Monday, October 08, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
တိုက်ပွဲများ ဖြစ်ပွားခြင်း မရှိတော့၍ ဖားကန့်မြို့ပေါ်ရှိ စစ်ပြေးဒုက္ခသည် ၈,ဝဝဝ ကျော်အနက် အချို့မှာ ပြန်သွားကြ
ခြင်း ဖြစ်သည်။
“ကျနော်တို့ နမ်းဖိတ်စခန်းက စစ်ပြေးဒုက္ခသည် အိမ်ထောင် လေး ငါးခုလောက် ပြန်သွားပြီး မှော်ဝမ်းကြီးကလည်း တချို့ပြန်တယ်။ အပြီးပြန်တာတော့ မဟုတ်ဘူး။ တကယ်လို့ တိုက်ပွဲ ပြန်ဖြစ်လာပြီဆိုရင် ပြန်လာနေဖို့ လက်မှတ်ထိုး ထားကြတယ်” ဟု ကက်သလစ်အသင်းတော်မှ တရားဟောဆရာ နော်ဂျာ က ပြောသည်။
အင်္ဂါနေ့တွင် မှော်မောင်းလယန်နှင့် ရှရော်ခ ကျေးရွာရှိ စာသင်ကျောင်းများ ပြန်လည် ဖွင့်လှစ်တော့မည်ဟု ဆိုသော် လည်း အခြေအနေမှာ မရေရောသေးကြောင်း “ဒီမှာက တည်ငြိမ်တာ မဟုတ်သေးဘူး။ ကျနော်တို့လည်း ဇဝေဇဝါ
ဖြစ်နေကြတယ်။ တချို့ ကချင်တွေက မပြန်ရဲဘူး။ ဇဝေဇဝါ ဖြစ်နေကြတယ်” ဟု ဆရာနော်ဂျာ က ပြောသည်။
တနင်္ဂနွေနေ့မှ စတင်၍ ဖားကန့်မြို့နယ် မြို့ဦးစေတီနှင့် ကျောက်လိုင်ဂူ ဘုန်ကြီးကျောင်းတွင် စစ်ပြေး ဒုက္ခသည်များ ကို လက်မခံတော့ကြောင်း ပြောဆိုလာသဖြင့် တချို့ စစ်ပြေး ဒုက္ခသည်များ နေရပ်ရင်းသို့ ပြန်သွားကြသော်လည်း တချို့မှာ မပြန်ရဲဘဲ ဖြစ်နေကြသေးသည်။
ဖားကန့်မြို့ပေါ် နှစ်ခြင်းအသင်းတော် ဘုရားကျောင်း၊ ကက်သလစ်အသင်းတော် ဘုရားကျောင်း၊ ဗုဒ္ဓဘာသာ ဘုန်းကြီးကျောင်း စသည့်တို့တွင် ဖွင့်လှစ်ထားသည့် ဒုက္ခသည်စခန်း ၃၉ ခု ရှိသည်။
သြဂုတ်လ ၁၉ ရက်နေ့မှစတင်၍ နှစ်ဖက်စစ်တပ်များ စတင်တင်းမာခဲ့၍ မှောမောင်းကုန်း၊ တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှောင်ဝမ်းကလေး၊ ရှရော်ခ၊ ဇွပ်ငိုင်၊ မျောက်ဖြူ၊ ရှရော်ခ၊
မှော်မောင်း လယန် စသည့် ကျေးရွာများ အပါအဝင် ၂ဝ ကျော်မှ ရွာသားများ အိုးအိမ်များ စွန့်ထား၍ မြို့ပေါ်သို့ တိမ်းရှောင်ခဲ့ခြင်း ဖြစ်သည်။
သို့သော် မြစ်ကြီးနား၊ ဝိုင်းမော်၊ ဗန်းမော်နှင့် တရုတ်နယ်စပ်တလျှောက် ထွက်ပြေး ခိုလှိုနေကြသော စစ်ပြေး ဒုက္ခသည်များမှာ နေရပ်ရင်းသို့ ပြန်နေနိုင်ခြင်း မရှိသေးပေ။
KIO နှင့် ပြည်ထောင်စု ငြိမ်းချမ်းရေးလုပ်ငန်းဖော်ဆောင်ရေး ကော်မတီ ကိုယ်စားလှယ်များ တွေ့ဆုံဆွေးနွေးမှုမှာ
နှစ်လကျော်ကြာ ရပ်ဆိုင်းနေသည်။ ပြီးခဲ့သည့် ဇွန်လ ဆန်းက နောက်ဆုံး တွေ့ဆုံခဲ့သော်လည်း ယနေ့ထိ ပြန်လည်
တွေ့ဆုံမည့် နေရာ ညှိနှိုင်း၍ မရသေးပေ။
http://www.mizzimaburmese.com/news/inside-burma/10224-2012-10-08-12-51-57.html
Posted in: ကချင်,ကချင်စစ်ပြေးဒုက္ခသည်,စစ်ပြေးဒုက္ခသည်,သတင်း
