲ့များသည်၊ ၄င်းကားတန်းလုံခြုံရေးတပ်ဖွဲ့ကို (၄)ကြိမ် တိုက်ခိုက်ခဲ့သည်ဟု တပ်မ ဟာ (၂) ရုံး အရာရှိ တဦးက ဆိုပါသည်။ တိုက်ပွဲများသည်၊ ယမာန်နေ့ မနက် (၉) နာရီခွဲ ချိန်တွင် တချွတ်ဆို့ရွာ၏ နောင် မြေ အနီး တွင်တကြိမ် နှင့် နေ့လယ် (၁၁) နာရီခွဲ အချိန်် တန်ဦးတောင် အနီး၌ တကြိမ် KIA တပ်ရင်း (၁၄) တပ်ဖွဲ့က တိုက်ခိုက် ခဲ့ပါသည်။
ထို့အပြင် ပြီးခဲ့သည့် ဒီဇင် ဘာလ (၂) ရက်နေ့ နေ့လည်(၂) နာရီခွဲ အချိန်တွင် မိုး ကောင်းမြို့မှ တက်လာသော စစ်တပ် ကားတန်းကို လုုံခြုံရေး ယူထားသည့် တပ်ဖွဲ့နှင့် အထက်- စီဂျင်ယန်း အကြားတွင် KIA တပ်ရင်း (၁၁) တို့က (၂)ကြိမ်တိုက် ခိုက်ခဲ့သည်ဟု ဆိုပါသည်။ 

အစိုးရ စစ်ကားတန်းများ လှုပ်ရှားမှု (ဓါတ်ပုံအင်နက်)

ညနေပိုင်း(၆) နာရီခွဲ အချိန်တွင်လည်း လမ်းလုံခြုံရေး အတွက် ဒွမ်ဘန်အနီးသို့ ရောက်ရှိလာကာ ခလရ(၁၃)တပ်ဖွဲ့ ကို KIA တပ်ရင်း (၁၄) တပ်ဖွဲ့က ထပ်မံပြီး မိုင်းခွဲ တိုက်ခိုက် ခဲ့ပါသည်။ ယင်းတိုက်ခိုက်မှုကြောင့် စစ်ယာဉ် (၂) စီးပျက်စီး သွား သည် ဟု အဆိုပါ KIA အရာရှိက ဆိုပါသည်။
အစိုးရ စစ်ကား တန်းသည် KIA တပ်မဟာ (၂) ဧရိယာဖြစ်သော ကချင်ပြည်နယ် တနိုင်း လွင်ပြင်ကို စစ်ဆင်ရန် ရောက် ရှိ လာခြင်းဖြစ်သည်ဟု တပ်မဟာ (၂)ရုံးအရာရှိက ဆိုပါသည်။ ဤကားတန်းတွင် လက်နက် ခဲယမ်း မီးကျောက်နှင့် ရိက္ခာ များ တင်ဆောင်ပြီး ပြီးခဲ့သည့် နိုဝင်ဘာလ (၃၀) ရက်နေ့တွင် မြောက်ပိုင်းတိုင်း စစ်ဌာနချုပ်မှ မိုးကောင်းမြို့ စကခ (၃) သို့ ထွက်ခွာ လာခဲ့သော ကားတန်းဖြစ်ပါသည်။
ဒီဇင်ဘာလ (၂) ရက်နေ့ နံနက် (၃) နာရီတွင် မိုးကောင်းအခြေစိုက် စကခ (၃) သို့ ရောက်ရှိခဲ့ပြီး ထိုမှတဆင့် တနိုင်းလွင် ပြင်ဘက် သို့ ဆက်လက် ချီတက် သွားခြင်းဖြစ်ပါသည်။
ဤတပ်ဖွဲ့များသည် စစ်ဆင်ရေး အစီအစဉ်အရ ကျေးရွာနှင့် ရွာသားများကို ထင်သလို အကြောင်းမဲ့ ပစ်ခတ်မှုနှင့် နှိပ်စက် ညှင်းပမ်းမှုများ ပိုမိုပြုလုပ်ခြင်း အားဖြင့် စစ်ပြေး ဒုက္ခသည်များကို ဖြစ်စေပြီး KIA နှင့် အဆက်ပြတ်စေသော လုပ်နည်း စီမံချက် အတိုင်း လုပ်ဆောင ်နေခြင်းဖြစ်ကြောင်း ဝေဖန်သူများက ဆိုပါသည်။ အထူးသဖြင့် လမ်းပမ်းဆက်သွယ်ရေး ဆိုးဝါး ခက်ခဲသော နေရာများ၌ လူ့အခွင့်အရေးများ ချိုးဖေါက်မှုများ ပိုမိုဆောင်ရွက်ကြပြီး ဖေါ်ထုတ်ရန် ခက်ခဲသော နေရာ မျိုး၌ လုပ်နေကြဟု ဒေသခံများက ဆိုပါသည်။

http://www.phophtaw.org/burmese/index.php/news/local-news/2467-2012-12-04-11-12-42.html

အပြည့်အစုံသို့... »

KIA တပ်သားများကို ဝှက်ထားသည်ဟုဆိုကာ ရွာသားများအား မြန်မာစစ်တပ်က ဖမ်းဆီးစစ်ဆေး

သျှမ်းပြည်မြောက်ပိုင်း ကြူကုတ်-ပန်ဆိုင်းမြို့နယ်အတွင်း KIA တပ်နှင့် အစိုးရစစ်တပ်တို့ကြား တိုက်ပွဲ များ ဖြစ်ပွားလျက်ရှိရာ ရွာသားများအား ဖမ်းဆီးရိုက်နှက်စစ်ဆေးမှုများရှိနေကြောင်း သိရှိရပါသည်။

စစ်ဘေးသင့် ရွာသူရွာသားများ နားခိုရာ တဲအိမ် (Photo:BBC)

“KIA နဲ့ ဗမာတပ် တိုက်ပွဲဖြစ်ပြီးရင် KIA စစ်သားတွေကို ရွာသားတွေက ဝှက်ထားတယ်။ သေနတ်တွေ လည်း ဝှက်ထားပေးတယ်။ အမြန်ရှာပေး။ မဟုတ်ရင် ရွာတွေကို မီးရှို့ပစ်မယ်လို့ ရွာသားတွေကို ခြိမ်း ခြောက်တယ်။ ဖမ်းဆီးရိုက်နှက် စစ်ဆေးတယ်။ ဒါကြောင့် ရွာသားတွေက ကြောက်နေကြတယ်” ဟု ပန်ဆိုင်းမြို့ခံသူတစ်ဦးက ပြောပါသည်။

နိုဝင်ဘာ ၂၈ ရက် ကြူကုတ်-ပန်ဆိုင်းမြို့နယ် ဖိုင်ကောင်းကျေးရွာအနီး KIA တပ်ရင်း ၃၆ နှင့် အစိုးရ တပ် ခလရ ၂၄၀ တို့ကြား တိုက်ပွဲဖြစ်ပွားရာ စစ်ပြေးဒုက္ခသည်များ၏ စခန်းရှိ နားခိုတဲ ၁၀ လုံးကို ခလရ ၂၄၀ မှ မီးရှို့ဖျက်ဆီးခဲ့ကြောင်း၊ ရွာသားများအားလည်း ဖမ်းဆီးကာ ဖိုင်ကောင်းဘုရားကျောင်း ဝင်းအတွင်း ရိုက်နှက် စစ်ဆေးကြောင်း ၎င်းက ဆက်ပြောပါသည်။

“အမျိုးသမီးတွေကို အရင်ပြန်လွှတ်ပေးတယ်။ ပြီးမှ အမျိုးသားတွေကို လွှတ်ပေးတယ်။ ဖိုင်ကောင်း ကျေးရွာ အုပ်ချုပ်ရေးမှူး ဦးဇင်ထုန်း ဆိုင်းအောင်၊ ခလန်ကျေးရွာ အုပ်ချုပ်ရေးမှူးနဲ့ ရွာသားတချို့ကို လမ်းပြအဖြစ် ခေါ်သွားတယ်။ အခုတော့ ပြန်လွတ်လာပြီ။”

တိုက်ပွဲဖြစ်ပွားပါက ရွာသူရွာသားများ ဖိုင်ကောင်းကျေးရွာရှိ စစ်ပြေးဒုက္ခသည်စခန်းသို့ သွားရောက် ခိုအောင်းကြကြောင်း၊ အဆိုပါစခန်းတွင် သက်ကြီးရွယ်အိုများနှင့် ကလေးများ အမြဲတမ်း ပုန်းခိုနေထိုင် ကြကြောင်း၊ လူငယ်လူရွယ်နှင့် လူလတ်ပိုင်းများက တိုက်ပွဲဖြစ်ပွားမှသာ သွားရောက်ခိုအောင်းကြ ကြောင်း သိရှိရပါသည်။
http://www.burmese.panglong.org/news/90-2008-08-03-06-47-55/3701-kia-----.html

အပြည့်အစုံသို့... »