အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် KNU တို့ ကျင့်ဝတ်ကိစ္စများ ဆွေးနွေးမည်

ဒုတိယ သမ္မတ ဒေါက်တာစိုင်းမောက်ခမ်းနှင့် KNU ဥက္ကဋ္ဌ ဗိုလ်ချုပ်ကြီး စောမူတူးဆေးဖိုး (ဓာတ်ပုံ – ဂျေပိုင် / ဧရာဝတီ)

ကရင်အမျိုးသား အစည်းအရုံး (KNU) နှင့် အစိုးရ ငြိမ်းချမ်းရေး ကိုယ်စားလှယ် အဖွဲ့တို့ အပစ်အခတ် ရပ်စဲရေး ဆိုင်ရာ ကျင့်ဝတ် စည်းကမ်းများ (Code of Conduct) ကိစ္စကို  မေလဆန်းပိုင်းတွင် တွေ့ဆုံဆွေးနွေးရန် စီစဉ်ထားကြောင်း သိရသည်။
နေရာနှင့် နေ့ရက်ကို အတိအကျ မသတ်မှတ်ရသေးသော်လည်း မေလဆန်းပိုင်းတွင် ဆွေးနွေးမည်ဟု စီစဉ်ထားကြောင်း Myanmar Peace Center မှ ဒေါက်တာ မင်းဇော်ဦးက ဧရာဝတီသို့ ပြောသည်။
KNU အဖွဲ့အစည်းအား အမြန်ဆုံးတွေ့ဆုံနိုင်ရန် ကြိုးစားဆောင်ရွက်နေပြီး ကချင် လွတ်လပ်ရေး အဖွဲ့ (KIO) နှင့် တိုင်းရင်းသား လူမျိုးများ ဖက်ဒရယ် ကောင်စီ (UNFC) တို့နှင့်လည်း တွေ့ဆုံဆွေးနွေးရန် စီစဉ်ထားသည်ဟု ၎င်းက ဆိုသည်။
“KNU အဖွဲ့ကတော့ Code of Conduct နဲ့ ပတ်သက်ပြီး အသေးစိတ် ဆက်လက် ဆွေးနွေးမယ်လို့ သဘောတူထားတာ ရှိတယ်၊ အဲဒီ ကိစ္စကို ဆက်လက် ဆွေးနွေးမယ်” ဟု ဒေါက်တာ မင်းဇော်ဦးက ဆက်ပြောသည်။
တွေ့ဆုံရန် စီစဉ်ထားပြီးဖြစ်၍ နေရာနှင့် နေ့ရက်ကိုသာ ထပ်မံ ညှိနှိုင်းရမည်ဟု ၎င်းက ဆိုသည်။
ကရင်ပြည်နယ် ဘားအံမြို့ရှိ KNU ဆက်ဆံရေးမှ တာဝန်ရှိသူတဦး၏ အဆိုအရမူ တတိယ အပတ်ကျမှသာ တွေ့ဆုံနိုင်ဖွယ် ရှိကြောင်း သိရသည်။
၎င်းက “လောလောဆယ် လူကြီးတွေ မအားသေးဘူး၊ လူကြီးတွေတော့ ဆင်းလာတယ်၊ ဒါပေမယ့် ဒီကိစ္စ မဟုတ်ဘူး၊ နီပွန် ဖောင်းဒေးရှင်းက လူထုကို ဆန်ဝေပေးမယ့် ကိစ္စနဲ့ အခု ဘားအံမြို့နယ် ၀န်ကြီးချုပ် ရုံးကို သွားနေတယ်” ဟု ၎င်းက ဆိုသည်။
၂၀၁၂ ခုနှစ် စက်တင်ဘာ လဆန်းပိုင်က ဘားအံမြို့တွင် KNU နှင့် ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ ဒု ဥက္ကဋ္ဌ ဦးအောင်မင်း ဦးဆောင်သည့် ကိုယ်စားလှယ်တို့ နောက်ဆုံးအကြိမ် တွေ့ဆုံခဲ့စဉ် ကျင့်ဝတ်ဆိုင်ရာ ကိစ္စရပ်များကို ဆက်လက် ဆွေးနွေးရန် သဘောတူခဲ့ခြင်း ဖြစ်သည်။
အထက်ပါဆွေးနွေးပွဲ၌ အပစ်အခတ် ရပ်စဲရေးဆိုင်ရာ ကျင့်ဝတ်ကိစ္စများ ဆက်လက် ဆွေးနွေးရန် သဘောတူခဲ့သည့် အပြင် တပ်ပိုင်းဆိုင်ရာ ကိစ္စများ၊ အပစ်အခတ် ရပ်စဲရေး ပိုမိုခိုင်မာစေရေးနှင့် နိုင်ငံရေးတွေ့ဆုံ ဆွေးနွေးမှုများ ပြုလုပ်ရန်တို့ ပါ၀င်ကြောင်းလည်း သိရသည်။
KNU အဖွဲ့အစည်းအနေနှင့် ဆွေးနွေးရန် ရှိသည့် ကျင့်ဝတ်ကိစ္စတွင် မည့်သည့် အကြောင်းအရာများ ပါ၀င်သည်ကို မသိရှိရသော်လည်း အပိုဒ် ၁၁ ပိုဒ်နှင့် အချက် ၃၄ ချက်အပေါ် အခြေခံ၍ ဆွေးနွေးကြမည် ဖြစ်သည်။
ကရင် ဒုက္ခသည်များ ကော်မတီ (KRC) ကလည်း ထိုင်းနိုင်ငံရှိ ဒုက္ခသည်များ မြန်မာနိုင်ငံဘက်သို့ ပြန်လည် နေရာ ချထားရေး အတွက် KNU အဖွဲ့နှင့် အစိုးရအကြား စစ်မှန်သော ငြိမ်းချမ်းရေး တည်ဆောက်နိုင်သည့် ကာလကို စောင့်မျှော် နေကြောင်း ဧပြီလ ၃၁ ရက်နေ့က ထုတ်ပြန်ထားသည်။
ဧပြီလ ၂၅ ရက်နေ့က ကရင်ပြည်နယ် နယ်စပ်ရေးရာနှင့် လုံခြုံရေး ၀န်ကြီး ဗိုလ်မှူးကြီး အောင်လွင်၏ ဖိတ်ကြားချက်အရ KRC အဖွဲ့မှ ကိုယ်စားလှယ် တချို့တို့သည် ပြည်နယ် ၀န်ကြီးချုပ် ဦးဇော်မင်းနှင့် သွားရောက် ဆွေးနွေးခဲ့ရာမှ ရလဒ်အပေါ် ထုတ်ပြန်ခြင်း ဖြစ်သည်။
ကရင်ပြည်နယ် အစိုးရက ဒုက္ခသည်များကို ပြည်တွင်သို့ အစမ်းသဘော (Pilot Project) အနေနှင့် အိမ်ခြေ ၅၀ ခန့် ပြန်လာစေလိုကြောင်း တင်ပြရာ KRC အဖွဲ့အနေနှင့် လက်မခံကြောင်း၊ နိုင်ငံတော် အစိုးရနှင့် KNU အဖွဲ့တို့ စစ်မှန်သော ငြိမ်းချမ်းရေး ရရှိမှသာလျှင် အစုလိုက် တခါတည်း အပြီးအပိုင် ပြန်လာလိုကြောင်း ပြန်လည် တင်ပြခဲ့သည်ဟု ထုတ်ပြန်ချက်တွင် ပါရှိသည်။
၂၀၁၂ ခုနှစ် ဇန်နဝါရီလ ၁၂ ရက်နေ့က ဘားအံမြို့တွင် ပထမဆုံး အကြိမ် အပစ်အခတ် ရပ်စဲရေး ဆွေးနွေးခဲ့ပြီး ဒုတိယ အကြိမ်ကို ပြည်ထောင်စု အဆင့်တွေ့ဆုံဆွေးနွေးပွဲ အနေဖြင့် ရန်ကုန်မြို့ ဆီဒိုးနား ဟိုတယ်တွင် ဧပြီလ ၆ ရက်နေ့က ကျင်းပခဲ့ကြောင်း သိရသည်။
၂၀၁၁ ခုနှစ် နို၀င်ဘာလ ၁၅ ရက်နေ့တွင် အစိုးရ ကိုယ်စားလှယ် အနေဖြင့် ဦးအောင်မင်းက KNU ကိုယ်စားလှယ် များကို ငြိမ်းချမ်းရေး တွေ့ဆုံဆွေးနွေးရန် တရားဝင် ကမ်းလှမ်းခဲ့ရာမှ စတင်၍ တွေ့ဆုံဆွေးနွေးမှုများ ဆက်တိုက် ပြုလုပ်ခဲ့ခြင်း ဖြစ်သည်။

http://burma.irrawaddy.org/archives/38708

အပြည့်အစုံသို့... »

မြေမြှုပ်မိုင်းကြောင့် KNU နယ်မြေတွေမှာ သေဆုံးသူတွေ ရှိနေ

မြန်မာနိုင်ငံ အရှေ့ခြမ်းဒေသ KNU တပ်မဟာ (၃၊ ၅၊ ၆၊ ရ) နယ်မြေတွေမှာ  မြေမြှုပ်မိုင်းတွေကြောင့် ထိခိုက်သေဆုံးမှုတွေ ရှိနေသေးတယ်လို့ ကရင်လူ့အခွင့်အရေးအဖွဲ့ KHRG က ဒီကနေ့ပြောပါတယ်။
တပ်မဟာ (၇) နယ်မြေ တနေးချားဒေသ၊ တပ်မဟာ(၅) ဖာပွန်ဒေသ၊ တပ်မဟာ(၆) ဝေါလေဒေသနဲ့ တပ်မဟာ(၃) ညောင်လေးပင်ခရိုင်၊ မုံးမြို့နယ်တို့တွေမှာ မြေမြှုပ်မိုင်းကြောင့် ထိခိုက်မှုအများဆုံးတွေ့ရပြီး လူနဲ့ တိရိစ္ဆာန်တွေ ထိခိုက်သေဆုံးနေရတယ်လို့ KHRG အဖွဲ့ ကွင်းဆင်းဒါရိုက်တာ စောအဲလ်ဘတ် (Saw Albert) က ပြောပါတယ်။
"တပ်မဟာ ၅ မှာဆိုရင် ပြီးခဲ့တဲ့ ဖေဖော်ဝါရီလမှာဆိုရင် မြေမြှုပ်မိုင်းကြောင့် လူ ၅ ယောက် သေတာရှိတယ်၊ နောက်ပြီးတော့ တပ်မဟာ ရ နဲ့ ၃ တွေမှာလည်း ရွာသားတွေ မိုင်းထိတာရှိတယ်"
နှစ်ဘက်စစ်တပ်တွေက ရည်ရွယ်ချက်အမျိုးမျိုးနဲ့ ဒီမြေမြှုပ်မိုင်းတွေထောင်ခဲ့ကြရာမှာ စီးပွားရေးစီမံကိန်းတွေ တိုးချဲ့လာတာတွေကို ကာကွယ်ဖို့အတွက် မိုင်းထောင်ကြတာလည်း တွေ့ရတယ်လို့ ပြောပါတယ်။
KHRG အဖွဲ့ဟာ မြေမြှုပ်မိုင်းကိစ္စနဲ့ ပတ်သက်ပြီး ၂၀၁၂ ခုနှစ် သြဂုတ်လကနေ ၂၀၁၃ ခုနှစ် မတ်လအထိ ကွင်းဆင်းလေ့လာ မှတ်တမ်းတင်ထားတဲ့ အချက်အလက်တွေကို စုစည်းဖော်ပြထားတဲ့ အစီရင်ခံစာ တစ်စောင်ကို အင်္ဂလိပ်ဘာသာနဲ့ မနေ့က ထုတ်ပြန်ခဲ့ပါတယ်။
အဲဒီအစီရင်ခံစာမှာ တွေ့ဆုံမေးမြန်းမှုပေါင်း (၄၂၂) ခု၊ တွေ့ရှိချက်ပေါင်း (၉၁) ခုထဲကနေ ကောက်နှုတ်ပြီး ဓါတ်ပုံမှတ်တမ်းတွေနဲ့တကွ တင်ပြထားပါတယ်။
မြေမြှုပ်မိုင်းရှင်းလင်းရေးနဲ့ ပတ်သက်လို့ လက်နက်ကိုင်အဖွဲ့တွေက ဖာပွန်ဒေသမှာ ပူးပေါင်းလုပ်ဆောင်မှု တစ်ကြိမ်ရှိခဲ့ပေမဲ့၊ တပ်သားတစ်ယောက် မိုင်းထိခဲ့ပြီးနောက်ပိုင်း ဒီစီမံကိန်းကို ဆက်လက်အကောင်အထည်ဖော်တာ မတွေ့ရတော့ဘူးလို့လည်း စောအဲလ်ဘတ်က ပြောပါတယ်။

http://www.rfa.org/burmese/news/knu-land-mine-04092013001152.html

အပြည့်အစုံသို့... »

KNU နယ်မြေတချို့တွင် အခွန်လျှော့ကောက်

အစိုးရနှင့် ပဏာမ အပစ်အခတ် ရပ်စဲရေး လက်မှတ်ရေးထိုးပြီး နောက်ပိုင်းမှစတင်ကာ ကရင်အမျိုးသားအစည်းအရုံး(KNU) ထိန်း ချုပ်နယ်မြေတချို့ရှိ ဒေသခံများထံမှ အခွန်များ လျှော့ချ ကောက်ခံလျက်ရှိကြောင်း KNU စစ်ဦးစီးချုပ်က ပြောသည်။
“တပ်မဟာ ရ နယ်မြေထဲမှာ အခွန်တွေကို လျှော့ချလိုက်ပါပြီ။ အရင်က လယ် ၁ ဧကကို စပါး ၅ တင်း ကောက်တာကနေ၊ အခု ၃ တင်း ခွဲပဲ ကောာက်တော့တယ်” ဟု စစ်ဦးစီးချုပ် ဗိုလ်ချုပ်ကြီး စောဂျော်နီက ပြောသည်။
ထို့အပြင် အခြားနယ်မြေများတွင် မူလနှုန်းထားအတိုင်း ကောက်ခံသည်ဆိုသော်လည်း ၁၉၇၅ ခုနှစ်က သတ်မှတ်ထားသည့် နှုန်း ထားများဖြစ်သဖြင့် ခေတ်စနစ်နှင့်ယှဉ်လျှင် များစွာနည်းပါးသော ပမာဏဖြစ်ကြောင်း KNU အတွင်းရေးမှူး(၁) ပဒိုသောသီ က ပြော သည်။
ပဒိုသောသီက“ဒဏ်ကြေးတွေ၊ အခွန်တွေကို လျှော့ချတာ မလုပ်ပေမယ့် အရင်ခေတ်က နှုန်းတွေကိုပဲ ဆက်ပြီးသုံးဖို့ ပြီးခဲ့တဲ့ ကွန် ဂရက်မှာ ဆုံးဖြတ်ခဲ့တယ်။ ဥပမာ- ဒဏ်ကြေး ကျပ် ၁၀၀ ဆိုတာတွေကို အခုထိ သုံးစွဲနေတုန်းပါပဲ။ ဒီခေတ် နှုန်းအတိုင်း ဆိုရင် အရမ်း နည်းပါတယ်” ဟု ဆိုသည်။
KNU နယ်မြေများတွင် အခွန်ကောက်ခံမှုနှုန်းမှာ သီးနှံဖြစ်ထွန်းမှု၊ မြေဆီကောင်းမွန်မှုအလိုက် တစ်နေရာနှင့် တစ်နေရာ ကွာ ခြားချက်များရှိကြောင်းလည်း သိရသည်။
“သူတို့ အခွန်ကောက်တာမှာ စပါးထွက်နှုန်း၊ မထွက်နှုန်း အပေါ်မူတည်ပြီးတော့ ကောက်တယ်။ အရင်က တောင်ယာ ၁ ခင်းကို ဆန် ၂ တင်းနဲ့ ငွေ၂ ထောင်စီ ကောက်တယ်။ အခု အခွန်ကောက်တဲ့ ပေါ်လစီ ပြောင်းတယ်လို့တော့ ကြားထားတယ်။ ဒါပေမယ့် သေချာ မသိရသေးဘူး”ဟု ကရင် လူ့အခွင့်အရေး အဖွဲ့(KHRG) မှ တာဝန်ရှိသူ တဦး ဖြစ်သည့် ဦးစောအဲလ်ဘတ် က ဧရာဝတီ သို့ ပြောသည်။
လယ်မြေပိုင်ရှင်များထံမှ အခွန်ကောက်ခံရာတွင် အတန်းအစား ၃ မျိုး ခွဲထားပြီး အထွက်နှုန်းကောင်းသည့် ပထမတန်းစား လယ်မြေ များကို ၁ ဧက လျှင် အခွန် ၅ တင်း၊ အလယ်အလတ်တန်းစား လယ်မြေများကို ၃ တင်းခွဲနှင့် ထွက်နှုန်း နည်းပါးသည့် လယ်မြေ များကို ၁ တင်းခွဲ စီ ကောက်ခံလျက်ရှိကြောင်း အတွင်းရေးမှူး(၁)က ပြောသည်။
ထို့အပြင် အုန်းသီး၊ ဒညင်းသီးနှင့်ကြံ စသည့်သီးနှံများကိုမူ တနှစ် လျှင် ထွက်ရှိသည့် အချိန်အတွယ်အပေါ် မူတည်၍ ကောက်ခံ ကြောင်း သိရသည်။
ကရင်ပြည်နယ်တွင်းရှိ ကျေးရွာများမှ ဒေသခံများသည် ပြည်တွင်းစစ်များ၊ နယ်မြေ မတည်ငြိမ်မှုများနှင့် မြေမြှုတ်မိုင်းများ ကြောင့် လုပ်ကိုင်စားသောက်ရန် ခက်ခဲခြင်း၊ အစိုးရတပ်များနှင့် ကရင်လက်နက်ကိုင် တပ်များထံတွင် အခွန်နှင့် ဆက်ကြေး ပေးရခြင်းများကြောင့် နေရပ်စွန့်ခွာကာ ထွက်ပြေး တိမ်းရှောင်နေရမှုများမှာ ယခုချိန်အထိ ဖြစ်ပွားနေဆဲ ဖြစ်သည်။
“စပါးများများ ထွက်တဲ့နေရာက စပါးများများ ပေးကြတယ်။ လမ်းပန်းဆက်သွယ်ရေး ဝေးလို့ စပါးမပေးနိုင်ရင် ငွေကို အစားထိုးပြီး ပေးတယ်။ ဒါကို မသိတဲ့ပြည်သူတချို့က KNU ဆက်ကြေး လာကောက်တယ်လို့ အထင်လွဲကြတယ်။ ဒါဟာ ဆက်ကြေးမဟုတ်၊ ဓားပြတိုက်တာ မဟုတ်ဘူး။ တော်လှန်ရေးအဖွဲ့ကို ပြည်သူက ကူညီပေးတာလို့ သဘောထားဖို့ နယ်မြေဆင်းပြီး ရှင်းပြရတယ်။ ထိန်းချုပ်နယ်မြေရဲ့ ပိုင်ဆိုင်မှုက ကရင်လူထု ပိုင်ဆိုင်မှုပါပဲ”ဟု ပဒိုသောသီက ဆက်လက်ပြောဆိုသည်။
အခွန်အခများ ကောက်ခံခြင်းအား အပြည့်အဝ ရပ်ဆိုင်းရန်အတွက်မူ လက်ရှိအချိန်တွင် မဖြစ်နိုင်သေးကြောင်း KNU စစ်ဦးစီးချုပ် ကလည်း ပြောသည်။
ဗိုလ်ချုပ်ကြီး စောဂျော်နီက“အစိုးရတပ်တွေမှာက စစ်သားတွေအတွက် လခရှိတယ်။ ရိက္ခာရှိတယ်။ ဒါကြောင့် အခွန်ကောက် စရာ မလိုဘူး။ KNU မှာက အဲဒါတွေမရှိဘူး။ အခွန်မကောက်ဘူးဆိုရင် စားစရာမရှိဘူးလေ။ ကရင်ပြည်သူလူထုလိုချင်တဲ့ ပန်းတိုင်ကို မရောက်သေးပါဘူး။ ဒီတော့ ကျနော်တို့ ကိုယ့်ခြေထောက်ပေါ် ကိုယ်ရပ်တည်နိုင်မှ အခွန်ကောက်တာတွေ လုံးဝလျှော့ချ နိုင်မယ်” ဟု ဆက်လက်ပြောဆိုသည်။
ထို့အပြင် ကရင်ပြည်နယ်အတွင်းရှိ နယ်မြေဒေသများတွင် ယခင်က နယ်မြေမတည်ငြိမ်မှုများနှင့် ထိုးစစ်ဆင်မှုများ ဖြစ်ပွားပါက လယ်ယာ လုပ်ကိုင်သူဒေသခံများ၏ လယ်ရိတ်သိမ်းချိန်ဖြစ်သည့်တိုင် ပြောင်းရွှေ့ပုန်းအောင်းရခြင်းများ၊ နယ်စပ်ဒေသများသို့ ပြောင်းရွှေ့နေထိုင်ရခြင်းများ ဖြစ်ပွားခဲ့ခြင်းဖြစ်ကြောင်း ပဒိုသောသီက ပြောပြသည်။
“အခု စစ်မဖြစ်တော့ပါဘူး။ ဒါကြောင့် ပိုပြီးလုပ်ကိုင် စားသောက်ဖို့ အဆင်ပြေတယ်ဆိုတာ ပြောချင်ပါတယ်။ ရွှေ့ပြောင်း သွားနေ ရတဲ့လူတွေ ပြန်လာလို့ရပြီလို့တော့ အာမ မခံနိုင်သေးပေမယ့် ကျနော်တို့ကြိုးစားနေပါတယ်။ အစိုးရအပေါ်မှာလည်း မူတည်ပါတယ်”ဟု ၎င်းက ဆိုသည်။
KNU နယ်မြေများတွင် ယခင်ခေတ် နှုန်းထား ဥပဒေ အတိုင်းသာ အခွန်ကောက်ခံသွားရန် ဗဟိုက ညွှန်ကြားချက် ထုတ်ထားပြီး အောက်ခြေက ပိုမိုကောက်ခံနေပါက စစ်ဆေး အရေးယူမှုများ ပြုလုပ်သွားမည်ဖြစ်ကြောင်းလည်း ပဒိုသောသီက ဆက်လက် ပြောဆိုသည်။

http://burma.irrawaddy.org/archives/36462

အပြည့်အစုံသို့... »

ကရင်ပြည်နယ် ငြိမ်းချမ်းရေး လုပ်ငန်းစဉ်အတွက် ဒေါ်လာ ၁၁ သန်း လှူဒါန်း

ဂျပန်နိုင်ငံအခြေစိုက် အစိုးရမဟုတ်တဲ့ NGO အဖွဲ့အစည်းတစ်ခုဖြစ်တဲ့ Japan Platform အဖွဲ့က ကရင်ပြည်နယ်ရဲ့ ငြိမ်းချမ်းရေး နဲ့ ပြန်လည်ထူထောင်ရေး စီမံကိန်းတွေအတွက် အကူအညီ အမေရိကန် ဒေါ်လာ ၁၁ သန်းပေးအပ်ပွဲကို ရန်ကုန်မြို့ ဂျပန်သံရုံးမှာကျင်းပခဲ့ပါတယ်။
အဲဒီထောက်ပံ့ကြေးတွေကို သုံးနှစ်အတွင်း အကောင်အထည်ဖော် ဆောင်ရွက်သွားမှာဖြစ်တယ် လို့ မြန်မာနို်င်ငံ ငြိမ်းချမ်းရေးနဲ့ ပြန်လည်ထူထောင်ရေး လုပ်ငန်းဗဟိုဌာနရဲ့ ဥက္ကဌ ပြည်ထောင်စုဝန်ကြီး ဦးအောင်မင်းက ပြောပါတယ်။
“စာချုပ်မှာ ဒေါ်လာ ၁၁ သန်းဖိုးရှိတဲ့ ထောက်ပံ့ အကူအညီတွေကို ၃ နှစ်အတွင်းမှာ ကရင်ပြည်နယ် ကို ထောက်ပံ့ဖို့ အစီအစဉ်တွေလည်းပါ ပါတယ်၊ အစိုးရသစ်လက်ထက်မှာ အလှူရှင်တွေက ကာယကံရှင်တွေဆီကို သူတို့စိတ်တိုင်းကျ တိုက်ရိုက်လှူလို့ရတဲ့စနစ်မျိုးကို ဆောင်ရွက်နေပါတယ်၊ စာချုပ်ချုပ်ဆိုပြီး နောက်ပိုင်းမှာ အသေးစိတ်အစီအစဉ်တွေကိုတော့ ဆက်လက်ဆွေးနွေးသွားမှာဖြစ်ပါတယ်”
ဒီအခမ်းအနားမှာ ပြည်ထောင်စုဝန်ကြီး ဦးအောင်မင်းအပါအဝင် Japan Platform အဖွဲ့အစည်း ကိုယ်စားလှယ် Ms. Keiko Kiyama၊ မြန်မာနိုင်ငံဆိုင်ရာ ဂျပန်သံရုံးက သံအမတ်ကြီး  Mikio Numata နဲ့ ငြိမ်းချမ်းရေးနဲ့ ပြန်လည်ထူထောင်ရေးလုပ်ငန်း ဗဟိုဌာန အမှုဆောင်ညွှန်ကြားရေးမှူး ဦးကျော်စိုးလှိုင်တို့ သဘောတူလက်မှတ်ရေးထိုးခဲ့ကြတာဖြစ်ပါတယ်။
အခုလိုထောက်ပ့ံမှုပြုတာဟာ လာမယ့် ဧပြီလကနေ ၂၀၁၆ခုနှစ် မတ်လအထိ ပြုလုပ်သွားမယ့် စီမံကိန်းတွေအတွက်လို့ဆိုပါတယ်။
ပြီးခဲ့တဲ့ မတ်လ ၂၂ ရက်နေ့ကလည်း မြန်မာနိုင်ငံဆိုင်ရာ ဂျပန်သံအမတ်ကြီး မစ္စတာ Mikio Numata က အမေရိကန် ဒေါ်လာ ၆.၅ သန်းခန့်နဲ့ ညီမျှတဲ့ ဂျပန်ယန်းငွေ ၆၅၁ သန်းကို ကရင်ပြည်နယ် ငြိမ်းချမ်းရေး လုပ်ငန်းစဉ်နဲ့ ပြည်လည်နေရာချထားရေးအတွက် ပေးအပ်ခဲ့တယ်လို့သိရပါတယ်။

ဆက်နွယ်သောသတင်းများ

• အဓိကရုဏ်းတွေ ငြိမ်းချမ်းစေဖို့ ဘာသာပေါင်းစုံ ဆုတောင်း
• မြန်မာနဲ့ မူဆလင် အပြန်အလှန် လေးစားဖို့ လိုကြောင်း အရှင်ဝီရသူ မိန့်ကြား
• မြန်မာ့ဆန် ဂျပန်နိုင်ငံက ၀ယ်ယူမည်
• PNLO နဲ့ အစိုးရ ပြည်ထောင်စု အဆင့် အပစ်ခတ်ရပ်စဲရေး သဘောတူညီမှုရရှိ
• မြေမြှုပ်မိုင်းတွေ ရှင်းလင်းပေးဖို့ ငြိမ်းချမ်းရေး လမ်းလျှောက်အဖွဲ့ တိုက်တွန်း
• ရန်ကုန်ငြိမ်းချမ်းရေး လမ်းလျှောက်အဖွဲ့ လိုင်ဇာရောက်
• ထိုင်းငြိမ်းချမ်းရေး လုပ်ငန်းစဉ်ကို ၈၈မျိုးဆက်တွေ သွားရောက်လေ့လာ
• ငြိမ်းချမ်းရေး လုပ်ငန်းစဉ်မှာ လူမှုအဖွဲ့အစည်းတွေ အမျိုးသမီးတွေ ပါ၀င်လာရေး
• ရှမ်းပြည်နယ် ဖွံ့ဖြိုးတိုးတက်ရေးအတွက် နီပွန်ဖောင်ဒေးရှင်း ကူညီမယ်

http://www.rfa.org/burmese/news/japan-donate-karen-peace-03252013103811.html

အပြည့်အစုံသို့... »

ကရင် လက်နက်ကိုင် ခွဲထွက်အဖွဲ့များ ပေါင်းစည်းရေး KNU ကြိုးပမ်းမည်

ကွဲပြားနေသော ကရင်လက်နက်ကိုင် အဖွဲ့များ ပြန်လည်ပေါင်းစည်းရေး ဦးတည်ဆောင်ရွက်နိုင်ရန် ကရင် အမျိုးသား အစည်းအရုံး (KNU)က ကော်မတီတခု ဖွဲ့စည်းပြီး ဖြစ်ကြောင်း သိရှိရသည်။
“ကွဲပြားနေသော ကရင် လက်နက်ကိုင်အဖွဲ့များ ပေါင်းစည်းရေး ကော်မတီ”ဟု အမည်ပေးထားသည့် ကော်မတီတွင် ဥက္ကဌ အဖြစ် ကရင် အမျိုးသား လွတ်မြောက်ရေး တပ်(KNLA)၏ စစ်ဦးစီးချူပ် ဗိုလ်ချုပ် စောဂျော်နီ က တာဝန်ယူထားသည်။
ဖေဖော်ဝါရီ လကုန်ပိုင်းက ဘားအံခရိုင် လေဝါး၌ ကျင်းပခဲ့သည့် KNU ဗဟိုကော်မတီ အစည်းအဝေးပွဲအပြီး နောက်ပိုင်း ယင်း ကော်မတီ ဖွဲ့စည်းလိုက်ခြင်းဖြစ်သည်ဟု သိရသည်။
ပြန်လည် ပေါင်းစည်းရေးဟု သုံးနှုန်းထားသော်လည်း မည်သည့်ပုံစံမျိုးဖြစ်မည်ကို မသိရှိနိုင်သေးကြောင်း၊ ရှေ့ဆက် လုပ်ဆောင် စရာ အဆင့်များစွာ ကျန်သေးကြောင်း KNU ဒု ဥက္ကဌ နော်စီဖိုးရာစိန်က ဧရာဝတီသို့ ပြောကြားသည်။
“KNU ဆိုတဲ့အဖွဲ့ အောက်မှာ အဖွဲ့တွေ ပြန်ပေါင်းမလား ဒါမှမဟုတ် တပ်ပေါင်းစုအနေနဲ့ သွားမလားဆိုတာ အဆင့်ဆင့် လုပ်ရဦး မယ်။ အများစုကတော့ KNUရဲ့ ပေါ်လစီ၊ မူသဘောထား ရပ်တည်ချက်ကို လက်ခံမယ့် သဘောထားရှိတယ်”ဟု ၎င်းက ပြော သည်။
ကရင်ပြည်နယ် အတွင်း၌ KNU အပါအဝင် တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) ၊ KNU/KNLA ငြိမ်းချမ်းရေး ကောင်စီ ၊ နယ်ခြားစောင့်တပ်(BGF)နှင့် ကရင်ငြိမ်းချမ်းရေး တပ်ဖွဲ့(ဟောင်သရော အထူးဒေသ) (KPF)စသည့် လက်နက် ကိုင် အဖွဲ့များ ရှိသည်။
ကရင် လက်နက်ကိုင် အဖွဲ့များသည် နိုင်ငံရေးဦးတည်ချက်များ ကွဲပြားခြင်းကြောင့် KNU မှ ခွဲထွက်သွားသော အဖွဲ့များ ဖြစ်ကြောင်း၊ သို့သော်လည်း ကရင် တမျိုးသားလုံး တန်းတူညီမျှ အခွင့်အရေးရရှိရေးနှင့် ကိုယ်ပိုင်ပြဌာန်းခွင့်ရရှိရေးအတွက် ကြိုးပမ်းနေကြခြင်း ရည်ရွယ်ချက်မှာ တူညီမှု ရှိကြကြောင်း၊ ပြည်နယ်အတွင်း၌ ယခုကဲ့သို့ အဖွဲ့များကွဲပြီး နယ်မြေ သတ်မှတ်ချက်များကြောင့် ကရင် လူထု အနေဖြင့် အခက်အခဲများ ကြုံတွေ့နေရခြင်းကြောင့် ပေါင်းစည်းရေးကို ပြုလုပ်လိုခြင်း ဖြစ်ကြောင်း နော်စီဖိုးရာစိန် က ဆိုသည်။
ယခု ဖွဲ့စည်းလိုက်သည့် ကော်မတီတွင် KNUအဖွဲ့ဝင်များဖြင့် ဖွဲ့စည်းထားခြင်း ဖြစ်ကြောင်း၊ ယခင်ကလည်း ယခုကဲ့သို့ ကော်မတီ တခု ဖွဲ့စည်း၍ လက်နက်ကိုင် အဖွဲ့များ ပြန်လည် ပေါင်းစည်းရေးကို လုပ်ခဲ့ကြသော်လည်း အောင်မြင်မှု မရှိခဲ့ကြောင်း နှင့် ယခုအကြိမ် ညှိနှိုင်းမှုများ လုပ်မည်ဆိုပါက တပ်များပေါင်းစည်းရေးအား အဓိကထား၍ ပြောဆိုမည် မဟုတ်ဘဲ အမျိုးသားရေးကိုသာ ဦးစားပေး ဆွေးနွေးမည်ဟုလည်း သိရသည်။
“အားလုံးက ကရင်လူမျိုးတွေပဲ အရေးကြီးရင် သွေးစည်းရမှာပဲ၊ ဒီအဖွဲ့တွေကလည်း အရင်တုန်းက KNU ကပဲ”ဟု ဗိုလ်ချုပ် စောဂျောနီ က ပြောသည်။
DKBA အဖွဲ့သည် ၁၉၉၄ ခုနှစ်က KNU မှခွဲထွက်သွားခဲ့ပြီး သီးသန့်အဖွဲ့အဖြစ်ရပ်တည်ခဲ့ရာမှ ၂၀၁၀ ပြည့်နှစ်၌် ဗိုလ်မှူးကြီး စောချစ် သူဦးဆောင်သည့် DKBA တပ်ဖွဲ့ဝင်များက အစိုးရတပ် လက်အောက်သို့ ၀င်ရောက်ခဲ့ကြပြီး တပ်ရင်း သုံးခုနှင့် နယ်ခြားစောင့်တပ် အဖြစ် ရပ်တည်ခဲ့သည်။ ဗိုလ်မှူးချူပ် စောလားပွယ် ၏ DKBAတပ်များကမူ သီးခြား ဆက်လက် ရပ်တည်နေသည်။
နယ်ခြားစောင့်တပ်များ ဖြစ်သွားသည့် ဗိုလ်မှူးကြီး စောချစ်သူ ဦးဆောင်သည့် တပ်များနှင့် ပေါင်းစည်းရေး ခက်ခဲမည်ဖြစ်ကြောင်း နော်စီဖိုးရာစိန်က  ဆိုသည်။
DKBA ကလိုထူးဘော ကရင်အစည်းအရုံး(KKO)အဖွဲ့ ၏ ပထမ အကြိမ် ညီလာခံအပြီး ထုတ်ပြန်ခဲ့သော ကြေညာချက်၌ KKOသည် KNU အား မိခင်အဖွဲ့အစည်း အဖြစ်ခံယူပြီး ၀န်းရံသည့် အဖွဲ့ဖြစ်သည်ဟု ပါရှိသည်။
KNU/KNLA ငြိမ်းချမ်းရေး ကောင်စီအား ဗိုလ်ချူပ် ထိန်မောင်(ဌေးမောင်)က KNU လက်အောက်မှ ခွဲထွက်၍ ၂၀၀၇ ခုနှစ်တွင် တည်ထောင်ခဲ့ပြီး KPF အပါအဝင် တခြားသော လက်နက်ကိုင်အဖွဲ့ငယ်များလည်း ကရင်ပြည်နယ်တွင် ရှိနေဆဲ ဖြစ်သည်။

http://burma.irrawaddy.org/archives/35785

အပြည့်အစုံသို့... »

ကားသမားများကို KNU/KNLA ငြိမး်ချမ်းရေးကောင်စီမှ ရန်ပုံငွေ စီဒီခွေများ အတင်းရောင်းနေ

မတ်လ ရရက်၊ ၂၀၁၃ခုနှစ်။ (ကေအိုင်စီ)

ကရင်ပြည်နယ်၊ မြဝတီ-ကော့ကရိတ် တောင်ပေါ်ကားလမ်း တနေရာတွင် KNU/KNLA ငြိမ်းချမ်းရေးကောင်စီမှ တပ်ဖွဲ့ဝင် များ “အလင်းရောင်”အမည်ရှိ ၎င်းတို့၏ ရန်ပုံငွေ ရှိုးပွဲစီဒီခွေများကို ရန်ပုံငွေအဖြစ် ပြီးခဲ့သည့် အပတ်က မြဝတီ-ကော့က ရိတ်လမ်းပြေး ကားသမားများကို မဝယ်မနေရ အတင်း ရောင်းချပေးလျှက်ရှိသည်ဟု သိရသည်။
ပြီးခဲ့သည့် ဖေဖော်ဝါရီလ နေက်ဆုံးအပတ်ကတည်းက အဆိုပါ KNU/KNLA တပ်အဖွဲ့ဝင်များသည် စီဒီခွေတစ်ခွေလျှင် ၃,၀၀၀ကျပ်နှုန်းဖြင့် ကားသမားတစ်ဦးလျှင် ၃ခွေ မဝယ်မနေရစနစ်ဖြင့် ရောင်းနေခြင်းဖြစ်သည်ဟု ခရီးသည်တင်ကားသ မားတစ်ဦးက ကေအိုင်စီသို့ ပြောသည်။
“ကားသမားတွေကို သူတို့ရဲ့ ရှိုးပွဲစီဒီခွေတွေ အတင်းဝယ်ခိုင်းတယ်ဗျာ။ ကျနော်က ဒီအခွေကို တခါ၀ယ်ပြီးပြီ။ အခုတခါ လည်း ရောင်းတာ မဝယ်တော့ဘူးဆိုတော့ သေနတ်ထုတ်ပြတယ်လေ။ ဒီတော့ မဝယ်ချင်လည်း ၀ယ်ရတာပေါ့။”ဟု ၎င်းက ပြောဆိုသည်။
ယင်းသို့ စီဒီခွေရောင်းနေသည့် အဆိုပါ KNU/KNLA တပ်ဖွဲ့ဝင်များမှာ အင်အား ၁၅ဦးခန့်ရှိပြီး စစ်ယူနီဖောင်း၊ လက်နက်အ ပြည့်အစုံနှင့်အတူ မြဝတီ-ကော့ကရိတ်တောင်ပေါ်ကားလမ်းရှိ တံတားကျိုးဂိတ်အလွန် လမ်းတနေရာ၌ ကားများကိုတား ကာ ၀ယ်ယူခိုင်းခြင်းဖြစ်ပြီး ခရီးသည်များကိုမူ ၀ယ်ယူခိုင်းခြင်း မရှိကြောင်း သိရသည်။

http://www.kicnews.org/?p=16022

အပြည့်အစုံသို့... »

ခွဲထွက်အဖွဲ့များနှင့် နားလည်မှု ရရေး ကော်မတီတရပ် ဖွဲ့စည်းသွားရန် KNU ချမှတ်

ဖေဖော်ဝါရီလ ၂၈ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ခွဲထွက်သွားသည့် ကရင်လက်နက်ကိုင်အဖွဲ့ အစည်းများနှင့် နားလည်မှုရယူသွားရန် လုပ်ငန်းကော်မတီတရပ် ဖွဲ့စည်းသွားမည် ဟု ဖားအံခရိုင်၊ လေးဝါးနေရာ၌ ဖေဖော်ဝါရီလ ၁၈ရက်နေ့မှ ၂၆ရက်နေ့အထိ ကျင်းပသည့် ဗဟိုအမြဲတမ်းကော်မတီ အစည်းအ ဝေးတွင် ကရင်အမျိုးသားအစည်းအရုံး-KNU က ချမှတ်ခဲ့သည်။
KNU ၏ ၁၅ ကြိမ်မြောက်ညီလာခံအပြီး ပြုလုပ်သော ၎င်းပထမအကြိမ် ဗဟိုအမြဲတမ်း ကော်မတီအစည်းအဝေး၌ ရှေ့ဆက်လုပ် ဆောင်မည့် လုပ်ငန်းစဉ်များထဲတွင် ကရင်တမျိုးသားလုံးစည်းလုံးညီညွတ်မှု ပိုမိုခိုင်မာစေရေးအတွက် ရည်ရွယ်၍ ထိုသို့ ကော်မ တီတရပ် ဖွဲ့သွားရန် ချမှတ်ခဲ့ခြင်းဖြစ်သည်ဟု KNU တွဲဖက်အတွင်းရေးမှူး(၂) ပဒိုမန်းမန်းက ကေအိုင်စီသို့ ပြောသည်။
“ပထမအချက်ကတော့ ခွဲထွက်သွားတဲ့ ကရင်တိုင်းရင်းသားလက်နက်ကိုင်တွေနဲ့ ့ နားလည်မှုရယူနိုင်ဖို့ လုပ်ငန်းကော်မတီဖွဲ့ဖို့ ရှိ တယ်။ ဘယ်တော့ဖွဲ့မလဲဆိုတော့ ပြောဖို့ စောသေးတာပေါ့နော်။ နောက်တခုက ပြည်တွင်း၊ ပြည်ပမှာ ပြန့်ကျဲနေထိုင်တဲ့ ကရင် လူမျိုးတွေကို စည်းလုံးညီညွတ်မှုပိုမိုခိုင်မာအောင် လုပ်ဆောင်သွားဖို့ ရှိတယ်”ဟု ပြောဆိုသည်။
ထို့အပြင် မြန်မာပြည်တွင်းရှိ နိုင်ငံရေးပါတီများ၊ ကရင်လူမှုအဖွဲ့အစည်းများနှင့် ကရင်မိဘပြည်သူများကို တွေ့ဆုံပြီး အကြံဉာဏ် များ ရယူကာ ပူးပေါင်းပါ၀င်နိုင်ဖို့အတွက် လုပ်ငန်းစဉ်တွေကိုလည်း ယင်းအစည်းအဝေးတွင် ချမှတ်နိုင်ခဲ့သည်ဟု ထပ်မံ ပြော ကြားသည်။
KNU ၏ ပုံမှန် ှဗဟိုကော်မတီအစည်းအဝေးကို ဗဟိုကော်မတီဝင် ၄၅ဦး တက်ရောက်ဆွေးနွေးခဲ့ကြပြီး အစည်းအဝေးအပြီး အချက် ၅ချက်ပါသော ကြေညာချက်တစ်စောင်ကိုလည်း ထုတ်ပြန်ခဲ့ရာ KNU ၏ လုပ်ငန်းဌာန ၁၄ခုအနက် ဌာနအသီးသီးရှိ မူဝါဒ၊ လုပ်ငန်းစဉ်များနှင့် တာဝန်လွှဲပြောင်း ခန့်အပ်မှုများကို ပြန်လည် အတည်ပြုခြင်းများ လုပ်ဆောင်နိုင်ခဲ့သည်ဟု ပါရှိသည်။
ဆက်လက်၍ ကရင်အမျိုးသားအတွင်း စည်းလုံးညီညွှတ်မှု ပိုမိုခိုင်မာရေး လုပ်ငန်းများ၊ ခိုင်မာသောအပစ်အခတ်ရပ်စဲရေးနှင့် စစ်မှန်သော ငြိမ်းချမ်းရေးလုပ်ငန်းများအပြင် စစ်မှန်သော ငြိမ်းချမ်းရေး တည်ဆောက်နိုင်ရေးအတွက် အစိုးရနှင့်အတူ နိုင်ငံရေး အဆင့် တွေ့ဆုံမှုလုပ်ငန်းစဉ်များတွင် တိုင်းရင်းသားလူမျိုးများ စုဖွဲ့မှုဖြင့် အတူတကွ ကြိုးပမ်းသွားမည်ဖြစ်ကြောင်းလည်း ကြေ ညာချက်တွင် ဖော်ပြထားသည်။
လတ်တလောတွင် အစိုးရနှင့် KNU တရားဝင် ထပ်မံ တွေ့ဆုံသွားရန် ရှိသော်လည်း ရက်အတိအကျသတ်မှတ်ခြင်း မရှိသေး ကြောင်းနှင့် ယုံကြည်မှု ခိုင်ခိုင်မာမာ တည်ဆောက်နိုင်ရန် အလွတ်သဘောမျိုးအကြိမ်ကြိမ် တွေ့ဆုံပြီးမှသာ ဆက်လက် အကောင်အထည်ဖော် လုပ်ဆောင်သွားမည်ဖြစ်ကြောင်းလည်း ပဒိုမန်းမန်းက ပြောသည်။
KNU သည် ၂၀၁၂ခုနှစ်၊ နိုဝင်ဘာလ ၂၆မှ ဒီဇင်ဘာလ ၂၆ရက်နေ့အထိ ပြုလုပ်ကျင်းပသည့် (၁၅)ကြိမ်မြောက် ညီလာခံပြီး နောက် ပထမအကြိမ် ဗဟိုအမြဲတမ်းကော်မတီ အစည်းအဝေးကို ယခု ကျင်းပခဲ့ခြင်း ဖြစ်သည်။

http://www.kicnews.org/?p=15927

အပြည့်အစုံသို့... »

တိုင်းရင်းသားများ စုဖွဲ့မှုဖြင့် ဆက်လက်ဆွေးနွေးသွားရန် KNU လိုလား

ချင်းမိုင်(မဇ္စျိမ)။   ။ တိုင်းရင်းသားလူမျိုးများ စုပေါင်းခြင်းဖြင့် တူညီသော အခြေခံမူများနှင့်အညီ နိုင်ငံရေးဆွေးနွေး သွားမည်ဟု ကရင်အမျိုးသားအစည်းအရုံး KNU က ဆိုသည်။

စစ်မှန်သော ငြိမ်းချမ်းရေး တည်ဆောက်နိုင်ရေးအတွက် မြန်မာအစိုးရနှင့် နိုင်ငံရေးအဆင့် ဆွေးနွေးမှု လုပ်ငန်းစဉ်
များတွင် တိုင်းရင်းသားလူမျိုးများ စုဖွဲ့မှုဖြင့် တူညီသော အခြေခံမူများနှင့် အညီ တွေ့ဆုံဆွေးနွေးမှုများကို ကြိုးပမ်း
ဆောင်ရွက်သွားမည် ဖြစ်ကြောင်း ၎င်းတို့၏ ပုံမှန် ဗဟိုအမြဲတမ်းကော်မတီ အစည်းအဝေးအပြီး ဖေဖော်ဝါရီလ ၂၇ ရက်နေ့က ထုတ်ပြန်ကြေညာလိုက်ခြင်း ဖြစ်သည်။

“ကျနော်တို့ တိုင်းရင်းသားများ စုဖွဲ့ထားတဲ့ UNFC ဆိုတာ ရှိတယ်။ အဲဒီမှာ မပါဝင်တဲ့ တချို့ တိုင်းရင်းသား အဖွဲ့တွေ လည်း ရှိတယ်။ အဲဒီမှာ နိုင်ငံရေးမူဘောင်တွေကို အခြေခံပြီးတော့ နိုင်ငံရေး တွေ့ဆုံဆွေးနွေးတဲ့ အဆင့်ကို သွားဖို့ပါ” ဟု KNU တွဲဘက်အတွင်းရေးမှူး (၂) ပဒိုမန်းမန်း က ပြောသည်။

KNU ဗဟိုကော်မတီဝင် ၄၅ ဦး တက်ရောက်သည့် အစည်းအဝေးကို ဖေဖော်ဝါရီလ ၁၈ ရက်မှ ၂၆ ရက်နေ့ထိ ကျင်းပခဲ့သည်။

အပစ်အခတ် ရပ်စဲရေး ပိုမိုခိုင်မြဲစေရန်နှင့် ငြိမ်းချမ်းရေး လုပ်ငန်းစဉ်များကို ဗဟိုအလုပ် အမှုဆောင်ကော်မတီမှ
ဆောင်ရွက်သွားမည်ဟုလည်း KNU ထုတ်ပြန်ချက်တွင် ဖော်ပြထားသည်။

ပြည်ထောင်စု ငြိမ်းချမ်းရေးဖော်ဆောင်ရေးလုပ်ငန်းကော်မတီ ဘက်မှ အလွတ်သဘော နှုတ်အားဖြင့် နှစ်ဖက်
ပြန်လည်တွေ့ဆုံရန် ပြောဆိုလာသော်လည်း KNU ဘက်မှ ပြင်ဆင်မှုများ ရှိနေသေး၍ အချိန်အနည်းငယ် ယူရန် လိုအပ်သည်ဟု ပဒိုမန်းမန်းက ပြောသည်။

ပြီးခဲ့သည့် ၂၀၁၂ ခုနှစ် စက်တင်ဘာလဆန်းပိုင်းက နှစ်ဖက် တွေ့ဆုံစဉ် နှစ်ဦးနှစ်ဖက် လိုက်နာရမည့် ကျင့်ဝတ်များ Code of Conduct နှင့် တပ်ရွှေ့ပြောင်းရေးကိစ္စများကို နောက်ထပ် တွေ့ဆုံသည့်အခါ ဆက်လက် ဆွေးနွေးဦးမည်
ဖြစ်ကြောင်း ၎င်းက ဆက်ပြောသည်။

KNU သည် နှစ်ပေါင်း ၆၀ ကျော်ကြာ ကိုယ်ပိုင်ပြဋ္ဌာန်းခွင့် ရရှိရေးအတွက် ခေတ်အဆက်ဆက် လက်နက်ကိုင်
တော်လှန်ခဲ့ပြီးနောက် ၂၀၁၂ ခုနှစ်၊ ဇန်နဝါရီလတွင် မြန်မာအစိုးရနှင့် အပစ်အခတ် ရပ်စဲရေးသဘောတူ လက်မှတ်ရေးထိုးခဲ့သည်။

မြန်မာအစိုးရတပ်နှင့် ကချင်လွတ်လပ်ရေးအဖွဲ့ KIO နှင့် ရှမ်းပြည်မြောက်ပိုင်းတပ်မတော် SSPP အဖွဲ့တို့ တိုက်ပွဲများ ဆက်လက် ဖြစ်ပွားနေမှု အပေါ် စိုးရိမ်ကြောင်း ပဒိုမန်းမန်းက ပြောသည်။

“အပစ်အခတ် ရပ်စဲရေးလုပ်တာနဲ့ နိုင်ငံရေးအရ တိုးတက်လာဖို့ လိုအပ်တယ်။ နိုင်ငံရေးအရ တိုးတက်ပြောင်းလဲလာ မှု မရှိဘဲ ငြိမ်းချမ်းရေးကို ရှေ့တိုးနိုင်မှာ မဟုတ်ဘူး။ ဒါကြောင့် အပစ်အခတ် ရပ်စဲရေးဆောင်ရွက်နိုင်တာနဲ့ တပြိုင်နက် နိုင်ငံရေး တိုးတက်ဆွေးနွေးနိုင်ဖို့ အများကြီး မူတည်ပါတယ်” ဟု KNU တွဲဘက်အတွင်းရေးမှူး (၂) ပဒိုမန်းမန်း က ပြောဆိုသည်။

KNU က အဖွဲ့ဝင်အဖြစ် ပါဝင်သော UNFC နှင့် အစိုးရ၏ ငြိမ်းချမ်းရေး လုပ်ငန်းကော်မတီတို့ နိုင်ငံရေးဆွေးနွေး
နိုင်ရေး ဆက်လက်ဆွေးနွေးရန် ဖေဖော်ဝါရီလ ၂၀ ရက်နေ့က သဘောတူခဲ့ကြသည်။

အနာဂတ် ငြိမ်းချမ်းရေး ဆွေးနွေးပွဲများ ကျင်းပလျှင် အဆင့်မြင့် စစ်ဘက် အရာရှိများကို စေလွှတ်ပေးရန် မြန်မာ ဗဟိုအစိုးရကို မေတ္တာရပ်ခံခဲ့သည်ဟု Karen News သတင်းတရပ်တွင် ဖေဖော်ဝါရီ ၂၂ ရက်နေ့က ဖော်ပြခဲ့သည်။

http://www.mizzimaburmese.com/news/inside-burma/11039--knu-.html

အပြည့်အစုံသို့... »

KNU ဥက္ကဌ နှင့် ဒုသမ္မတ စိုင်းမောက်ခမ်း တွေ့ဆုံ

ဖေဖော်ဝါရီလ ၂၀ရက်၊ ၂၀၁၃ခုနှစ်။ စောခါးစူးညား (ကေအိုင်စီ)

ကရင်အမျိုးသားအစည်းအရုံး-KNUမှ ဥက္ကဌ ဗိုလ်ချုပ်ကြီး စောမူတူးစေးဖိုး ပါ၀င်သည့် အဖွဲ့ဝင်လေးဦးနှင့် မြန်မာ အစိုးရ ဒုသမ္မတ ဒေါက်တာ စိုင်းမောက်ခမ်းတို့သည် ကရင်ပြည်နယ် မြဝတီမြို့၊ အေး ချမ်းဖြိုးရိပ်သာတွင် ယနေ့ နေ့လည် ၁၂နာရီမှစ၍ တစ်နာရီကျော် တွေ့ဆုံဆွေးနွေးခဲ့သည်။
ဒုသမ္မတ ဒေါက်တာ စိုင်းမောက်ခမ်းသည် မြဝတီမြို့ရှိ ကုန်သွယ်ဇုံကို ကြည့်ရှုစစ်ဆေးရန် လာရောက်ခဲ့ခြင်းဖြစ် ပြီး ထိုသို့ ရောက်ရှိလာစဉ် KNU ဘက်မှ သွားရောက်တွေ့ဆုံခဲ့ခြင်းဖြစ်သည်ဟု တွေ့ဆုံမှုတွင် ပါ၀င်သည့် KNU တာဝန်ရှိပုဂ္ဂိုလ်တစ်ဦးဖြစ်သူ စောဂျွန်(စောတာမူလာ)က ကေအိုင်စီသို့ ပြောသည်။
“ဒုသမ္မတ ရောက်ရှိတာကို ကျနော်တို့က ထိစပ်နယ်မြေ တာဝန်ရှိသူများအနေနဲ့ သွားတွေ့တာပါ။ ဒုသမ္မတတွေ့ ဆုံတဲ့အခါ ကျနော်တို့ အဓိက တင်ပြတာက အစိုးရနဲ့ KNUတို့ရဲ့ ပစ်ခတ်ရပ်စဲရေးအခြေအနေဟာ ခိုင်မာတဲ့ အဆင့် မရောက်သေးဘူး။ ဒါကို ခိုင်မာအောင် အရင်လုပ်ဖို့ လိုတယ်။ ပြီးမှ ဖွံ့ဖြိုးရေးကိစ္စတွေ ဆက်လုပ်ဖို့ တင်ပြခဲ့ တယ်”ဟု ပြောဆိုသည်။
မြန်မာနိုင်ငံတွင် တနိုင်ငံလုံး အတိုင်းအတာ အပစ်အခတ်ရပ်စဲရေးရရှိရန် KNU အနေဖြင့် မြန်မာအစိုးရနှင့် ရှေ့ဆက်၍ တွေ့ဆုံဆွေးနွေးမှုများပြုလုပ်ပါက အစိုးရ အဆင့်မြင့် စစ်တပ်ခေါင်းဆောင်များ ပါ၀င်ရန် လိုအပ် ကြောင်း ဒုသမ္မတအား တင်ပြခဲ့ကြောင်းလည်း သူက ဆက်ပြောသည်။
အဆိုပါ တွေ့ဆုံမှုတွင် KNU ဥက္ကဌမှ အဓိက တင်ပြပြောဆိုကာ ဒုသမ္မတက တစုံတရာ တုံ့ပြန်ပြောဆိုခြင်း မရှိ သော်လည်း ဂရုတစိုက် သေသေချာချာ နားထောင်ခဲ့ကြောင်း၊ ကရင်ပြည်နယ်တွင် ဟော်တယ်နှင့် ခရီးသွားလာ ရေးလုပ်ငန်း အလွန်ကောင်းမွန်လျှက်ရှိကြောင်းပြောဆိုခဲ့သည်ဟု KNU က ဆိုသည်။
တွေ့ဆုံဆွေးနွေးတွင် KNU ဘက်မှ ဥက္ကဌ ဗိုလ်ချုပ်ကြီး စောမူတူးစေးဖိုး၊ ဖားအံခရိုင် ဥက္ကဌ ပဒို စောအောင်မော် အေး၊ ဒူးပလာယာခရိုင် ဥက္ကဌ ပဒို စောရွှေမောင်းနှင့် စောဂျွန်တို့ ပါ၀င်ပြီး အစိုးရဘက်မှ ဒုသမ္မတ ဒေါက်တာ စိုင်းမောက်ခမ်းနှင့် ပြည်ထောင်စုဝန်ကြီး သုံးဦး ပါ၀င်ကြောင်း သိရသည်။
ဒုသမ္မတ ဒေါက်တာစိုင်းမောက်ခမ်းသည် ယမန်နေ့ (ဖေဖော်ဝါရီလ ၁၉ ရက်)က မြဝတီဆက်ဆံရေး တာဝန်ခံ ဗိုလ်မှူးကြီး စောဖောဒို ဦးဆောင်သည့် အဖွဲ့ဝင် လေးဦးအပါအဝင် ကရင်ပြည်နယ်ရှိ အမတ်လွှတ်တော်အချို့နှင့် ဖားအံမြို့၊ ဇွဲကပင်ဟော်တယ်တွင် မွန်းလွဲ ၂နာရီမှ ညနေ ရနာရီအထိ တွေ့ဆုံခဲ့သေးသည်။

http://www.kicnews.org/?p=15812

အပြည့်အစုံသို့... »

မူကွဲလွဲမှု မဖြစ်စေဖို့ UNFC ကိုယ်စားလှယ်အဖွဲ့ KNU နှင့် သွားရောက်ဆွေးနွေး

ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီမှ (UNFC) မှ ချမှတ် ထားသည့် မူနှင့် ကရင်အမျိုးသား အစည်း အရုံး (ကေအဲန်ယူ) ၏ (၁၅) ကြိမ်မြောက် ကွန်ဂရက်မှ ချမှတ်ထားသည့် မူအကြား ကွဲလွဲမှုမရှိစေရန် ပြီးခဲ့သည့် ဇန်နဝါရီ (၂၁) ရက်နေ့တွင် UNFC ကိုယ်စားလှယ် အဖွဲ့ တစ်ဖွဲ့ မဲဆောက် မြို့သို့သွားရောက်တွေ့ဆုံ
ဆွေးနွေး ခဲ့ကြောင်း အဖွဲ့တွင်ပါ၀င်သည့် ဗိုလ်မှူးကြီး ခွန်ဥက္ကာမှ ပြောသည်။

ယခုလို သွားရောက်ဆွေးနွေးခြင်းမှာ တပ်ပေါင်းစုမူဝါဒ ရေးရာပိုင်း၌ တစ်ပေါင်း တစ်စည်းတည်း ဖြစ်စေရန် အတွက် ရည်ရွယ်ခြင်း ဖြစ်သည် ဟုလည်း ဆိုပါသည်။

“ပဏာမ အနေနဲ့ UNFC မှာ ဆက်လက် လက်တွဲ ဆောင်ရွက်ဖို့၊ UNFC နဲ့လည်း မကင်းကွာဖို့ပေါ့ အဲဒါ ပြော
တယ်၊ ပေါ်လစီပိုင်းကတော့ နိုင်ငံရေး ဆွေးနွေးပွဲ တွေမှာ UNFC နဲ့ တစ်ပေါင်း တစ်စည်းတည်း အတူတကွ ပါဝင်ဖို့ ဖိတ်ခေါ် ရင်းပေါ့ အဲဒါတွေ ဆွေးနွေး ကြတယ်” ဟု ဗိုလ်မှူးကြီး ခွန်ဥက္ကာမှ မဇ္စျိမအား ပြောသည်။

ကေအဲန်ယူမှ အပစ် အခတ် ရပ်စဲရေး ခိုင်မာအောင် ဆက်လက် လုပ်ဆောင် နိုင်ရန် တစ်ဖွဲ့ချင်း အနေနှင့် အစိုးရ
အား ဆက်လက် တွေ့ဆုံရန် သဘောထား ရှိပြီး ၎င်းအတိုင်းပင် ဆက်လက် ရပ်တည် သွားမည် ဖြစ်ကာ နိုင်ငံရေး
တွေ့ဆုံ ဆွေးနွေးပွဲကိုသာ UNFC ဖြင့်သာ ဆက်လက်ဆွေးနွေးသွားမည့် မူကိုကား လက်ခံကြောင်း ဗဒို ကွယ်ထူးဝင်းမှ ပြောသည်။

“UNFC နှစ်ပတ်လည် ညီလာခံက ထုတ်ပြန်တဲ့ အင်္ဂလိပ် ဘာသာမှာ အခု အချိန်က စပြီး လာမယ့် အစိုးရနဲ့ ငြိမ်းချမ်းရေး တွေ့ဆုံဆွေးနွေး ရေးနဲ့ နိုင်ငံရေးတွေ့ဆုံ ဆွေးနွေးရေး ကိစ္စ UNFC တစ်ဖွဲ့ ထဲကနေ ဦးဆောင် သွားမယ် ဆိုတဲ့ အချက်က ကျွှန်တော်တို့ ပေါ်လစီ နဲ့ကိုက်ညီမှုမရှိဘူး” ဟု ကေအဲန်ယူ အထွေထွေ အတွင်း ရေးမှူး ဗဒို ကွယ်ထူးဝင်းမှ မဇ္စျိမအား ပြောသည်။

ကေအဲန်ယူ ခေါင်းဆောင် သစ်များ အနေနှင့် နဂို တပ်ပေါင်းစု ဝင်ရောက် ခဲ့သည့် မူအတိုင်းပင် UNFC နှင့် ဆက်လက် လက်တွဲ ဆောင်ရွက် သွားမည် ဖြစ်ကာ ဗဟို ကော်မီတီ အများစုမှာ သဘောထား ပြောင်းလဲမှု မရှိကြပဲ၊ အချို့မှာ မေးခွန်း ထုတ်စရာ၊ စီစစ် စရာများ ရှိသည်ဟု သဘောထားများ ကေအဲန်ယူ အတွင်း ရှိသည်ဟု ခွန်ဥက္ကာ
မှ ပြောသည်။

“UNFC နဲ့ ကင်းကွာ မှာက ကျွန်တော်တို့ဘက်က စိုးရိမ် တာပါ၊ ခေါင်းဆောင်သစ်တွေက တွေ့ထိ ဆက်ဆံံမှု အားနည်းရင် ကိုယ့်နည်း ကိုယ့်ဟန်နဲ့ အစစ အရာရာ နေပြည် တော်နဲ့ အားလုံးကို ချိတ်ဆက် လုပ်ဆောင် သွားမယ် ဆိုရင် နိုင်ငံရေး ဆွေးနွေး ပွဲတွေ အထိကို ထိခိုက် လာနိုင်ဖွယ် ရှိပါတယ်၊ ကြိုတင် ပူပန်တဲ့ သဘောပါ၊ လက်တွေ့တော့ ဖြစ်လာတာ မရှိသေးဘူး” ဟု ဗိုလ်မှူးကြီး ခွန်ဥက္ကာမှ မဇ္စျိမအား ပြောသည်။

အပစ်ခတ် ရပ်စဲရေး အသေးစိတ် အချက် အလက်များ ဖြစ်သည့် Code of Conducts များစသည့် အချက်အလက် များကိုမူ တစ်ဖွဲ့ချင်း လက္ခဏာ ဖြင့်သာ လုပ်ဆောင် နိုင်ကြောင်းလည်း ဗိုလ်မှူးကြီး ခွန်ဥက္ကာမှ ပြောသည်။

UNFC မှ ကေအဲန်ယူ ထံသို့ ကိုယ်စားလှယ် အဖွဲ့ ဖွဲ့ကာ သွားရောက် တွေ့ဆုံ ရန်ကိုလည်း ပြီးခဲ့သည့် UNFC
နှစ်ပတ်လည် ညီလာခံ၌ ဆုံးဖြတ်ချက် တစ်ရပ် အနေဖြင့် ချမှတ် ခဲ့သည်ဟု ဆိုပါသည်။ UNFC ဥက္ကဋ္ဌ အင်ဘန်လ ကိုယ်တိုင် လာရောက် တွေ့ဆုံလိုသော်လည်း ကျန်းမာရေး အခြေ အနေကြောင့် သွားရောက် နိုင်ခဲ့ခြင်း မရှိကာ ဒုဥက္ကဋ္ဌ (၁) အေဘရယ်ဒွိစ်မှ ဦးဆောင်ကာ သွားရောက် တွေ့ဆုံ ခဲ့ခြင်း ဖြစ်သည်။

ယခု ခရီးစဉ်သည် (၁၅) ကြိမ်မြောက် ကွန်ဂရက် အပြီးတွင် သမ္မတ ဖိတ်ခေါ် ချက်အရ နေပြည်တော်သို့ ကေအဲန်
ယူမှ သွားရောက် တွေ့ဆုံခဲ့ရကာ ၎င်းမှ ရရှိလာသည့် ဆွေးနွေး ချက်များ၊ မူများနှင့် တပ်ပေါင်းစု မူများအကြား
ကေအဲန်ယူ ခေါင်းဆောင် သစ်များ အကြား သဘောထား ကွဲလွဲမှု မရှိစေရန် အတွက် သွားရောက် ဆွေးနွေးခြင်း
လည်းဖြစ်၊ ကေအဲန်ယူ ခေါင်းဆောင်သစ် များအား သွားရောက် ဂါရဝ ပြုခြင်းလည်း ဖြစ်သည်ဟု ၎င်းက ပြောသည်။

ကေအဲန်ယူ ခေါင်းဆောင် သစ်များ အနေ ဖြင့်လည်း (၁၅) ကြိမ်မြောက် ကွန်ဂရက်အပြီး ပြီးခဲ့သည့် ဇန်နဝါရီလ (၂) ရက်နေ့၌ UNFC ဥက္ကဋ္ဌ အင်ဘန်လအား လာရောက် တွေ့ဆုံကာ ဂါဝရ ပြုခဲ့ ပါသည်။

http://www.mizzimaburmese.com/news/inside-burma/10841---unfc--knu--.html

အပြည့်အစုံသို့... »

KNU ဗဟို အလုပ်အမှုဆောင် ကော်မတီဝင် ဦးမန်းငြိမ်းမောင်နှင့် တွေ့ဆုံခြင်း

၂၀၁၃ ခုနှစ် ဇန်နဝါရီလ ၁၂ ရက်နေ့တွင် KNU နှင့် အစိုးရတို့ အပစ်အခတ် ရပ်စဲရေး လက်မှတ် ရေးထိုးခဲ့သည်မှာ တစ်နှစ်ပြည့်ပြီ ဖြစ်သည်။ ၁၉၄၇ ခုနှစ်မှ စတင်၍ နှစ်ပေါင်း ၆၀ ကျော်ကြာ တိုက်ပွဲများ ဖြစ်ပွားနေရာမှ သမိုင်းဝင် အပစ်အခတ် ရပ်စဲနိုင်ခဲ့သည်မှာ တစ်နှစ်ပြည့်မြောက်ပြီ ဖြစ်ပြီး တစ်နှစ်တာ ကာလအတွင်း ငြိမ်းချမ်းရေးဖြစ်စဉ် မည်မျှတိုးတက် လာသည်၊ မည်သို့တည်ဆောက် ခဲ့ရသည်ကို သိရှိနိုင်စေရန် KNU အဖွဲ့ ဗဟို အလုပ်အမှုဆောင် ကော်မတီဝင် ဦးမန်းငြိမ်းမောင် နှင့် တွေ့ဆုံ မေးမြန်းထားသည် များမှ ကောက်နုတ် ဖော်ပြအပ်ပါသည်။

Voice ။ ။ အရင် KNLA စစ်ဦးစီးချုပ်ဟောင်း ဗိုလ်ချုပ်ကြီး မူတူးဆေးဖိုး က ယခု KNU အဖွဲ့ ဥက္ကဋ္ဌ ဖြစ်တာပေါ့။ သူကလည်း အစိုးရနဲ့ အပစ် အခတ်ရပ်စဲရေး လက်မှတ်ရေးထိုးတဲ့ အချိန်မှာရော ငြိမ်းချမ်းရေး ဆွေးနွေးစဉ် ကာလတစ်လျှောက်လုံး တက်တက် ကြွကြွ ပါလာသူဖြစ်တယ်။ နောက်တော့ အခုစစ်ဦးစီးချုပ် ဖြစ်လာတဲ့ ဗိုလ်ချုပ် စောဂျော်နီပေါ့။ သူကလည်း ငြိမ်းချမ်းရေး အတွက်တက်ကြွတဲ့ သူဖြစ်တယ်ပေါ့။ အခုရွေးချယ်လိုက်တဲ့ KNU ကြီးငါးကြီး ထဲမှာလည်း ငြိမ်းချမ်းရေး လက်မှတ်ရေး တဲ့ ကာလတုန်းက ပါဝင်ခဲ့တဲ့ သူတွေ များတယ်။ အဲ့တော့ ငြိမ်းချမ်းရေးကို လေ့လာစောင့်ကြည့် နေတဲ့သူတွေက ပြောကြတယ်။ ဒါဟာ KNU အဖွဲ့ရဲ့ ငြိမ်းချမ်းရေး လိုလားမှုကိုပြတာလို့ သုံးသပ် ကြတယ်ပေါ့။ အဲ့ဒီပေါ်မှာရော ဘယ်လိုထင်ပါသလဲ။

UMNM ။ ။ ဟုတ်ပါတယ်။ အဲ့ဒီ အတိုင်းပါပဲ။ ကျွန်တော်တို့ နှစ်ပေါင်း ၆၀ ကျော် လက်နက်ကိုင် ပဋိပက္ခတွေ ဖြစ်လာတယ်။ ရှင်းလို့ မရခဲ့ဘူး။ ကျွန်တော် တို့နှစ်ဖက်စလုံး အစိုးရရောပေါ့။ အဆိုးဘက်က ပြောကြတယ်ပေါ့။ အဲ့ဒါက နှစ်ခြောက်ဆယ် ကြာခဲ့ပြီပေါ့။ ကျွန်တော်တို့ ကရင် တစ်မျိုးသားလုံး အတွက် လက်နက်ကိုင်တပ် အဖြစ် ရုန်းကန် လှုပ်ရှားခဲ့ကြတယ်ပေါ့။ အခုဆက် လှုပ်ရှားမလား၊ ငြိမ်းချမ်းရေး လမ်းစဉ် ဘက် ပြောင်းမလား လမ်းနှစ်လမ်းပေါ် လာတယ်ပေါ့။ အခုလိုအခြေအနေမှာ ကရင်အမျိုးသားထု တစ်ရပ်လုံး အတွက် သက်သောင့်သက်သာနဲ့ ထိခိုက်နာကျင် မှု အနည်းဆုံးနဲ့ ကိုယ့်အခွင့်အရေး ကိုယ်တောင်းဆိုဖို့ ငြိမ်းချမ်းရေး လမ်းစဉ်က လွဲပြီး ဘာမှမရှိဘူးလို့ KNU က ဒီအတိုင်း၊ ငြိမ်းချမ်းရေး လမ်းစဉ်လိုက်ဖို့ အားလုံး ညီညီညွတ်ညွတ် ဆုံးဖြတ်ခဲ့တာပါ။ ကရင်အမျိုးသားထု တစ်ရပ်လုံးကလည်း ဒီငြိမ်းချမ်းရေး ဖြစ်စဉ်ကို တက်တက်ကြွကြွ ထောက်ခံ ခဲ့ကြတယ်။ ဒီငြိမ်းချမ်းရေးဖြစ်စဉ်နဲ့ ပတ်သက်ပြီးတော့ ပြည်သူလူထုရဲ့ ထောက်ခံမှုကို အပြည့်အဝ ရခဲ့တယ်။ အခုကတော့ ငြိမ်းချမ်းရေး ပိုလိုလားတယ်၊ ပိုပြီးအားကောင်း လာတယ်လို့ ပြောလို့ ရပါတယ်။

Voice ။ ။ အပစ်အခတ် ရပ်စဲရေး စတင်ခါစ ကာလတုန်းက တပ်မဟာ ငယ်တွေနဲ့ အစိုးရနဲ့ မကြာခဏ တိုက်ပွဲ တွေ၊ ပဋိပက္ခဖြစ်နေတာ တွေ့ရတယ် လေ။ အခုနောက်ပိုင်းရော ဘယ်လိုအခြေ အနေ ရှိပါသလဲခင်ဗျ။

UMNM ။ ။ တိုက်ပွဲတွေဖြစ်တယ် လို့ ပြောလို့မရပါဘူး။ ကျွန်တော်တို့ က ၂၀၁၂ ဇန်နဝါရီမှာ အပစ်အခတ် ရပ်စဲရေးတွေ လုပ်နိုင်ခဲ့တယ်။ အခုဆို တစ်နှစ်ပြည့်ပြီ။ အဲ့ဒီအချိန်မှာ KNU နဲ့ အစိုးရတပ်ကြားမှာ သာမန် မတော်တဆ ပစ်ခတ်မှုတွေပဲ ရှိတယ်။ စနစ်တကျ စီစဉ်ပြီးတော့ တိုက်တဲ့ တိုက်ပွဲမရှိဘူး။ KNU ဘက်ကလည်းမရှိဘူး တပ်မတော် ဘက်ကလည်း မရှိဘူး၊ ဒါကတိုက်ပွဲ၊ ပဋိပက္ခလို့ ပြောလို့မရပါဘူး။ ဘာလို့လဲ ဆိုတော့ အခုကျွန်တော်တို့ နေပြည်တော် သွားတဲ့အခါ ကာကွယ်ရေး ဦးစီးချုပ်နဲ့ တွေ့တယ်လေ။ တပ်မတော် ကာကွယ်ရေး ဦးစီးချုပ်က ပြောတယ်။ KNU ရယ်၊ ကရင်အမျိုးသား လွတ်မြောက်ရေးတပ် KNLA ရယ်က စည်းကမ်း အင်မတန် ရှိတယ်။ အမိန့်လည်း နာခံတယ်လို့ ပြောတယ်လေ။ အသိအမှတ်ပြုတယ်၊ လေးစားတယ် ဆိုတဲ့အကြောင်း ကာကွယ်ရေးဦးစီးချုပ် ကိုယ်တိုင်ပြော ပါတယ်။ အခု ကာကွယ်ရေး ဦးစီးချုပ် ပြောတာက ကျွန်တော်တို့ အခု KNU နဲ့ ငြိမ်းချမ်းရေး ရဖို့ ရ၀ ရာခိုင်နှုန်း သေချာနေပြီလို့ ပြောတယ်။ ကျန်တဲ့ ၃၀ ရာခိုင်နှုန်းက အသေးအဖွဲ တွေပါတဲ့။ အသေးအဖွဲတွေ ဆိုတာက တပ်ဖွဲ့ငယ် တွေကြား နားလည်မှု လွဲပြီး ပစ်တာ ခတ်တာလောက် ရှိတာပဲ။ ဒါတွေက ဖြေရှင်းလို့ ရပါတယ်တဲ့။ တပ်မတော် ကာကွယ်ရေး ဦးစီးချုပ်ကိုယ်တိုင် ဒီလို အသိအမှတ်ပြုထားတာ ဆိုတော့ ဒါကို ပဋိပက္ခ အဆင့်လို့ ပြောလို့မရပါဘူး။

Voice ။ ။ KNU က အဖွဲ့လည်း ကြီးတယ်။ ထိန်းချုပ်နယ်မြေလည်း များတယ်။ တပ်မဟာ ကလည်း များတယ်ဆိုတော့ တစ်နှစ်ကြာကာလ အတွင်း တပ်မဟာတွေကြားမှာ ဘယ်လို နားလည်မှုရအောင် ယူခဲ့လဲ၊ ဘာအခက်အခဲ တွေရှိလဲ။

UMNM ။ ။ ငြိမ်းချမ်းရေးတွေ့ဆုံ ဆွေးနွေးပွဲတွေမှာ ခရိုင် ဥက္ကဋ္ဌတွေ၊ တပ်မဟာမှူးတွေ ပါကြတယ်လေ။ အဲဒီခါကျတော့ သူတို့ နားလည်ကြတယ်။ ငြိမ်းချမ်းရေး ဖြစ်စဉ်တွေမှာ သူတို့ပါဝင် တော့ သူတို့ သိတယ်။ တချို့တပ်မဟာ တွေကတော့ ဒီအပေါ်မှာ သံသယရှိတာ တွေတော့ ရှိတယ်။ ဒါကလည်း အနည်းစုပါ။ နောက် သူတို့ကလည်း ပြန်သုံးသပ် တယ်လေ။ ဒီငြိမ်းချမ်းရေး ကလွဲလို့ တခြားရွေးစရာ လမ်းမရှိဘူး။ လမ်းနှစ်လမ်းပဲ ရှိတယ်လေ။ ကျွန်တော် တို့ အရင်အတိုင်း လက်နက်ကိုင် နည်းနဲ့ပဲ ဆက်ဖြေရှင်းမလား၊ စားပွဲဝိုင်းမှာ အေးအေးချမ်းချမ်း နိုင်ငံတော် အစိုးရနဲ့ ဖြေရှင်းမလား ဒီလမ်းနှစ်လမ်း ကလွဲ ရွေးစရာ မရှိဘူး။ လက်နက်ကိုင်နည်းနဲ့ ဖြေရှင်းတာကို အနှစ် ၆၀ ကျော်ဖြတ်သန်း ခဲ့ပြီးပြီလေ။ တစ်မျိုးသားလုံး ကျိုးကြေ ပြီးတော့ စုတ်ပြတ် နေတာပဲ။ ကျွန်တော် တို့က ဒီစားပွဲဝိုင်း မှာဆို သက်သောင့် သက်သာရှင်းလို့ ရမယ်။ မတူတာတွေ လည်းရှိမယ်၊ ရန်ဖြစ်တာတွေလည်း ရှိမှာပေါ့။ ဒါပေမဲ့ စစ်မြေပြင်မှာ ရှင်းတာလောက်တော့ မပင်ပန်း ဘူးလေ။

“စားပွဲဝိုင်းမှာ ငြင်းရတာက စစ်မြေပြင်မှာ ရှင်းရတာလောက် မပင်ပန်းဘူးလို့ ထင်တယ်”

ကျွန်တော်တို့ ဒီငြိမ်းချမ်းရေး တစ်နှစ်တာ ကာလ အတွင်းမှာဆို။ ငြိမ်းချမ်းရေးဘက် တာဝန်ယူ ထားတဲ့ ဝန်ကြီးတွေရှိတယ် လေ။ ဦးအောင်မင်းတို့၊ ဦးခင်ရီတို့၊ ဦးစိုးသိန်းတို့၊ သူတို့က ပွင့်ပွင့်လင်းလင်း ရင်းရင်းနှီးနှီး ပြောလို့ဆိုလို့ ရတယ်လေ။ တချို့ကိစ္စတွေဆို ကျွန်တော်တို့ စားပွဲဝိုင်းမှာ ရှင်းစရာတောင် မလိုဘူး။ ဒီတိုင်း စားရင်းသောက်ရင်းနဲ့၊ ဝန်ကြီး ကျွန်တော်တို့ ဒါလုပ်ချင်တယ်၊ ဘယ် သွားချင်တယ် ပြောလိုက်တာနဲ့ သူကလည်း တစ်ထိုင်တည်း ဆုံးဖြတ်ပေး တာပဲ။ ဒါက ကျွန်တော်တို့ တစ်ဦးနဲ့ တစ်ဦးကြား အပြန်အလှန် နားလည်မှု၊ လေးစားမှု၊ ယုံကြည်မှုကို ပြတာပဲ။ စစ်မြေပြင်မှာဆို သူဦးသူချ၊ ကိုယ်ဦး ကိုယ်ချပဲ၊ နာကျင်မှု များတယ်လေ။ စားပွဲဝိုင်းမှာ ကျတော့ အများကြီး ပြောလို့ဆိုလို့ရတယ်။

Voice ။ ။ နောက်တစ်ခုက အခု KNU မှာ အင်အားဘယ်လောက် ရှိတယ် ဆိုတာ ပြောနိုင်မယ်ဆို ပြောပြပေးပါ။

UMNM ။ ။ စိတ်မရှိပါနဲ့။ ဒါက တော့ ကျွန်တော် မပြောနိုင်ဘူး။ ဒါက အဖွဲ့အစည်း တစ်ခုရဲ့ လျှို့ဝှက်ချက် ဖြစ်တယ်လေ။

Voice ။ ။ KNU က တပ်ဖွဲ့က ကြီးတော့ အခု အပစ်အခတ် ရပ်စဲထား တယ်၊ အခွန်ကလည်း မကောက်ဖို့ အစိုးရနဲ့ လက်မှတ် ထိုးထားရတယ်။ အဲ့တော့ တပ်ဖွဲ့တွေနဲ့ တပ်ဖွဲ့ဝင် မိသားစု တွေရဲ့ စားဝတ်နေရေး ဘယ်လိုဖြေရှင်း လဲ မသိဘူး။

UMNM ။ ။ ကျွန်တော်တို့ ကတော့ အရင်ကတည်းက ကိုယ့်ခြေထောက် ပေါ် ကိုယ်ရပ်တည်နေတဲ့ အဖွဲ့အစည်းဖြစ် တဲ့အတွက် ဒီကိစ္စကလည်း သိပ်ပြီး အခက်အခဲမရှိပါဘူး။

Voice ။ ။ ရေရှည်မှာ ကျတော့ လက်နက်ကိုင် အင်အားစုတွေရော၊ သူတို့မိသားစုဝင်တွေ ရှိတော့လေ၊ အဲ့ဒီ အတွက် ဘယ်လို စီစဉ်ထားလဲ မသိဘူး။

UMNM ။ ။ တစ်လျှောက်လုံးက ကျွန်တော်တို့ တပ်ဖွဲ့ဝင်တွေရဲ့ မိသားစု တွေက သူ ရပ်တည်နိုင်ရေး သူတို့လုပ် တယ်။ အဖွဲ့အစည်းက ထောက်ပံ့တာ တွေလည်း ရှိတာပေါ့။

Voice ။ ။ နောက်တစ်ခုက အစိုးရ နဲ့ အပစ်အခတ် ရပ်စဲရေးလုပ်ထားတဲ့ အဖွဲ့အစည်းတွေက သူတို့တပ်ဖွဲ့ဝင် တွေနဲ့ သူတို့ရဲ့မိသားစုတွေကို ထောက်ပံ့ဖို့အတွက် စီးပွားရေးလုပ်ပိုင် ခွင့်တွေ ဘာတွေ ရတယ်ပေါ့။ အဲဒီလို ပြောကြတာတွေရှိတယ်၊ KNU အနေနဲ့ ရော ဘာတွေလုပ်ဖို့ရှိလဲ။ အဲ့ဒီ ပေါ်ရော ဦးမန်းငြိမ်းမောင် အနေနဲ့ ဘယ်လို မြင်လဲ။

UMNM ။ ။ အခုချိန်ထိတော့ ဒါတွေက ဘာမှ မလုပ်ရသေးပါဘူး။ အခုညီလာခံ ပြီးတဲ့ အချိန်မှာ ကော်မတီ တွေဖွဲ့မယ်။ စီးပွားရေး ကော်မတီ၊ ပညာရေး ကော်မတီ စသဖြင့်ပေါ့။ အဲ့ဒီ အချိန်မှ ဘာလုပ်မယ် ဆိုတာ ဆုံးဖြတ် ရမယ်။ အစိုးရ ကလည်း သူတို့ဘာတွေ လုပ်ပေး နိုင်တယ်၊ ဘာတွေ ကူညီမယ် စသဖြင့် ပြောထားတာတွေ ရှိပါတယ်။ စဉ်းစားထားတာတွေ ရှိတယ်။ လက်တွေ့ ဘာမှ မဆောင်ရွက်ရသေးဘူး။ ဒါတွေ က ဆောင်ရွက်သွားဖို့ ရှိပါတယ်။

Voice ။ ။ အခု KNU က နေပြည်တော် သွားတဲ့ ခရီးစဉ် အတွင်းမှာ စီးပွား/ကူးသန်း ဝန်ကြီးတို့၊ သတ္တုတွင်း ဝန်ကြီးတို့နဲ့ တွေ့ခဲ့တယ်ပေါ့။ အဲဒီအပေါ်မှာ အခွင့်အရေး အတွက် သွားတွေ့တာလို့ ပြောနေတဲ့သူတွေ ရှိ သလို အစိုးရနဲ့ နိုင်ငံရေး ဆွေးနွေးတဲ့ အခါ သယံဇာတ ခွဲဝေမှုပိုင်း ဆွေးနွေး နိုင်ဖို့ သွားတာလို့ ကြားရတယ် ခင်ဗျ။ အဲ့ဒါလေး ရှင်းပြပေးပါ။

UMNM ။ ။ သွားတယ်ဆိုတာက သူတို့ဖိတ်လို့ ကျွန်တော်တို့ သွားတွေ့ တာဗျ။ ဥပမာ - သတ္တုတွင်းဆို သူတို့ လုပ်ငန်းတွေ၊ စည်းမျဉ်းစည်းကမ်းတွေ၊ ဘယ်လိုဆောင်ရွက် ရတယ်ဆိုတာ၊ နောက် KNU နယ်မြေမှာ သတ္တုတွင်း တွေ ရှိတယ်ဆိုရင် အစိုးရနဲ့ ပူးပေါင်း ပြီး လုပ်ဖို့ သူတို့စည်းမျဉ်း စည်းကမ်း တွေပြောပြတဲ့ သဘောပါ။ စီးပွား/ကူးသန်း ဆိုလည်း ဒီအတိုင်းပဲ။ တချို့က ငြိမ်းချမ်းရေး စလုပ်ကတည်းက ဒီအတိုင်း ပြောနေတာတွေရှိတယ်။ ငြိမ်းချမ်းရေး လုပ်တယ် ဆိုတာ လူတစ်စု ကောင်းစားရေးဖြစ်တယ်။ ငြိမ်းချမ်းရေး ဟာ တိုင်းရင်းသားတွေ အတွက် ထောင်ချောက်ဖြစ်တယ်။ အဲ့ဒီပေါ်မှာ အမျိုးမျိုး ပြောကြတာ ရှိပါတယ်။ အဲ့ဒါကို ကျွန်တော်တို့ ကတော့ ဂရု မစိုက်ပါဘူး။ ဂရုမစိုက်ဘူး ဆိုတာက ကျွန်တော်တို့ ဒီမြင်နေတာတွေ၊ စွပ်စွဲမှု တွေကို လက်တွေ့ အလုပ်လုပ်ပြီး ဖြေရှင်း သွားမှာပါ။ ဒီငြိမ်းချမ်းရေး ဖြစ်စဉ်မှာ ဘယ်သူက ဘယ်လိုဆိုတာ တစ်နှစ် ၂နှစ်ဆိုရင် ပေါ်လာမှာပဲလေ။ KNU ရဲ့ ကရင် တစ်မျိုးသားလုံးရဲ့ လူမှုရေး၊ စီးပွားရေး ဖွံ့ဖြိုး တိုးတက်ဖို့ဆောင်ရွက် မှုရှိ မရှိဆိုတာ အဲ့ဒီအချိန်မှာ ပေါ်လာ မှာပဲလေ။

Voice ။ ။ နောက်ထပ်မေးချင် တာက ကရင်ပြည်နယ် မှာဆို လက်နက်ကိုင် တပ်ဖွဲ့တွေလည်း အများ ကြီး ရှိနေတယ်။ နောက်တခြားအဖွဲ့ အစည်းတွေလည်း ရှိနေတယ်ဆိုတော့ KNU အနေနဲ့ အဲ့ဒီအတွက် တစ်ခုခု စီစဉ်ထားတာ တွေရောရှိလား။

UMNM ။ ။ ရှိပါတယ်၊ အဲ့ဒီ အတွက် KNU မှာ ကရင်အမျိုးသား စည်းလုံးညီညွတ်ရေး ဆိုတဲ့ Plan ရှိပါ တယ်။ လက်တွေ့ဆက်ဆံမှု တွေလည်း ရှိတယ်။ မကင်းဘူးလေ ကရင်အားလုံး က ကျွန်တော်တို့ KNU ညီလာခံက ကော်မတီတွေ ပြန်မဖွဲ့ရသေးဘူး။ အဲ့ဒါ တွေ လုပ်ပြီးရင် အကောင်အထည်ဖော် စတင်သွားပါမယ်။ ကျွန်တော်တို့ အားလုံးက အတူတူ နေခဲ့ကြတာ ဆိုတော့ ကရင်အားလုံး ပြန်လည် ညီညွတ်လိမ့် မယ်လို့ ကျွန်တော်ထင်ပါတယ်။

Voice ။ ။ စောစောက ပြောသွား တဲ့ ကော်မတီတွေ ဖွဲ့မယ်ဆိုတာကို အသေးစိတ် ထပ်ရှင်းပြပေးပါ။

UMNM ။ ။ ဒါက ဒီလိုပါ။ ကျွန်တော် တို့ အခု (၁၅) ကြိမ်မြောက် ညီလာခံ ပြီးတော့ ကော်မတီတွေ ဆက်ဖွဲ့ဖို့ရှိပါ တယ်။ စီးပွားရေးဆိုင်ရာ ကော်မတီ၊ လူမှုရေးကော်မတီ၊ တရားရေး ကော်မတီ ဆိုပြီး ဗဟိုကဖွဲ့ဖို့ ရှိပါတယ်။ အဲ့ဒီထဲ မှာ ကရင်အမျိုးသား စည်းလုံးညီညွတ် ရေး ကော်မတီလိုမျိုး ကော်မတီတစ်ရပ် ပေါ်လာမှာ ဖြစ်တယ်။ အဲ့ဒီကနေပြီး ကော်မတီတစ်ရပ် အနေနဲ့ ကရင် အမျိုးသား ညီလာခံလိုမျိုး ပေါ်လာ အောင် လုပ်ဖို့ရှိတယ်။

Voice ။ ။ အခု ကရင်ပြည်နယ် မှာလည်း တရားဝင်နိုင်ငံရေး ပါတီတွေ ရှိနေတော့ KNU အနေနဲ့ရော ဘယ်လို စဉ်းစား ထားလဲ။ ကရင်နိုင်ငံရေး အင်အားစုတွေ အားလုံး ပေါင်းပြီး နိုင်ငံရေး ပါတီတစ်ခု ထောင်မလား၊ KNU ကိုယ်တိုင် ပါတီတစ်ခု ဖြစ်လာ မလား၊ အဲ့ဒီအပေါ် ဘယ်လိုစဉ်းစား ထားလဲ။ UMNM ။ ။ ကျွန်တော်တို့ KNU အနေနဲ့ ပါတီတစ်ခု မထောင်သေးဘူး။ ထောင်လည်း မထောင်နိုင်သေးဘူး။ ဒါပေမဲ့ ကရင်နိုင်ငံရေး ပါတီတွေနဲ့ ထိတွေ့ရမယ်၊ စည်းရုံးရမယ်၊ ဆက်ဆံရမယ်၊ သူတို့နဲ့ပူးပေါင်း ဆောင်ရွက်ဖို့ ကျွန်တော် တို့မှာ စဉ်းစားချက်တွေ၊ စိတ်ကူးချက် တွေ ရှိပါတယ်။

Voice ။ ။ သီးခြားပါတီ ထောင်ဖို့ မရှိသေးဘူး။ လောလောဆယ်ပါတီ တွေနဲ့တော့ ပူးပေါင်း လုပ်မယ်ဆိုတဲ့ သဘောလားခင်ဗျ။

UMNM ။ ။ သူတို့တွေက ဥပဒေ ဘောင်တွင်းကနေ တရားဝင် နိုင်ငံရေး ပါတီအဖြစ် ရပ်တည်ပြီး အမျိုးသားရေး အတွက် ဆောင်ရွက်နေတာပဲလေ။ အဲ့တော့ သူတို့ကိုလည်း စည်းရုံးပြီး ပူးပေါင်းဆောင်ရွက်သွားဖို့ ရှိတယ်လေ။ နိုင်ငံတော် အစိုးရကလည်း ဆက် သွယ်ပါ၊ ဆောင်ရွက်ပါလို့ ပြောတယ် လေ။ သူတို့လည်း အရင်ကဆို မဆက် သွယ်ရဲဘူးလေ။ ကျွန်တော်တို့က တောတွင်း အဖွဲ့အစည်း ဖြစ်နေတာဆို တော့ အခုလည်း အဆက်အသွယ်တွေ ရှိ ပါတယ်။ တစ်ဖက်နဲ့ တစ်ဖက် အကြံဉာဏ် တောင်းခံတာတွေ၊ ပူးပေါင်းဆောင် ရွက်တာတွေရှိပါတယ်။

Voice ။ ။ နောက်တစ်ခုကတော့ လက်နက်ကိုင် တပ်ဖွဲ့ တော်တော်များ များ ပြောနေကြတဲ့ ပြဿနာပေါ့။ နယ်ခြားစောင့်တပ် ကိစ္စကို KNU ရော ဘယ်လို စဉ်းစားထားလဲ မသိဘူး။

UMNM ။ ။ နယ်ခြားစောင့်တပ် ကိစ္စကတော့ ကျွန်တော်တို့ ဆီက ခွဲ ထွက်သွားတဲ့ ကရင်အင်အားစုတွေက နိုင်ငံတော် အစိုးရနဲ့ ပြေလည်နေတဲ့ အခါကျတော့ ကျွန်တော်တို့ ရေရှည် အမျိုးသားစည်းလုံး ညီညွတ်ရေးကဏ္ဍ နဲ့ ဆက်သွယ် ဆောင်ရွက်သွားပါမယ်။ ကျွန်တော်တို့နဲ့ သူတို့တွေ ဆက်သွယ် မှုရှိတယ်၊ တစ်နေ့နေ့ တစ်ချိန်ချိန်မှာတော့ နိုင်ငံတော်အစိုးရနဲ့ ဘယ်လိုဖြစ်သင့် တယ်ဆိုတာ ဆွေးနွေးသွားဖို့ ရှိတယ်။

Voice ။ ။ အခု KNU က နယ်ခြား စောင့်တပ် ကိစ္စကို ဆက်ဆွေးနွေး သွားဖို့ရှိတယ်ပေါ့။ အဲ့ဒီသဘောလား။

UMNM ။ ။ ဆက်ဆွေးနွေးသွား ရမယ့် ကိစ္စပဲလေ။ တပ်မတော်ထဲ အားလုံး ကူးပြောင်းမလား။ ဒီအတိုင်းပဲ နယ်ခြားစောင့် အတိုင်းသွားမလား။ အဲ့ဒါမျိုးပေါ့နော်။ နိုင်ငံတော် အစိုးရနဲ့ ဆက်ဆွေးနွေးသွားဖို့ ရှိပါတယ်။

Voice ။ ။ နောက်တစ်ခု မေးချင် တာက KNU က တပ်ဖွဲ့ကလည်း ကြီး တယ်လေ။ အခုက အခွန်ကလည်း ကောက်လို့ မရတော့ဘူး ဆိုတော့ တပ်ဖွဲ့ တွေရဲ့ စားဝတ်နေရေး ကရော ဘယ်လို စီစဉ်ထားလဲ ခင်ဗျ။

UMNM ။ ။ ကျွန်တော်တို့ စားဝတ် နေရေးကတော့ အခုလက်ရှိ ရနေတဲ့ အကောက်ခွန် ဝင်ငွေလေးနဲ့ ရပ်တည် တယ်ပေါ့နော်။ နောက်ဆိုလို့ ရှိရင်တော့ တပ်ဖွဲ့ဝင်တွေရဲ့ စားဝတ်နေရေး အတွက် နိုင်ငံတော် အစိုးရနဲ့ စီးပွားရေးလုပ်ငန်း တစ်ခု လုပ်ဖို့ ညှိနှိုင်းပြီး စီစဉ်ဆောင် ရွက်သွားဖို့ ရှိပါတယ်။

Voice ။ ။ နိုင်ငံတော် သမ္မတနဲ့ ဝန်ကြီး ဦးအောင်မင်းတို့ ပြောထားတာ ရှိတယ်ပေါ့လေ။ အခုဖွဲ့ထားတဲ့ Myanmar Peace Center က တိုင်းရင်းသား လက်နက်ကိုင် တပ်ဖွဲ့ တွေကို နိုင်ငံတကာ အဖွဲ့အစည်း တွေနဲ့ ပူးပေါင်းပြီး ထောက်ပ့ံဖို့ပေါ့လေ။ အဲ့ဒါက ခု စထောက်ပံ့နေပြီလား၊ ဘယ် အခြေအနေထိ ရောက်ပြီလဲ ခင်ဗျ။

UMNM ။ ။ မထောက်ပံ့သေးပါ ဘူး။ ဒါတွေက သူတို့ စီစဉ်နေဆဲ အဆင့် မှာပဲ ရှိပါသေးတယ်။ ဘာမှ မစရ သေး ဘူး။ စစ်ဘေးဒုက္ခသည် တွေအတွက် စလုပ်နေတာ တော့ရှိတယ်။ စစ်ဘေး ဒုက္ခသည်တွေ အတွက် ကျန်းမာရေး၊ ပညာရေး စတာတွေ လုပ်နေတာတော့ ရှိပါတယ်။ ဟိုတစ်လောက မွန်ဘက်မှာ စတယ်။ နောက်တော့ ကျန်တဲ့ တိုင်းရင်း သား အဖွဲ့အစည်းတွေ ပါလာမယ်။ အဲဒါတွေတော့ ရှိတယ်။

Voice ။ ။ အခု နိုင်ငံတော်သမ္မတ KNU နဲ့တွေ့တာ နှစ်ကြိမ် ရှိပြီပေါ့။ အဲဒီနှစ်ကြိမ်မှာ ပထမ အကြိမ်နဲ့ ဒုတိယအကြိမ် ဘာတွေ ကွာခြားတာရှိ လဲ။ ပိုပြီးအားရ ကျေနပ်တာ ဘာတွေ ရှိလဲ။

UMNM ။ ။ ပထမအကြိမ် ကတော့ ကျွန်တော်က ထောင်ထဲမှာပဲ ရှိသေး တယ် မသိဘူး။ ဒုတိယ တစ်ကြိမ်ကျ တော့ ကျွန်တော်ကိုယ်တိုင် ပါတယ်။ တော်တော်ကို ကျေနပ်ပါတယ်။ သမ္မတရဲ့ ရိုးသားမှု၊ ပွင့်လင်းမှု၊ တိုင်းပြည် အပေါ်ထားတဲ့ စေတနာ၊ အဲဒီအပေါ် အကဲဖြတ်လို့ ရပါတယ်။

Voice ။ ။ ဒီတစ်ခေါက် သမ္မတကြီး နဲ့တွေ့တဲ့ ခရီးစဉ်အပေါ် KNU အနေနဲ့ ဘယ်လို သုံးသပ်လဲခင်ဗျ။

UMNM ။ ။ ဒီခရီးစဉ်ကို အောင် မြင်တယ်လို့ ကျွန်တော်တို့ သုံးသပ် ပါတယ်။

Voice ။ ။ ဦးမန်းငြိမ်းမောင်တို့ လိုချင်တဲ့ အချက်အလက် တွေကိုရော ဆွေးနွေးလို့ ရခဲ့လားခင်ဗျ။

UMNM ။ ။ ကျွန်တော်တို့က ဒီခရီးစဉ်ကို လိုချင်တဲ့ အချက်တွေ ဆွေးနွေးဖို့ လာတာ မဟုတ်ပါဘူး။ စောစောက ရှင်းပြခဲ့သလိုပဲ။ ဧည့်သည် အနေနဲ့ သွားတာပဲ။ အဲလိုသွားပေမယ့် နိုင်ငံရေးအရ အလွတ်သဘော ဆွေးနွေး ခဲ့တာတွေရှိပါတယ်။ အဲဒီတော့ နောက် ထပ် ဆွေးနွေးဖို့ မခက်ဘူး ထင်တယ်။ တစ်ဦးနဲ့တစ်ဦး ပိုယုံကြည်လာတယ်။ နောက်တစ်ချက်က တပ်မတော် ကာကွယ်ရေး ဦးစီးချုပ်နဲ့ တပ်မတော်ရဲ့ ထိပ်ပိုင်းခေါင်းဆောင် တွေကို တွေ့ခဲ့ရတယ် ပေါ့နော်။ တပ်မတော် ကာကွယ်ရေး ဦးစီးချုပ်က တကယ့်ကို ပွင့်ပွင့်လင်းလင်း တက်တက်ကြွကြွ နဲ့ ပြောတယ်ပေါ့နော်။ ခံစားချက် အပြည့်နဲ့ ပြောတဲ့အခါကျတော့ အဓိက က တပ်ပဲလေ။ တပ်နဲ့ ပိုယုံကြည်မှုရလေ ပိုရှင်းရ လွယ်လေပဲ။ ပဋိပက္ခကို ဖြေရှင်းရတာ အဓိကက တပ်ပဲလေ။ ရင်းနှီးတဲ့ ဆက်ဆံရေးရှိရင် ဒါတွေက ထပ်ပြီး တိုးတက်ဖို့ပဲ ရှိတော့တယ်လေ။

Voice ။ ။ KNU က သမ္မတနဲ့ တွေ့ဖြစ်ရင် ကချင်မှာ ဖြစ်နေတဲ့ စစ်ပွဲ ကိစ္စ ဆွေးနွေးမယ်လို့ ပြောတယ်ပေါ့ လေ။ အဲဒါတွေရော ဆွေးနွေးဖြစ်လား ခင်ဗျ။ ဘာတွေများ ဆွေးနွေး ခဲ့ကြလဲ။

UMNM ။ ။ ဆွေးနွေးတယ် ဆိုတာ က ဒီနေ့အချိန်မှာ KIO ကို စစ်ရှိန်မြှင့် တင်ထားတဲ့ အတွက် ငြိမ်းချမ်းရေး ဖြစ်စဉ် မှာ ရိုက်ခတ်မှုတွေ အများကြီး ရှိတယ်။ ဒီငြိမ်းချမ်းရေး ဖြစ်စဉ်နဲ့ ပြုပြင်ပြောင်း လဲမှုအပေါ် သံသယရှိနေတဲ့ သူတွေက ဒီသံသယကို ပိုပြီးကြီးထွား စေတယ် ပေါ့လေ။ ဒါတွေ ပြောထားခဲ့တယ်။ စစ်ရှိန် လျှော့ချဖို့အတွက်။ KNU က မေတ္တာရပ်ခံ တိုက်တွန်းခဲ့တယ်။ နောက် သူတို့ ဒီလိုဖြစ်ရတဲ့ အကြောင်းတွေ လည်း သူတို့ ရှင်းပြတယ်။ စစ်တပ်ကို KIO က ပိတ်ထားတယ်။ ရိက္ခာပြတ်နေ တယ်။ အဲဒါကို လမ်းဖွင့်ပေးဖို့ တိုက်တွန်းတယ်။ လမ်းဖွင့် မပေးတော့ သူတို့ တိုက်ရတာလို့ ပြောတယ်၊ ကာကွယ်ရေး ဦးစီးချုပ်ကပြောတယ်။ သူက စစ်သားတစ်ယောက် ဆိုတော့ သူတာဝန်ရှိတယ်။ သူ့စစ်သားသူ အသေ မခံနိုင်ဘူးလို့ သူ့ရဲဘော်တွေ ကယ်ထုတ်နိုင်ဖို့ အင်အား သုံးခဲ့ရတယ် လို့ သူပြောပါတယ်။

Voice ။ ။ KNU ကိုယ်တိုင်က လည်း အစိုးရနဲ့ အပစ်အခတ် ရပ်စဲရေး လုပ်လာခဲ့တယ်။ ငြိမ်းချမ်းရေး ဖြစ်စဉ်မှာ ပါဝင်လာခဲ့တယ်။ အခု KIA နဲ့ ငြိမ်း ချမ်းရေး မတည်ဆောက်နိုင်တဲ့ အချက် က ဘယ်လို အချက်တွေဖြစ်မယ် လို့ထင် လဲ။ ဘာကြောင့်လို့ သုံးသပ်မိလဲ ခင်ဗျ။

UMNM ။ ။ အဓိကကတော့ ယုံကြည် မှု မတည်ဆောက်နိုင်တာပဲ။ အဲဒီပေါ်မှာ ပဲ ပဋိပက္ခတွေ ဆက်တိုက်ဖြစ်လာရတာ ပဲ။ ကျွန်တော်တို့ ဒီမလာခင် ကျွန်တော် တို့ ဥက္ကဋ္ဌနဲ့ အတွင်းရေးမှူးချုပ်က KIO ဥက္ကဋ္ဌကို သွားတွေ့တယ်လေ။ သူက ဘာပြောလဲဆိုတော့ ငြိမ်းချမ်းရေး ဆွေးနွေးပွဲက ဆွေးနွေး ပွဲနဲ့ မတူဘူး၊ တစ်ဦးကို တစ်ဦး အပြစ်ဖို့ နေကြတာပဲ။ သူမှန်တယ် ကိုယ်မှန်တယ် စကားရည် လုနေကြသလို ဖြစ်နေတယ်တဲ့။ ရန်ဖြစ် နေကြတာပဲတဲ့၊ သူတို့ကိုယ်တိုင် အဲ့လို ပြောတယ်လေ။ အဲလိုဆိုတော့ ငြိမ်းချမ်း ရေးဖြစ်စဉ်က တိုးတက်မှုမရှိဘဲ ပိုကြာ နိုင်ပါတယ်။ KNU နဲ့ကျတော့ ဘာလို့ အဆင်ပြေနေလဲ ဆိုတော့ ကျွန်တော်တို့ ကတော့ ကိုယ့်ဘက်က လိုချင်တာအရင် တင်ပြတယ်။ နိုင်ငံတော်က လိုက်လျော နိုင်တဲ့အတွက် နိုင်ငံတော်ဘက်က လိုက် လျောပေးတယ်။ အဲ့ဒီကနေပြီး အပစ် အခတ်ရပ်စဲရေး လုပ်လာနိုင်တယ်။ ဒီကြားထဲမှာ အပစ်အခတ် ရပ်စဲရေး ခိုင်မာဖို့အတွက် တည်ဆောက်တယ်။ အဲ့တော့ ရင်းရင်းနှီးနှီး ပွင့်ပွင့်လင်းလင်း ဆွေးနွေးလာနိုင်တယ်။ ဒါကြောင့် ငြိမ်းချမ်းရေးလုပ်လို့ရတာပဲလေ။ သံသယနဲ့ ငြိမ်းချမ်းရေး လုပ်တဲ့အခါ ကျတော့ ခက်တယ်။ ရဖို့လည်းမလွယ်ဘူး။

Voice ။ ။ အခု KIO နဲ့ တပ်မတော် က တစ်ဖက်နဲ့တစ်ဖက် သံသယတွေနဲ့ စကားပြောနေတဲ့အခါကျတော့ ငြိမ်းချမ်းရေးရဖို့ ခက်တယ်ပေါ့လေ။ အဲ့တော့ အခုလက်ရှိ တိုင်းရင်းသား လက်နက်ကိုင် တော်တော်များများ ကလည်း အပစ်အခတ် ရပ်စဲရေးလုပ်ပြီး Political Dialogue လုပ်ဖို့ စောင့်နေ တယ်ပေါ့။ KNU ကရော ကေအိုင်အေ ပါတဲ့အထိ ဆက်စောင့်မလား။ ဘယ်လို စဉ်းစားထားလဲ။

UMNM ။ ။ တတ်နိုင်သမျှတော့ ကျွန်တော်တို့က စောင့်ပြီး တိုက်တွန်းချင် တယ်။ ကြာမယ် ဆိုရင်တော့ ကျွန်တော် တို့ကျန်တဲ့ အဖွဲ့တွေနဲ့ ရှေ့ဆက်သွား မယ်ပေါ့။

Voice ။ ။ ငြိမ်းချမ်းရေး ယူထား တဲ့ ကျန်တဲ့ အဖွဲ့တွေနဲ့ စုစည်းမိတာ ရှိ လား။ ဆွေးနွေးမိတာ တွေရောရှိလား။

UMNM ။ ။ ယေဘုယျ ပြောရရင် တော့ မရှိဘူးလို့ ပြောလို့ ရပါတယ်။ အနည်းဆုံးတော့ ဆက်ဆံမှုတော့ရှိတယ်။ ပူးပေါင်းဆောင်ရွက်မှု အထိုက်အလျောက် တော့ ရှိပါတယ်။

Voice ။ ။ အခု KIA က ဥက္ကဋ္ဌ အနေနဲ့ လုပ်ဆောင်နေတဲ့ UNFC နဲ့ အစိုးရ နိုင်ငံရေးဆွေးနွေးမှု စတင်တော့ မယ်လို့သိရပါတယ်။ UNFC က တိုင်းရင်းသားတပ်ဖွဲ့ အားလုံးကို ကိုယ်စားပြုသလား ခင်ဗျ။ အဲ့ဒါလေး ရှင်းပြပေးပါ။

UMNM ။ ။ UNFC ကတော့ တိုင်းရင်းသားတွေကို တစ်စိတ်တစ်ပိုင်းပဲ ကိုယ်စားပြုမယ်လို့ ထင်ပါတယ်။ သူ့ရဲ့ ပူးပေါင်းဆောင်ရွက်မှု ဆိုတာက အကန့်အသတ် ရှိတယ်လေ။ အကုန်လုံးကို ကိုယ်စားပြုဖို့ ဆိုတာ အကုန်လုံးက ယုံကြည်မှု ပေးဦးမှကိုး၊ အဲ့ဒါလည်း ရှိပါတယ်။

Voice ။ ။ နောက်တစ်ခု မေးချင် တာက ဦးမန်းငြိမ်းမောင် ဆိုရင် တပ်မတော်အစိုးရ လက်ထက်မှာ တစ်လျှောက်လုံး အကြိမ်ကြိမ် ထောင်ကျခံခဲ့ ရတာတွေရှိတယ်၊ နှိပ်စက် ခံရတွေရှိပါတယ်။ အခု ငြိမ်းချမ်းရေးဖြစ်စဉ်မှာ ဦးမန်းငြိမ်းမောင် အနေနဲ့ ယုံကြည်မှု အတော်လေးပေးနိုင် တာတွေ့ရတယ်။ အဲ့ဒါဘာကြောင့် ဒီလို ယုံကြည်မှု ပေးနိုင်တာလဲ။

UMNM ။ ။ အဓိက အချက်ကတော့ နှစ်ချက် သုံးချက်လောက်တော့ ရှိပါ တယ်။ အခု ကျွန်တော်ဖြတ်သန်းမှု အတွေ့ အကြုံအရရော ဒီပဋိပက္ခကို ရှင်းဖို့ အများကြီး စဉ်းစားတယ်လေ။ ငြိမ်းအောင် ဘယ်လိုလုပ်ရမလဲ၊ ဒီနည်းနဲ့တော့ မပြေ ဘူးဆိုတာ ကျွန်တော်တို့ မြင်တယ်လေ။ အထူးသဖြင့် နောက်ဆုံး တွန်းအားဖြစ် စေတာကတော့ ကျွန်တော့်ကို နောက် ဆုံးအကြိမ် ဖမ်းတယ်လေ။ အဲ့ဒီချိန်မှာ ကျွန်တော့်ကို KNU မှာ တစ်စုံတစ်ရာ တာဝန်ရှိတဲ့ ခေါင်းဆောင်ဆိုတာ သူတို့သိတာနဲ့ ချက်ချင်း လေးလေး စားစား ဆက်ဆံတယ်။ ကျွန်တော့်ကို လူ့သိက္ခာ ညှိုးနွမ်းစေမယ့် အပြုအမူ တွေ လုံးဝမလုပ်ခဲ့ဘူး။ စိတ်ပိုင်းဆိုင်ရာ ညှဉ်းပန်းမှုတွေ မလုပ်ဘူး၊ ရုပ်ပိုင်းဆိုင်ရာ ညှဉ်းပန်းမှုတွေ မလုပ်ဘူး။ ငြိမ်းချမ်းရေး တည်ဆောက်နိုင်ဖို့ အတွက် ကျွန်တော် တို့ဆီက အကြံဉာဏ်တွေ မြောက်မြားစွာ တောင်းခံခဲ့တယ်။ တိုင်းရင်းသား စည်းလုံးညီညွတ် ရေးနဲ့ ပတ်သက်ပြီး ကျွန်တော့်ဆီက အကြံဉာဏ်တွေ မြောက်မြားစွာ တောင်းခံခဲ့တယ်။ အဲ့ဒါကြောင့်မို့ ကျွန်တော်က ဒီအပေါ်မှာ ပိုပြီး အလှည့်အပြောင်း ဖြစ်တယ် ပေါ့နော်။

Voice ။ ။ စောစောက ဦးမန်းငြိမ်းမောင် ပြောသွားတယ်ပေါ့။ ကာကွယ်ရေး ဦးစီးချုပ်က ပြောတယ် “တပ်မတော်နဲ့ KNU ကြားမှာ ငြိမ်းချမ်းရေး ရ၀ ရာခိုင်နှုန်း အောင်မြင်ပြီ၊” ဒီလိုပြော တဲ့ အပေါ်မှာရော KNU ရဲ့ သဘောထား ဘယ်လိုရှိလဲ ခင်ဗျ။

UMNM ။ ။ အဲ့ဒါကို ကျွန်တော် လက်ခံပါတယ်။ အောင်မြင်မှု ရတယ်လို့ ပြောလို့ရပါတယ်။ စစ်မြေပြင် ကနေ ငြိမ်းချမ်းရေး ဖြစ်လာတာက အင်မတန် ကြီးမားတဲ့ အောင်မြင်မှုပါ။ နှစ်ပေါင်း ၆၀ကျော်ကြာ လက်နက်ကိုင် တိုက်လာ တဲ့ လူမျိုးတစ်မျိုး ခုလို အပစ်ရပ်ထား နိုင်တယ်ဆိုတာ စဉ်းစားကြည့်ပါ။ အချို့က ပြောကြတယ်။ အပစ်အခတ် ရပ်တာ တစ်နှစ်ကျော် ကြာပြီ၊ ဘာ တိုးတက်မှုမှ မရှိဘူးပြောကြတယ်။ အခု အပစ်ရပ်ထားနိုင်တာ ထိခိုက်နာကျင် မှုတွေ၊ အသက်ပေးမှုတွေ မရှိဘူး။ ဒါက အောင်မြင်မှုလို့ ပြောလို့ရတယ်။ နှစ်ဦးနှစ်ဖက် ကူးလူး ဆက်ဆံမှုတွေ၊ ပွင့်လင်းမြင်သာတဲ့ ရင်းနှီးမှုတွေ ရလာရင် ရှေ့သွားရမယ့်ဟာတွေ အများကြီးရှိလာမယ်။

Voice ။ ။ အခု အပစ်အခတ် ရပ်စဲရေး လုပ်ထားပြီးတဲ့ ၁၀ဖွဲ့နဲ့ နိုင်ငံရေး စကားဝိုင်း စတင်ရင် ညှိနှိုင်းမရတဲ့ ကိစ္စတွေ၊ ဥပမာ - တိုင်းရင်းသားတွေ လိုချင်တဲ့ Power Sharing လုပ်မပေးနိုင် တာမျိုး တွေကြောင့် ပြန်ပြီး ပစ်ကြ ခတ်ကြ ဖြစ်ကြမှာ နိုင်ငံရေး လေ့လာသူ တချို့က စိုးရိမ်မှုတွေ ရှိနေတယ် ပေါ့။ အဲ့ဒီပေါ်ရော KNU အနေနဲ့ ဘယ်လို မြင်လဲ။

UMNM ။ ။ ကျွန်တော် ကတော့ မစိုးရိမ်ဘူး။ ဒီကိစ္စနဲ့ပတ်သက်ပြီး အရင် တုန်းက စိုးရိမ်တယ်၊ အခု မစိုးရိမ်ပါဘူး။ ဘာလို့လဲ ဆိုတော့ အခုက ရင်းနှီးပွင့် လင်းတဲ့ ဆက်ဆံမှုရှိပြီ။ ဖွဲ့စည်းပုံ အခြေခံ ဥပဒေနဲ့ ပတ်သက်ပြီး ကျွန်တော် တို့ လက်မခံတာတွေ ရှိတယ်။ ဒါတွေ လက်မခံတာ ပြဿနာမရှိဘူး။ စားပွဲ ဝိုင်းမှာ ငြင်းရမှာပဲ။ ကျွန်တော်တို့က ဘယ်လောက်ထိ စေတနာမှန်လဲ၊ ဘယ် လောက်ထိ ရိုးသားလဲ၊ နှစ်ဦးနှစ်ဖက် စလုံး ဒီအပေါ်မှာ အခြေခံတယ်။ ဒါဆို ရင်တော့ ကျွန်တော်တို့ ဒီအခက်အခဲ တွေ ကျော်နိုင်မယ်လို့ ထင်တယ်။ စားပွဲဝိုင်းမှာ ငြင်းရတာက စစ်မြေပြင်မှာ ရှင်းရတာလောက် မပင်ပန်းဘူးလို့ ထင် တယ်။ အဲ့ဒါကြောင့်မို့ မစိုးရိမ်ပါဘူး။

Voice ။ ။ ဆရာတို့ KNU က စားပွဲဝိုင်းပေါ် ဆွေးနွေးလာတာ အခုတစ်နှစ် လောက်လည်း ကြာပြီ။ စားပွဲဝိုင်းပေါ်မှာ Political Dialogue ဆွေးနွေးတဲ့အခါ အဆင်ပြေပြေ ညှိလို့ ရမယ်လို့ သုံးသပ်မိ ပါသလား။

UMNM ။ ။ သုံးသပ်မိတယ်၊ သုံးသပ် ပါတယ်။ ကျွန်တော် ယုံကြည်မှု တည် ဆောက်တဲ့ အချိန်မှာ အများကြီး တိုးတက်လာတယ်လေ။ ကျွန်တော်တို့ ခုဆွေးနွေး ချင်သလို ဆွေးနွေးလို့ရတယ်။ တစ်ခါတလေဆို ထမင်းဝိုင်း တင် ပြဿနာက ရှင်းလို့ ပြီးသွားတယ်။ စားပွဲဝိုင်းတောင် မရောက်လိုက်ဘူး။

Voice ။ ။ အခု KNU ရဲ့ နေပြည် တော်ခရီးစဉ်မှာ ကာကွယ်ရေး ဦးစီးချုပ် ရော၊ တပ်မတော်ထိပ်ပိုင်း ခေါင်းဆောင် တော်တော်များများ နဲ့ရော တွေ့ခဲ့တယ် ပေါ့။ အခုလက်ရှိ တပ်မတော်အပေါ် ဘယ်လိုမြင်လဲ။ နောက်တစ်ခု အခု လူ တော်တော်များများ ပြောကြတယ်ပေါ့။ KIO နဲ့ တိုက်နေပြီးတော့ KNU နဲ့ကျ တော့ တွေ့တယ်ပေါ့။ အဲ့ဒီပေါ်မှာ တပ်မတော် အပေါ်ကို ဘယ်လို မှတ်ချက် ပေးချင်လဲ။

UMNM ။ ။ ကာကွယ်ရေးဦးစီးချုပ် ပြောတာကတော့ လူထုအပေါ် ထိပါး တဲ့ ကိစ္စမျိုးဆို သူခွင့် မပြုဘူး။ နောက် တစ်ချက်က နိုင်ငံတော် လုံခြုံရေးနဲ့ ပတ်သက်ပြီး သူထိပါး မခံနိုင်ဘူး။ တပ် မတော်က နိုင်ငံတော်ရဲ့ လုံခြုံရေးကို ကာကွယ် စောင့်ရှောက်ရမယ်ဆိုတာ သူ တို့ရဲ့ ပထမတာဝန်လို့ ပြောပါတယ်။ နောက် နိုင်ငံတော်က ချထားတဲ့ပေါ်လစီ ဖြစ်တဲ့ တို့တာဝန် အရေးသုံးပါးပေါ့၊ ဒါကို တော့ သူကကာကွယ်ရမယ်၊ စောင့်ထိန်း ရမယ်လို့ ပြောတယ်။

Voice ။ ။ KNU ခေါင်းဆောင် တွေအနေနဲ့ အစိုးရကို ယုံကြည်မှု အပြည့် ပေးထားတာ တွေ့ရတယ်။ အစိုးရဘက်က ကတိဖျက်မှာ၊ ယုံကြည် မှုတွေအပေါ် အလွဲသုံးစား လုပ်မှာတွေကို စိုးရိမ်မှု မရှိဘူးလား။

UMNM ။ ။ ကျွန်တော်ပြောပြမယ်။ အခု ကျွန်တော်တို့ကို လိမ်ရင်လည်း လိမ်လို့ရတယ်။ ကျွန်တော်တို့ လူမျိုး ကို လိမ်မလား၊ ကျွန်တော် အလိမ်ခံရဲ တယ်။ ဒီတစ်ခါ လိမ်လို့ရှိရင် ကျွန်တော် တို့ ကရင်တွေနဲ့ သားစဉ်မြေးဆက် တစ်သက်လုံး ငြိမ်းချမ်းရေး မတည် ဆောက်နိုင်ဘူး။ ကျွန်တော်တို့ ကရင်လူ မျိုးတွေက ယုံကြည်ခဲတယ်။ ယုံပြီးရင် အဲ့ဒါကို ဘယ်တော့မှ မစွန့်လွှတ်ဘူး။ မယုံတော့ဘူး ဆိုလည်း တစ်သက်လုံး မယုံဘူး။ ဒါကြောင့်မို့ ကျွန်တော်တို့က ယုံကြည်တယ်။ ယုံကြည်တယ် ဆိုတာ ဒီကနေ့ ဖြစ်စဉ်အပေါ်မှာ ယုံကြည်တာ။

ကျော်ဆန်းမင်း၊ အောင်ဘိုဘိုရှိန်

http://thevoicemyanmar.com/index.php/interviews/item/3427-knu-%E1%80%97%E1%80%9F%E1%80%AD%E1%80%AF-%E1%80%A1%E1%80%9C%E1%80%AF%E1%80%95%E1%80%B9%E1%80%A1%E1%80%99%E1%82%88%E1%80%B1%E1%80%86%E1%80%AC%E1%80%84%E1%80%B9-%E1%80%B1%E1%80%80%E1%80%AC%E1%80%B9%E1%80%99%E1%80%90%E1%80%AE%E1%80%9D%E1%80%84%E1%80%B9-%E1%80%A5%E1%80%AE%E1%80%B8%E1%80%99%E1%80%94%E1%80%B9%E1%80%B8%E1%81%BF%E1%80%84%E1%80%AD%E1%80%99%E1%80%B9%E1%80%B8%E1%80%B1%E1%80%99%E1%80%AC%E1%80%84%E1%80%B9%E1%82%8F%E1%80%BD%E1%80%84%E1%80%B9%E1%82%94-%E1%80%B1%E1%80%90%E1%80%BC%E1%82%94%E1%80%86%E1%80%AF%E1%80%B6%E1%80%BB%E1%80%81%E1%80%84%E1%80%B9%E1%80%B8.html

အပြည့်အစုံသို့... »

သမ္မတဦးသိန်းစိန်နှင့်လွတ်လပ်ရေးနေ့ အပြီးတွေ့မည်ဟု ကေအဲန်ယူပြောဆို

ဇန်နဝါရီလ ၃ရက်၊ ၂၀၁၃ခုနှစ်။ (ကေအိုင်စီ)

မြန်မာသမ္မတ ဦးသိန်းစိန်နှင့် တွေ့ဆုံရန် ယနေ့ထွက်ခွာသွားသည့် ကေအဲန်ယူ ဥက္ကဌနှင့်အဖွဲ့သည် လွတ်လပ်ရေးနေ့အပြီး ဇန်နဝါရီလ ၅ရက်နေ့တွင် နေပြည်တော်၌ သမ္မတ အပါအဝင် အစိုးရအဖွဲ့နှင့် တွေ့ဆုံမည် ဖြစ်သည်။
ဥက္ကဌ ဗိုလ်ချုပ်ကြီးမူတူးစေးဖိုး၊ အထွေထွေ အတွင်းရေးမှူး ပဒိုစောကွယ်ထူးဝင်းတို့ ဦးဆောင်သော အဆိုပါကေအဲန်ယူအဖွဲ့ သည် ယနေ့မနက် ၈နာရီခွဲတွင် မြဝတီမြို့မှ ထွက်ခွာ၍ မွန်းလွဲ ၃နာရီတွင် ကရင်ပြည်နယ်၊ မြို့တော်ဘားအံသို့ ရောက်ရှိပြီး ဇွဲကပင်ဟိုတယ်တွင် တစ်ညတာ တည်းခိုလျှက်ရှိကြောင်း သိရသည်။
“ကျနော်တို့ ၅ရက်နေ့မှာ တွေ့မှာပါ။ မနက်ဖြန်ကလည်း လွတ်လပ်ရေးနေ့ဆိုတော့ သူတို့(အစိုးရအဖွဲ့)လည်း နားရက်ဖြစ်မှာပဲ။ လောလောဆယ် ကျနော်တို့ ဖားအံမှာ နားတယ်။ မနက်ဖြန်မှ ခရီးဆက်မယ်”ဟု အထွေထွေ အတွင်းရေးမှူး ပဒိုစောကွယ်ထူး ၀င်းက ကေအိုင်စီသို့ ယနေ့ညနေက ပြောသည်။
၎င်းတို့အနေဖြင့် ကေအဲန်ယူနှင့် အစိုးရ နှစ်ဖက် တွေ့ဆုံဆွေးနွေးမှုများ ရှေ့ဆက်လုပ်ဆောင်ရေးအပြင် တိုင်းရင်းသားဒေသများ မှ အခြေအနေများကို ဆွေးနွေးသွားမည်ဖြစ်သော်လည်း ဦးသိန်းစိန် အစိုးရဘက်မှ မည်သည့်အကြောင်းအရာများ ဆွေးနွေးမည် ကို မပြောဆိုနိုင်သေးကြောင်း ပဒိုစောကွယ်ထူးဝင်းက ဆက်လက်ပြောဆိုသည်။
သို့သော် အစိုးရအဖွဲ့ဝင်အချို့နှင့် သမ္မတရုံး ညွှန်ကြားရေးမှူး ဦးဇော်ဌေးက သမ္မတအနေဖြင့် ကေအဲန်ယူနှင့်တွေ့သည့် အခါ ကချင်အဖွဲ့ကို စားပွဲဝိုင်းပေါ်ရောက်အောင် ပြောဆိုပေး ရန် ဆွေးနွေးသွားမည်ဟု အကြမ်းဖျင်းသိရကြောင်း 7day new ဂျာနယ် သို့ ပြောသည်။
ထိုကိစ္စနှင့်ပတ်သက်၍ ပဒိုစောကွယ်ထူးက “လက်ရှိ ကချင်ဒေသ စစ်ပွဲဟာလည်း ငြိမ်းချမ်းရေးကို အကောင်အထည်ဖော်ရာမှာ အဟန့်အတားတခု ဖြစ်နေတယ်။ ဒါကိုလည်း ကျနော်တို့ အစိုးရနဲ့ဆွေးနွေးသွားဖို့ ရှိပါတယ်။ နောက် ပြီးခဲ့တဲ့ စက်တင်ဘာက ကျနော်တို့ တတိယအကြိမ် ဆွေးနွေးတုန်းက မပြီးပြတ်သေးတာတွေကိုလည်း ဘယ်လိုဆက်လုပ်သွားမလဲ ဆွေးနွေးမှာပါ”ဟု ဆိုသည်။

http://www.kicnews.org/?p=15069

အပြည့်အစုံသို့... »

ကေအဲန်ယူ ဥက္ကဋ္ဌသစ် ရက်ပိုင်းအတွင်း နေပြည်တော် သွား

ကေအဲန်ယူ ဥက္ကဋ္ဌသစ် နေပြည်တော် သွား

ဇော်သူရ၊ မဲဆောက်၊ ဇန်နဝါရီ ၃၊ ၂၀၁၃

ကရင်အမျိုးသားအစည်းအရုံး (ကေအဲန်ယူ)၏ အသစ်ရွေးချယ်ခံရသော ဥက္ကဋ္ဌ ဗိုလ်ချုပ်ကြီး မူတူးစေးဖိုး အပါအဝင် ဗဟိုခေါင်းဆောင်များနှင့် အဖွဲ့ ၀င်များ  

နေပြည်တော်သို့  သွားပြီ ဖြစ်ကြောင်း သိရသည်။

နိုင်ငံတော် ငြိမ်းချမ်းရေး ဖော်ဆောင်မှုကော်မတီ ဥက္ကဌ ဦးအောင်မင်း၏ ဖိတ်ကြားချက်အရ ငြိမ်းချမ်းရေး ဖော်ဆောင်ရန်အတွက် သွားရောက်ခြင်းဖြစ်ကြောင်း သိရသည်။

ယခင်လပိုင်းအတွင်း ကေအဲန်ယူမှ အသစ်ရွေးချယ်ခံရသည့် ဗဟိုခေါင်းဆောင် ၅ဦးမှာ ဥက္ကဋ္ဌ ဗိုလ်ချုပ်ကြီး မူတူစေးဖိုး၊ ဒုဥက္ကဋ္ဌ နော်စီဖိုးရာစိန်၊ အထွေထွေအတွင်းရေးမှူး ပဒို စောကွယ်ထူးဝင်း၊  တွဲဖက်အတွင်းရေးမှူး (၁) ပဒိုစောသော သီဘွဲနှင့် တွဲဖက်အတွင်းရေးမှူး (၂) မန်းမန်းမန်း တို့ဖြစ်ကြောင်း သိရသည်။
၎င်းတိုု့ ထုုတ်ပြန်သော ကြေညာချက်မှာ အောက်ပါအတိုုင်းဖြစ်သည်။

 

အပြည့်အစုံသို့... »

ကချင်အရေး KNU နှင့် သမ္မတတို့ အဓိက ဆွေးနွေးဖွယ်ရှိ

သမ္မတနှင့် ကရင်အမျိုးသားအစည်းအရုံး KNU တို့တွေ့ဆုံစဉ် ကချင်ပြည်နယ်အတွင်း ဖြစ်ပေါ်နေသည့် တိုက်ခိုက်မှုများကို ဆွေးနွေးဖွယ်ရှိပြီး ကချင်အရေးသည် အရေးကြီးသည့် အချက်တစ်ချက်ဖြစ်သည်ဟု KNU ဒုဥက္ကဋ္ဌ နောစီဖိုးရာစိန်က ပြောသည်။

သမ္မတ ဦးသိန်းစိန် (ယာ)နှင့် KNU ဒုဥက္ကဋ္ဌ နောစီဖိုးရာစိန် (အလယ်)တို့ နေပြည်တော်၌ ၂၀၁၂ ခုနှစ်၊ ဧပြီလ ရ ရက်နေ့က တွေ့ဆုံခဲ့စဉ်။ (ဓာတ်ပုံ - AFP)

“အဓိကအချက်က အခုဖြစ်ပျက်နေတဲ့ ကချင်ကိုတိုက်ပွဲ အပြင်းအထန်ဖြစ်နေတဲ့အတွက် ဒါတွေဆွေးနွေးမှုတွေရှိမယ်။ ဒါက အရေးကြီးတဲ့အချက်ဖြစ်နေတယ်။ ခုသွားတဲ့ အဖွဲ့တွေ ဒါကို တင်ပြလို့ ရှိရင် တခုခု
ဖြစ်ပေါ်လာမယ်လို့ မျှော်လင့်တယ်” ဟု ဆိုသည်။

သမ္မတ ဦးသိန်းစိန်၏ ဖိတ်ကြားမှုကြောင့် ကရင်အမျိုးသားအစည်းအရုံးမှ KNU ဥက္ကဋ္ဌ ဗိုလ်ချုပ်ကြီး စောမူတူးစေးဖိုး၊ အတွင်းရေးမှူးချုပ် ပဒိုစောကွယ်ထူးဝင်း၊ တွဲဖက်အတွင်းရေးမှူး (၂) ပဒိုမန်းမန်း၊ အလုပ်အမှုဆောင်အဖွဲ့ဝင် ပဒိုမန်းငြိမ်းမောင်နှင့် ဗဟိုကော်မတီဝင် ပဒိုစောလှထွန်းတို့ ပါဝင်သော အဖွဲ့သည် ကြာသပတေးနေ့ နံနက်ပိုင်းအတွင် နေပြည်တော်သို့ ထွက်ခွာသွားပြီဖြစ်သည်။

KNU ခေါင်းဆောင်များ၏ နေပြည်တော်ခရီးစဉ်နှင့် ပတ်သက်၍ ထုတ်ပြန်ချက်တွင်  “တိုင်းရင်းသားဒေသများတွင်
ဖြစ်ပွားနေသော စစ်ပွဲများ ရပ်စဲရန်နှင့် အဓိပါယ် ပြည့်ဝသော ငြိမ်းချမ်းရေးဆွေးနွေးမှု ရောက်ရှိနိုင်ရန် ဆွေးနွေး
သွားမည်ဖြစ်ကြောင်း” ဖေါ်ပြပါရှိသည်။

တွေ့ဆုံဆွေးနွေးမှုများကို အဖွဲ့အတွင်း ပြန်လည် ဆွေးနွေးညှိနိုင်းခြင်းနှင့် ပြည်သူလူထုများအတွင်း ထုတ်ပြန်သွား
မည် ဖြစ်သည်ဟုလည်း ထုတ်ပြန်ချက်တွင် ဖေါ်ပြပါရှိသည်။

နှစ်ပေါင်း ၆၀ ကျော်ကြာ အစိုးရအဆက်ဆက် လက်နက်ကိုင်တော်လှန်ခဲ့သော KNU သည် ပြီးခဲ့သည့် ၂၀၁၂ ခုနှစ် ဇန်နဝါရီလအတွင်း မြန်မာအစိုးရနှင့် အပစ်အခတ် ရပ်စဲရေး သဘောတူညီခဲ့ခြင်း ဖြစ်သည်။

http://www.mizzimaburmese.com/news/inside-burma/10682--knu----.html

အပြည့်အစုံသို့... »

ကေအန်ယူ ဥက္ကဌ သမ္မတ ဦးသိန်းစိန်နဲ့ တွေ့ဖို့ရှိ

 

ကရင်အမျိုးသား အစည်းအရုံး ကေအန်ယူ ဥက္ကဌသစ် စောမူတူး စေးဖိုးနဲ့ အဖွဲ့ဟာ နေပြည်တော် ကို အခု ရက်ပိုင်း သွားရောက် ပြီး၊ သမ္မတ ဦးသိန်းစိန် နဲ့ တွေ့ဆုံဖို့ ရှိပါတယ်။

သမ္မတ ဦးသိန်းစိန်ရဲ့ ဖိတ်ကြားချက် အရ ကရင် အမျိုးသား အစည်းအရုံး ဥက္ကဌသစ် မူတူးစေးဖိုး ဦးဆောင်တဲ့ အဖွဲ့ လာရောက်မှာ ဖြစ်ပြီး၊ ဇန်နဝါရီ ၃ရက် နေ့ မှာ ရန်ကုန်ကို ရောက်ရှိမှာ ဖြစ်တယ်လို့ သမ္မတ ရုံး ညွှန်ကြားရေးမှူး ဦးဇော်ဌေး က ဘီဘီစီ ကို ပြောပါတယ်။
ကေအန်ယူ ကိုယ်စားလှယ် အဖွဲ့ အနေနဲ့ ဇန်နဝါရီလ ၄ ရက်နေ့ လွတ်လပ်ရေးနေ့ အခမ်းအနား တက်ရောက်ဖို့ ရှိတယ်လို့လည်း ကေအန်ယူ ဗဟို အလုပ်မှုဆောင် အဖွဲ့ဝင် ဖဒို မန်းငြိမ်းမောင်က ပြောပါတယ်။
သမ္မတနဲ့ တွေ့ဆုံမယ့် ရက်နဲ့ ဆွေးနွေးမယ့် အကြောင်း အရာတွေ ကိုတော့ အတိ အကျ မသိရ သေးဘဲ စီစဉ် နေဆဲ ဖြစ်တယ်လို့ ငြိမ်းချမ်းရေး အကျိုးဆောင် တဦး က ပြောပါတယ်။

သမ္မတနဲ့ တွေ့ ဖြစ်မယ် ဆိုရင်တော့ ကေအန်ယူ အနေနဲ့ ဒါဟာ ဒုတိယ အကြိမ် တွေ့ဆုံတာ ဖြစ်ပြီး၊ ငြိမ်းချမ်းရေး အတွက် တိုးတက် မှုတွေ ရှိနိုင် တယ်လို့ မျှော်လင့် စရာ အကြောင်း ရှိပါတယ်။

http://www.bbc.co.uk/burmese/burma/2013/01/130102_kun_meet_thein_sein.shtml

အပြည့်အစုံသို့... »

KNU က ကြေညာချက်ထုတ်ပြန်

KNU ကရင်အမျိုးသား အစည်းအရုံးက စစ်မှန်တဲ့ ဖယ်ဒရယ် ပြည်ထောင်စု တည်ဆောက်နိုင်ရေးအတွက်တိုင်းရင်းသားအင်အားစုများ၊ ဒီမိုကရေစီအင်အားစုများနဲ့ လက်တွဲ ဆောင်ရွက်သွားမယ်လို့ ဒီဇင်ဘာလ ၂၆ ရက်နေ့ မနေ့ကျင်းပပြီးစီးသွားတဲ့ ၁၅ကြိမ်မြောက် ညီလာခံအပြီးဒီကနေ့နေ့စွဲနဲ့ ထုတ်ပြန်တဲ့ ကြေညာချက်မှာ ဖေါ်ပြထားပါတယ်

Photo:Karen Information Centre

ကရင်အမျိုးသား အစည်းအရုံးရဲ့ ၁၅ ကြိမ်မြောက် ညီလာခံ ကျင်းပနေစဉ်

တစ်လကြာကျင်းပခဲ့တဲ့ ညီလာခံကဟာ KNU တပ်မဟာရ နယ်မြေမှာကျင်းပခဲ့တာဖြစ်ပြီး ကိုယ်စားလှယ် ၁၇၁ဦးတက်ရောက်ခဲ့ပါတယ်။
ညီလာခံမှာဖွဲ့စည်းလိုက်တဲ့ ဗဟိုကော်မတီအသစ်ကို လျှိုဝှက်မဲပေးစနစ်နဲ့ ရွေးချယ်ခဲ့ပြီး ဗိုလ်ချုပ်ကြီး စောမူတူးစေးဖိုး ဥက္ကဌ အဖြစ်ပါ၀င်တဲ့ ၁၁ဦးပါ ဗဟိုကော်မတီအသစ်ကို ဖွဲ့စည်းလိုက်သလို KNLA ကရင် အမျိုးသားတပ်မတော် ရဲ့စစ်ဦးစီးချုပ်အဖြစ် ဗိုလ်မှူးချုပ် ဂျော်နီကိုခန့်အပ်လိုက်ပါတယ်။
KNUရဲ့ ထုတ်ပြန်တဲ့ကြေညာချက်မှာ အစိုးရအနေနဲ့ တနိုင်ငံလုံး အတိုင်းအတာနဲ့ အပစ်အခတ်ရပ်စဲရေးအတွက် အမြန်ဆုံးဆောင်ရွက်ပေးဘို့ လိုတယ်လို့ ပြောဆိုထားပါတယ်။
ဒါ့အပြင် အစိုးရအနေနဲ့ ငြိမ်းချမ်းရေးလုပ်ငန်းစဉ်တွေ ဆောင်ရွက်နေပေမဲ့ အာဏာပိုင်တွေက လူထုလှုပ်ရှားမူတွေကို အကြမ်းဘက်နိမ်နင်းတာတွေရှိနေတဲ့ အပေါ်စိုးရိမ်မိတယ် လို့လည်း ဖေါ်ပြထားပါတယ်။ ကေအင်ယူ ဗဟိုကော်မီတီရဲ့ တွဲဘက်အတွင်းရေးမှူး ၂ ဖဒိုမန်းမန်းကို အာအက်ဖ်အေ ၀ိုင်းတော်သား ဦးတင်အောင်ခိုင် ဆက်သွယ်မေးမြန်းထားပါတယ်။

http://www.rfa.org/burmese/news/knu-assembly-12272012103930.html

	အသံဖိုင်နားထောင်ရန်
	အသံဖိုင်ယူရန်။

အပြည့်အစုံသို့... »

လူ့အခွင့်အရေးကော်မတီတစ်ရပ် ဖွဲ့စည်းသွားရန် KNU သဘောထားချမှတ်

ဒီဇင်ဘာလ ၂၇ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

စီပွားရေးနှင့်ဖွံ့ဖြိုးရေးဆိုင်ရာမူဝါဒများ ချမှတ်သွားရန်နှင့် ပြည်သူလူထု၏နစ်နာဆုံးရှုံးမှုများကို အကာအကွယ်ပြုင်ရေးအတွက် ရည်ရွယ်၍ ကရင်အမျိုးသားအစည်းအရုံး-ကေအဲန်ယူက ၎င်းတို့၏ (၁၅)ကြိမ်မြောက် ညီလာခံအပြီး လူ့အခွင့်အရေးကော်မတီတစ်ရပ် ဖွဲ့စည်းသွားရန် သဘောထားချမှတ်ခဲ့သည်။
ယခုနှစ်၊ နိုဝင်ဘာလ ၂၆ မှ ဒီဇင်ဘာလ ၂၆ ရက်နေ့အထိ ကေအဲန်ယူနယ်မြေ၊ ဘားအံခရိုင်၊ တပ်မဟာ(၇)ဒေသ၌ ပြုလုပ်ကျင်းပသည့် (၁၅)ကြိမ်မြောက် ကေအဲန်ယူ ညီလာခံသို့ ကိုယ်စားလှယ် ၁၇၁ဦး၊ လေ့လာသူ ရ၄ဦး စုစုပေါင်း ၂၄၅ဦး တက်ရောက်ကာ ညီလာခံအပြီးတွင် ယင်းအဖွဲ့ကို ဖွဲ့ရန် ထိုသို့ သဘောတူခဲ့ခြင်းဖြစ်သည်။
ကေအဲန်ယူ၏ တွဲဖက်အတွင်းရေးမှူး(၂)အသစ်ဖြစ်လာသူ ပဒိုမန်းမန်းက “သီးခြားလွတ်လပ်တဲ့ လူ့အခွင့်အရေး အဖွဲ့နဲ့ အခြားလူမှုအဖွဲ့အစည်းတွေ တင်ပြလာတဲ့ လူ့အခွင့်အရေးချိုးဖောက်မှုတွေကို အရေးယူဆောင်ရွက်နိုင်ဖို့ ကေအဲန်ယူမှာ ဒီလူ့အခွင့်အရေးကော်မတီကို ဖွဲ့စည်းတာပါ။ မကြာခင်က လက်ပံတောင်းတောင် ကြေးနီစီမံ ကိန်းမှာ ဖြစ်ပွားခဲ့တဲ့ အစိုးရရဲ့ အကြမ်းဖက်မှုကို ကြည့်ရင် ငြိမ်းချမ်းရေးအတွက် စိုးရိမ်စရာပဲ”ဟု ပြောသည်။
ဆက်လက်၍ ယင်းလူ့အခွင့်အရေးကော်မတီတစ်ရပ်ကို မကြာမီ ပြုလုပ်မည့် ဗဟိုကော်မတီ အစည်းအဝေးတွင် လိုအပ်သည့်အကြောင်းအရာများ အသေးစိတ် ညှိနှိုင်းကာ ဖွဲ့စည်းသွားမည်ဖြစ်သကဲ့သို့ ဖွဲ့စည်းပြီးသွားပါက လုပ်ငန်းစဉ်များနှင့် ပတ်သက်၍ ကေအဲန်ယူ အလုပ်အမှုဆောင်အဖွဲ့ဝင်များအား ပြန်လည်ချပြမည်ဟု ပဒိုမန်းမန်းက ကေအိုင်စီသို့ ပြောဆိုသည်။
လက်ရှိမြန်မာနိုင်ငံ၌ အစိုးရမှ တိုင်းရင်းသားလက်နက်ကိုင်တော်လှန်ရေးအဖွဲ့များနှင့် အပစ်အခတ်ရပ်စဲရေး၊ ငြိမ်းချမ်းရေးလုပ်ငန်းစဉ်များဆောင်ရွက်နေချိန်တွင် လူထုလှုပ်ရှားမှုကို အကြမ်းဖက်နှိမ်နင်းပြီး ဖြစ်ရပ်မှန်ပေါ် ပေါက်ရေးအတွက် စုံစမ်းစစ်ဆေးရေးကော်မရှင်တစ်ရပ် ဖွဲ့စည်းခဲ့သည်မှာ ကြိုဆိုသော်လည်း စိုးရိမ်မှုများရှိနေ သေးကြောင်း ယနေ့ထုတ်ပြန်သည့် ကေအဲန်ယူ ကြေညာချက်၌ ပါရှိသည်။
ထို့အပြင် ကေအဲန်ယူနှင့် အစိုးရတို့အကြား လက်ရှိအပစ်အခတ်ရပ်စဲရေးနှင့် ငြိမ်းချမ်းရေးဖော်ဆောင်မှုလုပ်ငန်း စဉ်များကို ပြန်လည်သုံးသပ်၍ နိုင်ငံရေးဆွေးနွေးမှုအဆင့်သို့ရောက်စေရန် အမြန်ဆုံးအကောင်အထည်ဖော်ရန်၊ နိုင်ငံရေးဆွေးနွေးမှုများကို စတင်အကောင်အထည်ဖော်နိုင်ရေးအတွက် တစ်ပြည်လုံးအတိုင်းအတာ အပစ်အ ခတ်ရပ်စဲနိုင်ရေးကို အမြန်ဆုံးဆောင်ရွက်ရန် လိုအပ်ကြောင်းလည်း ကေအဲန်ယူက ထောက်ပြထားသည်။
“ငြိမ်းချမ်းရေးကိစ္စမှာ ကေအဲန်ယူနဲ့ မြန်မာအစိုးရအကြား ပစ်ခတ်ရပ်စဲရေးကိစ္စ မပြီးပြတ်သေးဘူး။ ပိုပြီးခိုင်မာဖို့ ဆွေးနွေးညှိနှိုင်းဖို့ ကျန်ပါသေးတယ်။ အဲဒါပြီးရင်တော့ နိုင်ငံရေးတွေ့ဆုံဆွေးနွေးပွဲမှာ တိုင်းရင်းသားတပ်ပေါင်းစု တွေနဲ့ ဒီမိုကရေစီအင်အားစုတွေ အားလုံးပါ၀င်နိုင်ဖို့ လုပ်သွားမယ်”ဟု ပဒိုမန်းမန်းက ပြောသည်။
၎င်းအပြင် နိုင်ငံရေးနှင့်အမျိုးသားရေးဦးဆောင်မှုအခန်းကဏ္ဍတွင် အမျိုးသမီးများပါဝင်မှုပိုမိုအားကောင်းလာရေး ကို ပံ့ပိုးဆောင်ရွက်သွားရန် အမျိုးသားစည်းလုံးညီညွတ်ရေး၊ အုပ်ချုပ်ရေးနှင့် တည်ဆောက်ရေးစသည့် ရှေ့ လုပ်ငန်းစဉ်များကိုလည်း ချမှတ်ခဲ့သည်ဟု ကေအဲန်ယူ ထုတ်ပြန်ကြေညာချက်တွင် ထည့်သွင်းထားသည်။
တဆက်တည်းမှာပင် ညီလာခံ၌ ဗဟိုအလုပ်အမှုဆောင်ကော်မတီသစ် ၁၁ဦး ရွေးချယ်ခဲ့ရာတွင် ဗိုလ်ချုပ်ကြီး စောမူတူးစေးဖိုး (ဥက္ကဌ)၊ ပဒိုနော်စီဖိုးရာစိန် (ဒု-ဥက္ကဌ)၊ ပဒိုစောကွယ်ထူးဝင်း(အတွင်းရေးမှူးချုပ်)၊ ပဒို စောသောသီဘွဲ(တွဲဖက်အတွင်း ရေးမှူး-၁)၊ ပဒိုမန်းမန်း (တွဲဖက်အတွင်းရေးမှူး-၂)အပါအဝင် ကော်မတီအဖွဲ့ဝင် များအဖြစ် ပဒိုစောရောဂျာခင်၊ ပဒိုမန်းငြိမ်းမောင်၊ ပဒိုစောသမိန်ထွန်း၊ ပဒိုစောတာဒိုမူး၊ ဗိုလ်မှူးချုပ်စောဂျော်နီ၊ ဗိုလ်မှူးချုပ် စောဘောကျော်ဟဲတို့ ပါရှိသည်။
ညီလာခံတွင် ကေအဲန်ယူ၏ (၄)နှစ်တာ ကာလလုပ်ငန်းအစီရင်ခံစာနှင့် နိုင်ငံရေးအစီရင်ခံစာများကို တင်သွင်းခြင်း၊ သုံးသပ်ခြင်း၊ အတည်ပြုခြင်းနှင့် ဖွဲ့စည်းပုံအခြေခံဥပဒေ၊ အခြေခံလုပ်ငန်းစဉ်၊ နိုင်ငံရေးလမ်းစဉ် များ ပြန်လည်စီစစ်သုံးသပ်အတည်ပြုခြင်းများ ပြုလုပ်ခဲ့သည်ဟုလည်း ကေအဲန်ယူ ကြေညာချက်က ဆိုသည်။
ကေအဲန်ယူသည် ဒီမိုကရေစီရေး၊ တိုင်းရင်းသားတန်းတူရေးနှင့်ကိုယ်ပိုင်ပြဌာန်း ခွင့်ရရှိရေးကို လက်ရှိကြိုးပမ်း ဆောင်ရွက်လျှက်ရှိနေသော ငြိမ်းချမ်းရေးဖြစ်စဉ်နှင့်အတူ စစ်မှန်သောဖယ်ဒရယ်ပြည်ထောင်စု တည်ဆောက် နိုင်ရေးအတွက် တိုင်းရင်းသားအင်အားစုများ၊ ဒီမိုကရေစီအင်အားစုများနှင့်အတူ လက်တွဲ ပူးပေါင်းကြိုးပမ်း ဆောင်ရွက်သွားမည်ဖြစ်ကြောင်း ကြေညာချက်၏ နိဂုံး၌ ဖော်ပြထားသည်။
ပြီးခဲ့သည့် ၂၀၀၈ခုနှစ်၊ အောက်တိုဘာလက ကေအဲန်ယူ (၁၄)မြောက် ညီလာခံကို ကရင်ပြည်နယ်၊ ဖာပွန်မြို့ နယ်အတွင်းရှိ ကေအဲန်ယူ ထိန်းချုပ်နယ်မြေ၊ တပ်မဟာ(၅)တွင် ကျင်းပခဲ့သည်။

http://www.kicnews.org/?p=14917

အပြည့်အစုံသို့... »

KNU ငြိမ်းချမ်းရေး ဆွေးနွေးရေး ကိုယ်စားလှယ်အဖွဲ့ ပြန်လည်ဖွဲ့စည်းမည်

ချင်းမိုင်(မဇ္စျိမ) ။        ။ ကရင်အမျိုးသားအစည်းအရုံး KNU ထိပ်ပိုင်းခေါင်းဆောင်များ ပြောင်းလဲလိုက်ပြီး ငြိမ်းချမ်းရေး
ဆွေးနွေးရေး ကိုယ်စားလှယ်အဖွဲ့လည်း အသစ်ပြန်လည် ဖွဲ့စည်းမည်ဟု တွဲဖက်အတွင်းရေးမှူး (၂) ပဒိုမန်းမန်း က ပြောသည်။

အစိုးရ၏ ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ဆွေးနွေးမှုများ ပြုလုပ်ခဲ့သည့် ယခင် ကိုယ်စားလှယ်အဖွဲ့ ကို ဖျက်သိမ်းလိုက်ပြီး လာမည့် ဗဟိုအလုပ်အမှုဆောင် အစည်းအဝေးတွင် ကိုယ်စားလှယ်အဖွဲ့သစ်ကို ရွေးချယ် ဖွဲ့စည်းသွားမည်ဟု ဆိုသည်။

“ငြိမ်းချမ်းရေး လုပ်ငန်းစဉ်က KNU ရဲ့မူဝါဒအပေါ်မှာပဲ မူတည်ပါတယ်။ ခေါင်းဆောင်ပိုင်း အပြောင်းအလဲတော့ တိုက်ရိုက် မပတ်သက်ဘူး။ လုပ်ငန်းစဉ်က အရင်အတိုင်းပဲ ချမှတ်ထားတဲ့ အခြေခံ ၄ ဆင့် ပမာဏ အပစ်အခတ် ရပ်စဲပြီး ခိုင်မာတဲ့ အပစ်အခတ်ရပ်စဲရေးကို ဆက်ဆောင်ရွက်မယ်။ နိုင်ငံရေး ဆွေးနွေးမှု အဆင့်နှစ်ဆင့်ကို ဆက်သွားမယ်” ဟု ပဒိုမန်းမန်း က မဇ္စျိမကို ပြောသည်။

ယခင် ကိုယ်စားလှယ်အဖွဲ့ကို ၂ဝ၁၁ ခုနှစ်၊ နိုဝင်ဘာလအတွင်းက ဖွဲ့စည်းခဲ့ပြီး ထိုစဉ်က ဒု-ဥက္ကဋ္ဌ ပဒိုဒေးဗစ် တာကပေါ၊ အထွေထွေအတွင်းရေးမှူး နော်စီဖိုးရာစိန်၊ စစ်ဦးစီး ချုပ် ဗိုလ်ချုပ်ကြီး မူတူးစေးဖိုး၊ တရားရေးဌာနမှူး ပဒိုဒေးဗစ်ထော၊ ကျန်းမာရေးဌာမှ ဗိုလ်မှူးစောရောဂျာခင်နှင့် သစ်တော်ဌာနမှူး ပဒိုစောအားတိုး၊ ဘားအံခရိုင် ဥက္ကဋ္ဌ ပဒိုအောင်မော်အေးတို့ကို တို့ ဦးဆောင်ပါဝင်ခဲ့သည်။

နိုဝင်ဘာလ ၂၆ မှ ဒီဇင်ဘာလ ၂၆ ရက်နေ့ထိ ဘားအံခရိုင် တပ်မဟာ ရ နယ်မြေတွင် ကျင်းပပြုလုပ်ခဲ့သော KNU ၏ ၁၅ ကြိမ်မြောက် ညီလာခံမှ ဥက္ကဋ္ဌသစ်အဖြစ် (ယခင် စစ်ဦးစီးချုပ်) ဗိုလ်ချုပ်ကြီး မူတူးစေးဖိုး ကို တင်မြှောက်လိုက်ပြီး စစ်ဦးစီးချုပ်သစ်အဖြစ် ဗိုလ်မှူးချုပ် စောဂျော်နီအား ပေးအပ်ခဲ့ပြီး ဒု-စစ်ဦးစီးချုပ်အဖြစ် ဗိုလ်မှူးချုပ် စောဘောကျော်ဟဲ အား တာဝန်ပေးအပ်လိုက်သည်။

ဒု- ဥက္ကဋ္ဌ နော်စီဖိုးရာစိန်၊ အတွင်းရေးမှူးချုပ် ပဒိုစောကွယ်ထူးဝင်း၊ တွဲဖက်အတွင်းရေးမှူး(၁) ပဒိုမန်းမန်း၊ တွဲဘက် အတွင်းရေးမှူး(၂) ပဒိုစောရောဂျာခင်၊ အဖွဲ့ဝင်များအဖြစ် ပဒိုမန်းငြိမ်းမောင်၊ ပဒိုစောသမိန်ထွန်း၊ ပဒိုစောတာဒိုမှူး၊ ဗိုလ်မှူးချုပ်စောဂျော်နီနှင့် ဗိုလ်မှူးချုပ် စောဘောကျော်ဟဲ တို့ ၁၁ ဦးအား တာဝန်ပေးအပ်လိုက်ကြောင်း ဒီဇင်ဘာလ ၂၇ ရက် နေ့စွဲဖြင့် ထုတ်ပြန်ကြေညာလိုက်သည်။

ထိုသို့ ခေါင်းဆောင်မှု အပြောင်းအလဲများ လုပ်ခဲ့သော်လည်း ငြိမ်းချမ်းရေး ဆွေးနွေးမှုများမှာ မူလအတိုင်း ဆက်လက် လုပ်ဆောင်သွားမည်ဟု ပဒိုမန်းမန်းက ပြောသည်။

ထို့အပြင် အမျိုးသားရေး ဦးဆောင်မှု အခန်းကဏ္ဍတွင် အမျိုးသမီးများ ပါဝင်မှု ပိုမို အားကောင်းလာရေးကို ပံ့ပိုးဆောင်ရွက်သွားရန် အမျိုးသမီး ၃ဝ ရာခိုင်နှုန်း ပါဝင်ရန် သဘောတူခဲ့သည်ဟု ပဒိုမန်းမန်း က ပြောသည်။

“အမျိုးသမီးတွေ စီမံခန့်ခွဲမှုနဲ့ ဆုံးဖြတ်နိုင်တဲ့နေရာမှာ မူဝါဒပိုင်းဆိုင်ရာ ပတ်သက်တဲ့နေရာမှာ အမျိုးသမီးတွေ ပါဝင်လာ ဖို့၊ အားကောင်းလာဖို့၊ ဗဟိုကော်မတီအဆင့်မှာ အနည်းဆုံး အမျိုးသမီးတွေ ပါဝင်ရမယ်ဆိုတာ ဆုံးဖြတ်ချက် ချမှတ်
နိုင်ခဲ့တယ်။ အကောင်အထည်ဖော်တာက အချိန်အများကြီး လိုပါသေးတယ်” ဟု မဇ္စျိမကို ပြောသည်။ လက်ရှိတွင်မူ ဗဟိုကော်မတီ ၄၅ ဦးတွင် အမျိုးသမီး လေးဦးသာ ထားရှိနိုင်သေးသည်။

ဇန်နဝါရီလအတွင်းက နှစ်ဖက် အပစ်အခတ် ရပ်စဲရေး သဘောတူညီခဲ့ပြီး နောက်ဆုံး စက်တင်ဘာလ ၄ ရက်နေ့က နှစ်ဖက်တပ်များ လိုက်နာသင့်သော ကျင့်ဝတ်များအပေါ် သဘောတူ လက်မှတ် ရေးထိုးလိုက်နိုင်ခဲ့သည်။ ထိုဆွေးနွေးပွဲတွင် KNU ၏ တပ်မဟာ ၁ မှ ရ ထိ တပ်နေရာ ချထားရေးနှင့် ပတ်သက်၍ တင်ပြခဲ့သည်။

ညီလာခံတွင် လူ့အခွင့်အရေး ကော်မတီတရပ် ဖွဲ့စည်းသွားရန်နှင့် အမျိုးသားစည်းလုံး ညီညွတ်ရေး၊ အုပ်ချုပ်ရေးနှင့် တည်ဆောက်ရေး တို့နှင့် စပ်လျဉ်း၍ ရှေ့လုပ်ငန်းစဉ်များကို ချမှတ်ခဲ့ပြီး စီးပွားရေးနှင့် ဖွံ့ဖြိုးရေး ဆိုင်ရာ မူဝါဒများ ကိုလည်း ချမှတ်သွားရန် သဘောတူခဲ့ကြသည်ဟု ကြေညာချက်တွင် ပါရှိသည်။

KNU ၏ ဌာန ၁၄ ခုမှ တာဝန်ခံများကိုလည်း ပြောင်းလဲတာဝန်ပေးအပ်ခဲ့ရာ ပဒိုမန်းဘထွန်း (သစ်တောဌာန)၊ ပဒိုစောနေစိုး (သယ်ယူပို့ဆောင်ရေးနှင့် လမ်းပန်းဆက်သွယ်ရေးဌာန)၊ စောအယ်လိုဆွေဦး (ကျန်းမာရေးနှင့် ကယ်ဆယ်ရေးဌာန)၊ စောလှထွန်း (စည်းရုံးရေးနှင့် ပြန်ကြားရေးဌာန)၊ စောလေမူး (လယ်ယာနှင့် စိုက်ပျိုးရေး ဌာန)၊ စောလှစေး (ပညာရေးနှင့် ယဉ်ကျေးမှုဌာန)၊ စောမြမောင် (မွေးမြူရေးနှင့် ငါးဖမ်းဌာန)၊ စောရောဂျော်ခင် (ကာကွယ်ရေးဌာန)၊ စောကဲလဲ (သတ္တုတွင်းဌာန)၊ စောကလိုစေး (တရားရေးဌာန)တို့ ဖြစ်သည်။

ယခင် ဒု-ဥက္ကဋ္ဌ တာဝန်ယူခဲ့သော စောဒေးဗစ်သာကဘောမှာ (မဟာမိတ်ရေးရာဌာန)၊ စောအောင်ဝင်းရွှေ (နိုင်ငံခြားရေးဌာန)၊ စောအာတိုး (တရားရေးနှင့် သာသနာရေးဌာန)၊ စောခေးဆယ် (အကောက်ခွန်နှင့် ဘဏ္ဍာရေး ဌာန)တို့ တာဝန်ပေးအပ်ခဲ့သည်ဟု သိရသည်။

ကွယ်လွန်သူ ပဒိုဒေးဗစ်ထော၏ တရားရေးဌာန တာဝန်ခံ နေရာတွင် ပဒိုအယ်ကလိုစေးအား တာဝန်ပေးလိုက်ပြီး ပဒိုစောလှငွေအား အရေးကြီးသည့် တပ်ပိုင်းဆိုင်ရာ တနေရာတွင် တာဝန်ပေးအပ်မည်ဟု သိရသည်။

http://www.mizzimaburmese.com/news/inside-burma/10659-knu----.html

အပြည့်အစုံသို့... »

ကေအဲန်ယူ၏ ဗဟိုခေါင်းဆောင် ကြီး ၅ ဦးကို ရွေးချယ်လိုက်ပြီ

ဒီဇင်ဘာလ ၂၁ရက်။ ၂၀၁၂ခုနှစ်။ (ကေအိုင်စီ) ယခုကျင်းပပြုလုပ်သည့် ၁၅ကြိမ်မြောက် ကရင် အမျိုးသားအစည်းအရုံး (ကေအဲန်ယူ) ကွန်ကရက် တွင် ကေအဲန်ယူ၏ ဗဟိုခေါင်းဆောင်ကြီး ၅ဦးကို ယနေ့၌ လျှို့ဝှက်မဲပေး စနစ်ဖြင့် ရွေးချယ်တင်မြောက် လိုက်ပြီဟု သိရသည်။ အဆိုပါ အသစ်ရွေးချယ်ခံရသည့် ဗဟိုခေါင်းဆောင် ၅ဦးမှာ ဥက္ကဌ ဗိုလ်ချုပ်ကြီး မူတူစေးဖိုး၊ ဒုဥက္ကဌ နော်စီဖိုးရာစိန်၊ အထွေထွေအတွင်းရေးမှူး ပဒိုစောကွယ်ထူးဝင်း၊ တွဲဖက် အတွင်းရေးမှူး (၁) ပဒိုစောသောသီဘွဲနှင့် တွဲဖက်အတွင်းရေးမှူး (၂) မန်းမန်းမန်းတို့ဖြစ်သည်။ ယနေ့တွင် ကျန်ရှိသေးသည့် ကေအဲန်ယူ၏ ဗဟိုအလုပ်အမှုဆောင် ခေါင်းဆောင်များကို မရွေးချယ်ရသေးသော်လည်း တရားသူကြီးချုပ်ကိုတော့ ပဒိုအားတိုးကို ရွေးချယ်တင်မြောက်လိုက် သည်ဟု သတင်းရရှိသည်။ ယခု ၁၅ကြိမ်မြောက် ကေအဲန်ယူ ကွန်ကရက်တွင် မဲပေးပိုင်ခွင့်ရှိသူ ကိုယ်စားလှယ် ၁၇၀ဦးမှ ကေအဲန်ယူ၏ အမြဲတမ်း ဗဟိုကော်မတီဝင် ၃၁ဦးကို လျှို့ဝှက်မဲပေးစနစ်ဖြင့် ယမန်နေ့က စတင်ရွေးချယ်ခဲ့ခြင်းဖြစ်သည်။ ကရင်ပြည်နယ်၊ လှိုင်းဘွဲမြို့နယ်အတွင်းရှိ လေးဝါးစခန်း၌ နိုဝင်ဘာလ ၂၆ရက်နေ့က စတင်ကျင်း ပသည့် ကေအဲန်ယူ ကွန်ဂရက်သို့ ကေအဲန်ယူ၏ ခရိုင်၊ တပ်မဟာ ရခု၊ ဗဟို(လခသ)နှင့် တပ်(သဝခ)မှ ကိုယ်စား လှယ်များ အပါအဝင် ပြည်တွင်း ပြည်ပရှိ လူထုအခြေပြုအဖွဲ့များမှ ကိုယ်စားလှယ်များ၊ လေ့လာသူများ စုစုပေါင်း ၁၇၅ဦး တက်ရောက်ခဲ့ကြသည်။

http://www.kicnews.org/?p=14841

- ဗိုလ်ချုပ်ကြီး မူတူး ကေအန်ယူ ဥက္ကဌ ဖြစ်လာ click
- KNU ဥက္ကဋ္ဌအဖြစ် မူတူးစေးဖိုးကို ရွေးချယ်တင်မြှောက် click
- ဗိုလ်ချုပ်ကြီး မူတူးစေးဖိုးကို ကေအန်ယူ ဥက္ကဋ္ဌသစ်အဖြစ် ရွေးချယ်တင်မြှောက် click
- KNU ဥက္ကဋ္ဌသစ် ဗိုလ်ချုပ်ကြီး မူတူးဆေးဖိုးအား တင်မြှောက်လိုက် click
http://drlunswe.blogspot.com/search?updated-max=2012-12-22T00:29:00%2B07:00&max-results=12

အပြည့်အစုံသို့... »

မြန်မာပြည်တွင်း လတ်တလော အကြမ်းဖက်မှု များအပေါ် ဆိုး ရိမ်ကြောင်း KNU သဘောထား ထုတ်ပြန်

ဒီဇင်ဘာလ ၄ရက်၊ ၂၀၁၂ခုနှစ် (ကေအိုင်စီ)

မြန်မာပြည်အတွင်း လတ်တလော ဖြစ်ပေါ်နေသော ပြည်သူလူထုအပေါ် အကြမ်းဖက်မှုများနှင့် လူ့အခွင့်အရေး ချိုးဖောက်မှု များကို ဆိုးရိမ်ကြောင်း ကရင်အမျိုးသားအစည်း အရုံး (KNU) က ယနေ့ ဒီဇင်ဘာလ ၄ရက်နေ့တွင် သဘော ထား ကြေညာ ချက်တစ်စောင် ထုတ်ပြန်လိုက် သည်။
အဆိုပါ ကြေညာချက်တွင် စစ်ကိုင်းတိုင်း၊ မုံရွာမြို့နယ်ရှိ လက်ပံတောင်းတောင် ကြေးနီစီမံကိန်း လူထုလှုပ် ရှားမှုကို အစိုးရအာဏာပိုင်များက အကြမ်းဖက် နှိမ်နှင်း ဖြိုခွဲသည့် ဖြစ်ရပ်သည် လုံးဝမဖြစ် သင့်ကြောင်းနှင့် ကချင်ပြည်နယ်အတွင်း မြန်မာစစ်တပ်များ ထိုးစစ်ဆင် မြှင့်တက်လာမှုကြောင့် ထွက်ပြေးတိမ်းရှောင် ခိုလုံသည့် လူထုနေရာများကိုတောင် မီးရှို့ဖျက်ဆီးခြင်း စသည့်အခြေအနေ များကို ကြေညာချက်၌ ထည့်သွင်းထားသည်။
KNU အထွေထွေအတွင်းရေးမှူး (၁) ဗိုလ်မှူး စောလှငွေက ငြိမ်းချမ်းရေး တည်ဆောက်နေစဉ်အတွင်း အကြမ်းဖက် ဖြစ်ပွားမှုကို မလိုလားကြောင်းနှင့် ထိုဖြစ်ရပ်များ ထပ်မံမဖြစ်ပွားလိုသည့်အတွက် သဘောထား ထုတ်ပြန်ရခြင်းဖြစ်သည်ဟု ကေအိုင်စီသတင်းဌာနကို ပြောသည်။
“တကယ့်လူမြင်ကွင်းမှာ သံဃာတော်တွေတောင် ပါဝင်တဲ့ အနေအထားမှာတောင်မှ အပြောင်းအလဲတွေ လုပ်လိုတယ်လို့၊ ဦးတည် လှုပ်ရှားနေပါတယ်လို့ ကတိပေးတဲ့ကြားက ဒီလိုဖြစ်ရပ်မျိုး ဖြစ်လာတာဟာ ပြည်သူ အတွက်ရော၊ အစိုးရအတွက်ရော ကျနော်တို့နဲ့အတူ ငြိမ်းချမ်းရေးတည်ဆောင်နေသူတွေ အတွက် ပါ မေးခွန်းထုတ်စရာတွေ ဖြစ်လာတဲ့ အတွက်ကြောင့် ဒီကိစ္စဟာ အထူးသတိပြုဖို့ လိုတယ်။ ဒါမျိုး ထပ်မဖြစ် ဖို့ အောက်ခြေအထိ ထိန်းဖို့ လိုတယ်ဆိုတာ မီးမောင်းထိုးပြချင်တာပါ”ဟု ၄င်းက ပြော သည်။
KNU ၏ ကြေညာချက်ထဲတွင် မြန်မာအစိုးရ၏ လက်နက်ကိုင်အဖွဲ့အစည်းများနှင့် အပစ်အခတ် ရပ်စဲရေး၊ ငြိမ်းချမ်းရေးလုပ်ငန်းစဉ်များအပေါ် ကြိုးပမ်းဆောင်ရွက်နေသည်ကို KNU မှ ထပ်လောင်း ကြိုဆိုကြောင်း ဖော်ပြထားသည်။
ဗိုလ်မှူး စောလှငွေက “ထပ်လောင်း ကြိုဆိုတယ်ဆိုတာက မှန်ကန်တဲ့လုပ်ရပ်၊ တိုးတက်တဲ့လုပ်ရပ်၊ မွန်မြတ်တဲ့ လုပ်ရပ်တွေဟာ ပိုလုပ်သင့်တဲ့အလုပ် အစကနေအဆုံး အဆက်မပြတ် ရှေ့နောက်ညီညီ ဖြစ်စေချင်တာ ကို နိုးဆော်တဲ့ သဘောဖြစ်ပါတယ်”ဟု ဆက်လက် ပြောဆိုသည်။
ထိုကိစ္စများ ဖြစ်ပွားနေစဉ် နိုဝင်ဘာလ လကုန်းပိုင်းတွင် စတင်ကျင်းပသည့် ၁၅ကြိမ်မြောက် KNU ညီလာခံနှင့် တိုက်ဆိုင်လျက်ရှိရာ ယနေ့အခြေအနေမှာ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ကြိုးပမ်းနေ စဉ်ကာလအတွင် ဤကဲ့သို့သော ဖြစ်ရပ်ဆိုးများကြောင့် ငြိမ်းချမ်းရေး ရှေ့အလားအလာအတွက် ဆိုးရိမ်စ ရာဖြစ်ကြောင်း KNU ညီလာခံ ကိုယ်စားလှယ်များက ဆွေးနွေး သဘောတူကာ ဆုံးဖြတ်ခဲ့ကြသည်။

http://www.kicnews.org/?p=14513

အပြည့်အစုံသို့... »