အစိုးရတပ်များ ကချင်ထိုးစစ် ဆက်လက် ဆင်နေခြင်းအပေါ် နိုင်ငံတကာ ဖိအားပေးရန် KWAT တောင်းဆို

မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) ကြား ငြိမ်းချမ်းရေးလမ်းစဉ်သို့ ဆွေးနွေးမှုပြုလုပ်နေသော်လည်း လက်ရှိကချင်ပြည်နယ်တွင် အစိုးရတပ်ဖွဲ့များ၏ စစ်လက်နက်အင်အားနှင့် ရိက္ခာများတိုးချနေပြီး တိုက်ပွဲ ပိုမိုပြင်းထန်လာနိုင်သည့် အလားအလာရှိနေသည့် လုပ်ရပ်အပေါ် နိုင်ငံတကာမှ ဖိအားပေး အရေးယူဆောင်ရွက်ပေးရန် ထိုင်းအခြေစိုက် ကချင်အမျိုးသမီးအဖွဲ့ (KWAT) တောင်းဆိုလိုက်သည်။
KIO ကိုယ်စားလှယ်များနှင့် ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီများ အကြိမ်ကြိမ် တွေ့ဆုုံဆွေးနွေးမှု လုပ်ငန်းစဉ်များ လုပ်ဆောင်နေသော်လည်း တဖက်တွင် ဆက်လက်ထိုးစစ်ဆင်မှုများရှိနေပြီး ဒုက္ခသည်များလည်း အခက်အခဲရင်ဆိုင်နေသည့်အခြေအနေများကို နိုင်ငံတကာမှ သိနားလည်ဆောင်ရွက်နိုင်ရန်အတွက် ဖေဖေါ်ဝါရီလ ၂၈ ရက်နေ့က KWAT မှ အစီရင်ခံစာဖြင့် ထုတ်ပြန်လိုက်ခြင်းဖြစ်သည်။
“တဖက်မှာတော့ ငြိမ်းချမ်းရေးပြောနေတယ်။ ဒါပေမဲ့ တစ်ဖက်မှာတော့ အစိုးရတပ်တွေ ဆုတ်သွားတာတွေ မလုပ်ဘူး။ ခုတလော သူတို့သိမ်းပိုက်ထားတဲ့ KIA နေရာတွေမှာ လက်နက်တွေ၊ လူအင်အားတွေ၊ ရိက္ခာတွေ ပိုပြီးတောင် ခိုင်မာအောင် အင်အားတိုးချနေတာတွေရှိတယ်။ အဲဒါကိုကြည့်ရင်တော့ ဘယ်အချိန်မဆို တိုက်ပွဲကြီး သူတို့ဖက်ကနေ ပြန်လုပ်လာမယ်ဆိုတဲ့ အစီအစဉ်ကို ရှင်းရှင်းပဲ မြင်နေရတယ်။ ပြည်သူတွေအတွက် အရမ်းစိုးရိမ်ရတဲ့ အခြေအနေရှိတယ်။ အဲလို ဆက်ဖြစ်နေရင်တော့ မြန်မာနိုင်ငံမှာ ငြိမ်းချမ်းရေးဆိုပြီး ခေါင်းစဉ်တပ်ပြီး ပြောနေတာတွေက အလကား လိမ်ညာတာတွေပဲ အာမခံချက်ပေးတဲ့ ငြိမ်းချမ်းရေးဆိုတာက မျှော်လင့်စရာမရှိဘူးဆိုတဲ့ အခြေအနေတွေကို နိုင်ငံတကာ သိအောင် ထုတ်လိုက်တာဖြစ်တယ်။” ဟု ထိုင်းအခြေစိုက် ကချင်အမျိုးသမီးအဖွဲ့ (KWAT) မှ ပြောရဲဆိုခွင့်ရှိသူ ဒေါ်မွန်းနေလီပြောသည်။
ထိုသို့ အစီရင်ခံစာထုတ်လိုက်ခြင်းကြောင့် နိုင်ငံတကာမှ သိမြင်လာခြင်းအားဖြင့် လက်ရှိ တိုင်းရင်းသားနယ်မြေတွင် ဖြစ်ပွားနေသော ပဋိပက္ခပြဿနာများနှင့် ဒုက္ခသည် အခြအနေများကို နိုင်ငံတကာမှ ဖိအားပေး လုပ်ဆောင်နိုင်မည်ဟု မျှော်လင့်ကြောင်း ဆက်ဆိုသည်။
“ပြည်သူလူထုတွေကြံုနေသော အခက်အခဲတွေကို ကျမတို့ နိုင်ငံတကာကို ပြောပြလိုက်ရခြင်းအားဖြင့် နိုင်ငံတကာကလည်း သိလာ ကြားလာခြင်းကြောင့် ငြိမ်းချမ်းရေးတည်ဆောက်တဲ့ အထဲမှာ ဒီအကြောင်းအရာတွေက မမှန်ဘူးဆိုတာတွေကို သူတို့ကောင်းကောင်း ဖိအားပေးသွားဖို့အတွက်လည်း မျှော်လင့်တယ်။ လူ့အခွင့်အရေးချိုးဖောက်တာတွေကိုလည်း သက်ဆိုင်ရာ နိုင်ငံတကာကနေပြီး လာရောက်လေ့လာပေးသွားတာမျိုးဖြစ်လာမယ်လို့ မျှော်လင့်တယ်လေနော်။”
ထိုင်းအခြေစိုက် ကချင်အမျိုးသမီးအဖွဲ့ (KWAT) မှ ကချင်ပြည်နယ်အတွင်း တိုက်ပွဲအခြေအနေများနှင့် ဒုက္ခသည်ပြည်သူလူထုအခြေအနေများနှင့် ပတ်သက်၍ အစီရင်ခံစာ ၄ ကြိမ်ရှိပြီဖြစ်ပြီး ၄င်းတို့ထုတ်ပြန်ချက်အပေါ် နိုင်ငံတကာဖက်က တုံ့ပြန်မှုတွေ ရှိကြောင်း ဒေါ်မွန်းနေလီပြောသည်။
“ပြီးခဲ့တဲ့ အချိန်တွေမှာ တခြားနိုင်ငံတကာကနေလည်း ပြည်တွင်းကလူတွေမဆို ကချင်ပြည်နယ်မှာ ဖြစ်တဲ့အကြောင်းအရာတွေကို ကောင်းကောင်းမသိဘူး။ အပေါ်ယံကြားတာလောက်ပဲသိတယ်။ ကျမတို့ အခုလို ထုတ်လိုက်တော့ နိုင်ငံတကာကလည်း သိလာတယ်။ သိလာတော့ သူတို့ ဘယ်လိုလုပ်သွားမယ်ဆိုပြီး အစိုးရကို ဖိအားပေးလာတာတွေရှိတယ်။ အစိုးရကလည်း ကချင်ပြည်နယ်မှာ အရင်ကလို သူတို့လုပ်ချင်သလို မြန်မြန်ဆန်ဆန် မလုပ်နိုင်တော့တာတွေတွေ့ရတယ်။ နိုင်ငံတကာကလည်း ကျမတို့ကို ဆက်သွယ်လာပြီး ကချင်ပြည်နယ်မှာ ဖြစ်နေတဲ့ နောက်ဆုံးအခြေအနေတွေကို ပုံမှန်သူတို့ဆီ ပို့ပေးလာဖို့တောင်းဆိုတာတွေ လုပ်လာတာတွေရှိတယ်။ အဲလိုမျိုး အကျိုးခံစားတာတွေရှိတယ်။”
ထိုင်းအခြေစိုက် ကချင်အမျိုးသမီးအဖွဲ့ (KWAT) အနေဖြင့် မြန်မာနိုင်ငံ မတည်ငြိမ်နိုင်သေးတရွေ့ နိုင်ငံတွင်းရှိ ပြည်သူလူထုအပေါ် လူ့အခွင့်အရေးချိုးဖောက်မှုများရင်ဆိုင်နေရသရွေ့ နိုင်ငံတကာသိအောင် ဖော်ထုတ်သွားရန် အစီအစဉ်ရှိကြောင်း သိရသည်။
အစိုးရထိုးစစ်များကြောင့် တိုက်ပွဲဖြစ်ပွားချိန်မှ ယခုချိန်ထိ အမျိုးသမီးများ ၆၀ ခန့်သည် အစိုးရစစ်သားများ၏ အဓမ္မပြုကျင့်မှုနှင့် အကြမ်းဖက်သတ်ဖြတ်မှုခံခဲ့ရပြီး ထိုအထဲမှ တဝက်ကျော်မှာ သတ်ဖြတ်မှုခံခဲ့ရသူများဖြစ်ကြောင်း သိရသည်။
နိုင်ငံရေးဖြစ်ထွန်းမှုအောက်တွင် ယာယီ အပစ်အခတ်ရပ်စဲရေး သဘောတူ လက်မှတ်ရေးထိုးမှုများ ပြုလုပ်နေသည်နှင့် တပြိုင်နက်တည်းတွင် စစ်လက်နက်အင်အားများ တိုးချဲ့နေခြင်း၊ စစ်စခန်းများ အခိုင်အမာတည်ဆောက်နေခြင်း စသည်တို့က တနိုင်ငံလုံးအတိုင်းအတာဆောင်သည့် အပစ်အခတ်ရပ်စဲရေးအဆင့်သို့ တက်လှမ်းနိုင်ရေးအတွက် အတားအဆီးများဖြစ်နေသည်ကိုတွေ့ရှိရပြီး ငြိမ်းချမ်းရေးကိုဦးတည်သည့် အနှစ်သာရ ပြည့်ဝသော နိုင်ငံရေးဆွေးနွေးပွဲများ စတင်နိုင်မည့် အလားအလာကောင်းများလည်း လွန်စွာလိုအပ်လျှက်ရှိနေသည်ဟု အမျိုးသမီးများအဖွဲ့ချုပ် (မြန်မာနိုင်ငံ) သတ္တမအကြိမ်ညီလာခံ ထုတ်ပြန်ကြေငြာချက်တွင်ပါရှိသည်။
တိုင်းရင်းသားဒေသများတွင် ဖြစ်ပွားလျက်ရှိနေသော ပြင်းထန်သည့် စစ်ပွဲများ၊ လျင်မြန်စွာ အကောင် အထည်ဖော်လျက် ရှိသော  ဖွံ့ဖြိုးရေး စီမံကိန်းများ၊ မူးယစ်ဆေးဝါးစိုက်ပျိုးထုတ်လုပ်ဖြန့်ချိသုံးစွဲမှုများ၊ အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများအပါအဝင် လူသားဖြစ်မှုကို ဆန့်ကျင်သည့် စစ်ရာဇဝတ်မှုများ ကာလကြာရှည်စွာဖြစ်ပွားခဲ့မှုများ၏ နောက်ဆက်တွဲပြဿနာများနှင့် ဆက်လက် ချိုးဖောက်ခွင့်ပြုနေမှုများကြောင့် လူထုအခြေအနေသည် ဆိုးဝါးနေဆဲဖြစ်သည်ဟု သုံးသပ်ထားသည်။

http://kachinnews.com/burmese/news/1035-%E1%80%A1%E1%80%85%E1%80%AD%E1%80%AF%E1%80%B8%E1%80%9B%E1%80%90%E1%80%95%E1%80%B9%E1%80%99%E1%80%BA%E1%80%AC%E1%80%B8-%E1%80%80%E1%80%81%E1%80%BA%E1%80%84%E1%80%B9%E1%80%91%E1%80%AD%E1%80%AF%E1%80%B8%E1%80%85%E1%80%85%E1%80%B9-%E1%80%86%E1%80%80%E1%80%B9%E1%80%9C%E1%80%80%E1%80%B9-%E1%80%86%E1%80%84%E1%80%B9%E1%80%B1%E1%80%94%E1%80%BB%E1%80%81%E1%80%84%E1%80%B9%E1%80%B8%E1%80%A1%E1%80%B1%E1%80%95%E1%81%9A-%E1%82%8F%E1%80%AD%E1%80%AF%E1%80%84%E1%80%B9%E1%80%84%E1%80%B6%E1%80%90%E1%80%80%E1%80%AC-%E1%80%96%E1%80%AD%E1%80%A1%E1%80%AC%E1%80%B8%E1%80%B1%E1%80%95%E1%80%B8%E1%80%9B%E1%80%94%E1%80%B9-kwat-%E1%80%B1%E1%80%90%E1%80%AC%E1%80%84%E1%80%B9%E1%80%B8%E1%80%86%E1%80%AD%E1%80%AF.html

အပြည့်အစုံသို့... »

မြန်မာ့ငြိမ်းချမ်းရေး ပုံဖေါ်ခြင်း အစီရင်ခံစာ BNI အဖွဲ့ ထုတ်ပြန်

မြန်မာ့ငြိမ်းချမ်းရေးဖြစ်စဉ်ကို ပုံဖော်ခြင်း ဆိုတဲ့အမည် နဲ့ မြန်မာအစိုးရနဲ့ တိုင်းရင်းသား လက်နက်ကိုင် အဖွဲ့အစည်းအသီးသီးရဲ့ ငြိမ်းချမ်းရေး ဆောင်ရွက် မှုဖြစ်စဉ်နဲ့ အခြေအနေကို လေ့လာစောင့်ကြည့် မှတ်တမ်းတင်ထားတဲ့ အစီရင်ခံစာတစ်စောင်ကို ထိုင်းနိုင်ငံ၊ ချင်းမိုင်အခြေစိုက် တိုင်းရင်းသား သတင်းဌာနတွေ စုပေါင်းပါဝင်တဲ့ နိုင်ငံတကာ မြန်မာ့ သတင်း (BNI) အဖွဲ့ကြီးက ဒီကနေ့ ထုတ်ပြန်လိုက် ပါတယ်။

အစီရင်ခံစာနဲ့အတူ အင်တာနက်ဝက်ဘ်ဆိုက်တစ်ခု ထုတ်လွှင့်တဲ့ သတင်းစာရှင်းလင်းပွဲကို  ဒီကနေ့ နေ့လည် ၂ နာရီက ချင်းမိုင်မြို့ Belle Villa ဟော်တယ်မှာ ပြုလုပ်ခဲ့ပြီး မြန်မာ့ငြိမ်းချမ်းရေးဖြစ်စဉ်မှာ အားနည်းချက၊် အခက်အခဲနဲ့ ဘယ်အဆင့် ရောက်နေပြီဆိုတာတွေကို အဓိကထားတင်ပြထားပါတယ်လို့ အစီရင်ခံစာဖြစ်မြောက်ရေး ညှိနှိုင်းဆောင်ရွက်ရေးမှူးဖြစ်တဲ့ ဦးစိုင်းလိတ်က အခုလိုပြောပါတယ်။
“အားနည်းချက်တွေ တွေ့ရတာက နှစ်ဘက်စလုံးမှာ ယုံကြည်မှု အားနည်းနေသေးတယ်ဗျ၊ ဥပမာဆိုပါတော့ အစိုးရဘက်ကလည်းပြောတယ်၊ ကချင်ပြည်နယ်မှာ တိုက်ပွဲတွေ မရှိတော့ဘူး ရပ်ပြီပေါ့၊ သမ္မတကနေ အမိန့်ထုတ်တယ်၊ ကြေညာချက်တွေ ထုတ်တယ်၊ ဒါပေမယ့် တိုက်ပွဲတွေ ဆက်ဖြစ်နေတယ်၊ အဲဒီအခါကြတော့ နှစ်ဘက်က ရှေ့ဆက်သွားဖို့က နည်းနည်းလေး ခက်နေတယ်၊ ယုံကြည်မှု အားနည်းနေတာပေါ့၊ နှစ်ဘက်ကြားထဲမှာက အဲဒီအခါကြတော့ အဆင်မပြေဘူး ဖြစ်နေတယ်၊ နောက်တစ်ချက်ကတော့ တိုင်းရင်းသားဒေသတွေမှာပေါ့၊ သဘာဝအရင်းအမြစ်တွေက ရှိနေတယ်၊ သူတို့ကိုယ်တိုင်က သုံးခွင့်မရဘူး ဖြစ်နေတော့ ဒီအစိုးရက ဘာအစိုးရလဲ ငါတို့ကြတော့ ဘာမှသုံးလို့  မရဘူးဆိုတဲ့ ပုံစံမျိုးတွေ မြင်ပြီးတော့မှ အစိုးရအပေါ် ယုံကြည်မှုအားနည်းတော့ ရှေ့ဆက် အလုပ်လုပ်ဖို့ရာ ခက်နေတာပေါ့”
စာမျက်နှာ (၁၉၄) မျက်နှာရှိတဲ့ ဒီအစီရင်ခံစာကို အပိုင်း (၄) ပိုင်းခွဲတင်ပြထားပြီး ပထမပိုင်းမှာ ၂၀၁၂ ခုနှစ်အတွင်း အပစ်ရပ်လက်မှတ် ထိုးထားတဲ့အဖွဲ့တွေနဲ့ တိုက်ပွဲဖြစ်ပွားနေဆဲ အဖွဲ့အစည်းများအခြေအနေ၊ ဒုက္ခသည် အခြေအနေများကို တင်ပြထားပြီး ဒုတိယအပိုင်းမှာ တိုက်ပွဲတွေဖြစ်ပွားရတဲ့ အခြေခံအကြောင်းရင်းတွေကို တင်ပြထားပါတယ်။ တတိယအပိုင်းအနေနဲ့ အစိုးရနဲ့ အပစ်ရပ်လက်မှတ် ရေးထိုးတားတဲ့ လက်နက်ကိုင် တိုင်းရင်းသား အဖွဲ့အစည်းတွေ ဘယ်အဆင့် ရောက်နေပြီလဲဆိုတာနဲ့ သူတို့ရဲ့ အခက်အခဲတွေကို တင်ပြထားပါတယ်။
နောက်ဆုံးပိုင်းမှာတော့ တိုင်းရင်းသား အဖွဲ့အစည်းတွေ အစိုးရနဲ့ ထပ်မံတွေ့ဆုံဆွေးနွေးရာမှာ ထည့်သွင်းစဉ်းစားသင့်တဲ့ အချက်များဆိုပြီး ဖော်ပြပါရှိပါတယ်။
မြန်မာ့ငြိမ်းချမ်းရေးဖြစ်စဉ်မှာ အရေးတကြီး လိုအပ်နေတာတွေနဲ့ ပတ်သက်လို့ အစီရင်ခံစာရဲ့ အကြံပြုချက်အချို့ကိုလည်း ဦးစိုင်းလိတ်က
“အဓိက အရေးကြီးတဲ့အချက်ကတော့ ယုံကြည်မှု အားနည်းနေတဲ့ဟာကို အားကောင်းအောင် လုပ်ဖို့ပေါ့၊ နှစ်ဘက်ကြားထဲမှာ ယုံကြည်မှုအားနည်းနေတော့ ရှေ့ဆက်တက်ဖို့ရာ နည်းနည်းလေး ခက်နေတာပေါ့၊ ယုံကြည်မှု အားကောင်းလာအောင် လုပ်ဖို့ဆိုရင်လည်း ရှိသမျှစစ်ပွဲတွေကို အကုန်လုံးရပ်လိုက်မယ်၊ အစိုးရဘက်က လုံးဝစစ်ထိုးတာတွေ ဘာတွေမလုပ်တော့ဘဲနဲ့ ရပ်လိုက်ပြီးတော့မှ confidence building ပေါ့၊ ယုံကြည်မှုတည်ဆောက်တဲ့ ဟာတွေ ဆက်လုပ်မယ်ဆိုရင်တော့ ဆွေးနွေးပွဲတွေဟာ ပိုပြီးတော့ ဖြူးဖြူးဖြောင့်ဖြောင့် ဖြစ်လာမယ်ပေါ့”
ဒီကနေ့ သတင်းစာရှင်းလင်းပွဲမှာ ကရင်သတင်းစဉ်(KIC)က အယ်ဒီတာချုပ် ဒေါ်နန်းဖောဂေက ငြိမ်းချမ်းရေးဖြစ်စဉ်မှာ အမျိုးသမီးတွေပါဝင်မှု အခန်းကဏ္ဍနဲ့ ရှမ်းသံတော်ဆင့် သတင်းဌာနမှ အယ်ဒီတာချုပ် ဦးခွန်ဆိုင်းတို့က နောက်ဆုံးအခြေအနေတွေကို ရှင်းလင်းတင်ပြသွားတယ်လို့ သိရပါတယ်။

http://www.rfa.org/burmese/news/bni-report-02162013110131.html

အပြည့်အစုံသို့... »

အစိုးရသစ္နဲ႔ တိုင္းရင္းသားအင္အားစုမ်ားအၾကား အၾကပ္အတည္း

Dpns Cfg Report Sept 2011

အပြည့်အစုံသို့... »