Showing posts with label UWSA. Show all posts
Showing posts with label UWSA. Show all posts

April 30, 2013

တရုတ်ထံမှ တိုက်ခိုက်ရေး ရဟတ်ယာဉ် ရရှိသည်မှာ မဟုတ်ကြောင်း UWSA ငြင်းဆို

 ဖနိဒါ | အင်္ဂါနေ့၊ ဧပြီလ ၃၀ ရက် ၂၀၁၃ ခုနှစ် ၁၆ နာရီ ၅၆ မိနစ်

wa-controll-area-shanချင်းမိုင်(မဇ္စျိမ)။   ။ တရုတ်အစိုးရထံမှ ဝ ပြည် သွေးစည်းညီညွတ်ရေး တပ်မတော် UWSA သို့ လက်နက်တပ်ဆင် ထားသည့် တိုက်ခိုက်ရေး ရဟတ်ယာဉ်များ ပေးပို့ခဲ့သည်ဟူ၍ သတင်းထွက်ပေါ်လာမှုအား ဝ တပ်ဖွဲ့မှ ငြင်းဆိုလိုက် သည်။  wa-controll-area-shanIHS သတင်းအချက်အလက် ကုမ္ပဏီ၏ ကာကွယ်ရေးနှင့် လုံခြုံရေး ထောက်လှမ်းမှုနှင့် သုံးသက်မှု အင်တာနက် စာမျက်နှာ တွင် ရေးသားထားသည့် “မြန်မာ ခွဲထွက်ရေးသမားများထံ တရုတ်က လက်နက်တပ်ဆင်ထားသော ရဟတ်ယာဉ်များ ပေးပို့” ဆိုသည်ကို UWSA ပြောရေးဆိုခွင့်ရှိသူ ဦးအောင်မြင့် က ငြင်းဆိုလိုက်ခြင်း ဖြစ်သည်။  “မဟုတ်ပါဘူး။ ဟုတ်တယ်ဆိုရင်လည်း ဒီကိစ္စက ကြီးသွားမှာပေါ့။ ဒါ မဟုတ်တာ သေချာတဲ့ အကြောင်းပါပဲ။ ရဟတ်ယာဉ်တွေ တင်ပို့တယ်ဆိုရင် ဘယ်သူက မောင်းမှာလဲ။ သိလည်း မသိဘူး။ ဟုတ်လည်း မဟုတ်ဘူး။ အလကား လျှောက်ပြောနေတာပါ” ဟု မဇ္စျိမကို ပြောသည်။  တရုတ်နိုင်ငံက စစ်သုံး အလတ်စား သယ်ယူပို့ဆောင်ရေး ရဟတ်ယာဉ် Mil Mi-17 'Hip' အမြောက်အများကို ဖေဖော်ဝါရီလ နှောင်းပိုင်းနှင့် မတ်လဆန်းက ပေးပို့ခဲ့ပြီး ယင်းတို့တွင် ဝေဟင်မှ ဝေဟင်ပစ် TY-90 ဒုံးကျည် များတပ်ဆင်ထားသည်ဟုလည်း အစိုးရနှင့် တိုင်းရင်းသား သတင်းရင်းမြစ်များကို ကိုးကား၍ IHS က ရေးသားသည်။  အဆိုပါ မီ ၁၇ ရဟတ်ယာဉ် ၅ စင်းကို တရုတ်ပြည်မှ တိုက်ရိုက်ပေးပို့ခဲ့ခြင်း မဟုတ်ဘဲ လာအို နိုင်ငံမှ မဲခေါင်မြစ်ကို ဖြတ်သန်းကာ ပျံသန်းပေးပို့ခဲ့ခြင်းဖြစ်သည်ဟု တိုင်းရင်းသားလူနည်းစု စစ်သတင်းရပ်ကွက်အား ကိုးကား၍ ရေးသားထားသည်။  သို့သော် UWSA ကို တရုတ်နိုင်ငံက ရဟတ်ယာဉ်များ ပေးပို့သည်ဆိုသော သတင်းမှာ မဖြစ်နိုင်သေးကြောင်း တရုတ်နယ်စပ်မှ စစ်ရေးလေ့လာသူ ဦးအောင်ကျော်ဇော က ဆိုသည်။  “တရုတ်ဝယ်လည်း ရတယ်။ ဝယ်လည်း ရောင်းတာကိုး။ ကျနော်လည်း အခိုင်အမာ ပြောဖို့ စောသေးတယ်။ အခြေအနေ နည်းနည်း စောင့်ကြည့်မယ်။ နိုင်ငံခြား ပေါ်လစီနဲ့ဆိုင်တော့ ကျနော်တို့ အတည်ပြုပေးလို့ မရဘူး။ ဒီကိစ္စက။ လောလောဆယ်တော့ မဖြစ်သေးဘူး။ နောက်ပိုင်းတော့ ဖြစ်လာနိုင်တာကတော့ ရှိတယ်လို့ ထင်တယ်” ဟု မဇ္စျိမကို ပြောသည်။  သူက ဆက်ပြီး “ကျနော်အမြင်နဲ့တော့ မဟုတ်ဘူးဆိုတာလည်း မပြောနိုင်ဘူး။ ရေရှည်မှာ ဖြစ်နိုင်ခြေအလားအလာ ဖြစ်ဖို့ များတယ်။ ကျနော်တို့ ကိုယ်တိုင်လည်း အဲဒီလို သဘောမျိုးရှိတယ်။ အစိုးရက ပါးစပ်က ငြိမ်းချမ်းရေး ပြောပြီး တကယ်တော့ မငြိမ်းချမ်းတဲ့ သဘော ဖြစ်တာကိုး။ ကိုယ့်အနေနဲ့လည်း ပြင်ရမယ်။ ကိုယ့်ကိုကိုယ် ကာကွယ်ရမယ်” ဟု ပြောသည်။  ရှမ်းပြည်နယ် မြောက်ပိုင်း သံလွင်မြစ်၏ အနောက်ဘက်တလျှောက် အစိုးရ စစ်ကြောင်းများ လှုပ်ရှားမှုများလည်း ရှိနေကာ ရှမ်းပြည်မြောက်ပိုင်း တပ်ဖွဲ့အား လားရှိုး-တန့်ယန်း-မိုင်းရှူး ကားလမ်း လုံခြံုရေးအတွက် ၎င်းမြို့နယ် အတွင်းရှိ စခန်းကို အစိုးရတပ်မှ ဖယ်ရှားခိုင်းခြင်းမှာလည်း စဉ်းစားစရာ ဖြစ်နေသည်ဟု သူက ဆိုသည်။  အကယ်၍ တရုတ်ပြည်မှ Mil Mi-17 'Hip' များ UWSA ရရှိခဲ့ခြင်း မှန်ပါက မြန်မာ့တပ်မတော်က ရုရှမှ မကြာမီက ရရှိထားသော တိုက်ခိုက်ရေးရဟတ်ယာဉ် Mi-24P 'Hind' gunships များကို ထိရောက်စွာ ဟန့်တားနိုင်လိမ့်မည် ဖြစ်ကြောင်း IHS က ရေးသားထားသည်။ အဆိုပါ Mi-24P တိုက်ခိုက်ရေး ရဟတ်ယာဉ်များကို ကချင်လွတ်လပ်ရေးတပ်မတော် (KIA) နှင့် ဖြစ်ပွါးခဲ့သည့် စစ်ဆင်ရေးများတွင် အစိုးရတပ်မှ အသုံးပြုခဲ့သည်။  ၂၀၁၁ ခုနှစ်၊ စက်တင်ဘာလ ၆ ရက်နေ့က အစိုးရနှင့် အပစ်အခတ် ရပ်စဲထားသည့် UWSA သည် တိုင်းရင်းသား လက်နက်ကိုင် အဖွဲ့အစည်းထဲမှ စစ်အင်အား အကြီးမားဆုံး ဖြစ်ပြီး ရှမ်းပြည်နယ် အရှေ့မြောက်ပိုင်းနှင့် တရုတ်နယ်စပ်ဒေသများတွင် အခြေစိုက်သည်။  UWSA သည် ၁၉၈၉ ခုနှစ်တွင် ဗမာပြည် ကွန်မြူနစ်ပါတီ (ဗကပ)မှ ခွဲထွက်ခဲ့သည်။

http://www.mizzimaburmese.com/news/inside-burma/11462-2013-04-30-10-30-01.html

စစ်သုံး ရဟတ်ယာဉ်များ တရုတ်ထံမှ မရဟု “ဝ” ငြင်းဆို

Mi-17 အမျိုးအစား ရဟတ်ယာဉ်တွင် TY 90 ဝေဟင်မှ ဝေဟင်ပစ် ဒုံးကျဉ်လက်နက် တပ်ဆင်ထားစဉ် (ဓာတ်ပုံ – wiki.livedoor.jp)

လက်နက် တပ်ဆင်ထားသည့် တိုက်ခိုက်ရေး ရဟတ်ယာဉ်များ တရုတ်နိုင်ငံက ပေးပို့ခဲ့သည်ဆိုခြင်းကို “၀” ပြည် သွေးစည်းညီညွတ်ရေး အဖွဲ့ (UWSA) က အခြေအမြစ်မရှိသည့် သတင်းဖြစ်ကြောင်း ငြင်းဆိုလိုက်သည်။
တရုတ်နိုင်ငံက TY 90 ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားသည့် Mi-17 အမျိုးအစား အလတ်စား သယ်ယူပို့ဆောင်ရေး ရဟတ်ယာဉ်များကို ဖေဖော်ဝါရီလ ကုန်ပိုင်းနှင့် မတ်လဆန်းက UWSA အဖွဲ့သို့ လွှဲပြောင်းပေးခဲ့ကြောင်း တိုင်းရင်းသား လက်နက်ကိုင်အဖွဲ့တချို့နှင့် မြန်မာအစိုးရ သတင်းရင်းမြစ်တခုကို ကိုးကား၍  ကာကွယ်ရေးနှင့် လုံခြုံရေးဆိုင်ရာ Jane’s Intelligence Review က ဖော်ပြခဲ့သည်။
“မဟုတ်မမှန် လုပ်ကြံတဲ့ သတင်းတွေပဲလို့ ယူဆပါတယ်၊ ကျနော်တို့ကို ရဟတ်ယာဉ် ပေးတယ်တို့ ဘာတို့ ညာတို့။ ရဟတ်ယာဉ်ပေးတော့ ဘယ်သူက လာမောင်းမှာလဲ၊ ကျနော်တို့ဆီက ဘယ်သူက မောင်းတတ်မှာလဲ၊ ဘယ်အဖွဲ့အစည်းက သွားမောင်းမလဲ” ဟု UWSA အဖွဲ့မှ ပြောခွင့်ရပုဂ္ဂိုလ် ဦးအောင်မြင့်က ဧရာဝတီသို့ ပြောသည်။
Mi-17 အမျိုးအစား ရဟတ်ယာဉ်များသည် တရုတ်နိုင်ငံမှ တိုက်ရိုက်ရောက်ရှိလာခဲ့ခြင်း မဟုတ်ဘဲ လာအိုနိုင်ငံမှ တဆင့် မဲခေါင်မြစ်ကို ဖြတ်သန်းကာ UWSA ထိန်းချုပ်နယ်မြေသို့ ရောက်ခဲ့ကြောင်း၊ တရုတ်နိုင်ငံက ပေးပို့ လိုက်သော ရဟတ်ယာဉ်မှာ ၅ စီးဟု ဆိုသော်လည်း မြန်မာအစိုးရ သတင်းရင်းမြစ်တခု၏ အတည်ပြုချက် အရ UWSA ထိန်းချုပ်နယ်မြေသို့ ရောက်ရှိလာသည့် ရဟတ်ယာဉ်မှာ ၂ စီးသာဖြစ်ကြောင်း အဆိုပါ Jane’s Intelligence Review ၏ သတင်းတွင် ဖော်ပြထားသည်။
သို့သော် မြန်မာ့အရေး ကျွမ်းကျင်သူ ဂျာနယ်လစ် ဘာတေးလ် လစ်တနာကမူ Jane’s Intelligence Review ပါ သတင်းဖော်ပြချက်သည် မှန်ကန်နိုင်သည်ဟု ဧရာဝတီသို့ ပြောဆိုသည်။
မြန်မာစစ်တပ်၏ စစ်ရေးအမြင်အရ UWSA အဖွဲ့ကို ပစ်ခတ်နိုင်သည့် အနေအထားသို့ ရောက်နိုင်ရန်အတွက် ယခုအခါ ရှမ်းပြည်တပ်မတော် မြောက်ပိုင်း (SSA-N) အား ထိုးစစ်ဆင်နေခြင်း ဖြစ်ကြောင်း သူက ဆက်ပြောသည်။
ဦးအောင်မြင့်ကမူ ယခုအခါ ၎င်းတို့၏ UWSA အနေဖြင့် ဒေသတွင်း၌ ဖွ့ံဖြိုးရေးနှင့် တည်ဆောက်ရေး လုပ်ငန်းများကိုသာ လုပ်ဆောင်နေကြောင်း ပြောသည်။
“ကျနော်တို့ကတော့ ငြိမ်းချမ်းရေးကို ဆက်ပြီးတော့ ဆောင်ရွက်သွားဖို့ပဲလေ” ဟု သူက ဆိုသည်။
၂၀၁၁ ခုနှစ် စက်တင်ဘာလက မြန်မာအစိုးရနှင့် အပစ်အခတ် ရပ်စဲရေး သဘာတူညီမှု ပြန်လည် လုပ်ဆောင်ခဲ့သည့် UWSA အဖွဲ့သည် မြန်မာနိုင်ငံရှိ တိုင်းရင်းသား လက်နက်ကိုင်အဖွဲ့များထဲတွင် အင်အားအကြီးဆုံး အဖွဲ့တခုဖြစ်ပြီး ခန့်မှန်းခြေ စစ်သည်အင်အား ၂ သောင်းကျော်ရှိ၍ တရုတ်-မြန်မာ နယ်စပ် မြန်မာနိုင်ငံ မြောက်ပိုင်း၊ ရှမ်းပြည် အရှေ့မြောက်ဒေသ ပန်ဆိုင်းတွင် ဌာနချုပ်ထားရှိသည်။
လေ့လာသူများ အဆိုအရ UWSA အဖွဲ့သည် မူးယစ်ဆေးဝါး လုပ်ငန်းများနှင့် ဆက်နွှယ်မှုရှိခဲ့ပြီး မြန်မာနှင့် အိမ်နီးချင်း နိုင်ငံများတွင် စီးပွားရေးလုပ်ငန်း များစွာ ပိုင်ဆိုင်ကာ ငွေကြေးကြွယ်ဝသည်ဟု ဆိုကြသည်။
UWSA ကမူ မူးယစ်ဆေးဝါး တိုက်ဖျက်ရေး လုပ်ငန်းစဉ်များကို ထောက်ခံထားပြီး မူးယစ်ဆေး တိုက်ဖျက်ရေး လုပ်ငန်းများလည်း လုပ်ဆောင်နေသည်ဟု ဆိုသည်။
တရုတ်-မြန်မာနယ်စပ် အခြေစိုက် မြန်မာ့အရေး လေ့လာစောင့်ကြည့်သူ ဦးအောင်ကျော်ဇောကမူ အစိုးရ စစ်တပ်အနေဖြင့် SSA မြောက်ပိုင်း၏ တောင်ပေါ် အခြေစိုက် စခန်းများကို ရယူလိုနေသည်မှာ UWSA ကို တိုက်ခိုက်လိုသည့် လက္ခဏာဖြစ်ကြောင်း၊ အကယ်၍ UWSA အဖွဲ့အား အစိုးရစစ်တပ်က စစ်ဆင်ခဲ့လျှင် UWSA အနေဖြင့် မိမိကိုယ်ကိုယ် ကာကွယ်ရန် စစ်ရေးပြင်ဆင်မှုများ ရှိကောင်းရှိနိုင်မည် ဖြစ်ကြောင်း ဧရာဝတီသို့ ပြောသည်။
“ရှမ်း (မြောက်) SSA- N နဲ့ အစိုးရနဲ့ အပစ်အခတ် (ရပ်စဲရေး) ယူပြီးကတည်းက စစ်တပ်က သူတို့ ဘယ်တပ်မှ ရုပ်သိမ်း မသွားသေးတဲ့ အပြင် တပ်အင်အားပါ တိုးချဲ့ခဲ့တယ်။ ဒါဟာ ကောင်းတဲ့ လက္ခဏာ မဟုတ်ဘူး။ ဒီတော့ ၀ တပ်ဖွဲ့ဘက်ကလည်း ပြင်ဆင်မှုတွေ လုပ်ချင်တာပေါ့” ဟု သူက ဆိုသည်။
တရုတ်နိုင်ငံက UWSA အား တိုက်ခိုက်ရေး ရဟတ်ယာဉ်ပေးသည် ဆိုသည့်သတင်း ထွက်ပေါ်လာချိန်သည် SSA မြောက်ပိုင်းနှင့် မြန်မာစစ်တပ်တို့ တိုက်ပွဲများ ဖြစ်ပွားနေချိန်နှင့်လည်း တိုက်ဆိုင်နေသည်။
အဆိုပါကိစ္စနှင့် ပတ်သက်၍လည်း UWSA ပြောခွင့်ရ ဦးအောင်မြင့်က ယခုကဲ့သို့ အပစ်အခတ် ရပ်စဲရေး ပြောဆိုထားပြီးမှ တိုက်ပွဲများ ပြန်လည်ဖြစ်သည်မှာ မဖြစ်သင့်ကြောင်း ပြောသည်။
“ဒါကတော့ မကောင်းဘူးပေါ့ဗျာ။ ငြိမ်းချမ်းရေး ယူပြီးမှ ဒီလိုဖြစ်နေတာ ဒါ ဘယ်ဖြစ်သင့်မလဲ” ဟု သူက ဆိုသည်။
“၀” ခေါင်းဆောင်များနှင့် နီးစပ်သူလည်းဖြစ်သူ ဦးအောင်ကျော်ဇောက ရဟတ်ယာဉ်များ အပါအဝင် ၄င်းတို့၏ စစ်တပ်တွင် ပို၍ ခေတ်မီသည့် လက်နက်များ လိုအပ်ကြောင်းနှင့် “၀” ဒေသအား အားကောင်းစေလိုသည်ဟု  “၀” ခေါင်းဆောင်များက ၄င်းအား ပြောဆိုခဲ့ဖူးကြောင်း ပြောသည်။
ဗိုလ်ချုပ်မှူးကြီး မင်းအောင်လှိုင် ကာကွယ်ရေးဦးစီးချုပ် တာဝန်ယူပြီးနောက် ၂၀၁၂ အောက်တိုဘာလ အစောပိုင်းတွင် ပထမဆုံး အကြိမ်အဖြစ် “၀” ပြည် သွေးစည်ညီညွတ်ရေး အဖွဲ့ (UWSA) ဒု ဥက္ကဋ္ဌ ရှောက်မီလျံနှင့် ရှမ်းပြည် အရှေ့ပိုင်း ကျိုင်းတုံ အခြေစိုက် တြိဂံတိုင်း စစ်ဌာနချုပ်တွင် တွေ့ဆုံဆွေးနွေးခဲ့သည်။ ဗိုလ်ချုပ်မှူးကြီး မင်းအောင်လှိုင်သည် ကြိဂံတိုင်း စစ်ဌာနချုပ်တွင် တိုင်းမှူးအဖြစ် ယခင်က တာဝန်ယူခဲ့ဖူးသည်။
ထိုစဉ်က တွေ့ဆုံမှုသည် အစိုးရစစ်တပ်နှင့် ကချင်လွတ်လပ်ရေး တပ်ဖွဲ့ (KIA) တို့အကြား တိုက်ပွဲများ ဖြစ်ပွားချိန်နှင့်လည်း တိုက်ဆိုင်နေခဲ့ပြီး ကချင်နှင့် တိုက်ပွဲများအပြီး UWSA နှင့်လည်း တိုက်ပွဲများ ဖြစ်လာနိုင်သည်ဟု ထိုစဉ်က သတင်းများထွက် ပေါ်ခဲ့သေးသည်။
အစိုးရတပ်က ထိုးစစ်ဆင်နိုင်ခြေ ရှိမရှိနှင့် ပတ်သက်၍ ဦးအောင်မြင့်က “ကျနော်တို့ ပြောသံလေးတော့ ကြားတယ်။ ဒါကတော့ အခြေအနေဆိုတာ အပြတ်လည်းပြောလို့ မရဘူးလေ။ ဒါပေမယ့် ဒီကိစ္စက ဒီလို ဖြစ်မယ်၊ မဖြစ်ဘူး၊ ဒါ ဘယ်သူမှ ဒီလိုပါဆိုပြီး ပြောလို့ ရတာမှ မဟုတ်ပဲ” ဟု သူက ဆိုသည်။
UWSA သို့ စစ်လက်နက်များ ရောင်းချပေးသည်ဟူသော စွပ်စွဲချက်များ မဟုတ်မှန်ကြောင်း မြန်မာနိုင်ငံဆိုင်ရာ တရုတ် သံရုံးက ယခုနှစ် ဇန်နဝါရီ လကုန်ပိုင်းက ငြင်းဆိုခဲ့သေးသည်။ ၂၀၁၂ ခုနှစ် နှစ်လည်ပိုင်းက တရုတ်လုပ် PTL02 ဘီးတပ် တင့်ကားများ UWSA က ရရှိခဲ့ကြောင်း Jane’s Intelligence Review ၏ သတင်းရေးသားချက်ကို တရုတ်သံရုံး က ငြင်းဆိုခဲ့ခြင်း ဖြစ်သည်။

http://burma.irrawaddy.org/archives/38563

"ဝ"တပ်ကို တရုတ်အစိုးရက တိုက်ခိုက်ရေး ရဟတ်ယာဉ်တွေ ပေးပို့ကူညီ

"ဝ"ပြည်သွေးစည်းညီညွတ်ရေးတပ်မတော် UWSA ကို တရုတ်နိုင်ငံက တိုက်ခိုက်ရေး ရဟတ်ယာဉ်တွေ ပေးပို့ခဲ့တယ်လို့ နာမည်ကျော် Jane’s  Defence Weekly အပတ်စဉ်ထုတ် ကာကွယ်ရေး စာစောင်က ဧပြီလ ၂၉ ရက်နေ့မှာ ထုတ်ဖော်ရေးသားလိုက်ပါတယ်။

TY-90 အမျိုးအစား ဝေဟင်က ဝေဟင်ပစ် ဒုံးကျည်လက်နက်တွေ တတ်ဆင်ထားတဲ့ Mi-17 အလတ်စား ရဟတ်ယာဉ် တွေကို ဖေဖော်ဝါရီ လကုန်ပိုင်း နဲ့ မတ်လဆန်းမှာ ပေးပို့ခဲ့ကြောင်း မြန်မာအစိုးရနဲ့ တိုင်းရင်းသားအဖွဲ့တွေရဲ့ သတင်းရပ်ကွက်တွေကို ကိုးကားပြီး Jane’s  Defence Weekly စာစောင်က ရေးသားထားပါတယ်။
အဲဒီ Mi-17 ရဟတ်ယဉ်တွေကို ရုရှားနိုင်ငံမှာထုတ်လုပ်ပြီး ကမ္ဘာအနှ့ံ ရောင်းချရာမှာ များမကြာမှီကတင် တောင်တန်းဒေသတွေမှာပျံသန်းဖို့အတွက် အထူးမွမ်းမံထားတဲ့ အင်ဂျင်မျိုးအစားတွေထည့်သွင်း တပ်ဆင်ပြီး တရုပ်နဲ့ ဗင်နီဇွဲလားနိုင်ငံတွေကို ရောင်းချခဲ့ကြောင်းသိရပါတယ်။ TY-90 အမျိုးအစားဒုံးကျည်တွေကတော့ တရုတ်နိုင်ငံထုတ်လက်နက် ဖြစ်ပါတယ်။
တရုတ်-မြန်မာနယ်စပ်ရှိ စစ်ရေးလေ့လာသူဦးအောင်ကျော်ဇောကတော့ တိုင်းရင်းသားတပ်ဖွဲ့တွေကို တခြားတိုင်းပြည်တွေကလည်း ဒီရဟတ်ယာဉ်တွေ ရောင်းချနို်င်ဖွယ်ရှိတယ်လို့ RFA ကို ပြောပါတယ်။
"တရုတ်ပြည်က လက်နက်ကိုင်အဖွဲ့အစည်းတွေကို ဒီလောက်ကြီးတဲ့ လက်နက်တွေကို မြန်မာပြည်နဲ့ ဆက်ဆံရေး ဒီလိုအခြေအနေမှာရောင်းမယ်လို့ မထင်ဘူး။ပေးမယ်လို့ မထင်ဘူး။ဒါပေမယ့် တစ်ခြားနိုင်ငံကနေ ဝယ်ယူနိုင်တဲ့ အနေအထားတွေ အများကြီး ရှိနိုင်တယ်။ကမ္ဘောဒီးယားနဲ့လာအိုတို့မှာလည်း ရှိတော့ မရောင်းသည့်တိုင် မပြောနိုင်ဘူး။"
အင်တာနက်ဝက်ဆိုဒ်တခုမှာ အဲဒီ ရုရှားနိုင်ငံလုပ် Mi-17 ရဟတ်ယဉ်တွေကို ဝယ်ယူတဲ့ အာရှနိုင်ငံတွေထဲမှာ တရုပ်နိုင်ငံအပြင် ကမ္ဘောဒီးယားနဲ့ လာအိုနိုင်ငံတွေလည်း ပါဝင်နေတာကို တွေ့ရပါတယ်။
Jane’s  Defence Weekly စာစောင်က သတင်းမှာတော့ အဲဒီ Mi-17 ရဟတ်ယာဉ် ၅ စင်းကို တရုပ်နိုင်ငံကနေ "ဝ"ဒေသကိုတိုက်ရိုက်ပေးပို့တာမဟုတ်ပဲ လာအိုနိုင်ငံကနေတဆင့် မဲခေါင်မြစ်ကို ဖြတ်ကျော်ပျံသန်းပြီး"ဝ"တပ်ဖွဲ့တွေထံ ရောက်ရှိသွားကြတာ ဖြစ်ကြောင်း တိုင်းရင်းသားအဖွဲ့တစ်ခုထံက ကြားသိရတယ်လို့ ဖေါ်ပြထားပါတယ်။
မြန်မာအစိုးရ သတင်းရပ်ကွက်ကတော့" ဝ"တပ်ဖွဲ့တွေထံကို အခုအချိန်ထိ အဲဒီ ရဟတ်ယာဉ် ၂ စင်းပဲ ရောက်ရှိသေးတယ်လို့ဆိုပါတယ်။
"ဝ"တပ်ဖွဲ့တွေကို အခု တရုတ်နိုင်ငံကပေးပို့လိုက်တဲ့ Mi-17 ရဟတ်ယဉ်တွေမှာတပ်ဆင်ထားတဲ့ TY-90 အမျိုးအစား ဒုံးကျည်တွေဟာ မြန်မာအစိုးရ လက်ဝယ်ရှိ ရုရှားနိုင်ငံလုပ် Mi-24 အမျိုးအစားတိုက်ခိုက်ရေး ရဟတ်ယာဉ်တွေကို ပစ်ချနိုင်စွမ်းရှိုတယ်လို့ ဆိုပါတယ်။ အဲဒီ Mi-24 တိုက်ခိုက်ရေး ရဟတ်ယဉ်တွေကို မကြာသေးခင်ကဖြစ်ပွားခဲ့တဲ့ ကချင်ပြည်နယ် စစ်ပွဲမှာ မြန်မာလေတပ် ကသုံးစွဲခဲ့ပါတယ်။
Jane’s ထောက်လှမ်းရေးစာစောင်ရဲ့ ဖော်ထုတ်ရေးသားချက်နဲ့ ပတ်သက်လို့ တရုတ်-မြန်မာနယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောကို RFA အဖွဲ့သား ကိုနေရိန်ကျော် ဆက်သွယ်မေးမြန်းထားတာ နားဆင်နိုင်ပါတယ်။

ဝ တပ်ဖွဲ့တွေ ရဟတ်ယာဉ် ၅ စင်း ရရှိ

 

UWSA ဝ ပြည် သွေးစည်း ညီညွတ်ရေး အဖွဲ့ ဟာ MI 17 ရဟတ်ယာဉ် ၅ စင်းကို တရုတ် နိုင်ငံ ကနေ ရရှိ ခဲ့တယ်လို့ ကာကွယ်ရေး နဲ့ စစ်ရေး သတင်းတွေ ထုတ်ပြန်တဲ့ Jane's Defence Weekly စာစောင်မှာ ရေးသား ဖေါ်ပြထား ပါတယ်။
တိုင်းရင်းသား လက်နက်ကိုင် အဖွဲ့ နဲ့ မြန်မာ အစိုးရ ဘက်က သတင်း ရပ်ကွက်ကို ကိုးကားပြီး အဲဒီ စာစောင်မှာ ရေးသား ဖော်ပြထားတာ ဖြစ်ပါတယ်။
ရဟတ်ယာဉ်တွေ ကတော့ သယ်ယူ ပို့ဆောင်ရေး အမျိုး အစား ဖြစ်ပြီး၊ ဝေဟင်မှ ဝေဟင်ပစ် မစ်ဇိုင်းဒုံး တွေလည်း တပ်ဆင် ထားပါတယ်။
ဒီယာဉ်တွေ ဟာ စစ်ပွဲ တွေမှာ သုံးလို့ ရတဲ့ ရဟတ်ယာဉ်တွေ ဖြစ်နိုင် တယ်လို့ တရုတ် မြန်မာ နယ်စပ်က စစ်ရေး အကဲခတ် ဦးအောင်ကျော်ဇောက ပြောပါတယ်။
နောက်ပြီး မကြာသေးခင်က အစိုးရရဲ့ တိုက်ခိုက်မှု တွေဟာ တခြား လူမျိုးစု လက်နက်ကိုင် တွေနဲ့ UWSA ကို ခွဲခြားဖို့ ရည်ရွယ် လုပ်ဆောင် တာ ဖြစ်နိုင် ကြောင်း ကိုလည်း ဦးအောင်ကျော်ဇောက သုံးသပ်ပါတယ်။

 http://www.bbc.co.uk/burmese/burma/2013/04/130430_uwsa_mi17.shtml

April 21, 2013

ရှမ်းပြည်နယ် တန့်ယန်း ဒုက္ခသည်စခန်း ရိက္ခာ အခက်ကြုံ

ssa-hq-b305
ထိုင်း-မြန်မာနယ်စပ်အနီး SSA နှင့် UWSA တပ်များ စခန်းချလှုပ်ရှားရာ နေရာတဝိုက်တွင် စောင့်ကြပ်နေသော SSA တပ်သားတစ်ဦးကို တွေ့ရပုံ။
RFA 
 
ရှမ်းပြည်နယ် အရှေ့မြောက်ပိုင်းဒေသမှာ အစိုးရတပ်နဲ့ SSA မြောက်ပိုင်းတပ်ဖွဲ့တွေအကြား စစ်ရေးတင်းမာနေ တဲ့အတွက် တန့်ယန်းမြို့၊ အောင်မင်္ဂလာကျောင်းတိုက် မှာဖွင့်ထားတဲ့ ယာယီဒုက္ခသည်စခန်းကို ဒုက္ခသည်တွေ နေ့စဉ်ရက်ဆက် ခိုလှုံလာတာကြောင့် စားနပ်ရိက္ခာအခက်အခဲနဲ့ စတင်တွေ့ကြံုနေရပြီလို့ သိရပါတယ်။
ပြီးခဲ့တဲ့ မတ်လကုန်လောက်ကတည်းက စတင်ဖြစ်ပွားခဲ့တဲ့ တိုက်ပွဲငယ်တွေကြောင့် အဲဒီဒုက္ခသည်စခန်းမှာ ဒေသခံဒုက္ခသည်တွေ နေ့စဉ် လိုလို လာရောက်ခိုလှုံနေကြရာမှာ အခုဆိုရင် ဒုက္ခသည် ၅၀၀ နီးပါးအထိ တိုးမြင့်လာပြီဖြစ်ပါတယ်။
ဒုက္ခသည်တွေအတွက် စားနပ်ရိက္ခာ သီတင်းတစ်ပတ်စာသာ ကျန်ရှိတော့တယ်လို့  ဒုက္ခသည်စခန်းက တာဝန်ရှိသူ ဦးစိုင်းလှရွှေက RFA ကို ပြောပါတယ်။
"စားနပ်ရိက္ခာက အခြေမနေမကောင်းတော့ နည်းနည်းလိုနေပြီ၊ ထပ်ရောက်တဲ့သူတွေကို ပေးဖို့မရှိတော့ဘူး၊ အိုးခွက်၊ ပန်းကန်တွေလည်းလိုတယ်"
အဲ့ဒီဒုက္ခသည်စခန်းကို World Food Program ကမ္ဘာ့စားနပ်ရိက္ခာအစီအစဉ်အဖွဲ့နဲ့ လူမှုရေးအဖွဲ့အစည်းတွေက စားနပ်ရိက္ခာတွေ အကူအညီပေးခဲ့ပေမယ့် အခုရက်ပိုင်းအတွင်း နောက်ထပ်ရောက်ရှိလာတဲ့ ဒုက္ခသည် ၁၀၀ နီးပါးအတွက် အစားအသောက်နဲ့ ခြံုစောင်တွေ လိုအပ်နေသေးတယ်လို့ဆိုပါတယ်။

ရှမ်းတပ်မတော်ထက် ဝသွေးစည်းတပ်ကို ပစ်မှတ်ထား

ssa_sspp_soldiers 
မြန်မာအစိုးရ နဲ့ တရားဝင် အပစ်အခတ် ရပ်စဲထားတဲ့ SSA/SSPP ရှမ်းပြည် တိုးတက်ရေး ပါတီ၊ ရှမ်းပြည် တပ်မတော် နဲ့ အစိုးရ တပ်တွေ ကြား တိုက်ပွဲတွေ ပြန်လည် ဖြစ်ပွားနေပြီး ဒေသခံ ၁၅၀၀ နီးပါးလည်း စစ်ပြေး ဒုက္ခသည် အနေနဲ့ ထွက်ပြေး တိမ်းရှောင် နေကြ ရပါတယ်။
အခုလို ရှမ်းပြည် မြောက်ပိုင်းမှာ တိုက်ပွဲတွေ ဆက်တိုက်လို ဖြစ်နေတဲ့ အနက် ဧပြီလ ၁၅ ရက်နဲ့ ၁၆ ရက်မှာ အပြင်းထန် ဆုံးဖြစ်ကြောင်း၊ ပြီးခဲ့တဲ့ မတ်လ လယ် ကတည်းက စတင် ဖြစ်ပွားကြောင်း သျှမ်းသံတော်ဆင့် သတင်းစဉ် ရဲ့ ဒေသခံ သတင်းထောက် စိုင်းမွန်း က ဘီဘီစီ ကိုပြောပါတယ်။
တိုက်ပွဲ ဖြစ်ရခြင်း အကြောင်းရင်းက တန့်ယန်း နဲ့ မိုင်းရှူး မြို့နယ် အကြားရှိ နယ်မြေ တွေ က ရှမ်းတပ်တွေ ရုပ်ပေးဖို့၊ မရုပ်ရင် အထက် အမိန့်အရ နယ်မြေ ထိန်းသိမ်း၊ စိုးမိုးဖို့ အတွက် တိုက်ပွဲ တွေ နဲ့ ထိတ်တိုက်ရင်ဆိုင်ရမယ့် အကြောင်း လားရှိုးတိုင်းမှူး က SSA/SSPP ကိုယ်စားလှယ် သုံးယောက် ကို ခေါ်ပြီး ပြောခဲ့ ကြောင်း စိုင်းမွန်းက ရှင်းပြပါတယ်။
SSA/SSPP ဘက်ကလည်း တပ်ဆုတ် ဖို့ နေရာ မရှိတော့ လို့ မရွှေ့နိုင်တော့ ကြောင်း၊ အဲဒီအတွက် အကြောင်း မကြားပဲ၊ နယ်မြေထဲ ဝင်လာရင်၊ ရင်ဆိုင် တိုက်ပွဲ ဖြစ် မှာပဲ လို့ ပြောခဲ့တာ က စလို့ တိုက်ပွဲတွေ ဖြစ်ခဲ့ပါတယ်။ တကယ် တော့ ရှမ်း ကို တိုက်ချင်တာထက်၊ ဝ ကိုတိုက် ဖို့ ရေရှည် စီမံကိန်း အရ တန့်ယန်း ဖက် တောင်ကြော တွေ ကို စစ်အင်အား ဖြည့်လိုပုံတွေ သျှမ်းသံတော်ဆင့် သတင်းစဉ် ရဲ့ ဒေသခံ သတင်းထောက် စိုင်းမွန်း က သုံးသပ် ပြပါတယ်။
လွယ်ခေး၊ လွယ်စေး၊ လွယ်လမ်း တောင်ကုန်းတွေ ကို အဓိက ထား ပြီးစစ်တပ် က ထိန်းချုပ်လိုခြင်း က သေနင်္ဂဗျူဟာ အရ လက်နက်ကြီးတွေ တောင်ကုန်းပေါ် တပ်ဆင်နိုင်ပြီး UWSA ဝ ပြည် သွေးစည်း ညီညွတ်ရေးတပ် ကို ပစ်ခတ် ထိန်းချုပ်နိုင်ပုံ၊ ဒီအခါ ကျရင်လည်း UWSA အနေနဲ့ မိမိ တပ် ကို ကာကွယ်တဲ့ အနေနဲ့ ပြင်ဆင်ရမယ့် အသွင်ဆောင် ကြောင်း UWSA နဲ့ နီးစပ်တဲ့ ဒေသခံ တယောက် က ဘီဘီစီ ကို ပြောပါတယ်။

http://www.bbc.co.uk/burmese/burma/2013/04/130421_ssa_sspp_uwsa.shtml

March 27, 2013

ကိုယ်ပိုင် ပြည်နယ်ရရှိရေး UWSA ဆက်ကြိုးပမ်းမည်

ရှမ်းပြည်နယ်အတွင်း အခြေစိုက်ထားသည့် “၀ပြည် သွေးစည်း ညီညွှတ်ရေး တပ်မတော်(UWSA) အနေဖြင့် ကိုယ်ပိုင် ပြည်နယ် ရရှိရေး ဆက်လက်ကြိုးပမ်းသွားမည် ဖြစ်ကြောင်း သိရသည်။

“ကျနော်တို့ ကိုယ်ပိုင် ၀ပြည်နယ် တောင်းဆိုနေတာ ၁၉၈၉-၉၀ ငြိမ်းချမ်းရေးယူ ကတည်းကပါ၊ ဒါပေမယ့် အစိုးရဘက်ကတော့ အခု ချိန်အထိ တုံ့ပြန်မှု မရှိသေးပါဘူး၊ ၂၀၀၈ ဖွဲ့စည်းပုံမှာတော့ ကိုယ်ပိုင်အုပ်ချုပ်ခွင့်ရတိုင်းလို့ ပါလာတယ်”ဟု UWSA ၏ ပြောခွင့် ရသူ ဦးအောင်မြင့် က ဧရာဝတီကို ပြောသည်။
၁၉၉၃ ခုနှစ်တွင် ကျင်းပခဲ့သော ညောင်နှစ်ပင် အမျိုးသား ညီလာခံသို့ တက်ရောက်ခဲ့သည့် “၀”ကိုယ်စားလှယ်က တင်ပြတောင်း ဆို ခဲ့ဖူးကြောင်း၊ ထို့အတူ အစိုးရနှင့် အပစ်အခတ်ရပ်စဲရေးသဘောတူ လက်မှတ်ရေးထိုးစဉ်ကလည်း တောင်းဆိုခဲ့ကြောင်း၊ ၀တိုင်း ရင်းသားများကိုယ်စားပြုမည့် “၀ပြည်နယ်”မရမချင်း ဆက်လက်တောင်းဆိုသွားမည်ဖြစ်ပြီး ထိုကိစ္စအပေါ် ရှမ်းတိုင်းရင်းသားများ အနေဖြင့်လည်း စိုးရိမ်စရာ မလိုအပ်ကြောင်း ၎င်းက ဆိုသည်။
ရှမ်းပြည်နယ် ပန်ဆိုင်း ဒေသ၌၂၀၁၀ ပြည့် မတ်လကကျင်းပသော စစ်အစိုးရနှင့် အပစ်အခတ်ရပ်စဲရေး ပြုလုပ်သည့် နှစ် ၂၀ မြောက် အခမ်းအနားတွင် UWSA တပ်ဖွဲ့ဝင်များ စစ်ရေးပြနေကြစဉ် (ဓာတ်ပုံ – Shanland)

“ခွဲထွက်ဖို့ မဟုတ်ပါဘူး၊ ကိုယ့်လူမျိုး၊ ကိုယ့်ဒေသတွေကို ပိုမို ဖွံ့ဖြိုးတိုးတက်အောင် လုပ်ချင်တာရယ်၊ နောက်တခုက “၀” ဆိုတာ ဟိုအရင်ကတည်းက သီးသန့်နေခဲ့တဲ့ သမိုင်းကြောင်းတွေ ရှိပါတယ်၊ ဒါကြောင့် ကိုယ်ပိုင် ပြည်နယ်တောင်းဆိုနေ တာ ပါ”ဟု UWSA ပြောခွင့်ရသူက ဆိုသည်။ ရှမ်းပြည်နယ်နှင့်တခြား ဒေသအသီးသီး၌ “၀” တိုင်းရင်းသား ဦးရေ ၁၀ သိန်း ၀န်းကျင်ရှိကြောင်း လည်း ၎င်း၏ အဆိုအရ သိရသည်။
ရှမ်းနှင့် ကယား တိုင်းရင်းသားများ စုပေါင်း၍ ငြိမ်းချမ်းရေးဆွေးနွေးပွဲ ညီလာခံ တခုကို ရှမ်းပြည်နယ် လားရှှိုးမြို့ ၌ မတ်လ ၂၀ မှ ၂၂ ရက်နေ့အထိ ကျင်းပခဲ့ရာတွင်လည်း “၀ပြည်နယ်”ထူထောင်ရန် တင်ပြတောင်းဆိုခဲ့ကြောင်း“၀”တိုင်းရင်းသားများ ကိုယ်စားပြု တက်ရောက်ခဲ့သည့် UWSA မှ ပြည်ပ ဆက်ဆံရေး ဒု ဌာနကြီးမှူး ဦးဆမ်ခွန်းက ဧရာဝတီ ကို ပြောသည်။ ရှမ်းပြည်နယ်မှ ခွဲထွက်၍ “၀”သီးသန့် ပြည်နယ် ထူထောင်မည့် ကိစ္စအား တချို့သော ရှမ်းတိုင်းရင်းသားများက လိုလားမှု မရှိဟု လည်း သိရသည်။
လားရှိုးညီလာခံသို့ တက်ရောက်မည့် အဖွဲ့အစည်း ကိုယ်စားပြု ကိုယ်စားလှယ်များအနေဖြင့် အခမ်းအနား၌ ပါ၀င်ဆွေးနွေး လိုပါက ထိုအဖွဲ့၏ အာဘော်သဘောထားကို စာတမ်း အဖြစ်တင်ပြ၍ ဆွေးနွေးရန် ဖိတ်ကြားထားကြောင်း၊ သို့သော် အ စည်း အဝေး တက်ရောက်ခဲ့သည့် “၀”တိုင်းရင်းသား ကိုယ်စားလှယ် အနေဖြင့် စာတမ်းဖြင့် ပါ၀င်ဆွေးနွေးခြင်းမဟုတ်ဘဲ အလွတ်သဘော ပြောဆိုသွားခြင်းသည်လည်း ဆွေးနွေးပွဲမူနှင့်ကိုက်ညီမှု မရှိကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD)၏ ပြောခွင့်ရသူ ဦးစိုင်းလိတ် က ဧရာဝတီ ကို ပြောသည်။
“၀”ကိုယ်စားလှယ် ပြောသွားတာကတော့ ပြည်ထောင်စုက ဘယ်တော့မှ မခွဲထွက်ဘူး၊ ဒါပေမယ့် ကိုယ်ပိုင် “၀”ပြည်နယ် တော့ လိုချင်တယ်လို့ ပြောတယ်၊ ပြည်သူတရပ်လုံးက သဘောတူရင်တော့ ကျနော်တို့ကလည်း ခွင့်ပြုရမှာပေါ့၊ နောက်တခု က ဒီကိစ္စဟာ ဖြစ်သင့် မဖြစ်သင့်ဆိုတာတော့ ပြည်ထောင်စုကြီး တခုလုံးက တိုင်းရင်းသား ခေါင်းဆောင်တွေက ၀ိုင်းဝန်း ဆွေးနွေး အဖြေရှာရမယ့် ကိစ္စပါ”ဟု ဦးစိုင်းလိတ် က ဆိုသည်။
ထိုကိစ္စသည် ပါတီတခု အဖွဲ့အစည်းတခု၏ ဆုံးဖြတ်ချက် သဘောထားအတိုင်း လုပ်ဆောင်၍ မရကြောင်း၊ ရှမ်းပြည်နယ် အတွင်း နေထိုင်ကြသည့် တိုင်းရင်းသားပြည်သူ တရပ်လုံး၏ ဆန္ဒသဘောထားကို ကောက်ခံ၍ ပြည်သူတို့၏ ဆန္ဒအတိုင်း ဆောင်ရွက်ရ မည်ဖြစ်ကြောင်း၊ ရှမ်းတိုင်းရင်းများအပါအဝင် တိုင်းရင်းသား အားလုံးသည်လည်း ကိုယ်ပိုင်ပြဌာန်းခွင့်၊ ကိုယ်ပိုင်အုပ်ချုပ်ခွင့် ရရှိရေး တောင်းဆိုနေကြခြင်းဖြစ်၍ “၀”တို့ ၏ တောင်းဆိုမှုကိုလည်း ကန့်ကွက်ရန် ဆန္ဒမရှိကြောင်း ၎င်းက ဆက် ပြောသည်။
“၀”ပြည်နယ် သီးသန့်ထူထောင်ရေး ကိစ္စသည် ကျယ်ပြန့်သည့် ကိစ္စတခုဖြစ်ကြောင်း၊ ထိုကိစ္စသည် တိုင်းရင်းသားများ၊ လွှတ် တော် အသီးသီးနှင့် အစိုးရ အဖွဲ့၊ ရှမ်းပြည်အတွင်း နေထိုင်ကြသည့် တိုင်းရင်းသားများ၊ လက်နက်ကိုင် အဖွဲ့များ၊ နိုင်ငံရေးပါတီများ အား လုံး ပါ၀င် ဆွေးနွေးပါက အဖြေတခု ရလာမည်ဟု မျှော်လင့် ကြောင်း ၂၀၁၀ ရွေးကောက်ပွဲ အနိုင်ရ ရှမ်း တိုင်းရင်းသားများ ဒီမိုကရက်တစ် ပါတီ(SNDP) ခေါ် ကျားဖြူ ပါတီ၏ ပြောခွင့်ရသူ ဦးစောသန်းမြင့် က ဧရာဝတီ ကို ပြောသည်။
“ကိုယ်ပိုင်အုပ်ချုပ်ခွင့်ရ တိုင်းကနေ ပြည်နယ်ရလိုတယ်လို့ တောင်းပိုင်ခွင့်ရှိတော့ ဘာမှကန့်ကွက်စရာ မရှိပါဘူး၊ ဒါပေမယ့် တခြား ကိုယ်ပိုင်အုပ်ချုပ်ခွင့်ရ ဒေသတွေကလည်းပဲ တိုင်းတွေ တောင်းဆိုလာကြမယ်၊ အဲဒီကတဆင့် ပြည်နယ်တွေ ရလိုတယ်လို့ တောင်း ဆို လာနိုင်ကြတာပေါ့”ဟု ၎င်းက ဆိုသည်။
၂၀၀၈ ဖွဲ့စည်းပုံ အခြေခံ ဥပဒေ၏ အခန်း ၂ တွင် “၀” ဒေသအား “၀” ကိုယ်ပိုင်အုပ်ချုပ်ခွင့်ရတိုင်း ဟု ဖော်ပြထားပြီး နာဂ၊ ဓနု၊ ပအို့ဝ်၊ ပလောင်၊ ကိုးကန့် စသည်တို့အား ကိုယ်ပိုင်အုပ်ချုပ်ခွင့်ရ ဒေသများအဖြစ် ဖော်ပြထားသည်။
“၀”ပြည်နယ်အဖြစ် သီးသန့်ခွင့်ပြုပေးလိုက်ပါက ရှမ်းပြည်နယ်၏ အရှေ့ခြမ်းတခုလုံး ပါ၀င် သွားနိုင်သည်ဟု ရှမ်းတိုင်းရင်း သား များက ပြောသည်။ “၀ပြည်နယ်”ဟု ထူထောင်မည်ဆိုပါက ဖွဲ့စည်းပုံ ဥပဒေကိုလည်း ပြင်ဆင်ရမည် ဖြစ်သည်။
တိုင်းဒေသဆိုသည်မှာ လူမျိုးတခုအား ကိုယ်စားမပြုဘဲ ထိုဒေသတွင်းနေထိုင်သည့် တိုင်းရင်းသား အားလုံးကို ကိုယ်စား ပြုပြီး ပြည်နယ်ဆိုသည်မှာ ထိုဒေသရှိ လူမျိုးတခုကို ကိုယ်စားပြုသည့် အသွင်ဆောင်သည်။ မြန်မာနိုင်ငံ ၌ ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းပြည်နယ် ဟူ၍ မိမိတို့ လူမျိုးများကို ကိုယ်စားပြုထားသည့် ပြည်နယ် ရ ခု ရှိသည်။
UWSA သည် အစိုးရနှင့်အပစ်အခတ်ရပ်စဲရေး သဘောတူညီမှု ရယူထားသော်လည်း နယ်ခြားစောင့်တပ် အသွင်ပြောင်း လဲခြင်း မရှိဘဲ ကိုယ်ပိုင်စစ်တပ်ဖြင့် သီးသန့်နေထိုင် လုပ်ပိုင်ခွင့်ကို ရရှိထား၍ အခွင့်ထူးခံ အဖွဲ့ အဖြစ် ဝေဖန်မှုများ ရှိနေပြီး တရုတ်အစိုးရ၏ ကျောထောက်နောက်ခံပြုထားမှုကြောင့် မြန်မာအစိုးရ အပေါ် အလေးထားမှု မရှိဟု နိုင်ငံရေး အကဲခတ်များက ဝေဖန်မှုများ ရှိနေ သည်။ အစိုးရနှင့်အပစ်အခတ် ရပ်စဲထားသည့် လက်ကိုင်အဖွဲ့များအနက် UWSA သည် အင်အား အကြီးဆုံး လက်နက်ကိုင် အဖွဲ့တခုလည်း ဖြစ်သည်။
ဦးအောင်မြင့် ကမူ“ကျနော်တို့က အခွင့်ထူးခံတပ် မဟုတ်ပါဘူး၊ နိုင်ငံရေးအရ ကိုယ့်နားလည်မှုနဲ့ကိုယ် နေ တာပါ၊ တရုတ် အစိုးရနဲ့တော့ ကုန်သွယ်ရေး၊ စီးပွားရေးတွေတော့ ပူးပေါင်းလုပ်ဆောင်တာ ရှိပါတယ်၊ ၀ ပြည်နယ် ရရေးအတွက်မှာလည်းပဲ တရုတ်အစိုးရ က တွန်းအားပေးနေတာ မရှိပါဘူး”ဟု ဆိုသည်။
“၀ပြည်နယ်”ဟု အစိုးရက တရားဝင် အသိအမှတ် မပြုထားသော်လည်း UWSA အနေဖြင့် ၎င်းတို့၏ ထုတ် ပြန်ချက်များ တွင် မူ “၀ပြည်နယ် အစိုးရ”ဟု ဖော်ပြလေ့ရှိသည်။
“ကျနော်တို့က ၁၉၉၃ ကတည်းက ဒီလိုပဲ သုံးနေတာပါ၊ ကျနော်တို့မှာ သီးသန့်ဖွဲ့စည်းပုံ ရှိတယ်၊ ၀ပြည်သူ့ အစိုးရ ဆိုတာလည်း ရှိပါတယ်၊ ပြည်ပ ဆက်ဆံရေးဌာနကြီးဆိုတာတွေ ရှိပါတယ်”ဟု UWSA ပြောခွင့် ရသူ ဦးအောင်မြင့်က ပြောဆိုသည်။

http://burma.irrawaddy.org/archives/36479

March 25, 2013

လက်နက်ကိုင် ဝ,အဖွဲ့က ကိုယ်ပိုင်အုပ်ချုပ်ခွင့်ရ ပြည်နယ် တောင်းဆို

ဝ,ပြည် သွေးစည်းညီညွတ်ရေး ပါတီ/တပ်မတော် (UWSP/UWSA)မှ ကိုယ်စားလှယ် တဦးက ဝ,ကိုယ်ပိုင် အုပ်ချုပ်ခွင့်ရ ပြည်နယ် တောင်းဆိုကြောင်း  Shan Herald Agency for News (SHAN) သတင်းတရပ်တွင်
ဖေါ်ပြထားသည်။

UWSA မှ ပြင်ပဆက်ဆံရေးဆိုင်ရာ လက်ထောက် ပြောရေးဆိုခွင့်ရှိသူ ရှောင်ဆမ်ကွန် (Xiao Samkun)က လားရှိုးမြို့တွင် တွေ့ဆုံဆွေးနွေးနေကြသည့် ရှမ်း-ကယား ယုံကြည်မှု တည်ဆောက်ရေး ကွန်ဖရင့်တွင် မတ်လ ၂၁ ရက်နေ့က ပြောကြားခြင်း ဖြစ်သည်။

မတ်လ ၂၀ ရက်နေ့မှ စတင်၍ သုံးရက်တာ ကျင်းပခဲ့သော အဆိုပါ ညီလာခံသို့ သမ္မတရုံးဝန်ကြီး ဦးအောင်မင်း တက်ရောက်ခဲ့ပြီး ရှမ်းနှင့် ကယားပြည်နယ်မှ ပါတီနှင့် အဖွဲ့ အစည်းပေါင်း ၂၂ ဖွဲ့ တက်ရောက်ရာ UWSA ၏ ရပ်တည်ချက် အနေအထားကို တရားဝင် ဆွေးနွေးခဲ့ကြခြင်း မရှိဟု Shan Herald က ဖေါ်ပြသည်။

တိုင်းရင်းသား အဖွဲ့များအနေဖြင့် ဘုံသဘောထားအမြင် ရှာဖွေရန်လိုအပ်သည်ဟု SHAN အယ်ဒီတာချုပ် က ဆိုသည်။

“ဝ,က ကိုယ်ပိုင်အုပ်ချုပ်ခွင့်ရ ပြည်နယ် တောင်းနေပါတယ်။ ဒါသူတို့အခွင့်အရေးပါ။ ဝ,ရဲ့ တောင်းဆိုမှုကို ဆန့်ကျင်မယ့်သူတွေလည်း ရှိပါတယ်။ သူတို့ (အခွင့်အရေး)ကိုလည်း ပိတ်ပင်လို့ မရပါဘူး” ဟု ဦးခွန်ဆိုင်း က ပြောသည်။

ထို့ပြင် ခွဲထွက်ခြင်းမပြုသည့် အဖြေတရပ်ရရန် ဆွေးနွေးသင့်သည်ဟုလည်း ၎င်းက ဆက်ပြောသည်။

ရှမ်း-ကယား ညီလာခံသို့ ရှမ်း၊ ကယန်း၊ ကရင်နီ၊ လားဟူ၊ ကိုးကန့်၊ ဝ၊ တအောင်း (ပလောင်)၊ ဓနု၊ အင်း စသည့် လူမျိုးများမှ နိုင်ငံရေးပါတီ ၁၀ ခု၊ လက်နက်ကိုင် အဖွဲ့အစည်း ၁၁ ဖွဲ့တို့မှ ကိုယ်စားလှယ်များနှင့် လေ့လာသူ လူမှုအဖွဲ့အစည်း ၂၂ ဖွဲ့ ပါဝင်ရာ စုစုပေါင်း ညီလာခံ တက်ရောက်သူ ၂၀၀ ခန့် ရှိသည်။ ဗြိတိန်၊ အမေရိကန်၊ အင်ဒိုနီးရှားနှင့် ဘရူနိုင်းနိုင်ငံ သံရုံးများမှ  သံတမန်များလည်း တက်ရောက်ခဲ့ကြသည်။

UWSA မှာ ၁၉၈၉ ခုနှစ်တွင် ဗမာပြည်ကွန်မြူနစ်ပါတီမှ ခွဲထွက်ခဲ့သည်။

၂ဝ၁၁ ခုနှစ်၊ စက်တင်ဘာလ ၆ ရက်နေ့တွင် အစိုးရနှင့် အပစ်အခတ်ရပ်စဲထားသည့် UWSA သည် စစ်သည်အင်အား သုံးသောင်းကျော်ရှိကာ ပန်ဆန်းမြို့တွင် ဌာနချုပ် ဖွင့်လှစ်ထားရှိသည့် အင်အားအကြီးဆုံးသော တိုင်းရင်းသား လက်နက်ကိုင်အဖွဲ့ ဖြစ်သည်။

၂ဝဝ၈ ဖွဲ့စည်းပုံအရ ဝ,ကိုယ်ပိုင်အုပ်ချုပ်ခွင့်ရ တိုင်းကို မြို့နယ် ၆ မြို့နယ်ဖြင့် ဖွဲ့စည်းထားပြီး ၂ဝ၁ဝ ခုနှစ် ရွေးကောက်ပွဲ တွင် နှစ်မြို့နယ်သာ ကျင်းပနိုင်ခဲ့သည်။

http://www.mizzimaburmese.com/news/inside-burma/11193-2013-03-25-13-01-33.html

March 13, 2013

SSA/SSPP နှင့် UWSA တို့ ဆက်သွယ်ရေး ပြတ်တောက်စေရန် အစိုးရတပ်က ကြိုးပမ်းခြင်းဖြစ်

အစိုးရတပ်က သျှမ်းပြည် (မြောက်ပိုင်း) တန့်ယန်း မြို့နယ် တောင်ဘက်ရှိ SSPP/ SSA  ၏ လွယ်လန်း တပ်စခန်းအား စစ်ရေးအရ တိုက်ခိုက်ခဲ့ခြင်းမှာ SSA နှင့် UWSA အကြား ဆက်သွယ်ရေး လမ်းကြောင်း ဖြတ်တောက်ရန် ရည်ရွယ်ခြင်း ဖြစ်ကြောင်း SSPP/SSA မှ ဗိုလ်မှူးကြီးစိုင်းထူးက ပြောဆိုလိုက်သည်။
KIO နှင့် အစိုးရ ငြိမ်းချမ်းရေးဆွေးနွေးပွဲမှ မီဒီယာများ၏ မေးမြန်းချက်ကို ဖြေကြား နေသော ဗိုလ်မှူးကြီးစိုင်းထူး
KIO နှင့် အစိုးရ ငြိမ်းချမ်းရေးဆွေးနွေးပွဲမှ မီဒီယာများ၏ မေးမြန်းချက်ကို ဖြေကြား နေသော ဗိုလ်မှူးကြီးစိုင်းထူး

တရုတ်နိုင်ငံ ရွှေလီမြို့၌ ပြုလုပ်သည့် KIO နှင့် အစိုးရ ငြိမ်းချမ်းရေးကိုယ်စားလှယ်များ တွေ့ဆုံ ဆွေးနွေးပွဲ သို့ တက်ရောက် လာသည့် SSA/SSPP ကိုယ်စားလှယ် ဗိုလ်မှူးကြီးစိုင်းထူးက မတ်လ ၁၂ ရက်နေ့က မီဒီယာ များ၏ မေးမြန်းချက်ကို ဖြေကြား ရာတွင် ထိုသို့ ပြောဆိုခြင်း ဖြစ်သည်။
“လွယ်လန်းစခန်းဆုတ်ခိုင်းတဲ့ အကြောင်းပြချက်ကတော့ ဘိန်းတိုက်ဖျက်ရေးပေါ့။ DEA နဲ့လာပြီးတော့ ရှိတဲ့နေရာက တပ်တွေဆုတ်ဖို့ ရဟတ်ယာဉ်ကွင်းကို ပြန်ပြီးတော့ လုပ်ဖို့ပေါ့လေ။ ကျနော်တို့ မဆုတ်နိုင်ဘူး။ အရင်ဆုတ်ပေးတဲ့ စခန်း တွေ လည်း ဆုတ်ပေးထားပြီ။ ကျနော်တို့ နေမြဲနေတဲ့နေရာ ဖြစ်တယ်။ ခင်ဗျားတို့ မလာပါနဲ့ လို့ ဆိုတာ ကိုလာတော့ တိုက်ပွဲ ဖြစ် တာပေါ့။ ကျနော်တို့နဲ့ '၀' နယ်က သံလွင်မြစ်ခြားထားတယ်။ ဒီနေရာက။ ကျနော်တို့နဲ့ '၀' ဆက်ဆံရေး လမ်းကြောင်းကို ပိတ် ဆို့တဲ့သဘောရှိမှာပေါ့” ဟု သူက ဆိုသည်။
အဆိုပါလွယ်လန်းစခန်းမှာ ၀ နယ်နှင့် SSA အဖွဲ့များအတွက် စစ်ရေးအရ အချက်အခြာကျသော နေရာဖြစ်သည် ဟု တရုတ် - မြန်မာ နယ်စပ် စစ်ရေးနိုင်ငံရေးလေ့လာသူ ဦးအောင်ကျော်ဇောကလည်း ယခုလို ပြောဆိုသည်။
“ဒီလွယ်လန်းစခန်းကနေ ဆုတ်ပေးလိုက်ရင် နောက်ထပ် ဆုတ်စရာ နေရာမရှိတော့ဘူး။ သံလွင်မြစ်ထဲ ခုန်ချရုံပဲရှိ တော့တယ်။ အဲဒီတောင်ကို ရသွားရင် '၀' နယ်က ပန်ဆန်းတို့ ပန်ယန်း အပါအဝင် မြို့တော်တော် များများကို အပေါ်စီးရသွားတာပေါ့။ လက်နက်ကြီးတွေတင်ပြီး ပစ်ရင် '၀' နယ်ကိုခြိမ်းခြောက်နိုင်ပြီပေါ့။ SSA အတွက်လည်း နောက်ဆုတ်ဖို့ နေရာမရှိတော့ဘူး” ဟု ဆိုသည် ။
SSA နှင့် အစိုးရတပ်တို့အကြား ဖေဖေါ်ဝါရီလ ၁၉ ရက်နေ့မှ ၂၄ ရက်နေ့ အထိ နှစ်ဘက်တိုက်ပွဲများ ပြင်းပြင်းထန်ထန် ဖြစ်ပွားခဲ့ရာ SSA မှ သမ္မတဦးသိန်းစိန်ထံ စာရေးတင်ပြခဲ့သဖြင့် အဆိုပါ တိုက်ပွဲများ အဆုံးသတ်သွားကြောင်း ဗိုလ်မှူးကြီး စိုင်းထူးက ဆိုသည်။
ယခုအခါ နှစ်ဘက်တိုက်ပွဲများ ရပ်ဆိုင်းနေသော်လည်း SSA နယ်မြေအတွင်းမှ အစိုးရတပ်များ ဆုတ်ခွာခြင်း မရှိသေးကြောင်း စစ်ဆင်ရေး ကွပ်ကဲမှု စစ်ဌာနချုပ် စကခ ၂ နှင့် စကခ ၁၇ လက်အောက်ခံတပ်များ မိုင်းရှူးအရှေ့ဘက်တွင် နေရာယူထားပြီး ထောင်ချီရှိသည့် အစိုးရတပ်များ တိုးချဲ့ချထားဆဲဖြစ်ကြောင်း သူက ဆက်ပြောသည်။
ယင်းသို့ ဖြေကြားခဲ့ပြီးနောက် လောလောဆယ်တွင် ဗမာ့တပ်မတော်မှ ခလရ ၃၃ ခလရ ၂၉၁ နှင့် ခမရ ၃၂၆ တို့က လွယ်လန်းစခန်း အထက်ဖက်ရှိ လွယ်စေးတောင်စခန်းကို ယနေ့ချိန်ထိ တိုက်စစ်ဆင်နေကြောင်း သိရသည်။

http://burmese.bnionline.net/index.php/news/shan/13354-ssasspp--uwsa-----.html

January 29, 2013

ဝ တပ်ဖွဲ့၏ ဖိတ်ခေါ်မှု KIO လက်ခံကြောင်း ပြန်ကြား

ဖနိဒါ၊ အင်္ဂါနေ့၊ ဇန်နဝါရီလ ၂၉ ရက် ၂၀၁၃ ခုနှစ် ၁၆ နာရီ ၄၈ မိနစ်

ချင်းမိုင်(မဇ္စျိမ) ။ ။ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ကချင်လွတ်လပ်ရေးအဖွဲ့ (KIO) တို့ ပန်ဆန်းမြို့တွင် တွေ့ဆုံဆွေးနွေးရန် ဝ'ပြည် သွေးစည်းညီညွတ်ရေးတပ်မတော် (UWSA) ၏ ဖိတ်ခေါ်ချက်ကို KIO ဘက်မှ လက်ခံကြောင်း အင်္ဂါနေ့တွင် အကြောင်းပြန်ခဲ့သည်ဟု UWSA ပြောရေးဆိုခွင့်ရသူ ဦးအောင်မြင့်က ပြောသည်။

ဇန်နဝါရီလ ၂၄ ရက်နေ့က ရှမ်းပြည်မြောက်ပိုင်းရှိ UWSA ဌာနချုပ် ပန်ဆန်းမြို့တွင် နှစ်ဘက်တွေ့ဆုံမှုကို UWSA က ကြားဝင်ကူညီပေးမည့် အဆိုပြုချက်အပေါ် လက်ခံကြောင်း KIO ဘက်မှ စာပြန်လာခြင်းဖြစ်သည်။

“KIO တို့ဘက်ကနေ ပြန်ဆက်သွယ်လာပါတယ်။ ပန်ဆန်းမှာ လာတွေ့ဖို့ သူတို့ သဘောတူပါတယ် ဆိုပြီးတော့ ဒီနေ့ နေ့လည်လောက်က သတင်းပို့လာတယ်။ အစိုးရဘက်က ဒီမှာဆွေးနွေးဖို့ လက်ခံတယ်ဆိုတာ ကျနော်တို့ဆီ ပို့လိုက်ပါပြီ။ ဆိုတော့ အစိုးရဘက်ကိုလည်း အခုပဲ သတင်းပို့နေတယ်” ဟု မဇ္စျိမကို ပြောသည်။

အစိုးရ၏ ငြိမ်းချမ်းရေးလုပ်ငန်းကော်မတီဘက်မှလည်း KIO မှ လက်ခံပါက ၎င်းတို့လည်း လက်ခံနိုင်ကြောင်း သဘောထားပေးပို့ထားပြီး ဖြစ်သည်ဟုလည်း ၎င်းက ဆိုသည်။

ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒု-ဥက္ကဋ္ဌ ဦးအောင်မင်းအနေနှင့် KIO ဘက်မှ လက်ခံပါက တွေ့ဆုံရန်ရှိကြောင်းလည်း ငြိမ်းချမ်းရေးအကျိုးဆောင် ဦးလှမောင်ရွှေက မဇ္စျိမကို အင်္ဂါနေ့ နေ့လည်ပိုင်းက ဖြေကြားထားပြီးဖြစ်သည်။

မြန်မာနိုင်ငံ ငြိမ်းချမ်းရေးဘက် ဦးတည်နေသော်လည်း KIO နှင့် အစိုးရအကြား တိုက်ပွဲများ မရပ်စဲဘဲ တိုက်ပွဲ ဆက်လက်ဖြစ်ပွားနေသဖြင့် ယခုကဲ့သို့ ကြားဝင်ကူညီခွင့်ရသဖြင့် တိုင်းပြည်အတွက် အကျိုးရှိမည်ဟု ဦးအောင်မြင့်က ပြောသည်။

“နှစ်ဘက်စလုံးက ယုံကြည်မှုနည်းနေတယ်၊ စစ်ကြောင့် ဒုက္ခသည်တွေလည်း သောင်းနဲ့ချီ ရှိနေပြီ။ အခြေအနေက မကောင်းဘူး။ ဒါကြောင့် နှစ်ဘက်တွေ့ဆုံနိုင်အောင်၊ အခုအချိန်မှာ ကချင်ကို အစိုးရက လာပါဆိုရင်လည်း ဘယ်သွားမလဲ။ ဒါကြောင့် ကျနော်တို့ဆီမှာ ဖြစ်နိုင်မလား။ ဖြစ်နိုင်ရင် ပန်ဆန်းမှာလာပြီး တွေ့ဆုံပါ။ ကျနော်တို့ ကူညီပ့ံပိုးပေးပါ့မယ်ဆိုတဲ့ ဆန္ဒမျိုးပါ” ဟု ၁၉၈၉ ခုနှစ်ကတည်းက အပစ်အခတ်ရပ်စဲထားသည့် UWSA ပြောခွင့်ရပုဂ္ဂိုလ် ဦးအောင်မြင့်က မဇ္စျိမကို ပြောသည်။

မည်သည့်နေ့ တွေ့ဆုံမည်ကို ညှိနှိုင်းနေဆဲဖြစ်ပြီး ထိုသို့တွေ့ဆုံနိုင်ရေးအတွက် KIO သို့ မဇ္စျိမက ကြိုးစားဆက်သွယ်ခဲ့သော်လည်း အဆက်အသွယ်ပြတ်တောက်နေသည်။

http://drlunswe.blogspot.com/2013/01/kio_29.html

January 25, 2013

ဝတပ်ကို တရုတ်လက်နက်ရောင်း

တရုတ်မြန်မာ နယ်စပ်မှာအခြေစိုက်တဲ့  လက်နက်ကိုင်အဖွဲ့တခုကို
တရုတ်နိုင်ငံက ခေတ်မှီ လက်နက်တွေကို ရောင်းချနေတယ်လို့ လုံခြုံရေးဆိုင်ရာ
လေ့လာသုံးသပ်သူတွေက ပြောလိုက်ပါတယ်။ မြန်မာနိုင်ငံထဲက အင်အားအကြီးဆုံး
လက်နက်ကိုင်အဖွဲ့ဖြစ်တဲ့ ဝပြည်သွေးစည်းညီညွတ်ရေး တပ်မတော်ကို တရုတ်က
လက်နက်တွေ တိတ်တဆိတ် ရောင်းချနေတာဖြစ်တယ်လို့ ကာကွယ်ရေးနဲ့
လုံခြံုရေးဆိုင်ရာလေ့လာရေးအဖွဲ့ဖြစ်တဲ့ Jane Defense အဖွဲ့က
ပြောလိုက်တာဖြစ်ပါတယ်။ အပြည့်အစုံကို သတင်းထောက် Daniel Schearf
ဘန်ကောက်က ပေးပို့တဲ့သတင်းအပေါ်မူတည်ပြီး မစုမြတ်မွန်က တင်ပြပါမယ်။

တရုတ်မြန်မာနယ်စပ် ကချင်ပြည်နယ်မှာ ကချင်လက်နက်ကိုင် KIA တပ်ဖွဲ့တွေနဲ့
အစိုးရတပ်တွေကြားတိုက်ပွဲတွေကို ထိန်းထိန်းသိမ်းသိမ်းလုပ်ကြဖို့
တရုတ်အစိုးရ ပြောနေချိန်မှာပဲ တရုတ်အစိုးရဟာ နယ်စပ်က
နောက်ထပ် လက်နက်ကိုင်အဖွဲ့ဖြစ်တဲ့ The United Wa State Army (UWSA) ဝတပ်ဖွဲ့ကို လက်နက်တွေ တိတ်တဆိတ်ရောင်းချနေတယ်လို့ လုံခြံုရေးဆိုင်ရာ လေ့လာသူတွေက ပြောလိုက်ပါတယ်။

ဝပြည်သွေးစည်းညီညွတ်ရေးတပ်မတော်ရဲ့ စစ်တပ်အင်အားကို ဖြည့်တင်းနိုင်ဖို့
ခေတ်မှီလက်နက်တွေကို တရုတ်က ပြီးခဲ့တဲ့ နှစ်က ရောင်းချခဲ့တယ်လို့
လုံခြံုရေးဆိုင်ရာ လေ့လာရေး Jane အဖွဲ့ရဲ့ ဒီဇင်လာဘာလက ထုတ်ပြန်တဲ့
ထောက်လှမ်းရေးဆိုင်ရာ သုံးသပ်ချက်အစီရင်ခံစာထဲမှာ ဖေါ်ပြထားပါတယ်။

ရောင်းချခဲ့တဲ့အထဲမှာ မြေပြင်ကနေ ဝေဟင်ပစ် Missile ဒုံးလက်နက်တွေ ပါဝင်သလို သံချပ်ကာကား ၁၂ စင်း အနည်းဆုံး ပါဝင်တယ်လို့ဆိုပါတယ်၊ Jane ထောက်လှမ်းရေး
အစီရင်ခံစာ အဆိုအရတော့ Tank Destroyer တင့်ကားဖျက်လက်နက်တွေလို့
သုံးနှုန်းထားပါတယ်၊ ဒီအစီရင်ခံစာကိုရေးသားတဲ့ ထိုင်းအခြေစိုက်
လုံခြံုရေးဆိုင်ရာ လေ့လာသုံးသပ်သူ Anthony Davis က တရုတ်အစိုးရဟာ
ဝတပ်ဖွဲ့ကို လက်နက်တွေရောင်းနေပေမဲ့ မြန်မာအစိုးရနဲ့ ဆက်ဆံရေးကို
အတိမ်းအစောင်းမရှိအောင် ကြိုးစားနေတယ်လို့ ဆိုပါတယ်၊

"တရုတ်ဟာ နယ်စပ်တလျှောက်မှာရှိတဲ့ တိုင်းရင်းသားလက်နက်ကိုင်
တပ်ဖွဲ့တွေကို လှစ်လျှူရှုထားမထားနိုင်သလို ဗဟိုအစိုးရကိုလဲ လစ်လျှူ
မရှုထားနိုင်ပါဘူး၊ ဒါဆိုရင် တရုတ်က လက်နက်ကိရိယာတွေကို
တိုက်ရိုက်ပေးနေသလားလို့ ဆိုရင်လဲ အဲလို မဟုတ်ပြန်ပါဘူး၊ လက်နက်တွေဟာ
အစိုးရအဖွဲ့ထဲက အဆင့်မြင့်တာဝန်ရှိသူတွေဆီက လာတယ်ဆိုတာကတော့ ရှင်းပါတယ်၊
အဲဒီလိုပြောလို့ တိုက်ရိုက်ငွေကြေးထောက်ပံ့နေတယ်လို့လဲ မဆိုနိုင်ပါဘူး၊
သူတို့အတွက်က ငြင်းသာ ဖယ်သာ အခြေအနေကိုထိန်းထားဖို့ လိုပါတယ်"

Jane အဖွဲ့ရဲ့ ထောက်လှမ်းရေးသုံးသပ်ချက် အစီရင်ခံစာနဲ့ ပါတ်သက်လို့
တရုတ်နိုင်ငံခြားရေးဌာနက တစုံတရာ တုံ့ပြန်ဖို့ ငြင်းဆိုခဲ့ပါတယ်၊
သမ္မတပြောခွင့်ရသူ ပြန်ကြားရေးဒုတိယဝန်ကြီး ဦးရဲထွဋ်ကလဲ ဒီအစီရင်ခံစာနဲ့
ပါတ်သက်လို့ တုံ့ပြန်ဖို့ ငြင်းဆန်ခဲ့ပါတယ်၊

"ဒီကိစ္စနဲ့ ပါတ်သက်လို့ ကျွန်တော်တို့မှာ ဘာသတင်းအချက်အလက်မှ မရပါဘူး၊
ကျွန်တော်တို့ရဲ့  ပြည်တွင်းရေးမှာ ဝင်ရောက်စွက်ဖက်မှာ မဟုတ်ဘူးလို့
တရုတ်အစိုးရက အမြဲအာမခံချက် ပေးပါတယ်၊ သူတို့ရဲ့ အာမခံချက်ကို
ကျွန်တော်တို့ကလဲ လက်ခံပါတယ်။"

မြန်မာအစိုးရကို တော်လှန်တိုက်ခိုက်နေကြတဲ့ တိုင်းရင်းသား
လက်နက်ကိုင်အဖွဲ့တွေထဲမှာ ဝ တပ်ဖွဲ့ဟာ အင်အားအများဆုံးဖြစ်ပြီး
စစ်သားအင်အား ၃ သောင်းလောက် ရှိမယ်လို့ ခန့်မှန်းရပါတယ်၊ တရုတ်အစိုးရက
ဝင်ရောက်မစွက်ဖက်ရေးမူကို မူအားဖြင့် ကျင့်သုံးနေတယ်ဆိုပေမဲ့ ဝတပ်ဖွဲ့ကို
လက်နက်တွေ အကြီးအကျယ် ထောက်ပံ့နေခဲ့တာ ကြာပြီလို့ စစ်ရေးသုံးသပ်သူတွေက
ဆိုပါတယ်။

UWSA ဝအဖွဲ့ဟာ 1989 ခုနှစ်က ဗမာပြည်ကွန်မြူနစ်ပါတီကနေ ခွဲထွက်ခဲ့တဲ့
လူနည်းစု တိုင်းရင်းသားလက်နက်ကိုင်အဖွဲ့တွေထဲက တခုဖြစ်ပါတယ်၊
တရုတ်အစိုးရက ကွန်မြူနစ်တွေကို တိုက်ရိုက်ထောက်ခံလာခဲ့သလို
ခွဲထွက်ဖွဲ့စည်းတဲ့ သူပုန်အဖွဲ့တွေနဲ့လဲ ဆက်ဆံရေး မပျက်ခဲ့ပါဘူး၊
အဲဒီအထဲမှာ တရုတ်အစိုးရဟာ တရုတ်ဘာသာစကားပြောတဲ့ ဝ အဖွဲ့နဲ့
ပိုပြီးရင်းနှီးတယ်လို့ Yale တက္ကသိုလ်မှာ ပါရဂူဘွဲ့ဆည်းပူးနေတဲ့ Josh
Gordon ကမြင်ပါတယ်၊ ဝ တွေဟာ တရုတ်တွေရဲ့ ကိုယ်ပွားဖြစ်တယ်လို့ သူက
ဆိုပါတယ်။

"သူတို့ဟာ တရုတ်ယွမ်ငွေကို သုံးတယ်၊ တရုတ်လက်ကိုင်ဖုန်းတွေကို သုံးတယ်၊
မြို့ထဲက နေရာတော်တော်များများမှာ တရုတ်ဆီက လျှပ်စစ် စွမ်းအင်ကို
သုံးတယ်၊ တရုတ်ရဲ့ အင်တာနက်ကို သုံးစွဲ ဆက်သွယ်နေကြပါတယ်။"

အရင် စစ်အစိုးရလက်ထက်တုန်းက UWSA ဝအဖွဲ့နဲ့ 1990 ပြည့်လွန်နှစ်တွေမှာ
အပစ်အခတ်ရပ်ဆဲရေး သဘောတူခဲ့ပြီး ရှမ်းပြည်အရှေ့မြောက်ပိုင်းမှာ
အထူးဒေသတွေပေးပြီး ကိုယ်ပိုင် အုပ်ချုပ်ခွင့်ပေးထားခဲ့ပါတယ်။ ဝဒေသဟာ
အာရှမှာ Methamphetamine စိတ်ကြွဆေးတွေ အများဆုံးထွက်ရှိရာ ဒေသဖြစ်လာသလို
ဝအဖွဲ့ဟာ ဒေသတွင်းမှာ အကြီးကျယ်ဆုံး မူးယစ်ဆေးရောင်းချတဲ့ အဖွဲ့အဖြစ်
လက်ခံကြထားကြပါတယ်၊ ဝခေါင်းဆောင် ဝေလျှောက်ခန်ရဲ့ ဓါတ်ပုံတွေကို
အလိုအရှိဆုံး မူးယစ်ရာဇာအဖြစ် အမေရိကန် မူးယစ်ဆေးတိုက်ဖျက်ရေးအဖွဲ့ DEA က
၂၀၁၁ ခုနှစ်က ထိုင်းပျော်ပွဲစားရုံတွေမှာ ချိတ်ဆွဲ ကြေညာခဲ့ပါတယ်။

တရုတ်အစိုးရက ဝတပ်ဖွဲ့ကို လက်နက်တွေရောင်းနေပေမဲ့ တရုတ်
မြန်မာနယ်စပ်ဒေသကို တည်ငြိမ်မှု ပျက်ပြားအောင် လုပ်တာ မဟုတ်ပါဘူးလို့
Davis ကပြောပါတယ်၊ သူ့ရဲ့ သုံးသပ်ချက်ကတော့ မြန်မာအစိုးရအနေနဲ့
ကချင်ပြည်နယ်မှာ တိုက်ခိုက်သလိုမျိုး ဝ ဒေသကို တိုက်ခိုက်ဖို့
စိတ်တောင်မကူးနဲ့ဆိုတာမျိုး အချက်ပေးချင်တာသာ ဖြစ်တယ်လို့ ဆိုပါတယ်၊

"မြန်မာနိုင်ငံ မြောက်ပိုင်းမှာ တရုတ်တွေက လှု့ံဆော်
သွေးထိုးပေးနေတာ မဟုတ်ပါဘူး၊ ဝကို ပြန်လည်အားဖြည့်ပေးခြင်းအားဖြင့်
သူတို့အနေနဲ့ စစ်ရေးအတားအဆီးကို အားပေးနေတာပါ၊ တရုတ်နိုင်ငံအကျိုးအတွက်
လွန်ခဲ့တဲ့ အနှစ် ၂၀ ထဲကရှိခဲ့တဲ့ တည်ငြိမ် အေးချမ်းမှုကို သူတို့က
ပြန်လည်အားဖြည့်ပေးနေတာဖြစ်ပါတယ်။"

ကချင်ပြည်နယ်မှာ ဖြစ်ပွားနေတဲ့ တိုက်ပွဲတွေနဲ့ နယ်စပ်လုံခြံုရေး ကိစ္စတွေကို ဆွေးနွေးဖို့ တရုတ်က အဆင့်မြင့်စစ်အရာရှိကြီးတယောက်ကို ဒီလထဲမှာပဲ တရုတ်က စေလွှတ်ခဲ့ပါတယ်၊
မြန်မာနိုင်ငံမှာ စစ်အစိုးရလက်ထက် အနောက်နိုင်ငံတွေရဲ့
ပိတ်ဆို့ဒဏ်ခတ်မှုတွေ ခံထားရချိန်ကာလကဆိုရင် တရုတ်ဟာ မြန်မာနိုင်ငံအပေါ်မှာ
အတော်ကို သြဇာညောင်းခဲ့ပါတယ်။  ဒါပေမဲ့ သမ္မတဦးသိန်းစိန်လက်ထက်
ပြုပြင်ပြောင်းလဲမှုတွေလုပ်လာတဲ့နောက်ပိုင်း ပိတ်ဆို့ဒဏ်ခတ်မှုတွေကိုလဲ
အနောက်နိုင်ငံတွေက ဆိုင်းငံ့လိုက်ပြီးတဲ့နောက် မြန်မာအပေါ် တရုတ်ရဲ့ သြဇာ
လွှမ်းမိုးမှုဟာ လျှော့ပါးလာခဲ့ပါတယ်၊ ဒါကြောင့် တရုတ်က ဝ တပ်ဖွဲ့ကို
လက်နက်ေတွေရောက်ပြီး တုံ့ပြန်လိုက်တာလို့ လုံခြံုရေးဆိုင်ရာ
လေ့လာသုံးသပ်သူ Anthony Davis က သုံးသပ်ပါတယ်

January 4, 2013

RCSS/SSA နှင့် UWSA တို့ မူးယစ်ဆေးဝါးတိုက်ဖျက်ရေး၊ ငြိမ်းချမ်းရေးဆိုင်ရာ တွေ့ဆုံဆွေးနွေး

သျှမ်းပြည်တပ်မတော် RCSS/SSA နှင့် ၀ ပြည်သွေးစည်းညီညွတ်ရေးတပ်မတော် UWSA တို့ မူးယစ် ဆေးဝါး ပူးပေါင်းတိုက်ဖျက်ရေးနှင့် အစားထိုးသီးနှံစီမံကိန်းအတွက် ဒုတိယအကြိမ်တွေ့ ဆုံကြသည်။

အောက်ပါဓါတ်ပုံများမှာ ၀ ပြည်သွေးစည်းညီညွတ်ရေးတပ်မတော် UWSA ထံမှ ရရှိပါသည်။ သျှမ်းပြည်တပ်မတော် RCSS/SSA နှင့် ၀ ပြည်သွေးစည်းညီညွတ်ရေးတပ်မတော် UWSA တို့ ၂၀၁၂ ခု စက်တင်ဘာလ ၁၆ ရက်က ပထမအကြိမ်တွေ့ဆုံခဲ့ကြသည်။ ဒုတိယအကြိမ်တွေ့ဆုံပွဲကိုမူ ၂၀၁၂ ဒီဇင်ဘာလ ၂၈ နှင့် ၂၉ ရက်တွင် ပြုလုပ်ခဲ့ကြသည်။
bwd  Set 1/5  fwd
သျှမ်းပြည်တပ်မတော် RCSS/SSA  ကိုယ်စားလှယ်များအားမိုင်းတုံမြို့နယ် ဟွေ့အော့ဌာနချုပ်မှ ၀ ပြည်သွေးစည်းညီညွတ်ရေးတပ်ဖွဲ့က ကြိုဆိုကြစဉ် (၂၈ ဒီဇင်ဘာ ၂၀၁၂)
UWSA နှင့် RCSS/SSA ဆွေးနွေးပွဲ
အစည်းအဝေး နာယက Li Wen

December 4, 2012

အစိုးရငြိမ်းချမ်းရေးအဖွဲ့ တိုင်းရင်းသားလက်နက်ကိုင်အဖွဲ့(၂)ဖွဲ့နှင့်တွေ့ဆုံ

နိုင်ငံေတာ်သမ္မတရံုး၀န်ြကီး ဦးေအာင်မင်း ဦးေဆာင်တဲ့ ြငိမ်းချမ်းေရးေဖာ်ေဆာင်ေရး ေကာ်မတီ၀င်ေတွဟာ ဒီဇင်ဘာလ ၃ ရက်နဲ့ ၄ ရက်ေန့ေတွမှာ ရှမ်းြပည်နယ်အေရှ့ပိုင်း ၀နဲ့ မိုင်းလား အထူးေဒသက တိုင်းရင်းသားလက်နက်ကိုင်အဖွဲ့ ၂ ဖွဲ့နဲ့ သွားေရာက် ေတွ့ဆံုခဲ့ြပီး ေဒသဖွံ့ြဖိုးေရး ေဆွးေနွးခဲ့ပါတယ်။
ဦးေအာင်မင်းနဲ့အဖွဲ့ဟာ ဒီေန့ မနက်ပိုင်း ၀ြပည်ေသွးစည်းညီညွတ်ေရးတပ်မေတာ် (ယူဒဗလျူအက်စ်ေအ) ဌာနချုပ် ပန်ဆန်းြမို့ကို ေရာက်ရှိလာြပီး  ေဒသဖွံ့ြဖိုးေရး ေဆွးေနွးခဲ့တယ်လို့ ၀တပ်ဖွဲ့ ေြပာေရးဆိုခွင့်ရှိသူ ဦးေအာင်ြမင့်က ေြပာပါတယ်။
“ဖွံ့ြဖိုးေရးအတွက်က နယ်စပ်၀န်ြကီးက လစဉ်ေထာက်ပံ့ခဲ့တ့ဲ ရိက္ခာ၊ ြပီးခဲ့တဲ့ ၃ လအတွက်ပါ။ ေနာက်တခုက လမ်းပန်းဆက်သွယ်ေရး လမ်း ၃ လမ်း ေကျာက်ခင်းသဲ ဖုိ့မယ့်ကိစ္စအတွက် ေငွေထာက်ပံ့ေပးမှာပါ။ ခွင့်ြပုမိန့်ေပးတဲ့ စာေပးလုိ်က်တယ်။ ေငွသားက လားရှိှုးမှာ သွားထုတ်ရမယ်။”
ယူဒဗလျူအက်စ်ေအအေနနဲ့ လွှတ်ေတာ်အစည်းအေ၀းေတွမှာ လာေရာက်ေလ့လာဖို့ ၀န်ြကီး ဦးေအာင်မင်းက ဖိတ်ြကားသွားြပီး ဖိတ်ြကားမှုကိုလက်ခံဖို ့မခံဖို့ကေတာ့ ၀ အဖွဲ့ထဲမှာ ြပန်ေဆွးေနွးမယ်လို့ ဆုိပါတယ်။
ဒီေန့မနက် ေတွ့ဆံုေဆွးေနွးြကရာမှာ ယူဒဗလျူအက်စ်ေအ ဒု-ဥက္ကဋ္ဌ ေကျာက်ညီလိုင်းနဲ့ ဗဟိုေကာ်မတီ၀င်ေတွ၊ ဌာနြကီးမှူးေတွပါ စံုစံုညီညီ လက်ခံေတွ့ဆံုခဲ့တယ်။
အစိုးရဘက်ကေတာ့ ဦးေအာင်မင်းနဲ့အတူ ြငိမ်းချမ်းေရးေဖာ်ေဆာင်ေရး ေကာ်မတီအဖွဲ့၀င်ေတွြဖစ်ြကတဲ့  ဦးသိန်းေဇာ်၊ နယ်စပ်ေရးရာ ဝန်ြကီး၊ ရှမ်းြပည်နယ် ဝန်ြကီးချုပ်၊  ရမခ တိုင်းမှူး၊ ေရွှြတိဂံတိုင်းမှူး စတဲ့  အြကီးအကဲ ၁၈ ဦးတို့ တက်ေရာက်ခဲ့ပါတယ်။
၀န်ြကီး  ဦးေအာင်မင်းဟာ  ၀ ေဒသကို ပထမဆံုးအြကိမ် ေရာက်ရှိလာတာြဖစ်ြပီး ညေနပိုင်းမှာ ယူဒဗလျူအက်စ်ေအ ထိန်းချုပ်နယ်ေြမထဲက မိုင်းေမာြမို့ကို သွားေရာက်ေလ့လာဖို ့အစီအစဉ်ရှိပါတယ်။
အစိုးရြငိမ်းချမ်းေရးအဖွဲ့ဟာ မေန့က အထူးေဒသ ၄ မိုင်းလားကို သွားေရာက်ခဲ့ြပီး မိုင်းလားတပ်ဖွဲ့ဘက်က  ရှမ်းြပည်အေရှ့ပိုင်း အမျိုးသားဒီမိုကေရစီ မဟာမိတ်တပ်ေပါင်းစု ဥက္ကဋ္ဌ ဦးစိုင်းလင်း အပါအ၀င် ထိပ်တန်းေခါင်းေဆာင်ေတွနဲ့ ေတွ့ဆံုခဲ့ပါတယ်။
ဒီေတွ့ဆံုပွဲမှာ   မိုင်းလားတပ်ဖွဲ့ေတွဘက်က ေဒသဖွံ့ြဖိုးတိုးတက်မှုတည်ေဆာက်ေရး၊ သစ်ထုတ်လုပ်ေရး၊ သတ္တုတွင်းနဲ့ လှျပ်စစ်မီးထုတ်လုပ်ေရးစီမံကိန်းေတွ ေဆာင်ရွက်ေပးဖို့ ေတာင်းဆိုခဲ့တယ်လုိ့ သိရပါတယ်။
အစိုးရကိုယ်စားလှယ်ေတွက ရင်းနှီးမှုတည်ေဆာက်ေရး ခရီးစဉ်ြဖစ်ေြကာင်း ေြပာြကားခဲ့ြပီး ေတာင်းဆိုချက်ေတွကို အတတ်နိုင်ဆုံး ြကိုးစားေပးသွားမယ့်အေြကာင်း တု့ံြပန်ေြပာြကားခဲ့တယ်လို ့သိရပါတယ်။ 

http://burmese.dvb.no/archives/33929

လွှတ်တော်ကို လေ့လာဖို့ UWSA ကိုဖိတ်ခေါ်

 
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဌ ၊ သမ္မတရုံး ဝန်ကြီး ဦးအောင်မင်း ဦးဆောင်တဲ့ အဖွဲ့ဟာ အင်္ဂါနေ့ မနက်ပိုင်းက ဝပြည် သွေးစည်းညီ ညွတ်ရေး တပ်မတော် UWSA ဌာနချုပ် ပန်ဆန်းကို ရဟတ်ယာဉ် နှစ်စီးနဲ့ သွားရောက်ပြီး UWSA အကြီး အကဲတွေနဲ့ တွေ့ဆုံ ဆွေးနွေးမှုတွေ ပြုလုပ်ခဲ့ပါတယ်။
အခုလို တွေ့ဆုံစဉ်မှာ UWSA အနေနဲ့ နေပြည်တော်က လွှတ်တော်ကို လာရောက် လေ့လာဖို့ အတွက် ဝန်ကြီး ဦးအောင်မင်းက ဖိတ်ခေါ်ခဲ့ပါတယ်။
ဝန်ကြီး ဦးအောင်မင်းနဲ့ အဖွဲ့ဟာ UWSA ဥက္ကဌ ဦးပေါက်ယိုချန်က လွဲပြီး UWSA ဗဟိုကော်မတီ အဖွဲ့ဝင်တွေ၊ ဌာနကြီးမှူးတွေ အားလုံးနဲ့ တွေ့ဆုံ ဆွေးနွေး ခဲ့တာ ဖြစ်ပါတယ်။
UWSA တပ်ဖွဲ့နဲ့ အစိုးရတို့ဟာ ငြိမ်းချမ်းရေး ဆွေးနွေးပွဲနဲ့ ပတ်သက်ပြီး ၃ ကြိမ် တွေ့ဆုံ ပြီးသားဖြစ်ပါတယ်။ ဒါပေမယ့် အခု တွေ့ဆုံပွဲ ကတော့ အလွတ်သဘော အနေနဲ့သာ တွေ့ဆုံ ကြတာ ဖြစ်လို့ နိုင်ငံရေး ဆွေးနွေးချက်တွေ ထည့်သွင်း ပြောကြားတာမရှိပါ။
UWSA ရဲ့ လမ်းပန်း ဆက်သွယ်ရေး ကိစ္စတွေ၊ ဒေသ ဖွံ့ဖြိုးရေး စီမံကိန်းတွေ အတွက် ဆက်လက် အကူအညီ ပေးသွားမယ့် အကြောင်းနဲ့ အရင် ဝန်ကြီး ဦးအောင်သောင်းနဲ့ လုပ်ထား တဲ့ သဘောတူညီမှု တွေကို လာရောက် ခွင့်ပြုမိန့် ချပေးတဲ့ အကြောင်းတွေပဲ ပြောဆို ဆွေးနွေးသွားတာ ဖြစ်ပါတယ်။
ဝ တပ်ဖွဲ့ ဘက်ကတော့ သူတို့ ထိန်းချုပ် နယ်မြေ ဖြစ်တဲ့ မိုင်းကောင် ခရိုင်မှာ ရာသီဥတု ဖောက်ပြန်မှု ကြောင့် ပြည်သူတွေဟာ ရိက္ခာ အခက်အခဲ ပြဿနာ တွေနဲ့ ကြုံတွေ့နေရလို့ သူတို့ အနေနဲ့ တန့်ယန်း မြို့နယ်နဲ့ မိုင်းရယ် မြို့နယ် ၂ ခုမှာ ရိက္ခာ ဝယ်ယူ ရရှိနိုင်ဖို့ အတွက် အကူ အညီ တောင်းဆိုခဲ့ပြီး၊ ဝ ဒေသဖွံ့ဖြိုးရေး ကိစ္စကိုပဲ အသားပေး ဆွေးနွေးခဲ့ ကြတယ်လို့ UWSA ရဲ့ ပြောခွင့်ရ ဦးအောင်မြင့်က ဘီဘီစီကို ပြောပါတယ်။

ဝန်ကြီး ဦးအောင်မင်း အဖွဲ့ကနေ UWSA ဖောက်လုပ် နေတဲ့ ဆက်သွယ်ရေး လမ်း ၃ လမ်း အတွက် နောက်ထပ် ကျပ် သိန်းတထောင်ကျော် ထပ်မံ အကူအညီ ပေးသွားခဲ့ ပါတယ်။

http://www.bbc.co.uk/burmese/burma/2012/12/121204_uwsa_gov_meeting.shtml

December 3, 2012

ဝ နှင့် မိုင်းလားနယ်မြေသို့ ဦးအောင်မင်းရောက်ရှိလည်ပတ်

မြန်မာအစိုးရ၏ ပြည်ထောင်စုအဆင့် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒုဥက္ကဌ ဦးအောင်မင်း ဦးဆောင်သော အဖွဲ့ အထူးဒေသ ၂ ဌာနချုပ် ပန်ဆန်း နှင့် အထူးဒေသ ၄ မိုင်းလားမြို့သို့  လည်ပတ်ရန် ယနေ့နေ့ခင်းပိုင်း၌ ရဟတ်ယာဉ်နှစ်စီးဖြင့် ရောက်ရှိလာကြောင်း တရုတ်နယ်စပ်သတင်းရပ်ကွက် ကပြောပါသည်။
U Aung Minn
ပြည်ထောင်စုအဆင့် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒုဥက္ကဌ ဦးအောင်မင်း

“ ရယတ်ယာဉ် ၂ စီးလာတယ်။ ဝေဟင်က အင်အားနဲ့ မြေပြင်ကလာတဲ့အင်အား စုစုပေါင်း ၅၀ လောက်ရှိမယ်။ မိုင်းလားကို မွန်းတည့်မှာ ရောက်တယ်။ ၃ နာရီမှာ ဆီလူးကိုသွားတယ်။ ဒီည ကျိုင်းတုံကို သွားအိပ်မယ်။ နက်ဖြန် ဝ ပြည်နယ်ကို သွားမယ်” ဟု မိုင်းလားတပ်ဖွဲ့နှင့်နီးစပ်သူတဦးက ဆိုပါသည်။

ဦးအောင်မင်းနှင့်အတူ ငြိမ်းချမ်းရေးဖော်ဆောင်ရေးကော်မတီ တတိယ ဥက္ကဌ ဦးသိန်းဇော်၊ ပြည်ထောင်စု နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီးသိန်းဌေး ၊ သျှမ်းပြည်ဝန်ကြီးချုပ် စဝ်အောင်မြတ်၊ ပြည်နယ် နယ်စပ်ရေးရာဝန်ကြီးဦးအောင်သူ အပြင် လားရှိုးအခြေစိုက် ရမခ တိုင်းမှူး ဗိုလ်မှူးချုပ် အောင်စိုး၊ ကျိုင်းတုံအခြေစိုက် တြိဂံတိုင်းမှူး ဗိုလ်မှူးချုပ် သန်းထွန်းဦး တို့ ဟက်စကီးဖြင့် ရောက်ရှိကြောင်း၊ ကားဖြင့်လည်း လုံခြုံရေးအင်အား ၃၀ ကျော် ရောက်ရှိကြောင်း စုစုပေါင်းအင်အား ၅၀ ကျော် ရှိကြောင်း ၎င်းကပြောသည်။

“ မွန်းတည့်မှာ မိုင်းလားကိုရောက်လာကြတယ်။ ၁ နာရီခွဲအထိ စကားပြောတယ်။ ပြီးရင်နေ့လည်စာစားကြတယ်။ နေ့ခင်း ၂ နာရီခွဲ မိုင်းလားမြို့မှာလည်ကြပတ်ကြတယ်။ ၃ နာရီမှ တပ်မဟာ ၃၆၉ ဆီလူးကိုသွားကြတယ်။ ဒီည ကျိုင်းတုံကိုပြန်သွား အိပ်မယ်။ နက်ဖြန်မှ ဝ ပြည်ကိုသွားမယ်” ဟု မိုင်းလားအရာရှိများနှင့်နီးစပ်သည့် အခြားပုဂ္ဂိုလ်တဦးကလည်းပြောသည်။

မိုင်းလားတပ်ဖွဲ့ဘက်က ဥက္ကဌကြီး ဦးစိုင်းလင်းမှအစ အကြီးအကဲများအားလုံး ပါဝင် တွေ့ဆုံခဲ့ကြကြောင်း၊ မိုင်းလားမြို့ ဖွံ့ဖြိုးတိုးတက်မှုတည်ဆောက်ရေး တင်ပြချက်မှလွဲ၍ တခြားသောတောင်းဆိုမှု မရှိခဲ့ကြောင်း ဆိုပါသည်။

တွေ့ဆုံစကားပြောကြရာ၌ ဦးအောင်မင်းက မိုင်းလားခရီးစဉ်မှာ မိမိ၏ ပထမဆုံးသောခရီးစဉ်ဖြစ်ပြီး ရင်းနှီးမှုတည်ဆောက် ရေးအတွက် ခရီးစဉ်ဖြစ်ကြောင်း၊   သဘောတူညီမှုများကို လက်တွေ့အကောင်အထည်ဖော်ဖို့ သာပြောသွားကြောင်း တရုတ်နယ်စပ်မှ ပုဂ္ဂိုလ်က ဆက်ပြောသည်။

သိန်းဇော်ကမူ - ဆွေးနွေးကြစဉ်က တင်ပြသော မိုင်းလား၏ တောင်းဆိုချက်များကို ဖြစ်မြောက်အောင် အတတ်နိုင်ဆုံး ကြိုးစားပေးသွားမယ် ဖြစ်ကြောင်း၊  မိုင်းလားမှ တင်ပြထားသော သစ်လုပ်ခွင့် တန်ချိန် ၁ သောင်းအတွက် လောလောဆယ် တန်ချိန်  ၁ ထောင် လုပ်ရန် ပေးမည်ဖြစ်ကြောင်း၊ ထို့အပြင်  သတ္တုတွင်း၊  လျှပ်စစ်မီးထုတ်လုပ်ရေးစီမံကိန်းစသည် တို့ကိုလည်း လုပ်ခွင့်ပေးကြောင်း ပြောဆိုသည်။

စစ်ရေးနှင့်ပတ်သက်၍ မိုင်းလားတပ်ဖွဲ့အား ၂၀၀၈ ဖွဲ့စည်းပုံ အတိုင်းလုပ်သွားရန် ဦးသိန်းဇော်က တိုက်တွန်းခဲ့သည်ဟု ဆို၏။ လာမည့် လွှတ်တော်အစည်းအဝေး သို့လည်း မိုင်းလားဘက်မှ ကိုယ်စားလှယ်များအား လေ့လာ နိုင်ရန် ပို့ပေးစေ လိုကြောင်း ပြောဆိုခဲ့သည်ဟုဆို၏ ။

“ ငွေက ကျပ်သိန်း ၆၀၀ ကျော် ပေးသွားတယ်။ ကျပ်သိန်း ၄၀၀ က လစာငွေ ၂ လစာ ပေါ့။  တလ ၂၀၀ သိန်းပေးမယ်လို့ ဆွေးနွေးပွဲမှာသဘောတူထားတာကိုး။ ကျန်တဲ့သိန်း ၂၀၀ က ဆန်ဖိုး  ၂ လစာ ။ မြန်မာအစိုးရက ပေးသွားပါတယ်” ဟု ဆိုပါသည်။  

သီးခြားအတည်မပြုနိုင်သေးသည့်သတင်းအရ ဦးအောင်မင်းသည်  ၀ တပ်ဖွဲ့ဒေသဖွံ့ဖြိုးရေး (ပန်ဆန်း -မန်းဆိုင်လမ်း တည်ဆောက်ရန်) လုပ်ငန်းအတွက် ကျပ်ငွေ သန်း ၄၀၀ ထောက်ပံ့ပေးရန်ရှိကြောင်း နီးစပ်သူတဦးက ပြောပြပါသည်။

“ ပန်ဆန်းကသက်ဆိုင်ရာအရာရှိတွေရဲ့ အဆိုအရတော့ တစ်ကီလိုမီတာကို တရုတ်ငွေ ၂ သန်း  (မြန်မာငွေ ကျပ် သန်း ၂၇၀ ) ကုန်ကျတယ်လို့သိရပါတယ်” ဟု ၎င်းကဆိုပါသည်။

ဦးအောင်မင်းနှင့်အဖွဲ့သည် နက်ဖြန်မနက်ပိုင်း ဝ ပြည်သွေးစည်းညီညွှတ်ရေးတပ်မတော် အထူးဒေသ ၂ ၏ မြို့တော် ပန်ဆန်းသို့ သွားရောက်လည်ပတ်ဦးမည်ဖြစ်ကြောင်းသိရသည်။

ဝ တပ်ဖွဲ့သည် ယမန်နှစ်အတွင်း စက်တင်ဘာလ ၆ ရက် တွင် ပဏာမအပစ်ရပ်ရေးဆင့်၊  အောက် တိုဘာလ ၁ ရက်နေ့တွင် ပြည်ထောင်စုမှ မခွဲထွက်ရေးအပါအဝင် မူးယစ်ဆေးဝါးတိုက်ဖျက် ရေးအစရှိပါ သည့် ပြည်ထောင်စုအဆင့် ပထမ အကြိမ် မြန်မာအစိုးရနှင့် တွေ့ဆုံခဲ့ကြ၏။ ဒီဇင်ဘာလ ၂၆ ရက် ပြည်ထောင်စုအဆင့် ဒုတိယအကြိမ်တွေ့ဆုံမှုမှာမူ လွှတ်တော် ၃ ရပ်၌ ဝ ကိုယ်စားပြုလွှတ်တော်အမတ် ထားရှိရေး စသဖြင့် ဆွေးနွေးထားခဲ့ဖူးပါသည်။ မိုင်းလားတပ်ဖွဲ့မှာမူ ယမန်နှစ် စက်တင်ဘာလ ၇  ရက် တွင် ပဏာမအဆင့်၊ အောက်တိုဘာလ ၉ ရက်တွင် ပြည်ထောင်စုအဆင့် ပထမအကြိမ် နှင့် ဒီဇင်ဘာလ ၂၇ ရက်တွင် ဒုတိယအကြိမ် မြန်မာအစိုးရနှင့်တွေ့ဆုံဆွေးနွေးခဲ့ပါသည်။
http://www.burmese.panglong.org/news/96-2008-08-03-06-49-23/3699-2012-12-03-10-48-48.html

November 13, 2012

တောင်ပိုင်း ဝ တပ်ဖွဲ့က သျှမ်း/အရှေ့ ဒေသခံ လယ်ယာမြေများအားနည်းအမျိုးမျိုးဖြင့်သိမ်းယူ

သျှမ်းပြည်အရှေ့ပိုင်း မိုင်းတုံမြို့နယ်အတွင်း ဝ တပ်ဖွဲ့က လူထုလယ်မြေများအား အဓမ္မသိမ်းယူမှု၊ အဓမ္မ ဝယ်ယူမှု အပေါ်ဒေသခံများ မကျေမနပ်ဖြစ်နေသည်ဟု ဒေသတွင်းသတင်းရပ်ကွက်ကဆိုပါသည်။
firm
(photo: Nong Seng Naw facebook)

“ဂျူလိုင်လကတည်းက နိုင်ငံရေးပါတီတွေဆီတင်ထားတယ်။ ဝ တပ်ဖွဲ့က ကျမတို့ရဲ့လယ်မြေတွေကို အဓမ္မ ဝယ်ယူ တယ်။ အဓမ္မသိမ်းယူတာလဲရှိတယ်။ အခုဆက်တိုက်ဖြစ်နေသေးတယ်။ ပါတီအမတ်ကနေ တင်ပြပေးဖို့လဲပြောထားတယ်။ ဘာမှတော့မသိရသေးဘူး” ဟု ပုံပါကျင်ဒေသခံ နန်းခမ်းကပြောသည်။

မိုင်းတုံမြို့နယ် ပုံပါကျင်မြို့နယ်ခွဲအတွင်း ဝ တပ်ဖွဲ့များ သျှမ်းပြည်အရှေ့တောင်ပိုင်းသို့ စတင်ရောက်ရှိလာချိန်မှစ၍ ဒေသခံများ၏ လယ်ယာမြေများအား နည်းအမျိုးမျိုးဖြင့်  သိမ်းယူခဲ့ကြောင်း၊ စတင်ရောက်ရှိစဉ်က ဗိုလ်ချုပ်ခင်ညွန့် အမည်ဖြင့်သိမ်းပိုက်ကြောင်း၊ ထို့နောက်ပိုင်း ချောင်းအထက်ပိုင်းရှိလယ်မြေများအား အဓမ္မဝယ်ယူ၍ တခြားအောက်ပိုင်းရှိ လယ်သမားများအတွက် ရေမျှမပေး၊ နောက်ပိုင်းဈေးနှိမ်ဝယ်ခဲ့ကြောင်း လယ်ယာခြံ ပိုင်ရှင်များက ပြောပြပါသည်။

“ဒီလယ်မြေအသိမ်းခံရတဲ့ ကျနော်တို့ ပုံပါကျင်ရပ်ကွက် ၅ က လယ်သမား ၃ ယောက်စလုံး သူတို့မှာ ပုံစံ ၁၀၅ ရှိတယ်။ အဲဒီ ၁၀၅ မိတ္တူရယ် တင်ပြလာတဲ့စာတွေရယ် ကျနော့ရဲ့မေးခွန်းတွေရယ် တောင်ကြီးနဲ့ နေပြည်တော်ကိုပို့တယ်။ အဲဒီအသိမ်း ပိုက်ခံရတဲ့ လယ်ယာမြေတွေကို မြေစာရင်းတွေက ကွင်းဆင်းစစ်ဆေးတော့မယ်လို့ကြားထားတယ်။ ဘယ်တော့လာမလဲ တော့မသိဘူး ” ကျားဖြူ ပြည်နယ်လွှတ်တော်အမတ် စိုင်းဝင်းမြတ်ဦးက ပြောပါသည်။

ဂျူလိုင်လဆန်းပိုင်းက ပုံပါကျင်မြို့နယ်ခွဲ လယ်သမား နန်းခမ်းစိန်၊ စိုင်းလျဲန်း၊ နန်းမတ် တို့၏ လယ် ၅ ဧက အား ၀ တပ်ဖွဲ့က သိမ်းယူခဲ့ကြောင်း၊ လယ်ပြန်ရရေးအတွက် ရပ်ရွာအုပ်ချုပ်ရေးမှူးနှင့်အတူ စရဖများအားခေါ်ယူ၍ ၀ တပ်ဖွဲ့ များနှင့် သွားရောက်ဆွေးနွေးတော်လည်း အောင်မြင်မှုမရှိကြောင်း လယ်ယာဆုံးရှုံးသူများက ပြောပါသည်။

“လယ်ပိုင်ရှင်တွေက ရပ်ကွက်အကြီးအကဲတွေကို ရပ်မိရပ်ဖတွေ၊ စရဖနဲ့ ထွေအုပ်တွေပါ ခေါ်ပြီး ဝ တပ်ဖွဲ့အကြီးအကဲ တာ့ကန်း နဲ့ တာ့ပေါဝ်း ဆိုသူ ၂ ယောက်ကိုသွားတွေ့တယ်။ သူတို့က အစိုးရ အရာရှိရှေ့မှာဘဲ လယ်ရှင်တွေကို ကြိမ်း မောင်းတယ်။ ခင်ဗျားတို့ အသက်တိုချင်လား သက်တမ်းစေ့မနေချင်လို့လား စတာတွေဘဲ။ အာဏာပိုင်တွေလဲ ဘာမှမ တတ်နိုင်ဘူး” ဟု လယ်သိမ်းခံရသူတဦးက မကျေမနပ်ဖြင့် သျှမ်းသံတော်ဆင့်အားပြောပြသည်။

တောင်ပိုင်းသို့ ရောက်ရှိစဉ်ကတည်းက အဆိုပါ ၀တပ်ဖွဲ့တို့သည် အစိုးရ (ထိုစဉ်က ဦးခင်ညွန့်) ၊ ငြိမ်းချမ်းရေး နာမည်သုံး၍ ဒေသခံလူထု၏ ဝါးရုံ၊ ထင်းတောများအား ခုတ်ယူသုံးစွဲခြင်း၊ ခြံစည်းရိုးများပါမကျန် ဆွဲနုတ်ကာ ထင်းအဖြစ်အသုံးပြုခြင်း၊ ထိုနောက်ပိုင်း ဒေသံလူထု၏ လယ်ယာမြေများအား အဓမ္မဝယ်ယူခြင်း၊ ဈေးနှိမ်ဝယ်ခြင်း၊ အခမဲ့သိမ်းယူခြင်းများ ပြုလုပ်ခဲ့ ကြောင်း၊ မကျေနပ်ပြီး ပြန်ပြောပါက ‘ငြိမ်းချမ်းရေးဖျက်ဆီးသူဖြစ်ချင်လား’ စသဖြင့် ခြိမ်းခြောက်ခဲ့ကြောင်း၊ နိုင်ငံရေးပြောင်း လဲစပြုလာသောကြောင့် ယခုကဲသို့ ပြန်လည်တိုင်တန်းခြင်းဖြစ်ကြောင်း ပုံပါကျင်ဒေသခံများက ပြောသည်။

အသိမ်းခံရသည့်လယ်ယာမြေများမှာ ပုံပါကျင် အရှေ့ဘက်ရှိ ရပ်ကွက် ၅ နှင့် ၀ (ရွာသစ်) ပါတေရွာ အကြား လယ်မြေ များဖြစ် သည်ဟုသိရပါသည်။ အလားတူ မိုင်းတော့ မိုင်းထား မှ ၀  တပ်ဖွဲ့ထိန်းချုပ်နယ်မြေ ဟိုမိန်းမြို့နယ်ခွဲအထိလည်း ထိုကဲ့သို့ လယ်ယာမြေအသိမ်းခံရခြင်းများရှိခဲ့ကြောင်း ဟိုမိန်းဒေသခံများပြောပြချက်အရသိရသည်။
http://www.burmese.panglong.org/news/90-2008-08-03-06-47-55/3646-2012-11-13-10-18-23.html

October 24, 2012

ကာချုပ်၏ဆွေးနွေးချက်နှင့်ပတ်သက်၍ ၀ တပ်ဖွဲ့ ကြေငြာချက်ထုတ်မည်

မြန်မာအစိုးရ၏ ကာကွယ်ရေးဦးစီးချုပ်နှင့်တွေ့ဆုံပြီးနောက် ဆွေးနွေးခဲ့သည့်အချက်နှင့် ပတ်သက် ၍ ၀ ပြည်သွေးစည်း ညီညွတ်ရေးတပ်ဖွဲ့မှ လာမည့်တနင်္လာနေ့၌ ကြေငြာချက်ထုတ်မည်ဖြစ်ကြောင်း နီးစပ်သည့်သတင်း ရပ်ကွက်က ဆိုပါသည်။
ma-hlaing-xiao-minleng
UWSA (ဝ)အဖွဲ့ ဒုတိယ ဥက္ကဋ္ဌ ဦးရှောက်မီလျံ နှင့်ကာကွယ်ရေးဦးစီး ချုပ် ဒုတိယဗိုလ်ချုပ်မှူးကြီးမင်းအောင်လှိုင်

ယခုလဆန်း ၆ ရက်က တြိဂံဒေသတိုင်းစစ်ဌာနချုပ် ရွှေတြိဂံရိပ်သာ၌ UWSA (ဝ)အဖွဲ့ ဒုတိယ ဥက္ကဋ္ဌ ဦးရှောက်မီလျံ ဦး ဆောင်သောအဖွဲ့နှင့် NDAA (မိုင်းလား)အဖွဲ့ ဥက္ကဋ္ဌ ဦးစိုင်းလင်း ဦးဆောင်သော အဖွဲ့တို့အားတွေ့ဆုံစဉ် ကာကွယ်ရေးဦးစီး ချုပ် ဒုတိယဗိုလ်ချုပ်မှူးကြီးမင်းအောင်လှိုင်က မူးယစ်ဆေးဝါးတိုက်ဖျက်ရေးလုပ်ငန်း ကို ၂၀၁၅ အပြီး ပြုလုပ်သွား ရန်၊  ၂၀၀၈ ဖွဲ့စည်းပုံကို လက်ခံကာ ဥပဒေအောက်ဝင်ရောက်နေထိုင်ရန် ဟူသော အချက် ၂ ချက်ပါ ဆွေးနွေးခဲ့သည်ဟု ခေါင်းဆောင်ပိုင်းနှင့်နီးစပ်သူတဦးက သျှမ်းသံတော်ဆင့်အား ပြောပြသည်။

“ နိုင်ငံတခုမှာ အစိုးရ ၂ ခုနဲ့ တပ်မတော် ၂ ခု လုံး၀  ရှိလို့မရဘူးလို့ သူပြောသွားတယ်။ အရင်ကလဲ BGF ပြောင်းဖို့ ရော ပြည်သူ့စစ်ဖြစ်ဖို့ပါ ခင်ဗျား တို့ ငြင်းဆန်လာခဲ့တယ်။ အခုချိန်မှာတော့ ပါတီထောင်ပြီး ရွေးကောက်ပွဲဝင်ဖို့ အချိန်တန်ပြီ - လို့ပြောတယ်။ အဲတာ ကြောင့် ၀ ဘက်ကနေ ကြေငြာချက်လုပ်မယ်လို့ပြောတယ်။” ဟု အမည်မဖော်လို သည့် နီးစပ်သူက ဆက်လက်ပြောပြ သည်။

၎င်းနှင့်ပတ်သက်၍ အပစ်ရပ် ၀ ပြည်သွေးစည်းညီညွတ်ရေးတပ်မတော်  အထူးဒေသ ၂ နှင့် အမျိုးသား ဒီမိုကရက်တစ် မဟာမိတ်တပ်မတော်သျှမ်းပြည်အရှေ့ပိုင်း NDAA-ESS အထူးဒေသ ၄ တို့အပေါ်  မြန်မာအစိုးရကစစ်ရေးဖြင့် ခြိမ်းခြောက် နေခြင်းဖြစ်ကြောင်း ထိုင်းနယ်စပ် စောင့်ကြည့်သူတဦးက သျှမ်းသံတော်ဆင့်အားပြောပါသည်။

သို့သော် မိုင်းလားဘက်ကမူ နိုင်ငံရေး၊ စစ်ရေးနှင့် ပတ်သက်၍ ကာချုပ်မှ ထည့်သွင်းပြောဆိုဆွေးနွေးခြင်းမရှိ၊ မူးယစ်ဆေး ဝါးတိုက်ဖျက်ရန်အတွက်သာ ပြောဆိုသွားသည်ဟု သျှမ်းသံတော်ဆင့်အား ပြောပြသည်။

မြန်မာအစိုးရ၏ စစ်တပ်ပိုင် မြ၀တီဝက်ပ်ဆိုက်တွင်မူ “ တိုင်းအစိုးရ အဖွဲ့များနှင့် ဦးစီး အဖွဲ့များ ရှိပြီး ၎င်းတို့၏ ဦးဆောင်မှု အောက်တွင် တိုင်းရင်းသားအားလုံး ဥပဒေနှင့် အညီ စနစ်တကျ နေထိုင်လုပ်ကိုင်လျက်ရှိပါကြောင်း၊ ဥပဒေနှင့်အညီ နေထိုင် ပါက မည်သည့် အရာမှ စိုးရိမ်ကြောင့်ကြဖွယ် မရှိပါကြောင်း၊ KIA အဖွဲ့နှင့် စပ်လျဉ်း၍ မိမိတို့ တပ်မတော် အနေဖြင့် စိတ်ရှည် သည်းခံ၍ မိမိကိုယ်ကို ခုခံကာကွယ်သည်မှ အပ ၎င်းတို့၏ စခန်းများ၊ ဌာနချုပ် များကို တိုက်ခိုက်ခြင်း မရှိပါကြောင်း” ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်ကပြောကြားခဲ့သည်ဟု ဖော်ပြထားပါသည်။

ဝ တပ်ဖွဲ့ နှင့် မိုင်းလားတပ်ဖွဲ့သည် ၁၉၈၉ ကတည်းက အပစ်ရပ်ခဲ့ပြီး ၂၀၀၉ တွင် နယ်ခြားစောင့်တပ်ပြောင်းရန် ငြင်းဆန်သဖြင့် အပစ်ရပ်မှုပျက်ပြယ်သွားခဲ့သည်။ သို့သော် KIA ၊ သျှမ်းပြည်တပ်မတော်တို့ နှင့် မတူ၊ အစိုးရစစ်တပ်နှင့် ပစ်ခတ်တိုက်ခိုက်မှုမရှိ၊ ၂၀၁၀ ရွေးကောက်ပွဲမှ အာဏာရလာသည့် သမ္မတဦးသိန်းစိန်အစိုးရ နှင့် ၂၀၁၁ စက်တင်္ဘာက အသစ်တဖန် ငြိမ်းချမ်းရေး ပြန်လည်တည်ဆောက်သည့်  တပ်ဖွဲ့များဖြစ်သည်။

http://www.burmese.panglong.org/news/85-2008-08-01-03-14-40/3590-2012-10-24-09-38-39.html

October 9, 2012

“၀”တပ်ဖွဲ့ကို အခြားတိုင်းရင်းသားလက်နက်ကိုင်တွေနဲ့ သီးခြား ဖဲ့ထုတ်ဖို့ ကြံစည်နေသလော

မြန်မာတပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်မှ ၀ ပြည်သွေးစည်းညီညွတ်ရေးပါတီ (UWSP) နှင့် သျှမ်းပြည် (အရှေ့ပိုင်း) အထူးဒေသ (၄) မိုင်းလားတပ်ဖွဲ့ ခေါင်းဆောင်များအား ယခုလ ၆ ရက်နေ့က သျှမ်းပြည် (အရှေ့ ပိုင်း) ကျိုင်းတုံမြို့ အခြေစိုက် တြိဂံတိုင်းစစ်ဋ္ဌာနချုပ်တွင် သီးခြားစီ ခေါ်ယူတွေ့ဆုံခဲ့ကြောင်း စစ်ဘက်သတင်းများအရ သိရသည်။
aung-kyaw-zaw
တရုတ်နယ်စပ် စစ်ရေးနိုင်ငံရေး လေ့လာသူ ဦး အောင်ကျော်ဇော( ဓါတ်ပုံ- MG/SHAN)

၄င်းတွေ့ဆုံမှုအပေါ် တရုတ် - မြန်မာနယ်စပ် စစ်ရေး၊နိုင်ငံရေးလေ့လာသူ ဦးအောင်ကျော်ဇောကို သျှမ်းသံတော်ဆင့် သတင်းဋ္ဌာနမှ ဆက် သွယ်မေးမြန်းထားချက်အား တင်ပြလိုက်ပါသည်။

မေး - ကာကွယ်ရေးဦးစီးချုပ်က ၀ နဲ့ မုံးလားတပ်ဖွဲ့ ခေါင်းဆောင်တွေကို အခုအချိန်မှာ ဘာကြောင့် ခေါ်ယူတွေ့ဆုံတာလို့ ပြောနိုင်မလဲဗျ။ ဖြေ - မင်းအောင်လှိုင်ခေါ်တွေ့တဲ့ ကိစ္စတွေမှာ နှစ်ပိုင်းရှိမယ်လို့ထင်တယ်၊ သာမာန်အားဖြင့် သူအရင်ကဆက်ဆံခဲ့ဘူးတဲ့ ကိစ္စတွေရှိတယ်။ အဲဒီပုဂ္ဂိုလ်ရေးဆက်စပ်မှုတွေလည်းပါတယ်၊ နောက်တစ်ခုက KIA , SSA တို့နဲ့မပတ်သက်ဖို့တို့ အဲဒီကိစ္စ တွေလည်းပါတယ်၊ ဗိုလ်မှူးကြီး အောင်သူ ဆိုတဲ့လူက သံလွင်မြစ်ကူးတို့ဆိပ်တွေကနေ SSA ဦးပန်ဖအဖွဲ့တွေ လုံးဝဆုတ် ပေးဖို့ တောင်းဆိုနေတယ်၊ ဒါက “၀”နဲ့ ဆက်စပ် မှုအားလုံးကို ဖြတ်တောက်ဖို့ ကြိုးစားနေတာဖြစ်တယ်

“၀” အနေနဲ့ ပြောမယ်ဆိုရင် ငြိမ်းချမ်းရေးယူထားပေမဲ့ အမျိုးသားရေးအခြေခံရှိတယ်၊ အဲဒီအောက်မှာ အမျိုးသားလက်နက်ကိုင်တွေနဲ့ ပတ်သက်လို့ စာနာစိတ်ရှိတယ်၊ အဲဒီဟာတွေကို လိုက်လံပိတ်ပင်တာပေါ့၊ အခိုင်အမာကတော့ ခုနကပြောသလို SSA ကို ကူးတို့ဆိပ်တွေ ကနေဆုတ်ပေးဖို့ ကိစ္စမျိုးတွေအပါ “၀”ကို ၀ယ်ယူတဲ့နည်း တွေနဲ့ကြိုးစားနေတာဖြစ်တယ်၊ နောက် မူးယစ်ဆေးဝါးတိုက်ဖျက်ရေး ကိစ္စကို လည်း ၂၀၁၅ ကနေပြီး ၂၀၁၉ အထိနောက်ဆုတ်ပေးတယ်၊ ဒါတွေဟာ “၀” ကို ရည်ရွယ်တဲ့ နည်းပရိယာယ်တွေလို့ယူဆရတယ်။

မေး - ကာကွယ်ရေးဦးစီးချုပ်ကို “၀”နဲ့ မိုင်းလားတပ်ဖွဲ့က ဘယ်ခေါင်းဆောင်တွေ သွားတွေ့ခဲ့သလဲဗျ။
ဖြေ - “၀”တပ်ဖွဲ့က ဒုဥက္ကဋ္ဌ လျှောက်မီလျံ သွားတွေ့ပါတယ်၊ သူကတော့ ခပ်အေးအေး ခပ်ပျော့ပျော့လူဆိုတော့  ဗမာ အစိုးရရဲ့ အပျော့ဆွဲကို “၀”ဘက်ကလည်း ခပ်ပျော့ပျော့ခေါင်းဆောင်နဲ့ ဆက်ဆံစေတယ်လို့ ထင်ရပါတယ်။ BGF တင်းတင်းမာမာ ဖြစ်ချိန်တုန်းက လျှောက်မီလျံကို ပွဲမထုတ်ခဲ့ဘူး။

မိုင်းလားက ဥက္ကဋ္ဌ စိုးလင်း သွားတွေ့ပါတယ်၊ စိုင်းလင်းကိုကျတော့ “၀”တပ်ဖွဲ့ရဲ့ပေါ်လစီအောက်မှာ မလွဲသာမရှောင်သာ ပျော့ပျော့ ပြောင်း ပြောင်း ဆက်ဆံနေရတယ်လို့ထင်ပါတယ်၊ BGF တုန်းက မိုင်းလားကိုဗမာတပ်ကတိုက်မလို့လုပ်တော့ ၀ တပ်ဖွဲ့က အင်အားတချို့သွားရောက် ကာကွယ်တဲ့အခါမှ ဗမာတပ်က ဆက်မလုပ်တော့တာ ဖြစ်တာကိုး။

မေး - “၀” တပ်ဖွဲ့ဘက်က ကာကွယ်ရေး ဦးစီးချုပ်နဲ့ တွေ့ဆုံမှုအပေါ် ဘယ်လိုသဘောထားရှိနိုင်မလဲ။
ဖြေ - “၀”တပ်ဖွဲ့အနေနဲ့ကတော့ ဒီလိုဖဲ့ထုတ်စည်းရုံးဖို့ ကြိုးစားတာကို လက်ခံမှာမဟုတ်ဘူးလို့ ယူဆရပါတယ် ဘာဖြစ်လို့ လဲဆိုတော့ လူမျိုးငယ်တွေ တိုင်းရင်းသားငယ်တွေဖြစ်တဲ့အခါ ကျတော့ သူတို့ကြားမှာ ရင်းနှီးတဲ့ဆက်ဆံမှုတွေ တစ် လျှောက်လုံး အများကြီးရှိခဲ့တာပဲ စီးပွားရေးအခွင့်အရေးတွေ ပေးထားသော်ငြားလည်း “၀” ခေါင်းဆောင် တွေရဲ့ကြားမှာ အမျိုးသားရေး စိတ်ဓါတ်အတော်လေး ပြင်းပြတယ် အဲဒီတော့ ဒီစိတ်ဓါတ်က အချိန်ကာလတစ်ခုအထိတော့ ဆက်လက် တည်မြဲနေမယ်လို့တော့ ထင်ပါတယ်။

မေး - မြန်မာအစိုုးရဘက်ကရော ၀ နဲ့ပတ်သက်လို့ ဘယ်လိုအမြင်တွေရှိနေနိုင်သလဲ။  
ဖြေ - “၀”တွေကို စစ်ရေးနည်းနဲ့ ဖြေရှင်းဖို့ခက်တယ် “၀”လောက်အင်အားမများတဲ့ ကေအိုင်အေကိုတောင်မှ တပ်ရင်းပေါင်း ၁၀၀ ကျော်သုံးပြီး တစ်နှစ်ကျော်လောက် တိုက်တာတောင်မှ စကားပြောတဲ့အခါ အပေါ်စည်းရအောင်လည်း မလုပ်နိူင်ဘူး အမြစ်ပြတ်အောင်လည်း မတိုက်နိူင် ခဲ့ဘူး “၀”နဲ့ ကျရင် ပိုခက်မယ် ကိုယ်ပိုင်အခြေခံဒေသကြီးရှိတယ် တောင့်တင်းတဲ့ လက်နက်ကိုင်အင်အားကြီးရှိတယ် ဘယ်လိုမှ လက်နက် ကိုင်နည်းနဲ့ ဖြေရှင်းလို့မရဘူး။

ဒါပေမဲ့ ၀ တွေရဲ့အားနည်းချက်က ကေအိုင်အေနဲ့မတူတာက ဗမာပြည်နိုင်ငံရေးကို ထဲထဲဝင်ဝင်နားမလည်ဘူး၊ အဲဒီတော့ မလိမ့်တစ်ပတ် ကိစ္စမျိုးတွေလုပ်နိုင်တယ်၊ နောက်တစ်ခုက ၀ ထဲမှာက အကျိုးစီးပွားဆိုင်ရာ ပြဿနာတချို့ရှိတယ်၊ အိမ်နီးနားချင်းနိုင်ငံနဲ့ဆက်စပ်နေမှုတွေ အဲဒီအောက်မှာ နည်းနည်းလေး complicate (ရှုပ်ထွေးမှု) ပိုဖြစ်တာပေါ့၊ အဲဒီဟာတွေပေါ်ကနေ လှည့်ပတ်ပြီးတော့ ဖြိုခွဲဖို့အစဉ်အမြဲကြိုးစား နေတာဖြစ်တယ်။

ဒီနေ့အမေရိကန်နဲ့ စစ်ရေးအရ အဆင့်တိုးပြီးဆက်ဆံနေတဲ့ ရည်ရွယ်ချက်တွေထဲမှာ တချို့ဟာ “၀”ကို ရည်ရွယ်တာလို့ ယူဆရတယ်။ သူတို့အထဲမှာ အာဏာရအုပ်စုအများစုဟာ “၀”ကို ဒီအတိုင်းဆက်ထားဖို့ လက်မခံနိုင်ကြဘူး၊ ဘယ်လိုမှ မတတ်သာလို့ ထိုင်ကြည့်နေရ တာဖြစ်တယ်၊ ဒါကြောင့်လည်း နည်းသဏ္႑န်မျိုးစုံနဲ့ “၀”ပြဿနာကို ဖြေရှင်းဖို့ ကြိုးစားနေတာဖြစ်တယ်၊ သူတို့ရဲ့ constitution ထဲမှာ ယာယီအပစ်ရပ်ဆဲရေးလုပ်ရုံနဲ့မလုံလောက်ဘူး၊ ၀ ကိုလည်းသီးခြား တပ်မတော် တစ်ခုအဖြစ်လည်း မပေးနိုင်ဘူး၊ ၂၀၀၈ ဖွဲ့စည်းပုံမပြင်ပဲနဲ့ ၀နဲ့မှမဟုတ်ဘူး၊ ဘယ်တိုင်းရင်းသား လက်နက်ကိုင် အဖွဲ့အစည်းကိုမှ စစ်မှန်တဲ့ငြိမ်းချမ်းရေးရဖို့ သေနတ်သံပြန်မထွက်ဖို့ မလုပ်နိုင်ဘူးဖြစ် နေတယ်။

မေး - လက်ရှိ “၀” တပ်ဖွဲ့ရဲ့စစ်ရေးပြင်ဆင်မှု အနေအထားကရော ဘယ်လိုရှိပါသလဲ။
ဖြေ - “၀သပ”ကတော့ သူ့ဒေသ ၀င်ရောက်မစွက်ဖက်ရေးပဲ “၀”အမျိုးသားတွေရဲ့ လုံခြုံရေး “၀” အမျိုးသားတွေရဲ့ ကာကွယ်ရေးဆိုတဲ့ အခြေ ခံပေါ်ကနေပြီး သူ့ဒေသကို မထိပါးဘူး၊ ကျူးကျော်ဝင်ရောက်တိုက်ခိုက်မှုမရှိဘူးဆိုရင်တော့ သူ့ဘက်ကသေနတ်သံမထွက်ဖို့များတယ်။ ဒါပေ မဲ့လို့ လက်ရှိ “၀”တပ်ဖွဲ့ရဲ့ အနေအထားကို ဗမာအစိုးရက လက်ခံနိုင်မဲ့ အခြေအနေမရှိဘူး။

မေး - “၀”တပ်ဖွဲ့ကို အစိုးရဘက်က ကိုင်တွယ် ဖြေရှင်းရေးအပေါ်ရော ဘယ်လိုယူဆပါသလဲ ။

“၀”ရဲ့လက်ရှိအခြေအနေဟာ ၂၀၀၈ ဖွဲ့စည်းပုံနဲ့ကိုက်မကိုက်ဆိုတာ သူတို့အသိဆုံးဖြစ်တယ်၊ လက်နက်ကိုင် အင်အားဟာ ၃ သောင်းနဲ့ ၄ သောင်းကြားမှာ ရှိနေပြီ၊ လူအင်အား ၊ လက်နက်တပ်ဆင်မှုအင်အား၊ လေ့ကျင့်မှုအင်အား ဒါကို BGF တုန်းကလို Push လုပ်လို့မရဘူး။ ဒါကြောင့်မို့ “၀” ပြည်နယ်ရဲ့အခြေအနေကိုလည်း လူထုကို မပြောရဲဘူး ထောက်ပြကြမဲ့ လူအများကြီး constitution နဲ့မကိုက်တာတွေ အများကြီးပါတယ်။ ဒါကိုဗမာအစိုးရက ကြိတ်ပြင်နေတာ တရုတ်ပြည်နဲ့ ဆက်ဆံရေး နိုင်ငံတကာလှုပ်ရှားမှုတွေ “၀”နဲ့ဆက်ဆံရေးမှာ ဗမာ အစိုးရအတွက် ကြီးမားတဲ့ အခန်းကဏ္႑ကပါ၀င်နေတယ်။ တိုင်းရင်းသားလက်နက်ကိုင်တွေကို ဒီလိုနည်းနဲ့ချဉ်းကပ်မယ်ဆိုရင် အမျိုးသား ပြန်လည်သင့်မြတ်ရေး လမ်းကြောင်းကို ဘယ်လိုမှ မရောက်နိုင်ပါဘူး။

မေး - ဘာများ ထပ်ဖြည့်ပြောချင်ပါသလဲ ။

ဖြေ - ဗမာအစိုးရက စစ်မှန်တဲ့ငြိမ်းချမ်းရေးလုပ်နေတာမှမဟုတ်တာ နိူင်ငံတကာမှာ ပြောင်းလဲနေပါတယ်လို့ ဖေါ်ပြချင်လို့တာ လက်မှတ်ထိုး နေတာ ဗမာအစိုးရအဆက်ဆက်ပေါ့ ဦးနုအပါအဝင် အစိုးရက  စစ်မှန်တဲ့ပြည်တွင်းငြိမ်းချမ်းရေး ဖေါ်ဆောင်ခဲ့တာ တစ်ခါမှမရှိခဲ့ဘူး လူမျိုးကြီး ၀ါဒ စစ်တပ်ကြီးစိုးရေးဝါဒ စစ်ဘုရင်ဝါဒတွေ ကျင့်သုံးလာတဲ့အခါကျတော့ လူမျိုးစုတွေနဲ့ သဟဇာတလုံးဝမဖြစ်တော့ဘူး ရည်ရွယ်ချက်က တိုင်း ပြည်ငြိမ်းချမ်းရေးအတွက် ကြိုးစားနေတာ မဟုတ်ဘူး လက်နက်ကိုင်တွေကို စစ်ရေးနည်းနဲ့သော်လည်းကောင်း အခြားနည်းနဲ့ သော်လည်းကောင်း တစ်လျှောက်လုံး  ဖြိုခွဲလာခဲ့တာဖြစ်တယ်။

တကယ့်အပြောင်းအလဲဆိုတာ စစ်တပ်ပြောင်းလဲမှသာ ဖြစ်မှာပါ စစ်တပ်ရဲ့အခြေခံပြောင်းလဲမှု အဓိကနှစ်ချက်ရှိတယ်၊ စစ်တပ်က တိုင်းပြည် ရဲ့ ကယ်တင်ရှင်ဆိုတဲ့ ခံစားမှုရယ်၊ ဖက်ဒရယ်ဆိုတာရယ် ဒီနှစ်ခုကို နားလည်သဘောပေါက်မှ ဖြစ်မယ်၊ ဒီလိုဖြစ်အောင် ပညာပေးနိုင်မယ် ၊ ပြုပြင်နိုင်မယ်ဆိုရင် ဗမာပြည်ဟာ တကယ်ပြောင်းလဲလာပြီလို့ ပြောလို့ရမယ်၊ အခုပြောင်းလဲမှုလို့ပြောနေတဲ့ဟာက အချိန်မရွေးနောက်ပြန် လှည့်သွားနိုင်တယ်၊ စစ်တပ်ကိုမပြောင်းလဲနိုင်ရင် ၂၀၀၈ ဖွဲ့စည်းပုံအထက်မှာ စစ်တပ်ရှိနေတယ် အဲဒါပါဘဲ။

http://www.burmese.panglong.org/interview/104-2012-01-25-04-07-20/3555-2012-10-09-10-21-25.html

October 8, 2012

ကာချုပ်နှင့်အဖွဲ့ ‘ဝ’ နှင့် မိုင်းလားအား မူးယစ်ဆေးဝါးအဓိကထားဆွေးနွေး

တပ်မတော်ကာကွယ်ရေးဦးစီးချုပ် ဒုဗိုလ်ချုပ်မှူးကြီးမင်းအောင်လှိုင် ဦးဆောင်သောအဖွဲ့  ဝ နှင့် မိုင်းလား ခေါင်း ဆောင်များအား စနေနေ့က ကျိုင်းတုံ၌တွေ့ဆုံကာ မူးယစ်ဆေးဝါးကိစ္စ အဓိကထားဆွေးနွေးသွား ကြောင်း နီးစပ်သည့် အသိုင်းအဝိုင်းကပြောပါသည်။
wa-naypyipaw
ယမန်နှစ်က လားရှိုး၌ ကျင်းပသော UWSA နှင့်နေပြည်တော်အဖွဲ့၏ ပြည်ထောင်စုအဆင့် ငြိမ်းချမ်းရေးဆွေးနွေးပွဲ

“သီးသန့်လေယာဉ်နဲ့ လာတယ်။ ဒုဗိုလ်ချုပ်မှူးကြီးမင်းအောင်လှိုင်ဦးဆောင်တယ်။တိုင်းချုပ် ဒု ဗိုလ်ချုပ်ကြီး အောင်သန်းထွဋ် ရလခ၊ ရမခ နဲ့အတူ တြိဂံ တိုင်းမှူးလဲပါတယ်။ အစိုးရရဲ့ စစ်ခေါင်းဆောင်ပိုင်း အားလုံး ၉ ယောက် လာတယ်၊ အဓိက ကတော့ နိုင်ငံရေး စစ်ရေးဘက်သိပ်မပြောဘူး၊ မူးယစ်ယစ်ဆေးဝါး တိုက်ဖျက်ဖို့ အဓိက ပြောသွားတယ်” - ဟု ကျိုင်းတုံရှိ အပစ်ရပ် ကိုယ်စားလှယ်ရုံးအသိုင်းအဝိုင်းက ပြောပါသည်။

စက်တင်္ဘာ ၆ ရက် မွန်းလွဲ ၁၂:၃၀ နာရီ က သျှမ်းပြည်အရှေ့ပိုင်း ကျိုင်းတုံမြို့၌ ဗိုလ်ချုပ်ကြီးမင်းအောင်လှိုင် နှင့်အတူ လားရှိုး၊ ခိုလမ် နှင့် ကျိုင်းတုံမှ စစ်တိုင်းမှူးတို့ ပါဝင်သောအဖွဲ့က UWSA ဝ တပ်ဖွဲ့ ဒု ဥက္ကဌ ရှောက် မင်လျှံ၊ ကျောက် ကော်အန်း၊ လီဂျူးလျဲ့ ခေါ် ဦးအောင်မြင့် ၊ ၁၄:၀၀ နာရီတွင် NDAA-ESS မိုင်းလားတပ်ဖွဲ့ မှ ဥက္ကဌ စိုင်းလင်း၊ ဒုဉက္ကဌ ဆန်းပေ နှင့် ခွန်ဆန်လူ တို့က တွေ့ဆုံဆွေးနွေးကြသည်ဟု ဆိုသည်။

“ဒုဗိုလ်ချုပ်မှူးကြီးမင်းအောင်လှိုင်ကနေပြီးတော့ ‘အခုကျနော်တို့တိုင်းပြည်မှာမူးယစ်ဆေးဝါး အရမ်းပေါများ နေတယ်။ ထိုင်း၊ တရုတ်နှင့် အမေရိကန်တွေတောင်မေးမြန်းလာတယ်ဆိုတော့၊ ခင်ဗျားတိုအပစ်ရပ် နယ်မြေတွေလဲ ၂၀၁၅ မှာ မူးယစ်ဆေးဝါးမရှိစေချင်တော့ဘူး၊ ခင်ဗျားတို့နာမည်ပျက်ရင်လဲ၊ ကျနော်တို့ နာမည် အဖျက်ခံရတာနဲ့ အတူတူဘဲ’ စတာတွေပြောတယ်” - ဟု ဝ  ၊ မိုင်းလား ခေါင်းဆောင်ပိုင်းနှင့် နီးစပ်သူတဦးကပြောပါသည်။

မြန်မာအစိုးရသည် ပြည်ထဲရေးဝန်ကြီးဌာနဝန်ကြီး နှင့် CCDAC မူးယစ်ဆေးဝါးတိုက်ဖျက်ရေးဗဟိုကော်မတီ ဥက္ကဌ ဒုတိယဗိုလ်ချုပ်ကြီးကိုကိုကလည်း ‘၂၀၁၄ အပြီးလုပ် ဆောင်မည့် မြန်မာနိုင်ငံမူးယစ် ဆေးဝါးတိုက် ဖျက်ရေး စီမံကိန်းအား ၂၀၁၉ အထိ စီမံကိန်းနှစ်ဆက်တိုးထား သည်ဟု  ပြောကြောင်း’ -  ၆ ရက်နေ့ထုတ်အစိုးရပိုင် သတင်းစာ၌ ရေးသား၏။

ထို့အတူ အာဆီယံနိုင်ငံ အတွင်း မူးယစ်ဆေးဝါး ပပျောက်ရန် မြန်မာနိုင်ငံအပေါ်မူတည်ကြောင်း၊ မြန်မာအစိုး ရ၏ မူးယစ်ဆေးဝါးပပျောက်ရေးစီမံကိန်းပြောင်းလဲမှုကြောင့် အာဆီယံမူးယစ်ကင်းစင်ရေးလည်း ၂၀၁၅ မှ၂၀၂၀ သို့ ရွှေ့သွား ဖွယ်ရှိ ကြောင်း သျှမ်းပြည်မူးယစ်ဆေးဝါးစောင့်ကြည့်ရေးအဖွဲ့ခေါင်းဆောင် ဦးခွန်စိုင်းကပြောပါသည်။

ဂျူလိုင် ၁၁-၁၅ အထိ တပ်ဖွဲ့ညီလာခံမှ ဆုံးဖြတ်ချက်အရ ‘စိုက်ပျိုးခြင်း၊ ချက်လုပ်ခြင်း၊ သယ်ယူပို့ဆောင်ခြင်း၊ ရောင်းဝယ်ခြင်း၊ သုံးစွဲခြင်း လုံး၀မရှိရ ဆိုသည့်ဝန်ခံကတိအား အိမ်တိုင်း လက်မှတ်ရေးထိုးခိုင်း သည့်နောက် မူးယစ်ဆေးဝါးနှင့် ပတ်သက်ဆက်နွယ်သူ ၃၀၀ ကျော်အား ထိန်းချုပ်ထားပြီးချထားသော စည်းမျဉ်းဥပဒေ အရ တရားစီရင်သွားမည်ဖြစ်ကြောင်း မိုင်းလားအရှိ တဦးကလည်းပြောပါသည်။
http://www.burmese.panglong.org/news/92-2008-08-03-06-48-25/3551-2012-10-08-09-48-57.html

“၀” ၊ မိုင်းလား အဖွဲ့များ နှင့် ကာချုပ် တွေ့ဆုံ


ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင် (ဓာတ်ပုံ – ဧရာဝတီ)
ဒု ဗိုလ်ချုပ်မှူးကြီး မင်းအောင်လှိုင် ကာကွယ်ရေးဦးစီးချုပ် တာဝန်ယူပြီးနောက် ပထမဆုံးအကြိမ်အဖြစ် တရုတ်နယ်စပ်အခြေစိုက် အပစ်ရပ်အဖွဲ့များဖြစ်သည့် ၀ပြည်သွေးစည်ညီညွတ်ရေး အဖွဲ့ (UWSA)၊ မိုင်းလားအခြေစိုက် အမျိုးသားဒီမိုကရေစီ မဟာမိတ်တပ်မတော် (NDAA) ခေါင်းဆောင်များနှင့် ရှမ်းပြည် အရှေ့ ပိုင်း ကျိုင်းတုံ အခြေစိုက် တြိဂံတိုင်းစစ်ဌာနချုပ်တွင် ပြီးခဲသည့်စနေနေ့က  တွေ့ဆုံဆွေးနွေးသည်။
UWSA အဖွဲ့ ဒု ဥက္ကဋ္ဌ ရှောက်မီလျံ၊ NDAA အဖွဲ့ ဥက္ကဋ္ဌ ဦးစိုင်းလင်းတို့နှင့် တွေ့ဆုံဆွေးနွေးခြင်းဖြစ်ပြီး၊ မည်သည့် အကြောင်းအရာများ ဆွေးနွေးသည်ကိုမူ ထုတ်ပြန်ကြေညာခြင်းမရှိပေ။
“ပြဿာနာ ကြီးကြီးမားမားရှိလို့ တွေ့ဆုံတာမဟုတ်ပါဘူး၊ နယ်မြေ အတွင်းမှာဖြစ်ပေါ်နေတဲ့ လတ်တလော အခြေအနေလေးတွေကို ပြောကြမှာပါ”ဟု UWSA အဖွဲ့၏ ဗဟိုကော်မတီဝင်တဦးဖြစ်သူ ဦးဘွမ်တိန်းက ဧရာဝတီကို ပြောဆိုသည်။
ယခင် စစ်အစိုးရလက်ထက် အပစ်ရပ် တိုင်းရင်းသားလက်နက်ကိုင်အဖွဲ့ များအား နယ်ခြားစောင့်တပ်ဖွဲ့များအဖြစ် ပြောင်းလဲရန် ကြိုးစားရာ တဖက်နှင့် တဖက်တင်းမာမှုများ ဖြစ်ပွားခဲ့ပြီး အဆိုပါအဖွဲ့များနှင့် ဆက်ဆံရေး တန်းသွားခဲ့သော်လည်း သမ္မတဦးသိန်းစိန် အစိုးရလက်ထက် ပြီးခဲ့သည့်နှစ် စက်တင်ဘာလအတွင်း က ပဏာ မငြိမ်းချမ်းရေး သဘောတူညီချက်များ အောက်ခြေတပ်မှူးများအဆင့် ဆွေးနွေးပွဲများမှတဆင့် ရယူနိုင်ခဲ့သည်။
ထိုသဘောတူညီချက်များတွင် ဆက်ဆံရေးရုံးများကို မြို့ကြီးများတွင် ပြန်လည်ဖွင့်လှစ်ရန်၊ နှစ်ဘက်တပ်ဖွဲ့များ လက်ရှိ အခြေ အနေအတိုင်း ဆက်ရှိနေရန်၊ လက်နက်ကိုင် တပ်ဖွဲ့များ အစိုးရနယ်မြေများသို့ လာရောက်လျှင် ကြိုတင်အကြောင်းကြားရန်နှင့် ငြိမ်းချမ်းရေး ဆွေးနွေးရာတွင် တူညီသည့် ဘုံအချက်များကိုသာ ဆွေးနွေးပြီး ပဋိပက္ခဖြစ်မည့် အငြင်းပွားဖွယ်အချက်များကို ရှောင် ရန်၊  နှစ်ဖက်တင်းမာမှု ဖြစ်ပွားစဉ်က ၀နယ်မြေမှ ထွက်ခွာသွားသည့် အစိုးရဝန်ထမ်းများကို ပြန်လည်လက်ခံရန် စသည့်အချက် များ ပါ၀င်သည်။
ဒု ဗိုလ်ချုပ်မှူးကြီး မင်းအောင်လှိုင်နှင့် ၀ လက်နက်ကိုင်တပ်ဖွဲ့ (UWSA)တို့ တွေ့ဆုံမှုသည်  မြန်မာတပ်မ တော်နှင့် ကချင်လွတ်လပ် ရေး တပ်ဖွဲ့ (KIA)တို့ တိုက်ပွဲများ ဖြစ်ပွားချိန်နှင့်လည်း တိုက်ဆိုင်နေသည်။
တရုတ်မြန်မာနယ်စပ်ရှိ စစ်ရေး၊ နိုင်ငံရေး အကဲခတ် ဦးအောင်ကျော်ဇောက“တရုတ်နယ်စပ်က တိုင်းရင်းသားတွေက တရုတ်နဲ့ အရမ်းနီးစပ်သလို၊ လက်ရှိ ၀တပ်ဖွဲ့ အနေအထားအရလည်း မြန်မာတပ်ကတိုက်ဖို့ မလွယ်သေးဘူး၊ ဒါကြောင့် သတိကြီးကြီးနဲ့ ကိုင်တွယ်နေတဲ့ပုံပဲ”ဟု ဆိုသည်။
တရုတ်နယ်စပ်အခြေစိုက် တိုင်းရင်းသားများအရေးသည် တရုတ်အစိုးရအပေါ်တွင်လည်း မူတည်ပြီး၊ အစိုးရသစ် လက်ထက်တွင် အမေရိကန်နှင့် အနီးကပ်ဆက်ဆံလာ ခြင်း၊ မြစ်ဆုံရေကာတာစီမံကိန်းကို ရုတ်သိမ်းခဲ့ခြင်းတို့သည်တရုတ်- မြန်မာဆက်ဆံရေးကို ထိခိုက်နိုင် ကြောင်း၊ ထိုကြောင့် တရုတ်အစိုးရက တိုင်းရငး်သားများကို ကျောထောက်နောက်ခံပြန်လည် ပြုလာနိုင်ကြောင်း ဦးအောင် ကျော်ဇောက သုံးသပ်သည်။
ဒု ဗိုလ်ချုပ်မှူးကြီး မင်းအောင်လှိုင်သည် တိုင်းရင်းသားအရေးနှင့် ပတ်သက်လျှင် ပြတ်ပြတ်သားသား ကိုင်တွယ်သူတဦးဟု အများက ပြောဆိုကြ သော်လည်း စစ်တပ်ပိုင် မြဝတီသတင်းဌာနမှ ဖော်ပြ သည့် ဓာတ်ပုံများ၌မူ ၀တိုင်းရင်းသားခေါင်းဆောင် ရှောက်မီလျံ နှင့် ရင်းနှီးစွာ ဖက်လှဲတကင်း နှုတ်ဆက်နေသည်ကို တွေ့ရသည်။
ကြိဂံတိုင်းစစ်ဌာနချုပ်တွင် တိုင်းမှူးအဖြစ်တာဝန်ယူခဲ့သူ ဒု ဗိုလ်ချုပ်မှူးကြီး မင်းအောင်လှိုင်သည် ဒေသတွင်းရှိ တပ်ရင်းတပ်ဖွဲ့များ ၏အနေ အထား စစ်ရေးလေ့ကျင့်မှုများကိုလည်း သွားရောက်စစ်ဆေးခဲ့သေးသည်။

http://burma.irrawaddy.org/archives/22288
Related Posts Plugin for WordPress, Blogger...

အင်တာဗျူး

ငြိမ်းချမ်းရေးအတွက်ယုံကြည်မှုတည်ဆောက်ဖို့ သျှမ်း-ကယား ဆွေးနွေးပွဲကို အခုလ ၂၀ ရက်နေ့မှာ လားရှိုးမြို့မှာကျင်းပ မယ်လို့ သိရပါတယ်။ ထာဝရ ငြိမ်းချမ်းရေးရဖို့ ဒီဆွေးနွေးပွဲ ဖြစ်မြောက်ရေး ဦးဆောင်တဲ့ပုဂ္ဂိုလ်တွေက ဘယ်လိုရည်မှန်း ထား ကြသလဲ၊ ဘာတွေဆက်လုပ်သင့်သလဲဆိုတာ သိရအောင် ကယားပြည်နယ်ကိုယ်စားပြု ဆွေးနွေးပွဲဖြစ်မြောက်ရေး ကော်မတီဝင် ကယန်းပြည်သစ်ပါတီ တွဲဖက်အတွင်းရေးမှူး ၁ ဗိုလ်မှူးစောလွင်ကို သျှမ်းသံတော်ဆင့်က ဆက်သွယ်မေးမြန်း ထားပါတယ်။

အပြည့်အစုံသို့ ...

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲအပေါ် KNPP ရဲ့အမြင်

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲမှာ လက်နက်ကိုင်အဖွဲ့အစည်းနဲ့ နိုင်ငံရေးပါတီ တွေ စုစုပေါင်း ၂၅ ဖွဲ့ ကိုဖိတ်ကြားထားတယ်လို့သိရပါတယ်။

အပြည့်အစုံသို့ ...

တိုင်းရင်းသားတွေ အပေါ် မတန်တဆလက်နက်တွေနဲ့ တိုက်ခိုက်နေတာကို သူရဲကောင်းတွေလို့ သတ်မှတ်ရမှာလား

ပြည်ထောင်စုနေ့ကျရောက်ခါနီး ၄ ရက်အလို ယခုလ ၈ ရက်နေ့က အစိုးရစစ်တပ်တွင်း သူရဘွဲ့ ၃ ဆု အပါအဝင် သူရဲ ကောင်းမှတ်တမ်းဝင် ရ၈ ဆုနှင့် တပ်မတော်သားကောင်းဆု ၁၅၀၀ ကျော်ခန့် ချီးမြှင့်ခဲ့သည့် အပေါ် သျှမ်းသံတော်ဆင့် သတင်းဋ္ဌာနမှ တရုတ်နယ်စပ် စစ်ရေး ၊ နိုင်ငံရေးလေ့လာသူ ဦးအောင်ကျော်ဇောအား တွေ့ဆုံမေးမြန်းတင်ပြချက်။

အပြည့်အစုံသို့ ...

ဖုန်းဆင်းမ်ကတ်တွေ အိမ်တိုင်ရာရောက် အလကားပေးမယ်

ဆက်သွယ်ရေးလုပ်ငန်းများ လုပ်ဆောင်နိုင်ရန် တင်ဒါစိစစ် ရွေးချယ်ရေး ကော်မတီက ဇန်နဝါရီလ ၁၅ ရက်တွင် တင်ဒါခေါ်ယူထားရာ Red Link ကုမ္ပဏီလည်း လျှောက်ထားလိုက်ပြီး လုပ်ငန်း လုပ်ဆောင်ခွင့် ရရှိမည် ဆိုပါက ဖုန်းဆင်းမ်ကတ်များကို အိမ်တိုင်ရာရောက် အခမဲ့လိုက်လံဝေငှပေးမည်ဟု ကုမ္ပဏီ ဒုဥက္ကဋ္ဌ ဦးမင်းဆွေလှိုင်ကပြောဆိုသည်။

အပြည့်အစုံသို့ ...

အစိုးရနဲ့စစ်တပ် အကြံအစည်ဟာ KIO ကို အမြစ်ပြတ်ချေမှုန်းရေးပဲ ဖြစ်တယ်

၁၇ နှစ်ကျော်ကြာ အပစ်ရပ်ထားသော ကချင်ပြည်လွတ်လပ်ရေးအဖွဲ့ KIO / KIA နှင့် အစိုးရတပ်တို့ အကြား တိုက်ပွဲများ ပြန်လည် ဖြစ်ပွားခဲ့သည်မှာ ယနေ့ဆိုလျှင် အချိန်အားဖြင့် ၁ နှစ် ၈ လကျော် ကြာမြင့်ခဲ့ပြီ ဖြစ်သည်။

အပြည့်အစုံသို့ ...

သျှမ်းနှင့်ကယား ငြိမ်းချမ်းရေးအတွက် ယုံကြည်မှုတည်ဆောက်ခြင်း ဆွေးနွေးပွဲ လားရှိုး၌ကျင်းပ

ငြိမ်းချမ်းရေးအတွက်ယုံကြည်မှုတည်ဆောက်ခြင်း ဆွေးနွေးပွဲ သျှမ်းပြည်နယ်နဲ့ကယားပြည်နယ်ကို ဒီကနေ့ သျှမ်းပြည်မြောက်ပိုင်း လားရှိုးမြို့မှာ ကျင်းပခဲ့တယ်လို့ ကြားသိရပါတယ်။ သျှမ်းတိုင်းရင်းသား များဒီမိုကရေစီအဖွဲ့ချုပ်က ကမကထပြုတဲ့ ဒီဆွေးနွေးပွဲကနေ ဘာတွေဆွေးနွေးနိုင်ခဲ့သလဲ။ ဘယ်သူ တွေ ပါဝင်ဆွေးနွေးသလဲ သိရအောင်လို့ SNLD ပြောခွင့်ရပုဂ္ဂိုလ်စိုင်းလိတ်ကို သျှမ်းသံတော်ဆင့်က ဆက်သွယ်မေးမြန်းထားပါတယ်။

Last Updated on ကြာသပတေးနေ့၊ ဇန်နဝါရီလ 31 ရက် 2013 ခုနှစ် အပြည့်အစုံသို့ ...

ဗိုလ်ချုပ်မှူးကြီး “ဘာမှ ဝင်ရောက်စွက်ဖက်တာ မရှိပါဘူး” ဟု ဦးဌေးဦး ပြော

ယခင် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေမှာ လက်ရှိအခင်းအကျင်း ရောက်အောင် ဖန်တီး၍ လွှဲအပ်သွားခဲ့ပြီးနောက် မည်သည့်စွက်ဖက်မှုမျှ မရှိတော့ကြောင်း ဗိုလ်ချုပ်မှူးကြီး သန်းရွှေနှင့် တွေ့ဆုံခွင့်ရသူ အနည်းစုထဲမှ တဦးဖြစ်သည့် အာဏာရ ကြံ့ခိုင်ရေးပါတီ၏ ဒုတိယ ဥက္ကဋ္ဌ ဦးဌေးဦး က ပြောဆိုလိုက်သည်။

အပြည့်အစုံသို့ ...

ကချင်စစ်ပွဲအရေး အစိုးရက လုံးဝ တာဝန်ရှိ

ကချင်ပြည်နယ်အတွင်း ဖြစ်ပွားနေတဲ့ စစ်ရေးပဋိပက္ခတွေ၊ စစ်ပြေးဒုက္ခသည်တွေရင် ဆိုင်နေရတဲ့ ဒုက္ခကနေ အမြန်ဆုံး လွှတ်ကင်းအောင် ၊ ပဋိပက္ခတွေ ပြေလည်ငြိမ်းအေးအောင် သမ္မတနဲ့ အစိုးရကို တိုက်တွန်း တဲ့ ကြေငြာချက်တစောင် သျှမ်းတိုင်းရင်း သားများ ဒီမိုကရေစီအဖွဲ့ ချုပ် SNLD က ဇန်နဝါရီလ ၁၆ ရက်နေ့စွဲနဲ့ ထုတ် ပြန်ခဲ့ပါတယ်။

အပြည့်အစုံသို့ ...

 
Design by Free WordPress Themes | Bloggerized by Lasantha - Premium Blogger Themes | Hot Sonakshi Sinha, Car Price in India