Tuesday, November 13, 2012
မြန်မာ့ငြိမ်းချမ်းရေးလေ့လာစောင့်ကြည့်မှု
တိုက်ပွဲများသည် နိုဝင်ဘာလ ၁၁ ရက်နေ့မှစတင်ဖြစ်ပွားနေခြင်းဖြစ်ပြီး မြစ်ကြီးနား-ပူတာအိုလမ်း တယန်ဇွပ် (Tayang Zup) နှင့် ဆွပ်ခါ (Sup Hka) ကြားတွင်လည်း အစိုးရစစ်ကား တစ်စီးမှောက်၍ စစ်သား ၄ ဦးသေဆုံးကာ တချို့ဒဏ်ရာရရှိခဲ့ကြောင်း ရှေ့တန်း KIA အရာရှိ တစ်ဦးပြောသည်။
ယခု ပစ်ခတ်မှုသည် မကြာသေးခင်က မြစ်ကြီးနားမြို့မှ စစ်ကား ၃၆ စီးဖြင့် ပူတာအိုသို့ ချီတက်လာသော အစိုးရတပ်ဖွဲ့ နှင့် KIA တပ်မဟာ (၁) တပ်ဖွဲ့တို့ဖြစ်သည်။
ဖားကန့် ကျောက်စိမ်းမှော်သွားလမ်းရှိ ကားမိုင်းအနီး KIA တပ်ရင်း (၆) တပ်ဖွဲ့နှင့် အစိုးရတပ်ဖွဲ့တို့ တိုက်ပွဲတွင် အစိုးရဘက်မှ ၃ ဦးသေဆုံးပြီး တချို့ဒဏ်ရာ ရရှိကြောင်း ရှေ့တန်းသတင်းရပ်ကွက်မှပြောသည်။
ပြီးခဲ့သည့်အပတ်တွင်း အောက်မြန်မာပြည်မှ စစ်အင်အားသစ် ထောင်ချီကို ရထား (၃) စီးဖြင့် ကချင်ပြည်နယ်သို့ သယ်ပို့ခဲ့သည်။ ၎င်းစစ်ကူများ နိုဝင်ဘာလ ၈ ရက်နေ့တွင် မြစ်ကြီးနား မြောက်ပိုင်းတိုင်းစစ်ဌာနချုပ် (မပခ) သို့ ရောက်ရှိလာပြီး ထိုမှ ကချင်ပြည်နယ် အရှေ့ဘက်၊ အနောက်ဘက်နှင့် မြောက်ဘက် KIA တပ်စခန်းများ ရှိရာသို့ တဖန်ထွက်ခွာသွားသည်။
ပြီးခဲ့သည့်ပတ်အတွင်း KIO ဗဟိုဌာနချုပ် လိုင်ဇာမှ ၁၀ မိုင်အကွာရှိ အစိုးရစစ်စခန်းများတွင် စစ်အင်အားသစ် ၁၀၀၀ ခန့် ရောက်ရှိလာကြောင်း လိုင်ဇာမှ KIA အရာရှိတစ်ဦးဆိုသည်။
ဤကဲ့သို့ ကချင်ပြည်နယ်သို့ အစိုးရစစ်အင်အား ထပ်မံတိုးချလာခြင်းသည် မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) နှစ်ဖက် ကိုယ်စားလှယ်များ အောက်တိုဘာ ၃၀ ရက်နေ့ တရုတ်နိုင်ငံ ရွှေလီမြို့ မအောင်မြင်သော တွေ့ဆုံပွဲအပြီးနှင့် အမေရိကန် သမ္မတ အိုဘားမား မြန်မာနိုင်ငံသို့ လာရောက်ရန် ဆယ်ရက်အလို ပြုလုပ်ခြင်းဖြစ်သည်။
http://kachinnews.com/burmese/news/994-%E1%80%80%E1%80%AC%E1%80%B8%E1%80%99%E1%80%AD%E1%80%AF%E1%80%84%E1%80%B9%E1%80%B8%E1%82%8F%E1%80%BD%E1%80%84%E1%80%B9%E1%80%B7-%E1%80%95%E1%80%B0%E1%80%90%E1%80%AC%E1%80%A1%E1%80%AD%E1%80%AF%E1%80%9C%E1%80%99%E1%80%B9%E1%80%B8-%E1%80%90%E1%80%AD%E1%80%AF%E1%80%80%E1%80%B9%E1%80%95%E1%80%BC%E1%80%B2%E1%80%90%E1%80%BC%E1%80%84%E1%80%B9-%E1%80%BB%E1%80%99%E1%80%94%E1%80%B9%E1%80%99%E1%80%AC%E1%80%85%E1%80%85%E1%80%B9%E1%80%9E%E1%80%AC%E1%80%B8-%E1%81%87-%E1%80%A5%E1%80%AE%E1%80%B8%E1%80%80%E1%80%BA.html
Posted in: ကချင်,ကချင်စစ်ဆင်ရေး,စစ်ဆင်ရေး,သတင်း
