တပ်ရိက္ခာစပါး ဝယ်ယူရန် တင်ဒါ ခေါ်ရာတွင် မွန်ပြည်နယ် ပါဝင်

မင်းတော်လဝီ – ၂၀၁၃-၂၀၁၄ ခုနှစ် တပ်မတော်ရိက္ခာအတွက် ဧည့်မထ အမျိုးအစား စပါးကို ပြည်နယ်နှင့် တိုင်းဒေသကြီးအလိုက် တင်ဒါစနစ်ဖြင့် ဝယ်ယူမည့် အစီအစဉ်တွင် မွန်ပြည်နယ်ရှိ (၁၀) မြို့နယ်လုံးကို စပါးဝယ်ယူမည့် ဒေသများအဖြစ် ထည့်သွင်းထားကြောင်း အစိုးရထုတ် သတင်းစာတွင် ဖော်ပြထားသည်။

မွန်ပြည်နယ်ရှိ စပါးကွင်းတစ်နေရာ

ပြည်နယ်နှင့် တိုင်းဒေသကြီးအလိုက်၊ သတ်မှတ်သည့် နေရာအလိုက် တင်ဒါစနစ်ဖြင့် ၂၀၁၃ ခုနှစ် ဇန်နဝါရီလ ၁ ရက်နေ့မှ စတင်ဝယ်ယူတော့မည် ဖြစ်သည်။ “စပါးဝယ်မည့် ပြည်နယ်နဲ့ တိုင်းဒေသကြီး (၈) ခုထဲမှာ မွန်ပြည်နယ်အတွင်းက (၁၀) မြို့နယ်လုံးကို တပ်ရိက္ခာ ဝယ်ယူမယ့် စာရင်းမှာ ပါနေတာ” ဟု မော်လမြိုင်မြို့က ဆန်ကုန်သည်တဦးက ပြောသည်။
တပ်မှ ပေးသည့် ဈေးနှုန်းသည် ပေါက်ဈေးထက် နိမ့်နေခြင်း၊ လယ်သမားများ တပ်အထိ သွားရောက်ပို့ဆောင်ရန် ခက်ခဲခြင်းကြောင့် မော်လမြိုင်ခရိုင် (၆) မြို့နယ်တွင် တပ်ရိက္ခာ စပါးဝယ်ယူရန် လွယ်ကူမည် မဟုတ်ကြောင်း မုဒုံမြို့မှ စပါးကုန်သည် တဦးက ပြောသည်။
“မနှစ်ကဆို ဒီလိုရပ်ထဲရွာထဲ လိုက်ဝယ်မရတဲ့အဆုံးမှာ ဒေသထဲက ကုန်သည်တွေကို ဝယ်ခိုင်းပြီး တပ်ကို တင်ဒါစနစ်နဲ့ သွင်းနေတာ ရှိတယ်” ဟု ၎င်းက ပြောသည်။
သို့သော် သထုံခရိုင် ပေါင်မြို့နယ်၊ သထုံမြို့နယ်ရှိ ကျေးရွာများမှာ တပ်ရိက္ခာစပါး ဝယ်ယူပါက ရောင်းပေးမည့် လယ်သမားများ ရှိပြီး၊ အထူးသဖြင့် မုတ္တမမြို့ အခြေစိုက် တပ်ရင်းများမှ လာရောက် ဝယ်ယူကြသည်ဟု ပေါင်မြို့နယ် ထန်းပင်ချောင်ရွာမှ လယ်ပိုင်ရှင် မိခိုင်မြင့်က ပြောသည်။
“မနှစ်က လာဝယ်တော့ ထန်းပင်ချောင်ရွာက ရောင်းပေးတာ ရှိတယ်။ ကောက်စောစပါး တင်း (၁၀ဝ) ကို သုံးသိန်းခွဲ ဈေးနဲ့ပါ၊ ဒီနှစ်ဈေးကိုက်ရင် ရောင်းပေးရမှာပေါ့” ဟု သူမက ပြောသည်။
တပ်ရိက္ခာစပါး ဝယ်ယူရေးကို အထူးသဖြင့် ဧရာဝတီတိုင်း၊ ပဲခူးတိုင်းကဲ့သို့ စိုက်ဧကများပြီး စပါးထွက် များပြားသည့် နေရာများတွင် ဝယ်ယူလေ့ ရှိပြီး ပဲခူတိုင်း သနပ်ပင်မြို့နယ်၊ ဝေါမြို့ နယ်၊ ကဝမြို့နယ်မှ တဆင့် ကုန်သည်များက ဝယ်ယူကာ တပ်ရင်းကို တင်ဒါစနစ်ဖြင့် သွင်းရသည်ဟု မုဒုံမြို့နယ် မြန်မာ့လယ်ယာထွက်ကုန် ရောင်းဝယ်ရေးမှ တာဝန်ရှိ ဝန်ထမ်းတဦးက ပြောသည်။
ကိုယ်တိုင် စပါးစိုက်ပျိုး ထုတ်လုပ်ပြီး တစ်ဦးချင်းသော်လည်းကောင်း၊ စုပေါင်း၍သော်လည်းကောင်း၊ စပါးတင်း (၁၀ဝ) နှင့် အထက် ရောင်းချပေးသွင်းနိုင်သည့် တောင်သူများအနေဖြင့် တိုင်းစစ်ဌာနချုပ်များ၊ ထောက်ပံ့နှင့် ပို့ဆောင်ရေး တပ်ရင်းများနှင့် တပ်ရင်းတပ်ဖွဲ့များသို့ ရောင်းချပေးသွင်းနိုင်ကြောင်း သိရသည်။
တပ်ရိက္ခာစပါး ဝယ်ယူရန် တင်ဒါခေါ်ယူသည့် ပြည်နယ်နှင့် တိုင်းဒေသကြီးများမှာ ကချင်ပြည်နယ်၊ ရှမ်းပြည်နယ် မြောက်၊ ရှမ်းပြည်နယ် အရှေ့၊ မွန်ပြည်နယ်၊ ရန်ကုန်တိုင်းဒေသကြီး၊ ရခိုင်ပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး အရှေု့၊ ပဲခူးတိုင်းဒေသကြီးအနောက်တို့ ဖြစ်သည်။
ပေးသွင်းရမည့် စပါးအရေအတွက်၊ စပါးအရည်အသွေး သတ်မှတ်ချက်၊ ပေးသွင်းရမည့်နေရာ၊ ပေးသွင်းရမည့်ကာလ စသည့် အသေးစိတ် အချက်အလက်များနှင့် တင်ဒါပုံစံတို့အား အထက်ပါ နေရာများရှိ တိုင်းစစ်ဌာနချုပ်များ၊ ထောက်ပံ့နှင့် ပို့ဆောင်ရေး တပ်ရင်းများနှင့် တပ်ရင်း၊ တပ်ဖွဲ့များတွင် စုံစမ်းနိုင်ကြောင်း ဒီဇင်ဘာလ ၃ ရက်နေ့ထုတ် အစိုးရ သတင်းစာများတွင် ဖေါ်ပြပါရှိသည်။

http://burmese.monnews.org/?p=5993

ဆက်စပ်သော် သတင်းများ။

1. မွန်ခွဲထွက်များနှင့် ကရင်နယ်ခြားစောင့်တပ်ဖွဲ့ ပစ်ခတ်ရာတွင် နှစ်ဖက်သေဆုံးမှုရှိ မင်းသုတ- ကရင်ပြည်နယ်တွင်လှုပ်ရှားနေသော မွန်ခွဲထွက်များနှင့် ကရင်နယ်ခြားစောင့်တပ်ဖွဲ့တို့ ယမန်နေ့ညပိုင်းတွင် ဖားအံမြို့နယ်၊ ခရားအတွင်းရွာအနီး၌ သေနတ်ပစ်ခတ်မှုဖြစ်ပွားခဲ့ရာ နှစ်ဖက်ထိခိုက်သေဆုံးမှုဖြစ်ပေါ်ခဲ့သည်ဟု သိရသည်။...
2. ကြိုတင်မဲကောက်ရာတွင် မွန်ပါတီကိုယ်စားလှယ်လောင်းများ ကြည့်ရှုခွင့်မရ ဂျူရီချိုင်း – မော်လမြိုင်မဲဆန္ဒနယ်၌ ကြိုတင်မဲကောက်ခံရာတွင် ရွေးကောက်ပွဲကော်မရှင်က ပါတီကိုယ်စားလှယ်လောင်းများအား ၀င်ရောက်ကြည့်ရှု့ခွင့် မရှိဟု မွန်ဒေသလုံးဆိုင်ရာဒီမိုကရေစီပါတီက သိရသည်။...
3. ငြိမ်းချမ်းရေးဖော်ဆောင်ရာတွင် အမျိုးသမီးများ ပါဝင်ရန်လိုအပ် လက်ရှိ ငြိမ်းချမ်းရေးဖော်ဆောင်နေမှုဖြစ်စဉ်တလျှောက်တွင် ကရင်အမျိုးသမီးများအနေဖြင့် ပါဝင်သင့်ကြောင်း ကရင်အမျိုးသမီးအစည်းအရုံး KWO က ယနေ့ပြောကြားလိုက်သည်။ ကရင်အမျိုးသမီးအစည်းအရုံး KWO...
4. ငြိမ်းချမ်းရေး တည်ဆောက်ရာတွင် တပ်မတော်ခေါင်းဆောင်များ၌လည်း အဓိကတာဝန်ရှိဟု UNA ပြော ရဲမွန် – ပြည်တွင်း ငြိမ်းချမ်းရေး ဖော်ဆောင်ရာ၌ တပ်မတော် အကြီးအကဲများသည်လည်း အဓိက တာဝန်ရှိသူများ ဖြစ်သည်ဟုဆိုပြီး...
5. နိုင်ငံတော်အရန်ဆန် မိုးစပါးဝယ်ယူမည့်အစီအစဉ် မွန်ပြည်နယ်မပါရှိ မင်းတော်လဝီ – နိုင်ငံတော်အတွက်အရန်ဆန် မိုးစပါးဝယ်ယူခြင်းကို နိုဝင်ဘာလ ၂၀ ရက်နောက်ပိုင်းတွင် ဝန်ကြီးဌာန များနှင့် မြန်မာနိုင်ငံဆန်စပါး...
6. ဘုရားသုံးဆူရှိ တရားမဝင် ရောင်းဝယ်နေသည့် သစ်များကို ဖယ်ရှားခိုင်းနေ သူရိန်၊ ဂျူရီချိုင်း – အရေးကြီးပုဂ္ဂိုလ်ခရီးစဉ်အတွက် မြို့တွင်းရှိ တရားမဝင်သစ်များ သိမ်းဆည်းရန် ဘုရားသုံးဆူမယကဥက္ကဋ္ဌက သစ်ရောင်းဝယ်ရေးသမားများကို ယမန်နေ့က...
7. လွှတ်တော်ဝင်မည့် တပ်မတော်သားများ စာရင်းကြေညာ လွတ်လပ်သောမွန်သတင်းအေဂျင်စီ – ပြည်ထောင်စုရွေးကောက်ပွဲကော်မရှင်မှ လွှတ်တော်သုံးရပ်အတွက် တပ်မတော်သား လွှတ်တော်ကိုယ်စားလှယ်များ စာရင်းကို ယနေ့ထုတ်စစ်အစိုးရသတင်းစာမှာ ဖော်ပြထားသည်။ တပ်မတော်သား...
8. အရန်ဆန်အတွက် ဆန်စပါးလုပ်ငန်းအသင်းမှ မွန်ပြည်နယ်တွင် စပါးဝယ်မည် မင်းတော်လဝီ – ဆန်စပါးလုပ်ငန်းအသင်းမှအသင်းဝင်များ၊ ဆန်စက်ပိုင်ရှင်များ၊ ဆန်စပါးကုန်သည်များပါဝင်သော အရန်ဆန် ဝယ်ယူရေးကော်မတီမှ မွန်ပြည်နယ်ရှိ မြို့နယ်အသီးသီးမှ ထွက်သည့်စပါးများဝယ်ယူမည်ဟု...
9. သုံးဆူ တရားဝင်နယ်စပ်ဂိတ် ဖြတ်သန်းခွင့် ထပ်ပိတ် ဂျူရီချိုင်း -မြန်မာစစ်အစိုးရမှ တစ်ဖက်သတ်ပိတ်ထားခဲ့သော ဘုရားသုံးဆူ ထိုင်းနယ်စပ်ဂိတ်ကို ပြီးခဲ့သည့်ရက်ပိုင်းအတွင်း ဖြတ်သန်းခွင့်ပေးခဲ့သော်လည်း ယမန်နေ့မှစပြီး ပြန်ပိတ်လိုက်သည်။ ပြီးခဲ့သည့်ရက်ပိုင်းက...
10. စားသောက်ကုန်များစျေးကျသော်လည်း ရာဘာခြံစျေးမြင့်တက်လျှက်ရှိ နိုင်မာန် – ထိုင်းဘတ်ငွေ၊ ဒေါ်လာစျေးကျပြီးနောက်ပိုင်း စားသောက်ကုန်ပစ္စည်းများ စျေးကျလာသော်လည်း ရာဘာခြံရောင်းဝယ်သူ များပြားလာနေခြင်းကြောင်း ရာဘာခြံစျေးနှုန်း မြင့်တက်နေကြောင်း...

Posted in: သတင်း