ငြိမ်းချမ်းရေးနှင့် အောက်ခြေအစိုးရကိစ္စ သမ္မတနှင့် ကိုမင်းကိုနိုင် ဆွေးနွေးမည်

“အဓိက အပိုင်းကတော့ဗျာ ငြိမ်းချမ်းရေးဆိုတာ အဓိကပေါ့။ သမ္မတကြီးဆိုတာ အုပ်ချုပ်ရေးအာဏာမှာ အမြင့်ဆုံးပဲ။ အခုဟာက ဥပဒေတွေ ဘယ်လိုပဲပြဋ္ဌာန်းပြဋ္ဌာန်း၊ နည်းဥပဒေတွေနောက်က ဘယ်လောက်ပဲလိုက် လိုက်၊ အုပ်ချုပ်ရေးယန္တရားကြီးက ခေါက်ရိုးကျိုးနေတယ်ဗျ။ အတက်အဆင်း မပြုရင်
ဘာမှ မလုပ်ရဲဘူး။ ကိုယ့်ဟာကိုယ် တာဝန်ယူမှုဆိုတဲ့ responsibility မယူရဲကြဘူးဗျာ။ အဲဒီ ကိစ္စကတော့ အဓိက အသက်ဝင်ရ လိမ့်မယ်။ ခေတ်ပြောင်း၊ စနစ်ပြောင်း ပြီဆိုတာကို အပေါ်ကပြောင်း အောက်က မလိုက်နိုင်တဲ့ ပြဿနာက အဓိကပဲ။ ကျွန်တော်တို့ ပြည်သူတွေနေ့စဉ် ဆက်ဆံနေရတာက အောက်ခြေ၊ မြို့နယ်အဆင့်၊ ရပ်ကွက်အဆင့် အဲဒါသူ တို့သိတဲ့အစိုးရပဲ။ အဲဒီအောက်ခြေ အစိုးရနဲ့ ပြည်သူနဲ့ ကြားထဲမှာ ကွာဟလွန်းမက ကွာဟနေ တာလည်း ကြာပြီ။ အဲဒီအဟကြီး အဲဒီ အကွဲကြောင်းကြီးကို ရင်ကြား မစေ့နိုင်ရင် ထိပ်ဆုံးက ဖြစ်တဲ့ ပြည်ထောင်စုအစိုးရက ဘယ်လောက်ပဲ ကြွေးကြော် ကြွေးကြော်၊ ဘယ်လောက်ပဲကောင်းအောင် ရည် ရွယ်ချက်ရှိရှိပေါ့ အောင်မြင်ဖို့ကတော့ မလွယ်ဘူး၊ ပြည်သူတွေ ပူးပေါင်း ဆောင်ရွက်တဲ့ ပုံစံ လိုချင်ရင် အောက်ခြေအစိုးရ ဖြစ်တဲ့ ရပ်ကွက်တို့ မြို့ နယ်တို့၊ တိုင်းနဲ့ ပြည်နယ်တို့ တစ်ဆင့် ဆီ အနီးစပ်ဆုံး ပြည်သူနဲ့ အောက်ခြေ လူတန်းစားနဲ့ တွေ့နေရတဲ့ အောက်ခြေ အစိုးရအဖွဲ့တွေကို ထိထိရောက်ရောက် နိုင်ငံတော် သမ္မတအနေနဲ့ ရှင်းလင်း ပြတ်သားတဲ့ ကြေညာချက်မျိုးတွေ၊ ညွှန်ကြားချက်မျိုးတွေပေးဖို့ ကျွန်တော်တို့ အရင်ဆုံး ဆွေးနွေးချင်တယ်။”

၈၈မျိုးဆက် ကိုမင်းကိုနိုင်က နိုင်ငံတော် သမ္မတနှင့် တွေ့ဆုံတဲ့အခါ ဘာတွေကို အဓိကထား ဆွေးနွေးသွားမလဲဆိုတာ The Street View ဂျာနယ်ကို အခုလို ပြောပြခဲ့တာပါ။

၈၈ မျိုးဆက်ကျောင်းသားများအဖွဲ့နဲ့ ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့ခေါင်းဆောင် ဦးအောင်မင်း၊ ပြည်သူ့လွှတ်တော် ဥက္ကဌ သူရဦးရွှေမန်းနဲ့လည်း သီးခြားစီ တွေ့ဆုံခဲ့ပြီးပါပြီ။ တွေ့ဆုံခဲ့တာ အဆင်ပြေပေမယ့် ဆဲဗင်းဇူလိုင်မှာတော့ အခက်အခဲလေးတွ ရှိခဲ့တယ်လို့ ကိုမြအေးက ပြောဆိုခဲ့ပါတယ်။

မောက္ခပြည်တွင်းသတင်း
http://www.maukkha.org/index.php/news-menu/myanmar-educational-news-maukkha/2243-min-ko-naing-and-u-thein-sein

Posted in: သတင်း,အစိုးရ